Post: #1
Title: اجراءات حاسمة تتخذها قنصلية السودان بمدينة جدة !!
Author: ست البنات
Date: 01-14-2016, 03:19 PM
02:19 PM Jan, 14 2016 سودانيز اون لاين
ست البنات-
مكتبتى
رابط مختصرقام القنصل السوداني بقنصلية السودان بجدة بمحاسبة و بترحيل الذين كانوا يتاجرون في استمارات الرقم الوطني بالقنصلية .وكانت مجموعة من سودانيين ( يرجح أنهم من العاملين بالقنصلية) قد درجوا على بيع الاستمارات بمبلغ 500 ريال للاستمارة الواحدة لطالبي الرقم الوطني .وكانت سيدة قد تقدمت بشكوى للقنصل عقب شرائها استمارتين من شخص أمام القنصلية بمبلغ ألف ريال للاستمارتين . وقد استغل من يبيعون الاستمارات وجود المتقدمين للرقم الوطني بأعداد كبيرة خارج مبنى القنصلية في صورة مهينة كرعايا لدولة لا تحترم رعيتها وتركهم في الطرقات يقاسون مرارة الانتظار في جو المملكة ولهيب شمسها اللافح .دون تقدير لظروفهم عاملين , معاقين ونساء أتى بعضهم من مناطق بيعدة متكبدين بجانب مشاق السفر وأعباء قيمة الرحلة ومساءلة مخدميهم عند التأخير عن الدوام وربما الفصل عن العمل !وهنا يتحتم السؤال الآتي: هل يمكن لشخص سوداني لا يعمل بالقنصلية الحصول على استمارات الرقم الوطني وبيعها للمتقدمين ؟وهل تم افتعال ازدحام السودانيين وتطويل فترات الانتظار لاجبار الناس على شراء الاستمارات والتي هي في الأساس تقدم مجانا ؟؟هل نتعشم في أن تحترم سفاراتنا وقنصلياتنا خارج البلاد وظيفتها في تيسير أمور السودانيين بالخارج وان تعي دورها في تجميل صورة الوطن للعالم الخارجي والذي يبدأ باحترام الغبش ؟!فلا يتعدي موظف او ضابط أمن على طالبي الخدمات كما حدث لأحد السودانيين في سفارة السودان في السعودية السابق وتناقلتها وسائط التواصل المختلفة مما عكس صورة مخجلة للدبلوماسية السودانية !!ست البنات.
|
Post: #2
Title: Re: اجراءات حاسمة تتخذها قنصلية السودان بمدي�
Author: فرح الطاهر ابو روضة
Date: 01-14-2016, 03:25 PM
Parent: #1
Quote: وهنا يتحتم السؤال الآتي:
هل يمكن لشخص سوداني لا يعمل بالقنصلية الحصول على استمارات الرقم الوطني وبيعها للمتقدمين ؟
وهل تم افتعال ازدحام السودانيين وتطويل فترات الانتظار لاجبار الناس على شراء الاستمارات والتي هي في الأساس تقدم مجانا ؟؟
هل نتعشم في أن تحترم سفاراتنا وقنصلياتنا خارج البلاد وظيفتها في تيسير أمور السودانيين بالخارج وان تعي دورها في تجميل صورة الوطن للعالم الخارجي والذي يبدأ باحترام الغبش ؟!
فلا يتعدي موظف او ضابط أمن على طالبي الخدمات كما حدث لأحد السودانيين في سفارة السودان في السعودية السابق وتناقلتها وسائط التواصل المختلفة مما عكس صورة مخجلة للدبلوماسية السودانية !!
ست البنات.
|
دي ما طلعت سفارة مافيا عدييييييييييييييييييييل
|
Post: #3
Title: Re: اجراءات حاسمة تتخذها قنصلية السودان بمدي�
Author: مني عمسيب
Date: 01-14-2016, 03:28 PM
Parent: #1
ست البنات لعلك طيبة يا حبيبة ,,
اسمعيني جاي يا خيتي ,,,
| Quote: هل يمكن لشخص سوداني لا يعمل بالقنصلية الحصول على استمارات الرقم الوطني وبيعها للمتقدمين ؟ |
سؤالك ساااااااهل كدي لشنو ؟
|
Post: #4
Title: Re: اجراءات حاسمة تتخذها قنصلية السودان بمدي�
Author: ست البنات
Date: 01-14-2016, 03:36 PM
Parent: #3
الحبيبة مني ,حميد الله يرحمة قال( دا اول حاكم زاتو يجينا ) دحين دي اول مرة نسمع بمحاسبة !عشان كدا قلنا نسهل ونيسر ليهم السؤال !ويين اراضيك ؟ ما مشيتي للملكة وزرتي قصر بيرمنجهام ؟اها انا ختيتلك الصورة حسب طلبك !!ست البنات.
