Post: #2 Title: Re: هدوء ما قبل العاصفة Author: جلالدونا Date: 01-13-2016, 00:27 AM Parent: #1
و مقترح دعوة للحوار من قريمان
Post: #3 Title: Re: هدوء ما قبل العاصفة Author: معاوية المدير Date: 01-13-2016, 01:09 AM Parent: #2
وتراجي،
والتي يبدو إنها اصبحت لا تتكلم إلا بعد الإذن لها بالكلآم وتصمت لو نهروها، كفى، نسخة جديدة من ود الباوقة .
أحداث الجنينة واضان الحامل طرشا ...
Post: #4 Title: Re: هدوء ما قبل العاصفة Author: اخلاص عبدالرحمن المشرف Date: 01-13-2016, 01:36 AM Parent: #3
بفصلوا في البدل
بطلوا نقة
Post: #5 Title: Re: هدوء ما قبل العاصفة Author: elhilayla Date: 01-13-2016, 03:43 AM Parent: #4
بت المشرَّف جابت ليكن الديب من ديلو تحية لكل الشرفاء والشريفات شكراً جلالدونا _____ الحليلة
Post: #6 Title: Re: هدوء ما قبل العاصفة Author: جلالدونا Date: 01-13-2016, 04:26 AM Parent: #5
رحم الله اهل هبّة الجنبنة و تقبّل شهادتهم ______ كدى يا مندره خليها لما تخلس من تلميع الذات بعد داك تشوف موضوع ناس الجنينة بعدين الحوار لى وقف الحرب ما لى قمع المظاهرات فما تلخبت فى الاختساسات
Post: #7 Title: Re: هدوء ما قبل العاصفة Author: جلالدونا Date: 01-13-2016, 04:30 AM Parent: #6
كيف يعنى !!!!
Quote: بفصلوا في البدل
حيلقو ترزى احسن منى وين و محلّى فى شارع الجمهورية قريب محل الحوار غايتو يا بت عمى .. الله يكضّب الشينة
Post: #8 Title: Re: هدوء ما قبل العاصفة Author: جلالدونا Date: 01-13-2016, 05:35 AM Parent: #7
الحليلة حبيبنا عليك امان الله .. الصنّة دى تب ما عجبتنى و الفار لعب فى عبّى و ابليس قعد يسوّى فى حركاتو البايخة ديك اللهم نسألك السلامة و النجاة من كل همّ و غمّ و الشكر و الحمد له من قبل و من بعد
Post: #9 Title: Re: هدوء ما قبل العاصفة Author: ABUHUSSEIN Date: 01-13-2016, 06:03 AM Parent: #8
Post: #10 Title: Re: هدوء ما قبل العاصفة Author: جلالدونا Date: 01-13-2016, 06:30 AM Parent: #9
ابو حسين اضحك و اضحك يا اخويا اهو اخونا كبر ظهر فى بوست لى احونا حيدر و الفار زاد لعب و ابليس يمشى و يجى راجع و يعاين فيك و يضحك ياخى بقى يقرقر عديل كدى شاحد الله يلم فيك ويشرطك من الضحك يا ود يا ضحاكة انتا
Post: #11 Title: Re: هدوء ما قبل العاصفة Author: جلالدونا Date: 01-13-2016, 06:41 AM Parent: #10
يا هلا بيك محمد جسن عبدالله
Quote: بالمناسية دي بهدي ل اخونا ودالمدير االغنية بتاعت ياناس براي ول شنوديك وودقباني كورس ولك ولهم اكيد الاحترام والمحبة
غايتو كان ياها غنوتك الهادبها اصحابك ديل فاتو الجن بى غادى كان تهديها لى تهريف برضو كده تنظير ح يزعل منّك يااخ و كمان جرجير
Post: #13 Title: Re: هدوء ما قبل العاصفة Author: أيمن الطيب Date: 01-13-2016, 06:53 AM Parent: #10
سلامات جلالدونا,,
النظام بقى يذكرنى نكتة ود الحلة البخوف الجماعة ولما يجو يعملو رحلة ولا حفلة بكبو منو الزوغة عشان ما بتستر ولازم يطبزا ويجيب ضقلا يكركب وبلنتياتو بتعوق بتعوق!!
في ناس منتظرين يسمعو تبريرات النظام لما حدث في الجنينة ,, سلفا محرجين وداخلين فى جحر ضب,,
عن نفسى قدر ما حاولت أستوعب وأفهم موقف كبر و حيدر قاسم ما قدرت ولسه محاول..
