معقول الكلام ده ...

06:30 PM Jan, 04 2016

سودانيز اون لاين
جمال ود القوز-بين الخاطر والفكرة
مكتبتى
رابط مختصر

لاحول ولاقوة إلا بالله ..
معقول ياجماعة الكلام ده ..
يعني أصلوا مافي طريقة للاعتراض على موقف حكومتنا ..
غير بالطريقة العقيمة دي ..

أرحمونا من هذا الغثاء .....

أيعقل أن يكون أحدنا معارضاً لنفسه ..
ولمبادئه وإنسانيته وكل قيمه ..!!
أها ..
ياهو ده الحاصل هسه ..
زول ربنا خلقو بشر تسويهو حضرتكـ حيوان ؟!! ..
يبقى إنت معارض لمن فطره إنسانا ..
وإلا بماذا نفسر هذا الهراء ..

ــــــــــــــــــــــــــــــــــــــــــــــــــــ

قبل كده جبتوهو ميطي عادم البيستر سوئته...
بالله ده كلام ده ...
وهل هذا يمكن أن نطلق عليه فن كاركتير !!!!! ..

بعدين 16 ــ 1
دي شنو ؟ ..
استباقاً للحدث يعني ..
ولاّ كاركاتيركـ ده سابق لعصره ...

دا النضال ولا بلاش

بعدين خليك عميق وانظر للرمزية والرمزية دي بالذات الح تجيب أجل النظام دا بأسرع من أي عمل معارض

و 1.16 يعني شهر واحد سنة 2016

أنت واحد ستاشر ما قادر تفهمها ح تفهم الرمزية؟


تحياتي يا جمال

يسقط يسقط حكم العسكر

ويستمر النضال

والله دا هراء مقزز يا سيد عمر دفع الله
ما ليهو أية علاقة بالنقد .
أرجو أن يتم سحبه .

الصور عن موقع النيلين

http://http://www.alnilin.com/12742190.htmwww.alnilin.com/12742190.htm

سلام يا جمال ود القوز
وسلام للجميع

ووالله إنه كلام ما معقول أبداً


دي معارَضة شنو دي يا ربِّي؟!!



..................
زي الكاريكاتير ده، سُبَّة في وجهة المعارضة..

عيب عليك يا عمر دفع الله
والله عيب كبير!!!!

يافرانكلي يا أخوي ..
يشهد الله اتعمقنا لامن دايرين لينا ادوات غطس ..
بقى علينا عمق مرتضى المقبول ..
القال للزول خليكـ عميق يأخ ..

غايتو ده رسم غير مستساغ البتة ..
غض النظر عن مايمثله من رمزية ..
بعدين رمزية السجم دي لازم تكون بالضحالة دي ..
ليتها كانت عميقة يأخ ..

والله احترت في 16 ــ 1 دي
هي متين جات ؟ ..
ياربي تكون جات ونحن ماعارفين ولاّ شنو !! ..
الله يهون غايتو ..

ــــــــــــــــــــــــــــــــــــ

كل عام وأنت بخير ..
و ....
Happy New Year

ود القوز العسل .... سلام وشوق كبيرات ...

وكل عام وانت بخير يا صديق ..
دا نضالنا زي ما دا اسلام الكيزان ههههههههههه
ترقبوا قريبآ يوميات جرقاس ههههههههههه.

الكراكتير معبر جداً و يوصف تماماً موقف السودان الأنبطاحي البائس من الأزمة السعودية الإيرانية،
و لم يستفزني اطلاقاً، و اي انسان يوصف الناس الخلقهم ربنا بالحشرات يستحق هذا و اكثر
مالكم كيف تحكمون
شكراً عمر دفع الله

Quote: والله دا هراء مقزز يا سيد عمر دفع الله ما ليهو أية علاقة بالنقد . أرجو أن يتم سحبه .

مش كده عليك الله يا طلحة يا أخوي ..
ومش مقزز وبس ..
وكمان ماليهو أي علاقة بي أي قيمة أو ثوابت إنسانية ..
يأخ تجيبو كلب ..
يا عمر دفع الله .. ( والله أبت نفسي أن أضع كلمة كلب قرب اسمكـ حتى لايسؤك ذلكـ فانزلتها عن السطر) ..
تجي تبقيهو كلب !!! ....
الله يهون علينا ..
النقد إذا فقد ثوابت المبادئ يبقى محض صفاقة ..
وسفسطة وكلام فاضي ..
هسه رسم سمج زي ده بيضيف لنقد موقف الحكومة شنو !! ..
يأخ ده خصماً على كل من تبناه وأيده ..
وأكاد أجزم انه أسوأ من موقف الحكومة وبمراحل ..
على الأقل داكـ موقف يمكن الاختلاف حوله ..
لكن الرسم ده وبلاجدال يمثل قمة القبح ..

ــــــــــــــــــــــــــــــــــــــــــــ

عام سعيد عليكـ أخ طلحة ..

Quote: سلام يا جمال ود القوز وسلام للجميع ووالله إنه كلام ما معقول أبداً دي معارَضة شنو دي يا ربِّي؟!! .................. زي الكاريكاتير ده، سُبَّة في وجهة المعارضة..

هو ماقلت أخي أبوجوده ..
بعدين حيضيف شنو رسم شين زي ده ؟ ..
وحيغير شنو من سوء الوضع الحاصل ده ..
أجزم انه سيزيد الوضع سؤا ..

رغم أن المعارضة لاذنب لها ..
لنحاسبها بجريرة مايفعله البعض ..
لكن يجب على من يأنس في نفسه الرشد من المعارضة ..
أن يدين هكذا أفعال تخصم من المعارضة ..
وتحجّم دورها وتجعلها في وضع لاتحسد عليه ..
يجب وقف عبث من يشتت جهود معارضة ..
تطمح لأن تكون بديل رشيد ومتزن ..
لنظام وحكم سام الوطن الامرين ..
وعبث بكل ثوابته ومرتكزاته ..
أأتى الدور الآن على المعارضة ..
وبأيدي بعض المحسوبين عليها ..
ليكملوا على ما تبقى من ثوابت وقيم ..
الله يكضب الشينة غايتو ..

ـــــــــــــــــــــــــــــــــــــــــ

كل عام وأنت ومن تحب بخير ..
أخي أبوجوده ..
وعام سعيد عليكـ ..

Quote: عيب عليك يا عمر دفع الله والله عيب كبير!!!!

حقيقي عيب عليهو ..

وتسلم ياحسن مكاوي يأخ ...
تسلم كتير ..
وكل عام وأنت ومن تحب بخير وعافية ..
وعام سعيد عليكـ ..

الصاوي الرجل الجنتل مان ..

لك التحية وعام سعيد ..

Quote: و اي انسان يوصف الناس الخلقهم ربنا بالحشرات يستحق هذا و اكثر مالكم كيف تحكمون

خير الكلام ما قل وادل ..

يا جمال عندك كلام كمان في الكلب..
مالو ما مخلوق جميل و يتميز بالوفاء..

بعدين الحنك العاضي بتاع طلاب المتوسطة
انو الله خلقو بشر و انت ترسمو حيوان..
ما بقسم مع فن الكاراكتير..او الفن بصفة عامة...

Quote: ود القوز العسل .... سلام وشوق كبيرات ... وكل عام وانت بخير يا صديق .. دا نضالنا زي ما دا اسلام الكيزان هههههههههههترقبوا قريبآ يوميات جرقاس ههههههههههه.

بت عمسيب يارفيقة ..
دمتي بخير ..
Happy New Year
ما مكاواه .. يشهد الله ماقصدنا المكاواه ..
والحط من قدر عمر دفع الله ..
أو رسوماته أو حتى المعارضة ..
بافتراعنا لهذا البوست ..
إنما هو تثبيت لقيم وثوابت نراها تنسل من بين أيدينا ..
ونفقدها في كل يوم عن اليوم الذي قبله ..
حتى أضحى مجتمعنا كما ترين ..
لايسر عدو ولاصديق ..
نعم يجب شجب هكذا تصرفات وادانتها ..
بعدين أيصح أن نتخذ أقوال البشير نبراساً ..
أيصلح ان يكون قدوة لأناس جعلوا انفسهم ..
في الجانب المناوئ والمخالف له ؟؟ ..
كيف تحكمين !! ..
اهو قدوة لهم حتى يباروه ويجاروه في أفعاله وأقواله ..
هوني عليكـ يارفيقة ..
ماهكذا تورد الابل ..
وماهكذا تكون المعارضة

..ـــــــــــــــــــــــــــــــــــــــــ

دمتي بعافية ...
وشاكر لطفكـ .....

غايتو يا جمال انا منتظر قراية ود البشرى بعدين نتكلم
و لغاية ما يجى الكاركتير كويس و ما كويس

ود القوز ..سلام معطّر بالشذى و كذلك للغYخوة المتداخلين. مع احترامي لآراء الجميع.
أنا و الله أنا عجبني الكاريكتير جداً. لأنه بغض النظر عن ‏البعد السياسي ففكرته ذكية و معبّرة للغاية. و كذلك من الناحية الفنيةما فيه كلام، فهو ‏قمة في الإبداع.
‏المهم استطاع صاحب الكاريكتير إنه يوصّل الفكرة بأقصر الطرق و ايسرها. بغض ‏النظر عن الموقف السياسي لكنه بيعبر عن وجهة نظره و نظر الكثيرين.‏
و الله وريته لي بناتي ..و من أول نظرة انفجرن بالضحك و فهموا المغزى..مما يدل على ‏نجاح الكاريكتير.‏ا
أما إذا كان البعض يرى قبح في التشبيه بالكلب فلا أرى غضاضة فالرؤساء يشبهوهم ‏بالحمار و الدب و الماعز..إلخ.و القصد فقط التبعية وقلة الحيلة و (المحرّش ما بيكاتل)‏مع احترامي للجميع ‏

Quote: الكراكتير معبر جداً و يوصف تماماً موقف السودان الأنبطاحي البائس من الأزمة السعودية الإيرانية، و لم يستفزني اطلاقاً، و اي انسان يوصف الناس الخلقهم ربنا بالحشرات يستحق هذا و اكثر مالكم كيف تحكمون شكراً عمر دفع الله

يا صاوي يا أخوي ده رأيكـ .. وأنت حر فيه ..
ولكـ الحق في أن تبديه وأن تراه كيفما شئت ..
لكن الكيفية التي تبدئ بها رأيكـ هذا ..
هي مانختلف عليه ..
ضع ماتحسه من غبن جانبا ..
لانه بلاريب سيجعلكـ تستحسن ماتراه من قبح ..
أتجعل من أقوال البشير عنواناً لافعالك وأقوالكـ..
أتتخذه قدوة لكـ ..
إن أحسن أحسنت وإن أساء أسأت !! ..
طيب ماتبقى مؤتمر وطني المانعكـ شنو ؟؟ ..
مالكـ كيف تحكم انت !! ..
موقف الحكومة عليه اختلاف ..
فقد تراه أنت بمنظوركـ أنه معيب ..
وقد يرى غيركـ غير ماترى ..
ليس في الموقفين مايشين أو يعيب ..
العيب هو أن تنحط بنا خلافاتنا ..
لنصل الى هذا الدركـ القمئ ..
ونتبارى في هدم الثوابت والقيم ..
ونختلف فيما لا اختلاف فيه ..
أيصلح هذا المعيار !!
أتراه أنت مناسباً !! ..
مالكـ كيف تحكم يارجل ..

