Post: #2
Title: Re: السجن و الغرامة ل 7 من حيران شيخ الأمين
Author: مني عمسيب
Date: 01-13-2016, 09:30 AM
Parent: #1
الحبيبة .. نعومي ..
صباحك زين .. ومشكورة علي الاخبار بالرغم من حزنها !
يا نعومي دي الكنا خائفيين منها الملشيات المتهورة دي ! يعني لو شيخ الدجل
ما زال بمارس في نشاط شعوذتو كان بقي بملشيات حيران مسلحة ! وما خفي
اعظم ! اتمني ناس امدرمان العريقة يتحركوا لازالت هذه المسيد المشبوه ليعيش
الامدرمانيين بسلام ..
ولك الشكر يا حبيبة .
|
Post: #3
Title: Re: السجن و الغرامة ل 7 من حيران شيخ الأمين
Author: فرح الطاهر ابو روضة
Date: 01-13-2016, 09:30 AM
Parent: #1
سلام نعمات
السابقيين دي يعني تم فصلهم بعد الحادثة ولا كيف
خاصة وهم قاموا بالاعتداء على المجني عليه انتقاما لخروجه من الشيخ
يعني هناك من أوحى إليهم بفعل فعلتهم
ثم تنصل منهم
أسلوب كيزان لا يشبه الصوفية وتسامحها وتعايشها السلمي الذي عرفت به
احترامي
|
Post: #10
Title: Re: السجن و الغرامة ل 7 من حيران شيخ الأمين
Author: ياسر منصور عثمان
Date: 01-14-2016, 08:13 AM
Parent: #3
استاذ فرح
المقصود الشاكي ...احد حيران الشيخ السابقين
عشان كده دقوا
ههههههههههه
|
Post: #4
Title: Re: السجن و الغرامة ل 7 من حيران شيخ الأمين
Author: Hani Arabi Mohamed
Date: 01-13-2016, 10:15 AM
Parent: #1
بسم الله الرحمن الرحيم !
قريت الخبر 3 مرات ....
حاولت افهم
فلنفرض ان الرجل كان معهم ثم غير رأيه وتركهم !
المشكلة وين ؟
ويعتدوا عليه ليه ؟
والموضوع أساساً شنو ؟
السادة العارفين ... للإفادة
|
Post: #5
Title: RE:
Author: Abdullah Idrees
Date: 01-13-2016, 10:34 AM
Parent: #4
هلا هلا .. كل اول ليهو آخر
اسي لو شيخ الامين موجود تفتكرو الحكم ده كان حا يصدر ؟ دي مش المرة الاولى ، حيران شيخ الامين ديل عندهم سوابق اعتداءات كم مرة مع ناس الحي وما في محكمة حاكمتهم !
غايتو قانون الكيزان مفصل للقوي بس
سلام جميعا
|
Post: #6
Title: Re: RE:
Author: محمد علي البصير
Date: 01-13-2016, 10:41 AM
Parent: #5
Quote: فلنفرض ان الرجل كان معهم ثم غير رأيه وتركهم !
المشكلة وين ؟
ويعتدوا عليه ليه ؟
والموضوع أساساً شنو ؟
السادة العارفين ... للإفادة |
المشكلة يا هاني الزول دا (شارب) الأسرار كلها
أنسلاخو من المجموعة يعني أسرار الشيخ بقت في السهلة
المسألة تهديد وكدا ـ يا ترجع يا تنطم
مع تحياتي يا حبيب
ولدكتورة نعمات
|
Post: #7
Title: Re: RE:
Author: muntasir
Date: 01-13-2016, 10:46 AM
Parent: #6
cosa nostra
|
Post: #8
Title: حيران العولمة..
Author: قصي محمد عبدالله
Date: 01-13-2016, 10:49 AM
Parent: #6
زمان الحوار لمن ينسلخ الشيخ بيتبين فيهو على شكل مشاكل و عوارض غير مرئية الأسباب،
بحسب فهم المريدين...
وكانو بيقولو خلوه، بيلف ويرجع لينا تاني!
هسي بقي قطع طريق و لبيع عينك عينك...
والشيخ نفسو داير اليلف حولو و الينجدو...
ههههه
|
Post: #9
Title: Re: حيران العولمة..
Author: Abureesh
Date: 01-14-2016, 07:49 AM
Parent: #8
**فلنفرض ان الرجل كان معهم ثم غير رأيه وتركهم !
المشكلة وين ؟
ويعتدوا عليه ليه ؟
والموضوع أساساً شنو ؟ **
يا اخ هانى هل فعلا لم تسمع بأسلوب المافيا.. هذا أسلوب كل المنظمات السريـة التي تعمل سرا أمور خارج نطاق القانون.
