|
|
|
 Re: إدارة البوستات ... و حراق الروح ... (Re: elhilayla)
|
Quote: الراجل تنازل عن فكرته يا قباني
ما تبقي زينا ونظرية
حبل المهلة إربط وإفضل
حاول
كيف يا صديق
____
الحليلة |
اتنازل بعد شنو ... البقت بقت ...
و الله انا تاني اصلي الما بعجبني بس بقول ليهو ( في سرّي ) القالوا صلاح الزبير ...
الصبر كمل مع العمر يا حليلة ...
او كما قال تجاني حاج موسى قدس الله سره :
وبراى بالنار إنكويت
وصليتنى بعد الفرقة بين
لحد ما كمل الصبر
من وين أجيب ليك العمر ؟
| |
  
|
|
|
|
|
|
|
|
Re: إدارة البوستات ... و حراق الروح ... (Re: elhilayla)
|
الحليله , تحياتى
| Quote: الراجل تنازل عن فكرته يا قباني |
ياخوى دى ما فكرة دا فعل عدييل ما أظنو يتنسي, وزى ماقاليك قبانى البقت بقت.........
قبانى ,,,,, سلام
| Quote: طوالي بقفل البوست و في سري بقول ليهم القالو صلاح الزبير ... |
عليك الله ما تسووني أبو هريره بتاع سودانيزأونلاين ,,,,,,,رش طوالى أصلو الشفافية مطلوبه فى سودانا العامل زى الجبانه الهايصه دى,
كونو بخير
| |
|
|
|
|
|
|
|
|
|
Re: إدارة البوستات ... و حراق الروح ... (Re: Salah Zubeir)
|
Quote: Quote: طوالي بقفل البوست و في سري بقول ليهم القالو صلاح الزبير ...
________________________________________________________________
عليك الله ما تسووني أبو هريره بتاع سودانيزأونلاين ,,,,,,,رش طوالى أصلو الشفافية مطلوبه فى سودانا العامل زى الجبانه الهايصه دى,
كونو بخير |
العنعنة محمداك يا صلاح ... في زول قال ليك تكون بايونير ؟ا
صلاح الزبير بن العوام ...
تاني ما بنحتاج ... بس نعمل رفرنس ... :)
| |
|
|
|
|
|
|
|
|
|
Re: إدارة البوستات ... و حراق الروح ... (Re: يحي قباني)
|
يحيى القباني
أمدرماني
ومعماري شاطر
نتشفتن عليهو كيف ؟؟
قعّدنا في السهلة
والله ما عندي حاجة أضيفها لكلامو المرتب دا
بس برضك في نقطة
أخوك كسلان جداً في فتح البوستات أو في التداخل عموماً
منذ نوفمبر 2004 ولحدي الآن إنقضى على وجودي في المنبر 11 عام وشهرين يعني ( 134 ) شهر
عدد مداخلاتي ( 10,629 )
متوسط عدد المداخلات في الشهر ( 10,629/ 134 ) = 79 مداخلة في الشهر
متوسط المداخلات في اليوم ( 79 / 30 ) = 2 - 3 مداخلة
لذلك وعندما نتوكل على واحد أحد
ونفتح بوست
أهو بنباريهو كدا
_________
الشوق والريد
| |
|
|
|
|
|
|
|
|
|
Re: إدارة البوستات ... و حراق الروح ... (Re: محمد أبوالعزائم أبوالريش)
|
تحياتي يا صاحب
والاصحاب هنا
انا برضو زيك كدة بجليهو واجلي حنانو . واديها كوز كمان . تاني ما بخش اقرا ليهو كلو كلو .. روحنا براها محرقانا
ادارة البوست بتفك مني كتير . الدخول بالموبايل مشكلة . لو الردود مشت كتير ما بفتح البوست معاي وبالذات لو فيهو فيدو . عندي بوست حق كورال المعهد حلف بي دين ابوهو ما يفتح
| |
|
|
|
|
|
|
|
|
|
Re: إدارة البوستات ... و حراق الروح ... (Re: عبدالحفيظ ابوسن)
|
Quote: تحياتي يا صاحب
والاصحاب هنا
انا برضو زيك كدة بجليهو واجلي حنانو . واديها كوز كمان . تاني ما بخش اقرا ليهو كلو كلو .. روحنا براها محرقانا
ادارة البوست بتفك مني كتير . الدخول بالموبايل مشكلة . لو الردود مشت كتير ما بفتح البوست معاي وبالذات لو فيهو فيدو . عندي بوست حق كورال المعهد حلف بي دين ابوهو ما يفتح |
ود إبسن يا صديقي
غايتو انا إدارة ما بعرفها
البجي كله برد عليهو و اذا ما جا زول تاني بعتبر البوست اي كلام
و بنسى ..
| |
|
|
|
|
|
|
|
|
|
Re: إدارة البوستات ... و حراق الروح ... (Re: محمد أبوالعزائم أبوالريش)
|
..