ــــــــــــــــــــــــــــــــــــــــــــ

كل عام وأنت بخير ياصاوي ..
وعام سعيد عليكـ ..
وعلى من تحب ..

Quote: يا جمال عندك كلام كمان في الكلب.. مالو ما مخلوق جميل و يتميز بالوفاء..

صلاح كيفنكـ ..
وكل عام وأنت ومن تحب بخير ..
وعامكـ سعيد ..
ــــــــــــــــــــــــــــــ

يأخ بتبالغ ..
أتساوي إنسانا كرمه الله بكلب !!!..
مهما كانت مافيه من صفات ..
كيف ذلكـ يارجل !! ..
قليل من الاتزان لايضير ..
ياصلاح يا أخوي ..
وَلَا يَجْرِمَنَّكُمْ شَنَآَنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى ..
أعدل ياصلاح يأخ ..
أعدل ..
الله يرضى علينا وعليكـ ..

Quote: بعدين الحنك العاضي بتاع طلاب المتوسطة انو الله خلقو بشر و انت ترسمو حيوان.. ما بقسم مع فن الكاراكتير..او الفن بصفة عامة...

ياصلاح يأخ مالكـ ما كنت ماشي معاي كويس ..
شنو قلبت عليّ بحكاية الحنكـ العاضي دي ..
والكلام البيقسم والبرترت ..
أنا ود ديم سلكـ يأخ ..
ماتمشي معاي كتير في كلام الشارع ..
لانكـ حتفوت طاره وحتحت كرونة ....
أعدتنا للذي مضى ..
والله ناس المتوسطة أحلى ناس ..
غايتو اكان إنت قريت متوسطة أنا قريتا بالبنطلون ..
وكان بقيت زول أساس ..
أخير ليكـ ترعوي وتنقرع مني ساي ...

شاكر للطفكـ يا صلاح يا أخوي ..
وسعيد بعودتكـ ..
وبردكـ الاخير ..
يأخ الدنيا شن فيها ..
الله يصلح أعمالنا ونياتنا وذرياتنا ..
وإياكـ يا صلاح والسامعين ..
وكل من مر من هنا ..
محيياً او مشاركاً ..
ودمت أخ كريم وحبيب ..
و ....
Happy New Year

Quote: اي انسان يوصف الناس الخلقهم ربنا بالحشرات يستحق هذا و اكثر مالكم كيف تحكمون شكراً عمر دفع الله

شكرا الصاوى مع التحية لصاحب البوست

Quote: غايتو يا جمال انا منتظر قراية ود البشرى بعدين نتكلم و لغاية ما يجى الكاركتير كويس و ما كويس

يعني شنو يعني حلو مر ولاّ بتقول جلا ..
يأخ إنت من زمن مقّدر كده ..
بقيت من أصحاب الحظوة ..
وتم ضمكـ وبكل أريحية ..
للطبقة المستنيره بالسايبر ..
فماتتعلل بحضور ود البشرى ..
وأدلي بدلوكـ ..
وأكيد لن يعوزكـ إن تفتكـ مما قلت إن أردت افتكاكاً ..
لأن المستنير أبوبكر عباس بجلالة قدره ..
أصبح يقتفي أثركـ .. ليستنير ..
فاااشنو ..
خش بي عدلكـ ..
وقول رأيكـ ..

Quote: ود القوز ..سلام معطّر بالشذى و كذلك للغخوة المتداخلين مع احترامي لآراء الجميع أنا و الله أنا عجبني الكاريكتير جداً. لأنه بغض النظر عن ‏البعد السياسي ففكرته ذكية و معبّرة للغاية. و كذلك من الناحية الفنيةما فيفيه كلام فهو ‏قمة في الإبداع.‏ المهم استطاع صاحب الكاريكتير إنه يوصّل الفكرة بأقصر الطرق و ايسرها. بغض ‏النظر عن الموقف السياسي لكنه بيعبر عن وجهة نظره و نظر الكثيرين.‏ و الله وريته ليبناته ..و منأول نظرة انفجرن بالضحك و فهموا المغزى..ما يدل على ‏نجاح الكاريكتير.‏ اما غذا كان البعض يرى قبح في التشبيه بالكلبفلا أرى غضاضة فالرؤساء يشبهوهم ‏بالحمار و الدب و الماعز..إلخ. و القصد فقط التبعية وقلة الحيلة و (المحرّش ما بيكاتل)‏ مع احترامي للجميع ‏

محمد عبد الله ..
كل عام وأنت والبنيات بالف خير ..
وعام سعيد عليكم جميعاً ..
والله يامحمد يا اخوي ده رأيكـ ودي قراءتكـ ..
ربما أتفق معكـ في كثير ..
لكن ليس هنا مربط الفرس ..
نحن نتحدث عن الانحدار الشديد ..
الذي طال بعض المعارضة ..
وتدني مستوى طرحها ..
هذا هو مانرمي إليه ياصاحب ..
فكثير مما يخدش الحياء كمثال ..
يأتي معبراَ وبأفكار عبقرية أحياناً ..
لكن أيعفيه هذا من كونه في النهاية شيء مبتذل ..
هذا هو معزى افتراعي للبوست ..
ومارميت إليه ..
هذا العمل في النهاية عمل قبيح ومبتذل ..
لأن الغاية لن تبرر الوسيلة ..
مهما كانت ...
والأدوات الصدئة ..
ستنجز لنا عملا غير صالح ..
هكذا رأيت هذا العمل ..
وبهذه الادوات التي تم استخدامها ..
لبلوغ غاية كان من الممكن بلوغها باسلوب أكثر إحتراما ..
فهل عجزنا عن ذلكـ ..
هنا تكمن قلة الحيلة ..
وهنا يكمن العجز المدقع ..
ولايسعني بعد لطفكـ هذا يادفعة وكما هو دأبكـ ..
إلا أن أحترم وجهة نظركـ ..
حتى وإن خالفتني ..
فهكذا الحياة ..
نختلف فيها ويبقى الاحترام والمودة بيننا ..
دمت يأخ ...
وعام سعيد ...
وعلى العيال ..

Quote: أتجعل من أقوال البشير عنواناً لافعالك وأقوالكـ.. أتتخذه قدوة لكـ .. إن أحسن أحسنت وإن أساء أسأت !! .. طيب ماتبقى مؤتمر وطني المانعكـ شنو ؟؟ ..

المعايير الأخلاقية تناسب ذوي الأخلاق يا جمال ياخوي
بنفس المنطق بتاعك ده نحن بنحارب عصابة الخرطوم ليه؟
نخليهم وما نسألهم، لأنه لو حاربناهم حا نبقى زيهم،
عصابة الخرطوم اهانت الشعب السوداني لأكثر من ربع قرن، طوالي نخليهم عشان ما بقى زيهم
عصابة الخرطوم قتلت الآلاف، نخليهم يعيشوا على جماجمنا لأنه لو قتلناهم حا نبقى زيهم
مش ده منطقك؟ الا نواجه القبح بالقبح؟
القتل و الأرهاب و اهانة الناس الكرمهم ربنا كله قبح، و هذه حكومة قبيحة قولاً و فعلاً و لاتستحق اي ذرة من الإحترام
و بعدين ياخي اكامبو تم رسمه على صورة خنزير و قرنق تم رسمة على صورة كلب، و مالك عقار تم رسمه على صورة ثور، و كلو في المنبر ده،
اها ديل كلهم ما جرحوا مشاعرك الرقيقة و لم اقرأ لك حرفاً يدين ذلك، ما تزعل الا لما البشير البوصف الناس بالحشرات يترسم في صورة كلب؟
ولا ديك ما بشر خلقهم الله وكرمهم ايضاً
ياريت يكون معيارك الأخلاقي واحد
و كل عام و انت ومن حولك بخير

Quote: شكرا الصاوى مع التحية لصاحب البوست

ولك التحية ياعلاء ..
وعام سعيد عليكـ والأسره ...
شاكر ومقدّر مروركـ الفخيم ..

يا جمال انت زول رائع و زول ما هيّن...
لكن فارقت هنا المنطق في نقدك للكاراكتير دا...
فراق الطريفي لجملو..
وما قريتو قراية فنية....
انا قايلك في البدايةداير تحتج..
و بلسان حال الكلب..
انو كيف يشبهو بالبشير
لكن لقيتك عكست الحكاية كلها...
__________

كل سنة و انت طيب...

العزيز ... صلاح ود احمد كاتبي المفضل ..

ههههههههههههههههه

Quote: انا قايلك في البدايةداير تحتج.. و بلسان حال الكلب.. انو كيف يشبهو بالبشير لكن لقيتك عكست الحكاية كلها...

عسي ولعل صاحبنا ود القوز يتراجع ويترافع عن الكلب

ههههههههههههههههههه

يا صلاح احمد عام سعيد وانا اسعد اني الاقيك .

مع دوام الود ..

Quote: سلام يا جمال ود القوز وسلام للجميع ووالله إنه كلام ما معقول أبداً دي معارَضة شنو دي يا ربِّي؟!! .................. زي الكاريكاتير ده، سُبَّة في وجهة المعارضة..

الأخ ابوجودة
كنت أتوقع منك انت بالذات ان تقدم ( نقدا )
يتسق وسعة خيالك الذى اعرفه .

انا لا امثل المعارضة ولا ارسم باسم حزب
ولكنني ارثي لحال بلادنا في هذا العهد الغيهب
وارثي لحالك في هذا الخيط
وسبق لي ان قلت انه لا يمكن لرسام مهما بلغ من سعة الخيال وبراعة التعبير
يستطيع ان يصّور قبح الإنقاذ وقبح شيوخ الحركة الإسلامية السودانية .

معليش يا ابوجودة .........
لكنني سأنساك بمجرد الانتهاء من هذه المداخلة
لانني تعودت ألا التفت الى الوراء وفي بالي بيت شعر لنبى الشعراء
الراحل محمود درويش ( موت امام الحلم او حلم يموت على الشعار ).

شكرا يا صاحب البوست وعاطر سلامي لضيوفك الكرام .

سلامات العزيزة منى

مقارنة بين الكلب و البشير..
و هي مقارنة تجوز وفقا لقانون كليلة ودمنة...
الكلب أقصى ضرر له هو العض..
اما البشير فضرره كبير.. و كتال كتلة
و اكتسب ابشع وصف لمجرم في تاريخ البشرية ..
وهو وصف الشخص بأنه مجرم الإبادة الجماعية..
الكلب يحرس البيت من الحرامية..
و البشير حكومتو كلها حرامية..
الكلب يمتاز بالوفاء..
و البشير فيه كل صفات الكلب ما عدا الوفاء..
عشان كدا يا منى مفروض الكلاب ترفع دعوى
في الفنان عمر دفع الله لتشويه صورتها امام الرأي العام المحلي و العالمي..

