Post: #1
Title: تغيير علم السودان ...هل يقود الى تغيير فعلى على أرض الواقع ؟ ...!!!
Author: ملهم كردفان
Date: 01-21-2016, 02:41 PM
01:41 PM Jan, 21 2016 سودانيز اون لاين
ملهم كردفان-الإسكندريه
مكتبتى
رابط مختصر
بادى ذى بدء ...
أرجو ان نفعل قيم الديمقراطيه فى كل شىء من الآن فصاعداً
ودعونا ندعوا كل المصممين ان يأتونا بإبداعاتهم لهذا العلم المقترح
ومن ثم تجتمع لجنه قوميه حره ووطنيه حقا ثم تصوت لكل التصايم والمقترحه
من يأخذ اكثر الأصوات من هذه التصاميم
يكون علمنا القادم ...
وقد اجتهد احدهم واخرج لنا علما بمثلث أحمر
لكن
الحكايه مارسم عشوائى ثم فرض هذا الرسم على الشعب السودانى
احترامى
|
Post: #2
Title: Re: تغيير علم السودان ...هل يقود الى تغيير فعلى
Author: سيف الدين بابكر
Date: 01-21-2016, 04:57 PM
Parent: #1
سلام لاستاذ / كردفاني
بما أن مشروع توحيد السودان مرة أخرى سينجح ونجاحه حتمي وتحت رعاية دولية ....إذن نقترح هذا العلم تعبيراً عن السودان المحتمل بعد الوحدة:
|
Post: #3
Title: Re: تغيير علم السودان ...هل يقود الى تغيير فعلى
Author: فرح الطاهر ابو روضة
Date: 01-21-2016, 09:13 PM
Parent: #2
ملهم كردفان
السودان القادم بكل تاكيد سيغيير السودان بكلياته ويخرج الدولة من العبث وغبن التواريخ الي سودان المصالحة الوطنية التي تستاصل كل معيق وكل من تسبب في دمار هذا الوطن
وبكل تاكيد علم السودان وسلامه الوطني وقوانينه كلها خاضعة الي ارادة التغيير وبما يحمل ملامح انسان السودان دون ادنى تمييز
وياهو سيف الدين ما قصر جدع لينا علم لا يمثل السودان المستاصل بل يضم جنوبنا الحبيب يعني سودان ما بعد الوحدة
ونشوف باقي المقترحات
ولكما تحيية
|
Post: #4
Title: Re: تغيير علم السودان ...هل يقود الى تغيير فعلى
Author: Abdullah Idrees
Date: 01-21-2016, 10:11 PM
Parent: #3
يا ملهم موضوع العلم ده ما تدوهو اكبر من حجمو ، موضوع رمزي لا يقدم ولا يؤخر ، ايا كان شكله او لونه
تحياتي
|
Post: #5
Title: Re: تغيير علم السودان ...هل يقود الى تغيير فعلى
Author: عبدالعزيز الفاضلابى
Date: 01-22-2016, 00:02 AM
Parent: #4
سلام يامُلهِم يامُلْهَم
الاقتراح جيد وارى ان تسبقه
عملية ثقافة حب واحترام العلم ومايعنيه
نرى الشعوب فى المناسبات العالمية
مثل كأس العالم مثلاً يحملون اعلام بلدانهم
ويلوحون بها حباَ وافتخاراً وانتماأً وتراهم فرحون
بها كما تفرح الأم وهى ترفع وليدها بيديها وترفع
رأسها نحوه وكأنه الأمل المرتجى والشجرة التى ترجو
ان تكبر لتتفيأ الام ظلَّها.
|
Post: #6
Title: Re: تغيير علم السودان ...هل يقود الى تغيير فعلى
Author: ملهم كردفان
Date: 01-22-2016, 03:05 PM
Parent: #5
Quote: سلام لاستاذ / كردفاني
بما أن مشروع توحيد السودان مرة أخرى سينجح ونجاحه حتمي وتحت رعاية دولية ....