.
قباني وضيوفه الكرام
سلام مربع
هنا في السعودية وفي مطاعم البيك
يوجد بروست عادي
وبروست حراق
البروست الحراق لو طلبته بحرق روحك
دائما لايكون جااااهز
ويتطلب منك الانتظار طويلا
انا شخصيا لا احب فتح البوستات
لأن بها التزامات كثيرة
وانما تروق لي المداخلات
فهي في الغالب سهلة الهضم
ولاتتطلب منك جهد ذهني ونفسي كثيرا
وفي المداخلة بامكانك الخروج عن { النص }
والتفحيط بالطريقة التي تريدها كما يحدث الآن في مداخلتي هذه
لكن حينما تكون صاحب بوست بتكون زي البالع ليك سيخة
ماسك في الدركسون وكل تركيزك متوجه في الأمام
وهذه المشهد اراه كثيرا في القادمين الجدد الينا بالسعودية
حينما يتعلمون السواقة لأول مرة
فتجده زي البالع ليهو سلكة
مكنكش في الدركسون وبعاين في القزاز الأمامي !!!
صعب قيادة البوست
ومرات تكون ماشي بي نمرة خمسة فجاة تلقى مطب قدامك
يدخل واحد محرقاهو روحو ويفتل البوست ويطلع
وأسوأ شيء لو في { مرتين } دخلن بوستك واتشاكلن
والله مش يجيك حراق روح
بس تبقى عليك الحكمة بتاعت الحب
{ الحب هو إما أن تجد إمراة تعادل روحك
وإما أن تجد إمراة تطلع روووحك } !!!!!
| |
|
|
|
|
|
|
|
|
|
Re: إدارة البوستات ... و حراق الروح ... (Re: عاطف عمر)
|
Quote: قعّدنا في السهلة
والله ما عندي حاجة أضيفها لكلامو المرتب دا
بس برضك في نقطة
أخوك كسلان جداً في فتح البوستات أو في التداخل عموماً
منذ نوفمبر 2004 ولحدي الآن إنقضى على وجودي في المنبر 11 عام وشهرين يعني ( 134 ) شهر
عدد مداخلاتي ( 10,629 )
متوسط عدد المداخلات في الشهر ( 10,629/ 134 ) = 79 مداخلة في الشهر
متوسط المداخلات في اليوم ( 79 / 30 ) = 2 - 3 مداخلة
لذلك وعندما نتوكل على واحد أحد
ونفتح بوست
أهو بنباريهو كدا
|
خلاص عملتها لي حساب مثلثات و تباديل و توافيق ...
ما حأرد عليك الا بعد بكره ...
| |
|
|
|
|
|
|
|
|
|
Re: إدارة البوستات ... و حراق الروح ... (Re: يحي قباني)
|
يا خال سلام ليك و لي ضيوفك الكرام
ياخ أخونا محمد المرتضى دا ما عسمتو ... ما شاء الله ساكت ما قلتها أسي تلقاهو يتململ من الصباح و ما عارف السبب شنو ....
و طالما إدارة ود حامد بقت إدارة مثالية يبقى طولة البال و التقيد بالأصول هي المعيار للقيادة المثالية ...
و أهم ميزة في أبو أكرم إنو ما بنجر وراء المهاترات و النرفزة و عندو مقدرة عالية على تخطي المطبات ... عشان كدا بوستو بمشي بي كل سلاسة حسب ما هو مخطط ليهو ..
سلامنا ليه في غيابه و أكيد مشغول..... ربنا يعينو و يقويه ....
******************************************
صلاح الزبير دا بالله رشوه رش تقيل
و أهو أصبح مرجع لي مقولة ما حلوة ...
| |
|
|
|
|
|
|
|
|
|
Re: إدارة البوستات ... و حراق الروح ... (Re: ABUHUSSEIN)
|
إنت عارف يا أبوحسين الخرتوم بحرى دى بى كبرا دا كان فيها حيين بس بقولو زى كلاماتك المكوته دى ,,,,,,الأملاك و الصافية.