اخونا جمال سلام

ياها دي المعارضة اللي بتعارض ليها 27 سنة ...
و المحصلة النهائية البشير لسه قاعد ...
ما تقدر تعرف منو فيهم الأسوأ من التاني ...
و الشعب المسكين متمحن فيهم الاتنين

تحياتي و احترامي

Quote: المعايير الأخلاقية تناسب ذوي الأخلاق يا جمال ياخوي بنفس المنطق بتاعك ده نحن بنحارب عصابة الخرطوم ليه؟ نخليهم وما نسألهم، لأنه لو حاربناهم حا نبقى زيهم، عصابة الخرطوم اهانت الشعب السوداني لأكثر من ربع قرن، طوالي نخليهم عشان ما بقى زيهم عصابة الخرطوم قتلت الآلاف، نخليهم يعيشوا على جماجمنا لأنه لو قتلناهم حا نبقى زيهم مش ده منطقك؟ الا نواجه القبح بالقبح؟ القتل و الأرهاب و اهانة الناس الكرمهم ربنا كله قبح، و هذه حكومة قبيحة قولاً و فعلاً و لاتستحق اي ذرة من الإحترام و بعدين ياخي اكامبو تم رسمه على صورة خنزير و قرنق تم رسمة على صورة كلب، و مالك عقار تم رسمه على صورة ثور، و كلو في المنبر ده، اها ديل كلهم ما جرحوا مشاعرك الرقيقة و لم اقرأ لك حرفاً يدين ذلك، ما تزعل الا لما البشير البوصف الناس بالحشرات يترسم في صورة كلب؟ ولا ديك ما بشر خلقهم الله وكرمهم ايضاً ياريت يكون معيارك الأخلاقي واحد و كل عام و انت ومن حولك بخير

دعني أثبت مبدأ ..
المعايير الأخلاقية والانسانية ليست قيمة فضاضة ..
أو شيء متأرجح يمكننا التلاعب بها كيفما شئنا ..
لكنها قيمة ثابتة لمن له أخلاق أو عدمها ..
سواء إحتذى حذوها بعضنا او ألقوها وراء ظهورهم ..
هي معيار ثابت للتقييم ..
إن تركناها بماذا سنقيم أعمالنا وأفعالنا وردودها !! ..
أي عمل او قول مخالف لهذه القاعدة وهذا المعيار ..
هو عمل مدان وقبيح ..
سواء أدنته انت أو انا او تركنا ذلكـ ..
أو إن قام به البعض أو قام به الكل ..
لن يقلل ذلكـ من قيمة هذا المعيار شيئا ..
لأنه ببساطة معيار للتقييم ..
أدوات النضال يجب أن تكون مبرأة من كل خطل او إنحراف ..
القال ليكـ خليهم منو ؟ ..
يعني الا تنحدر الى نفس الدركـ لتحس بانكـ مساوٍ لهم ..
أهذا منطق مقبول !! ..
بعدين مالو ماتناضل يأخ ..
إقتلع هذا النظام ولاتتركـ حيلة لذلكـ ..
لكن أجعل الثوابت في مأمن ومعزل عن اتخاذها كادوات تتلاعب بها ..
لانكـ حينها ستجعل نفسكـ هدفا سهلا ..
وستفقد غايتكـ وستفقد ذاتكـ ..
وستجد نفسكـ في حالة أسوأ من النظام نفسه ..
ياصاوي يا اخوي انا لست معيارا أو مقياسا ..
ربما كنت موجود ربما لا ..
ربما لم أرى ما أشرت اليه ..
أهذه حجة تحتج بها ..
أدن هذا العمل لتتسق وذاتكـ ومبائدكـ وإنسانيتكـ ..
وتجعل من نفسكـ بديل لنظام مقيت وسيء ..
وإلا فأنت تتخذه قدوة شئت أم أبيت ..
لأنكـ تجاريه في أفعاله وأقواله ..
فما الفرق إذن حينها ..
بين أحمد وحاج أحمد ...

عام سعيد عليكـ وعلى من تحب ..
وأحترم وجهة نظركـ ..

Quote: يا جمال انت زول رائع و زول ما هيّن... لكن فارقت هنا المنطق في نقدك للكاراكتير دا... فراق الطريفي لجملو.. وما قريتو قراية فنية.... انا قايلك في البدايةداير تحتج.. و بلسان حال الكلب.. انو كيف يشبهو بالبشير لكن لقيتك عكست الحكاية كلها... __________ كل سنة و انت طيب...

قلت كدي أخير ...
تقلب الآية يعني ..
يمين بتبالغ ..
سبحانكـ ربي ..
ولقد كرمنا بني آدم وحملناهم في البر والبحر
ورزقناهم من الطيبات وفضلناهم على كثير ممن خلقنا تفضيلا ..

الله فضلو ياصلاح ..
تجي إنت تمرق الكلب أخير منو ..
ما كترت المحلبية يأخ ..
الله يهديكـ بس ..
قول آمين ..

ــــــــــــــــــــــــــــــــــــــــ

وإنت طيب يأخ ..
وعام سعيد عليكـ والأسرة ..

ده كاريكاتير مسيء جداً

عمر مطالب بي إعتذار

.
.
.
.
.
.
.
.
.
.
للكلب



تحياتي يا جمال و happy new year

Quote: انا لا امثل المعارضة ولا ارسم باسم حزب ولكنني ارثي لحال بلادنا في هذا العهد الغيهب وارثي لحالك في هذا الخيط وسبق لي ان قلت انه لا يمكن لرسام مهما بلغ من سعة الخيال وبراعة التعبير يستطيع ان يصّور قبح الإنقاذ وقبح شيوخ الحركة الإسلامية السودانية .

ونحن لانمثل نظام الخرطوم ..
ولم ننتقد رسمكـ باسم حزب ما ..
وكلنا نرثى لحال الوطن والمواطن ..
أنت لست بأكثر وطنية منا ..
وربما لست بأكثر منا توقاً لاقتلاع هذا النظام ..
لم تفترض لنفسكـ وطنية تفوق من يتنقد أعمالكـ !! ..
هذه ليست حجة تحتج بها أستاذنا عمر ..
هذا العمل كان من الممكن ان يكون بدرجة من المعقولية والقبول ..
ويعبر عن نفس الفكرة ويوصلها للمتلقي دون أن يقدح فيها قادح ..
ودون ان تمس بأي من الثوابت والمرتكزات العامة ..

مهما كانت درجة قبح النظام ورموزه ..
كيف لكـ أن تفترض أن سعة الخيال ..
في التعبير عن الوضع القائم يمكن ان تحدها حدود ؟ !!! ..

ــــــــــــــــــــــــــــــــــــــــــــــــ

كل عام وأنت والأسرة بخير ..
وعام سعيد عليكـ ..
وكامل إحترامي وتقديري لكـ ..

Quote: اخونا جمال سلام ياها دي المعارضة اللي بتعارض ليها 27 سنة ... و المحصلة النهائية البشير لسه قاعد ... ما تقدر تعرف منو فيهم الأسوأ من التاني ... و الشعب المسكين متمحن فيهم الاتنين تحياتي و احترامي

مرحبتين أستاذنا أبوحسين ..
وعام سعيد عليكـ وعلى من تحب ..

ـــــــــــــــــــــــــــــــــــــ

والله حار بينا الدليل ..
عشان كده قلنا لابد من الثوابت والمرتكزات ..
حتى تنفرز الصفوف ..
أما أن نمارس نفس أساليب النظام ..
بغية دحره وازاحته ..
فهذا ما لا يستقيم .. وما لايجدي البتة ..
بالله كيف عليكـ تريد ان تدحر النظام بنفس أدواته !! ..
وهو الخبير فيها ويتقنها من عهود خلت ..
يجب على المعارضة إن شاءات أن تكون بديل ..
أن تكون أكثر إختلافا واتساقاً .. أن ترتقي قي كل شيء ..
في أدوات التغيير وأدوات التعبير ..
حتى تحقق الهدف المنشود الذي تصبو إليه ..
أما بهذه الطريقة الشائهة التي لاتبقي ولاتزر من ثوابت ..
وتحاول مجاراة النظلم في كل شيء وتمارس نفس ممارساته ..
فلا فرق حينها بين أحمد وحاج أحمد ..
وربنا يصلح حال الوطن المفترى عليه ..
ومن الجميع ..

Quote: ده كاريكاتير مسيء جداً عمر مطالب بي إعتذار .. . . للكلب تحياتي يا جمال و happy new year

برضو وجهة نظر يا أيمن ..

ـــــــــــــــــــــــــــــــــــــــــ

كل عام وأنت بخير ..
و ...
happy new year

جمال ود القوز كيفك
اعتقد انت بتدعو او بتؤمن بعالم مثالي غير موجود ولا حيكون ..
ياخ نحن في حياتنا العادية وونستنا أو تفاعلنا مع بعض انسانيتنا وقيمنا عندها خطوط فاصلة الزول البتجاوزا بنقول عليهو كلب ، حيوان الخ .. ومرات بنقولا في وشو ، لانو انحدر بانسانيتو لمستوى الحيوانات ، يعني تصرفاتو بقت خالية من الانسانية ..
أها ما غريب انو عمر دفع الله يرسم البشير بالشكل ده طالما البشير انحطت انسانيتو للدرجة دي .. بعد داك بتجي حتة العمل الفني تفتكر شنو ابلغ كاريكاتور ممكن يوصل الفكرة ؟ لا اعرف عنك انك فنان كاريكاتور بالطبع ولذا لست ملزما بالاجابة ، لكن لك ولجميع الزملاء اكرر السؤال لو أردت الاجابة .. شنو ابلغ رسم ممكن يوضح علاقة البشير بالسعودية حاليا من وجهة نظر شخص معارض للبشير ؟
تحياتي

Quote: جمال ود القوز كيفك اعتقد انت بتدعو او بتؤمن بعالم مثالي غير موجود ولا حيكون .. ياخ نحن في حياتنا العادية وونستنا أو تفاعلنا مع بعض انسانيتنا وقيمنا عندها خطوط فاصلة الزول البتجاوزا بنقول عليهو كلب ، حيوان الخ .. ومرات بنقولا في وشو ، لانو انحدر بانسانيتو لمستوى الحيوانات ، يعني تصرفاتو بقت خالية من الانسانية .. أها ما غريب انو عمر دفع الله يرسم البشير بالشكل ده طالما البشير انحطت انسانيتو للدرجة دي .. بعد داك بتجي حتة العمل الفني تفتكر شنو ابلغ كاريكاتور ممكن يوصل الفكرة ؟ لا اعرف عنك انك فنان كاريكاتور بالطبع ولذا لست ملزما بالاجابة ، لكن لك ولجميع الزملاء اكرر السؤال لو أردت الاجابة .. شنو ابلغ رسم ممكن يوضح علاقة البشير بالسعودية حاليا من وجهة نظر شخص معارض للبشير ؟ تحياتي

عبد الله كل سنة وانت طيب ..
على المستوى الفردي ربما يجدي ذلكـ ..
كمعيار للتقييم بصفة عامة ..
لكن أستاذنا عمر دفع الله مابيخاطب ود حلتهم او جارهم ..
ومن الناحيتين فده شأن عام ..
لابد له من اطر ومقاييس ومعايير تحكمه ..
وقد لابجدي التعامل في هكذا امور بعفوية وارتجال غير مدروس ..
لا والمثالية كعبة يعني ياعبد الله !! ..
بالعكس إن كانت في الشأن الفردي مطلوبة ..
فهي في الشأن العام أوجب ..
الا ترى كيف تفوق علينا الغرب ..
تفوق علينا بالمثالية الماعاجبانا دي ..
بلدنا بلد تعبانة وأحوج ماتكون للمثالية ..
ومافي شيء جايبنا ورا غير بعدنا عن أي مرتكز أو ثابت ..
الشغلانة مبهولة وكل شيء جايز وممكن ..
انهارت القيم بفعل فاعل حتى بلغنا الحضيض ..
المعارضة ليس لها سوى طريق واحد ..
أن تكون مختلفة عن النظام في كل أدواتها ..
وإلا فسيبقى الوضع على ماهو عليه ..
الخيال لبلوغ الامثل شيء مفتوح ..
ولايمكن أن تحده بحدود ..
فأن تقاصر خيالي أو خيالكـ ..
فهناكـ من له من الخيال مايجعلكـ تصاب بالدهشة ..
فربنا يدينا البيدهشنا ويحقق لينا مرادنا ..
لكن محاولة لجم الخيال ..
أوحتى محاولة حده بحدود فهذا من المستحيل بمكان ..