إذن نقترح هذا العلم تعبيراً عن السودان المحتمل بعد الوحدة: |
اهلا وسهلا سيف الدين مرحب بيك...
اقتراحك مقبول بلاشك فى حالة تصميم عدة اعلام ومن ثم طرحها مع الثلاثة اعلام الحاليه
العلم القديم
وعلم فتره نميرى البشير
وعلم جنوب السودان الحبيب
....
وادعوا المصممين ان بدعوا لنا فى تصميم نماذج اعلام مختلفه وجديده
وأعتقد ان افضلها سيتم اختياره بواسطه استفتاء عام ...
والوحده قادمه اذ لامفر لنا من قدرنا المحتوم فاليد الواحده لاتصفق
احترامى
|
Post: #7
Title: Re:
Author: adil amin
Date: 01-22-2016, 03:20 PM
Parent: #6
| Quote: تغيير علم السودان ...هل يقود الى تغيير فعلى |
العلم يعبر عن الهوية ومهم جدا جدا
العلم الحالي مسيء جدا للسودان وفرض على الناس فرضى في انقلاب مايو
والعلم +رؤية السودان الجديد= جمهورية السودان الحقيقية التي استقلت في 1956
واقترح
علم الاستقلال + اسد ابادماك شعار الدولة السودانية القديمة
وبالرنامج منشور مليون مرة في البورد مكون من 8 نقاط ترتكز على اتفاقية نيفاشا ودستور 2005 فقط
|
Post: #8
Title: Re: تغيير علم السودان ...هل يقود الى تغيير فعلى
Author: ملهم كردفان
Date: 01-22-2016, 03:31 PM
Parent: #7
الاخ عادل أمين مش من حقك تمسح العنوان او تغيره ياحبيب
...
وجهة نظرك بتليق بيك بلاشك لكن من جانب آخر
يمكن تلقى معارضه من الآخرين
وانا شخصيا قلت الامر متروك لقيم انت من الناس البيدعوا ليها
اسد باد ماك ده ماكتير من السودانيين بيعرفوه
ونحنا اولاد النهار ده عايزين نأسس حاضر كويس
ونبنى مستقبل مافيهو فرض قيم دكتاتوريه حتى فى اختيار العلم الرمز
ولا إعتراض من ان نستفيد من اشياء الماضى الجميله
...
ولا غضاضه من ان يكون اقتراحك محل تقدير من مجموعه كبيره من المعجبين به
|
Post: #14
Title: Re: تغيير علم السودان ...هل يقود الى تغيير فعلى
Author: adil amin
Date: 01-23-2016, 12:33 PM
Parent: #8
| Quote: الاخ عادل أمين مش من حقك تمسح العنوان او تغيره ياحبيب |
انا قصيت العنوان على ما يبدو ما نسختو عشان كده ما ظهر العنوان في مداخلتي-عايز تدور بيه دنان مش كده ...
الحوار مع شخص مازوم ومسبق العداء عمل مؤلم....دخلت بسبب العنوان ..نحن نتعامل مع العناوين المطروحة وليس الاشخاص
شوف انا لا حترام
شيوعيين او قوميين اواخوان مسلمين في البورد ده او في السودان....رائي فيهم واضح وقائم على وثائق حقائق هم اجبن من مواجهتا...وانا لا اسبهم بل اصفهم فقط ..
