دعتني الصديقة امتثال , الفنانة والذواقة للفن بمختلف انواعه لزيارة محطة انفاق قطارات في مدينة نيويورك وتقع المحطة في مركز فلتون Fulton Center في منهاتن .. وفعلا ذهبنا ووجدنا المحطة عبارة عن تحفة فنية رائعة ام نشاهد مثلها من قبل .. وساحاول عرض المزيد من الصور لتلك المحطة الرائعة ... ويا ناس نيويورك اذا ما شفتو المحطة دي زوروها مخصوص فهي تستاهل الزيارة لانها بقت معلم من معالم نيويورك.. وانا قصدت اعرض المحطة دي بالذات بس عشان نوري الناس وصلت للتطور التكنلوجي لاي درجة .. ونحن لا نزال نلهث وراء البصات المكتظة والوقوف بالساعات لاجل الحصول على مقعد والتنقل داخل العاصمة الخرطوم... وعشان انا عارفة في واحد حيحي يقول لي .. ونحن نستفيد شنو من عرض صور المحطة!!!( وجه ضاحك).. ودمتم بالف خير وصحة وعافية...
Post: #2 Title: Re: محطة قطا رات انفاق في نيويورك تحفة فنية ر Author: Basamat Alsheikh Date: 01-04-2016, 05:39 PM Parent: #1
فشلت في انزال الصورة الأولى.. برالمة في التكنلوجيا .. وسنحاول مرة أخرى... نتوقع من الخبراء انزال صور محطة فلتون سنتر استيشن Fulton Center Subway station in New York city ودمتم بالف خير وصحة وعافية
Post: #3 Title: Re: محطة قطا رات انفاق في نيويورك تحفة فنية ر Author: Basamat Alsheikh Date: 01-04-2016, 06:36 PM Parent: #2
Post: #4 Title: Re: محطة قطا رات انفاق في نيويورك تحفة فنية ر Author: Abureesh Date: 01-04-2016, 06:47 PM Parent: #3
ههههههه
ما بطالة..
طيب ما دام وصلتم فلتون سنتر ما كنتم قريبين من مركز التجارة العالمى بعد بنوه من جديد.. كان تمشى هناك وتشوفى محطة المترو الجديدة عشان تأامنى. لو لقيت فرصـة اليوم اجيب ليكم صور منه. لكنى عادة اطلع في تايمز اسكوير ما قاعد انزل جنوب مانهاتن كتير.
Post: #5 Title: Re: محطة قطا رات انفاق في نيويورك تحفة فنية ر Author: عبد المنعم سيد احمد Date: 01-04-2016, 06:54 PM Parent: #3
Post: #6 Title: Re: محطة قطا رات انفاق في نيويورك تحفة فنية ر Author: Mohamed Yassin Khalifa Date: 01-04-2016, 07:55 PM Parent: #5
الإعجاز العلمي يا بسمات بيتمثل في إنجاز هذة المحطة دون أيقاف حركة القطارات التي تنقل ملايين البشر عبر هذه المحطة الحيوية!
بدأ العمل فيها عقب أحداث سبتمبر وتأخر إفتتاحها من 2007 للعام الماضي.. وبصراحة هي كبيرة والواحد عشان يخرج أو يغير القطر لازم يمشي مشوار.
والمحطة دي كلفت دافع الضرائب 1.4 بليون دولار.. وزات من قيمة تذكرة القطار!
أنا من عشاق الكلاسيكية الموجودة في الـ Grand Central العريقة!