فكرة الكاركاتير واضحة ياعبد الله ..
مامحتاجة شرح أو تبرير ..
مشكلتنا مع ما تم استخدامه من ادوات ..
هو ما لم يروقنا ..
وكان في الامكان أفضل مما هو كائن ..

ـــــــــــــــــــــــــــــــــــــــــــــــــــــ

شاكر ومقدر أسهامكـ ..
وكل عام وأنت وأسرتكـ بخير ..

شكرا عمر دفع الله

Quote: الأخ ابوجودة كنت أتوقع منك انت بالذات ان تقدم ( نقدا ) يتسق وسعة خيالك الذى اعرفه . انا لا امثل المعارضة ولا ارسم باسم حزب ولكنني ارثي لحال بلادنا في هذا العهد الغيهب وارثي لحالك في هذا الخيط وسبق لي ان قلت انه لا يمكن لرسام مهما بلغ من سعة الخيال وبراعة التعبير يستطيع ان يصّور قبح الإنقاذ وقبح شيوخ الحركة الإسلامية السودانية . معليش يا ابوجودة ......... لكنني سأنساك بمجرد الانتهاء من هذه المداخلة لانني تعودت ألا التفت الى الوراء وفي بالي بيت شعر لنبى الشعراء الراحل محمود درويش ( موت امام الحلم او حلم يموت على الشعار ). شكرا يا صاحب البوست وعاطر سلامي لضيوفك الكرام .

الفنان، أثيرٌ عندي، عمر دفع الله، والفنان الخلاّق جمال

أشكرك أخي عمر، على اختصاصي بمداخلتك، وقد ساءني أن تقول: س تنساني ..!
ولا أجد إلّا كلام الشاعر ( القرشي) والفنان (الشفيع): وأنا أنساااااك! و الحلوة ال قضيتا معاك .. تصيييييير مُــرّة
نتقاااااسم مرار البين أنا وايّاك.

بأمانة، ما إن وقع نظري على "كاركاتيرك" وظللتُ أعوِّل عليه كثيراً في أزماننا الأخيرة الخطيرة ب حوارها و خوارها وتقلّباتها التي
فاقت توقّعاتم وتوقّعاتنا ذاتو!!
ما إن وقع نظري، حتى راحت (شوية النقد) التي دخلتُ بها المنبر!

عاد تاني شنو! لمّا تجد أن (فنانا) رقد رُز بالدرجة دي!!

المشكلة يا عمر، أنك جعلت آل-سودان كلهم في ذاك (الذيل ال منحَدِر) بينما تركت الطّاعمين والمطعومين على سجيتّهم..!
يحملون سيوفهم القاطعة، ولم تترك لقومك ( اعتراف جهير) إلّا سوء السُّلالة و قِلّة العشم في يوم باكر.

انساني ياخ
لكنني لن أنساك .. هو انتا انتا بتتنسي؟


..................
وتحية لعزيزي جمال ود القوز، وللجميع

التحية ل
ود القوز
الشهير عندي ب
ودعكر
الزول دة صحبي ومن الناس التنضح سكر . يجيد الكتابة بشكل مذهل و مبدع
انا خاشي لي سبب مختلف تماما ماعندو علاقة بالبوست
اول مرة ودالقوز يكتب بوست . آي والله حسب متابعتي
اها
دة بس الجابني
عن البوست لي وجهة نظر ذكرتها اكثر من مرة
رحم الله التجاني الطيب . حين نشرت الميدان رسما للترابي ككلب يتمسح في قدم عسكري .. فكانت كلمة الميدان اليوم الثاني اعتذارا عن الرسم وتأكيدا انهم لاينحدرون لمستوي جريدة الراية تبع الجبهة الاسلامية آنذاك . التي ترسم زعماء المعارضة بذلك الشكل بواسطة كاروري . وتأكيدا علي سمو اخلاق المناضل وترفعه من التهاتر والسباب

(وَلَوْ شِئْنَا لَرَفَعْنَاهُ بِهَا وَلَكِنَّهُ أَخْلَدَ إِلَى الْأَرْضِ وَاتَّبَعَ هَوَاهُ فَمَثَلُهُ كَمَثَلِ الْكَلْبِ إِنْ تَحْمِلْ عَلَيْهِ يَلْهَثْ أَوْ تَتْرُكْهُ يَلْهَثْ ذَلِكَ مَثَلُ الْقَوْمِ الَّذِينَ كَذَّبُوا بِآيَاتِنَا فَاقْصُصِ الْقَصَصَ لَعَلَّهُمْ يَتَفَكَّرُونَ)

جيمي ياخطييير ....كيفنك يااااخ

ثم

مافيش مشكله ياجيمي ...
نسميهو الاسد النتر
دود الخلا
التمساح العشارى
المهم
مايطلع من الأيريه بتاعت ود الباوقه دى تب

التحية حبيبنا جمال ودالقوز ..

الاخ عمر دفع الله هو رجل فنان ومتمكن .. فعليه أولاً أن يعرف طبيعة من توجه لهم الرسالة
الكــلب عندنا لفظاً يمكن يشتم به وحتى في المزاح .. ويأتي هذا حسب نطق الكلمة والتنغيم
ويمكن أن يكون في شكل دلع أو ملامة أو نبذ ( حسب تنغيم كلمة كــلب )
ولكن رسماً وقعه يختلف تماماً ..
ولأن الرسالة يمكن تأتي بنتائج عكسية .. ولأننا أصاحب طبائع خاصة جداً ..
فمثل هذا الكاركتير يمكن أن يجعل الناس يتعاطفون مع البشير
فتكون النتيجة عكسية
هذا هو مجتمعنا وهذه طريقته في الحكم على المواقف والاحداث والاشياء ..
لأن لدينا قيم لفظية حتى في شتائم وتناول الخصوصيات ..
والأمثلة كثيرة في هذا الحوش مثال ( بوست أبنة عبدالرحيم محمد حسين )
بوست ( ام البشير )

آخر بوست للمسلمي مع أبوروضة .. حتى من هم في الطرف الاخر تعاطفوا مع أبوروضة

نحن أمة لدينا أدواتنا في الخصام والافراح والاحزان ..

المهم هو فهم المخاطب وتحديد الأدوات قبل تبليغ الرسالة

مودتي ود القوز ..

Quote: شكرا عمر دفع الله

شكراً ليكـ حبيبنا محجوب ..
وكل عام وانت بالف خير ..

Quote: الفنان، أثيرٌ عندي، عمر دفع الله، والفنان الخلاّق جمال

وكم أنت أثير عندنا لوتدري يا أبا جودة ..
تقديري لكما ..

Quote: التحية ل ود القوز الشهير عندي ب ودعكر الزول دة صحبي ومن الناس التنضح سكر . يجيد الكتابة بشكل مذهل و مبدع انا خاشي لي سبب مختلف تماما ماعندو علاقة بالبوست اول مرة ودالقوز يكتب بوست . آي والله حسب متابعتي اها دة بس الجابني عن البوست لي وجهة نظر ذكرتها اكثر من مرة رحم الله التجاني الطيب . حين نشرت الميدان رسما للترابي ككلب يتمسح في قدم عسكري .. فكانت كلمة الميدان اليوم الثاني اعتذارا عن الرسم وتأكيدا انهم لاينحدرون لمستوي جريدة الراية تبع الجبهة الاسلامية آنذاك . التي ترسم زعماء المعارضة بذلك الشكل بواسطة كاروري . وتأكيدا علي سمو اخلاق المناضل وترفعه من التهاتر والسباب

الأديب الأريب ود أبسن ..
شاكر ومقدر لكـ حسن ظنكـ ..
أين نحن مما تخطه من حروف تحتشد جمالا ..

ليس أول مرة أفترع بوستا ..
لكنني مقل جداً ..
ليس عجزا لكن تكاسلاً ..
وركون الى القراءة أكثر ..
فبهذا المكان أقلام لاتدع لكـ مجالا إلا وأن تتابعهم ..
فتمتلئ حبورا وتجدكـ زاهداً في ان تباريهم ..
هكذا انا ..
شاكر حضوركـ الجميل ..

أي والله فانت نعم الصحاب ..
فلازال صدى حروفكـ اليانعات ..
يغازل ذاكرتي ..
فانت ممن تنضح وتقطر حروفهم شهدا ..
دمت وكل عام وأنت وأسرتكـ بخير ..
وعام سعيد عليكم ..

أما عن ما جدت به من رأي سديد ..
فهذا هو عهدنا بكـ ..
منتهى الاتزان والأناة ..
تسلم كتير ..

Quote: (وَلَوْ شِئْنَا لَرَفَعْنَاهُ بِهَا وَلَكِنَّهُ أَخْلَدَ إِلَى الْأَرْضِ وَاتَّبَعَ هَوَاهُ فَمَثَلُهُ كَمَثَلِ الْكَلْبِ إِنْ تَحْمِلْ عَلَيْهِ يَلْهَثْ أَوْ تَتْرُكْهُ يَلْهَثْ ذَلِكَ مَثَلُ الْقَوْمِ الَّذِينَ كَذَّبُوا بِآيَاتِنَا فَاقْصُصِ الْقَصَصَ لَعَلَّهُمْ يَتَفَكَّرُونَ)

صدق الله العظيم ..

ـــــــــــــــــــــــــــــ

وصف حال القوم كما ورد في الآية ..
يختلف عن رسمهم أنفسهم على صورة كلب ..
تسلم يا ادريس ..
وكل عام وأنت ومن تحب بخير ..

كلام الله مابناباهو لكين الفيكـ اتعرفت ...
دمت ...

عام سعيد عليكـ ...

Quote: جيمي ياخطييير ....كيفنك يااااخ ثم مافيش مشكله ياجيمي ... نسميهو الاسد النتر دود الخلا التمساح العشارى المهم مايطلع من الأيريه بتاعت ود الباوقه دى تب

ملهم ياصاحب ..
ياحليلكـ والله ..
وعام سعيد عليكـ ..
وعلى كل من تحب ..

Quote: نسميهو الاسد النتر دود الخلا التمساح العشارى

لا كمان ماقدر ده ..

ود الباوقة شنو كمان عليكـ الله في الصقط ده يأخ ..


كل عام وأنت وحبيبنا عمر ود الباوقة بخير ..
وعام سعيد عليكم جميعاً ..

Quote: يمكن أن يكون في شكل دلع أو ملامة أو نبذ ( حسب تنغيم كلمة كــلب ) ولكن رسماً وقعه يختلف تماماً ..

عشان كده الاستشهاد بالآية الواردة قد لايستقيم ..
لأن الوضع جد مختلف ..
الرسم على شكل كلب أمر مختلف تماماً ..

Quote: ولأن الرسالة يمكن تأتي بنتائج عكسية .. ولأننا أصاحب طبائع خاصة جداً .. فمثل هذا الكاركتير يمكن أن يجعل الناس يتعاطفون مع البشير فتكون النتيجة عكسية

وده رد فعل لكل من به قليل انصاف ..
يأخ انا قد اختلف معكـ ..
لكن أن اجنج للشطط بصورة غير متزنة فهذا أمر مدان ..
أعجبني جداً ..
رد الفعل صحيفة الميدان الوارد بعاليه ..
الانحدار لدركـ سحيق لفش الغباين أمر لايتسق ..
لانكـ تهدم في المتلقي مبادئ بلاشكـ ..
ستاتي وتنادي بها لاحقاً ..
جينها ستجد نفسكـ تناقض نفسكـ ..