حرب وقتل يومي لمئات السودانيين يجب أن يتوقف بأى شكل كان وبأي ثمن ولكن مؤتمر حوار مشوه ومشاركة اشخاص لاوزن حقيقى لهم (وإن) صدقت نواياهم لكن مع من !!!!
commmme onnnnnnnn man!!!!
تحياتى
Post: #12 Title: Author: قصي محمد عبدالله Date: 01-13-2016, 06:43 AM Parent: #9
بعزلو في الحقائب السياسية
Post: #14 Title: Re: هدوء ما قبل العاصفة Author: ABUHUSSEIN Date: 01-13-2016, 06:55 AM Parent: #12
ناس حاقدين بس ...... فاتكم القطار .... و ل الطيارة ما عارف ...... أقعدوا نظري في سودانيز بس .... الناس شغالة حوارات ......
Post: #15 Title: Re: هدوء ما قبل العاصفة Author: عماد كرار Date: 01-13-2016, 07:03 AM Parent: #14
ناس حاقدين بس ...... فاتكم القطار .... و ل الطيارة ما عارف ...... أقعدوا نظروا في سودانيز بس .... الناس شغالة حوارات ......
ابوحسين هههههه
Post: #16 Title: Re: هدوء ما قبل العاصفة Author: معاوية المدير Date: 01-13-2016, 09:38 AM Parent: #15
ابو حسين تضحك بلآهِن يعجبك خلآهِن، او كما قال صديق مهدي لعادل الباهي ...
Post: #17 Title: Re: هدوء ما قبل العاصفة Author: طلحة عبدالله Date: 01-13-2016, 09:51 AM Parent: #16
مديدة ناقصة عجين يا جلالدونا حكمتو البوسط تي هناك أناس لا يعيشون إلا وسط الحرائق .
Post: #18 Title: Re: هدوء ما قبل العاصفة Author: مني عمسيب Date: 01-13-2016, 10:50 AM Parent: #17
جلجل .. صباحاتك بيض .. ولضيوفك الكرام ..
اهم جوا وفتحوا بوستات لتبرير اكشوا عليهم ..
ولك الشكر ..
وشوشة : يا جلجل ممكن اعرف الحصل في المحكمة لو سمحت ؟
Post: #19 Title: Re: هدوء ما قبل العاصفة Author: جلالدونا Date: 01-13-2016, 03:31 PM Parent: #18
يا هلا بيك ايمن النظام شدّة ما مالى يدّو من الحوار شغّال معاهم بى نظرية ... منو قال شنو ... و من ثم ينظر و لا يفاد لو الناس ديل فعلا خاتّين مصلحة الوطن قدامن احداث الجنينة كان نسفت الحوار ده من اساسو .. لكن نقول شنو موقف حبايبنا ديل من الحوار بحسب معرفتنا بيهم و افكارهم شديد التعقيد و لا يمكن فهمه فى اطار 1+1=2 و ما طرحوهو من اسباب لدعم الحوار تتقاصر تماما عن دعم الفكرة نعم الحوار مطلوب و بشدّة و هو المدخل لحل مشاكل السودان لكن يلزمه المناخ الصالح ليأتى بثمرة طيبة النظام لاعب بى خطة ثلاثية الابعاد لحدّى الان معارضة و جاب خبرا حركات مسلحة و جاب قصادا اهلا قبّل على الاسافير و ربك يستر
Post: #20 Title: Re: هدوء ما قبل العاصفة Author: جلالدونا Date: 01-13-2016, 03:35 PM Parent: #19
مرحباب شيخ قضّى هههها بالهى وصلو مرحلة الحقايب اكيد حيعزّلو الكبيرة و شحمانة لكن اختنا ما اتمقلبت قالو من شدّة ما مستعجلة ختفت ليها شنطة يد و قامت جرى
Post: #21 Title: Re: هدوء ما قبل العاصفة Author: جلالدونا Date: 01-13-2016, 03:45 PM Parent: #20
Quote: ناس حاقدين بس ...... فاتكم القطار .... و ل الطيارة ما عارف ...... أقعدوا نظري في سودانيز بس .... الناس شغالة حوارات ......