لكن أمدرمان بتاعتك دى عن بكرة أبيها كانت و ستظل هى الرفرنس و المعلم لكل حاجاتنا (الشعب السودانى) الحلوه و الما حلوه ,,,,, :)
معليش يا قبانى حدفنالك البوست
| |
|
|
|
|
|
|
|
|
|
Re: إدارة البوستات ... و حراق الروح ... (Re: Salah Zubeir)
|
| Quote: ود المرتضى انا ما لقيت ليهو حل الا يكون عنده ميزان حرارة في عيونه |
وفيها شي يحيِّر يثبِّت إتجاه البوست..
سلامات عزيزنا الباش..
ياخ لي قريب الشهرين مزنوق وموقف كتابه رغم مطالعتي المنبر ..
فتح البوستات بياكل (تلج) كتير وأنت تدرك أن القراءة أكثر إمتاعا من الكتابة..
لكن يا باش لو جيت للجد الزول العندو أطلس للمنبر وفن السواقه هو صاحبنا شيقوق بائع
العنكوليب المتجول ، هسه هو في الدندر في قريتهم (البردانه) يستمتع
بلقيمات الصباح مع الشاي بال codified milk أو (اللبن المقنن) كما كان يقول
أحد أصحابنا عليه رحمة الله. الطيب بيعرف ساعة الذروة في المنبر ومتى يكتب
ناس ماليزيا ومتى يشخر بورداب السعوديه ومتى يرد ناس معاويه المدير أو الساحل الشرقي
وماهي المواضيع التي تستفز أقلام الجنس اللطيف أو عبداللطيف وماهي السرعة المطلوبة
لطي الأراضي السبخة والدقداق والطين ومتين تدق الصاج أو ترِّكب كوز أو تنزِّل مستنير وتحافظ
على اللساتك والراكبين تنده وكيف تعمل سياج للبوست وكيف توفر الجاز وتدفق المانافع..الخ.
أما أخوك العبدلله فزول مسكين بمشي بي ضل المنبر وسايق بالسليقه..
وين مع سواقة ناس ابوحسين ، عينم في النهود ويبيتوا في جبل حيدوب..
| |
|
|
|
|
|
|
|
|
|
Re: إدارة البوستات ... و حراق الروح ... (Re: يحي قباني)
|
قبة
روحنا وحبنا
| Quote: رة البوستات ... و حراق الروح ... |
| Quote: الفكرة بصراحة داير لي كوتش ... يوريني سواقة البوستات بي رواقه ... لأنه ما عندي صبر |
Quote: يجوك بعد داك في سواقة البوستات ناس عاطف عمر مثلاً ...
رغم انو عاطف يفتقد لميزان الحرارة حق ود المرتضى لكن بيستخدم مسطرة او بلمبوب بقيس بيهو حتلة البوست و بلحقه بي رد طوالي ... يجيبوا حسب الزاوية المرسومة ليهو ( مهندس طبعاً )
مرات بيخيل لي عاطف خاتي شاشة الكمبيوتر رأسية و مقسم حافة الشاشة بالسنتميترات ...
البوست لو ما رفعوا زول مسموح ليهو يغتس لحد 15 و 20 سنتمتر ... لو وصل 21 سم بيرد طوالي ...
وهنا بيختلف عن ود المرتضي يعني لو صلاح جادات و زهير و هباني و ( ود المسلمي اليومين ديل ) ... صاحين ... فعاطف ممكن ما ينوم معاهم عشان الوزنة ...
برضه عاطف بتميز بالرد المرتب حسب المداخلات ... يعني لو نططته ما برد عليك الا يجي دورك ...
المشكلة في بوستات الغنا حقته ... يطلب منك غنية ... تجيبها ليهو في نفس اللحظة ... يرد عليك بعد بكرة في دورك !!!
ده فيهو نوع من حراق الروح طبعاً ... لكن مفهوم ... النظام نظام ...
