حبيبنا زهير .. يا أخي وضح لينا موضوع الدنقلاوي بالتفصيل

07:28 AM Jan, 10 2016 سودانيز اون لاين
علي عبدالوهاب عثمان-جدة
مكتبتى
رابط مختصرحبيبنا بكري ..استحلفك بالله .. شيل بوست زهير عن الدنقلاوي ..صدقني أخي بكري البوست ده عمل لينا غثيان ورفع ضغطنا مليون حرام عليك يا زهير ..بكري الحبيب .. جوالي لم يصمت دقيقة عشرات المكالمات فقط من داخل جدةمن قراء المنبر غير المشتركين ..والله يا زهير عملت في أهلنا عملية بطالة خالص ..وده البوست الثاني أو الثالث عن الدناقلة ..في إنتظار بكري .,

الاستاذ علي عبد الوهاب عثمانلك التحية والتقدير .. وأضم صوتي لصوتك.


التعديل لكلمة التقدير

الاستاذ علي عبدالوهاب عثمان سلام وأوافقك الرأي يابكري اسحب البوست


زهير والله الامر لايحتمل التشهير بالقبائل

شكراً وائل ..
نختلف نتفق ما دخل القبيلة في الموضوع
قبيلة فيها السيء والجيد
تأملوا قريش فيها راس الكفر وسيد المرسلين

مع التحية ..

كلموا الزول يرجع القروش قولوا ليه شرطت عينا
وبرضو يا بكري احذف

Quote: زهير والله الامر لايحتمل التشهير بالقبائل

حبيبنا المسلمي ..
دائماً إنت واسطة خير .. إذا عندك رقمه
تلفوني في البروفايل خليه يتصل فيني
سوف أدله إلى تجمعات الدناقلة وهم عمق نوبي أصيل ..
عشان يتعرف عليهم أكثر .. وتتغير الصورة لديه

شكراً المسلمي ولك التحية ..
والله اليوم جيت بنفس أفتح سودانيز لكن زهير عكر دمنا ..
معليش مسلمي الحبيب .. الزعل ..

تحياتي ..

غايتو العارفو أنا الزول دا غير الكوبي بيست ما عندو في المنبر دا
أحيان يجيب المصدر وأحيانا لا ..
غايتو بوستيه الأخير دا تقريبا كاتبو هو بالنظر للصياغة والفكرة ..
أرجو ان يتم سحبه بسبب التنميط الجهوي

سلام الأخ علي عبد الوهاب وضيوفه

عهدناك رجل هاشاً باشاً .. نقدر لك غضبتك الحليمة على أهلنا الدناقلة ، هون على نفسك قليلاً فلن يضيرهم ما كتب عنهم خيراً أو شراً

الجريمة ليس لون ولا جنس من كافة أجناس الشعب السوداني ، زهير أخطأ ويا ريت يعتذر ويسحب البوست بنفسه

والتحية لكافة مكونات الشعب السوداني التي ما تزال ترسم لوحة جميلة في التعايش السلمي بينها

Quote: وبرضو يا بكري احذف

شكراً أستاذة إخلاص

Quote: [أرجو ان يتم سحبه بسبب التنميط الجهوي

حبيبنا طلحة شكراً ..

Quote: الجريمة ليس لون ولا جنس من كافة أجناس الشعب السوداني ، زهير أخطأ ويا ريت يعتذر ويسحب البوست بنفسه والتحية لكافة مكونات الشعب السوداني التي ما تزال ترسم لوحة جميلة في التعايش السلمي بينها

حبيبنا يوسف

ما أغضبني أنه صحفي يحمل بطاقة صحفي ..
ويكتب بهذه الطريقة ..إذا كان شخص لا علاقة له بالاعلام والصحافة معليش

مودتي ..

حقيقةً أشوف مافي داعي المطالبة بـ سحب البوست.. يعني بوست مشلول
ذي داك حيعمل شنو فى الدناقلة.. خاصةً لما يكون الغرض منه واضح.
زول جا جاري بـ بضاعة فسادة ورجع بيها يستحق شنو غير الشفقة.