تصّدق و تؤمن بالله .. كلامك صاح ناس حاقدين بالجد و فاتكم القطار و الطيارة و الركشة و كمان فاتكم الحوار و مخرجات الحوار و شنو كده ما عارف ------ ابليس شكلو قعد يتمّحن فيك يا حوارنجى انتا
Post: #22 Title: Re: هدوء ما قبل العاصفة Author: جلالدونا Date: 01-13-2016, 03:51 PM Parent: #21
عماد يا دفعة اقعد بارى لى ابو حسين ده لما يلحّقك اخونا تنظير هسى عاين لى مداخلة اخونا طلحة ده فهمتا منها حاجة غايتو دى نصيحة لى الله و الرسول
Post: #23 Title: Re: هدوء ما قبل العاصفة Author: جلالدونا Date: 01-13-2016, 03:55 PM Parent: #22
شكرا يا مندره .. دايما متحفنا بالشى المفيد
Quote: ابو حسين تضحك بلآهِن يعجبك خلآهِن، او كما قال صديق مهدي لعادل الباهي ...
اخونا ود الباهى من قرا الكلام ده بقى يخش المنبر فى مواعيد نومة صديق بالمسارقة يرميلو رمية و يفرتك اهو ده الحوار المثمر
Post: #24 Title: Re: هدوء ما قبل العاصفة Author: جلالدونا Date: 01-13-2016, 04:01 PM Parent: #23
يا هلا بيك طلحة
Quote: مديدة ناقصة عجين يا جلالدونا حكمتو البوسط تي هناك أناس لا يعيشون إلا وسط الحرائق .
و لو لا الحرائق لما اكتشف جدودنا الاوائل كيف ينضح اللحم و المديدة كمان و ممكن نضيف عليهم الحوار برضو و كل حوار وانتا طيب
Post: #25 Title: Re: هدوء ما قبل العاصفة Author: أحمد الشايقي Date: 01-13-2016, 04:03 PM Parent: #22
................ وأدرك شهرزاد الصباح ................... فسكتت عن الكلام المباح
Post: #26 Title: Re: هدوء ما قبل العاصفة Author: ABUHUSSEIN Date: 01-13-2016, 05:36 PM Parent: #25
الاتنين زعلانين عشان ما اختاروكم كمحاورين ... المصيبة صاحبك العريبي ..... قالو شايف الشنط مربطة و قال انوم جنبها عشان ما يسافرو يخلوني ... اها نام خ خ خ خ خ خ خ خ .. الجماعة انسحبو برااااحة من جنبو ... ما شايفو زعلان كيف ... ؟؟؟ كدي بطلو فصاحة و ورونا بديل الحوار الرافضنو شنو ... ؟؟؟؟
Post: #27 Title: Re: هدوء ما قبل العاصفة Author: جلالدونا Date: 01-13-2016, 06:13 PM Parent: #26
بت عمسيب صباحك نور و يسعد مساك الخير شفتها و جيّة لتأكيد المؤكد المختلف عليهو اهلو القانونيين بقولو عليها اثبات حالة باقى الونسة بتمها مع اخونا الشايقى تابعينا ______ نالت كل حقوقا و الان رجعت السودان مبسوطة و مرضية و الشكر و الحمد لله رب العالمين
Post: #28 Title: Re: هدوء ما قبل العاصفة Author: جلالدونا Date: 01-13-2016, 06:26 PM Parent: #27
احمد يا شايقى كيفك و كيف كيفك يااخ حليك يابا نحنا يا دوب فى الليلة الاولى و كل صباح ليهو ليلو وي كأن كبر يقول ان اهل الجنينة تحركو لوأد الحوار و الناس المقاطعين حرّشو ناس الجنينة و المنطق يقول انهم يريدون الحوار لحفظ ارواح اهل السودان وهو يتحاورون يأخذ النظام بأرواح ثلاثة عشر سودانيا و هم و لا همّاهم فى حوارهم يعمهون ثم يبرر السيد كبر ان ما حدث عمل مخطط له ضد الحوار يا كبر الحوار البجيب الموت ده ما دايرنو