تاني برجا دوري بعدين اجيب المطلوب ... لازم اتعلم الصبر ... |
لم تكن شطار ولا حنكة وحياتك
إنها ( غريزة البقاء ) يا قبة
وكخلفية لازمة لها
ولجنا سوح هذا المنبر في العام ( 2004 ) ولعلها كانت الدفعة الأكبر في تاريخ المنبر
وكان المنبر وقتها يعج بـ ( النجوم الفطحل ) أو من إقتنعوا أنهم فطحل أو إقتنع الناس أنهم فطحل
إستقبلنا أحدهم بالقول " أن بكري قد طلق العضوية في سهلة الله والرسول "
وقال ثانيهم " أن جهاز الأمن قد جرد كتيبة كاملة للدخول لسودانيزأونلاين "
هكذ كان الجو العام
نجوم يكتبون بوست من كلمة وفي سويعات تجد أن صفحات البوست قد أصبحت ثلاثة أو خمسة في عين القادمين الجدد
والدنيا مشارف عيد كتبت أحد نجمات ذلك الزمان بوستاً عنوانه كلمة وااااحدة ( خبزتو ؟ ) وفي صفحة البوست الرئيسة علامة الإستفهام ( ؟ ) .....
وفي أقل من ساعة كانت عدد المشاهدات تفوق الألفين والمداخلات تفوق المائة .....
كان أعمى الأعضاء يحمل مكسرهم تدافعاً لبوستات الجكس
المنبر وأجواؤه وأحواله لم يكن جديداً علينا فقد ( أدمناه ) قراءة ، لذلك فعندما دخلناه كنا نعرف ماذا يقدم كل عضو وكيف يتحاور وكيف يختلف ......
لكننا فوجئنا بألا أحد يعبأ بما نسهر عليه الليالي إعداداً ، ليس هذا فحسب بل ولا ( يتكرمون ) بالرد على مداخلات القادمين الجدد إن أتوهم في بوستاتهم ...
تذهب إليه معزياً في وفاة والده أو والدته أو تهنئه بنجاح إبنه أو إبنته فيرد على ( القدامى ) ويتجاهلك
بعضهم ظريف
يجمل الجدد في مداخلة واااحدة وشكره الجزيل لباقي المتداخلين .....
حيا الله ( أصدقاء التجاهل ) .......
علاء الدين نصار ...... أنشأ بوستاً لطيفاً أسماه ( ما بنمشي لى ناس ما بيجونا )
عبدالله عقيد ...... أنشأ بوستاً شكى فيه لطوب الأرض بأن ( أسمعونا مرة )
في تلك الأجواء يا قبة كان أمامنا أحد خيارين إن أن نكتب ونصر على إيصال رأينا أو ننزوي ونترك لهم الجمل بما حمل وليهنأ سعيد بسعيدته .......
كنا في البداية نكتب كل ما نريد
ثم ننتظر ( على باب الله ) أن يأتيك من يقول لك ( أجارك الله ) .....
وعندما يأتون ( نسارق لهم ) وقت العمل أو نسهر لهم الليالي لنرد على ( كووووووووول ) المداخلات في قعدة واااحدة
ثم ننتظر مرة أخرى ( على باب الله ) أن يأتيك من يقول لك ( أجارك الله ) .....
بعد سويعات يحتل البوست .....
وتبدأ رحلة البحث عنه في الصفحات الكم ما عارف
حيا الله صديقتنا الذكية اللماحة رجاء العباسي ....
أنشأت ذات مرة بوستاً تنصف فيه ( مظاليم الهوى ) قالت فيه أنه أصبحت تفتح سودانيز أونلاين من الصفحة الخامسة رجوعاً حتى الصفحة الأولى فقد إكتشفت وجود جواهر ودرر بين الركام ..... أو كما قالت
عليه
وبناء على كل ذلك فقد هدتنا ( غريزة البقاء ) على أن نختط الطريق الذي يسبب ( حراقاً للروح ) ......
بالجد كلامك في محلو .....
لكنه لم يكن خياراً يا حبيب ....