حسب متابعتى لحركة هذا (الشيخ) الذى يلحن في القران ولا يجيد قراءته، فهذه حركة استخباراتية وأمينة، والعمل الصوفى
غطاء لنشاطاتهم.. وسوف تتلاشى في النهاية حين ينتهى دورها المرسوم لها.
|
Post: #11
Title: Re: حيران العولمة..
Author: نعمات عماد
Date: 01-14-2016, 09:17 AM
Parent: #9
بدرالدين الطائف
الموضوع ليس مجرد إنسلاخ الشاكي من جماعة الشيخ الامين . الراجل بعد إنسلخ منهم فتح صفحة على الفيس بوك وطلع كل فضائح الجماعة .
وتم تهكير الصفحة عدة مرات وتم تهديدة على الملا وكلو ما جاب نتيجة فى الاخير دقوهو دق العيش .
أعجبني · رد · 1 · 20 ساعة
سلام و تحية طيبة أعزائي المتداخلين
شكرا لتعلقياتكم التي كفت ووفت و شكرا لأخي بدر الدين الطائف معلقا من الفيس بوك
هذا الخبر مضافا ألى خبر حظر الشيخ بعد إطلاق سراحه من الأمارات يعني تقلص نفوذه و
ربما سيسعى لتحسين علاقته بجيرانه في بيت المال أو ربما ينتقل للعيش خارج السودان
في هولندا مثلا يا عزيزتي منى ... والله أعلم .
شكرا أخواني
فرح الطاهر أبو روضة
هانئ عربي محمد
عبدالله أدريس
محمد علي البصير
منتصر
قصي محمد عبالله
أبوريش
ياسر عثمان منصور
|
Post: #12
Title: Re: حيران العولمة..
Author: ملهم كردفان
Date: 01-14-2016, 09:22 AM
Parent: #11
البوست ده خشيبتو وضحكت وماجا فى بالى غير
اللهم أجعل كيدهم فى نحرهم
صباح الفل ياصاحبة السمو
|
Post: #13
Title: Re: حيران العولمة..
Author: نعمات عماد
Date: 01-14-2016, 10:17 AM
Parent: #12
سلامات و تحيات الملك ملهم
سعيدة بطلتك و بعودتك للمنبر
تمنياتي بعودة الفرح الدائم للسودان و السودانيين بالداخل و الخارج .
كن بخير .
|
Post: #14
Title: Re: حيران العولمة..
Author: فرح الطاهر ابو روضة
Date: 01-14-2016, 02:53 PM
Parent: #13
Quote: زمان الحوار لمن ينسلخ الشيخ بيتبين فيهو على شكل مشاكل و عوارض غير مرئية الأسباب،
بحسب فهم المريدين...
وكانو بيقولو خلوه، بيلف ويرجع لينا تاني!
هسي بقي قطع طريق و لبيع عينك عينك...
والشيخ نفسو داير اليلف حولو و الينجدو...
ههههه |
يا شيخ قصي بل الشيخ بديه الفاتحة وبدعو ليه انو ربنا يعدل طريقه وممكن يوصي عليه الشيخ وكثيراً ما قرانا او سمعنا بان فلان تتلمذ على يد فلان ثم التحق بفلان
الحكاية ما في السيخ واللبع
في انو القضية لفت كم لفة عشان المجني عليه ياخد حقه
وفي انو
وين شعار حب الكل وافرذ شيخك
والما عنده محبة ما عنده محبة
وبرضه تقولوا لينا ام درمان فيها ولي صالح
صاحبة البوست
شكراً المعلومة وصلت
|
Post: #15
Title: Re: حيران العولمة..
Author: عبدالعزيز الفاضلابى
Date: 01-14-2016, 11:17 PM
Parent: #14
شيخ سافر قطر ,, معاهو واحد من الحيران
لماالشيخ وقف قِدَّام باب الفندق الباب الزجاجى فتح اوتوماتِك ,,
الشيخ إتْلَفَت على الحوارى بتاعو وقال ليهو:
الكرامة دى ما تكلِّم بيها زول
|
Post: #16
Title: Re: مدرسة الكيزان بتاعة العنف الحديد والسيخ!!
Author: Abdlaziz Eisa
Date: 01-15-2016, 07:12 AM
Parent: #15
الاستاذة نعمات
سلام
قيل أن الشيخ ده مقرب من النظام
وشوهد في عقد بعض الصفقات الحكومية..
فحيرانه اذن من الراضيين عليهم وربما العاملين للنظام
وكمان خارجين من نفس مدرسة الكيزان..
وكلهم ما ناس دين
دنيا وتمكين باسم الدين
مودتي
|
|