علم القوميين العرب فرض على الشعب السوداني كله من 1969 انقلاب المخابرات المصرية في السودان..واستمر هذا العلم البغيض بصورة مستمرة حتىيومنا هذا يعني ما فارق كمان مع الكيزان بتاعين الانقاذ 1989....والعلم ده ماتو بي سببو وبي سبب تدخل مصر والعرب في السودان عبر الانظمة المخذولة اعلام في الفكر والاخلاق والملاييين غير العرب في السودان "حروب الابادة " والمركز لا زال بي حثالته السياسية مستمر في نفس النهج وحكمة ربك نفس الناس
انا اكتاب الحقائق وبالثوائق وتاني زول برقص وويغطي دقنو في البورد اوفي السودان مافي
ولا عندي شلة ولا عندي هتيفة ولا عندي قطيع ...وموضوع العلم ده اثرناه قبلك مليون مرة...هنا بابعاده الحضارية والفكرية والثقافية والسياسية والاجتماعية والنفسية
والتاريخ والارشيف بعدين الحكم بين اهل سودانيز اون لاين ...
امشي اسال بابكر عوض الله قول ليه
مشكلتك كانت مع العلم ولى مع الرئيس الازهري؟ وليه خليتو يموت اهمالا؟
وراجع المقابلة معاه في برنامج في الواجهة مع احمد البلال الطيب
|
Post: #12
Title: Re: تغيير علم السودان ...هل يقود الى تغيير فعلى
Author: سيف الدين بابكر
Date: 01-22-2016, 04:14 PM
Parent: #6
مرحباً استاذ/ ملهم
أشكرك على الفرصة للتعبير عن الرأي في هذا الموضوع المهم للغاية، رغم أن هناك من يقلل من شأنه.
بلا أشك أنا من المنحازين - وليس الأعضاء - إلى صف الحركة الشعبية (شمال + جنوب)، وبالتالي أطمح أن يصبح علم السودان (ما بعد الـ.......) علماً يعبر عن الهوية والتوجه.
اليوم نهتف: حرية - سلام وعدالة - والثورة خيار الشعب
وغداً نهتف: حرية سلام وعدالة - والوحدة خيار الشعب
شكراً أستاذنا.
|
Post: #9
Title: Re: تغيير علم السودان ...هل يقود الى تغيير فعلى
Author: ملهم كردفان
Date: 01-22-2016, 03:34 PM
Parent: #5
Quote: سلام يامُلهِم يامُلْهَم
الاقتراح جيد وارى ان تسبقه
عملية ثقافة حب واحترام العلم ومايعنيه
نرى الشعوب فى المناسبات العالمية
مثل كأس العالم مثلاً يحملون اعلام بلدانهم
ويلوحون بها حباَ وافتخاراً وانتماأً وتراهم فرحون
بها كما تفرح الأم وهى ترفع وليدها بيديها وترفع
رأسها نحوه وكأنه الأمل المرتجى والشجرة التى ترجو
ان تكبر لتتفيأ الام ظلَّها. |
Quote: سلام يامُلهِم يامُلْهَم
الاقتراح جيد وارى ان تسبقه
عملية ثقافة حب واحترام العلم ومايعنيه
نرى الشعوب فى المناسبات العالمية
مثل كأس العالم مثلاً يحملون اعلام بلدانهم
ويلوحون بها حباَ وافتخاراً وانتماأً وتراهم فرحون
بها كما تفرح الأم وهى ترفع وليدها بيديها وترفع
رأسها نحوه وكأنه الأمل المرتجى والشجرة التى ترجو
ان تكبر لتتفيأ الام ظلَّها. |
نعم القول والفهم والراى يا عبد العزيز الفاضلابي
ويامرحب بيك وبى فهمك العالى وطلتك المطيبه
احترامى
|
Post: #11
Title: Re: تغيير علم السودان ...هل يقود الى تغيير فعلى
