معقول تكون دي ليلي حبيبة قيس ؟ ( صورة )

08:10 PM Jan, 07 2016 سودانيز اون لاين
طلحة عبدالله-
مكتبتى
رابط مختصر

والشاعر يكتب
والفنان يغني
والتاريخ يدون
والما عارف منو يقول شنو ؟
ماسورة والله

الكلام على الأخلاق

قيس يمين
ليلي شمال
الصورة منقولة من الفيس بوك
والله محن

طبعا يا حمد شرخ الصورة دا كان لابد منو
عشان الناس تفرز قيس من ليلي .. خخخخ

إنت أسمح منها ......

عاين ناس أسمح منها ديل
يا كباشي السم .

صامت الصامت يا حبيب
الموضوع دا خطير في حال كانت الرواية صحيحة وعليه
أعتقد يجب أن تدلي بى دلوك
إن شاء الله تجيبو فاضي ..

شيخ طلحة
انت ما سمعت قيس وهو ينشد

أبرق بدا من جانب الغور لامع
أم ارتفعت عن وجه ليلى البراقع

نعم أسفرت ليلا فصار بوجهها
نهاراً به نور المحاسن ساطع

ولما تجلت للقلوب تزاحمت
على حسنها للعاشقين مطامع

لطلعتها تعنو البدور ووجهها
لـه تسجد الأقمار وهي طوالع

تجمعت الأهواء فيها وحسنها
بديع لأنواع المحاسن جامع
.......
وتاكد اذا لو كان في هذا الزمان لاهداك فورا اغنية لطفى بوشناق
التي يقول مطلعها
لامني طلحة وقال ايش عاجبك فيها
قلت له خد عيني شوف بيها

هلا يا أحمد يسن
لكن الناس ديل إحتكروا التاريخ لحسابم
لو أصلا بقت على طريقة القرد في وش أمو غزالة
عندك نواحينا وبوادينا السودانية فيها ملايين من ليلي ومثلهم من قيس
أشمعني ما في زول ذكركم يعني ؟

ثم
في ذمتك أنت ما انصدمت ؟

Quote: لامني طلحة وقال ايش عاجبك فيها قلت له خد عيني شوف بيها

بديع ..

تحياتى Ahmed Yassin وطلحة ..

التحية لى طلحة ومنير الخطير

Quote: هلا يا أحمد يسن لكن الناس ديل إحتكروا التاريخ لحسابم لو أصلا بقت على طريقة القرد في وش أمو غزالة عندك نواحينا وبوادينا السودانية فيها ملايين من ليلي ومثلهم من قيس أشمعني ما في زول ذكركم يعني ؟ ثم في ذمتك أنت ما انصدمت ؟

اول شىء زمان يا طلحة ماكان في قرودلانو ما في شاعر جاب ليهو سيرة قرد بالغلط ساي في قصيدة
كل انواع الحيوانات من دواب وسباع حتى الثعالب في قول امروء القيس (وتقريب تتفل)
طبعا دا بعد (ارخاء سرحان) وعمك لبيد في 88 بيت بيصف انثى الحمار
صراحة الصدمة حصلت .... وانا عندي تجربة في الحتة دي
مذيعة اذاعية تملك صوت خرافي ولا صوت واداء مذيعة البي بي سي (مديحة المدفعي) العراقية
في مناسبة زواج بالصدفة شوفت المذيعة صاحبة الصوت الجميل ... حقيقة بعد الشوفة
الامر اختلف ..وصوتها بقى ما ياهو

هههههههههه
شفتا كيف يا أحمد يسن ؟
الناس ديل ظنيتم كانوا شتر في الجكس خخخخخ
معقولة دي الجننت الراجل دا وبقوا يضربوا بيها المثل ؟؟
لا لا الكلام دا مشكوك فيهو ..

سلام يا دكتور منير .

Quote: اول شىء زمان يا طلحة ماكان في قرودلانو ما في شاعر جاب ليهو سيرة قرد بالغلط ساي في قصيدة كل انواع الحيوانات من دواب وسباع حتى الثعالب في قول امروء القيس (وتقريب تتفل) طبعا دا بعد (ارخاء سرحان) وعمك لبيد في 88 بيت بيصف انثى الحمار صراحة الصدمة حصلت

ههههه .. غايتو متعة ..
قلت لى سيرة قرد بالغلط ساى مافى ؟؟ ههه ... ياأحمد لكين العرب يجيبو ليك القرود من وين؟؟ ناس القرد فى عين أمه غزال بتاعين طلحة ديل من جنوب الصحراء وإنت نازل .. وبعدين شايف اليومين ديل الحيوانات كترت .. الليلة عملتوها لينا قرود وغزلان وثعاالب واليوم داك محمدالبشرى ساكاهو بقرة ، ونعمات عماد كمان جابت ليها غنم وجداد وحمام قالوا الحكومة عايزة النااس ترببيها فى البيوت ووو... على رأأى المثل .. العندو ديك وجدادة فهو فى خيرين وزيادة ..

عندى إحساس كده يا أحمد يسين إنك عندك بااااع فى الثقافة العربية وإبداعاتها .. فلو ده حاصل ما تبخل علينا بالدرر الشعرية والنثرية ..

وياطلحة غايتو العفريت النكت الصور دى غايتو بالغ .. والحمدلله إنك شرحت لينا منو العلى الشمال ومنو على اليمين لأنو بأمانة أنا لولا توضيحك كنت لا أسّع ما أكون فارز كوع من بوع ..
لكين غايتو ما سويت فينا خير .. دمرت فينا كل إرث الرومانسية والهوى العذرى الفلقونا بيهو من ولدونا .. كدى أمشى أغطس تانى شوف لينا كثير وعزة، وعنتر وعبلة.. وكان كمان عرّجت على روميو وجولييت تكون ماقصرت .. أصلو نحن إكتشفنا إنو الحياة كلها عبارة عن ماسورة كبيرة على قولك .. ..:)

لكين بأمانة العفريت النكت الصورة دى زول حـــــاقــد عاوز يدمر التاريخ ويعمل إشانة سمعة للجماعة ديل .. هسه تلقاهو أول ما نشرها كتب عليها عــــــاجل !!..

Quote: ههه .. غايتو متعة .. قلت لى سيرة قرد بالغلط ساى مافى ؟؟ ههه ... ياأحمد لكين العرب يجيبو ليك القرود من وين؟؟ ناس القرد فى عين أمه غزال بتاعين طلحة ديل من جنوب الصحراء وإنت نازل .. وبعدين شايف اليومين ديل الحيوانات كترت .. الليلة عملتوها لينا قرود وغزلان وثعاالب واليوم داك محمدالبشرى ساكاهو بقرة ، ونعمات عماد كمان جابت ليها غنم وجداد وحمام قالوا الحكومة عايزة النااس ترببيها فى البيوت على رأأى المثل .. العندو ديك وجدادة فهو فى خيرين وزيادة .. عندى إحساس كده يا أحمد يسين إنك عندك بااااع فى الثقافة العربية وإبداعاتها .. فلو ده حاصل ما تبخل علينا بالدرر الشعرية والنثرية ..

ههههههههههههه
والله استمتاع بكتابتك يا دكتور منير الى حد مدهش
المصيبة بعد صورة طلحة المهببة دي اتاكدت تماما ان اعذب الشعر اكذبه
لانه الفوق العلي اليمين دا المدعو قيس قال في البنى ادمة العلي الشمال دي
ولو تفلت في ماء البحر وهو مالح
شوفتا كيف يا منير
لاصبح ماء البحر من ريقها عذب
بالله دي ياها النشفت ريق قيس؟

هههههه .. عليك أمان الله يابوحميد المدعو قيس العلى اليمين ده ممسكنا ضنب الككو الزمن ده كله ..
وكمان تلقى فى ناس عملوا فيهو دكتوراه عديل ..
كمان قلت لى قال إذا بزغت فى بحر المالح يتقلب موية سكر؟؟ لا حولا .. شوف الكضب والمبالغات كمان .. ساو دقنه دى !!..

لكين فى أبياته دى أديهو أوسكار: ..
وَإِنّي لَأَستَغشي وَما بِيَ نَعسَةٌ لَعَلَّ خَيالاً مِنكِ يَلقى خَيالِيا
وَإِنّي إِذا صَلَّيتُ وَجَّهتُ نَحوَها بِوَجهي وَإِن كانَ المُصَلّى وَرائِيا

أراني إذا صلّيتُ يممت نحوها
بوجهي وإن كان المصلى ورائيا
وما بى إشراكٌ ولكن حبّٓها وعظم
الجوى أعيا الطبيب المداويا

..........

وأنّي لأستغشي ومابى نعسة
لعل خيالاً منك يلقى خياليا

لا أظن ان بالجمال وحده يمكن ان ينشد هذا المجنون ليلاه
تحياتي للجميع

والله فعلاً مجنون ...

