Post: #1
Title: أركبو هنا
Author: Salah Zubeir
Date: 01-09-2016, 09:16 AM
Parent: #0
08:16 AM Jan, 09 2016 سودانيز اون لاين
Salah Zubeir-UAE
مكتبتى
رابط مختصر 122 حزب سياسى جوا البلد,
فيهم 4 أحزاب مشهوره (ما فى واحد يقولى كبيرة).
29 حركة مسلحة.
فيهم 4 حركات مشهورة (مافى واحد يقولى كبيرة).
بره السودان آلآف الأحزاب إذا أخذنا حزب وفد المنافى سامبل.
طيب فى كندا حزب وفد المنافى 7 فى الخرتوم و إتنين فى كاللقرى وفى حوالى ميه وسبعين معارض ليهم موقعين جوا المنبر دا بيدوك 17 لى عشرين حزب لأنهم ما على قلب رجل واحد ,
مع مراعاة إنو فى آلآف الناس فى كندا فيهم كيزان وغالبيتهم ناس عاديين زىَ كدى قرفانين من حاجه إسمها أحزاب و سياسه . يعنى من كندا دي بكون بالميت كدا فى زى خمسمية حزب و قس على ذلك أمريكا و أوربا.
الجماعه الفوق ديل كلهم كلو واحد فيهم ساعت يجى ينوم بالليل وبعد ما يجر البطانية أو الملايه فوق وشو طوالى مخو يوديهو القصر الجمهورى الواقع على ضفاف النيل الأزرق جوا الخرتوم ,
و هاك يا حلم ,,,, المكتب كيف ,, كباية الليمون الساقطة (ممكن أورنج جوس) ,, العربية ,,, البيت ,,, الحساب فى البنك ,,, إلخ إلخ ,, النلس ديل جت ناس بارده (إيزى إنكم).
|
Post: #2
Title: Re: أركبو هنا
Author: محمد البشرى الخضر
Date: 01-09-2016, 09:21 AM
ههههههههههههه
|
Post: #3
Title: Re: أركبو هنا
Author: Salah Zubeir
Date: 01-09-2016, 09:23 AM
كدى تعالو ن ف ن ط الناس الفوق ديل و نشوف هم منو:-
ال 122 حزب ناقص 4 فضلو 118. ال 118 ديل هم زي توابع الزلزال للأربعه المشهورين.
خلونا فى الزلزال الوهم دا زاتو
الأربعة المشهورين ديل فيهم إتنين طائفية و إتنين أيدولوجية.
أحزاب الطائفيه دى إلى زوال لأنها أحزاب بدون رؤيا و ما عارفين يسو شنو و بعد عشرين سنه واحد يجى يقول سيدى إلا يضحكو فيهو. و الناس ديل كل يوم يمر عليهم ماشين بالناقص نتيجة أداهم و تصرفاتهم.
الشيوعيون كأيدولوجيا إنتهت العام 1991 وهم أصلا" ماعندهم سالفه يعنى أنا أشتغل و أتفوق و أنتج يقومو يدو عرق جبينى لواحد عاطل بإسم الإشتراكية و كفاح الطبقة العاملة. ديل أديناهم الفاتحة زمان من 1971 و ما رأيناهو منهم.
الإسلام السياسى أثبت إنو الموضوع ما ليهو علاقه بالإسلام البته و أثبتوا إنو ممكن يكونو صادقين جدا" لو كان السلطة و الثروة كتب مقدسة بيحلفوا فيها بدل القران الكريم منذ العام 1989. ياخى نحن ماممكن نكون دوله فاشله و منبوذة زى ما نحن عليه اليوم و كلو بإسم الدين و الدين منهم براء. هسى الفشل المعترف به من قبلهم هل يجوز ننسبو للدين. 26 سنه وهم وكلاء الله فى الأرض. 26 سنة قتلوا و عذبو و شردو و فسقو و أفسدو و كلو بإسم الدين. الحاكم العاقل ببعد ناسو من الأيدولوجيا (شيوعيه أو إسلام سياسى) عشان يعيشو بدون غبائن.
نمشى للحركات المسلحة
تعديل :- إضافة الوهم للزلزال
|
Post: #4
Title: Re: أركبو هنا
Author: درديري كباشي
Date: 01-09-2016, 09:32 AM
Parent: #3
غايتو العنوان ذكرني طرفة واقعية يا صلاح خلينا نقف فيها شيوية بعدين نشوف الباقي
زمان في كسلا زمن الديمقراطية كان في شركة صينية شغالة رصف الطرق .
واحد من شباب كسلا شغال معهم سواق شاحنة نقل تراب .
زهج من الشغل ولقى شغل أفضل فقدم أستقالته وجا للصينيين يطالب بحقوقه .
الصينين قالوا له ما في مانع .. تعال نتحاسب .. أولا نحسب لك مالك ..بعد ما حسبوا له استحقاقاته حسبة جامدة تسيل اللعاب ..
قالوا له يلا نحسب ما عليك .
قال : هو أنا علي شئ ؟
قالوا له كيف ؟
هاك الجدول .. يوم كذا كذا بشاحنتنا في الساعة الفلانية جبت دور تراب للمقاول فلان .. ويم كذا كذا جبت دور تراب لفلان .. ويوم كذا كذا .. ألمهم حسبوا له كل الشغل ( الغش) كان يبيع التراب من وراهم وهم مطنشين .. ضربوها له في سعر دور التراب طلعت أكثر من حقوقه .. قالوا له .. حاليا نحن نطالبك بفلوس..
صاحبنا تلفت يسار ويمين ما قدر ينكر ..
قالوا له يلا أدفع ؟.
قال أنا أدفع ؟؟ .. أركبوا هنا كلكم . (الحركة المألوف باسطا يده ورافعا صباعه الأوسط)
الصينين تلفتوا لبعض بأندهاش .
وقالوا له :
ولكن كيف سيحملنا هذا الأصبع الصغير ؟؟؟
|
Post: #5
Title: Re: أركبو هنا
Author: Salah Zubeir
Date: 01-09-2016, 09:38 AM
Parent: #4
ود البشرى شكرا" على المرور لاكن (الكاف مكسورة بتاعت الهنود) الضحك على أنا أو على العنوان
هههههههههههههههههههههه
|
Post: #6
Title: Re: أركبو هنا
Author: Salah Zubeir
Date: 01-09-2016, 09:42 AM
Parent: #5
أخونا الدرديرى
تحياتى
أنا غير ,,,,,,
مسك بيده اليسرى مرفق يده اليمنى و قفل راحة يده اليمنى,,,,,,,,,,, هى كده
|
Post: #7
Title: Re: أركبو هنا
Author: معاوية المدير
Date: 01-09-2016, 09:44 AM
Parent: #5
| Quote: الكرى ما عندو مجده |
دي يعني شنو ؟...
|
Post: #8
Title: Re: أركبو هنا
Author: ABUHUSSEIN
Date: 01-09-2016, 09:45 AM
Parent: #5
Quote: لاكن (الكاف مكسورة بتاعت الهنود) الضحك على أنا أو على العنوان
|
الضحك عليك إنت يا حاج الطيب .....
غايتو إنت ما مضمون ......
لكن بننتظر .....
نشوف حا نحتاج لي مخدة و ل لأ .....
تحياتي و إحترامي
|
Post: #9
Title: Re: أركبو هنا
Author: طلحة عبدالله
Date: 01-09-2016, 09:51 AM
Parent: #8
والله يا صلاح ما قصرتا
كلهم بلا استثناء ناس مصلحة ومنفعة عايزين ينغنغوا ويشتهروا على حسابنا
حساباتم تحسب وموسيقتم تعزف والشعب ينزف ..
اللهم أحفظ هذا البوست المؤسس من تهريج تهريف أبو بوستات نقط نقط .
|
Post: #41
Title: Re: أركبو هنا
Author: Salah Zubeir
Date: 01-09-2016, 06:04 PM
Parent: #9
أخوى طلحة
ياخى شكرن على المشاعر النبيلة
والله مريت على مداخلتك دى عشرين مره و مبسوط منها شديد , الآن فقط عرفت إنو ما رديت عليك , فعذرا"
|
Post: #10
Title: Re: أركبو هنا
Author: Salah Zubeir
Date: 01-09-2016, 10:00 AM
Parent: #8
شكرا" يا العوض على المرور
مخده واحده بس؟!!!
|
Post: #11
Title: Re: أركبو هنا
Author: Salah Zubeir
Date: 01-09-2016, 10:04 AM
Parent: #10
أخ معاوية
تحياتى
|
Post: #12
Title: Re: أركبو هنا
Author: Munir
Date: 01-09-2016, 10:14 AM
Parent: #11
سلامات الأخ الأديب صلاح الزبير ..
عنوان لقطة ماحصل مرَّ على سودانيزأون لاين :)..
ظاهر عليك بايت زعلان من العبث الحاصل ده..:)
|
Post: #13
Title: Re: أركبو هنا
Author: محمد البشرى الخضر
Date: 01-09-2016, 10:42 AM
Parent: #12
العفو يا ابو صلاح الضحك من العنوان طبعا
|
Post: #15
Title: Re: أركبو هنا
Author: معاوية المدير
Date: 01-09-2016, 10:51 AM
Parent: #13
سلآمات يا قريبي،
والسلآم لناس الشعبية الذين مروا من هنا ...
|
Post: #17
Title: Re: أركبو هنا
Author: الجنيد حمد
Date: 01-09-2016, 10:55 AM
Parent: #13
تحية طيبة
العزيز صلاح الزبير وضيوفه الاكارم
طبتم وطابت ايامكم
الاحزاب السياسية ضعيفة وبعيدة عن الواقع هذه حقيقة
السعي للحكم حق مشروع لكل حزب اذا كان ذلك وفق قناعة الشعب .
....
كم وخمسين سنة نحنا شغالين نوصف في المشكلة وكم وخمسين سنة ما فتشنا للحل .
وجود الاحزاب ضرورة ولكن يجب ان تتطور برامجها حتى تكون مقنعة للمواطن .
