Post: #1
Title: جهاز الأمن يدعم مستشفى الشعب بمعدات طبية بقيمة (5) مليار جنيه (صور)
Author: عمر عبد الكريم علي
Date: 01-21-2016, 05:02 PM
Parent: #0
04:02 PM Jan, 21 2016 سودانيز اون لاين
عمر عبد الكريم علي-أمدرمان - بيت المال
مكتبتى
رابط مختصر سلّم جهاز الأمن والمخابرات الوطنى دعماً لمستشفى الشعب شمل معدات طبية من بينها جهاز للقلب والرئة الاصطناعية رقمى بتكلفة (5) مليار جنيه وذلك فى اطار مجهودات الجهاز لدعم المستشفيات والمرافق الصحية وتمكين العلاج بالداخل.
وقال اللواء دخرى الزمان عمر مساعد المدير العام للجهاز للتوجية خلال إحتفال التسليم الذى رصدته الـ(smc) ان الدعم ياتى فى اطار تعزيز عملية الأمن الصحى عبر تقديم الخدمات لشرائح المجتمع وتقوية علاقة الجهاز بالمجتمع وترسيخ مفهوم دور المواطن فى العملية الصحية والامنية، معتبراً ان جهاز القلب والرئة الاصطناعية يعد اضافة حقيقية لتسهيل وتطوير عمليات القلب المفتوح بالبلاد.
واكد الواء دخرى الزمان استمرار دعمهم للحقل الصحى لافتاً الى ان الجهاز سبق وان قدم مراجع علمية تم توزيعها على الجامعات منذ ثلاث شهور مضت، وثمن مجهودات مستشفى الشعب التعليمى ودورها المكمل للعملية الامنية عبر تقديم خدمات علاجية مقدرة للمواطنين.
ومن جانبة اوضح الدكتور حسام الدين حسين نائب مدير عام مستشفى الشعب ان جهاز القلب والرئة الاصطناعية الجديد سيعمل على مضاعفة عمليات القلب المفتوح من (200) الى (400) عملية فى السنة، مشيرا إلى ان المستشفى تكون بهذه الخطوة قد إمتلكت مركز اخر جديد لعمليات القلب والصدر بما يمكنها من توسيع نطاق عملها على المستوى الاقليمى سيما وانها دائما ما تستقبل حالات وافدة اليها من دول الجوار.
واضاف إن الجهاز سيسهم فى تسهيل وتسريع عمليات القلب التى كانت تتعطل كثيراً بفضل هذا الجهاز المتطور الحديث الذى لم تمتلك مثله مستشفى الشعب فى السابق مشيدا بدور جهاز الامن ومجهوداته فى الارتقاء بالقطاع الصحى بالبلاد.
|
Post: #2
Title: Re: جهاز الأمن يدعم مستشفى الشعب بمعدات طبية �
Author: عمر عبد الكريم علي
Date: 01-21-2016, 05:02 PM
Parent: #1
|
Post: #3
Title: Re: جهاز الأمن يدعم مستشفى الشعب بمعدات طبية �
Author: عمر عبد الكريم علي
Date: 01-21-2016, 05:04 PM
Parent: #2
|
Post: #4
Title: Re: جهاز الأمن يدعم مستشفى الشعب بمعدات طبية �
Author: عمر عبد الكريم علي
Date: 01-21-2016, 05:05 PM
Parent: #3
|
Post: #5
Title: Re: جهاز الأمن يدعم مستشفى الشعب بمعدات طبية �
Author: Mohamed Yassin Khalifa
Date: 01-21-2016, 05:56 PM
Parent: #4
أليس هذا هو نفس الجهاز الذي أباد وقطع أوصال العباد؟
دي دعاية رخيصة... لعسسة نظام المؤتمر اللاوطني الفاسد...
فلن يصلح العطار المجرم ما أفسدته مليشياته الجنجويدية.
عليهم الله اللعنة أينما حلوا!
|
Post: #6
Title: Re: جهاز الأمن يدعم مستشفى الشعب بمعدات طبية �
Author: سيف النصر محي الدين
Date: 01-21-2016, 08:04 PM
Parent: #5
بالله شوف الخلق دي؟
اعوذ بالله.
جهاز الأمن يعني وفر من ميزانيتو و اشترى الحاجات دي و للا منسوبيه اتبرعوا بمرتباتهم و للا كيف؟
معروف أن الأمن و الشرطة و خلافو هي مراكز تكلفة فقط لا تدر اي دخل من اي نوع .
|
Post: #7
Title: Re: جهاز الأمن يدعم مستشفى الشعب بمعدات طبية �
Author: Abdullah Idrees
Date: 01-21-2016, 09:14 PM
Parent: #6
غايتو البلد دي اي حاجة فيها ماشة بي طريقة ابدا ما مفهومة !