سلام طلحه
اذا افترضنا صحة الصوره
اين صوره عبدالملك بن مروان
اهم شخصية
واين عظماء بنى اميه
يعنى تفتكر قبل الف سنه
كانت فى هذه المناطق الات تصوير
اعتقد ان الصوره فى مسرحيته كويتيه قديمة
لماذا تضرب الارث العاطفى لجماهيرنا فى مقتل
ولماذا تششكك فى فى روعة ليلى ومقلتاه وشرفتاه
غايتو يبقى لزاما عليك
ان تعتذز
ويلزمك ايضا بحث فى تاريخ
التصوير واول اله تصوير دخلت هنالك
قال ليلى قال

دكتور منير الخطير ههههههههههههههههههههههه اهاهاهاهاهاها

Quote: هههههه .. عليك أمان الله يابوحميد المدعو قيس العلى اليمين ده ممسكنا ضنب الككو الزمن ده كله ..وكمان تلقى فى ناس عملوا فيهو دكتوراه عديل .. كمان قلت لى قال إذا بزغت فى بحر المالح يتقلب موية سكر؟؟ لا حولا .. شوف الكضب والمبالغات كمان .. ساو دقنه دى !!.. لكين فى أبياته دى أديهو أوسكار: ..وَإِنّي لَأَستَغشي وَما بِيَ نَعسَةٌ لَعَلَّ خَيالاً مِنكِ يَلقى خَيالِياوَإِنّي إِذا صَلَّيتُ وَجَّهتُ نَحوَها بِوَجهي وَإِن كانَ المُصَلّى وَرائِيا

دكتوراة بس ؟ دا انا بى سببو حفظت جمهرة اشعار العرب
وصدقني يوم القيامة كنت حاعرفوا واسلم عليو بالاحضان .. ويييين يا قيس المجنون احوالك؟
تخيل يامنير.. المجنون دا قال في البنى ادمة دي شنو!!؟ تخيل بس
سقتنـي شمس يخجل البدر نورها ويكسف ضوء البرق وهو بـروق
غرابية الفرعيـن بدريـة السنـا ومنظـرها بادي الجمـال أنيـق
معقولة لكن ياقيس علي بالطلاق دي تيس جبلي يشرد منها خليك من يخجل وشوف كضبو
لو كانَ لي قلبان لعشت بواحدٍ فردت قلباً في هواك يعذبُ
لكنَّ لي قلباً تّملكَهُ الهَوى لا العَيشُ يحلو لَهُ ولا الموت يقربُ
وعاين دا
لَو سُئِل أَهلُ الهَوى مِن بَعدِ مَوتِهِمُ هَل فُرِّجَت عَنكُمُ مُذ مِتُّمُ الكُرَبُ
لَقالَ صادِقُهُم أَنْ قَد بَلى جَسَدي لَكِنَّ نارَ الهَوى في القَلبِ تَلتَهِبُ
صادقهم شنو يا كضاب يامنافق
اجي انا في النهاية ومن صدمة طلحة المريعة دي اكون ماسك لي ضنب ككو من زمن
وفي الضنب زاتو انا كنت ماسك الحتة الغليدة القريبة من الككو زاتو
واختم بى دي ومن قولوا ونظموا
وَلَمّا رَأَيتُ الصَدَّ مِنها وَلَم تَكُن تَرِقُّ لِشَكواتي شَكَوتُ إِلى رَبّي

Quote: معقول تكون دي ليلي حبيبة قيس ؟ ( صورة )

نـــــعـــــــــم .........
خلاص كدا البوست أدى غرضه قفل يالا ........
بعدين ياها لأنو الزمن داك لا في كريمات و لا كوفيرات و لا يحزنون .....
و لا حتى قدر ظروفك ....
ياخ مويه تغسل بيها وشها مافي عايزه تكون كيف يعني ...
ياخ الكاميرا الصوروها بيها دي زاتا إستلفوها من زوار من الفضاء لأنو الزمن داك ما بعرفو التصوير زاتو


قوم لف دا بوست تفتحوا في البرد دا ...

Quote: قوم لف دا بوست تفتحوا في البرد دا ...

اخير مِنو بوستيك بتاع الحبر السري،
تصدق ...

Quote: اخير مِنو بوستيك بتاع الحبر السري، تصدق ...

عاذرك و الله ....
و حاسي بيك و الله ......
و كان بكيت و جعرت في منبر بكري دا و إتفنت في التراب معاك حق ....
و الله حارة شديد ......
الناس يزوغو منك يصلو القصر الجمهوري و إنت قاعد لافي لي مع طلحة و جلجل و كبسور .....
و الله كان إنتحرت بلقى ليك العذر .....

قوم لف

Quote: عاذرك و الله .... و حاسي بيك و الله ...... و كان بكيت و جعرت في منبر بكري دا و إتفنت في التراب معاك حق .... و الله حارة شديد ...... الناس يزوغو منك يصلو القصر الجمهوري و إنت قاعد لافي لي مع طلحة و جلجل و كبسور ..... و الله كان إنتحرت بلقى ليك العذر .....

خخخخخخخخخخخخخخـ،

يا ابو حسين ياخي ما تحرف البوست، طلحة دا معاهو ضيوف في نواحي الفيس بوك
من بني عامر .
مقدماً كدا، شكراً للإنصياع ...

غريبة

كبسور العنوان دا ما حرك فيه شي.......
قال ليلي قال .....
ليلي و ل نهاري .......

لا أعتقد أن الصورة أو بالأصح الرسم صحيح
معقولة
عيناك عيناها وجيدك جيدا
ولكن عظم الساق منك رقيق.
قيس يخاطب في غزال.
هسع دي عيونها عيون غزال ولا رقبتها رقبة غزال
هههههه
انا يتخيل لو وضعنا صفاتها من أشعار قيس أمام رسام بارع حاتكون صورة اقرب

شكلو ليلى صوروها بدون مكياج..
طبعا يفرق كتير...
المهم هنا هو النظرة الملانة حنان، ومؤكد انها كسرت فيها قيس
و خلتو يقول فيها القصائد السمحة ديك...

يا أخوانا دي صورة تذكارية لإساف ونايلة في الحجة الأولى والأخيرة

بعدين الآنسة دي ما تظلموها، دي تعرية بيئية خفيفة، انظروا للجانب المشرق. هسع لو أخدتوا تفاصيلها بند بند حتلقوا كلام ناس الحقيبة كلوا حقها براها ما ياهن العيون الكبار والشعر الأسود الطويل والبسمة والنظرة الخجولة، إلا يوروكم يا ليلة هوي عشان تقولوا سمحة؟ انتو الظاهر عايزين الأوصاف دي كلها بتناغم وأبعاد متناسقة أها وبعدين واحدة بتكفيكم كلكم؟ هيييييه، لقد كلفتم القائم بالأمر شططاً _________ إساف ده لو دخل صالون حلاقة ممكن براحة يطلع زي ميسي.

أحمد يسين ياخى الله قبضك لى .. أنا من زمان كايس لى لزول فى المنبر ده يكون شربان لبن الشعر العربى وإبداعاته.. وأحسبك مجضم الشغل ..
من زمان ظللت ناوى لى لبوست كشكول عن حكم وأشعار وطرائف وبلاغة العرب منذ الجاهلية ناس إمرؤ القيس وعنتر بن شداد وغيرهم لغاية العهود الأموية والعباسية ناس المتنبئ وأبوفراس والبحترى وأبوالعتاهية والعهود الأندلسية ناس ابن زيدون مروراً بالفكر والفلسفة والتصوف ناس الفارابى وابن الفارض والنابلسى،، وتنعطف على التفسير ذاته، حين فسّر بعضهم قوله تعالى إن الله يحب التوابين بأن التوّاب هو الذى يذنب ثم يتوب ثم يذنب ثم يتوب ثم يذنب ثم يتوب ثم ...
قبال ما نصل عصر الإنحطاط والهشك بشك ..

كدى هسه خلونا ننتهز فرصة البوست ونجتر قليلاً إبداعات المجنون العلى اليمين ده فى البنى آدمة العلى شمال دى .. :)

ياحافظ محى الدين الإمام ياخى طلحة ده عنده المحن .. وأبدع مايكون وهو زهجان .. :)

بين مجنون ليلى وكاميرة ابن الهيثم حوالي 600 سنة

منير وشركاه
حنبدأ من امرء القيس وننتهي بابن رشد ... العرب ديل ربنا سبحانه وتعالى اتحداهم في لسانهم العربي المبين
بلاغة تتجاوز مقدرة العقل الحالي .. كانت لهم فراسة وحكم يمكن ان نكتب عنها سنين عددا ولن نتم حصرها
قصص وسير يا منير .... ومع ذلك آمنوا بالرسول الكريم لانهم مع فراستهم وبلاغتهم وجدوهوا صادقا
ولما تنزل عليه لسحرا.. ببساطة يامنير ياخوي .. اذا قرأت قصة او رواية لاعظم كاتب نفترض غابريال غارسيا ماركيز
الكولومبي الحب في زمن الكوليرا او مائة يوم من العزلة.... وهو طبعا فاز بارفع جائزة وهي نوبل في الاداب
حتقرأ القصة مرة واتنين وخلاص حتعرف تفاصيلها والدراما البتحتويها وحترميها
ولكن كمثال قصة يوسف في القرآن لها اكثر من اربع عشرة قرن وكل ما تقرأها تجد فيها حلاوة ورصانة عجيبة كانك تقراها لاول مرة
...................
السؤال هل كانت ليلى مهدي سعد .. ياها الفوق دي بتاعة طلحة .. هل كانت شاعرة؟
يقال ان رجلا من بنى مرة خرج صوب (تيماء) وهي المنطقة التي رحل اليها ابوها خارجا ومبتعدا
من (الافلاج) حيث ديار بنى عامر ومكان نشأتهما هي وقيس وحيث كان جبل الــ(توباد) شاهدا على حبهما الاسطوري
او لنقل السرمدي الذي خلدته اسطر التاريخ والروايات
وصل الرجل الى خيمة حيث كان المطر يبلل ارجاء المكان فسمع صوتا ان (انزل) فنزل
حيث ابلهم وبهمهم .... ومن وراء ستار سالته : اي بلاد نجد وطئت؟
قال كلها فقالت بمن نزلت؟ فقلت ببنى عامر
تنفست الصعداء ثم قالت هل سمعت بذكر فتى يقال له قيس يلقب بالمجنون
فقلت أي والله نزلت بأبيه وأتيته ونظرت إليه قالت وما حاله ؟
قلت يهيم في الاودية ويقول شعرا
فجزلت وكشفت عن وجه كالقمر ( لكن ما بالغ في القمر دي)
فلكت وانشدت
الا ليت شعري والخطوب كثيرة

متى رحل قيس مستقل فراجعُ

بنفسي من لا يستقل برحله

ومن هو إن لم يحفظ الله ضائعُ

سلام الحبيب طلحة،

ما تصحى للون ياخ، الصورة البى الشمال دى صورة المومياء بتاعة ليلى ، علا الجنى البى اليمين ده ما بعرفو.