Post: #7 Title: Re: محطة قطا رات انفاق في نيويورك تحفة فنية ر Author: علاء سيداحمد Date: 01-04-2016, 09:09 PM Parent: #6
تحياتى استاذه بسمات الصور كثيرة جدا لكن ساختار بعضا منها :
Post: #8 Title: Re: محطة قطا رات انفاق في نيويورك تحفة فنية ر Author: tabaldy Date: 01-04-2016, 09:10 PM Parent: #6
تحياتي
صحف الخرطوم اليوم في واحد من العناوين العريضة أبرز تبرير الوالي لزحمة المواصلات وقال وقت الذروة بكون عدد المتنقلين في العاصمة اربعة ملايين راكب
ما عارف لقى زمن وقعد حسبهم متين بس اربعة ملايين كتيرة
Post: #9 Title: Re: محطة قطا رات انفاق في نيويورك تحفة فنية ر Author: Basamat Alsheikh Date: 01-04-2016, 09:16 PM Parent: #8
ودي محطة قطارات الانفاق في قراند سنترال.. واظن ان هذه المحطة هي اكبر محطة قطارات انفاق في العالم... ودمت بالف خير وصحة وعافية
Post: #11 Title: Re: محطة قطا رات انفاق في نيويورك تحفة فنية ر Author: Basamat Alsheikh Date: 01-04-2016, 09:22 PM Parent: #9
علاء سيد احمد شكرا كتير للصور الرائعة ودمت بالف خير وصحة وعافية
Post: #10 Title: Re: محطة قطا رات انفاق في نيويورك تحفة فنية ر Author: علاء سيداحمد Date: 01-04-2016, 09:21 PM Parent: #8
Post: #12 Title: Re: محطة قطا رات انفاق في نيويورك تحفة فنية ر Author: علاء سيداحمد Date: 01-04-2016, 09:33 PM Parent: #10
Post: #13 Title: Re: محطة قطا رات انفاق في نيويورك تحفة فنية ر Author: علاء سيداحمد Date: 01-04-2016, 09:36 PM Parent: #12
Post: #14 Title: Re: محطة قطا رات انفاق في نيويورك تحفة فنية ر Author: Basamat Alsheikh Date: 01-04-2016, 09:45 PM Parent: #13
عبد المنعم سيد احمد جمال الألوان واللوحات الرائعة بنشوفها دائما في اللوحات الانيقة البتنزلها انت في المنبر العام.. وشكرا للمرور والتعليق ودمت بالف خير وصحة وعافية
Post: #15 Title: Re: محطة قطا رات انفاق في نيويورك تحفة فنية ر Author: Basamat Alsheikh Date: 01-04-2016, 10:04 PM Parent: #14
تبلدي
شكرا للمرور والتعليق... نحن بنسمع ان عدد سكان الخرطوم 3 مليون نسمة... كيف حيكون عدد المتنقلين يوميا 4 مليون.. لكن اذا كان ناس الجزيرة وناس عطبرة بيجو يشتغلوا في الخرطوم بالنهار وبيرجعوا يبيتوا في بيوتهم بالليل يمكن العدد يكون صحيح ، وخاصة ونحن بنسمع ان القطارات السريعة كسرعة الصوت بتقطع المسافة من عطبرة للخرطوم في اقل من ساعتين.. يعني ممكن يصلوا بيوتهم في عطبرة اسرع من الناس الساكنين في الصحافة والشجرة والكلاكلة في الخرطوم لانهم بيصلوا منازلهم من قلب الخرطوم في اكثر من ساعتين.. ودمت بالف خير وصحة وعافية
Post: #16 Title: Re: محطة قطا رات انفاق في نيويورك تحفة فنية ر Author: مني عمسيب Date: 01-04-2016, 10:09 PM Parent: #15
بسوسة ... سلام يا القمحة ..
وسنة سعيدة ..
اريتا محطة السودان بعد الحالة دي ... وفعلآ تحفة ربنا يهنيكم جميعآ بهذه الروعة والرفاهية البتستاهلوها ..
ومشكورة علي كل هذا الابداع .
Post: #17 Title: Re: محطة قطا رات انفاق في نيويورك تحفة فنية ر Author: معاوية المدير Date: 01-04-2016, 10:41 PM Parent: #16
بسمات، يا بِت حِلتنا سلآمات .
فلتون دي نضفوها ناس عمّك سراج وهاج، كانت في الماضي بؤرة للإجرام ...