Quote: نحن أمة لدينا أدواتنا في الخصام والافراح والاحزان ..

ده كلام يقاس بميزان الذهب ..

ـــــــــــــــــــــــــــــــــــــــــــــ

أستاذنا علي ..
أثمّن ماجدت به هنا ..
وشاكر مروركـ الفخيم ..
كل عام وأنت بخير ..
وعام سعيد عليكـ وعلى كل الاهل والأحباب ..

Quote: يا جمال ود القوز، لك تحيائى. الم تتلو من قبل قوله تعالى: فَمَثَلُهُ كَمَثَلِ الْكَلْبِ إِنْ تَحْمِلْ عَلَيْهِ يَلْهَثْ أَوْ تَتْرُكْهُ يَلْهَثْ ذَلِكَ مَثَلُ الْقَوْمِ الَّذِينَ كَذَّبُوا بِآيَاتِنَا فَاقْصُصْ الْقَصَصَ لَعَلَّهُمْ يَتَفَكَّرُونَ) [الأعراف:175، 176].؟ لم يزد عمر غير ان شبه البشير بالكلب . دعك من ذلك هل رأيت كاركترات عزالدين او حتى المثال الذى أورده الأخ عمر أعلاه؟ ما لكم كيف تحكمون؟

حبيبنا محمد أحمد ..
من جمهورية الفيس الحره ..

بل زاد يا محمد ..
زاد ان رسمه في صورة كلب ..
وهنا يكمن الفرق ..

الكاركاتير المُستشد به ..
لايصلح لأن يكون قاعدة تُحتذى ..
لأنه هو نفسه مُختلف عليه ..
فكيف يكون قاعدة حكم ..

مالكـ كيف تحكم أنت ..

ــــــــــــــــــــــــــــــــــــــــ

عام سعيد عليكـ ..
وتحياتي ...

Samet ALsamet
و ....
Ali Bob

جدلية الحكومة والمعارضة لن تنتهي ..
وإن استمرا في استخدام نفس هذه الأدوات ..
حينها لاعزاء لوطن مكلوم أسخنته الجراح ..

ـــــــــــــــــــــــــــــــــــــــــــــــــ

عام سعيد عليكما ..
وكل عام وأنتما بخير ..

Quote: تحياتي ود القوز الكاريكاتير معبر جدا واختصر مقالات فن الكاريكاتير يسمح بمثل هذا وارجع لكاريكاتيرات زمن الديمقراطية والكاريكاتير في الغرب بسوو في رؤساءهم ومسؤليهم اكتر من كدا بعدين حكاية بشر وربنا كرمه والمنطق دا طيب لما يجو يشكروه مش بقولوا ليه اسد افريقيا الاسد مش حيوان؟ وكمان من صنف الكلبيات

حبيبنا وأستاذنا احمد الشيخ ...
ربما كان معبّراً .. وربما لا ..
دي حاجة عليها اختلاف ..
وزائقة قد تختلف بيني وبينكـ ..
وحتى الاجماع عليها صعب ..

فن الكاركتير يسمح أو لا يسمح ..
ليس قاعدة يُتحتج بها ..
الرسم مشين ومعيب ..

وهل التشبية بالأسد يوازي الرسم في صورة كلب !! ..
وهل هما متشابهان في صفاتهما ؟ ..
هنا الفرق ياصاحب ..

ـــــــــــــــــــــــــــــــــــــــــــــــــــــــ

كل عام وأنت ومن تحب بخير ..
وعام سعيد عليكـ ..
أحترم رأيكـ .....

ليس من الغريب أن يثير هذا الرسم والتعليق المصاحب ـ جدلا وإختلافا وإتفاقا ونقدا فهذا من طبائع الأشياء ولكن من الغريب حقام أن الا يثير موقف البشير الإستغراب والإستنكار! أرتضي البشير لنفسه القيام بدور كلب الصيد الذي يرسله صاحبه لإقتناص الفرائس نيابة عنه حيث ينعم الصائد بما لذا وطاب من لحم ويترك الفتات لكلب الصيد! * البشير إرتضي القيام بالمهام القذرة ـ نيابة عن آخرين ــ يفعل هذا بإسم السودان وهزا لهيبة كرسي الرئاسة ومرمغة لسمعة الوطن في الوحل ، بعد أن فرط في التراب للأجنبي وسمح بإنتهاك سيادة الوطن إرتضي ـ بدور كلب الصيد لملالي إيران ومن بعدهم ملوك النفط!فيأي هوان وإذلال للوطن أكثر من هذا؛ يغضب البعض لإساءة عمر دفع الله للبشير ولكن لانجد غضبا وغيرة علي سمعة الوطن وكرامة البلد التي إنتهكها السفاح ومسح بها الأرض وجعلناهزوءا بين الأمم !
* السعودية لا تثق بالبشير ولكنها تستخدمه ولاتحترمه مهما تذلل ومسح جوخ الملوك!
** مفارقة
يوصف البشير عن بعض غلاة أتباعه وإعلامه بأسد أفريقيا ــ أسد العرب ـ والأسد أيضا حيوان وحيوان "نجس" من دون أن يثير هذا الوصف إحتجاجا من دعاة الرفق بالإنسان وعدم تشبييهه بالحيوان !

ليس من الغريب أن يثير هذا الرسم والتعليق المصاحب ـ جدلا وإختلافا وإتفاقا ونقدا فهذا من طبائع الأشياء ولكن من الغريب حقام أن الا يثير موقف البشير الإستغراب والإستنكار! أرتضي البشير لنفسه القيام بدور كلب الصيد الذي يرسله صاحبه لإقتناص الفرائس نيابة عنه حيث ينعم الصائد بما لذا وطاب من لحم ويترك الفتات لكلب الصيد! * البشير إرتضي القيام بالمهام القذرة ـ نيابة عن آخرين ــ يفعل هذا بإسم السودان وهزا لهيبة كرسي الرئاسة ومرمغة لسمعة الوطن في الوحل ، بعد أن فرط في التراب للأجنبي وسمح بإنتهاك سيادة الوطن إرتضي ـ بدور كلب الصيد لملالي إيران ومن بعدهم ملوك النفط!فيأي هوان وإذلال للوطن أكثر من هذا؛ يغضب البعض لإساءة عمر دفع الله للبشير ولكن لانجد غضبا وغيرة علي سمعة الوطن وكرامة البلد التي إنتهكها السفاح ومسح بها الأرض وجعلناهزوءا بين الأمم !
* السعودية لا تثق بالبشير ولكنها تستخدمه ولاتحترمه مهما تذلل ومسح جوخ الملوك!
** مفارقة
يوصف البشير عند بعض غلاة أتباعه وإعلامه بأسد أفريقيا ــ أسد العرب ـ والأسد أيضا حيوان وحيوان "نجس" من دون أن يثير هذا الوصف إحتجاجا من دعاة الرفق بالإنسان وعدم تشبييهه بالحيوان !

تحياتي ود القوز
الكاريكاتير معبر جدا واختصر مقالات
فن الكاريكاتير يسمح بمثل هذا
وارجع لكاريكاتيرات زمن الديمقراطية والكاريكاتير في الغرب
بسوو في رؤساءهم ومسؤليهم اكتر من كدا
بعدين حكاية بشر وربنا كرمه والمنطق دا طيب لما يجو يشكروه مش بقولوا ليه اسد افريقيا
الاسد مش حيوان؟
وكمان من صنف الكلبيات

Quote: ليس من الغريب أن يثير هذا الرسم والتعليق المصاحب ـ جدلا وإختلافا وإتفاقا ونقدا فهذا من طبائع الأشياء ولكن من الغريب حقام أن الا يثير موقف البشير الإستغراب والإستنكار! أرتضي البشير لنفسه القيام بدور كلب الصيد الذي يرسله صاحبه لإقتناص الفرائس نيابة عنه حيث ينعم الصائد بما لذا وطاب من لحم ويترك الفتات لكلب الصيد! * البشير إرتضي القيام بالمهام القذرة ـ نيابة عن آخرين ــ يفعل هذا بإسم السودان وهزا لهيبة كرسي الرئاسة ومرمغة لسمعة الوطن في الوحل ، بعد أن فرط في التراب للأجنبي وسمح بإنتهاك سيادة الوطن إرتضي ـ بدور كلب الصيد لملالي إيران ومن بعدهم ملوك النفط!فيأي هوان وإذلال للوطن أكثر من هذا؛ يغضب البعض لإساءة عمر دفع الله للبشير ولكن لانجد غضبا وغيرة علي سمعة الوطن وكرامة البلد التي إنتهكها السفاح ومسح بها الأرض وجعلناهزوءا بين الأمم ! * السعودية لا تثق بالبشير ولكنها تستخدمه ولاتحترمه مهما تذلل ومسح جوخ الملوك!

أستاذي كمال عباس ..
كلام قد أتفق معكـ في كثير من جزئياته ..
لكنه صدقني ليس هو مربط الفرس ..
وليس هو موطن الخلاف ..

Quote: ** مفارقة يوصف البشير عن بعض غلاة أتباعه وإعلامه بأسد أفريقيا ــ أسد العرب ـ والأسد أيضا حيوان وحيوان "نجس" من دون أن يثير هذا الوصف إحتجاجا من دعاة الرفق بالإنسان وعدم تشبييهه بالحيوان !

ليس في الأمر أي مفارقة ..
وأكيد لايفوت عليكـ أن الكلب والأسد ..
ليسا بنفس الصفات ..
حتى تصح المقارنة بينهما ..
أو حتى يتم الاحتجاج بهذه الحجة ..
البائنة الهشاشة ..
لأنكـ بعاليه أوضحت الفرق ..
فنسبت صفات الوضاعة للكلب ..
نعم ندين ونستنكر ماحاق بالوطن ..
من جراء تصرفات هذه الطغمة ..
لكن شتان بين هذا وذاكـ ..
وليس ثمة مايمنع ادانتنا للأمرين ..

ـــــــــــــــــــــــــــــــــــــــــــــــــ

كل عام وانت بخير استاذنا كمال عباس ..
وعام سعيد عليكـ ..

كتب الأخ جمال ود القوز.......

