العضو محمد البشرى الخضر وحامد بدري

07:06 AM Jan, 06 2016

سودانيز اون لاين
فرح الطاهر ابو روضة-...................
مكتبتى
رابط مختصر

كنت ناوي اطلعه من زمان والله وتأخرت كثيرا
وشكرا أولا وأخيرا للزول السمح حامد بدري
فهو صاحب فضل فيما أود أن أقول

مع بداية هذا العام ودون إجترار لمواجع الماضي وما جررنا إليه أنفسنا من صراعات سطحية لا تليق وأمامنا وطن يحترق يدي تمتد إليك بيضاء بغير سؤ وقلبي لا يحمل ضغينة أو حقد عليك فيما هو شخصي فلنتفق ونختلف في احترام وتسامح وأدب ومحبة وانا بهذا التزم ودم بالف خير

الأخ أبو روضة

سلام عليكم

هذه بشاير خير للعام الجديد ، نتمنى أن يكون هذا ديدنك مع كل من تختلف معه وليس ود البشري فقط، فالدنيا زايلة ، فكم من عضو هنا رحلوا وبقيت كلماتهم .
ودي البشرى رجل حبوب وحقاني نتمنى له كل خير والتحية للأخ حامد بدري

مد يدك لكل من اختلفت معه لتبدأ معه صفحة جديدة ، أنت مقيم في مدينة الحبيب المصطفى عليه أفضل الصلوات والتسليم فتمسك بهديه .

تحياتي

تحياتي ابوروضة
وضيفه
فوق
من اجل ثقافة قبول الاخر
واحترامه
لو نظرت عميقا .. عميقا جدا داخل احدهم ستري ان هنالك جمالا عجزت عن رؤيته

يا سلام
شكرا أبو روضة
شكرا ود البشرى مقدما
شكرا حامد بدري مقدما
.
.
طلب وما اظنك تردني مكسوفا
أعلن تسامحك مع ابوحسين
شكرا لكما الاثنين مقدما

الزول الكلس ود البوش دحين ما عصرت على شديد هههههههههه داخل السطر شوف يا ود البوش انا بقوله ليك الآن ومسؤولية شي كويس انو أبو حسين لم يشارك في رهان فتنة بعض المعارضة داخل السعودية وكان له صوت لوم بالأمس مقدر وتاكد بأنني لم أتى لهذا المنبر لاستهداف أحد ويقدر ما يقبلنا الآخر نتقبله ومن يسعى نحونا خطوة نتقدم إليه خطوات احترامي الذي تعرفه

مرحب حبابك ابو روضة , مشكور وهنيئا على اخذ الفضل
احب ان تعلم اني لم ولا آخذ خلافات المنبر ومناقراته بشكل شخصي أبدا - إلّا في حال فعل ذلك الآخر, وقيل ان الكلمة الطيبة تفعل فعلها في شنب الأسد
و المأساة التي يعيشها الوطن و الهاوية التي يندفع إليها أكبر من كل هم, لذا مرحب بيدك البيضاء و اقابلها بيد اكثر بياضا .
واتمنى ان نحترم جميعنا خيارات الآخرين في ان يختلفوا مع راينا وهذا الإختلاف لا يعني شيطنة الآخر أو كوزنته, و الوطن كبير وواسع ويشيل كل من يحبه ويعمل لأجله بطريقته و من زاويته
و بالتاكيد لا توجد صيغة واحدة مفروضة على الجميع ليتبعوها لحب الوطن وأداء حقه.

Quote: لذا مرحب بيدك البيضاء و اقابلها بيد اكثر بياضا

أشهد الله وملائكته وكل الناس اني احبك
ونعم من رجل

السلام والتقدير للجميع

Quote: واتمنى ان نحترم جميعنا خيارات الآخرين في ان يختلفوا مع راينا وهذا الإختلاف لا يعني شيطنة الآخر أو كوزنته, و الوطن كبير وواسع ويشيل كل من يحبه ويعمل لأجله بطريقته و من زاويته و بالتاكيد لا توجد صيغة واحدة مفروضة على الجميع ليتبعوها لحب الوطن وأداء حقه

ههههههههههه
غايتو شروطك صعبة خلاص يا رمادي !