الحاصل هسي بلوة جديدة اذا ما ارتقت الاحزاب للمسؤولية حقو يتم تقسيمها لتلاتة كتل
الكيزان ومشتقاتهم حزب . الطايفتين ديل وتوابعهم حزب . الشيوعين والحركات وبقية الاحزاب (التقدمية) حزب
وكلو يا ريت يجيب مريسة تام زين .
ولا ندعوا الله يجينا دكتاتور مستنير (ده طبعا لو في دكتاتور مستنير)
...........
يلا يا احزاب اقيفوا صف كلو بركب
|
Post: #27
Title: Re: أركبو هنا
Author: Salah Zubeir
Date: 01-09-2016, 01:10 PM
Parent: #17
أخ الجنيد تحياتى
شكرن على المرور و المساهمة
|
Post: #14
Title: Re: أركبو هنا
Author: Salah Zubeir
Date: 01-09-2016, 10:49 AM
Parent: #12
دكتور منير ود حلتنا
مشكور كتير على اللقب
لكن أديب دى واسعه كتير على , أنا زول عنقالى ساكت , مهنى و بحب مهنتى جدا" و ما دير ليها شريك.
ياخى ديل فقعوا مرارتنا
تحياتى
|
Post: #16
Title: Re: أركبو هنا
Author: Salah Zubeir
Date: 01-09-2016, 10:53 AM
Parent: #14
نمشى للحركات المسلحة
ما أسهل الحصول على السلاح فى هذا العالم المايل. و ما أسهل شيل السلاح (لا دايرلو مزاكره و لا سهر) يعنى سودانا دا كلو
بمدنو وحلالو ممكن بكره دى يسلحوا و الميدان يا حميدان. الحكومه تكضب و إنتو تكضبو و بى كضبكم و خياسة الحكومه قدرتو
تألبو العالم كلو ضد السودان بما فيهو دارفور,,,, مقاطعات و عقوبات لا إنتو لا الحكومه متأثرين بيها ,,, ياهو محمد أحمد الفى
تلس و الدبيبات و أروما و مقاصر المتكوين بى نارا. يمين الله القروش الإنصرفت على دارفور من 2003 من سلاح وإغاثات
و حركات و جنجويد وجيش و يونميد كان بقت دارفور زى كاليفورنيا.
|
Post: #18
Title: Re: أركبو هنا
Author: Munir
Date: 01-09-2016, 10:56 AM
Parent: #14
ما أديب كيف ياالعزيز صلاح وأنت كنت منذ الصغرفارس الجمعية الأدبية فى بحرى الأميرية بلا منازع ..
أدبك وتأدبك من الزمن داك صورة مطبوعة فى الذاكرة رغم السنين ..
|
Post: #19
Title: Re: أركبو هنا
Author: قصي محمد عبدالله
Date: 01-09-2016, 11:05 AM
Parent: #18
كيف الكلام ده!
|
Post: #20
Title: Re: أركبو هنا
Author: Salah Zubeir
Date: 01-09-2016, 11:05 AM
Parent: #18
يا دكتور منير دا كمال الزبير شقيقى و طريدى و دفعت صاحب الحوش فى بحرى الحكومية , أنا قريت فى الخرطوم القديمة.
|
Post: #21
Title: Re: أركبو هنا
Author: Salah Zubeir
Date: 01-09-2016, 11:13 AM
Parent: #20
أخونا قصى
السلام عليكم
والله دا أضعف الإيمان
|
Post: #22
Title: Re: أركبو هنا
Author: Munir
Date: 01-09-2016, 11:22 AM
Parent: #20
آآآخ أعفى لى ياصلاح اللخبطة ياخى .. طولنا منكم والله ومن الشعبية .. :)
طبعاً كثيراً ما يسمى الأخوان الطردة بصلاح وكمال .. عندى أولاد عمتى برضهم أساميهم صلاح وكمال ..
وتحية موصولة للأخ كمال الزبير .. ولأولاد عمتى برضو صلاح وكمال .. :)
معليش طلعت بيك برة موضوع البوست ..
وفعلاً كثرة التحزب هو ظاهرة لمرض حقيقى فى جسد الشعب .. وهو ما يدل على أن الشعب مشتت ولا يتقبل بعضه بعضاً ..
بس أختلف معاك قليلاً بالنسبة للأحزاب الكبيرة ـــ التى سميتها طائفية ـــ .. وذلك لأنها على الأقل أوعية رحيبة تحتوى معظم الشعب السودانى الوسيط المتصف بالتواضع والتصوف الزهد والذى لا يطمع فى سلطة وثروة ..
|
Post: #23
Title: Re: أركبو هنا
Author: Salah Zubeir
Date: 01-09-2016, 12:06 PM
Parent: #22
ناس الدياسبورا (و سبابته بين أسنانه)
إنتو ساعت مرقتو من البلد الفطيس دى و مشيتو لقيتو الحياة المنظمة المرتبة فى مهاجركم ليه ما حاولتو تغيرو فينا ولو شى بسيط من مصايبنا النحن فيها.
يأخى كتو تقولو لطلبة المدارس إنو مافى تلميذ فى المدرسة ولا طالب فى الجامعة عندو شغله بالسياسه. كنتو تقولو لشعبنا الصابر دا (90% بتكلم سياسه) إنو فى الغرب مافى
واحد بتكلم فى السياسه غير السياسيين , يعنى مافى دكتور يجًرَو من عيادته يقولولو تعال إشتغل وزير ولا فى مهندس بطلعوهو من الوركشوب بتاعو عشان يبقى معتمد والا والى ,,,,,,إلخ
كنتو تنقلو لينا عظمة الإنتاج و تقديس العمل فى الغرب عشان ناسنا ديل عندهم لى هسى حكاية العمل دى حاجه ثانويه يعنى الواحد ممكن يبطل شغلو يوميين ولا تلاته عشان يمشى يحضرلو عرس ولا يشيلو فاتحه فى البلد.
و فى كلام كتير ممكن يتقال هنا لأنو أنا بفتكر إنو عندنا مشكله كبيره فى الإنسان السودانى فى عضمو دا.
غايتو المغسه دايرا شقنا عدييييل.
|
Post: #24
Title: Re: أركبو هنا
Author: Salah Zubeir
Date: 01-09-2016, 12:39 PM
Parent: #22
يا دكتور ياخى العفو و العافية ما مشيت بعيد.
الناس ديل همهم الأوحد يصلو للكرسى الفى القصر
.No Vision , automatically no mission
سيدي الميرغنى معتمد على البركه و سيدي الصادق يوديك البحر و يرجعك عطشان , العجب بناتو زى أبوهن يتكلمن ساعتين و ما بتلقى طحين.
|
Post: #25
Title: Re: أركبو هنا
Author: شمس الدين ساتى
Date: 01-09-2016, 12:51 PM
Parent: #24
هههههههههه..أديب عديل يا دكتور منير؟..تانى هههههههههههه
ياخ انا مما قريت العنوان عرفتو دا صلاح ..تقول لى أديب
حليلك يا كمال
يا باشمهندس أهو رقوك وعملوك أديب...يلا صلح العنوان
اتا قايل نفسك قاعد فى الحجر؟
وأخيرا ..سلامات يا باشمهندس صلاح زبير..هههههههههه
هسا يقوم يشاكلنى
|
Post: #26
Title: Re: أركبو هنا
Author: Salah Zubeir
Date: 01-09-2016, 01:07 PM
Parent: #25
آووووووه وج وج شخسيا"
إنتو العنوان مالو؟
أنا برسل دعوة لعزيزى القارىء لركوب باص السياسه السودانيه.
مشتاقون يا شمش الدين
تجى نمشى الJB القدام البنك
|
Post: #28
Title: Re: أركبو هنا
Author: عمر عثمان
Date: 01-09-2016, 01:18 PM
Parent: #25
يا باشمهندس انا مع التكنوقراط
يحكمو بعلمهم وليس بأيدلوجيتهم
هسع دبي دي بنوها السياسيين
انا عندي سياسي تساوي عاطل
وكسره
| Quote: يا دكتور منير دا كمال الزبير شقيقى و طريدى و دفعت صاحب الحوش فى بحرى الحكومية |
كمال ما دفعة بكري
وواصل في البوست الجميل ده
يا باشمهندس
|
Post: #29
Title: Re: أركبو هنا
Author: Salah Zubeir
Date: 01-09-2016, 01:31 PM
Parent: #28
تحياتى يا عمر
باخى ديل أبالسه
كمال ما دفعة بكري
دى يرد عليها كمال لأنو سمعتها عندو
|
Post: #30
Title: Re: أركبو هنا
Author: هشام كمال عبادي
Date: 01-09-2016, 02:15 PM
Parent: #29
اعتقد البوست دا تشريح لواقع الحال في بلد الألف حزب دي ..
الحزب الواحد تشرزم لي احزاب صغيرة وتكتلات ما معروف اصلا سيدا منو ..
والتكتلات اصبحت تقسم لي جناح فلان ومنبر علان ..
شكرا ليك صلاح .. بوست في الصميم ..
|
Post: #32
Title: Re: أركبو هنا
Author: Salah Zubeir
Date: 01-09-2016, 03:21 PM
Parent: #30
أخوي هشام
تحياتي و شكرن علي المسانده
|
Post: #31
Title: Re: أركبو هنا
Author: حامد عبدالله
Date: 01-09-2016, 02:55 PM
Parent: #29
سلام
وبعد
غايتو الناس قالو أديب وناس قالو باشمهندس، بصراحة العنوان مُثير وانت الظاهر قرفان اسمح لينا نختلف معاك شوية بعد داك القاسمة لينا الله ما عندنا مشكلة كان ردم ولا رش
نعتقد والله اعلم ان السماء لا تمطر ذهبا.
بناء الدول وتقدمها مسؤلية جماعية لا تستثني احد ولا ينفرد بها احد ولا يقصي منها احد.
اعتقد انها عملية معقدة وتشترط العمل في المجتمع بشكل عام والإنسان بصورة خاصة.
الوضع او الأوضاع الموجودة هي في اعتقادنا تعكس بشكل (شين جدا حال المجتمع) بكل اسف لا يمكن اختزالها في احد الأطراف دون الاخر ونفس الزمن لا يمكن تبرير الفساد او الجريمة.