حسب خبرتى المتواضعة فى مجال الموميآت ، اللخت المرحومة دى (ولا الهالكة ما بعرف:) كانت جميلة جداً.


يا منير أخونا أحمد ياسين ده شكلو زول مبدع أوعى تسيبو من ايدك.

والله يا انور انت المبدع ياود تاج السر
بالمناسبة يا ابوالنور .. الخيال بلعب دور كبير واشمل من الواقع
واخونا ابدقن العلي اليمين دا لامن ابوهو شافو وشو بقى اسود
ونفس الدقن الفي الصورة وبقى نحيف وهزيل حتى برزت عضام وشو
من التعب والهيام من واد الى واد .. فضاق ابوهو به زرعاً ومرة شافو ماشي الصباح قام ناداهو
تعال هنا ياولد ياخي انت حكاية شنو ؟ آآ كرهتنا ياخ انت ليلى دي اصلو مافي غيرها؟ شنو لا بتاكل لابتشرب
لا رترعى الابل لا بتساعد ابوك لا رتجيب الحطب لا بتستحما لا بتغير لا بتاكل .. خشارة تربيتي فيك
وانت المفروض تحمد الله لانه مهدي ابوها دا عوير ومهرج .. ووقع من ناقتو وكان داير يتكسر ويتشلا
وبتاع قوالات وسكرجي ؟
قيس همهم ببعض ابيات من الشعر في حب ليلى .. ابوهو كان داير ينزل ليو العكاز في نص راسو
لكن في اخر ثانية حن عليهو وقال يجيهو بى حتة تانية بدل الضرب والبهدلة وهو اصلا روح مافيهو
قال ليو انا الكلام البقولو ليك دا اول مرة يطلع بالمناسبة ليلى مهدي دي
ليلى بتاعتك دي ياولدي ما ارها ممن يوصف بالحسن والجمال (قيس نطط عيونو الصغار ديل) وهز راسو
ابوهو قال ليهو (تنقنق؟) آآ تنقنق كمان .. اها وهي بامانة قد بلغني انها (فوهاء) وقصيرة و(شهلة)
فعد في قومك ولك خير منها
المجنون قعد يضحك وانشد
يقولُ لِىَ الواشونَ ليلَى قَصِــــيرةٌ * فليتَ ذِراعاً عرضُ ليلى وطُولُها
وإن بعينها – لَعمرُك- شُــهـــلــةً * فقلت: كِرامُ الطيرِ شُهلٌ عيونُها
وجاحظةٌ فَوهَهاءُ لا بأسَ، إنـــها * مِنّى كيدى، بل كلُّ نفسٍ وسُولُها
فدَقّ صِلابُ الصّخرِ رأسَك سَمداً * فإنى إلى حين المماتِ خلِيلـــُها!
ابوهو زهج منو وقال ليو هسي اديك كدة؟؟

دا كلو كوم والصورهم وساب بني امية وبني العباس
دحين الكاميرا بتاعتو دي لو صور هارون الرشيد ما كان عمل خير وقطع لسنات 😂😂😂😉

أخى الجميل أحمد يسن،

سعيد بالتعرف عليك يا راقى فى هذا البورد، مع حفظ حقوق حبيبنا منير فى كبشرة هذا الأبداع، و شكرى لحبيبنا طلحة بافتراع هذا الخيط رغم " التأريض" الشغال فى البورد اليومين دول:)

عليك الله ما تحرمنا من اطلالاتك البهية هنا.


لك كل الود.

الآخ الفاضل طلحة عبدالله..


عندك نواحينا وبوادينا السودانية فيها ملايين من ليلي ومثلهم من قيس
أشمعني ما في زول ذكركم يعني ؟
...

البوادى بس ؟
السودانيات من اجمل نساء العالم..
وقوة شخصية.وخفة دم.وجاذبية..
ومع ذلك..
يا حسرة..
ولا طلع ليهن قيس واحد يقولوا عليه..

يا أحمد يس
ويا منير

تحياتي
وكتّر خيركم على مداخلاتكم بتاعة إنه زمان ما في قرود
واعتبار منير ليك يا أحمد يس ذو باع في الثقافة العربية.


الشكر إنكم بمداخلاتكم دي اجبرتوا اكبير مستنيري
سودانيزاونلاين على العدول عن قراره بالمغادرة
والبقاء لمزيد من التنوير.
اشكركم نيابة عن رابطة معجبي المستنير
ابو بكر عباس (علماً بأني لست عضواً فيها
حيث أن الرابطة لا تقبل عضوية المستنيرين أمثالي)

الصادق والجمهور ..
طبعاً البوست ده طريف من عنوانه .. والصورة بديعة والزول القرنها بقيس وليلى ده والله زول شفت ومقرّم ..
وحوة والدة ، فى ناس كده يطربوك بذكائهم .. فالراجل خلق موضوع من مافى حطّم أسطورة ابن الملوح الذى طلحة قال إنو محتكر التاريخ ..
وتقوم تجيك نور تاور تقول ليك السودان مليان ليالى وماظهر ولا قيس واحد .. لكين يانور ود الملّوح ده ما إستلم الفيلم كله وما أدانا فرصة زاتو نتجدع فى ليالينا .. وإن كان عندنا أقياس رهيبين لكين ما بيلحقوا البنى آدم ده ..
ومن القيسيين بتاعننا من قال:
تعال كلمنى عن رؤياك ومافيها ... صحيح بالله شفت النار وشفتنى ياجميل فيهـــــــا؟؟..
قول لىْ كان شعورك كيف ... هل حاولت تطفيها، واللّا كمان رضيت بالحال وقلت أسيبه فى الفيها ..

ورغم هذه الروعة لكين مابيلحق ابن الملوح الذى بالغ بوليغ شديد حتى اشتهر إسم ليلى حول العالم ، فقد وجدت إسم ليلى فى أقاصى المكسيك، وأحسبه إنتقل من اسبانيا التى كانت تحت سيطرة العرب ..

الحبيب العزيز أنورتاج السر .. والله أنا أحمديسين ده من ما جاب الفاصلة بتاعة :

Quote: لامني طلحة وقال ايش عاجبك فيها قلت له خد عيني شوف بيها

عرفت إنو الراجل ده لو عصرناهو شوية حيطلّع سكر ..
وبالجد نحن نفتقد البوستات التى تنكش الثراث الأدبى العربى المليئ بالمعانى والبديع .. طبعاً الحال المزرى للعرب المعاصرين طفأ البريق القديم .. نحن طبعاً عمرنا راح بين السلوك والإجهزة وفاتت علينا روائع مدهشة فى الأدب والحكمة ..
و ياريت أحمد ينداح لينا بأسلوبه الرائع الدارجى الطريف ويسلسل لينا من جراب الحاوى بعض الأشعار والحكاوى ..
طبعاً نحن تناولنا قيس بالتقريق لكين جد بنحترمه شديد .. فالراجل شِعره مهذب ومحتشم وماخلى ليهو معنى فى الهوى والصبابة إلاّ و نكشه وأداهو حقو ..