Quote: ليس في الأمر أي مفارقة ..وأكيد لايفوت عليكـ أن الكلب والأسد ..ليسا بنفس الصفات ..حتى تصح المقارنة بينهما ..أو حتى يتم الاحتجاج بهذه الحجة ..البائنة الهشاشة ..لأنكـ بعاليه أوضحت الفرق ..فنسبت صفات الوضاعة للكلب ..نعم ندين ونستنكر ماحاق بالوطن ..من جراء تصرفات هذه الطغمة .. لكن شتان بين هذا وذاكـ ..وليس ثمة مايمنع ادانتنا للأمرين

جيدا جدا أنت إذا لا تختلف من حيث المبدأ في تشبيه الإنسان بالحيوان ــ ولا من غيرة علي إنسانية الإنسان ـ بتشبيهه بالحيوان النجس والبهيمية ! وإنما تختلف فقط في أن يوصف البشير بالوضاعة أو بالكلب لأن الكلب وضيع ! ولا يجد غيرك حرجا بوصف البشير بالأسد لأن الأسد رفيع ! ، عمر دفع الله يري أن البشير أكثر وضاعة وخسة وغدر من الكلب وأنه أكثر ضررا علي الوطن والمواطن من أي كلب ! بل أن بعضهم إحتج علي تشبيه عمر دفع الله بإعتبار أن الكلب وفي ـ وحامي وأمين ـ لأصحابه ــ وأنه عموما لا يقتل الإنسان أو يدمرالأوطان!** حجتك وإحتجاجك ياود القوز ـ أصبح دليلا ضد منطقك وحجة عليك لا لك!** عام سعيد مع الأماني لك ولأسرتك بموفور الصحة والعافية

Quote: جيدا جدا أنت إذا لا تختلف من حيث المبدأ في تشبيه الإنسان بالحيوان ــ ولا من غيرة علي إنسانية الإنسان ـ بتشبيهه بالحيوان النجس والبهيمية ! وإنما تختلف فقط في أن يوصف البشير بالوضاعة أو بالكلب لأن الكلب وضيع ! ولا يجد غيرك حرجا بوصف البشير بالأسد لأن الأسد رفيع ! ، عمر دفع الله يري أن البشير أكثر وضاعة وخسة وغدر من الكلب وأنأكثر ضررا علي الوطن والمواطن من أي كلب ! بل أن بعضهم إحتج علي تشبيه عمر دفع الله بإعتبار أن الكلب وفي ـ وحامي وأمين ـ لأصحابه ــ وأنه عموما لا يقتل الإنسان أو يدمرالأوطان!** حجتك وإحتجاجك ياود القوز ـ أصبح دليلا ضد منطقك وحجة عليك لا لك!** عام سعيد مع الأماني لك ولأسرتك بموفور الصحة والعافية

يأخ والله دي لفة طويلة جداً يا كمال يا أخوي ..
وليتها كانت ذات فائدة أو جدوى ..
لاثبات شيئ أو دحض منطق مخالف ..
بالله عليكـ كيف تكون حجة عليّ !! ..
فهل يمكن يايراد صفة واحدة جيدة للكلب ..
أن تلغي كل صفاته السالبة !! ..
وهل يمكن أن تلغي وتمحو الصورة السالبة للكلب في الأذهان ..
ياسيدي مجرد تشبيه انسان بالكلب شي سالب جداً ..
فما بالكـ ورسمه على هيئة كلب ..
فهذا أنكى وأضل ..

بعدين الموقف ذات نفسه عليه خلاف ..
فربما تراه أنت سالباً ويراه غيركـ حسنا ..
أما تصوير أو رسم انسان على هيئة كلب ..
شي غير مقبول وغير مستساغ البتة ..
ولايصح الجدال والاحتجاج بصفة وحيدة للكلب ..
وتجاهل كل مافيه من صفات سالبة ..
للاحتجاج بذلكـ واقامتها كحجة وبيّنة ..
كون أن الكلب أمين ووفي ..
والبشير غير ذلكـ ..
ده كلام ده ياكيمو يأخ ..
الشغلة ما افحام ..
الأمر واضج وجلي ..
فما تتحرفن ساي ..
ـــــــــــــــــــــــــــــــــــــــــــ

كل سنة وانت طيب ..
ولكـ ولاسرتكـ تمنياتي بعام سعيد ..
و ...
happy new year

تحياتي أخ جمال القوز
...

Quote: بالله عليكـ كيف تكون حجة عليّ !! .. فهل يمكن يايراد صفة واحدة جيدة للكلب .. أن تلغي كل صفاته السالبة !! .. وهل يمكن أن تلغي وتمحو الصورة السالبة للكلب في الأذهان .. ياسيدي مجرد تشبيه انسان بالكلب شي سالب جداً .. فما بالكـ ورسمه على هيئة كلب .. فهذا أنكى وأضل .

دا حوار فكري في مسألة المبدأ والنسبية ماكلام ساكت!
إنت فقدت منطق المبدأ وبقيت في مسألة نسبية خاضعة للتقديرات والأذواق! كيف ؟
ياعزيزي أنا هنا لست في معرض ـ عرضحال للكلب ـ وبيان سلبياته وإيجابياته أو عرضحال للأسدــ وإنما إثبات حقيقة واضحة أن الأسد حيوان نجس والكلب حيوان نجس من هنا يصبح
الحديث عن إكرام إنسانية الإنسان وتنزيهه عن الحيوان خارج المعادلة طالما أثبت مبدأ إمكانية تشبيه الإنسان بالحيوان ! إنتهي *طالما أنت أنت لا تختلف من حيث المبدأ في تشبيه الإنسان بالحيوان ــ ولا من غيرة علي إنسانية الإنسان ـ بتشبيهه بالحيوان النجس والبهيمية فستصبح المسألة نسبية !
* موضوع أنو الكلب أكثر سوء وخسة من الأسد وسلبياته أكثر من سلبيات السبع أو العكس فهذه مسألة نسبية وخاضع لتقديرات الناس وتباريهم في تذكية الحيوان المفضل عندهم ونقد الحيوان
الغير مفضل ــ يعني قضية نسبية ماقضية مبدأ !
............ شخصيا عندي رأي المسألة دي وسبق أن كتبت عنه ولكني أتسلح بمنطق وحجة مختلفة

بس عشان كونهم الاتنين حيوانات ..
و بيتصفوا الاتنين بالنجاسة ..
كل الفروقات والصفات الباقية بينهما حتكون نسبية !!! ..
إنت عايز تدحض كل الواقع والمتعارف عليه ..
وتجعله وفق هواكـ وماترتئيه ..
الكلام ده كده ماحيكون غلاط وجدل ساي ....


ـــــــــــــــــــــــــــــــــــــــــــــــــ


كل سنة وانت طيب بازول ...

جمال ودالقوز سلام ولعلك شديد انت عارف النصيحة حارة نار بس
هكذا المعارضة الغير راشدة وربما اكثر من ذلك الخوض في أعراض الناس

Quote: جمال ودالقوز سلام ولعلك شديد انت عارف النصيحة حارة نار بس هكذا المعارضة الغير راشدة وربما اكثر من ذلك الخوض في أعراض الناس

كلام حقيقي .. يا مسلمي ..
النصيحة حارة .. وحارة جداً كمان ..
بس لي منو للزول الماعايز يركز للنصيحة ..
ولمن يسوق المبررات الواهية الهشة ..
بين يدي خطأ واضح وبيّن ..
ان اختلف عليه اثنان لأيد الثالث ..
رغم ذلكـ ما حنقدر نوجه سهام النقد للمعارضة ..
فهذا أمر لا يستقيم .. لأن الرسم ليس من انتاج المعارضة ..
بعدين المعارضة ليست على قلب رجل واحد ..
عشان نقدر توجه ليهو اللوم .. على خطأ لم تقترفه ..
غايتو اللهم الا يوم نلقى في الكاركاتير اسم جهة بعينها ..
من المعارضة حتى نقدر نوجه لتك الجهة من المعارضة اللوم ..
وليس المعارضة كلها ..
المعارضة براء من أي مجهودات فردية ..
ربما احتشدت بكثير من الذلل ..
لأنها ببساطة مجهود فردي ..
لم يحظى باجماع واتفاق المعارضة ..
ربنا يصلح حال البلد ..

كل عام وأنت بخير ..
أخونا محمد المسلمي ..

الشوام بستخدموا مصطلح (هز الذنب) كمقابل لتكسير التلج عندنا
أنا شايف مصطلحهم أبلغ

Quote: الشوام بستخدموا مصطلح (هز الذنب) كمقابل لتكسير التلج عندنا أنا شايف مصطلحهم أبلغ

الاستاذ أحمد محمد عمر

بالفعل قمة في البلاغة ..
وفي نفس الوقت يقيكـ شر التفسير ,,
الذي ربما أدخلكـ في مالايحمد عقباه ..

كل عام وانت ومن تحب بخير ..
وعام سعيد عليكم ..




ــــــــــــــــــــــــــــــــــــــــــــــــــ

تحياتي وشكري وتقديري لكل من شاركنا برأيه ..
وعام سعيد مجيد على الجميع ..

هز الذنب هو فعل الكلب عندما يحضر سيده
العبارة الشامية تشبه الشخص المتملق بالكلب الذي يهز ذنبه متمسحاً بولي نعمته
ما لا أفهمه كيف أصبحت عبارة الشوام بليغة عندك ومشكلتك في انتقاد الكاريكاتير هي ( مجرد تشبيه انسان بالكلب شي سالب جداً ..) !

يا ود القوز بعيدا عن موضوع البوست ...

شفت أعباء فتح بوست وتولي الرد على المتداخلين ومحاولة اقناعهم بوجهة نظرك حاجة متعبة كيف ؟؟؟

تحياتي ...

فالافصاح فيه من الفجاجة والخطل مافيه ..
بالذات في هكذا أمور ..
فهو لايدع لكـ مجالاً في البحث عن تفسير آخر ..
بعدين ليته وصفه .. ربما كانت اهون ..
لقد رسمه رسما ولم يدع أي مجال لتورية ( ستر ) ..
أو اشارة من بعيد ..
ففي التورية ستر وايصال للمعنى بأسلوب أكثر لطفاً ..
بعيداً عن المباشرة الفجة ..
ــــــــــــــــــــــــــــــــــــــــــ

خذلتني يأخ ..
الشغلة مامحتاجة شرح ..

Quote: يا ود القوز بعيدا عن موضوع البوست ... شفت أعباء فتح بوست وتولي الرد على المتداخلين ومحاولة اقناعهم بوجهة نظرك حاجة متعبة كيف ؟؟؟ تحياتي ...

قسم الفضيل يازول لمّاح ..
والله أنا ريدتي في الدنيا الزول اللمّاح ..
بدورو زي رويحتي دي ..
لأنه بيحسكـ من جواكـ لامن يغلبكـ ترد عليهو ..

بعيداً كيف !! ..
والله دي قريباً لامن بي غادي ...


ـــــــــــــــــــــــــــــــــــــــــــــــــــــــــ

كل عام وأنت طيب ..
يازول جميل ..

يعني إنت ما عندك مشكلة في وصف الانسان بالكلب لكن مشكلتك في طريقة إيصال هذا التوصيف ؟

Quote: يعني إنت ما عندك مشكلة في وصف الانسان بالكلب لكن مشكلتك في طريقة إيصال هذا التوصيف ؟

أنا عندي مشكلة في رسم الانسان على هيئة كلب ..
شغلة الوصف دي شغلة جانبية ..
ماتشغل نفسكـ بيها كتير ..
لأنها جات عرضا ..
ثم غرضاً ..
ــــــــــــــــــــــــــــــــــــــــــــ

بيذكرني الموقف بتاع البوست ده ..
وجرجرة النقاش لي حتة وصف وما وصف ..
بيذكرني بي الزول الراح منو قرش في حتة مضلمة جدا ً ..
فجاء يفتش في حتة فيها نور ..
عسى ولعل يلقى قرشه الراح منو ..

فحتى الوصف فيه ما فيه ..
وإن جاء مستتراً لكان اهون ..
لأن السوء ليس على درجة واحدة ..
فيه تدرج من السيء .. للأسواء .. لبالغ السوء ..

يا أبوحميد ..
كل سنة وإنت طيب يأخ ..