Author: ملهم كردفان
Date: 01-22-2016, 03:42 PM
Parent: #4
الحبيب عبد الله
تصدق اكتر شعب متوتر بسبب هذا الرمز هو الشعب السودانى ورينى شعب فى الدنيا دى
عندو مشكله حتى فى رمز الدوله ياحبيب
وفى حال انو الناس تتفق على علم واحد ويبطلوا كل مره يجبيوا لينا علم قديم او حالى او مصمم ننهى الحكايه دى
بطرح اعلام متعدده يتم التصويت لأفضلها وعندها يمكن بعد كده بيدأ الشعب السودانى ده
فى تعلم قيم التوافق والتعايش والتلاحم الوطنى الحقيقى والمحترم
Quote: يا ملهم موضوع العلم ده ما تدوهو اكبر من حجمو ،
موضوع رمزي لا يقدم ولا يؤخر ، ايا كان شكله او لونه
تحياتي |
|
Post: #10
Title: Re: تغيير علم السودان ...هل يقود الى تغيير فعلى
Author: ملهم كردفان
Date: 01-22-2016, 03:36 PM
Parent: #3
Quote: ملهم كردفان
السودان القادم بكل تاكيد سيغيير السودان بكلياته ويخرج الدولة من العبث وغبن التواريخ
الي سودان المصالحة الوطنية التي تستاصل كل معيق وكل من تسبب في دمار هذا الوطن
وبكل تاكيد علم السودان وسلامه الوطني وقوانينه كلها خاضعة الي ارادة التغيير
وبما يحمل ملامح انسان السودان دون ادنى تمييز
وياهو سيف الدين ما قصر جدع لينا علم لا يمثل السودان المستاصل
بل يضم جنوبنا الحبيب يعني سودان ما بعد الوحدة
ونشوف باقي المقترحات
ولكما تحيية |
لافض فوك يا فرح ..كلام يتكتب بماء الذهب ويعلق فى جدران القصر الجمهورى الجديد كمان
|
Post: #13
Title: Re: تغيير علم السودان ...هل يقود الى تغيير فعلى
Author: ملهم كردفان
Date: 01-23-2016, 06:55 AM
Parent: #10
Quote: مرحباً استاذ/ ملهم
أشكرك على الفرصة للتعبير عن الرأي في هذا الموضوع المهم للغاية، رغم أن هناك من يقلل من شأنه.
بلا أشك أنا من المنحازين - وليس الأعضاء - إلى صف الحركة الشعبية (شمال + جنوب)،
وبالتالي أطمح أن يصبح علم السودان (ما بعد الـ.......) علماً يعبر عن الهوية والتوجه.
اليوم نهتف: حرية - سلام وعدالة - والثورة خيار الشعب
وغداً نهتف: حرية سلام وعدالة - والوحدة خيار الشعب
شكراً أستاذنا. |
دعهم يقللون من شأن الاشياء الصغيره لأنهم حتما قللوا من شأن الاشياء الكبيره فضاع الوطن
ياسيف
ونحن يجب علينا ان تمطىء خيول نهجنا الوطنى ببراعه حتى لانق فاوحال غيرنا
لعل فيما نقدم معا اثراء للفكر الوطنى
وتحضير للاجيال القادمه لكى يصطفوا جميعا فى خندق الوطنيه الحقة والبناءه
احترامى
|
Post: #15
Title: Re: تغيير علم السودان ...هل يقود الى تغيير فعلى
Author: ملهم كردفان
Date: 01-24-2016, 04:59 AM
Parent: #13
ده واحد من الاعلام الحايمه فى الفيس بوك
|
Post: #16
Title: Re: تغيير علم السودان ...هل يقود الى تغيير فعلى
Author: خالد حامد الجزولي
Date: 01-24-2016, 11:52 AM
Parent: #15
أخونا عادل أمين
علم الاستقلال القديم
على ما اظن اتخذته
دولة الجابون الافريقية
رمزاً لها.