أُصَلّي فَما أَدري إِذا ما ذَكَرتُها اِثنَتَينِ صَلَّيتُ الضُحى أَم ثَمانِيا
وَما جِئتَها أَبغي شِفائي بِنَظرَةٍ فَأُبصِرُها إِلّا اِنصَرَفتُ بِدائِيا
دَعَوتُ إِلَهَ الناسِ عِشرينَ حِجَّةً نَهاري وَلَيلي في الأَنيسِ وَخالِيا
لِكَي تُبتَلى لَيلى بِمِثلِ بَليَّتي فَيُنصِفَني مِنها فَتَعلَمُ حالِيا
فَلَم يَستَجِب لي مِن هَواها بِدَعوَةٍ وَما زادَ بُغضي اليَومَ إِلّا تَمادِيا

يديك العافية يا الصادق ياود اسماعيل يا راجل يامدهش يا حنين (تشديدا)
عارف يا الصادق ياخوي .. طلحة ومنير دخلونا في حاجة اسمها (الذاكرة البصرية)
لانه بعد البوست دا اي بيت شعر لى قيس او جميل بثينة او كثير عزة
مرتبط بحب اسطوري وتاريخي .. الخوف ان الذاكرة دي مباشرة حتستدعي حبوبتنا الفوق دي
ابوبكر لو ما قعد حنردموا بى جميع ابيات المجنون .. حبا فيه ويمكن تغزلا فيه وفي كتاباته
حتى يرعوي ويرجع عن قراره

Quote: الشكر إنكم بمداخلاتكم دي اجبرتوا اكبير مستنيري سودانيزاونلاين على العدول عن قراره بالمغادرة

هههههههههههههههههههههههه
الصادق
المستنير لا انا لا منير رجعناهو المنبر
رجعوا القرد

منير يامنير
حقو نحكي يوم التقى (القيسان) المجنون بتاعنا دا و ابن ذريح
كان لقاءا اشبه في ايامنا هذه
بلقاء بفاروتي السودان استاذي عثمان مصطفى مع الموسيقار موسى محمد ابراهيم
في (ماضي الذكريات)
تعانق القيسان وبكيا طويلا
ولكن قبل ما يتعانقا المجنون حقنا كان متوحش ما بسلم على الناس
ولا بياكل معاهم ... بمشي يشرب مع الظباء في مورد الماء
حتى الوحوش الفته وبقت ما بتشتغل بيهو كتير
ووصل مرحلة انو مابتكلم مع الناس ولا برد سلامهم كمان
جاء قيس بن ذريح ماشي ولقى صاحبنا دا قاعد في الشارع
سلم عليهو .. ابى يرد مع ان الاتنين كانوا مشتاقين يشوفو بعض
سلم عليهو تاني برضو ابى يرد وقاعد سرحان وتلقاهو كان بهضرب
المهم قال ليهو انا ابن ذريح ... صاحبنا قام نط فوقو وحضنو وقعد يبكي
ودا برضو قعد يبكي .. بعد ما بكو زييييين قام صاحبنا رسل ابن ذريح
لى ليلى وقال ليو عليك الله قول ليها المجنون بسلم عليك شديد

التعليق المصاحب للصور..المرفقة التي وصلتني عن طريق الواتس
من اطرف التعاليق

ههههههههههههههههه
دي ليلي الكان ماعطننا بيها التاريخ كلو

....
تحياتي أخ طلحة وضيوفك خفاف الظل

مع التقدير كلو لجميع المتداخلين لكن
دكتور منير وأحمد يسن أثريا البوست وجعلاه ذو عمق ضاربا في جذور تاريخ
حب المجانين ..
مع تمسكي وإصراري الشديد انو الموثقين مسكونا ضنب ككو مشاغب
حتي لو كانت الصورة الصادمة أعلاه مزورة .. خلاص إنطباع وركب ..

ولنفترض صحة الصورة .. وبمقياس الانتخاب الطبيعي قد تكون الأجمل في محيطها في ذلك الزمان ...

مافي صورة لي "عبلة" و "عنتره" ...
كدي فتشوا الواتساب .. اكيد بتلقوها :) ..

قيل في عبلة أجمل بيت غزل من وجة نظري المستنيرة:

ولقد ذكرتك والرماح نواهل مني
وبيض الهند تقطر من دمي
فوددت تقبيل السيوف لأنها
لمعت كبارق ثغرك المتبسم

شكرا طلحة على هذا البوست اللطيف ..

Quote: ولقد ذكرتك والرماح نواهل مني وبيض الهند تقطر من دمي فوددت تقبيل السيوف لأنها لمعت كبارق ثغرك المتبسم

ياسلام يا مشرّف ياخ .. دى لقطة رهيبة ..

رغم إنو الأبيات دى لاقتنى كتير، لكين فقط الآن لمعت لى زى لمح البارق المتوهج ..
كونتراست صارخ ..



بالجنبة كده: ده ياهو نضالك الراجى بيهو الفجر الآتى :) ..

يا دكتور منير
ناس قيس وجميل وعنتر وود كلثوم والجماعة ديل الفيهم اتعرفت خلاص
مستغلين انو ما في زول شايف جكسيهم وقائمين بينا سداري :
ومأكمة يضيق الباب عنها
وكشحاً قد جُننت به جُنوناً
ههههههههههههههههههههههه
تلقاها عند الغافل يا ود كلثوم

Quote: الاخت نور تاور السودانيات فيهم جمال ممكن لكن خفة دم دي يعميكين فيها عمى (إلا الحالات الشاذة التي تؤكد القاعدة)

هوى يا Mohammad Ahmad Modawi ــــ فيسبوك ـــ
إنت الظاهر عليك مابتاع خلِط .. عليك أمان الله بنات الزمن ده عندهم جنس خفة دم .. ـــ رهيبة !!ـــ
إنت بس كدى أديهم الأمان عشان ينبهلوا ليك بخفة دم بناتية ما بتلقاها عند الأولاد ـــ لأن منظور الحياة مختلف ـــ ..

طلحة
ما سمعت بالمثل البقول:
" كل عفنا ليهو شمام" ؟

هلا يا منبر ..
"عمت صباحا " يا أخا المنبر :) ..

Quote: بالجنبة كده: ده ياهو نضالك الراجى بيهو الفجر الآتى :) ..

إنشرخ حلقي والله وأنا أردد: لست مناضلاً ..
وهسع بوست أخونا طلحة ما دايرنو لهذه المحاججة ولكن وكتعليق صغير كد وبالجنبة .. غادرت البشرية ذاكرة "والسيف اصدق إنباء من الكتب" .. غادرتها زماااان .. للكتابة شرفها يا عزيزي .. قد لا نراه شرفا نضاليا باذخاً .. ولكنه شرف على اية حال .. او جدير بالاحترام على أقل تقدير.

شكرا جزيلا ..

طلحلح .. صباح الخير .. ومن معك ..

يا طلحة كل زمن بمعايير جمالو ؟

ثم ثالثآ القال ليك منو ديل هم ؟

ثم رابعآ لو لا اختلاف الاراء لما اصبحت ليلي حبيبة قيس .

ثم خامسآ انت المزعلك شنو ؟

ثم اخيرآ : خخخخخخخخخخخخخخخ .

Quote: اصلا ما فيش حاجة اسمها قيس ولا حاجة اسمها ليلي ولا في عنتر ولا في عبلة دي كلها اكاذيب وقصص خيالية تم اختراعها وتاليفها في العهد العباسي والعهد الاموي والباقي كضب من المصريين

هههههههههههه
إبداع والله يا باسم ..خخخخخخخخ

Quote: اصلا ما فيش حاجة اسمها قيس ولا حاجة اسمها ليلي ولا في عنتر ولا في عبلة دي كلها اكاذيب وقصص خيالية تم اختراعها وتاليفها في العهد العباسي والعهد الاموي

ليس في العهد الأموي
غالبا في الدولة العباسية
في إحتمال انو الخلفاء الراشدين وجزء كبير من تاريخ نشأة الدولة الاموية يكونوا من خيال الأدباء العباسيين

يقال انو التدوين بدأ متاخر جدا في الدولة العباسية ودا برضو غير مأكد

كرري والمهدية ليهن أكتر من مائة سنة، لو لا المورخين الكفار لما تبقى من آثارها المروية شيئا

يا مني أنا ما قلتا ديل هم
أبدا إستنكرت كونو تكون دي ليلى
كما إني ما زعلان بس مندهش ..
لكن اعترف بانو الصورة تركت عندي انطباع ما حلو
عن ناس ليلي وعبلة وبثينة وكل محبوبات التاريخ ..
أنا خايف شعرهم دا ذاتو يبقي لي بني .. خخخخخ

بصراحة ياجماعة أستغفر الله وأتوب إليه من كلامى عن الصورة .. فلا يجب أن يسخرقوم من قوم عسى أن يكونوا خيراً منهم ..

معليش أخدت الكلام على سبيل الطرافة لكين غفلت عن أن هؤلاء أناس حقيقيون لحم ودم ماكان ينبغى التندر بهم ..

هسه أنا أسوى شنو؟

يا دكتور منير المسألة برمتها إستنكار وليس تندر لا اعتراض على خلقة الله
ولكن الاعتراض فقط على التصوير الكاذب والمزاعم المضلة .. بالنسبة لي
صلب الموضوع هو إن هذه الصورة لا تناسب أبدا الضجة التاريخية التى
أثيرت حول جمال ليلى كما أوردت السيرة وكتب التاريخ خصوصا وإن الشعر
الجاهلي شعر حسي وغارق في المادية يعتمد على التغزل في جمال المرأة وشكلها
الخارجي مثل الوجه والجسم ولا علاقة له بجمال الأخلاق والنفس لأن أغلب الشعراء
الجاهليين كما ورد لم تتح لهم فرصة الإلتقاء والجلوس لفترات كافية مع محبوباتهن..
فقط مجردنظرات ولفتات ومشاغلات من بعيد .. عشان كدا كانوا مركزين على الشكل
فقط وفي حالة ليلى الفوق دا إن ثبت انو دي صورتا فعليك أن تقارن بين شكلها وما ما كتبه
قيس فيها بناء على مفهوم الشعر الجاهلي الحسي المعتمد على الشكل .دا طبعا إذا تجاوزنا
ما قاله الأخ باسم من الفيس عن إن الأمر مجرد أساطير لا علاقة له بالواقع ...
يعني لا في ليلى ولا في نفيسة .ما تتحسس يا دكتور .