Quote: حقيقةً أشوف مافي داعي المطالبة بـ سحب البوست.. يعني بوست مشلول ذي داك حيعمل شنو فى الدناقلة.. خاصةً لما يكون الغرض منه واضح. زول جا جاري بـ بضاعة فسادة ورجع بيها يستحق شنو غير الشفقة.

حبيبنا ميرغني ..
يا أخي والله أذهبت عني الغضب بعبارةات ( حيعمل شنو في الدناقلة ) و ( يستحق الشفقة )
شكراً ميرغني أمبس

مودتي ..

فوووق ....
نتمى من الاخ بكري حذف بوست زهير الغير موفق

وتحياتي اخ علي لك ولكل اخوانا الدناقلة الكرااام

Quote: فوووق .... نتمى من الاخ بكري حذف بوست زهير الغير موفق وتحياتي اخ علي لك ولكل اخوانا الدناقلة الكرااام

حبيبنا ودالأمين ..
شكراً على المداخلة الطيبة ..
صحيح كنت غاضب ولكن بعد مداخلة الاخ ميرغني
قرأت الموضوع بعمق ..
أنا استغرب واحد يدعي صحفي يكتب عنوان بهذه الطريقة

مودتي ,,

Quote: عمنا علي ما تزعل روحك فانتم ملح الارض وسكرها كمان _ انتا قايل اي زول عندو بطاقة صحفي ليه علاقة بالاعلام

من الفيسبوك :

حبيبنا نبيل :
يا اخي الواحد مع الكبر ده .. الزعل ما كويس ..

لكن ألاحظ كلامك مطابق مع مداخلة الاخ ميرغني

لك التحية

نعمل إليه نستحمل ..

مودتي ..

Quote: ضابط الامن السابق وكتب العمودي الصحفي الان الدنقلاوي لص يسرق ويقتات من أصلاب النساء

يا جماعة الزول دا مش ياهو بتاع بوست صانعة العرقي ( رحمها الله )

رحيل اشهر صانعة عرق بأمدرمان الحفر الصانعةوالساقية السيدة \دلدوموم عجب السي�...لها الرحمة رحيل اشهر صانعة عرق بأمدرمان الحفر الصانعةوالساقية السيدة \دلدوموم عجب السي�...لها الرحمة

والذي كتب

Quote: غادرت دنيانا الفانية الانسانة دلدوموم عجب السيد التي وهبت حياتها لتطوير صناعة المشروبات الروحية السودانية بفهم عميق لدور الخمور في حياتنا العامة لقد أسست في الديمقراطية الثانية أشهر أنداية في الحفر ذات علم أزرق وبعدها أستمر العمل لحين قيام أنقلاب الانقاذ وظلت تصنع كل المشروبات الروحية السودانية العرق والمريسه والعسلية بجانب الكجومرو وأيضا هي أول من أدخل النكهات علي العرقي السوداني ولقد خدمة الخمور البلدية والمزاج الامدرماني لمدة اكثر من نصف قرن

وهنا كتب ( الان الدنقلاوي لص يسرق ويقتات من اصلاب النساء )
وما ادري هل يقصد ( الآن ) معني now اي انهم كذلك .
او يقصد ( لأن) بمعنى because
عموما دا قادي دين وعربي ، اسلوبه ساقط وعباراته قبيحة ولكن من يعجب بالخمور ويمدحها لا تؤمن سلامة عقله !!!
المهم الوضوع لا يهم كثيرا فقد دافع النبلاء عن الدناقلة وأشكرهم جميعا وان كنت لا افرق بين الناس بسبب القبيلة الا ان ما كتبه ينعكس عليه لا على الدناقلة ويدل على انه فاقد للاسلوب الصحفي ويفتقر ايضا الى معرفة اللغة العربية وكل ذلك يخرجه من اهلية ان تغضبوا لكلامه .
أصلاب النساء يأكل منها المخمورون والمروجون للاندايات ومناطق الفواحش والمشجعين لها وليس الدناقلة .
يمكنك ان تكتب عمن تشاء يالوثائق لا بالشتائم ولكن تبا لصحافة اعطت لمثل هؤلاء اقلاما وبطاقات .
وتبا لتقنية تجعل من مثل هذه الشتائم والاساءات كلاما يقرأ ويكتب على الملأ .
وتبا لقلمك الذي لم نجده يوما مدافعا عن فضيلة ولا دين ، تبا لقلمك الذي لا يروج إلا للفواحس والخمور .
وتبا لأسلوبك الذي لا يشبه اهل الصحافة ولا اهل السودان ولا حتى المعارضين النزهاء .
اللغة العربية مليئة بالألفاظ البذيئة ولا يصعب على اي احد حشر الانترنت بألاف الكلمات النابية ولكن الكثير يمنعهم الادب والتربية واحترام الآخرين ومن تجرد من هذه القيم يطلق لنفسه العنان ويسقط في مستنقع الجهل والعنصرية وتمجيد الخمور وشتم الشرفاء .
غفرانك