Post: #18 Title: Re: محطة قطا رات انفاق في نيويورك تحفة فنية ر Author: Basamat Alsheikh Date: 01-05-2016, 03:12 AM Parent: #17
ود حلتنا ود المدير سالت الخبراء في حقيقة ان مركز فلتون كان وكر للاجرام زمان ..وقالوا ان حي فلتون الكان مليان اجرام هو حي في بروكلين. لكن مركز فلتون البيوجد فيه محطة قطارات الانفاق مكانه هنا في منهاتن...downtown manhattan ...وبعدين منو سراج وهاج ده؟ هل كان عمدة نيويورك....لان امتثال بتقول ان اشهر عمدتين لنيويورك نضفوا المدينة من الاجرام والمجرمين هما جولياني وبلومبيرج... وبالمناسبة نسبة الاجرام في نيويورك بقت قليلة جدا ...في الاحياء الاربعة وهي بروكلين وكوينز وبرونكس واستيتان ايلاند....اما الحي الخامس وهو منهاتن فنسبة الاجرام صفر في الميه....وعشان كده اخترنا نسكن في منهاتن قريب من الجامعة.. على الرغم من الجامعة في حي كان زمان مشهور بالاجرام والمجرمين وهو حي هارلم الشهير ..لكن الان اصبح حي مسالم ومقر لدور العلم والجامعات....وايضا مقر لمكتب الرئيس الامريكي السابق بيل كلينتون.....وعادي جدا تشوف الرئيس كلينتون وهو يتمشى في شارع ١٢٥ في هارلم ويتونس مع الناس في الشارع... ودمت بالف خير
Post: #19 Title: Re: محطة قطا رات انفاق في نيويورك تحفة فنية ر Author: معاوية المدير Date: 01-05-2016, 04:19 AM Parent: #18
Quote: ود حلتنا ود المدير سالت الخبراء في حقيقة ان مركز فلتون كان وكر للاجرام زمان ..وقالوا ان حي فلتون الكان مليان اجرام هو حي في بروكلين. لكن مركز فلتون البيوجد فيه محطة قطارات الانفاق مكانه هنا في منهاتن...downtown manhattan ...وبعدين منو سراج وهاج ده؟ هل كان عمدة نيويورك....لان امتثال بتقول ان اشهر عمدتين لنيويورك نضفوا المدينة من الاجرام والمجرمين هما جولياني وبلومبيرج... وبالمناسبة نسبة الاجرام في نيويورك بقت قليلة جدا ...في الاحياء الاربعة وهي بروكلين وكوينز وبرونكس واستيتان ايلاند....اما الحي الخامس وهو منهاتن فنسبة الاجرام صفر في الميه....وعشان كده اخترنا نسكن في منهاتن قريب من الجامعة.. على الرغم من الجامعة في حي كان زمان مشهور بالاجرام والمجرمين وهو حي هارلم الشهير ..لكن الان اصبح حي مسالم ومقر لدور العلم والجامعات....وايضا مقر لمكتب الرئيس الامريكي السابق بيل كلينتون.....وعادي جدا تشوف الرئيس كلينتون وهو يتمشى في شارع ١٢٥ في هارلم ويتونس مع الناس في الشارع... ودمت بالف خير
يا بسمات انا كنت ساكن في منهاتن، وكنت بفتكر إنو المحطة دي في بروكلن عشان كدا كنت قاصد بفلتون الحي الفي بروكلن . سراج وهاج ساعد في نظافة اخطر نقطة في هذا الحي قبل ظهور جولياني، وكانوا الناس فيها من الزاهدين لكن بعد شغل سراج وهاج اصبحت تعد وآحدة من اغلى المناطق في بروكلن علي ما اعتقد .
قلتِ لي سراج وهاج منو ؟، الليلة يا بسمات كان ما اديتك السهر ابقى ما ود اتبرا . كدي باري الرآبط دا : http://sudaneseonline.com/board/330/msg/1301589598.html الفديوهات حا تلقيها ما ظاهرة، فعليك باليوتيوب . دوماً يعاودني الحنين إلي نيويورك وسأزورها متى ما سنحت لي الفرصة إن شاء الله . حاولي تزوري سراج وهاج يا بسمات فالرجل موسوعة في كل شئ، ويستحق الزيارة وانا متأكد سوف يكون لك معه شأن ...
Post: #20 Title: Re: محطة قطا رات انفاق في نيويورك تحفة فنية ر Author: ياسر السر Date: 01-05-2016, 07:25 AM Parent: #19
الفضلى بسمات بت عمي عبد الرحيم المحطة دي كان مفروض يكتبو فيها قطار الشوق متين ترحل تودينا لانو ده ابداع ما بعدو ,, انتي متأكده المحطة دي محطة قطار ؟؟ غايتو انا شاكي لي هسة ما مصدق ,, وزي ما قالت الاخت الفلي منى بت خالتي نفيسه تستاااهلو كل هذا الجمال لانكم جميلي الدواخل ,,, وربنا يزيدكم في نعيمو كمان وكمان ,,, على العموم كل ما تمشي محل جميل زي ده اشركينا معاك في المشاهدة عشان نقول كان ما متنا شقينا المقابر ولا شنو ,, غايتو الله يودينا البلد داك ويا ربي متين نشوف نيويورك ؟ وتقبلي سلامي واحترامي ,,
تحياتي : ياسر العيلفون ....