طلحة


بربك هل ضممت اليك ليلى

قبيل الصبح او قبلت فاها



مالا الصورة دي والله حلاة الدنيا عليها


شوف كمان جنس الحسد دا

أفلاج ليلي
نساء الافلاج يمتزن بجمال العيون والصوت الحنون
وحات الله
ويعدين بطلو بكي 😃😃😃

Quote: وفي حالة ليلى الفوق دا إن ثبت انو دي صورتا

يا تنظير الله يهديك انت جاد في تساؤلك دا!
هل في احتمال واحد في المليون ان تكون الصورة دي فعلا صورة ليلى و قيس الماتو قبل خرتمية سنة من إختراع الكاميرا


يا مستنير اخيرا لقيت ليك مدخل ههههه قلت لي الخلفاء الراشدين, طيب ارجع لورا شوية و شكّك في النبوّة زاتها فرقت شنو يعني

Quote: يا تنظير الله يهديك انت جاد في تساؤلك دا! هل في احتمال واحد في المليون ان تكون الصورة دي فعلا صورة ليلى و قيس الماتو قبل خرتمية سنة من إختراع الكاميرا

وماذا عن الرسم ؟

تحياتي ليكم كلكم

قاليها

ولقد ذكرتك والرماح نواهل مني وبيض السند يقطر من دمي .. ووددت تقبيل السيوف لانها لمعت كبارق ثغرك المتبسم ..

هل تسالين الخيل يا بنه مالك .. يخبرك من شهد .. انني اغشي الوغي واعف عند المغنم
وباقي القصيده راحت مني ههههه


المهم الزوله دي كانت جميلة لمن سنونا بارقات معناتا الشغل دا حقد ساي

يا جرجير
مش لما تكون في ليلى من أساسو .. غايتو كلام باسم في الفيس بوك بخصوص
انو الحكاية مجرد أساطير زادوها موية شكلو صاح وبالتالي لا في ليلى ولا يحزنون
لكن لو في أكيد الصورة أو الرسم دا معتمد على الوصف المتناقل من جيل لى جيل
لغاية ما وصلنا هنا .. وبناء عليه فبصراحة صدمة، مالم يتم تداول صورة أخري
لليلى .

الأخوة والأخوات في الفيس بوك
ما قصرتوا والله في إثراء البوست ليكم العافية باذن الله .

يا اخلاص جمال العيون والصوت الحنون بس لا يكفيان .. خخخخخخخخ

Quote: لكن لو في أكيد الصورة أو الرسم دا معتمد على الوصف المتناقل من جيل لى جيل لغاية ما وصلنا هنا .. وبناء عليه فبصراحة صدمة، مالم يتم تداول صورة أخري لليلى .

يا تنظير كلامك دا كيف؟ كسر رقبة يعني
اولا ما تقول لي صورة أو رسم, الفوق دي صورة ضوئية عديل وليست رسما عشان يكون في احتمال انها لليلى المعنية
بالتالي تنتفي فرضة ان تكون الكراة في الصورة هي ليلى, ولا داع للحديث بناء عليه, فما بني على التنظير... يبقى تنظيرا لا أكثر :)

البوست كان للونسة و القرقراب و استذكار الشعر العربي اوكي, لكنه لا يقم على حقيقة عشان تشبكنا صدمة و بطيخ


(أوعى تحذفها )

طلحة وضيوفك الكرام .. تحياتي،

[فَقالَ بَصيرُ القَومِ أَلمَحتُ كوكبا بدا في سَوادِ اللَيلِ فَرداً يَمانِيا
فَقُلتُ لَهُ بَل نارُ لَيلى تَوَقَّدَت بِعَليا تَسامى ضَوءُها فَبَدا لِيا
فَلَيتَ رِكابَ القَومِ لَم تَقطَعِ الغَضى وَلَيتَ الغَضى ماشى الرِكابَ لَيالِيا]

صدق الشعر وكذبت صورتك .. وظني بأنها مؤامرة من جهة ما...هكذا رسمها لنا القصيــد:

أيوة كدا قمر وبدر وتمامين يا نصر الدين ..
يا داب الواحد بلع ريقو .. هههههههههههههههه

ههههههه...

الحق .. حق ... برضك يا طلحـة (وجه ضاحك)

والله يا جرجير ما عارفك واثق كيف إنها دي ما ليلى
لكن خلاص عشان ما تمط وتجر كتير نعتبرا دي ما ليلى
خصوصا وأنا والله ما عايزا تكون دي ليلى ..
كما انو نصر الدين ما قصر معانا وجاب لينا العايزنو ...
.............................
أنا متأكد انو لو في زول واحد في البوست دا ما عايزا تكون ليلى
أكون أنا .. ما تعمل فيها نصير الحب.. قوم لف .

هيثم يا غالي

Quote: طلحة بربك هل ضممت اليك ليلى قبيل الصبح او قبلت فاها

السؤال دا لي ؟
لو لي أنا فحقو تحدد
ليلى الرمزية
واللا ليلى ليلى ؟؟

Quote: السؤال دا لي ؟ لو لي أنا فحقو تحدد ليلى الرمزية واللا ليلى ليلى ؟؟

هههههههههههههه


يا طلحتوف

ياخ انت ما سمعت المثل السوداني البقول

كلٌ يبكي في ليلاه


المثل دا سوداني وان طارت عنزة زاتو .. بس

يا غالي
لاحظ إنك كدا بتحرضني على كتابة مذكراتي .. خخخخخخخخخ

عايمو ود عباس دا كتب شنو

Quote: هل تسالين الخيل يا بنه مالك .. يخبرك من شهد .. انني اغشي الوغي واعف عند المغنم وقد ذكرتك والرماح نواهل

يا زول خيل شنو وسيوف وعكاكيز شنو
دا كلام عنترة ...ما حق زولنا الفوق الطلع ماعندو نظر دا
هلا سالت الخيل يا ابنة مالك .......ان كنت (جاهلة ) بما لم تعلمي
يخبرك من شهد (الوقيعة) انني اغشى الوغى واعف عند المغنم
ويمشي بيها لغاية
ومدجج كره الكماة نزاله
الى قوله
جادت له كفي بعاجل طعنة فتركته جزر السباع ينشن حسن بنانه والمعصم
دا عنترة كتال الكوتلة بتاع ضرب وسباع وسيوف ورماح
لكن صاحبنا بتاع طلحة رومانسي وبتاع عيون وجضوم وحواجبين
وجسم ... قرب يقول فريع البان
لكن زي ماقال عثمان حسين كانت ...........وهم

يا أحمد يسين
ناس قيس ديل
بتاعين شوف بشوفوا أي بلومة مارة بى جمب الباب
لكن جبانات عند ما يحين الوعد ويحتدم الحب ..
قال راوي :
دخلت بثينة عشيقة جميل على عبدالملك بن مروان ، فقال لها :
يا بثينة ، ما أرى فيكِ شيئاً مما كان يقوله جميل . فقالت :
يا أمير المؤمنين ، إنه كان يرنو ( ينظر ) إلي بعينين ليستا في رأسك !!
قال : فكيف رأيته في عشقه ؟
قالت : كان كما قال الشاعر :
لا والذي تسجد الجباه لـه
مالي بما تحت ذيلها خبرُ
ولا بفيها ولا هممت بهـا
ما كان إلا الحديث والنظرُ

خخخخخخخخخخخخخ

محمد حيدر المشرف و الطيب عباس
ياجماعة الخير .. انتوا رماح شنو الجايبنا لينا في الحب العذري دا
عنترة قال نواهل يعني نازلة زي المطر وهو بضرب يمين شمال ويقطع الروسين بتذكر عبلة
عكس صاحبنا المات حبا وبتاع جكس للطيش يعني ماف مقارنة دا مات حبا وكمدا
وداك كاتل ليو اكتر من 1000 واحد حسب قصائده
عنترة بقول
جادت يداي لـه بعاجـل طعنـة
بمثقف صـدق الكعـوب مقـوم

فشككت بالرمـح الأصـم ثيابـه
ليس الكريم على القنـا بمحـرم
شايفين القوة دي
وداك بقول
ؤادي بين أضلاعي غريب يُنادي مَن يُحبُّ فلا يُجيبُ
أحاط به البلاء فكل يوم تقارعه الصبابة والنحيب
وقال
د عشت من ليلى زماناًأحبها أرى الموت منها في مجيئي ومذهبي
دا زل حبكانات خطير جدا
لكن عنترة عديل كدة ماكان بدس من عبلة حاجة لامن قابل ابوها
وقال ليهو ياعمي انا طالب ايد بتك عبلة وكانو قاعدين ذات عصرية قدام الخيمة وقاعدين يشربو الجبنة
عمو سمع ونطط يونو .. وعمل رايح .. عنترة اخد ليو جغمة كبيرة من الجبنة الحارة وكرر ليو الطلب
ياهمي مالك انا طالب يد بتك عبلة .. عمو عاين ليو كدة وقال ليو: امشي ياعب