بالعكس يا جمال
مافي أي فرق بين المنطقتين
أنا وانت عشان ما بنعرف نرسم بنوصف بالكلمات زي هز الذنب البليغة دي
عمر لأنه عندو ملكة توصيف اسمها الرسم بخت أوصافنا دي في شكل رسومات
لما أقول عمر البشير هز ذنب لملوك الخليج دة معناهو صورته بالكلمات على هيئة كلب
كل الحاصل إنه عمر دفع الله شال مخيلتنا دي وختاها في شكل رسم

لو سألتني أنا أو أي زول الحكومة مطلعة عينه زيي عن ود البشير بقول ليك دة كلب ابن ستين كلب وناس الحكومة أولاد الكلب ديل
بالتالي يا إما ترفض توصيف الإنسان بالحيوانات بشكل كااااامل بما فيها الآيات البتقول (إن هم إلا كالأنعام) و (كمثل الحمار يحمل أسفار) يا إما توافق عليها بشكل كامل بغض النظر عن طريقة التعبير

وصف الإنسان بالحيوان قديم ومستخدم وغير مستهجن وفيه بلاغة
الكاريكاتير هو اختزال معاني كتيرة مكتوبة ومنطوقة وتلخيصها برسمة

أنا طبعاً عارفك هسة بتقول يحلني الحل بلة من الزول اللايوق دة وانا قاصد أوصلك للمرحلة دي عشان تعرف الفنان عمر دفع الله بشتغل فنه وسط حقل ألغام الانتقادات كيف

الدش الكتير ده كلو ياأبو حميد ..
مامنو أي فايدة تذكر ..
عارف ليه لأنه منطق الأشياء حين يكون واضح ..
بيصعب عليكـ إنكـ تتحايل عليهو ..
هسه بقول ليكـ وبي كلمة واحدة ..
عشان بس تعرف الفرق بين الرسم والوصف ..
أيهما أكثر بياناً ووضوحاً ..
وسفوراً وأكثر اثماً ..
وأكثر ايغالاً في الإساءه .. في منحاه الآحر ..
هسه لمن أوصف ليكـ مكان ما .. بيتنا مثلاً ...
زي لمن أرسم ليكـ البيت والشوارع المؤدية اليه وبدقه شديدة ..
أيهما أوضح .. أيهما أبين .. أيهما ......
بس ده هو منطق الأسوا .. وبالغ السوء ..
عشان كده أنا درّجت لكـ المسألة حتى في الوصف ..
وحتى في الرسم لمن يكون عالي الوضوح والدقة ..
مازي لمن يكون شخبطات لمعالم خارجية ..
كلو بيختلف عن كلو ....
أبداً مازي بعض في الايلام والسوء ..
ومن ثم في الاثم والوزر الذي يلحق بصاحبه ..
حال الخوض في هكذا مسائل ..
تخضع للتدرج في السوء ..
والسوء ليس كله درجة واحدة ..
كما تدرجات الألوان ..

أبداً يأخ أنا ما متضايق من الاخوان ومناقشتهم ..
أو من حتى من مناقشتكـ ..
للسبب الذي تتخيله ..
أبداً كل ما في الأمر ..
إنه أنا زول زمني ما كتير وممحوق شديد ..
ولمن القى وقت وأجي اتصفح النت بكون جاي راقد سلطة ..
والكلام ده غالباً بيكون مساءاً ..
فمابحب أرفع راسي من المخدة وأستعدل عشان أقدر أكتب ..
وبميل للقراية اكتر لاسباب كتيرة هذا أحدها ..
ده كل مافي الامر ...
لكن أدوات الحفر وعدة الشغل متوافرة وراقدة هبطرش ..
صدقني ..
وأكان قبلت عليكـ بخلي ريحتكـ طير طير ...
المشكلة يا أبوحميد كان إنت أو الأخوان ..
بتكاتلوا في شيء ميت وشبعان موت ..
وبترضعوا في شطر ميت ..
وعايزين تعملوا من الفسيخ شربات ..
أي والله ..
ده كلو عشان إنتو شايفين أنه البشير ده كلب وإبن ستين كلب ..
ومش يستاهل يرسمهو في هيئة كلب وبس ..
لا يجيبوهو هو ذاتو وينحتو منو كلب راسو عديل ..
ده الفهم ..
فحقو تختصروا الشغلة وتجيبوها من الآخر ..
بدل اللت والعجن القاعدين تسوو فيهو ده ..
وأهو ده حيكون منطق معقول و مقبول في آن .. وإن لم تقبله مبدئياً ..
لكن حسنته إنه بيوصلكـ راساً لنتيجة ومحصلة واضحة ..
مازي شغل اللولوة القاعدين تسووا فيهو إنت والأخوان ده ..
صدقني ده حيكون خصماً عليكـ / عليكم ..
عارف ليه لأنكم/ لأنك ..
لمن تجي تراجع نفسكـ وإنت بتدافع عن شنو ..
وكمية الاسقاطات الانت اسقطها على حكمكـ ده ..
حتزعل من نفسكـ .. لانه بيكون حكم تملأه الشوائب والاسقاطات ..
اللي في النهاية حتأثر على كم المرتكزات الجواكـ ..
وبرضو الشغلة بتبدأ بالتدريج ..
وحتلقي نفسكـ في النهاية خسران نفسكـ وربما لم تكسب من تناقشه ..
غايتو دي طريقتي في تأنيب نفسي وتقريعها في هكذا حالات ..
مابقول ليكـ أنا مابسوي شغلتكـ دي ..
لا .. ممكن أسويها ..
لكني والله ألوم نفسي بشدة إن فعلت ذلكـ ..
وكمان أنا شخصياً دقيق جداً في تصنيف الناس هنا ..
وأميل كثيراً للشخص الواضح ..
زول اللولوة مابينفع معاي ..
لأنه من الافضل إنه يجيكـ دوغري ..
يقول ليكـ كلامك صاح .. لكن أنا فهمي واحد اتنين تلاتة ..
وعمر البشير ده أنا شايفو كلب وابن ستين كلب ..
ويستاهل الضبح عكس اتجاه القبلة ..

يازول فتك بي عافية .....

الأخ جمال
صباحك سعيد .

اريد منك فقط ان تعلق على الكاريكاتيرات ادناه

Quote: إنما هو تثبيت لقيم وثوابت نراها تنسل من بين أيدينا .. ونفقدها في كل يوم عن اليوم الذي قبله .. حتى أضحى مجتمعنا كما ترين ..

السيد جمال ومناصروه بعد التحية

أيّة قيم وثوابت هذه الى تتحدثون عنها والتى حافظت عليها حكومة الدجل والإرهاب؟
تنتقدون رسماً كاريكاتوريا وتصمتون على ما يرتكب يوميا من إختطاف للطلاب والمواطنين العزل ومن قتل وتعذيب وإغتصاب يندى له الجبين!!!!!!

أدناه جزء من حوار أجرته الصحفية بجريدة الحياة اللندنيةالأستاذة عفاف زين مع الدكتور نافع على نافع بحضور وزير العدل وحضور الوزير آنذاك غازى صلاح الدين.
لقد سألت الصحفية فى معرض حوارها مع مع رئيس جهاز الأمن السابق عن الشكوى التى رفها العميد(م) محمد أحمد الريح ضد جهاز الأمن فكان ردّه كما يلى:

(( ٍوقلت للدكتور نافع اذا كان الحسين قيادة سياسية من دون جماهير، كما تقول، فما مصدر الخطر الذي تراه أجهزة الأمن اذا استقبل الرجل سفيراً زائراً أو القى خطبة في مناسبة عامة؟ هل هو خوف السلطة؟ وطرحت اسئلة أخرى عن العميد محمد احمد الريح من سلاح المظلات والمشاة الذي اعتقل في 20 أيلول سبتمبر 1991 بعد اتهامه بالاشتراك في محاولة انقلابية لاطاحة حكومة الفريق البشير، وتناقلت وسائل اعلام عدة انه تعرض للتعذيب، وبعضها ذكر انه تعرض للاغتصاب! وهو لا يزال الى الآن قيد الاعتقال. وأجاب رئيس جهاز الأمن: "العميد الريح متهم بالمشاركة في محاولة انقلابية. والقضية لم تنته بعد، وهي لدى السلطة القضائية. وما يدعيه الريح مجرد أكاذيب. وأنا أكشف لك سراً مهماً أقوله للمرة الأولى وهو ان العميد الريح شاذ جنسياً، وكل زملائه الضباط يعلمون ذلك. هو نفسه استجدى وتوسل سجانه حتى يمارس الجنس معه"!
لم أعلق بكلمة، وشهد اللقاء الوزير صلاح الدين. وختم نافع "ونسته")).........منقولا عن صحيفة الحياة الدولية!!!!
لقد تمت قراءة المقال بواسطة أسرتى وأهلى وأصدقائى ونشر على نطاق العالم!!!!!!!!!!

ضع نفسك فى مكانى وقد قرأت زوجتك وأولادك هذا المقال وقارنه بما وضح لك فى الكريكاتير الذى تنتقده!

يا عزيزى لو إنتقينا أسوأ الكلمات والقبح فى جميع معاجم العالم فلن نوفى الإنقاذ والأخوان المظلمين حقهم من الشتم والإساءة!

الذين يدافعون عن حكومة الإخوان المظلمين وينتقدون العمل الكريكاتورى لم يعتقلوا ولم يعذبوا ولم تنتهك حرماتهم وتصادر ممتلكاتهم ويساؤا فى أعراضهم وشرفهم!

أتركوا عمر دفع الله فإن ملايين الكاريكاتيرات لن تفشّ الغبائن!!!!!!!!!!!!!!!!!!!!!!!!! وحسبنا الله ونعم الوكيل .............مع جزيل شكرى وتقديرى

Quote: الأخ جمال صباحك سعيد . اريد منك فقط ان تعلق على الكاريكاتيرات ادناه

صباحكـ سعيد ..
وجمعة مباركة ..
أستاذنا عمر دفع الله ..


ما أظن ايراد سوابق للمسألة محل النقاش ..
ممكن يدعم اتجاه إعادة تدوير الامر دون غضاضة ..
لأنه دي ماقاعدة ..



ـــــــــــــــــــــــــــــــــــــــــــ

عموماً نحن هدفنا شيء واحد ..
إيصال النقد المراد للحكومة أو لغيرها ..
دون عبور الكثير من الخطوط الحمراء ..
وهنا تكمن عبقرية الكاركاتيرست ..

تسلم كتير وعامكـ سعيد ..
احترامي وتقديري لكـ ..

أستاذنا محمد أحمد الريح ..
عام سعيد عليكـ ..

قرأت مرافعتكـ بعاليه ..
بحب أقول ليكـ شيء واحد بس ..
أنا لست من مناصري النظام ..
ولا أدافع عنه ..
ولا انتقادي لعمل أستاذنا عمر ..
بنيته على حمية الدفاع عن النظام ..
فهو نظام مجرم وقاتل ..
أفقر البلاد والعباد ..

ياشباب بما إنه الكاركتير محل النقاش تم رفعه ..
لا أرى أى داعي لاستمرار هذا البوست ..
رغم إنه الكاركتير الجديد ليس بأفضل حالاً من سابقه ..
لكن أنا بقول لا تعليق ...

شكري الجزيل لأستاذنا وحبيبنا عمر دفع الله ..
لسعة صدره ولتحمله لنا .. وتكبده مشاق مناقشة الامر معنا ..
بصدر مفتوح .. ودي ضريبة إنكـ تكون شخصية عامة ..
فأكيد حتوجه لكـ سهام النقد حيناً ..
والإشادة أحيان أخر ..

دمتم وعام سعيد على الجميع ....