Post: #29 Title: Re: هدوء ما قبل العاصفة Author: جلالدونا Date: 01-13-2016, 08:00 PM Parent: #28
الزول ده مشكلتو لامن ينوم بيغمّض عيونو الاتنين يمين الله يا ابو حسين قدر ما وصيتو يخلّى عادتو الما ياها دى غلبنى بى مناسبة الحوار دى امبارح ماشى قى الشارع قابلتنى ليك لوحة اعلانات ضوئية كبيرة خلاس مكتوب فيها جايزة اللوترى الاسبوع ده واحد بليون و اربعمية مليون فقط لاغير بدون ما اشعر خشيت فى حلم و ضربت اللوترى منفردا و اعمل بيها شنو فجأة جات فى بالى انو اشترى الحكومة دى اصلهم بياعين و ما عندهم مشكلة و قلتا كدى استفيد من ناس الحوار عشان يحاورو الحكومة فى السعر و عرضنا عليهم 100 مليون تصدق المحاور بتاع الحيكومة قال على الطلاق قروشكم دى و لا راس مالا ذاتو قلنا ليهم انتو ما قلعتوها كان اشتريتوها يعنى اها فى هاك و خد و الوزير ده يجرك من هنا و داك يقول ليك تعال بى جاى و قبانى يشيل و يجس فى الحكومة و ود المدير يفتح فى خشما و يوسوس لى فى اضانى دى حيكومة بنت لذينا مية مليون ذاتا كتيرة عليها اسمع ليك دوووووججج صحيت لقيت نفسى دقشتا العربية القدامى اها دى واحدة من نتايج الحوار غرامة وخراب عربية قال زعلانين قال ____ لا بديل للحوار الا الحوار
Post: #30 Title: Re: هدوء ما قبل العاصفة Author: ABUHUSSEIN Date: 01-13-2016, 08:44 PM Parent: #29
ياهم الزيك ديل مضيعين السودان .... زول يضرب ليه بليون و اربعمية دولاااااااار يقييم السودان بي 100 مليون ... ؟؟؟؟ ليهم حق ناس الحوار كان ما قدمو ليك دعوة ...😂😂 بعدين الزيك دا لو مسك البلد بنشفها كلها .... بعدين مبلغك دا دخلت فيه قباني و ود المدير ... !!!! صدقني شبشب ما بفضل ليك منو ... 😂😂😂😂
كدي شوف لينا موضوع الحوار دا ... عشان يتم اجراء حوار ناجح ... المطلوب شنو ... ؟؟؟؟؟
Post: #31 Title: Re: هدوء ما قبل العاصفة Author: معاوية المدير Date: 01-13-2016, 11:28 PM Parent: #30
Quote: زول يضرب ليه بليون و اربعمية دولاااااااار يقييم السودان بي 100 مليون ... ؟؟؟؟
الحكومة يا ابو حسين، الحكومة، ما السودان، هو نحن دفعنا 100$ مليون في فطيسة كان لقيتا في الشارع ما تشيلآ وإنتو برضو ما مخليننا ؟، فترتو من لحس كوعكم قلنا نريحكم شوية ؤُ نبرّدلكم اضناكم من تحت جزمتي، ؤُ جلد كديس، لكن الشقي عمرو ما يسعد . يا جلالدونا 25$ مليون بس عايزين عايزين ما عايزين خليهم مكنكشين في كوعهم دا ...
Post: #32 Title: Re: هدوء ما قبل العاصفة Author: معاوية الزبير Date: 01-14-2016, 00:00 AM Parent: #31
Quote: سلامات جلالدونا,, النظام بقى يذكرنى نكتة ود الحلة البخوف الجماعة ولما يجو يعملو رحلة ولا حفلة بكبو منو الزوغة عشان ما بتستر ولازم يطبزا ويجيب ضقلا يكركب وبلنتياتو بتعوق بتعوق!!