محمد حيدر المشرف و الطيب عباس
ياجماعة الخير .. انتوا رماح شنو الجايبنا لينا في الحب العذري دا
عنترة قال نواهل يعني نازلة زي المطر وهو بضرب يمين شمال ويقطع الروسين بتذكر عبلة
عكس صاحبنا المات حبا وبتاع جكس للطيش يعني ماف مقارنة دا مات حبا وكمدا
وداك كاتل ليو اكتر من 1000 واحد حسب قصائده
عنترة بقول
جادت يداي لـه بعاجـل طعنـة
بمثقف صـدق الكعـوب مقـوم

فشككت بالرمـح الأصـم ثيابـه
ليس الكريم على القنـا بمحـرم
شايفين القوة دي
وداك بقول
ؤادي بين أضلاعي غريب يُنادي مَن يُحبُّ فلا يُجيبُ
أحاط به البلاء فكل يوم تقارعه الصبابة والنحيب
وقال
د عشت من ليلى زماناًأحبها أرى الموت منها في مجيئي ومذهبي
دا زل حبكانات خطير جدا
لكن عنترة عديل كدة ماكان بدس من عبلة حاجة لامن قابل ابوها
وقال ليهو ياعمي انا طالب ايد بتك عبلة وكانو قاعدين ذات عصرية قدام الخيمة وقاعدين يشربو الجبنة
عمو سمع ونطط يونو .. وعمل رايح .. عنترة اخد ليو جغمة كبيرة من الجبنة الحارة وكرر ليو الطلب
ياهمي مالك انا طالب يد بتك عبلة .. عمو عاين ليو كدة وقال ليو: امشي ياعب

شيخ طلحة

Quote: يا أحمد يسين ناس قيس ديل بتاعين شوف بشوفوا أي بلومة مارة بى جمب الباب لكن جبانات عند ما يحين الوعد ويحتدم الحب .. قال راوي : دخلت بثينة عشيقة جميل على عبدالملك بن مروان ، فقال لها : يا بثينة ، ما أرى فيكِ شيئاً مما كان يقوله جميل . فقالت : يا أمير المؤمنين ، إنه كان يرنو ( ينظر ) إلي بعينين ليستا في رأسك !! قال : فكيف رأيته في عشقه ؟ قالت : كان كما قال الشاعر : لا والذي تسجد الجباه لـه مالي بما تحت ذيلها خبرُ ولا بفيها ولا هممت بهـا ما كان إلا الحديث والنظرُ

جميل بتاعك دا بعد ما ابوها منعو انو يتزوج بثينة عشان الناس مايقولوا اتزوجها عشان يسترها
بعد ماعرفو انو بقول فيها يوميا خمسين بيت شعر .. ابوها زوجها لى واحد اسمه نبيه بن الاسود
الغريبة ماكان عنده مانع انه جميل يقول فيها قصايد العمس كان مبسوط وفرحان .. اب قلبا ميت دا
جميل قام سافر لى مصر وهناك تعب تعب شديد ومات فيها سنة 86 هـ
شكلو مشى علاج
وبرضو عبدالملك بن مروان قابل كثير عزة وساله عن احلى حاجة فيها والعاجبه شنو ؟ وحاجة كدة مهمة حصلت ليو معاها قال
يا امير المؤمنين حججت ذات مرة وكانت عزة وزوجها في الحج بالصدفة وقام رسلها تشحد ليها حبة (سمن) وجات داخلة خيمتي
وهي ماعارفة وانا كنت قاعد ابري لي سهم .. من الخلعة وانا فاتح خشمي من المفاجأة بقيت ابري يدي لامن الدم كبا
قامت هي عرفت انو دا انا واديتها السمن الكان معاي كلو و...بقت تمسح الدم بى قطعة ..
اها راجلها لامن تاخرت جاء طاير وشافا قاعدة تمسح لي في الدم
قام هاج وسالها دا منو دا ؟ آآآ دا منو ؟؟؟ بتعرفيهو من وين .. الليلة في الحج دا بقطعك حتة حتة .. قالت ليو والله مابعرفو
قال ليها احلفي قامت حلفت .. بعد شوية كدة قام هم حلف قال ليها علي الطلاق الا تشتميهو .. اشتميهو يابت
قامت عزة شتمت كثير قالت ليو يا ابن الــ(...)

هههههههههههههههههههههههههههههههههههههههههههههههههههههههههههههههههه

على الطلاق دي كان هي ليلي ،،،، ليه حق الراجل يملا الدنيا شعر .. باقي قالو كل ما يقول فيها شعر ما بعرسوها ليه تاني ..

دحين الزول شكلو شعرو قاصد بيه شرده ما غزل

ياأحمد يسين شايف حيدرالمشرف جاب لينا أبيات عنترة العجيبة .. الظاهر نحن زمان ما كنا بنستشعر روعتها لأنو سيوف الإمتحانات كانت مسلطة علينا ـــ لكين الظاهر إنو المشرف كان كسّار كتب كبير ــــ .. شوف عليك الله فى عز الوغى والدم سايل للركب عنترة يشوف لمعة السيف فيتبدى له ثغر عبلة الباسم فيود تقبيل السيف .. ياللروعة .. عبارة الثغر الباسم دى فى مقابلة السيوف نوازل هى مقابلة قمة العنف مع ذروة الرومانسية ..!!!..

لكين برضو لو دايرون نبخسه نقول ليهو: أيااا عنتر .. الناس فى شنو والحسانية فى شنو ؟.. ههه

كدى لو متذكِّر لينا أبيات كده من بيت الكلاوى فى النسيب أو أى حاجة رشنا بيها .. خلى طلحة زاتو يتكيف .. :)

Quote: ياأحمد يسين شايف حيدرالمشرف جاب لينا أبيات عنترة العجيبة .. الظاهر نحن زمان ما كنا بنستشعر روعتها لأنو سيوف الإمتحانات كانت مسلطة علينا ـــ لكين الظاهر إنو المشرف كان كسّار كتب كبير ــــ .. شوف عليك الله فى عز الوغى والدم سايل للركب عنترة يشوف لمعة السيف فيتبدى له ثغر عبلة الباسم فيود تقبيل السيف .. ياللروعة .. عبارة الثغر الباسم دى فى مقابلة السيوف نوازل هى مقابلة قمة العنف مع ذروة الرومانسية ..!!!.. لكين برضو لو دايرون نبخسه نقول ليهو: أيااا عنتر .. الناس فى شنو والحسانية فى شنو ؟.. ههه كدى لو متذكِّر لينا أبيات كده من بيت الكلاوى فى النسيب أو أى حاجة رشنا بيها .. خلى طلحة زاتو يتكيف .. :)

دكتور منير وشركاه
طبعا في النسيب اشهرهم عنترة ومالك وعبدالله بن العجلان ولكن اشهر قصيدة هي للمرقش الاكبر
المشهورة باسم : سرى ليلا خيال من سليمي ** فارقني واصحابي هجود
نجيب مقتطفات منها عشان خاطر ودالمشرف وطلحة حتى يغمد كل منهما سيفه المشهور
يرحن معاً بطاء المشي بدا ... عليهن المحاسد والبرود
سكن ببلدة وسكنت أخرى ... وقطعت المواثق والعهود
فما بالي أفي ويخان عهدي ... وما بالي أصاد ولا أصيد
ورب أسيلة الخدين بكر ... منعمة لها فرع وجيد
وذو أشر شتيت النبت عذب ... نقي اللون براق برود
لهوت بها زماناً من شبابي ...وزارتها النجائب والقصيد
وفيها
نواعم أبكار سرائر بدن ... حسان الوجوه لينات السوالف
يهدلن في الآذان كل مذهب ... له زبد يعيان به كل واصف
واسضا
كأن فؤادي بين شقين من عصا ... حذار وقوع البين والبين واقع
يحث بهم حاد سريع نجاؤه ... ومعرى عن الساقين واللوب واسع
وهنا الصورة الحية
شدت على فيها اللثام وأعرضت ... وأمعن بالكحل السحيق المدامع

ياأحمد خلونا نستذكر الماضى الفات زمان، وأقول ليك وضِّح لينا الصور والمعانى البلاغية والمقارنات مع الشعراء الآخرين فى هذه الأشعار وأيها أجمل .. علِّل ولماذا بالله ..

فى الثانوى العام كان أستاذنا بتاع العربى مكرّهنا بأبيات الأعشى:
وَدّعْ هُـرَيْرَةَ إنّ الــرَّكْــبَ مــرْتَــحِــلُ ** وَهَـلْ تُـطِــيـقُ وَداعـاً أَيُّـهَـا الـرَّجُــلُ؟
غَـرَّاءُ فَـرْعَـاءُ مَـصـْقُـولٌ عَـوَارِضُـهَا ** تَمشِي الهُوَينَا كَمَا يَمشِي الوَجي الوَحِلُ
كَـأَنَّ مِـشْـيَــتَـهَا مِـنْ بَـيْـتِ جَــارَتِـــهَـا ** مَـرُّ الـسَّـحَـابَـةِ ،لاَ رَيْـثٌ وَلاَ عَــجَــلُ
تَـسمَعُ للحَـلِي وَسْأوَاسأاً إِذَا انأصَرَفَـتْ ** كَـمَـا اسـتَعَـانَ بـرِيـحٍ عِـشـرِقٌ زَجِـــلُ
لَيــستْ كَمَـنْ يكـرَهُ الجِــيرَانُ طَلــعَتَهَا ** وَلاَ تَــرَاهَا لــسِــرِّ الــجَــارِ تَــخْــتَتِـلُ
يَـكَــادُ يَـصـرَعُــهَـا ، لَــوْلاَ تَـشَـدُّدُهَــا ** إِذَا تَــقُــومُ إلــى جَــارَاتِــهَــا الـكَـسَــلُ

لكين نحن برضو عندنا أعاشى كتار .. زى شاعرنا المرحوم عبدالله محمدخير فى قصيدة الحن نار عويش ..

