Post: #1
Title: الجنينة تنزف وتنتحب والبشير وأحمد هارون يرقصان في الأبيض بلا استحياء !!!
Author: ست البنات
Date: 01-14-2016, 04:37 PM
03:37 PM Jan, 14 2016 سودانيز اون لاين
ست البنات-
مكتبتى
رابط مختصر
حكمة الله البشير بقى شويعر :الكردافة الناس القيافة !!!ابتدر كلمته ببيت الشهر دا ( قدر قدرتو يا جماعة )!ما بركة الما اتذكر الهوت دوق!!طوابير وجمباز وجهد كبير بذلته طالبات المدارس في الأبيض تحية للبشير !ولكن: يا ترى هل التلميذات ديل بطونهن فارغة أم شبعانات ؟؟حكت لي احدي مدرسات المرحلة الابتدائية باحدى مدن البلاد بانها كانت تتجاذب الحديث مع الطالبات وتسالهن بماذا تغدوا وتعشوا أمس ؟؟فكانت الاجابة اتغدينا ببليلة عيش ! لكن ما اتعشينا !!!فهل تلميذات الأبيض ديل يا ربي لقن بليلة العيش دي عشان يضيعن الطاقة دي ارضاءا لساكن كافوري والقصر !!أما أحمد هارون فمن شدة ( الجعير ) انا افتكرتو بيبكي !!نسى كلماتو الحافظها ليهو التأريخ الأسود ( أكسح واخواتها ) !!عالم انتزع الله الحياء منهم !!!حسبي الله .ست البنات.
|
Post: #2
Title: Re: الجنينة تنزف وتنتحب والأبيض ترقص مع البشي
Author: nour tawir
Date: 01-14-2016, 06:23 PM
Parent: #1
ستهم...
الابيض من مدن السودان العريقة..
ولها اثر واضح فى الحياة الاقتصادية والسياسية فى السودان..
وهى عبارة عن سودان مصغر لما تحويه من كل فئات السودان..
ولكنها تلوثت فى زمن الكوزستان بأن فرضت عليها الحكومة شخص مثل احمد هارون..
مثلما فرضته على جبال النوبة من قبل لينفذ ىسياسة التطهير العرقى..
وكلامه المشهور (اكتله ,أمسحه, ما تجيبه حى)..
قيل فى مدينة كادقلى.,..
الابيض يا ستهم من أكبر مدن السودان التى تضررت بالحرب الآهلية ..
فى كل الغرب..
فالفارين من جبال النوبة وهم مئات الاف..
يتخذون الابيض معبرا..
وكثير منهم يستقر فيها..
كذلك الفارين من النيل الآزرق..
ومن دارفور..
يتم كل هذا وفى الابيض مشكلة اذليه وهى مشكلة العطش..
ومن مشاكلها التى برزت مع الحرب ايضا..
هى التعليم..
فقد روت لى احدى مدرسات المرحلة المتوسطة..
أن الفصل يستوعب مائة وخمسين طفلا !
وتحدثت بمرارة عن الفاقد التربوى..
و عنف الاطفال..
فالذين خرجوا لاستقبال البشير..
قد (أخرجوا)..
بعد أن جهزوا لهم البصات..
والويل ثم الويل لمن يتخلف..
و هذا هو الموضوع ببساطة...
|
Post: #3
Title: Re: الجنينة تنزف وتنتحب والأبيض ترقص مع البشي
Author: ست البنات
Date: 01-14-2016, 07:22 PM
Parent: #2
لا أدري كم كلف مهرجان مدينة الأبيض الذي تم تجهيزه لاستقبال وارضاء السفاح البشير !وكم استغرق تدريب هؤلاء التلميذات المسكينات اللائي تم استغلالهن وصرفهن عن الدراسة لمدة شهور في أمر لا ناقة لهن فيه ولا بعير !وهل يدرين بان من قدمن العروض له هو نفسه السفاح الذي قتل أهلهن في دارفور سابقا وفي الجنينة هذا الأسبوع ؟وهل يدرين بان تكلفة ذلك المهرجان كانت خصما على تكاليف ماء شرب أهلهن ومأكلهم وكتب دراستهم وكراريسهم وحتى الأقلام ؟؟لك الله يا شعب تولى امرك ابليس وقبيله !!ست البنات.
|
Post: #4
Title: Re: الجنينة تنزف وتنتحب والأبيض ترقص مع البشي
Author: elhilayla
Date: 01-14-2016, 08:22 PM
Parent: #3
Quote:
لا أدري كم كلف مهرجان مدينة الأبيض الذي تم تجهيزه لاستقبال وارضاء السفاح البشير ! |
ست البنات والأستاذة نور
سؤالك علمو عند الله لكن المهم وما يعرفه كل شخص دا مخصوم من أهل السودان
علي اليمين إقلعوا من ود عين المواطن
ولا كتر خيرو ولا بارك الله فيو
شكراً على السؤال الذي يوقظ الشعور
بالمناسبة أين أهلي ناس الأبيض؟
_____
الحليلة
|
Post: #5
Title: Re: الجنينة تنزف وتنتحب والأبيض ترقص مع البشي
Author: ست البنات
Date: 01-14-2016, 09:54 PM
Parent: #4
أخي الحليلة ,
وأختي نور تاور ,
البشير والمسخ المعاهو احمد هارون يستجديان تلميذات مدارس الأبيض كي يشكلن لهما ساترا من لاهاي !!
ست البنات.
|
Post: #6
Title: Re: الجنينة تنزف وتنتحب والأبيض ترقص مع البشي
Author: nour tawir
Date: 01-14-2016, 10:56 PM
Parent: #5
علي اليمين إقلعوا من ود عين المواطن
ولا كتر خيرو ولا بارك الله فيو
شكراً على السؤال الذي يوقظ الشعور
...
أها يا ستهم..
الحليلة حبيب الكل..
جاب ليك المختصر المفيد..
|
Post: #7
Title: Re: الجنينة تنزف وتنتحب والأبيض ترقص مع البشي
Author: ست البنات
Date: 01-14-2016, 11:07 PM
Parent: #6
يا نور ,
لكن الكيزان ما سزز لينا وجع القلب عدييل !!!
ليهم يوم عصيب !!
مش كان كنكشوا في الكراسي , كان عضوها باسنانهم !!
ست البنات.
|
|