يا سلام عليكون ياخ
تشكروا
وفي انتظار حامد
وفي انتظار ثنائيات اخريات او ثلاثيات

قلت ليك يا ود البوش من قبل اني اتمنى لقاءك وجها لوجه عشان خاطر المحبة التي ابادلكها في الله دي

يا حبشي هههههه ...
انا قلت أتمنى ما (شروط) الله يرضى عليك :)

Quote: لو نظرت عميقا .. عميقا جدا داخل احدهم ستري ان هنالك جمالا عجزت عن رؤيته

ايّ والله صدقت يا ود ابوسن، بس الحكاية ما دايرالآ عمق
فهي ظاهرة فوق الجبين .

القوما ليكم كولكم .

تسلم يا ابو روضة ...

أرى أن هنالك متسع في القلوب لتحتوى كل خلاف... ومعادلات المحبة تحل بألف طريقة وأخرى

الوطن يسع الجميع .... والاختلاف طبيعي .... لنبحث عن بصيص ضوء ينير دهليز أزمتنا


شكرا للجميع ومزيد من إزالة لحواجز التفرقة والشتات والأنا..

Quote: قيل ان الكلمة الطيبة تفعل فعلها في شنب الأسد

اتا بتجيب الكلام دا من وين ؟
مرة بقرة حامل بليدة ومرة شنب أسد مزعوط ومرة
قرد لابس شرابات .. جننت الحاجات جن يا شيخنا .

يا طلحة ياخ قالو،
الحسنة قلّعت شنبات اللسد .

انا كان عرفت البيحميك تفوّت شنو خخخخخخخخخخخ ؟.

حبيبنا طلحه


تراك نسيت الخروفه برضو



المهم تحياتنا ود البشري وابو روضه


ربنا يهدي نفوس الكل

السلام عليكم
شكرا ابوروضة وهذا موقف لا ينسي.
ود البشري باستمرار تثبت لي انك شخص محترم وكبير

يا مدير ود المدير ياخ صاحبكم دا قالب بينا هوبا عديل ..
كلما مرة حاقن طايوقنا ببيت شعر جديد ..
بعد كدا أنا ح أستعين بمدقق حاجات غريبة لأنو بديت أشك ان
الزول دا قاعد يقطع من رأسو ساي .

صباح الخير
ياابداقوسة بنواحي المدينة المنورة ابوروضه قتا ليك الاتنين البشرى وابوحسين بشهد ليهم قبل دخولي المنبر من ايام المتابعة بالنظر ساي الناس ديل حقانين واصحاب واجب وانا ظاتي بتمنى الاقيهم واتا برضو معاهم لانى متاكد من طيبتكم وحسن نيتكم ولكنها عادتنا كسودانيين خلافاتنا السياسية دايما حملها زايد وحارق لمبات طبلون علاقتنا الاجتماعية
ياريت لو المنبر كلو يتصافى ويتعافى من توجيه الاساءات والشتائم وقالوا الدنيا المتلفح بيها عريان
يوم جميل وسعيد جدا كتر خيركم جميعا وتسلم ياابوروضه

التحية لكل المشاركين عبر هذا الخيط
وبدينا ليكم ضربة بداية ونتمنى نشوف مزيد روح التسامح بين الناس والترفع من روح الحقد والكراهية رحمة بأنفسنا وإيمان بروح التعايش مع بعضنا البعض حتى لو في حدود الممكن الاحتقان والاشتغال الذي يبعد من الموضوعية والحوارات الخلاقة ليس فيه من منتصر غير أعداء الوطن ومن لا زالوا ينفذون فيه أجندتهم الإجرامية وسلام محترم للجميع

يا سلام بوست جميل ويبشر بالخير في بداية عام جديد

مشكورين أبو روضة وود البشرى وصاحب المبادرة والقلب البرشلونابي النباض حامد ..

