|
|
|
 Re: اكلو اخوان واتحاسبو تجار (Re: عبدالحفيظ ابوسن)
|
| Quote: ومالو لو اتحاسبنا اخوان |
تفشل التجارة ويضيع البزنس طوالي يا ود اب سن
البزنس ليه شروط اهتمام بالجودة ورضاء العميل و الاستدامة و الجدية ... إلخ إلخ
واحد منها بل وامن أهمها لنجاح البزنس البعد عن المجاملات و الاخوانيات - اعني الاخوانيات السودانية المعروفة
جاليات كثيرة لا تملك ربع ما نملك من تعاضد و اخوانيات تنجح في مجال التجارة و الاعمال في المهاجر بل وفي بلادنا نفسها وتزيحنا من المنافسة, ليه؟
عشان بتحاسبوا تجار
| |
  
|
|
|
|
|
|
|
|
Re: اكلو اخوان واتحاسبو تجار (Re: ismeil abbas)
|
مرحبا ودالبشري
وحبابك
أكيد الزول البتاكل معاهو دة اخوك . وانت ما بتاكل مع كل زباينك
كم اخو ممكن يخش معاك في بيع وشراء
انا ما قلت ليك ما تخسر . لكن حاسبو حساب اخوان . حساب الاخوان فيهو الفضل والاقالة وحسن تقدير الظرف
ولحديث الرسول (ص) خير دليل .. رجلا سمحا اذا باع وسمحا اذا اشتري وسمحا اذا قضي وسمحا اذا اقتضي
والمثل نحن ما بنقولو في البيع والشرا بس . بنقولو في اي حاجة فيها حساب مالي ولا غيرو
| |
|
|
|
|
|
|
|
|
|
Re: اكلو اخوان واتحاسبو تجار (Re: عبدالحفيظ ابوسن)
|
الحبيب القريب ود ابسن طابت ايامك بكل خير
وبرضوا قالوا
حبيبك لا تناسبوا لا تشاريه
والفكرة كلها في الحفاظ على العلاقة السمحة بينكم
يعني مثلا المثل القلتو ده في الغربة يستخدم كتير تلقى شاب
واحد شغال براتب عالي والتاني راتب اقل اها مما تدخلوا المطعم الزول الاول ده بحلف يدفع
والتاني برمي المثل ده انو الخوة في مكانها لكن ندفع كلنا سوا
..
ولو قاطع تب اكيد اخوك ده البسندك
| |
|
|
|
|
|
|
|
|
 Re: اكلو اخوان واتحاسبو تجار (Re: عبدالحفيظ ابوسن)
|
الأخ ود أب سن
دي قصة صديقي المهندس الهندي يسن
إختصاراً للموضوع
صاحبي وزميلي يسن كان يعمل معي في مشروع واحد في مدينة المرفأ في إمارة أبوظبي
طلب مني مرة أن أذهب معه لشراء بعض الوصايا لأصدقائه في الهند
ذهبت معه واشتري عدد من الأقمصة والبناطلين والأحذية وغيرها
وعندما رجعنا فوجئت بأنه يكتب أسماء الأصدقاء وقيمة كل وصية أمام كل واحد !
سألته: دا شنو يا يسن؟
فأجابني بإندهاش: قيمة الوصايا
قلت له: مش ديل أصاحبك؟
قال : ييس وات إز ذا بروبلم؟
تجادلت معه حتي منتصف الليل وختام كلامه
لو أحضرت هدية لكل أصدقائي سأخسر مبلغ كبير جداً ولسان حاله يقول
كتر خيري أنا جبت ليهم الأغراض حتي منازلهم ولم أطالبهم بأكثر من قيمتها
يا ود أب سن دي قصة حقيقة حدثت في عام 1995
وما زالت قناعاتي كما هي
ما ممكن ناكل اخوان
ونتحاسب تجار!!
___
الحليلة
| |
|
|
|
|
|
|
|
|
|
Re: اكلو اخوان واتحاسبو تجار (Re: elhilayla)
|
سلام ود أبوسن
المثل دا طالو التعديل وتم تأصيله حضاريا!
إتحاورو إخوان وإتحاسبو تجار!!
