عرديبه وسوسيوة كبسيبه..................

01:21 AM Jan, 11 2016

سودانيز اون لاين
عبد المنعم موسى-Canada
مكتبتى
رابط مختصر

خلينا في عرديبه ومستراح دواجن كبسيبه. حلو جنس حلاه

وطاعم جنس طعم. اذا بتضوقو ما بتندم.

طبعا الخبر على المدام عرديبة كان بمثابة الفاجعة والصدمة خلف اكثر

كدمة. فقدت جزء من سنونا ومدت قدوما وشرقت وانسد زلعوما . وهذا كله

حصل بعد ما سمعت خبر المستراح الذكي وخرجت تولول وليكبسيبه وتشتكي.

وعندما وصلت وجدته طاشم ومنتكي ولايقدر على الحكي .وعادت بخفي حنين

ولكنها لم تحدد الرجوع لكبسيبه متين..............................................................

طبعا عرديبه وصلت لعند كبسيبه زي القدر المستعجل.

طبعا السكرة فكت منوا وشائل قشة ينخس في سنوا قربت منوا. وقالت

ياكبسيبه اليوم لازم نحل مسألة مستراح الدواجن .لان هذه المسألة عامه لي

عقدة نفسية . واذا ما أكلت دجاجة مستراح ستكون مسألتي على الأطباء عصية.

نفسي انسدت من كل الأطعمة شرقية وغربية وحتي التركية وكمان الفول والطعمية.

فلازم تشوف حل الليلة قبل عشية بلاها المماطلة وتأجيل القضية . وما تفكرني غبية

أنا فاهمة ومتعلمة وذكية والا سأعمل ليك فضيحة قويه . اصبري شوية واديني فرصة

لإيجاد حلول عملية.

طبعا عرديبه قاعدة على جمر في انتظار المستشار كبسيبه عسا ولعل

يجد حل. لموضوع مستراح الدواجن وهي منذ أن سمعت كبسيبه يردد حلوه

جنس حلاه وطاعمه جنس طعم, لم يهدأ لها بال وعلى احر من الجمر. طبعا

نفسها مسدودة حتي من التمر. فهي بتحب اللحم وجحمانا جنس جحم وعندما

لا تجد لحم ففي ذلك الوقت ما بتنام إلا اذا أكلت ودك...............................

طبعا عرديبه في انتظار استشارة كبسيبه . وهي تعد في الأيام هي

تمر عليها كأنها قرون وتنتف في شعرها لغاية ما قامت ليها قرون . وفي

النهاية قلبها الصبر وحاسة كأنها قاعدة في قبر . وفي النهاية قررت .

الذهاب لكبسيبه لتشوف حل لهذا الأمر الخطير والجلل . وعندما فتح كبسيبه

ما عرف مين في الباب لان عرديبه متنكرة ولابسه نقاب . ففكر أنها نصرة أو

داعشيه وجايا ترتكب جنيه . حاول ينط من الشباك فشاف الأرض بعيده واذا تلب

نهايته ستكون غير سعيدة . حصلت عرديبه وقالت أنا عرديبه جايا احل مشكلة

ما جايا اسوي مصيبة . استهدي بالله وخلينا نتكلم عن سوسيوة المستراح .

طبعا كبسيبه بعد ما استهدى بالله . طلب من عرديبه إمهاله حتي الصباح

عشان يشوف حل لقضية دواجن المستراح وعشان يريح ويرتاح .

فعرديبه تمر بأيام عصيبة وتراوضها إحساسات غريبة . بقت

رقيقة زي خيت العنكبوت والب شوفا بقول حات موت ويشرع في

تحضير التابوت . ودائما تردد إن كبسيبه كذاب وما عندوا عقاب وزي

الغراب البنكت التيراب . وظنها فيهوا خاب ومن كترة الدعاء عليه

بقى بيلبس الجزمة من دون شراب . ووشوا بقى مكرمش زي الجراب.