الخروج من هكذا وضع لا يتاتي بانتظار وهم ( مهدي منتظر/ انتلجنسيا/ مستنيرين/ مثقفين/ قائد ملهم )
نعتقد انها عملية كبيرة وشاملة تغيير في المجتمع والاقتصاد.
الاعتقاد بأنها مهمة لمجموعة او جماعة حزب جمعية منظمة غيرو حكومة معارضة، اعتقاد نظن انه خاطئ وبالتالي يقود لنتائج خاطئة.
اي تغيير ما لم يبدا بالانسان وهدفه الانسان مصيرو الفشل، نحن دولة فشلت في بعض الامور بإمتياز تعديلا يتطلب تعديل البني آدم فينا لا يحلنا ( من أين اتي هؤلاء ) هم نحن انا انت الناس والشارع ذي ما بقول الصادق الرضي
الورد والود
|
Post: #33
Title: Re: أركبو هنا
Author: Salah Zubeir
Date: 01-09-2016, 03:37 PM
Parent: #31
أخونا حامد
وعليكم السلام
غايتو الناس قالو أديب وناس قالو باشمهندس، بصراحة العنوان مُثير وانت الظاهر قرفان اسمح لينا نختلف معاك شوية بعد داك القاسمة لينا الله ما عندنا مشكلة كان ردم ولا رش
ياخوي أنا سوداني زى زيك , فعلا" قرفان لكن من الناس الفوق ديك , و إنت عندك الحق تماما" فى العايز تقولو بدون ردم أو رش,
بناء الدول وتقدمها مسؤلية جماعية لا تستثني احد ولا ينفرد بها احد ولا يقصي منها احد.
اعتقد انها عملية معقدة وتشترط العمل في المجتمع بشكل عام والإنسان بصورة خاصة.
الناس الفوق ديك لو عملو ما يليهم كان الوضع إتغير.
أي تغيير ما لم يبدا بالانسان وهدفه الانسان مصيرو الفشل،
والله أنا ما قريت علوم سياسيه لكن كلامك دا المفروض يكون جزء من وظيفة السياسي.
تحياتى و شكرن على المشاركه
|
Post: #34
Title: Re: أركبو هنا
Author: شمس الدين ساتى
Date: 01-09-2016, 04:14 PM
Parent: #33
حامد عبد الله سلام
تعرف إسمك مطابق تماما لى إسم جدى (فقير حامدعبد الله)
صديقنا الباشمهندس صلاح ..هو مهندس ..وبالكاتبو فوق دا بقيناهو (أديب) زى ما قال صديقنا
دكتور منير....وصلاح دا ما بنشكرو ليك لكن اقرا ليهو من الليلة حتعرفوا كويس ..غير كدا النضمى دا حقو
كان مورمنا فى الحلة وزاكينا لغاية محل العمل بى هرجلتو...
|
Post: #35
Title: Re: أركبو هنا
Author: عمر دهب
Date: 01-09-2016, 04:23 PM
Parent: #34
سلام يا صلاح
انت ختيت نفسك وين فى الجوطه دى
وين اجتهادك
وين حلك
وما يبقى دا اضعف الايمان
يعنى ممكن تورينا الفركشه الكتيره دى
النظام عندوا ايادى فيها والله لا
|
Post: #37
Title: Re: أركبو هنا
Author: Salah Zubeir
Date: 01-09-2016, 04:49 PM
Parent: #35
سلام يا عمر
إنت ختيت نفسك وين فى الجوطه دى
وين اجتهادك
وين حلك
ممكن أقوليك الآتى:-
تكوين حكومة تكنوقراط وذلك من خلال ابعاد الذين يحملون برامج سياسية وانتماءات حزبية وتنصيب أشخاص
تقنيين مستقلين مهمتهم تسيير البلاد في هذا الظرف الحرج بطرق فنية وتقنية دون حسابات سياسية.
لكن الشعب مسيس بصوره قاتله , مافى طريقه لتطبيق القلتو دا إلا لامن ال30 مليون ديل يقولو الروب.
وين لى ناس هى لله و كفاح شنو كدا ما عارف و ناس سيدى.
يعنى ممكن تورينا الفركشه الكتيره دى
النظام عندوا ايادى فيها والله لا
إنت زعلان من النظام بس كدي أطلع فوق و أقرا الكلام دا:-
الإسلام السياسى أثبت إنو الموضوع ما ليهو علاقه بالإسلام البته و أثبتوا إنو ممكن يكونو صادقين جدا" لو كان السلطة و الثروة كتب مقدسة بيحلفوا فيها بدل القران الكريم منذ العام 1989. ياخى نحن ماممكن نكون دوله فاشله و منبوذة زى ما نحن عليه اليوم و كلو بإسم الدين و الدين منهم براء. هسى الفشل المعترف به من قبلهم هل يجوز ننسبو للدين. 26 سنه وهم وكلاء الله فى الأرض. 26 سنة قتلوا و عذبو و شردو و فسقو و أفسدو و كلو بإسم الدين. الحاكم العاقل ببعد ناسو من الأيدولوجيا (شيوعيه أو إسلام سياسى) عشان يعيشو بدون غبائن.
|
Post: #36
Title: Re: أركبو هنا
Author: Munir
Date: 01-09-2016, 04:25 PM
Parent: #34
سلامات ياشمس الدين وكل سنة وأنتم طيبين .. وين مختفى؟ ..
طبعاً أديب دى قلتها وفى بالى الأخ كمال الزبير من زمن الأميرية٢ ..
لكين طبعا اولاد الزبير نغمة مألوفة فى حلة فريق الهدف .. وياحليل زمن الهدف ..
|
Post: #39
Title: Re: أركبو هنا
Author: حامد عبدالله
Date: 01-09-2016, 05:06 PM
Parent: #34
سلام
شمس الدين
يديك العافية وانشاء الله جدك بعافية
صاحبك ظاهر انو رجل متمكن وبعرف بيعمل في شنو ههه المداخلة انا خاتي فيها الراية البيضاء من البداية باعتبار العنوان بوصف المزاج فخفنا يكون الرد بالقاضية ههههه
حاتبع كتابتو اكيد حنستفيد ونستمتع
لك الورد والود وكل ما تشتهي
|
Post: #38
Title: Re: أركبو هنا
Author: حامد عبدالله
Date: 01-09-2016, 04:53 PM
Parent: #33
سلام
وبعد
Salah Zubeir
وتشكر كتير جدا علي الرد، وانشاء الله يا رب يجي اليوم الكلنا ننبني بلدنا مع بعض ( أيد في أيد نجدع لقدام وبعيد)
عذرا كتير وجدا لو اتفهم جزء من المداخلة في غير محلو اعني في الحتة بتاعت (قالو أديب ومهندس ) قصدي كلو انو من خلال مداخلات الشباب البيعرفوك انك رجل متمكن وبداية البوست شاهد، او كما المقولة (ا يفتي ومالك في المدينة ) هذا للتوضيح ، الباقي لصدمة العنوان وهذا لا يمنع حقك في اختيار الطريقة والاسلوب واي شي.
اما ما رصد في البوست عين الحقيقة والواقع، واكيد سبب وكبسولات ٥٠٠مل للإحباط والقرف.
الورد والود وكل ماهو جميل
|
Post: #40
Title: Re: أركبو هنا
Author: Salah Zubeir
Date: 01-09-2016, 05:08 PM
Parent: #38
أخونا حامد
تحياتى
الباقي لصدمة العنوان
إنت عارف كتبت الصفحه الأولى كموضوع وكبست عشان ألحقا المنبر جاتنى راجعه و بكرى قال لازم عنوان.
من زعلى فى الناس ديل قمت ختيت الكلمتين ديل. فى قناعتى جوا الناس ديل بيستاهلو أكتر من كدي.
كن بألف خير
|
Post: #42
Title: Re: أركبو هنا
Author: Kabar
Date: 01-09-2016, 06:58 PM
Parent: #40
صلاح..حبابك يا صديق
وحباب الأصدقاء هنا..
مرة بتفرج في برنامج (فقط للضحك)..وهو برنامج كندي من مدينة مونتريال وبيعادل فكرة الكاميرا الخفية..اها جايبين عمتك عجوز واقفة في الشارع وبتسال أي زول/ة ماري..الساعة كم..و بعد ما يجاوب ليها.. بتقوم تعمل الحركة بتاعة عنوانك وبتضيف معاها مدة لسان طويل.. وصوت زي بتاع الظرطة..فشنو ضيف ديل معاك..خصوصا مدة اللسان..
كلامك حقيقي يا صديقي..و كلهم نحن بنقول عليهم النخبة السودانية..عدد الحركات المشاركة بقى ست وتلاتين حركة..يعني البهلة حاصلة..
وكل الحاجات دي بتوضح ليك قلة العبقرية في الإبداع في الذات السودانية..الناس بقت بتحب الأسماء الرنانة..وشكلهم بقى زي ناس البقالات..وانا ما بعرف بحري كويس لكن لو مرقت هسع وعاينت لشارع رئيسي ح تلاقي الف بقالة أو دكان..واسماء مختلفة لكن الشارع ياهو نفس الشارع..ضيق وفيهو مسارين رايح جاي ..يعني لو سميت اعمال (صلاح الزبير) في يمين الشارع أو شمالو مافي فرق يذكر..
الأحزاب الكتيرة والحركات الكتيرة..لو عاينت ليها من جوه بتلقاها عندها مشتركات كتيرة..و هي عندي اشبه بحكايات جماعات الضغط اكتر من كونها احزاب..وممكن تكون جماعات ضغط وتدافع عن مصالحها من غير الحاجة لأن تكون احزاب سياسية..
زمان اخونا احمد ابن عوف (عضو المنبر) جاب اقتراح أنو بدل احزاب كتيرة وكلها بنفس الفكرة..مفروض نجمعهم كلهم في شكل اربعة او تلاتة تيارات..وتكون دي ارضية للتنظيم السياسي..و كل زول يلقى روحو في تيار معين يقوم يدعموا..وبالتالي تتنظم الشغلانة..