وياريت يصيح منهج جديد للعام الجديد

نبعد من الشخصنة ونركز في الورق

ومثلها معها يا أبو روضة لآبو حسين

زي ما قالوا آخرها كوم تراب

نحليها بطرفة

في بداية التسعينات يحكي صديق قال راحوا دعوة زواج أبن الصادق أعتقد ..

لقى الجماعة كلهم رؤوس السياسة في دعوة الغداء .. نقد على ترابي على بشير على ميرغني .. يتونسوا ويضحكوا مع بعض .. قال بالله شوف أولاد ال............... الناس في الخلا يتماوتوا بسببهم وهم يضحكوا مع بعض ههههههههه

ناخدها من الآخر
ما مستاهلة والله

جميل يا فرح ان تبدأ جانب الاحترام وجميل ان يبدلاك الاخرين جوانب احترام الاخر .........وبتقديري ان هذا لا يحتاج لبطولات ولا تميز شخصي بل هي نضوج فكري عميق ان نتقبل الاخر ......ونقتنع ونؤمن بضرورة وحتمية الخلاف في كل شي ......والعقلية الوحدانية انتهت كل شي عندو شريك ..........فزوجتك في البيت ليست identical وكذلك اخوك وابنك ولو كان كل الناس تفكر بطريقة واحدة لفسدت الدنيا ........ولما كان للديمقراطية معني اصلا ......هذه هي عقلية الطيب مصطفي الذي يعتقد ان عدم تشابهنا مع الجنوبين هو سبب منطقي ومبرر للانفصال فتامل ...........يجب ان نعترف بالاخر وبالاختلاف ونعمل علي احتوائه والاحتفاء به بدلا من التنكر له .........فلو لا الاختلاف لسادت العبودية ولتخلف الانسان ........فحتي نظريات الفيزياء القائمة علي تاليه وعبادة المخترع ، هي نظرية عطلت العلم كثيرا فليس هناك مطلقات في هذا الكون ........وليس هناك ثابت فكل له وجهة نظره التي يحتفي بها ويطرحها بغرض التطور والتلاقح والتثاقف ......وليس بغرض ان يتم عبادته وتاليهه وتصنيمه صنما يعبد .
فكرة احترام الاخر فكرة رائعة لا يجافيها الا المتاسلمين الاحادين لانهم مخصين في عقولهم فهو ان قبلك فللاحتواء وترك افكارك لا تقبلها ........اشكركم جزيلا

كلام سمح شديد ... و الفضل بين الناس درجات ... و صدور الرجال

تتسع لكل ما في الكون ... الحلو و المر ... و القلوب البيضاء عمرها

ما بيسودها ... الزعل ... و إختلاف البشر سنة من سنن الله في خلقو ...

ربنا يديم المعروف و الإحسان بينكم إنتو يا المتصافيين هنا ... و عقبال

الناس كلهم ..... و الإيد البيضاء من صفات الأولياء ....

تحية خاصة جدا لناس الفيس أثبتوا حضورا وخاصة قريبتي وصديقتي الكنداكة إيمان حسن وبقول ليك انحنا جميعا محتاجين لوقفة مع أنفسنا لانو بالجد الحرف الذي نرهق به أنفسنا نحتاجه لنتوافق من خلاله على تحقيق قيم انتظرها شعبنا طويلا الحرية والسلام والعدالة وثورتنا كخيار لجماهير شعبنا وده بحتاح لمناخ جيد يضيق مساحات التناحر ويجعل الالتقاء حول قضايا الوطن المصرية قاسم مشترك
وابشرك لسه ما رجعنا السيف الجفير ولن يرجع إلا بزوال محنة شعبنا احترامي الذي تعرفينه

التسامح يجعل كل شىء جميل وممكن...........شكراً للجميع...وشكراً ودالبشرى ظننا ما خاب فيك أبداً....حامد ودالبدرى سيرتك السمجة سابقاك.....أتمنى أن يعم الخير الجميع ....والتسامح يكون عام...تقديرى للكل.