|
Post: #5
Title: Re: اجراءات حاسمة تتخذها قنصلية السودان بمدي�
Author: ست البنات
Date: 01-14-2016, 03:40 PM
Parent: #4
أخي فرح ,
تحية,
الناس ديل أصلهم كلهم تربية مافيا !!
كل يوم يعرضوا لينا فصل من فصول مسرحية يشيب لها الرأس !!
ست البنات.
|
Post: #6
Title: Re: اجراءات حاسمة تتخذها قنصلية السودان بمدي�
Author: فرح الطاهر ابو روضة
Date: 01-14-2016, 03:44 PM
Parent: #5
المحيرني
500 كاملة
وممكن الواحد فيهم ياخدة من حد لا يتجاوز راتبه 1500 لمجرد انو ما عنده زمن لصفوف
زمن الرشوة والسرقة نفسها كانت محترمة هههههههههههه لو في رشوة وسرقة محترمة
كان الموظف ممكن يستلم حاجة كدة 50 تسيهلات وكدة وممكن المواطن نفسه يكون متفهم الوضع ده ويقدمه من ذوقه
قي عهد الانقاذ النهب على عينك يا تاجر وبدون حياء
ليت ايام التسهيلات مع بلاوئها تعود تاني
|
Post: #7
Title: Re: اجراءات حاسمة تتخذها قنصلية السودان بمدي�
Author: Abureesh
Date: 01-14-2016, 04:17 PM
Parent: #6
شيء مؤسف السودانيين يفتقدون ادنى درجات الوعى بحقوقهم.
ايشمعنى في أمريكا وأوروبا والصين، زوار السفارة من السودانيين وغيرهم محترمون مقدرون ويجلسون في كراسى وثيرة
في صالات مكيفة أو مدفئة حسب الحالة؟ هل لأن السودانيين في السعودية يأتون بالعشرات والمئات؟ طيب دا سبب
كافى ان يرتاحوا اكتر من اولائك لأنهم يدفعون اكتر.. وقبل ذلك هم سودانيون يستحقون الاحترام والتقدير.. الغريبة
جواز السفر مكتوب علبيه طلب من سلطات الدول التي يزورها السودانى ان تحترمه وتقدم له الخدمات دون تأخير، حين
سفارات بلده في بعض تلك الدول تهينه وتضيع زمنه..
|
Post: #8
Title: Re: اجراءات حاسمة تتخذها قنصلية السودان بمدي�
Author: ست البنات
Date: 01-14-2016, 04:49 PM
Parent: #7
أخي أبو الريش ,
تحية ,
هسي في نسوان عجائز لو جاهم شافع صغير قليل أدب ويفنجظ اليوم كلو ,
بتنهرو ولا تقرصو قدام امو؟؟
مش بتتحين فرصة امو ماها منتبهة وتديهو قرصة ولا نهرة يتسمر بعدها فوق الكرسي !!؟
أها سفاراتنا دي عاملة زي العجائز ديل !
يعني في الدول الفيها حرية رأي سفارتنا ماسكة دربها وديمقراطية وتعامل المواطن واخر احترام !
لأنها عارفاه ممكن يطلع برة حوشها ويبشع بيهم لجمعيات حقوق انسان أو وسائل اعلام مختلفة !
لكن في الدول المركبة لصقة فوق خشم مواطنيها , سفارتنا بتتعامل بسوئها المعهود !
يعني ما خائفة من شيئ !!
عشان كدا تعامل السفارات يبقى خشم بيوت ومفصل حسب الدولة !!
ست البنات.
|
Post: #9
Title: Re: اجراءات حاسمة تتخذها قنصلية السودان بمدي�
Author: أيمن محمود
Date: 01-14-2016, 07:31 PM
Parent: #8
في السفارة ارخص شوية
|
|