سلامات جمال
حاولت أفهم المزعلك شنو في مداخلتي لكن غلبني والله
وما فهمت ياتو شغلانة الانا سويتها وحتزعلني من نفسي دي
ولا عرفت اللولوة وين .. وكل كلامك عني بقول ليك دي وجهة نظرك وانت حر فيها ويمكن أنا ما قدرت أقدم نفسي بي صورة مفهومة .. بس حتة اللولوة دي بالذات ما بتليق علي نهائياً .. أنا أزعم إنه لا يوجد في الكون من هو أوضح مني
لكن هسة خلينا في فكرتك
في وسط انفعالك وزعلتك دي قلت

Quote: وعمر البشير ده أنا شايفو كلب وابن ستين كلب .. ويستاهل الضبح عكس اتجاه القبلة ..

ما عرفت كلامك دة سخرية ولا حقيقة
إذا كان حقيقة فإنت بتناقض نفسك لأنه الحاصل في الكاريكاتير هو نفس كلامك دة
وإذا كان سخرية برجع ليك تاني للآيات البوصف فيها ربنا الناس بالحيوانات
بل وكمان كمية الكاريكاتيرات اللي جابوها ليك بتعمل نفس الشئ برضو ما اقنعتك !!
يبدو لي إنه إنت عندك مشكلة مع استخدام الكاريكاتير نفسه موش مع التشبيه بالحيوان

أبداً يا أبوحميد ..
الله لاجاب زعل يأخ ..
إختلاف وجهات النظر ..
بالتأكيد لن تُفسد الود بيننا ..
ففي النهاية نحن ناس أخوان ..
ولكل واحد منا وجهة نظره ..
وزاوية مختلفة ينظر بها للأمور ..
سعدت كتير بمحاورتكـ ..

تسلم كتير ياخ ..

عاين يا جمال .. ما تقفلني
وحاة الله ما بنقفل

بوستيك دة نموذج لأزمة اجتاحت سودانيز اونلاين مؤخراً وهي محاربة الفنون بغير أدوات الفنون
زي محمد جلال الدين ولا منو هو داك العمل بوست قال الموافق على فيديو تروس يصور لينا حمام بيتهم
لو كان سأل السؤال الصحيح مفروض يقول الموافق على فيديو تروس يجيب لينا أفلام ودراما عالمية بتعرض حمامات
لكن لأنه ما مهتم بالفن أساساً واهتمامه منصب على التقييم الأخلاقي لشخص الممثل بعيداً عن نوع العمل دة كان اتجاهه

إنت برضو مشيت لتجريم أخلاقي لعمل فني وانتقدت الفن بغير أدوات الفن وحتى تقييمك الأخلاقي كان ناقص لأنه لو سلمنا بيه حنجرم القرآن
في الفترة الأخيرة انتشرت الظاهرة دي .. مع كل كاريكاتير لي عمر تجوط بوستات المصلحين الاجتماعيين
البوستات التانية ما دخلتها ولا ممكن أدخلها لأنه ما بحب أهبل بي روحي .. لكن انت كجمال القوز لغتك في الحوار بتعجبني عشان كدة دخلت وفرشت مرتبتي وجبت معاي فرشة ومعجون

فدحين اخد راحتك انت وما ضروري ترد علي لكن متى ما لقيت زمن حأجي أقول رأيي في مشانق الفنانين على المنبر جوة البوست دة

Quote: أستاذنا محمد أحمد الريح ..عام سعيد عليكـ ..قرأت مرافعتكـ بعاليه ..بحب أقول ليكـ شيء واحد بس ..أنا لست من مناصري النظام ..ولا أدافع عنه ..ولا انتقادي لعمل أستاذنا عمر ..بنيته على حمية الدفاع عن النظام ..فهو نظام مجرم وقاتل ..أفقر البلاد والعباد---------------------------السيد جمالأشكرك على الرد ولكن ألا ترى أن الكاريكاتير اجمل من ما ورد فى مداخلتى التى لم تعلّق عليها؟؟؟؟ وهل كنت ستنتقد الكاريكاتير إذا قيل ما ذكرت فى مداخلتى فى شخصك أو فى قريب لك؟

---

Post: #86 Title: Re: معقول الكلام ده ... Author: جمال ود القوز Date: 01-08-2016, 09:17 PM Parent: #84 يا أبوحميد .. أشكر لكـ حسن ظنكـ .. وممتن كتير لاطرائكـ .. والعفو مافي قفل ولا حاجة .. كل مافي الامر اني شفت النقاش وصل لحلقة دائرية مفرغة .. والمواصلة فيه تعتبر بالنسبة لي مضيعة للوقت .. كونكـ متشبث بوجهة نظركـ .. وأنا كذلكـ .. ده كل مافي الأمر .. طيب في الأول لازم نثبت نقطة مهمة جداً لأنه حينبني عليها كل كلامي .. وإنبنى عليها كلامي ووجهة نظري آنفاً كذلكـ .. خلا فرضية الوصف والتشبية التي جاءت لاحقاً وأشكلت على الجميع أيما اشكال .. وانا نبهت انها جاءت لاحقاً كفتح ثغرة وأتت غرضا ليس إلا .. هل كونكـ تصف وتشبه إنسان أوحاله بحيوان أو بالأنعام كما ذكر القرآن .. هل الأمر ده حيختلف لمن تجي ترسمه على صورة وهيئة حيوان أو كلب ؟ .. وهل حتقدر تستند على حجيتكـ في الاستشهاد بالآيات المذكورة بعاليه .. أم الوضع سيختلف ..؟ ولاّ إنت شايف إنه مافي فرق بين الوصف والتشبية وتشبيه الحال لانسان بحيوان وكلب .. وبين رسمه على تلكـ الهيئة ويمكنكـ في كلا الحالتين الاستشهاد بالآيات الوارده .. هل الأمر بالنسبة لكـ سيان ؟.. طبعاً ده كان جوهر اعتراضي بادئ ذي بدء ..لأني أرى أنهم مختلفان جداً .. فشغلة الوصف أصلاً لم تكن موضوع البوست ولا مبتدأ النقاش .. لانه اصلاً مافي وصف في الكاركتير محل النقاش .. الأمر كان عبارة عن رسم لانسان على هيئة وصورة كلب .. هل إنت ليس لديكـ اعتراض في رسم إنسان على صورة كلب في كاركتير ؟ .. وهل إنت شايف إنه مافي أي محاذير تدعوكـ لان تحجم عن فعل هذا الامر ؟ .. وهل إنت بتعتقد أنه سقف الفنون يفترض إنه يكون مفتوح بلا عقبات أياً كانت .. مهما كانت مبادئ عامة .. قيم أخلاقية .. قيم سماوية .. قيم إنسانية .. وهل معايير الفن المطلقة هذه لايجب لها أن تتفق ومبادئنا وثوابتنا العامة ؟ .. ويجب علينا إن ندعها جانباً لنستخدم معايير الفن الخاصة .. الأكيد حتكون بديهياً مختلفة ولاتتفق وقيمنا وثوابتنا .. لانها جوّزت أمر قد يخالف بعض القيم والثوابت والمرتكزات .. طبعاً لابد لي من اصطحاب نظرة البعض للفن أو للفنون بوجه أعم .. ومن إنه حتى تصل في الفن لمراحل الابداع المتقدمه .. يجب عليكـ إن لا تستسلم للمسلمات والمحاذير والثوابت .. ( دينية ــ أخلاقية ــ إنسانية ) .. وأن لاتلقي لها بالا لأنكـ إن فعلت ذلك لجاء الابداع منقوصاً .. فهذه المحاذير بلا شكـ ستشكل عقبة ومانع يصل بهذا الفن .. الى مراحل الابداع المرجوه .. هل انت بتعتقد بصحة هذه الفرضية ؟ .. وهل بتعتقد إنه القيم السماوية والأخلاقية عدو للفن .. وإنها بتحد من تقدمه وتطوره لأنها وقفت كعائق أمامه .. وماهي الطريقة المثلى للوصول بالفن الى مراحل الابداع .. دون ان نفقد أياً من ثوابتنا الدينية والاخلاقية .. وهل بتشوف انه هذا الامر يشكل مقصلة للفن .. وبيئة غير ملائمة تعيق تقدمه وتقف عقبة في وجه المبدعين .. هل حكمكـ إن جاء بهذه الكيفية .. هل فيه اسقاط لحوادث مماثلة كهدم طالبان للتماثيل .. وكشنق الشاعر من أجل قصيدة في العراق .. وحتى وقوف الكنيسة في عصور سابقة ضد الفنون .. ومحاكمتها للفن والفنانيين .. هل هناكـ اسقاطات على هذه الشاكلة ؟ .. دمت ....

---

Post: #87 Title: Re: معقول الكلام ده ... Author: جمال ود القوز Date: 01-08-2016, 09:35 PM Parent: #86 Quote: لسيد جمال أشكرك على الرد ولكن ألا ترى أن الكاريكاتير اجمل من ما ورد فى مداخلتى التى لم تعلّق عليها؟؟؟؟ أستاذنا محمد أحمد الريح .. والله تجدني جد آسف إن كنت قد فهمت ان عدم تعليقي على المداخلة تجاهل لكـ .. وجهات النظر في الكاركتير قد تختلف .. وكلُ له وجهة نظر تخصه .. فانت تراه حسنا .. ربما غيركـ رآه غير ذلكـ .. تختلف الآراء وتبقى المودة والاحترام .. تقديري وشكري الجزيل لكـ ..

---

Post: #88 Title: Re: معقول الكلام ده ... Author: أحمد محمد عمر Date: 01-08-2016, 11:51 PM Parent: #87 سلامات يا جمال نعم جميع ما ذكرت من اسقاطات حاضرة عندي وأرى البوست تبعك والبوستات المشابهة عبارة عن مقصلة للفن ونقد هدّام كونه أتى بغير أدوات الفن الفرق الشاسع بين وجهة نظري ووجهتك انت بتعتبر حتة الوصف جات عرضاً بينما أنا بعتبر إنها الأصل ما عارف شنو الفرق الإنت شايفو بين واحد يقول ليك انت حيوان وواحد يرسمك في شكل حيوان !! في الحالين انت حيوان وعليك التعامل مع حيونتك كأمر واقع ترفضها أو تقبلها دة موضوع آخر عشان كدة أنا سألتك ما إذا كان عندك مشكلة مع الكاريكاتير بشكل عام ! يعني هل بترفض الرسم نفسه ؟ وشنو المعيار البخلي لفظ يا جزمة مقبول عندك بينما رسمك في شكل جزمة ما مقبول دة أس القضية هنا في رأيي الكاريكاتير دة تمثيل فني لواقع أو رؤية مستمدة من الواقع .. رفض الواقع بالكامل مبرر عندي .. يعني مثلاً كاريكاتير يمجد إرهابي برفضو كواقع موش كرسمة بس كونك تقبل الواقع وترفض تمثيل الواقع دة هي المعضلة البتخلي موقفك عندي متناقض وموقفي عندك ما واضح دة رد على تعليقك وممكن توضح وجهة نظرك إذا بتريد باقي مداخلتك حأتكلم عنه بصورة عامة بالإضافة للتعبير عن امتعاضي العام من مشانق الفنانين في مداخلات جاية كان الله هوّن وما ضروري ترد أنا زي السمعتك قلت لي البوست بوستيك وأخدت راحتي فما تنشغل بي كتير إلا إذا كان عندك الرغبة في التداخل .. لكن ما تعتبرني واقف ليك في الزرارة الأخيرة أو بزرزر فيك وكدة