ههها بالغت يا أيمن سلام يا جلالدونا يا حبيب لو ما سمعت النكتة بحكيها ليك في الخاص
Post: #33 Title: Re: هدوء ما قبل العاصفة Author: جلالدونا Date: 01-14-2016, 00:38 AM Parent: #32
يا ابو حسين زى ما قال مندرة الحيكومة ما السودان وصحى الشقى يعتّر ليهو خيت _______ الحوار يا سيدى قضية بين نفرين او فريقين حول قضية محددةيتم تناولها للوصول الى صيغة توافقية يرتضيها المتحاورونو عادة ما تطرح التنازلات بصورة لا تتضرر منها احد الاطراف و يوثق الاتفاق بينهما اذا حدث و يعمل به بتاريخ بينهما بحسب ما يحدده الاتفاق فى حالة الحوار الداير الان هل ابدت الحكومة استعدادها للتفاوض حول حكومة قومية هل اعلنت تقبلها لوقف الحرب او مهدت الطريق لذلكهل قامت بتوفير مناخ صحى يساعد على انجاح الحوار هل تقبل بحرية التعبير و حق التظاهرهل تقبل بفك الارتباط بين حزبها و الحكم هل تقبل بقيام نظام حكم برلمانى و ليس رئاسى الهلاّت ... ما الهللات.... كتيرة يا ابو حسين و لن تقبل الحكومة واحدة منهن ففيم الحوار يا شيخ
Post: #34 Title: Re: هدوء ما قبل العاصفة Author: جلالدونا Date: 01-14-2016, 00:41 AM Parent: #33
غايتو يا مندرة يوم البيعة دى تتم تسحب من ابو حسين ده الجنسية طوالى و من هسى خليهو يمشى المعارضة و ما تديهو اى فرصة لى حوار
Post: #36 Title: Re: هدوء ما قبل العاصفة Author: جلالدونا Date: 01-14-2016, 00:46 AM Parent: #34
سلام يا ود الزبير عندكم واحد من كوستى معانا بى جاى وعدنى يحدثنى عن مريسيلا و فى انتظارو و بيسلم عليك و عبد الحفيظ كتير السلام _____ و عليك الله كان ما لحقفنى بى مصيبة ايمن دى و فى انتظارا و على جمر
Post: #35 Title: Re: هدوء ما قبل العاصفة Author: محمد المسلمي Date: 01-14-2016, 00:45 AM Parent: #33
سلام جلال وضيوفه المهم بوست في السلك وبعد نفتح بوست الاستقبال خلي الجماعة يمسكوا الخشب
------ بس في بوست جائي كارب بسبب دوران 😜😜
Post: #37 Title: Re: هدوء ما قبل العاصفة Author: جلالدونا Date: 01-14-2016, 00:53 AM Parent: #35
يا هلا بالمسلمى و تشكر على الاطراءو ماب تقصّر فى كرم الضيافة زى عوايد اهلنا شمال بحرى و فى انتزار بوستيك عشان تحلنا من تهريف ده
Post: #38 Title: Re: هدوء ما قبل العاصفة Author: Kabar Date: 01-14-2016, 10:55 AM Parent: #37
بت ابا اخلاص..حبابك يا صديقتي
البدل جاهزة من زمان ،
لكن الجماعة قاعدين يفتشوا ليهم فكي عشان يقوم بتحفيظهم (جزء عم) على قراءة نافع برواية ورش..عشان ما تبقى عليهم البقت في جمال الوالي (رضي الله عنه)..!
كبر
Post: #39 Title: Re: هدوء ما قبل العاصفة Author: Kabar Date: 01-14-2016, 11:00 AM Parent: #38
ول ابا جلالدونا..حبابك يا صديقي
هدوء ساكت..هدوء مخيف ومريب وبعض الجماهير حابسة الأنفاس ، والأخرى سيحت ركب..و اخرى الأخرى بركت عدييل.. دي غير المخاخيط..و الصيوانات المفتوحة..!
لكن ده كلو خلي غادي..
خلينا نستغل البوست للدعاية..
اولا: مش في غابر الأزمان.. الناس بتعلق صورة الريس فوق..اها هاك البروفة..
وهنا..
في الدقيقة عشرة/احداشر.. شوف الخطبة باصبع التشهد..وملامح التحذير شديد اللهجة..!!
وبعد شوية ح تشوف القوات الخاصة (عمك اللابس فنيلة بيضا ونضارة سوده وباقي الملامح ، انت قايل سيد اللبن براهو بيعرف يحلق صلعة..!!)..
انتا قايل ناس دينق براهم مارينز؟!!
فشنو الجماعة جاهزين يا عمك..!
غايتو ديل كن دخلوا القصر الجمهوري تاني ما بيمرقوا باخوي واخوك..!
فحقو تدعم صاحبك..الظروفة ما معروفة..!
كبر
Post: #40 Title: Re: هدوء ما قبل العاصفة Author: Kabar Date: 01-14-2016, 11:04 AM Parent: #39
شيخ قصي..حبابك يا صديق
وين يا شيخنا؟..
الحقايب من زمان اتحسمت واترسلت..!
ولو عندك ظلومة من هسع اتجهز..امورك مقضية تب..!
كبر
Post: #41 Title: Re: هدوء ما قبل العاصفة Author: Kabar Date: 01-14-2016, 11:09 AM Parent: #40
ول ابا محمد المسلمي..حبابك يا صديقي..