|
Post: #18
Title: Re: تغيير علم السودان ...هل يقود الى تغيير فعلى
Author: adil amin
Date: 01-24-2016, 12:56 PM
Parent: #16
Quote:
أخونا عادل أمين
علم الاستقلال القديم
على ما اظن اتخذته
دولة الجابون الافريقية
رمزاً لها. |
الاخ الجزولي
العلم الهسة ده مقلبن مع الامارات والكويت وفلسطين برضو ما جيب حقو ويرمز لحقة كريهة وايدولجيات اكثر قبحا القوميين العرب والشيوعيين-نسخة مصر
علم الجابون الالوان معكوسة يعني الاخضر فوق والازرق تحت كما هم موضح تحت
وقلنا نضيف اسد ابادماك في اللون الاصفر ويكون علم كوش الجديدة القادمة
|
Post: #17
Title: Re: تغيير علم السودان ...هل يقود الى تغيير فعلى
Author: محمد مجيدو
Date: 01-24-2016, 12:19 PM
Parent: #1
يا ملهم يا فنان .. سلام من الاعماق ...
مشكلة السودان اكبر من تغيير علم .. ولا نشيد ..
حقو في الاول نحل مشاكل السودان الاجتماعية والاقتصادية والسياسيه ..
وبعدين نفكر في العلم والنشيد وصقر الجديان ..
لك وافر التحية والتقدير ..
|
Post: #19
Title: Re: تغيير علم السودان ...هل يقود الى تغيير فعلى
Author: ملهم كردفان
Date: 01-24-2016, 10:26 PM
Parent: #17
Quote: انا قصيت العنوان على ما يبدو ما نسختو عشان كده ما ظهر العنوان في مداخلتي-عايز تدور بيه دنان مش كده ...
الحوار مع شخص مازوم ومسبق العداء عمل مؤلم....دخلت بسبب العنوان ..نحن نتعامل مع العناوين المطروحة وليس الاشخاص
|
تصدق انا مابحب شخصنة الحوار ولا الاسلوب الدكتاتورى ولا قلة الذوق ....عشان كده
قلت ليك فى نهاية اعتراضى على قص العنوان كلمة ياحبيبنا ....وانت بتقول دنان ..دنان شنو ياخ ريلاكس يامان ريلاكس
...
وخلى بالك انا مابينى بينك اى عداوه لامسبقه لاحاليه لاقادمه كلامى واضح
واعتراضى واضح مابيحتمل اى تكهنات مامنطقيه
ومادمت بتتعامل مع العناوين المطروحه يبقى انا من جانبى حريص على عنوانى المطروح ....
وبما انو انت ماوضحت كلامك الا بعد انتقادى ليك ..فده ببين انك انت المأزوم والمنزعج من طرح الموضوع
كأنما هو حكر لك ...شى غريب والله
................
Quote: شوف انا لا حترام
شيوعيين او قوميين اواخوان مسلمين في البورد ده او في السودان....
رائي فيهم واضح وقائم على وثائق حقائق هم اجبن من مواجهتا...وانا لا اسبهم بل اصفهم فقط ..
علم القوميين العرب فرض على الشعب السوداني كله من 1969 انقلاب المخابرات المصرية في السودان..
واستمر هذا العلم البغيض بصورة مستمرة حتىيومنا هذا يعني ما فارق كمان مع الكيزان بتاعين الانقاذ 1989....
والعلم ده ماتو بي سببو وبي سبب تدخل مصر والعرب في السودان عبر الانظمة المخذولة اعلام في الفكر
والاخلاق والملاييين غير العرب في السودان "حروب الابادة "
والمركز لا زال بي حثالته السياسية مستمر في نفس النهج وحكمة ربك نفس الناس
|
كل الكلام القلتو لى فوق ده تحصيل حاصل ماجبت حاجه جديده من بره الكره الأرضيه ...
البوست مقصده تصميم علم جديد بموافقه ومباركة الشعب السودانى ....