العزيز / على عبدالوهاب على رسلك يا حبيب
الدناقلة اعلام يملؤن افق الشمس ولا يضيرهم مثل هكذا كتابات
يخيل اليّ ان زهير ناقل للخبر وناقل الخبر ليس بكافر ,, لكن المطلوب منه ان كان ناقلا للخبر ايراد المصــــدر ..

كن بخير ..

اخذ القبيلة بجريرة شخص او اشخاص مرفوض

أخي علاء لك التحية
نقله للخبر لا يعذره ان كان فعلا صحفيا ، وما كتبه لا يشير الى مصدر ولا نقل بل يدل دلالة واضحة على انه الكاتب ، كما ان تماديه وعدم أعتذاره يزيد من بشاعة الحدث ، لماذا لا يكتب ويوضح وجهة نظره ان كان كذلك ؟؟؟
السقوط سهل ومجاني بينما الارتقاء والنهوض يحتاج لجهد !!!

Quote: وهنا كتب ( الان الدنقلاوي لص يسرق ويقتات من اصلاب النساء ) وما ادري هل يقصد ( الآن ) معني now اي انهم كذلك . او يقصد ( لأن) بمعنى because عموما دا قادي دين وعربي ، اسلوبه ساقط وعباراته قبيحة ولكن من يعجب بالخمور ويمدحها لا تؤمن سلامة عقله !!! المهم الوضوع لا يهم كثيرا فقد دافع النبلاء عن الدناقلة وأشكرهم جميعا وان كنت لا افرق بين الناس بسبب القبيلة الا ان ما كتبه ينعكس عليه لا على الدناقلة ويدل على انه فاقد للاسلوب الصحفي ويفتقر ايضا الى معرفة اللغة العربية وكل ذلك يخرجه من اهلية ان تغضبوا لكلامه . أصلاب النساء يأكل منها المخمورون والمروجون للاندايات ومناطق الفواحش والمشجعين لها وليس الدناقلة . يمكنك ان تكتب عمن تشاء يالوثائق لا بالشتائم ولكن تبا لصحافة اعطت لمثل هؤلاء اقلاما وبطاقات . وتبا لتقنية تجعل من مثل هذه الشتائم والاساءات كلاما يقرأ ويكتب على الملأ . وتبا لقلمك الذي لم نجده يوما مدافعا عن فضيلة ولا دين ، تبا لقلمك الذي لا يروج إلا للفواحس والخمور . وتبا لأسلوبك الذي لا يشبه اهل الصحافة ولا اهل السودان ولا حتى المعارضين النزهاء . اللغة العربية مليئة بالألفاظ البذيئة ولا يصعب على اي احد حشر الانترنت بألاف الكلمات النابية ولكن الكثير يمنعهم الادب والتربية واحترام الآخرين ومن تجرد من هذه القيم يطلق لنفسه العنان ويسقط في مستنقع الجهل والعنصرية وتمجيد الخمور وشتم الشرفاء . غفرانك

حبيبنا محمد الزبير ..
صح لسانك .. وطن ضائع وسوف يضيع أكثر إذا كان هؤلاء هم الصحفيون والنخب
مودتي أخي محمد

Quote: يخيل اليّ ان زهير ناقل للخبر وناقل الخبر ليس بكافر ,, لكن المطلوب منه ان كان ناقلا للخبر ايراد المصــــدر ..