حكومة التكنوقراط فكرة جيدة..لكنها ما ها فكرة لمستقبل طويل المدى..يعني ممكن تكون انتقالية لسنيتن تلاتة خمس او عشرة حتى..لكنها اكتر من كده ما بتصمد..
انا بشوف انو نساء السودان (لأنو الشنب السوداني فشل ارضا وجوا وبحرا) يشتغلن بحكايات التيارات دي ويعملن اربعة احزاب قوية وتتداول السلطة..ياخي امريكا فيها حزبين وبريطانيا حزبين..وكندا اربعة احزاب..وبدل ما تكون فلسفة (كن بقت فاس) تكون فلسفة (الأم مدرسة)..أو (ما عندها عدو)..!
وبشوف انو الولايات تكون فيها جماعات ضغط خاصة تهتم بشئون وقضايا كل ولاية على حدة وتطالب بنصيبها في الثروة والسلطة..وتكون للولايات سلطة اكبر عشان تاني ما يطب علينا زول/ة ويقول لينا همشونا وزعمطونا..
وبشوف انو الدياسبورا..مفروض تكون اكثر ابداعية وابتكار..وتلملم اطرافها وتدخل الخبرات والأمكانيات للسودان.. يعني ناس كندا ممكن يشوفوا شنو البينفع من كندا في السودان ، تجارب تطوير الزراعة ، تجارب تطوير الصناعات ..تجارب ادارة التنوع الثقافي والإثني والسياسي..تجارب التوأمة بين المؤسسات الأكاديمية في كندا والسودان..لو كل جامعة هنا عملت ليها توأمة مع جامعة سودانية بتكون هناك فرص تبادل خبرات..والأهم من ده كلو تسويق السودان كتاريخ وحضارات وثقافات بدل الموقف السلبي الحالي الذي يسوق السودان كمركز قمامة..كل المهاجرين من الدول الأخرى في كندا عندهم تحفظ على اداء حكوماتهم في بلادهم..لكن مافي زول ولا زولة بيجي يسب بلدو عدا اهالي امسودان..!
المال الإتصرف في دارفور ، ومعاهو الربح الذي حققته منظمات من التجارة باسم قضية دارفور مش يحل مشكلة الإقليم وبس..يحلها ويحل مشكلة السودان ومشكلة ارتريا ويؤسس بنيات تحتية قوية..!..والسودانيين (مخالب القط القذرة) الوقفوا مع المنظمات دي نالوا قمصان فيها صور ، وشوية ظهور في التلفزيون وصور تذكارية..يعني فتات الفتات..!
كتر خيرك واعذرنا على كتر النقة..
كبر
____________________
|
Post: #43
Title: Re: أركبو هنا
Author: Salah Zubeir
Date: 01-10-2016, 06:26 AM
Parent: #42
أخونا كبر مرحب بيك
ياخى شكرن على المداخله الشحمانه دى.
مرة بتفرج في برنامج (فقط للضحك)..وهو برنامج كندي من مدينة مونتريال وبيعادل فكرة الكاميرا الخفية..اها جايبين عمتك عجوز واقفة في الشارع وبتسال أي زول/ة ماري..الساعة كم..و بعد ما يجاوب ليها.. بتقوم تعمل الحركة بتاعة عنوانك وبتضيف معاها مدة لسان طويل.. وصوت زي بتاع الظرطة..فشنو ضيف ديل معاك..خصوصا مدة اللسان..
والله يا كبر ديل المفروض يكبوهم فى البحر و حوا السودانية والده.
و كلهم نحن بنقول عليهم النخبة السودانية.
ياخى ديل الوكسه السودانيه.
زمان اخونا احمد ابن عوف (عضو المنبر) جاب اقتراح أنو بدل احزاب كتيرة وكلها بنفس الفكرة..مفروض نجمعهم كلهم في شكل اربعة او تلاتة تيارات..وتكون دي ارضية للتنظيم السياسي..و كل زول يلقى روحو في تيار معين يقوم يدعموا..وبالتالي تتنظم الشغلانة..
الناس ديل أداهم الحزبى سىء كلهم بفتشو على الطرائد و المغانم , كدى شوف النهب بتاع الكيزان مرفوق معاهو عملت سيدى الصادق أول ما إستلم الحكم فى 86.
حكومة التكنوقراط فكرة جيدة..لكنها ما ها فكرة لمستقبل طويل المدى..يعني ممكن تكون انتقالية لسنيتن تلاتة خمس او عشرة حتى..لكنها اكتر من كده ما بتصمد..
البلد يا كبر محتاجه للتغيير و الأمل , و التكنوقراط أنسب من يعيد الأمل لجموع اشعب الغلبان دا. أكان جربناهم لومنى لو ما قعدو مية سنة.
وبشوف انو الدياسبورا.,,,,,,,,,,,
ياخى ديل لو نضمو بس مع أهلم الفى السودان و حكولم إنو السياسه دى لاتسمن و لا تغنى من جوع و إنو الناس الفى الغرب ديل بيشتغلو بالسياسه كل أربعة سنه ,,,وإلخ المطلوب كتير منهم.
كن بألف خير
|
Post: #44
Title: Re: أركبو هنا
Author: فردوس جامع
Date: 01-10-2016, 06:58 AM
Parent: #42
الأخ صلاح زبير السلام عليك و على زوار البوست
مندهشة صراحة من الإحتفاء بلغة الشوارع جهاراً نهارا بهذا البوست...
إزدواجية المعايير دي الناس بتجيبها من وين؟
ال Obscenity من العنوان و حتى الوصف الدقيق للأخ صلاح
و كما قال Justice Potter
I know it when I see it
أها دي ما عاوزه ليها نظارات نظر!
و يا شباب كلامي ده ما مُرَكِّبْ مكنة المنبر ده بيقروه زوجاتنا و أولادنا و و و إلخ
حرية التعبير مكفولة للجميع ولكن قليلٌ من التَهَذُّبْ لا يضير حُرِّيَتْكُم دي في شيء!!!
و ناس أديب و و و إلخ ...على رأسكم أخونا منير :)
معاييركم دي بتجيبوها من وين خصوصاً مرات بتصلبوا آخرين أقَلُّ فحشا.
و لا شيء شخصي أخي صلاح...
بحاول أرفع ليكم المرآة !
تحياتي لكم جميعاً
|
Post: #45
Title: Re: أركبو هنا
Author: Salah Zubeir
Date: 01-10-2016, 07:16 AM
Parent: #44
اخونا فردوس
و عليكم السلام
شكرن على المرور ومعايرتك لينا فى الكلمتين ديل.
آخوى إنت فى شنو و الحسانيه فى شنو.
أرقد عافيه
|
Post: #49
Title: Re: أركبو هنا
Author: حامد بدري
Date: 01-10-2016, 07:39 AM
Parent: #45
ههههههههههه
الخلفاء ديل جرحتا ليهم صيامم
زمان كان عندنا درويش بجي الذكر فل تنكي مليان مريسه الزول ده يافردوس الشيخ ماطردو وكان بعشيو بي يدو متعشم فيو فمشي قصة العنوان دي لانها من الزعل
تحياتي صلاح
|
Post: #46
Title: Re: أركبو هنا
Author: Haytham Ghaly
Date: 01-10-2016, 07:22 AM
Parent: #44
يا أبو الصلح
لحدي الان ما وريت الناس الفوق ديل يركبو وين...؟
|
Post: #47
Title: Re: أركبو هنا
Author: فردوس جامع
Date: 01-10-2016, 07:25 AM
Parent: #46
وإنما الأمم الأخلاق ما بقيت.... فـإن هُمُوُ ذهبــت أخـلاقهم ذهــبوا
لا عليك أخي صلاح لا عليك !
آسفة...
|
Post: #48
Title: Re: أركبو هنا
Author: Salah Zubeir
Date: 01-10-2016, 07:32 AM
Parent: #46
هيثم
مرحب
إنت معاهم؟ بروفايلك ما فيهو أى هنت , لزوم نحجزلك مكان كويس إذا إنت معاهم.
|
Post: #50
Title: Re: أركبو هنا
Author: Haytham Ghaly
Date: 01-10-2016, 07:44 AM
Parent: #48
| Quote: إنت معاهم؟ بروفايلك ما فيهو أى هنت , لزوم نحجزلك مكان كويس إذا إنت معاهم. |
للأمانة انا موش معاهم
بالله انت من النوع البتعامل مع الناس حسب بروفايلاتهم
ايواااااااااااااا
ارقد عافية يا .. اديب
|
Post: #51
Title: Re: أركبو هنا
Author: Salah Zubeir
Date: 01-10-2016, 07:49 AM
Parent: #50
للأمانة انا موش معاهم
ما قولتو روس
ارقد عافية يا .. اديب
صلاح مش أديب
|
Post: #52
Title: Re: أركبو هنا
Author: Hani Arabi Mohamed
Date: 01-11-2016, 01:04 AM
Parent: #51
قليل من فظاظة الذكورة لازم أحياناً
للتعبير عمّا تفشل الأساليب المتحضرة
في التعبير عنه
|
Post: #53
Title: Re: أركبو هنا
Author: سيف النصر محي الدين
Date: 01-11-2016, 02:15 AM
Parent: #52
لا اوافقك على تحليلك و مهما تباينات دوافع الناس و مهما تغيرت قناعاتهم مع الزمن
و تبدلت مواقفهم لا يخولك هذا لتدمغ الجميع بالجري ورا مصالحهم الشخصية
او أن مصلحة البلاد و العباد ليست ضمن همهم. انت يبدو أنك من النوع الذي
يستسهل اصدار الاحكام على الأخرين من مقاعد المتفرجين. فكرتك بتاعت التكنوقراط
هذه فكرة لا تضمن نجاح اي حكومة تقوم عليهم اولا لأنهم ليسو محصنين ضد الفساد
بل بالعكس تجاربنا في السودان تثبت أن التكنوقراط يسهل شراؤهم و أنهم برسم البيع
و عندك نماذج لكثر تعاملوا مع مختلف الحكومات و باعوا انفسهم لها. لابد من أن يكون
لدى المشتغل بالسياسة دوافع مبدئية و رؤى و افكار و روح المبادرة و القيادة. ليس كل
انسان مهيأ لذلك يا اخي.