يمسكوا الخشب..! ياخي العالم اسكت ساكت..بعضها حابس الأنفاس والبعص الآخر سيح ركب..وشنو كده ما عارف..!
دايرين استقبال جهبوذ..و انا جايب معاي فرقة مزيكا قرب من ايرلندا ناس الشي ذاتا وقاعد احفظهم مارشات سودانية..!!
ودمت..
كبر
Post: #42 Title: Re: هدوء ما قبل العاصفة Author: معاوية المدير Date: 01-14-2016, 11:28 AM Parent: #41
Quote: فشنو الجماعة جاهزين يا عمك..!
جاهزين جاهزين لحماية الدين .
ابو حسين اوّعك تجيب لي فرمالتك ديّك تلصقا لي هنا، انا دربي مرق تب ...
Post: #43 Title: Re: هدوء ما قبل العاصفة Author: ABUHUSSEIN Date: 01-14-2016, 03:36 PM Parent: #42
Quote: يا ابو حسين زى ما قال مندرة الحيكومة ما السودان وصحى الشقى يعتّر ليهو خيت
انت و صاحبك الاتنين ناس مرض ... لا تتحاورو لا عايزين الناس تتحاور ... اسي العريبي دا لو مشى الحوار و دخل القصر مش كان قشرنا بيهو و غصبا عننا عملناه صاحبنا ... و نقعد نفتح في البوستات صاحبي دخل القصر و نكلم امة محمد كلها ... زول مرض ..... بعدين الحكومة الحا تشتروها دي و اكيد حا تشتروها ..😂😂(تشتروها التانية دي ما حقت الشراء دي حقت الشتر) .. حا تحكمو بيها منو ...؟؟؟ الواق الواق ....!!!!!!
Quote: غايتو يا مندرة يوم البيعة دى تتم تسحب من ابو حسين ده الجنسية طوالى و من هسى خليهو يمشى المعارضة و ما تديهو اى فرصة لى حوار
و ابو حسين عوير للدرجة دي ... قبل البيعة ما تتم بشوف ارخص جنسية و بشتريها كمان يحكموني جلجل و ود المدير ... و الله ياهو الفضل .. 😂😂😂😂
Quote: ابو حسين اوّعك تجيب لي فرمالتك ديّك تلصقا لي هنا، انا دربي مرق تب ...
و الله ذكرتني ... انت و صاحبك الاتنين قومو لفو ... قال بليون و اربعمية كمان ... وشكم دا وش اربعمية دولار كمان بتحلمو بي بليون و اربعمية ... 😂😂😂😂
Post: #44 Title: Re: هدوء ما قبل العاصفة Author: جلالدونا Date: 01-16-2016, 04:47 PM Parent: #43
يمين الله تنفع رئيس وزراء مدّة اصبع ختيرة جد و كمان ما تقول الحرس الشخصى قاعدين فنلّة بيضاء و نضّارة سوداء واحد اصلع و التانى مخنفس و العضلات تبش و كمان صورة الريس بتاعك المعلقة فى البيت شحمانة بالكلام و سمح و زين بس زى كلام ناس زمان ____ عايزين صور و فيديوهات استقبال عودة تراجى و كبار المستقبلين خاصة عندما حطّ طائرها الميمون
Post: #45 Title: Re: هدوء ما قبل العاصفة Author: جلالدونا Date: 01-16-2016, 05:00 PM Parent: #43
Quote: انت و صاحبك الاتنين ناس مرض ... لا تتحاورو لا عايزين الناس تتحاور ... اسي العريبي دا لو مشى الحوار و دخل القصر مش كان قشرنا بيهو و غصبا عننا عملناه صاحبنا ... و نقعد نفتح في البوستات صاحبي دخل القصر و نكلم امة محمد كلها ... زول مرض ..... بعدين الحكومة الحا تشتروها دي و اكيد حا تشتروها ..😂😂(تشتروها التانية دي ما حقت الشراء دي حقت الشتر) .. حا تحكمو بيها منو ...؟؟؟ الواق الواق ....!!!!!!
Quote: و ابو حسين عوير للدرجة دي ... قبل البيعة ما تتم بشوف ارخص جنسية و بشتريها كمان يحكموني جلجل و ود المدير ... و الله ياهو الفضل ..
Quote: و الله ذكرتني ... انت و صاحبك الاتنين قومو لفو ... قال بليون و اربعمية كمان ... وشكم دا وش اربعمية دولار كمان بتحلمو بي بليون و اربعمية ... 😂😂😂😂
