Post: #1
Title: بدل القرف بتاع أمس هاكم الطرفة دي
Author: Salah Zubeir
Date: 01-06-2016, 07:41 AM
Parent: #0
06:41 AM Jan, 06 2016 سودانيز اون لاين Salah Zubeir-UAE مكتبتى رابط مختصرشرف صاحبنا كان عندهم حفلة عرس فى الدناقلة شمال , مشى طشم بدري و جا الحفله , شرف نوع عامل فيها نجم , يقابض دى و يشاغل ديك. يازول بعيد منتصف الليل السكره فكت و الزول بقى لايص. مرق فتش على أى حاجه تعيد ليهو النجومية , يقوم يقع ليك فى جماعه صحبانو من حلة حمد ما عندهم غير نواشف. على الكبرى فوق الخور الكبير االماري وسط أحياء الختميه و الديوم و الدناقلة , جلس شرف و ظبت ليك السجاره وكانت أول مره يشرب بنقو. رجع الحفله آخر إنبساطه و الحفلة إنتهت و شرف رجع البيت. على و شرف أخوان بنومو فى نفس الغرفة لأنو الدنيا شيتا , يحكى لينا على أخو شرف الكبير تانى يوم و قال بعد ما جا شرف أنا صاحى , غيَر هدومو ولبس العراقى و السروال رقد فى سريرو جر البطانية و رقد نام. خمس دقائق مافى وقف على حيلو مسك البطانية أنفضك أنفضك ختاها على جنب , مسك الملاية أنفضك أنفضك ختاها مع البطانية , مسك المخدة لت لت و ختاها على جنب ’ مسك المرتبه قلبا و رجع الملاية , ختا المخدة و رفع البطانية و رقد نام. خمس دقائق تانين وقف على حيلو مسك البطانية أنفضك أنفضك ختاها على جنب , مسك الملاية أنفضك أنفضك ختاها مع البطانية , مسك المخدة لت لت و ختاها على جنب , مسك المرتبه قلبا و رجع الملاية , ختا المخدة و رفع البطانية و رقد نام. فى المرَه التالته وقف عايز يقوم بنفس الشغلانيه دي قمت سألتو : -شرف مالك فى شنو؟ شرف :- و الله يا على كل ما أرقد و أغمض عيونى يجى واحد شايليهو صفيحة رمله يكبها لي في وشي.
|
Post: #2
Title: Re: بدل القرف بتاع أمس هاكم الطرفة دي
Author: ABUHUSSEIN
Date: 01-06-2016, 08:01 AM
حلوة ..... تحياتي و احترامي
|
Post: #3
Title: Re: بدل القرف بتاع أمس هاكم الطرفة دي
Author: عبدالحفيظ ابوسن
Date: 01-06-2016, 08:20 AM
Parent: #2
ههههه انت زول حلو وضفتي لي مثل للمثل القديم الشحاد ماعندو مجده
|
Post: #4
Title: Re: بدل القرف بتاع أمس هاكم الطرفة دي
Author: Salah Zubeir
Date: 01-06-2016, 09:50 AM
Parent: #3
شكرن أبوحسين ولك التحيات الطيبات
|
Post: #5
Title: Re: بدل القرف بتاع أمس هاكم الطرفة دي
Author: Salah Zubeir
Date: 01-06-2016, 09:51 AM
Parent: #4
شكرن أبوسن
|
|