الموضوع لا يتعلق بالاشخاص اتما بالنظام و الدستور و القانون. النظام المبني على الديمقراطية
و الحريات و الفصل بين السلطات و احترام الجميع احزابا و شعبا و جيشا لهذه المبادئ
الحاكمة و استعدادهم للالتزام بها. لا يمكننا أن نردد معك أن الجميع يجرون خلف مصالحهم
الخاصة ثم ننزوي و نخلي البلد تغرق و تتفكك و تضيع اكثر من ماهي ضايعة.
|
Post: #54
Title: Re: أركبو هنا
Author: elhilayla
Date: 01-11-2016, 02:48 AM
Parent: #53
الأخ صلاح
فعلاً العنوان مثير للجدل وربما (إبدال الجيم والدال كما كتبها الباشمهندس بكري ذات يوم)
مع احترامي لوجهة نظرك لكنني لا أتفق معك
وثانيا
فِرْدِوْس
علم لأنثي
من الله ما خلقك سمعت ليك راجل اسمو فردوس
مع احترامي لحريتك واعتراضي علي طريقة الرد
_____
الحليلة
|
Post: #56
Title: Re: أركبو هنا
Author: Haytham Ghaly
Date: 01-11-2016, 04:57 AM
Parent: #54
يا الحليلة الزول دا جاي متنفش منو وفيه ومنير ما قصر
اداهو ليك جرعة ماكنة نفشتو زيادة.
بكرة بعد بكرة بيقنطر نفسو برااااهو
وناس ود البشرى البضحك فوق دا بتبيض ليهم في القفص
يا ازهري يا حبيب نصيحة لوجه الله
احترم من حولك وحقوقهم يحترمك الجميع ويحافظون على حقوقك
لا داعي لاستخدام مثل هذه اللغة
فالبعض هنا اطلق عليك لقب الاديب
ومن الاديب التأدب
ارقد عافية
|
Post: #58
Title: Re: أركبو هنا
Author: Salah Zubeir
Date: 01-11-2016, 05:53 AM
Parent: #56
| Quote: يا ازهري يا حبيب نصيحة لوجه الله |
| Quote: ارقد عافية يا .. اديب |
Quote:
اداهو ليك جرعة ماكنة نفشتو زيادة. |
Quote:
الزول دا جاي متنفش منو وفيه |
Quote:
الفوق دا كلو قلة أدب منك و ممكن أرد لامن أحيرك لكن نقول pass.
]Quote: احترم من حولك وحقوقهم يحترمك الجميع ويحافظون على حقوقك
لا داعي لاستخدام مثل هذه اللغة |
ا
كان الكوت دا تكتبو فى مداخلتك الأولى عشان توصل فكرتك بدل قلة ألأدب.
Quote: فالبعض هنا اطلق عليك لقب الاديب
ومن الاديب التأدب |
أديب شنو ياخى إنت ما قريت الكلام دا فوق ردن على (دكتور) منير
| Quote: لكن أديب دى واسعه كتير على , أنا زول عنقالى ساكت , مهنى و بحب مهنتى جدا" و ما دير ليها شريك. |
ا
|
Post: #57
Title: Re: أركبو هنا
Author: Salah Zubeir
Date: 01-11-2016, 05:24 AM
Parent: #54
الأخ الخليله
| Quote: (إبدال الجيم والدال كما كتبها الباشمهندس بكري ذات يوم) |
دى ما فهمتها
Quote: وثانيا
فِرْدِوْس
علم لأنثي
من الله ما خلقك سمعت ليك راجل اسمو فردوس
مع احترامي لحريتك واعتراضي علي طريقة الرد |
ياخوى أنا ما بتاع لغة عربية لكن فى المكان الأنا شغال فيهو دا فى خمسة رجال (باكستان و هنود) بلإسم دا.
و صدقنى أنا ما عرفتها أنثى إلا بعد ما كتبت آسفة , وقعدت مطولا" أفكر فى الهباب الأنا هببتو معاها و لقيت
إنو أفضل حاجة تو كيب كوايت عشان ما أنيلا زيادة.
صلاح
|
Post: #65
Title: Re: أركبو هنا
Author: elhilayla
Date: 01-11-2016, 06:34 AM
Parent: #57
شكلك قاعد مع الباكستانيين نسيت العربي
لكن كان أنت أوردو بالكل مألوم
نفهمك ليها بالأردو - والعبد لله طليق اللسان في الأردو -
أما فظاظة الرد لدكتورة فردوس زعلتني جداً ويلزمك لها اعتذار
وأنا بتكلم ليك علي الثقافة السودانية التي لا يوجد فيها رجال بهذا الأسم
أما العنوان فمن حيث السياق لا يمكن فهمه إلا بالطريقة المعروفة وهذا ما يفهمه السوداني العادي
وهيثم دا زول حقاني أسمع كلامو كويس
وروقوا المنقة يا اولاد بحري
____
الحليلة
|
Post: #72
Title: Re: أركبو هنا
Author: Salah Zubeir
Date: 01-11-2016, 10:16 AM
Parent: #65
| Quote: أما فظاظة الرد لدكتورة فردوس زعلتني جداً ويلزمك لها اعتذار |
أنا زعلتا.
| Quote: أما العنوان فمن حيث السياق لا يمكن فهمه إلا بالطريقة المعروفة وهذا ما يفهمه السوداني العادي |
ياخوى سياق شنو فنفرض أن أسى خاتى يدى زى ما وصفت فوق , ألم فى الناس الفوق ديل وين عشان يركبو فى يدى دى. دا تعبير ينم عن الغضب فل ستوب.
|
Post: #59
Title: Re: أركبو هنا
Author: Haytham Ghaly
Date: 01-11-2016, 05:58 AM
Parent: #72
Quote: الفوق دا كلو قلة أدب منك و ممكن أرد لامن أحيرك لكن نقول pass.
]
Quote: احترم من حولك وحقوقهم يحترمك الجميع ويحافظون على حقوقك
لا داعي لاستخدام مثل هذه اللغة
ا
كان الكوت دا تكتبو فى مداخلتك الأولى عشان توصل فكرتك بدل قلة ألأدب.
|
يا ازهري شكلك ما قاعد تفرز المزاح من الجد ولا السباب من الملامة
على العموم انا آسف جداً اني تداخلت معاك
ولك تحياتي
|
Post: #61
Title: Re: أركبو هنا
Author: Salah Zubeir
Date: 01-11-2016, 06:13 AM
Parent: #59
يا هيثم
أنا إسمى صلاح الزبير و فى الجواز صلاح الدين الزبير.
أزهرى دى جيبتها من وين؟
بعدين هظار شنو إنت من مداخلتك الأولى شايت ضفارى سلام الله دا ما قتو. بوست طويل عريض ما شوفت إلا الكلمتين ديل.
|
Post: #66
Title: Re: أركبو هنا
Author: Haytham Ghaly
Date: 01-11-2016, 06:52 AM
Parent: #61
Quote: يا أبو الصلح
لحدي الان ما وريت الناس الفوق ديل يركبو وين...؟
|
دي مداخلتي الأولى
وانت قلت | Quote: بعدين هظار شنو إنت من مداخلتك الأولى شايت ضفارى سلام الله دا ما قتو. بوست طويل عريض ما شوفت إلا الكلمتين ديل. |
وين الشوت الضفاري
السباب من شاكلة قلة ادبك وقليل ادب وما ادراك منو دا سااااااااهل واي عضو هنا قادر يملأ البورد دا بوستات شتم وسب وقزف
لكن هل هذا هو الأسلوب المناسب للتخاطب مع الزملاء ؟
والله ما تداخلت معك الا نوعاً من المزاح ومن خلاله خلق نوع من التعارف بما انك جديد في البورد
ووالله ما ندمت على شيئ بقدر ما ندمت على تداخلي معك وتلقي سباب من شاكلة قليل ادب بدون ادنى سبب
واسف للخلط في الاسم واسف مرة تانية على التداخل الذي لن يحدث باذنه تعالى مرةً أخرى
والعفو والعافية
|
Post: #60
Title: Re: أركبو هنا
Author: ABUHUSSEIN
Date: 01-11-2016, 05:58 AM
Parent: #66
|
Post: #62
Title: Re: أركبو هنا
Author: Salah Zubeir
Date: 01-11-2016, 06:20 AM
Parent: #60
العوض
Quote: لضحك عليك إنت يا حاج الطيب .....
غايتو إنت ما مضمون ......
لكن بننتظر .....
نشوف حا نحتاج لي مخدة و ل لأ .....
|
إستمتع يابا و حضر المخدات موش مخده واحده
|
Post: #63
Title: Re: أركبو هنا
Author: جلالدونا
Date: 01-11-2016, 06:21 AM
Parent: #60
هسى يا تهريف مداخلتك دى يعملو ليها اقتباس كيف
و فوق ليها جرجير قعد يضحك
اها نغنى معاك
امشى و اجيهو راجع
بس ما بعاين معاك
بعاين لى تنظير
لما يهل فى فجرو بوست
معمولة فيهو الحركة بتاعتك دى
اخخخخخ منكم يا خلابيض
يعنى مصرين تركّبونا هنا
غايتو نحنا ناس الزراف ركوب الجن
و الداير ركوبو يجينا جاى
|
Post: #75
Title: Re: أركبو هنا
Author: Salah Zubeir
Date: 01-11-2016, 11:27 AM
Parent: #63
اخونا جلالدونا
سلام عليك
| Quote: يعنى مصرين تركّبونا هنا |
إنت مع الناس الفوق ديك؟ غايتو إذا معاهم الموضوع خيال بس مافى أكشن.
|
Post: #64
Title: Re: أركبو هنا
Author: معاوية الزبير
Date: 01-11-2016, 06:22 AM
Parent: #60
الأخ صلاح الدين الزبير
عنوان بوستك مقزز من أي جهة نظرت إليه
لكنه من جهتين من بين هذه الجهات يلائم المرحلة
مرحلة السودان ومرحلة المنبر
|
Post: #67
Title: Re: أركبو هنا
Author: Salah Zubeir
Date: 01-11-2016, 08:22 AM
Parent: #64
الأخ معاوية الزبير
شكرا" على المرور
|
Post: #68
Title: Re: أركبو هنا
Author: معاوية الزبير
Date: 01-11-2016, 08:25 AM
Parent: #67
هههها قوية يا صلاح
|
Post: #69
Title: Re: أركبو هنا
Author: الطاهر الطاهر
Date: 01-11-2016, 08:37 AM
Parent: #68
الغريبة الفين ودقداقة نفر بالاضافة للاحصائية الفوق
ديل كلهم جو يشوفو محل الركوب وين ..