وها ك الأكيدة
أحزاب وثبة البشير : المبلغ الذي تدفعه لنا الحكومة ضعيف ولا يتناسب مع الجهود التي نبذلها في الحوارحذرت : الخلاف حول النثرية قد يؤدي الى انهيار الحوار01-09-2016 11:12 AM| Quote: الخرطوم: رفضت أحزاب المعارضة بآلية الحوار النثرية التي اقترحتها الحكومة للمشاركين بالحوار باعتبارها ضعيفة ولا تناسب الجهود التي بذلها المشاركون في الحوار خلال الفترة الماضية، وحذرت أحزاب المعارضة من أن الخلاف حول النثرية قد يؤدي الى انهيار الحوار.وأبلغت مصادر أن النثرية التي دفعت بها الحكومة 600 جنيه للعضو الأساسي و300 جنيه للعضو المناوب. ودعت الأحزاب إلى دفع نثرية تتناسب مع الحد الأدنى لجهود المشاركين لأن الدولة ومنظمات المجتمع المدني المحلية والدولية لها عرف لتخصيص مبلغ يومي محدد لكل فعالية.وكان آخر اجتماع لآلية الحوار "7+7" أمن على دفع نثرية للمشاركين في الحوار الذين يبلغ عددهم 600 مشارك. |
وتتواصل ملهاة حوار الوثبة !حوار مدفوع الأجر!متحاورون يهددون بفشل الحوار إذا لم يقبضوا المعلوم ! .. الكلام بقروش ـ! يفتح الله! قروشكم دي شوية ياتدفعوا المعلوم ياهاكم عرض أكتافنا!(التعليقات من عندي ) و وقد جاءت من وحي هذه الأخبار الواردة في الصحف| Quote: أحزاب وثبة البشير : المبلغ الذي تدفعه لنا الحكومة ضعيف ولا يتناسب مع الجهود التي نبذلها في الحوارحذرت : الخلاف حول النثرية قد يؤدي الى انهيار الحوار |
والسؤال هل يتوقع عاقل نجاح حوار هذا هو مسلك أطرافه ! حكومة تكنكش في الغنيمة وتبتز الآخر المحاور وتهينه وتمنحه بالقطارة ـ والآخر يطالب بالمزيد أو إفشال الحوار ! لك الله ياوطن .. لك الشعب ياوطن ،إنه زمن المهازل وإهدار الموارد وإهدار الوقت في حوار دائري عقيم!
| |
|
|
|
|
|
|
|
|
|
Re: اكلو اخوان واتحاسبو تجار (Re: كمال عباس)
|
مرحب الجنيد
وحبابك
مالو ناكل سوا ونتحاسب سوا او يدفع واحد . ما فرقت كتير
المثل يتقال كأنو قانون .. نتحاسب اخوان لو اكلنا سوا .. دة لو بناكل كل يوم مع بعض . والدفع ما شرطا بالتساوي وبتحصل كتير
خلاس كدي جيب عشرة عشرين . وبكرة انت
صاحبك لا تشاركو لا تناسبو
الشراكة خلها
الزواج دة انا بفتكر وقلتو
مؤسسة الزواج السودانية كابحة لكل طموح ايا كان
مالي ولا اكاديمي ولا عملي ولا سياسي
وبالضرورة يتقاطع مع العلاقات مع النسابة
| |
|
|
|
|
|
|
|
|
|
Re: اكلو اخوان واتحاسبو تجار (Re: حاتم إبراهيم)
|
مرحبا حاتم
وحبابك
التواكل مرفوض بشكل مبدئي .. فأنت تساعد من يساعد نفسه . بتشوف الزول مجتهد في سبيل كسب عيشه بشكل مستقيم وعاجز عن تلبية كل متطلبات اسرته . ف شنو بتلزو .. وكل ما كانت اللزة مانعة يمكن ان تجعله يطور سبل كسب عيشه ولا يحتاج لاحد . ودي الخوة اقصد حساب الاخوان
حساب الاخوان فيهو الفرقة البتخليهو تكافل
| |
|
|
|
|
|
|
| |
عبدالحفيظ ابوسن
محمد البشرى الخضر
ismeil abbas
الجنيد حمد
elhilayla
كمال عباس
حاتم إبراهيم
فيس بوك
تويتر
انستقرام
يوتيوب
بنتيريست