Post: #21 Title: Re: محطة قطا رات انفاق في نيويورك تحفة فنية ر Author: أيمن محمود Date: 01-05-2016, 07:39 AM Parent: #20
اقترح الاطلاع على محطة قطارات انفاق موسكو
Post: #22 Title: Re: محطة قطا رات انفاق في نيويورك تحفة فنية ر Author: مدثر صديق Date: 01-05-2016, 09:17 AM Parent: #21
سلام بسمات
عندما ههمت ان اكتب مداخلتى عن مرو موسكو وجدت الاخ ايمن محمود قد سبقنا اعتقد انو مقارنة الافضل ان تكون بين الانداد هههههه
صور لمترو موسكو (مصنف لدى البعض بانه الاجمل في العالم)
Post: #23 Title: Re: محطة قطا رات انفاق في نيويورك تحفة فنية ر Author: elhilayla Date: 01-05-2016, 10:52 AM Parent: #22
بت الشيخ اليابان أيضاً من البلدان التي خطا أهلها بعيداً في هذا المجال ولكن لا بد من خلع القبعات للأمريكان لتقبلهم التحدي والخروج بمشروع يفتخر به ليس أهل البلد فحسب بل كل الإنسانية نظراً لمجابهة التحديات التي واجهت مشروعهم في خضم المشاريع العبقرية يخرج علينا السيد عبدالرحيم ليقول: في ساعةالذروة يصل سكان العاصمة لأربعة مليون كما أفاد الأخ تبلدي تحية لك وزوارك ______ الحليلة
Post: #24 Title: Re: محطة قطا رات انفاق في نيويورك تحفة فنية ر Author: جمال الدين عبيد Date: 01-05-2016, 11:23 AM Parent: #23
مباني ضخمة وجميلة الالوان واكثر ما شدني هو نظافة المكان برغم كثره عدد الاشخاص
شكرا الاخت بسمات والاخ علاء على هذه الصورة لكي نعرف شيىء عن الدولة العظمة امريكا
Post: #25 Title: Re: محطة قطا رات انفاق في نيويورك تحفة فنية ر Author: علي عبدالوهاب عثمان Date: 01-05-2016, 01:25 PM Parent: #24
التحية للاستاذة يسمات ،، تغطية رائعة والتحية للاخ علاء أتخيل الخرطوم بعد الف سنة من اليوم ..
تحياتي
Post: #26 Title: Re: محطة قطا رات انفاق في نيويورك تحفة فنية ر Author: عمر عثمان Date: 01-05-2016, 01:49 PM Parent: #25
بوست جميل ومميز
شبعنا ساس يسوس
Post: #27 Title: Re: محطة قطا رات انفاق في نيويورك تحفة فنية ر Author: Muhib Date: 01-05-2016, 02:28 PM Parent: #26
في الولايات المتحده هنالك فكره بسيطه وراء بيناء المباني والمناشئ العامه مثل المطارات ومحطات الانفاق وايضا محطات البصات الفكره ببساطه هي البساطه والبناء باقل تكليف لدافع الضرائب وليس المنافسه مع دوله اخري او ابهار الاخرين المطارات الامريكيه ومحطات الانفاق في غايه البساطه ويسهل التجول فيها لان المعلومه موجوده .. كنت في المترو في دبي وكان في بذخ واضح وايضا مطار دبي ...الولايات المتحده متفوقه علي العالم لان الافكار مبنيه علي التواضع وهذا التواضع صنع الجمال باقل تكاليف شكرا بسمات ...
Post: #28 Title: Re: محطة قطا رات انفاق في نيويورك تحفة فنية ر Author: علي عبدالوهاب عثمان Date: 01-05-2016, 06:09 PM Parent: #27
Quote: في الولايات المتحده هنالك فكره بسيطه وراء بيناء المباني والمناشئ العامه مثل المطارات ومحطات الانفاق وايضا محطات البصات الفكره ببساطه هي البساطه والبناء باقل تكليف لدافع الضرائب وليس المنافسه مع دوله اخري او ابهار الاخرين المطارات الامريكيه ومحطات الانفاق في غايه البساطه ويسهل التجول فيها لان المعلومه موجوده .. كنت في المترو في دبي وكان في بذخ واضح وايضا مطار دبي ...الولايات المتحده متفوقه علي العالم لان الافكار مبنيه علي التواضع وهذا التواضع صنع الجمال باقل تكاليف
يا سلام حبيبنا محب .. كلام في محله لقد عبرت عني .. لدينا في الشرق عقدة ( أكبر ، أطول ، أوسع .. إلخ ) تفاخر أجوف ..