شعب همو بس يركب ..
|
Post: #70
Title: Re: أركبو هنا
Author: طلحة عبدالله
Date: 01-11-2016, 09:16 AM
Parent: #69
يا أخوانا الحصل شنو في البوست دا ؟؟
النفس قام ألف مالو ؟؟
...........................
يا جلالدونا تهريف دا حالتو ميئوس منها .
|
Post: #76
Title: Re: أركبو هنا
Author: Salah Zubeir
Date: 01-11-2016, 11:30 AM
Parent: #70
أخونا طلحة كيفنك
و الله لسع ما بقينا شكرية و بطاحين.
|
Post: #71
Title: Re: أركبو هنا
Author: Salah Zubeir
Date: 01-11-2016, 09:29 AM
Parent: #68
والله يا معاوية ما بقدر أقول أكتر مما قلتا
يا أخى إنت و دكين بسعد بى كتابتكم شديد
والله لى ساعة محتار أكتب ليك شنو
أسى خليك من بوستينى المقزز دا , أمشى على قصة مريسيلا ديك كملا , أصلو أأنا متابعك بكل جوارحى.
|
Post: #73
Title: Re: أركبو هنا
Author: محمد مجيدو
Date: 01-11-2016, 10:44 AM
اخونا .. صلاح .. سلام وضيوفك الكرام
اها .. بقيتو على شنو ؟؟؟
الركب منو ؟؟
والنزل منو ؟؟
وما عارف بوستينك دا حدو وين يا صلاح ؟؟؟؟
اها .. بمناسبة الركوب دي ... نقول ليكم نكته قديمه :
قالو واحد من ناس العوض اول مره يزور الخرطوم
اهلو وصوه .. انو يعمل حسابو من ناس الخرطوم .. ما يركبو ...
اول ما وصل السوق الشعبي ونزل من البص ..
وعايز يركب الحافلة .. سمع الولد الكمساري .. بينادي ...
اركب العربي .. اركب العربي .. ياااااا
صاحبنا سلى سكينو .. ونطط عيونو ...
وقال ليهم الراجل يجي يركبني ....
عالم بطااله ....
|
Post: #77
Title: Re: أركبو هنا
Author: Salah Zubeir
Date: 01-11-2016, 12:12 PM
Parent: #73
سلام عليك يا دكتور سيف
Quote: مهما تباينات دوافع الناس و مهما تغيرت قناعاتهم مع الزمن و تبدلت مواقفهم
لا يخولك هذا لتدمغ الجميع بالجري ورا مصالحهم الشخصيةاو أن مصلحة البلاد و العباد
ليست ضمن همهم. |
الكيزان و النظام الحاكم بندمغ عليهم كلامى ولا لأ فى الحالتين الناس الفوق ديك
راكبين نفس المركب.
Quote: انت يبدو أنك من النوع الذي يستسهل اصدار الاحكام على الأخرين
من مقاعد المتفرجين |
نوع شنو و متفرجين شنو , آى قاعد بره لكن ما قاعد أغيب من البلد (3 مرات فى السنة)
ولا من سودانيزأونلاين و باقى المنتدايات السودانيه.
|
Post: #84
Title: Re: أركبو هنا
Author: Salah Zubeir
Date: 01-11-2016, 05:31 PM
Parent: #77
يا دكتور بصراحه قولى إنت من ياتو نوع إذا فى نفس البوست (بوست المسلمى) إنت بتقول :-
| Quote: تعيين حكومة انتقالية قومية متفق عليها بين جميع الاطراف لا يكون ضمن اعضائها اي من رموز النظام. |
| Quote: اخذين في الاعتبار تجارب غيرنا انا اقول بكل صراحة أن تجارب العزل السياسي و استبعاد تيارات بعينها من عملية التغيير و مستقبل البلاد لا تؤدي سوى للفشل |
نرجع
Quote: فكرتك بتاعت التكنوقراط هذه فكرة لا تضمن نجاح اي حكومة تقوم عليهم اولا لأنهم ليسو محصنين ضد الفساد
بل بالعكس تجاربنا في السودان تثبت أن التكنوقراط يسهل شراؤهم و أنهم برسم البيع و عندك نماذج لكثر تعاملوا مع مختلف الحكومات و باعوا انفسهم لها. |
نجاح أى حكومه ما بيعتمد على من من تكونت , المهم شعبك دا يكون متحد و بعد دا أى حكومه تحكومو ما مهم.
ياخى قبل كم سنه أنا قريت منفيستو بتاع حركه مسلحه فيما معناهو إنو كل أولاد البحر أو مثلث حمدى يكبوهم فى البحر. يمين الله يجى علينا وقت حكومة التنوقراط دى نتمناها منى.
كن بخير
|
Post: #78
Title: Re: أركبو هنا
Author: عبدالله ود البوش
Date: 01-11-2016, 12:15 PM
Parent: #73
Quote: اركب العربي .. اركب العربي .. ياااااا
صاحبنا سلى سكينو .. ونطط عيونو ...
وقال ليهم الراجل يجي يركبني |
صلاح الزبير
سلامات
اولك يا بادي وقبل كل حساب وري الجماعة ديل اركبو وين عشان اضانك دي تبرد
اما مجيدو دا خليهو علي انا .... الشرقية قرييييييييييبة أربعة دعسات ابنص
علا تقع الخليج العربي عوم وكان جيت للحول ما بخليك
|
Post: #80
Title: Re: أركبو هنا
Author: ABUHUSSEIN
Date: 01-11-2016, 12:51 PM
Parent: #78
يا برلوم لم تفتح كوت أقفلو .....
لكن عجبني ليك يا حاج الطيب ....
|
Post: #81
Title: Re: أركبو هنا
Author: Salah Zubeir
Date: 01-11-2016, 01:44 PM
Parent: #80
هى يا العوض , أمانه فى زمتك دى , دا بوست بتاع برلوم , ياخى أنا لى سنين بتابع فى سودانيزأونلاين ,
ومقسم الناس لى قروبات :-
قروب بتاع القطيميين و يحكوها معاك لامن تجيب الدم (تهريف و جرجير,,,إلخ) وديل حيدتهم بدرى.
طبعا" القروب دا أستاذ الكرسى بتاعو تمبس لو تذكرون.
ناس الغنا و بوستات الحب و الريد عندى ناس متابعم.
قروب الناس الكتابين بعنى الأدبا (جمع أديب) ديل كمان بيعجبنى فيهم الزول اللبس الطاقيه الخدرا مؤخرا"
و دكين و ناس كوستى ود الزبير و ود أبوسن.
بوستات الحكومه و المعارضة ما قاعد أفتحا إلا تكون فى شكلة.
تحياتى يا أبوحسين.
|
Post: #82
Title: Re: أركبو هنا
Author: Salah Zubeir
Date: 01-11-2016, 01:58 PM
Parent: #78
مرحب شيخ العرب ود البوش
[اولك يا بادي وقبل كل حساب وري الجماعة ديل اركبو وين عشان اضانك دي تبرد]
الركوب دا ما قولنلوم خيال ساكت ما فى شى جد جد
Quote: ما مجيدو دا خليهو علي انا .... الشرقية قرييييييييييبة أربعة دعسات ابنص
علا تقع الخليج العربي عوم وكان جيت للحول ما بخليك |
لكن النكته حلوه يا شيخنا.
|
Post: #83
Title: Re: أركبو هنا
Author: Munir
Date: 01-11-2016, 05:06 PM
Parent: #82
كدى ياجماعة أدونى فرَقة أرد على فردوس وود الغالى ديل، الجابو سيرتى فى كلمة أديب الـ الناس شالتها وحامت بيها ..
فردوس دى طبعاً أنا قبل كده أفحمتها هى وأخوها ناصرجامع فى بوست عن الليبرالية زماااان :) ..
أها ياجماعة كلمة أديب دى ـــــ الـ صلاح ذاتو تبرأ منها ـــ هى كانت بسبب إلتباس منى فى إسم صلاح وكمال أخوه الأصغر .. فكمال كان دفعة قدامى فى بحرى الأميرية٢ ـــ ثانوى عام ـــ ، و كان فارس لايشق له غبار فى الجمعيات الأدبية ؛ وهى نشاط مدرسى كان فى عصريات اليوم الدراسى .. وزى ماشايفين صلاح صححنى ودخلت فى ضفورى ..
فياريت ما تحكوا الموضوع أكتر من اللازم لأنه أساساً إنتهى ..
أنا عارف الناس still حتقعد تحك، لأنو عدم الموضوع قاتِل :) :) :)
|
Post: #85
Title: Re: أركبو هنا
Author: سيف النصر محي الدين
Date: 01-11-2016, 05:51 PM
Parent: #83
الأخ صلاح الزبير
حتى في ما يخص الكيزان نظريتك غير صحيحة.
عندما حدثت ما يعرف بالمفاصلة خرج كثير من الكوادر الاسلامية على النظام و نتيجة لذلك تنازلوا
عن وظائفهم الحكومية اتحادية كانت ام ولائية و سلموا منازلهم الحكومية و سياراتهم..باختصار فقد
هؤلاء النفر كل شئ. السؤال الان:
هل كل كوادر الاسلاميين عندما جاء تنظيمهم للسلطة كانو مدفوعين بالرغبات الفردية و احلام الثراء
و تحقيق المصلحة الشخصية؟
الاجابة هي قطعا لا..رغم اختلافي معهم.
خروج هؤلاء الكوادر سمح للانتهازيين من كل حدب و صوب بغزو النظام و التسلل لمفاصله
طبعا بعلم رموزه الذين استغلوا هذا الضعف الموجود لدى الكثيرين لدعم النظام بالدماء الجديدة.