الحن نـــار عويـــش ان علقوها تعيش
بس ما انت جـــاهل وان جفيت معليش
بان يتهادى يتمــــــايل بشيش وبشيش
قصدو يكاوى حش عصبنا حش العيش
لافى ســــــلام لابالليــــــــد ولا رميش
من وين جاى آزول عــــــاد ولا شقيش
عم شـذاهو من جسمو الحرير وهشيش
بالطيب اتعطن هو دا أصلو مو رشريش
والعجـــــب العجيب ايدو الملانى غويش
شــــــــفنا التلة لكن مافى حس كشكيش
لين طبــــــــــــــــــعو مابيتحمل الدقيش
لكن بى عيونـــــــــــو يمين يقاوم جيش
دا الحبســـوه داخل حوش وجوا حويش
ومابتـــــقدر تشوفو ان ما دفع بغشيش
جم جـــــــاراتو يابا الونسى والدرديش
وكل شــى منو حتى ولو بسيط مافيش
ما كل العيــون لى شوفتو ديمة عطيش
وفد يوم ما سمعنا مرق يجيبلو قشيش
ليك حق يا قليب عاد ان بقيت درويش
وقبـــــــال ماتموت صاقرت ود ابريش
دا الوالفتــــــــو قبال ما يسوى الريش
ربى جنــــــــاحو طار خلاك للطرطيش
مالك كل يوم تعبــــــــــان مساهر ليش
وشن ماش تلقى من طيفا يجيك دغيش
مابتقـــــــــــــدر تمد ايدك يقولوا هبيش
ولوقصدك تسالمو يقول قصد خربيش
مالى غير حناناً بين ضـــلوعى يجيش
واشواقا تشـــــــابى عليك بلا تحريش
كل منى قليبى معـــــاك يضمو عشيش
ويبنى معاك ســعادة وفى ظلالا يعيش

شوف البيت الذى يقول فيه :
والعجـــــب العجيب ايدو الملانى غويش
شــــــــفنا التلة لكن مافى حس كشكيش
مقارنة ببيت الأعشى : تَـسمَعُ للحَـلِي وَسْأوَاساً إِذَا انصَرَفَـتْ ..
فشاعرنا بيقول شفنا التلة (وهى حركة اليد مع قدلة المشى) لكين مافى حس كشكيش ، كناية عن أن اليد مالية الغويشات ولا مجال للعصعصة ..
:)

با الله .. يا منير
انت منو ياخ ؟ وبالفصيح من انت؟

Quote: اأحمد خلونا نستذكر الماضى الفات زمان، وأقول ليك وضِّح لينا الصور والمعانى البلاغية والمقارنات مع الشعراء الآخرين فى هذه الأشعار وأيها أجمل .. علِّل ولماذا بالله .. فى الثانوى العام كان أستاذنا بتاع العربى مكرّهنا بأبيات الأعشى: وَدّعْ هُـرَيْرَةَ إنّ الــرَّكْــبَ مــرْتَــحِــلُ ** وَهَـلْ تُـطِــيـقُ وَداعـاً أَيُّـهَـا الـرَّجُــلُ؟ غَـرَّاءُ فَـرْعَـاءُ مَـصـْقُـولٌ عَـوَارِضُـهَا ** تَمشِي الهُوَينَا كَمَا يَمشِي الوَجي الوَحِلُ كَـأَنَّ مِـشْـيَــتَـهَا مِـنْ بَـيْـتِ جَــارَتِـــهَـا ** مَـرُّ الـسَّـحَـابَـةِ ،لاَ رَيْـثٌ وَلاَ عَــجَــلُ تَـسمَعُ للحَـلِي وَسْأوَاسأاً إِذَا انأصَرَفَـتْ ** كَـمَـا اسـتَعَـانَ بـرِيـحٍ عِـشـرِقٌ زَجِـــلُ لكين نحن برضو عندنا أعاشى كتار .. زى شاعرنا المرحوم عبدالله محمدخير فى قصيدة الحن نار عويش .. الحن نـــار عويـــش ان علقوها تعيش بس ما انت جـــاهل وان جفيت معليش بان يتهادى يتمــــــايل بشيش وبشيش

دا كلو حاجيك ليهو برواقة
انت جبت الضلع الرابع في المربع الذهبي لاشعر العرب
امرو القيس اذا ركب و النابغة اذا رهب والاعشى اذا طرب وزهير اذا رغب
عبدالملك بن مروان يا منير قال لمعلم ومؤدب اولاده .. ادبهم بشعر الاعشى قاتله الله نا اعذب شعره
طبعا هو اكثر من وصف زجاجات الخمر او (القرع) في ذلك الحين
ونفس هريرة
صدت هريرة عنا ما تكلمنا ... جهلاً بأم خليد حبل من تصل؟
أئن رأت رجلاً أعشى أضربه ... ريب المنون ودهر مفند خبل
قالت هريرة لما جئت زائرها: ... ويلي عليك وويلي منك يا رجل
إما ترينا حفاة، لا نعال لنا ... إنا كذلك ما نحفى وننتعل
وقد أقود الصبا يوما، فيتبعني ... وقد يصاحبني ذو الشرة الغزل
وقد غدوت إلى الحانوت يتبعني ... شاو مشل شلوب شلشل شول

تعرف ياأحمد اللغة العربية دى فى عضمها ده كائن حى له كينونته المؤثرة بقوة .. يعنى ليست فقط لغة كلام والسلام ..
تلاحظ بأنها ليس لها مثيل فى كل لغات الدنيا .. يعنى قول الإنقليزية ، فيهاا شنو غير القرامر والإسببلنق الدقونا فيهو لامن طلعوا زيتنا ؟.. أمشى شوف االلغات الإسكندنافية و الألمانية وغيرها .. ما تشوف لى سماحة الخواجيات ديل .. لغاتهم دى دراب سااى مافيها التكتح غير آى لَف يو ، وآى مِس يو، و آى هيت يو ووو.. زِحّوا كده واللا كده بالله !!.. لا عندهم جناس ولا طباق ولا إستعارة ولا كناية ولا مجاز ولا بلاغة واضحة ولاغامضة ..
حصل لاقتك معلقة إنجليزية أو ألمانية؟ ..

لكين تعال شوف كيف الشعر والنثر عند قدماء العرب وشوف كيف وقفوا مذهولين بمن أُعطى مجامع الكلم (ص).. وكيف أخذتهم الدهشة فى التحدى القرآنى .. فااللغة العربية فعلاً هى مفتاح لعالم بديع ..
والغريبة تمسك أى شأن من شئون هذه الحياة تلقى إنو هؤلاء الأقوام قالوا فيهو شعر أو نثر أو مجموعة من الأمثال المأثورة .. هسه تفتش العالم ده بيت بيت هل حتلقى زووول قاال كلام فى الهوى العذرى زى زوولنا المجنون ده؟؟ .. شفتت ليكك زوول فى الدنيا دى قال كلام فى أعلى قمم الفخر زى الشاعرالطموح أبو الطيب المتنبئ؟؟ لاحظ إنو التفرد عند هؤلااء النفر معتمد فقط على االكلام ـــ الشعر ـــ وتحديداً نظم الحروف وترتيبها .. حروف بحتة يحولونها لمعانى ليست لها حدود .. يعنى لمن المجنون يقول و أستغفى وما بى نعسة .. هسه ده يقولو عليهو شنو .. زول يتناوم بدون نعاس عشان يحلم بالزوولة دى .. ممش مبالغة عديل كده؟؟
لكين بينى وبينك مرات تاخد ليك دقسة قصيرة كده فتقوم تحلم ليك حلمة مزعجة كده لامن تقول ياريتنى ماكنت نمت .. !!

عاين عدم الشغلة عندهم ببيطلِّع إبداعات من نوع شنو :..

لكَ يا صديقي بغلة ٌ لَيسَتْ تُساوي خَرْدَلَهْ
تَمشي فتَحسَبُها العُيُونُ على الطريقِ مشكلهْ
وَتُخالُ مُدْبِرَة ً إذا ما أقبلتْ مستعجلهْ
مِقدارُ خَطوَتِها الطّويـــــلَة ِ حينَ تُسرِعُ أُنْمُلَهْ
تهتزّ وهيَ مكانها فكأنّمَا هيَ زَلزَلَهْ
أشبَهْتَها بَلْ أشْبَهَتْـكَ كأنّ بينكما صلهْ
تحكي صفاتك في الثقالة ِ والمهانة ِ والبلهْ


وَتُخالُ مُدْبِرَة ً إذا ما أقبلتْ مستعجلهْ
ههههه

حبيبنا منير،

و الله و ما طالبنى حليفة امبارح كنت بغنى فى نار عويش دى، الليلة فتحت البوست لقيتك راصيها، سبحان الله صدفة عجيبة.

كلمات ليست كالكلمات ياخ.