كان غريزة بقاء
الوقت والعمل والمسؤوليات لهم دورها
ثم ( عامل السن )
ومع ذلك
فقد إكتشفت فيه - أى في تأخير الرد مادام البوست حياً - إكتشفت فيه ميزة إيجابية لم تخطر ببالي
إكتشفت ميزة أو فضيلة ( التريث ) التي تثمر عن تجويد في الرد لمن قابلك باحترام بغض النظر عن إتفاقه أو خلافه معك في الرؤية ، وتثمر إمتصاصاً لغضب يأتيك جراء إساءة أو تجريح فيكون الوقت كافياً للعن الشيطان الرجيم
أصبحت بعد ذلك هذه الطريقة طبعاً
يشتكي منه أصدقائي في الفيسبوك حيث لا بوستات تحتل
____________________
أما في هذه
| Quote: المشكلة في بوستات الغنا حقته ... يطلب منك غنية ... تجيبها ليهو في نفس اللحظة ... يرد عليك بعد بكرة في دورك !!! |
فأكون قد بالغت والله
لكن كان ما إتحملتتي إنت الـ ح يتحملني منو ؟؟
| |
|
|
|
|
|
|
|
|
|
Re: إدارة البوستات ... و حراق الروح ... (Re: عاطف عمر)
|
إن كان ثمة إضافة لمداخلتي السابقة
فهى نفى ( التعميم المطلق ) للحالة التي وصفنا بها أعضاء ذلك الزمان
وإن كان الجو العام هو كما فصلنا
ورغم ذلك فالنفس تحتفظ بالشكر والإمتنان لنجوم فطحل ( حقيقيين ) من بينهم
نظروا لجودة المادة المعروضة وتفاعلوا معها غض النظر عن ( تاريخ إلتحاق ) صاحبها بالمنبر
لن أنزلق لمحاولة تسميتهم مخافة نسيان بعضهم وتكون الملامة .......
| |
|
|
|
|
|
|
|
|
 Re: إدارة البوستات ... و حراق الروح ... (Re: عاطف عمر)
|
Quote: إنت عارف يا أبوحسين الخرتوم بحرى دى بى كبرا دا كان فيها حيين بس بقولو زى كلاماتك المكوته دى ,,,,,,الأملاك و الصافية.
لكن أمدرمان بتاعتك دى عن بكرة أبيها كانت و ستظل هى الرفرنس و المعلم لكل حاجاتنا (الشعب السودانى) الحلوه و الما حلوه ,,,,, :)
معليش يا قبانى حدفنالك البوست |
بحذرك يا حاج الطيب من المساس بي ام در امان .... بتتردم زي الترتيب و الله تندفن و انت حي .....
كمان خلينا صاحبك المسطول و زنقة عمك العوض و اركبو بص الثورة 😂 عايز كمان تقبل على ام در امان
قوم لف ...
| |
|
|
|
|
|
|
|
|
|
Re: إدارة البوستات ... و حراق الروح ... (Re: ABUHUSSEIN)
|
سلام يا خال
عارف يا خال أولاً طبعاً البوستات أنواع
في بوستات بتسوقها و في بوستات بتسوقك يعني بوستات بتحتاج فعلاً لي إنك تديرها و تمشي بيها زي ما إنت مخطط ليها
و بوستات بتمشي براها رضيت أم أبيت هي اللي بتسوقك ....
أنا عن نفسي ما عندي خطة معينة بمشي بيها لكن في تكاتيك(جمع تكتيك) و حيل بيها بتقدر تدير البوست بي صورة ناجحة
أولاً عنوان البوست
ثانياً توقيت البوست
ثالثاً الإدارة ........
في الإدارة تحاول بقدر الإمكان توزع الردود في أوقات ما بعيدة لكن بحيث تحافظ على البوست في أعلى المنبر و تتخير الوقت بحيث تخلي ردود بعد ما صلاح جدادات يرفع العمارة بتاعتو ..
تنتظروا يخلص رص البوستات بتاعاتو و تجي بعده ترفع بوستك و ما جدادات براهو في كم واحد كدا عندهم نفس عادة جدادات السيئة دي....
في أعضاء دخولهم البوست شرف ليك يعني أعضاء ليهم وزنهم ديل لو كتبو مداخلة ما ترد عليها طوالي لأ خلي البوست فترة تكون آخر مداخلة للعضو دا لأنو في ناس بدخلو البوست عشان يقروا للزول دا
في أعضاء بدخلو البوستات للخرمجة بس يعني تلقاهو كاتب ليك مداخلة ظاهر انو القصد منها الخرمجة دا انساه لغاية ما تصل بالبوست للحتة الإنت مخطط ليه يصلها و لو عايز ترد عليه رد عليه
تحياتي و احترامي
| |
|
|
|
|
|
|
| |
يحي قباني
elhilayla
Salah Zubeir
عاطف عمر
محمد أبوالعزائم أبوالريش
عبدالحفيظ ابوسن
ابوحراز
Munir
جلالدونا
ABUHUSSEIN
محمد المرتضى حامد
فيس بوك
تويتر
انستقرام
يوتيوب
بنتيريست