اما في ما يخص التكنوقراط ايضا يمكنك استخدام النظام القائم كمثال حيث استعان ببروفيسرات
و خبراء في مجالات عدة لخدمة اجندته ، بل ان في رموز النظام نفسه كمية من التكنوقراط الذين
دمروا القطاعات التي يفترض انهم خبراء فيها، كابراهيم احمد عمر في التعليم العالي و عبد الرحيم
حمدي في الاقتصاد و العديد من محافظي بنك السودان و قنيف في الزراعة و غيرهم كثير.
|
Post: #86
Title: Re: أركبو هنا
Author: Munir
Date: 01-11-2016, 09:07 PM
Parent: #85
وبعدين يافردوس تعالى هنا، أنا متين نصبت لى مشنقة لزوول ؟.. اللهم إلاّ تأنيب الأخ كبر وذلك لأنى لم أرتضى له ماقال ولأنى برضو إتغظت من أنه بسبب ما كتب أدى فرصة لليسوى والمايسواش للنيل منه ..
كدى جيبى لى إقتباس لمشنقة أنا نصبتها ــ زى مشنقتك الهسه دى طبعاً ـــ :)..
|
Post: #87
Title: Re: أركبو هنا
Author: عمر مصطفى مضوي
Date: 01-11-2016, 11:49 PM
Parent: #86
والله ياصلاح اخوي عنوانك مستفز لكن للحقيقة والتاريخ جيلنا راكب من زمان ،،،،،
راكبين الغربة لينا سنين ولا ارضا قطعنا ولا ظهرا ابقينا ،،
راكبين فشلنا وخيباتنا وعلى المستوى الشخصي نبكي سرا ونلعن الظروف جهرا .
نتظاهر بالمعارضة وكره الكيزان اصبح جواز مرور للظرف والملاحة وحلاقيمنا اكبر من افعالنا .
وآخر الليل نمارس عادتانا السرية في المرح والكتابة في المنابر . مانحن معارضين درجة أولي .
في القروب معانا واحد ضابط أمن ومشهور بتعذيب الشرفاء وبنتعامل معاه عادي ويمكن نضحك في نكته قالها او طرفة .
وعندما ذكرت لصديقي أنني لم أعد قادرا على التواصل قال لي أن هناك ضرورات اجتماعية تحتم التعامل معه صديقي هذا معارض شرس ،،
اختلطت محجة المعارضة البيضاء بخيط الحكومة الاسود فلم نعد ندري من هي الحكومة ومن هي المعارضة , وبعض منا مازال لديه أمل .
بعض منا وأنا منهم مازلنا نقف في معارضة 90/91 والقاهرة والتجمع والتشريد والهجرة ومفوضية اعادة التوطين والفرقة بين هذي وتلك 24 عاما مما تعدون .
لابد من اعادة النظر .
لابد من التفكير .
الامر لم يعد حكومة تذهب وتكنوقراط وحكومة انتقالية الامر اكبر من ان ننظر الي بعضنا ونحن عرايا الا من بقايا تنظير الاسلام السياسي .
المعارضة لم تعد تعي ماتفعل ،،
وكذلك الحكومة .
ونحن أيضا ،،
الفعل البارد لمعارضي الدياسبورا هو اضعف الايمان بل هو اللا فعل ،،، يعني شنو تكتب مقالة طولا وعرضا وتذهب لحال سبيلك ( تستشهد يعني ) واهلك إن لم يموتوا بالملاريا ماتوا بالجوع ،،
طبعا ممكن واحد يجي يقول النظام شرس في التعامل مع المعارضة طيب شهداء سبتمبر كانوا جايين في طيارة ما كانوا أبناء هذا الشعب ومن صلبه وأرضه .
انت لو ماقلبك حدثك بفعل خاص بيك وتضحية مهما كانت فلميدد بني كوز ارجلهم ونركب نحن في اي مكان يختاروا لينا اخونا صلاح الزبير
ودمتم ،،،،
|
Post: #88
Title: Re: أركبو هنا
Author: Munir
Date: 01-12-2016, 00:31 AM
Parent: #87
| Quote: انت لو ماقلبك حدثك بفعل خاص بيك وتضحية مهما كانت فلميدد بني كوز ارجلهم |
زمان وأنا فى الثانوى أستاذ العربى أمر الفصل إنو يكتب موضوع الإنشاءعن الغربة والإغتراب المشاكل والحلول.. ولكنه شدد علينا إنو مافى واحد يكتب ليهو: على الحكومة أن تفعل وعلى الحكومة أن تترك .. ويجب أن نكتب رأينا الشخصى وحلولنا كما لو كنا المسئولين .. ده ذكرتنى ليهو الفقرة المقتبسة دى ..
الغريبة أنا شخصياً قلت أطلع من الكلام الإنشائى المألوف ، فقمت صغت الموضوع فى شكل حوار بين شخصين كأنه ونسة كما فى الروايات .. وقلت خلاس الود عمل حاجة خارقة .. فإذا بالأستاذ فى الحصة التالية يجئ يعمل الحصة عن الحوار الأدبى الكتبته ويقوم يسخر منى ومن الموضوع ويبشِّع بى قدّام الفصل .. بالرغم من أن الأستاذ كان كبير فى السن وكان درسنا لفترة قصيرة .. لكين أنا لغاية الآن مستغرب غاية الغربة والإستغراب من ذلك التصرف العجيب حيال ذلك الموضوع الإنشائى الذى كنت أظن أنه سيعجب به لأنه مختلف ..
المهم بعد التعريجة دى أعود لكلام الأخ عمر مصطفى مضوي والذى يلامس حالة جوهرية وهى إتباع القول بالعمل وعدم التواكل على الآخرين .. وزى ما قال إنو مفروض الزول أن يبادر بنفسه لللآكشن ، مش يقعد يلوم الآخرين ، زى مثلاً المدعو صلاح جادات والمدعو د.مصطفى محمود مالين واجهة المنبر ليييه الحركات المسلحة ما ردت على أحدث الجنينة ووو .. التقول هم محننين .. !!!..
|
Post: #90
Title: Re: أركبو هنا
Author: طلحة عبدالله
Date: 01-12-2016, 08:44 AM
Parent: #88
برأيي طالما دكتور منير قال أديب يبقي أديب ونص وخمسة ..
ويا دكتور منير أختك فردوس دي متعودة على التلبيس قبل كدا شبكتني
اتا بتسك الناس وما عارف شنو ( كلام كتير قطعتو من رويسا ساي )..
ودا كلام لا أساس له من الصحة لكن أنا مررتها ليها بمزاجي
على أمل أن لا تكررا تاني .. وكل ما أخشاه أن تعتقد انو
حكاية بهت الآخرين بحاجة مافيهم دي حاجة صعبة وعصية على الآخرين ديل.
|
Post: #89
Title: Re: أركبو هنا
Author: Salah Zubeir
Date: 01-12-2016, 08:41 AM
Parent: #85
والله يا دكتور سيف كلامك دا المفروض يجيب ليك الهوا من دهاقنت المعارضه اللافين فى المنبر دا , لكن شكلو كدا ما فى واحد بيقول بغم . لاحولا . الشى محوطم.
|
Post: #91
Title: Re: أركبو هنا
Author: طلحة عبدالله
Date: 01-12-2016, 08:47 AM
Parent: #89
ويا صلاح
شكلي كدا بقيت متربس بسبب مجاراة ناس السيد تهريف
عشان كدا ما فهمتا ردك القلتا فيهو نحن لا شكرية ولا بطاحين
يعني كيف ؟؟؟
|
Post: #93
Title: Re: أركبو هنا
Author: Salah Zubeir
Date: 01-12-2016, 08:53 AM
Parent: #91
أخونا طلحه كيفنك
أبدا" تسلم من التربسه لكن جاوبتك على سوعالك دا
| Quote: النفس قام ألف مالو ؟؟ |
|
Post: #92
Title: Re: أركبو هنا
Author: Salah Zubeir
Date: 01-12-2016, 08:49 AM
Parent: #85
Quote: الأخ صلاح الزبير
حتى في ما يخص الكيزان نظريتك غير صحيحة.
عندما حدثت ما يعرف بالمفاصلة خرج كثير من الكوادر الاسلامية على النظام و نتيجة لذلك تنازلوا
عن وظائفهم الحكومية اتحادية كانت ام ولائية و سلموا منازلهم الحكومية و سياراتهم..باختصار فقد
هؤلاء النفر كل شئ. السؤال الان:
هل كل كوادر الاسلاميين عندما جاء تنظيمهم للسلطة كانو مدفوعين بالرغبات الفردية و احلام الثراء
و تحقيق المصلحة الشخصية؟
الاجابة هي قطعا لا..رغم اختلافي معهم.
خروج هؤلاء الكوادر سمح للانتهازيين من كل حدب و صوب بغزو النظام و التسلل لمفاصله
طبعا بعلم رموزه الذين استغلوا هذا الضعف الموجود لدى الكثيرين لدعم النظام بالدماء الجديدة.
اما في ما يخص التكنوقراط ايضا يمكنك استخدام النظام القائم كمثال حيث استعان ببروفيسرات
و خبراء في مجالات عدة لخدمة اجندته ، بل ان في رموز النظام نفسه كمية من التكنوقراط الذين
دمروا القطاعات التي يفترض انهم خبراء فيها، كابراهيم احمد عمر في التعليم العالي و عبد الرحيم
حمدي في الاقتصاد و العديد من محافظي بنك السودان و قنيف في الزراعة و غيرهم كثير. |
|
Post: #94
Title: Re: أركبو هنا
Author: Salah Zubeir
Date: 01-12-2016, 09:03 AM
Parent: #92
بعدين يا دكتور سيف بروفs إبراهيم و قنيف و دكتور حمدى ديل كيزان لامن مطرقعه و أكان ما أخافالكضب أقولك ديل كيزان من الإبتدائى.
|
Post: #95
Title: Re: أركبو هنا
Author: علي عبدالوهاب عثمان
Date: 01-12-2016, 09:04 AM
Parent: #92
Quote: والله ياصلاح اخوي عنوانك مستفز لكن للحقيقة والتاريخ جيلنا راكب من زمان ،،،،،
راكبين الغربة لينا سنين ولا ارضا قطعنا ولا ظهرا ابقينا ،،
راكبين فشلنا وخيباتنا وعلى المستوى الشخصي نبكي سرا ونلعن الظروف جهرا .