شنو علاقة جهاز الامن بالصحة ، ده شغل وزارة المالية والصحة وخاص بميزانية وزارة الصحة .. معروف ان جهاز الامن يمتلك شركات ضخمة لا يدخلها المراجع العام لو كسر رقبتو ، هذا التبرع لا شك ان وراءه فساد كبير خاص بعملية الشراء ..
بعد شهور الاجهزة دي حتسمعوا بيها وقفت وحيقولو ليك المقاطعة الامريكية الخ الخ ..
تحياتي
|
Post: #9
Title: Re: جهاز الأمن يدعم مستشفى الشعب بمعدات طبية �
Author: عمر عبد الكريم علي
Date: 01-22-2016, 08:40 AM
Parent: #6
سيف النصر محي الدين
صراحه إنت طرقت حته هامه جداً
وكلامك ده منطقي بالنسبه لجميع دول العالم لكن ما بالنسبه للسودان
لأنو جهاز الأمن عندنا ماسك شركات ضخمه جداً في جميع المجالات
مافي مجال جهاز الأمن ماعندو فيو شركه أو شركتين
الإستثمار للأفراد حالياً يقتصر على رقشة ، أمجاد ، كريس
أي مجال تاني تشتغل فيو الحكومه بس
والحكومه مابتحب الشراكه
|
Post: #8
Title: Re: جهاز الأمن يدعم مستشفى الشعب بمعدات طبية �
Author: عمر عبد الكريم علي
Date: 01-22-2016, 07:19 AM
Parent: #5
تحياتي محمد يس خليفة
ده إسمو البفلق ويداوي
|
Post: #10
Title: Re: جهاز الأمن يدعم مستشفى الشعب بمعدات طبية �
Author: Nasr
Date: 01-23-2016, 01:16 AM
Parent: #8
والجهاز جاب القروش من وين؟؟؟؟؟؟
يعني يشيل قروش الشعب عشان يدعم بيها مستشفي الشعب؟؟؟؟؟؟
لو في وفر في الميزانية فرجعوه وزارة المالية
وهي التي تقرر توزيعه علي الجهات المختصة وفقا لإحتياجها
غايتو قوة عين وصناجة ما بعدها
|
Post: #11
Title: Re: جهاز الأمن يدعم مستشفى الشعب بمعدات طبية �
Author: انور تاج السر
Date: 01-23-2016, 12:10 PM
Parent: #10
سلام و تحية لى صاحب البوست و ضيوفه الكرام،
قسماً بالله أنا مافى حاجة حارقة دمى و مقطعة فشفاشى الا انو دولة كاملة طويلة عريضة و أهبل من الهبالة و عضو فى الامم المتحدة ما قادرة توفر شوية معدات طبية تشخيصية و علاجية و أدوية أساسية فى العاصمة حتى ناهيك عن الولايات و من ميزانية وزارة الصحة الزفت. كأنو زول طلب منهم يعملو رحلة فضائية مأهولة لى كوكب بلوتو!! ديل شنو التلايف ديل؟
لو جمعو قيمة تسجيل لاعبين اثنيين للهلال و المريخ الفاشلين دوماً ممكن تأهل عدد من المستشفيات الرئيسية، بقت عليهم حكاية عريان و لابس nothing يا nothing.
أوعى واحد يجى يقول لى العقوبات الأمريكية الله يرضى عليكم.
و الله يا جماعة أنا مرات أقول أرمى طوبة السودان ده نهائى و أقرض على الوضع الأنا فيهو لكن غلبنى.
فالدبارة شنو يا جماعة الخير؟؟!!
|
Post: #12
Title: Re: جهاز الأمن يدعم مستشفى الشعب بمعدات طبية �
Author: باسط المكي
Date: 01-24-2016, 02:58 PM
Parent: #11
يفيض النيل نحيض نحنا
رقاب تمر الجدود تنقص تقع محنة
محن يمشن ويردحن من قناصة وقتلة لملائكة رحمة
|
Post: #13
Title: Re: جهاز الأمن يدعم مستشفى الشعب بمعدات طبية �
Author: عبدالعظيم عثمان
Date: 01-24-2016, 03:02 PM
Parent: #12
دي مصائب شنو دي
جهاز الآمن علاقته شنو بالصحة ؟
وجهاز الآمن جاب القروش دي من ويــن
غايتو دا أغبي إعلان صحفي !!
يعني خلاص نجضتو شغلكم في جمع المعلومات وتحليلها ... وفضيتوا للصحة
دولة ماشة أنفكو ساي
مفروض تكون في مؤسسات مسؤولة من العمل دا
ودا برهان قاطع للشك لحال البلد والفوضي التي تدار بها مؤسسات جهاز الدوله
|
|