Quote: لين طبــــــــــــــــــعو مابيتحمل الدقيش لكن بى عيونـــــــــــو يمين يقاوم جيش

شوف حكمة ربنا دى كيفنها؟ المخلوقات الطرية و الجميلة تبعد منها طوالى قبل ما تعوقك

رحم الله الشاعر المبدع عبدالله محمد خير و تحية للفنان الرائع جداً صديق أحمد.

شوف رقه الكلمه عند اهلنا الشايقيه

انا قلبى ياست الجمال طيرا سماءه افق رحيب
رحال وما تعلم شمس تشرق عليه محل تغيب

Quote: ولقد ذكرتك والرماح نواهل مني وبيض الهند تقطر من دمي فوددت تقبيل السيوف لأنها لمعت كبارق ثغرك المتبسم

ولـقـد ذكــرتـك والـحمـار مـعـانـدي ...... فـوق الـقضيب وقـد أتى البابور
فرايت شخصك في الخيال يشير لي ...... فسعيت نحوك وانجلى المحذور

عنتر السودانى

هسى كان مشيتو الحوار الوطنى ما كان اخير ليكم من اللمة دى؟

ياالحبيب أنور .. الظاهر القلوب عند بعضيها ، أصلو عجايب الكون كتيرة .. ولكين محاسن الصدف نادرة ..

بالله إنت كمان من هواة الطمبور ومن محبى صديق أحمد شخصياً؟؟ طيب إنت مازولى زاتو .. :)

ما يميز شعر مجنون ليلى هو الهوى العذرى .. والعذرية شئ نادر ، ويخيل لى أن الحب العذرى يبدأ من الطفولة وبواكير المراهقة .. والهوى العذرى طبعاً هواء ساى ؛ مافيهو أشواق شهوانية .. أقصى درجات شهوانيته هى العناق البرئ .. وتبدأ عذرية الهوى فى التلاشى مع الزمن حتى تصل للصفر بعد إتصال الأجساد وبلوغ الذروة الحسية .. بعداك الله معاك ..
ولذ فإن شعر قيس فى ليلى شعر نبيل معطون بالمعانى فقط وليس بالصفات الحسية كما فى أبيات الأعشى ..

فى شِعرنا المحلى أديكم قصيدة قمة فى الرومانسية يمكن تصنيفها ـــ حسب التصنيف الناجره من راسى ــ أنها هوى عذرى .. وهى قصيدة ياالناسينا للشاعر السرعثمان الطيب ..

يا الناسينا ..حبك في ربيع دنيانا شال نور
تسقي الذكريات يا روحي شان يخضرّ لي يكبر
همساتنا وعناقنا الحاني يا ريت ليها تتذكر
لمان من جداول ريدنا كنا بنرتوي ونسكر
ضل السيسبان والمنقة لافينا بوشاح أخضر
فرع البرتكان متدلي فوقو كنارو يتبختر
والكون كلو باسم لينا طربان غنى واستبشر
لكن جار زمانّا الليلة خلى صفانا يتعكر
بطراك ، وكتين الساقي التسوق فجراوي تتحسر
نواحا يزيد قليبي بكا واصبّرو مابي يتصبر
بطراك والقميرة معاي تشاركني الهموم تسهر
نعسان انت يا محبوبي ضوها فوق وشيك نوّر
بطراك وكت اشوفلي عريس فرح في صحابو قام بشر
واتمناك واعيش لحظات محال يا روحي تتفســر
بطراك ، يوم قمحنا سنابلو لونن يتقلب أصفر
أبكي على الديون الفوقي .. والغير في الحصاد فكر
بطراك ، وكتين الشخلوب سبيطتو تخافلو يتبعثر
تضمو عليها بي تحنان قليب الام كمان وأكتر
إلا قليبي قلبك جافا .. لي تحنانو ما قـدّر
راجيك بالسنين يا روحي ضيع للشباب ودر
تنساهو وبراهو تسيبو ..حبك ليهو يتغير؟
يتجرع وراك احزانو يندب حظو يتكـدر
يا ريت لو تعود وتجيهو أو في مرة تتعذر
شان تلقاهو قاربو وراك في لجج العذاب أبحر

لاحظ هذا الفلاش:
بطراك والقميرة معاي تشاركني الهموم تسهر
نعسان انت يا محبوبي ضوها فوق وشيك نوّر

بمناسبة الصورة .. قبل شوية فى المول لاقيت لى واحدة جات مارة جنبى و نحن بنلقّط فى حاجيات الأسبوع ... جات جنبـى هذه الخواجاية التى تشبه هذه الليلى العلى شمال الصورة .. لامن إتهجمت ، وقرّبت أقول ليها دقيقة؛ أنا شفت صورتك فى سودانيزأون لاين فى البوست بتاع طلحة .. لكين قلت ياغريب خليك أديب ـــ ياعملات معارضى الخليج لمن تقول ليهم رأيكم شنو فى نظم الحكم الأسرية ـــ :) ;) ;) ..

الحبيب منير،

ياخ الطمبور ده حنية الحنية ذاتا، و صديق أحمد ده السودان كلو بحبو، هذا الجميل الساحر، ما أنا و انت بس.

أما عن موضوع الطمبور، مرة واحد من بتاعين الحداثة –حداثة ده على فكرة كان لاعب فى اتحاد مدنى ثم الهلال العاصمي – نجر لى نجرة عن الفرق بين الآلات الموسيقية الحديثة زى الكمنجة و الجيتار و بين الطمبور ، و قال انو الجيتار آلة بينما الطمبور عبارة عن أداة، و ضرب لى مثل تحديداً بى الفرق بين مكنة العربية و المفك، و واصل فى فذلكته التاريخية بانو لو نغمات أوتار الجيتار هى دو رى مى فا ألخ..، ممكن نسمى نغمات أوتار الطمبور العوو و النوو و الفووو، ثم تقدم خطوة أخرى فى مزاعمه بأن من قال هذا الكلام هو العملاق الراحل المقيم محمد وردى (باستثناء العوو و النوو و الفووو فهى من صميم قول صاحبنا بتاع الحداثة المسخوت).

أنا غايتو زول بسمع و بستمتع ما يهمنى الطمبور ده مفك ولا زردية، لكن برمى الكورة فى ملعبك و ملعب الحداثيون للتعليق على الفذلكة أعلاه. لأنو بصراحة ما بعرف، الدنيا دى يا حبيبنا بقت كووولها محن و مغارز.

النبى فيك يا منير كان تجيب لى ناس الدليب فى الموضوع ده

Quote: أنا غايتو زول بسمع و بستمتع ما يهمنى الطمبور ده مفك ولا زردية، لكن برمى الكورة فى ملعبك و ملعب الحداثيون للتعليق على الفذلكة أعلاه. لأنو بصراحة ما بعرف، الدنيا دى يا حبيبنا بقت كووولها محن و مغارز.

ههه .. بالله ياأنور ناس العوو و النوو و الفووو دى أعفينى منها إنت عارفنى عنقالى تربالى ساكت :) .. ممكن تمشى تدردقها غُمُتِّى كده لناس الدليب خلي عجاجتهم تقوم بهناك بعيد بعيد :).. .. نحن هنا مع الحبايب قيس وليلى ديل ..

إنتو دحين مش برضو يوجد قيس ولبنى واللا داك كان إسم مسلسل ساى ؟؟ ..

وأنشد قيس :

وَجَدْتُ الحبَّ نِيرَاناً تَلَظَّى قُلوبُ الْعَاشَقِينَ لَهَا وَقودُ
فلو كانت إذا احترقت تفانت ولكن كلما احترقت تعود
كأهْل النَّار إذْ نضِجَتْ جُلُودٌ أُعِيدَتْ-لِلشَّقَاءِ- لَهُمْ جُلُودُ

سلام يا شباب

والله البوست دا بقى زي الواحة كل ما اشتد الوطيس بهناك

نجي ننعم بالقليل من اشعار الحب والرومانسية هنا

وبما انكم وصلتو محطة شعرنا السوداني فاهديكم الابيات دي

قيل انها لاسماعيل حسن وغناها الفنان القامة صديق احمد

يا مرسال رسايل الشوق
انا الضهبان زمن
كايس اراضيهم
وصف لى درب الريد
عشان أوصل وأراضيهم
تعبت كتير
وياما سألت ما خليت
ناس عابرين
وكان زى حالى محتارين
يهزوا الراس وما عارفين مراسيهم
وحاتك انت يا مرسال
بحب واحدين
وما عارف دريبن وين
وبرضو كمان وحاتك انت
ما بعرف اساميهم
تجينى حروف من المجهول
وأكتب برضى للمجهول
رسايل تحكى قصة زول
يحب الطيف
يسافر فى هجير الصيف
ومشتاق يوم يلاقيهم


يا سلاااااااااام ياخ

وكان زي حالي محتارين
يهزو الراس وما عارفين مراسيهم


بجيكم راجع

المنير والأنور منورين والله ..
معليش انشغلت شوية .

بوست شحمان

ومداخلات قيمة

التحيات الطيبات للطيبين

The beauty is in the eye of the beholder.
تحياتى.

دا صحيح يا مرتضي عشان كدا إنصدمنا في نظر سيدنا قيس دا .. ههههههه
لكن العزاء في انو دي ما صورة ليلى كما قال الخبراء .
تحياتي .