نتظاهر بالمعارضة وكره الكيزان اصبح جواز مرور للظرف والملاحة وحلاقيمنا اكبر من افعالنا .
وآخر الليل نمارس عادتانا السرية في المرح والكتابة في المنابر . مانحن معارضين درجة أولي .
في القروب معانا واحد ضابط أمن ومشهور بتعذيب الشرفاء وبنتعامل معاه عادي ويمكن نضحك في نكته قالها او طرفة .
وعندما ذكرت لصديقي أنني لم أعد قادرا على التواصل قال لي أن هناك ضرورات اجتماعية تحتم التعامل معه صديقي هذا معارض شرس ،،
اختلطت محجة المعارضة البيضاء بخيط الحكومة الاسود فلم نعد ندري من هي الحكومة ومن هي المعارضة , وبعض منا مازال لديه أمل .
بعض منا وأنا منهم مازلنا نقف في معارضة 90/91 والقاهرة والتجمع والتشريد والهجرة ومفوضية اعادة التوطين والفرقة بين هذي وتلك 24 عاما مما تعدون .
لابد من اعادة النظر .
لابد من التفكير .
الامر لم يعد حكومة تذهب وتكنوقراط وحكومة انتقالية الامر اكبر من ان ننظر الي بعضنا ونحن عرايا الا من بقايا تنظير الاسلام السياسي .
المعارضة لم تعد تعي ماتفعل ،،
وكذلك الحكومة .
ونحن أيضا ،،
الفعل البارد لمعارضي الدياسبورا هو اضعف الايمان بل هو اللا فعل ،،، يعني شنو تكتب مقالة طولا وعرضا وتذهب لحال سبيلك ( تستشهد يعني ) واهلك إن لم يموتوا بالملاريا ماتوا بالجوع ،،
طبعا ممكن واحد يجي يقول النظام شرس في التعامل مع المعارضة طيب شهداء سبتمبر كانوا جايين في طيارة ما كانوا أبناء هذا الشعب ومن صلبه وأرضه .
انت لو ماقلبك حدثك بفعل خاص بيك وتضحية مهما كانت فلميدد بني كوز ارجلهم ونركب نحن في اي مكان يختاروا لينا اخونا صلاح الزبير |
التحية للحبيب عمر مصطفى هذا العمق والقراءة التي تكاد تنطبق على الكثيرين منا وأنا أولهم ..
شكرا عمر ..
والتحية لصاحب البوست حبيبنا صلاح .. بغض النظر عن العنوان لقد لمست الحقائق عن قرب
صدقت أخي صلاح .. نحن راكبين الاغتراب أكثر من ثلاثين عاماً .. وربما لن نترجل إذا قبلت بنا دولة الاغتراب
وبغض النظر عن العنوان واصلوا في إبداء رايكم .. وعليكم بمداخلة عمر
مودتي .. صلاح
|
Post: #96
Title: Re: أركبو هنا
Author: Salah Zubeir
Date: 01-12-2016, 09:20 AM
Parent: #95
التحية ليكم الأخوه عمر مضوى و على عبدالوهاب
والله المغسه جوانا كراضم كراضم منهم الإتنين حكومة و معارضة ,,,,,, غايتو ربنا يحمى السودان منهم الإتنين.
|
Post: #97
Title: Re: أركبو هنا
Author: فردوس جامع
Date: 01-12-2016, 02:40 PM
Parent: #96
الأخوان طلحة و منير سلام
| Quote: حكاية بهت الآخرين بحاجة مافيهم دي حاجة صعبة وعصية |
و الله ما بحب اللَتْ و العجن و لكن ...
إحتمال البهتان في الحالتين زي إحتمال إنه العنوان خارج البوست ما موجود و أنا فعلاً قاطعة المداخلة الفوق من " راس " بوست تاني !!!
يا منير حاولت جاهدة أن أثني كيبوردي عن التداخل لكن حسيت بالمسؤولية!!!
لأنه في حال إستمرار الإحتفاء بعنوان البوست و أنت قلت عليه
| Quote: عنوان لقطة ماحصل مرَّ على سودانيزأون لاين :).. |
يقوم يحصل للناس desensitization (ما لاقية مُرادف منطقي)
و بال permissiveness الحاصل ده يجو ناس تانين عشان كمان بوستهم يكون ما خطر على بال حد في سودانيزاونلاين
و هكذا ...
وبي مدحكم ده لا شعورياً بتسنوا في سُنة جديدة هنا!
كلامكم حيكون قاعد في اللاوعي لعدد من قراء هذا البوست و حيكون بمثابة شارة خضراء لمزيد من ال obscenity ...
لما يجي يوم نلقى الصفحة كلها عناوين أجارك الله و أكرم السامعين ...ما تعرف تغطي أنفك و لا عينيك و تنط اللينكات!
ف بالله ما تكتروا المحلبية عشان منظر ال lecturer بايخ و أنا زاتي ما بحبُه و لا أجيدُه لكن مُجبر(ة) أخ(تك)اك/ و لا بطل(ة)
د.زين العابدين...
شكراً لشعورك الطيب تجاه ما كتبت , لك التقدير و الإحترام...
الأخ صلاح
| Quote: أفكر فى الهباب الأنا هببتو معاها |
لا شيء شخصي يا أخي...
العفو و العافية!
|
Post: #98
Title: Re: أركبو هنا
Author: سيف النصر محي الدين
Date: 01-12-2016, 06:39 PM
Parent: #97
Quote: Simple Definition of technocrat
: a scientist or technical expert who has a lot of power in politics or industry
|
تعريف التكنوقراطي من مريام وبستر.
ممكن يكون كوز و تكنوقراطي طالما تولى منصبه بناء على خبرته المهنية في المجال الذي يخدمه .
|
Post: #99
Title: Re: أركبو هنا
Author: ABUHUSSEIN
Date: 01-12-2016, 07:58 PM
Parent: #98
اردمو البرلوم ...
ما تدوهو فرصة يفرفر ...
صدقوني لو ما ردمتوهو ردم صاح بكره القريبة دي بقول لي بكري زح خليني اقعد في محلك ... 😂😂😂😂
عجبني ليك و سر بالي يا حاج الطيب ....
😂😂😂😂😂😂😂😂
|
Post: #100
Title: Re: أركبو هنا
Author: Salah Zubeir
Date: 01-12-2016, 08:25 PM
Parent: #98
Quote: تكوين حكومة تكنوقراط وذلك من خلال ابعاد الذين يحملون برامج سياسية وانتماءات حزبية وتنصيب أشخاص
تقنيين مستقلين مهمتهم تسيير البلاد في هذا الظرف الحرج بطرق فنية وتقنية دون حسابات سياسية. |
و الكوت دا يا دكتور سيف هو تعريف لحكومة (حكومة دى تحتا خطين) التكنوقراط , يعنى ماينفع يختو فيها كوز ولا شيوعى و لا طائفى.
|
Post: #101
Title: Re: أركبو هنا
Author: Salah Zubeir
Date: 01-12-2016, 09:00 PM
Parent: #100
| Quote: هل عورة السلطة في الساق ام الفرج ؟ |
| Quote: نرجو ضم الساقين حتى نستطيع رؤية الواقع السياسي كما هو بدون نظارات مكبرة |
| Quote: العالم يرى "جعز" الحكومة الآثمة عريان في السهلة. |
دكتورة فردوس
سلام عليك
الكلام الفوق دا إتقال فى المنبر دا من أعضاء قلاد (Senior Members) هنا و مافى زول إشتكى من desensitization , و مافى زول حصل ليهو permissiveness
ولا كلمة إستنكار واحده إتقالت
Quote: يقوم يحصل للناس desensitization (ما لاقية مُرادف منطقي)
و بال permissiveness الحاصل ده يجو ناس تانين عشان كمان بوستهم يكون ما خطر على بال حد في سودانيزاونلاين و هكذا ... |
عموما" الصاح صاح و الغلط غلط و أنا فى غاية الأسف على النيلتو معاك فوق.
كونى بخير
والله يا ناس سودانيزأونلاين حكايتكم معاى حكاية , تقومو تجيبو لى دكتورة مرة واحده بدل واحد عنقالى زى كدى نفرد معاهو شوى فى الكلام.
|
Post: #102
Title: Re: أركبو هنا
Author: فردوس جامع
Date: 01-12-2016, 10:11 PM
Parent: #101
و عليك السلام أخي صلاح
| Quote: فى غاية الأسف على النيلتو معاك فوق |
و الله مافي آي حاجة نيلتها معاي و مافي حاجة شخصية , هون عليك!
| Quote: الكلام الفوق دا إتقال فى المنبر دا من أعضاء قلاد |
مداخلاتي ما قاعدة أحددها بي ده برلوم و ده عضو غليد و مداخلتي هنا زاتها قربت ما تكون...
ما برى العضوية هنا بتاريخ التسجيل...
رُب برلوم أفهم و أعلم من عضو غليد!
فأنت عضو كامل الفعالية حتى لو أبى أخونا أبو حسين ;)
| Quote: تقومو تجيبو لى دكتورة مرة واحده بدل واحد عنقالى زى كدى نفرد معاهو شوى فى الكلام |
تصدق ما شايفة روحي غير إني عنقالية قاعدة في واطة الله دي و
الأبراج العاجية ما قاعدة أطلع فيها و لا بعرف دروبها
عشان كده فردوس حاف من غير دكتورة تمام...
و آخد و أدي معاي عادي...
شكراً ليك و فرصة طيبة ...
|
Post: #103
Title: Re: أركبو هنا
Author: ABUHUSSEIN
Date: 01-12-2016, 10:29 PM
Parent: #102
| Quote: فأنت عضو كامل الفعالية حتى لو أبى أخونا أبو حسين ;) |
و الله ابو حسين جاتو في صمة خشمو ... 😂😂😂
فردوس الوش الضاحك كدا :) 😂😂😂😂
|
|
|