حبيبنا علاء ..
إذا كان هكذا فالأمر أصبح أكبر وجلل ..
كيف يحمل أسفاراً ولا يعرف محتواها ..
كيف لصحفي أن ينقل كلام مثل هذا ..
أسوأ شيء في الدنيا ( القواله ) ونحن نسميه بالنوبية ( قالا كاك ) او الشخص
الذي ينقل الكلام .. لأن الكلام أحياناً لا يكون مهماً أو مؤثراً من فم قائله .. ولكن إذا تم نقله
من شخص آخر يكون مؤثراً .. وهي صفة غير محمودة في مجتمعنا ..

مودتي

Quote: خي علاء لك التحية نقله للخبر لا يعذره ان كان فعلا صحفيا ، وما كتبه لا يشير الى مصدر ولا نقل بل يدل دلالة واضحة على انه الكاتب ، كما ان تماديه وعدم أعتذاره يزيد من بشاعة الحدث ، لماذا لا يكتب ويوضح وجهة نظره ان كان كذلك ؟؟؟ السقوط سهل ومجاني بينما الارتقاء والنهوض يحتاج لجهد !!!

ووو أمبس

كلام في الصميم .. يا أخي على الأقل يأتي ليقول أي شيء

مودتي

اصلا لا توجد علاقة بين العنوان والموضوع
إلا في حال لقب المعني هو ( الدنقلاوي ) ...
اعتقد تعزيز التنميط بالقبيلة هو امر مرفوض
ولو ان دنقلاوي نسبة الى مكان وليس عرق
فكل من قدم من دنقلا فهو دنقلاوي ... حتى ابناء
عمي نطلق عليهم ابناء دنقلا او الدناقلة وصلوا في







...............
عموماً ومحبةً لوجه الله في اخونا علي عبدالوهاب
ارفع الصوت لزهير بتعديل البوست في العنوان
حينها يتغير المعنى .... وعلي عبدالوهاب يتوقف
رنين هاتفه غير الذكي ههههههههههههههه









........................................................حجر.

Quote: عموماً ومحبةً لوجه الله في اخونا علي عبدالوهاب ارفع الصوت لزهير بتعديل البوست في العنوان حينها يتغير المعنى .... وعلي عبدالوهاب يتوقفرنين هاتفه غير الذكي ههههههههههههههه

جبيبنا حجر .. بالله شوف لأهمية الموضوع تناولت معك مشروع الكتاب في المقابر الله يرحم شنان السمح ..
ونحن في تعب شديد في ليالي جدة عشان نربط نوبة الشمال والجنوب
ونمد حبل التواصل العرقي والثقافي مع جيراننا وإخواننا السمحين الشوايقة .
فكانت مفاجأة زهير ..
ده حالنا بالجوال أبوكشاف .. لو كان واتساب كان جانا ضغط عديل ..
حبيبنا حجر .. يوم الجمعة كنا عندنا حفلة لفنان نوبي دنقلاوي ( دوولا)
ومعه استضفنا أخو وداليمني محي الدين صدقني كان قمة الطرب كانت ليلة نوبية شايقية بإمتياز
طرب حتى الثمالة .. اخو ود اليمني فنان حقيقي .. ذهب بنا إلى الايام الجميلة
ليلة صفقة وطنبور .. ما قصروا ناس محلية دنقلا .. لكن بيني وبينك كان قمة الطرب ..
زولكم جذب الجمهور للاخر ..
الفن والثقافة هو الرابط الوحيد لهذه الأمة
مودتي حجر ..
ولله حلوة الهاتف غير الذكي ( ههههه ) .. عشان عضويتة مجموعتكم لازم أعمل تطوير ..

مافي داعي للحذف ...البوست الغير مرغوب فيهو ينزل الي القاع تلقائيا ............

Quote: مافي داعي للحذف ...البوست الغير مرغوب فيهو ينزل الي القاع تلقائيا

وليبقى دليلا على ثقافة الكاتب !!!

Quote: مافي داعي للحذف ...البوست الغير مرغوب فيهو ينزل الي القاع تلقائيا .

حبيبنا محمد أبراهيم ..
موافق على إقتراحك سوف أغير العنوان

وخلي البوست فوق ..

شكراً ..