وده مطلب ديموقراطى مستحق
Quote: انا اكتاب الحقائق وبالثوائق وتاني زول برقص وويغطي دقنو في البورد اوفي السودان مافي
ولا عندي شلة ولا عندي هتيفة ولا عندي قطيع ...
|
انا طرحت طرح واضح لاداير وثائق لاداير استعراض عضلات فكريه
البوست بيتكلم بوضوح ومغزاه مافيهو اى كنايه او كلام مغطغط
فا تكتب بالوثائق او تتكلم عن الدقون ده كلام بتاع زول منفعل فى الفاضى ساى والله
ريلاكس يامان ريلاكس
Quote:
وموضوع العلم ده اثرناه قبلك مليون مرة...هنا بابعاده الحضارية والفكرية
والثقافية والسياسية والاجتماعية والنفسية
والتاريخ والارشيف بعدين الحكم بين اهل سودانيز اون لاين ...
|
طرحته مليون مره ماجاب حقو ...طيب مالك مستكتر على اطرحو مره واحده بس
ماسألت نفسك انو انت بى كلامك ده بتسلك سلوك اقصائى دكتاتورى
زيك وزى اى انسان فاقد للمنطق والحكمه
شى غريب انت والله
ادينا فرصه معاك ..نطرح حاجاتنا
يمكن يكون فى حبة بركه فى طرحنا مادام
طرحك مليون مره
طلع فشوش
Quote: امشي اسال بابكر عوض الله قول ليه
مشكلتك كانت مع العلم ولى مع الرئيس الازهري؟ وليه خليتو يموت اهمالا؟
وراجع المقابلة معاه في برنامج في الواجهة مع احمد البلال الطيب |
مشكلتك مشكله ...انا امشى لى فلان وعلان ليه
انا هنا بطرح وجهة نظرى كمواطن سودانى وبفكر فى المستقبل
الماضى ولى وراح ياسيد ....
الماضى بالنسبه لى دروس مستفاده وعبر بس
....
انت زول مكانتك مقدره لدى البعض فماتجر نفسك لى مناطق توتر لاداعى لها
كون قيادى كما عهدناك
ديموقراطى حكيم
ولازم تعرف انو المواضيع بلا أشخاص مستحيل تطلع للوجود
المواضيع المطروحه عصارة فكر الاشخاص ...والاشخاص هم الوطن وطن بلا اشخاص
ارض خربه لامعنى لها ....
تحليه
اذا لم تتعلم اتعامل مع الأشخاص قبل العناوين ستخسر كثرا
|
Post: #20
Title: Re: تغيير علم السودان ...هل يقود الى تغيير فعلى
Author: ملهم كردفان
Date: 01-25-2016, 05:31 PM
Parent: #19
الألوان الموجوده فى الاعلام السودانيه الموجوده على الساحه
هى
الاسود
الأحمر
الابيض
الاخضر
الازرق
الاصفر
...
دلالات الالوان القديمه بتاعت لونك الاصفر مش عارف ايه ولونك الخضر مش عارف أيه
ده كلام انتهى .مسأله ومفيها رمز ل وله دون تحوير للألوان فباليتة الالوان واسعة جدا وتحتوى ملايين الالوان
...
