Post: #1
Title: رجل دين ايراني يهدد ويتوعد السودان
Author: أيمن الحاج
Date: 01-07-2016, 10:19 AM
09:19 AM Jan, 07 2016 سودانيز اون لاين
أيمن الحاج-
مكتبتى
رابط مختصر أكد المرجع الديني الإيراني، ناصر مكارم شيرازي، أن الدول "الضعيفة والفقيرة" التي قطعت علاقاتها مع إيران تضامنا مع السعودية
بعد إعلان الرياض قطع العلاقات الدبلوماسية مع طهران على خلفية ما تعرضت له ممثليات المملكة في إيران إثر احتجاجات ضد إعدام
الشيخ الشيعي نمر النمر، "ستعود وتتوسل باستئناف هذه العلاقات".
وقال شيرازي في خطبة له الأربعاء، إن "الدول التي قطعت علاقاتها مع إيران ستعود وتتوسل لاستئناف هذه العلاقات علما أن قطع هذه
الدول الضعيفة والفقيرة علاقاتها مع طهران لن يترك أدنى تأثير في نفوس الشعب الإيراني،" حسبما نقلت وكالة الأنباء الإيرانية شبه الرسمية "تسنيم".
http://arabic.cnn.com/world/2016/01/07/makarem-iran-saudi-tensions
|
Post: #2
Title: Re: رجل دين ايراني يهدد ويتوعد السودان
Author: almulaomar
Date: 01-07-2016, 03:06 PM
Parent: #1
تعرف يا ناصر شيرازي علاقاتنا كان قطعناها ولا خليناها ما لاقيين من وراها فايده فهي بايظه بايظه فصناع القرار في بلدي بشوتوها ضفاري والسياسة محتاجه لي فكر وناس مؤهله فهي علم كبير.
على كل حال نحن في السودان في أسفل سافلين هذه الأيام وما فارقه معانا كان قطعتها وكان مديتها دحين وفر تهديدك ده وجهو لي قوم لو خسروكم حا يخسروا أما نحن فأي مواجه ندخلها في المعترك السياسي لو بقت درون يكون مكسب لينا.
بعدين شنو حكاية رجل دين دي هل هو زيو وزي رجل المرور ورجل الشارع ، طيب لو في سيدة هل لا يحق لها أن ترتبط بالدين أها في الحتة دي نقول عليها شنو
غايتو يا الشيرازي إنتو الجبتوهو لي نفسكم لأنه الما فيهو خير لي أهله ما فيهو خير للأخرين وبراكم شفتو العملتا الحكومه فينا دايرينها تبقي على العهد معاكم. وكل أسلحتكم وجبخانتكم الرسلتوها لي الجماعة وقتلت أخوان لنا في جنوب السودان قبل ان ينعتق من حكم الشمال وأخوتنا في الغرب لم تفلح تبقى الجماعة أوفياء على العهد يعني ودرتو قروشكم ووقتكم ساكت زي السنوات الراحت من أعمارنا منذ 1989 وحتى الآن وممكن تهدي للملالي رائعة وردي براي سويتا في نفسي.
|
Post: #3
Title: Re: رجل دين ايراني يهدد ويتوعد السودان
Author: محمد حيدر المشرف
Date: 01-07-2016, 03:10 PM
Parent: #2
هذا جزاء مستحق لدولة دينية متزمتة ظلت تدعم في نظام ديني متزمت وفاسد وتمده بالسلاح والخبرات لقتل شعبه.
|
Post: #4
Title: Re: رجل دين ايراني يهدد ويتوعد السودان
Author: حماد الطاهر عبدالله
Date: 01-07-2016, 05:05 PM
Parent: #3
دا كلام زول موجوع ومفجوع في أموالهم التي راحت هباء منثورا... الجنوب وإنفصل..
صناعات أخر .... تملكناها منهم... والسودان هو الدولة الوحيدة التي فهمت إيران
وتعاملت معها في حدود المصلحة بلا تشيع.... ولا أي إلتزامات مادية أو أخلاقية ..
|
Post: #5
Title: Re: رجل دين ايراني يهدد ويتوعد السودان
Author: MOHAMMED ELSHEIKH
Date: 01-09-2016, 10:33 AM
Parent: #4
هي اصلا لو حقيقة دولة ضعيفة وفقيرة كان تجلوها
حيث يكون وقع هذه التجلية امضى واقوى
وعلى العموم
التسوي كريت..................... الخ
|
Post: #6
Title: Re: رجل دين ايراني يهدد ويتوعد السودان
Author: ست البنات
Date: 01-09-2016, 09:08 PM
Parent: #5
عجبني ليكم يا ايرانيين عشان تاني تتحالفوا مع الشيطان ضد الشعب السوداني !
وتاني ما تدفقوا مويتكم على الرهاب !!
انتو ما عارفين الكيزان ديل زيكم ما عندهم لا اخلاق ولا عهد !! يبيعوا الزول زي الحلاوة !!
بس ان شاء الله تكونوا لقطوا حسينياتكم كلها !!
ملحوظة :
يقال ان الايرانيين طالبين الكيزان حاجات كتيييرة !
والجماعة انتهزوا الفرصة عشان يتخلصوا منهم ويكسبوا ود الملك !!
ست البنات.
|
|