المهم علم جديد مبدئيا يتفق عليه ويحظى برضى الاغلبيه
وهنا ياتى دور المصممين ..لربما تم تخليد اسم احدهم كما تم تخليد اسم السريره فى علم الاستقلال
ولابد من التطور والتغيير الى حقبه جديده ملؤها التراضى الوطنى والتعايش السلمى
حتى لانجد نزاع سياسى حاد بسبب ارتباط عاطفى متنافر ...اكتر من الارتباط الوطنى الحقيقى والبناء
بسبب عدد من الاعلام
احترامى
|
Post: #21
Title: Re: تغيير علم السودان ...هل يقود الى تغيير فعلى
Author: ملهم كردفان
Date: 01-25-2016, 06:04 PM
Parent: #20
التشكيليين والمبدعين العاديين من أبناء وبنات الشعب السودانى يمكنهم ان يخرجوا علينا
بعلم غاية فى الروعة والجمال و
من افضل عشره اعلام فى العالم ...وهذه هى الألوان التى تتواجد على الأعلام الحاليه
عايزين علم واحد مبهر ومختلف ولامثيل له
|
Post: #22
Title: Re: تغيير علم السودان ...هل يقود الى تغيير فعلى
Author: ملهم كردفان
Date: 01-26-2016, 04:02 AM
Parent: #21
من الاشياء الملفته للنظر فى تصميم هذا العلم نجمة داؤد
صفراء فاقع لونها تلفت نظر الناظرين زوقد يؤدى تواجد هذه النجمه فى تصميم
العلم الجديد اذاماصمم الى رفضه
|
Post: #23
Title: Re: تغيير علم السودان ...هل يقود الى تغيير فعلى
Author: ملهم كردفان
Date: 01-26-2016, 04:07 AM
Parent: #22
اهلا وسهلا مجيدو
قال صديقى المحبب مجيدو
Quote: يا ملهم يا فنان .. سلام من الاعماق ...
مشكلة السودان اكبر من تغيير علم .. ولا نشيد ..
حقو في الاول نحل مشاكل السودان الاجتماعية والاقتصادية والسياسيه ..
وبعدين نفكر في العلم والنشيد وصقر الجديان ..
لك وافر التحية والتقدير .. |
نعم مشكلة السودان اكبر من علم ونشيد ومشاكل السودان الاجتماعيه
والاقتصاديه والسياسيه الكبيره دى ماحتت حل الا لمن نعرف نحل المشاكل الصغيره
زى تصميم العلم وهلم جرا
منور ياحبيب
تحليه
عالم بطاااااااااله
|
Post: #24
Title: Re: تغيير علم السودان ...هل يقود الى تغيير فعلى
Author: عمر دهب
Date: 01-26-2016, 04:51 AM
Parent: #23
حبيبنا ملهم
ياريت ياملهم نشوف اليوم داك لمن ننتزع حريتنا
ونجلس كلنا نختار الوانا ندوزن بها محبتنا لهذا الوطن
ولغاية ماياتى هذا اليوم لاباس ان نتفاءل ونستعد
لعلم يليق بوطن حدادى مدادى
عنوانا للولاء والمحبه
|
Post: #25
Title: Re: تغيير علم السودان ...هل يقود الى تغيير فعلى
Author: ملهم كردفان
Date: 01-26-2016, 08:04 AM
Parent: #24
صاحب السمو والرفعه حبيب الوطن وصديقى المحترم جدا جدا
عمر دهب
Quote: حبيبنا ملهم
ياريت ياملهم نشوف اليوم داك لمن ننتزع حريتنا
ونجلس كلنا نختار الوانا ندوزن بها محبتنا لهذا الوطن
ولغاية ماياتى هذا اليوم لاباس ان نتفاءل ونستعد
لعلم يليق بوطن حدادى مدادى
عنوانا للولاء والمحبه |
بتين ياوطن ترجع تعود لى حضننا
تمسح دموع الامهات
تشفى الجراح الموجعات
وترجع الفات فى حزن
من غربه ممزوجه بشتات
بتين ياوطن ...بتين ياوطن
يارب ياعمر يااااخ
|
Post: #26
Title: Re: تغيير علم السودان ...هل يقود الى تغيير فعلى
Author: فرح الطاهر ابو روضة
Date: 01-27-2016, 10:27 AM
Parent: #25
فوق
|
Post: #27
Title: Re: تغيير علم السودان ...هل يقود الى تغيير فعلى
Author: ملهم كردفان
Date: 01-27-2016, 11:51 PM
Parent: #26
مرحبا يافرح الطاهر ..... ألف اهلا وسهلا
مافكرت تاخد الألوان الفوق دى وتجرب تصمم حاجه فى الفوتو شوب
جرب يمكن تجيب علم لامثيل له
احترامى وشكرى على الدعم المقدر
|
|