شكراً .. مداخلة رائعة ..
مع التحية للاستاذة بسمات
Post: #29 Title: Re: محطة قطا رات انفاق في نيويورك تحفة فنية ر Author: Basamat Alsheikh Date: 01-05-2016, 10:00 PM Parent: #28
عزيزي الفاضل ود عطبرة البار ود المدير... اثبت انك ود عطبرة اصيل... ساهرت ومعي الصديقة اميرة بت السيد مع الامام سراج وهاج ... فبعد ان اعطيتها الورقة التي سطرها الزميل الحبيب أسامة الامام كي نخرجها من عزلتها .. طلبت منها ان نجلس معا ونستمع للشيخ سراج وهاج .... ووجدناه فعلا سراجا وهاجا.... كلماته تدخل القلب ويزيد في الايمانيات .. وانا اختلس النظرات لعيون الاميرة وجدتها مندمجة في المحاضرة ... ومثلما كانت لكلمات أسامة الامام تاثير كبير في خروج الاميرة من عزلتها التي فرضتها على نفسها كان أيضا للشيخ سراج وهاج اثر نفسي كبير لمسح كل السلبيات التي كانت تتحدث عنها خلال عزلتها.... وحاولت ان ترد في نهاية البوست المعنون" احبك في الله امام سراج وهاج.." وجدت انه لا يمكن الرد لان الموضوع في الأرشيف.. ونحن نستغرب لماذا لم تنقل هذا الموضوع الشيق دائما ليكون في الواجهة.... وعندما وجدنا الاميرة متأثرة بمحاضرات الشيخ ... داعبناها وقلنا ليها اوعك تبقي شيخة ... وكمان تنضمي لجبهة الإنقاذ.... وردت وقالت الكثير.. ونرجو ان نعود لردودها عندما تعود الاميرة للكتابة بعد فترة النقاهة.. لانها ناوية تحكي نجربتها بالكامل.. وشكرا لك على كل شيء... وسنعود لاحقا لهذا الموضوع ... مع الاقتباسات اللازمة... ودمت بالف خير وصحة وعافية
Post: #30 Title: Re: محطة قطا رات انفاق في نيويورك تحفة فنية ر Author: اميرة السيد Date: 01-06-2016, 10:37 PM Parent: #29
شكرا معاوية ود المدير على هذا البوست المنير الذي شد انتباهي .. وساهرت مع بت حلتكم بسمات بت الشيخ عبد الرحيم والتي اذا وضعتها في الجرح يطيب... وكلام هذا الشيخ كلام طيب جدا ويرخي الاعصاب.. والله يديك الصحة والعافية
Post: #31 Title: Re: محطة قطا رات انفاق في نيويورك تحفة فنية ر Author: معاوية المدير Date: 01-07-2016, 10:30 AM Parent: #30
Quote: شكرا معاوية ود المدير على هذا البوست المنير الذي شد انتباهي .. وساهرت مع بت حلتكم بسمات بت الشيخ عبد الرحيم والتي اذا وضعتها في الجرح يطيب... وكلام هذا الشيخ كلام طيب جدا ويرخي الاعصاب.. والله يديك الصحة والعافية
اميرة يا اميرة، أسأل الله ان يكللك بإكليل الصحة والعافية . سراج وهاج يا اميرة إنسان جميل جداً، بعد تركت امريكا ورحلت لكندا كان سراج كثير الزيارات لكندا بغرض إقامة حفلآت خيرية لبناء المنشأءت الإسلآمية من مساجد ومدارس وغيرها، وكنت حريص جداً ان ألتقيه في كل زيارة، وكان يفرح جداً عندما يرانا، فسراج يحب السودان ويحب السودانيين، وله حكاوي جميلة عن السودان والسودانيين . هذا الرجل عجيب جداً وغريب !، هذا السراج الوهاج يجمع الدولارآت بالملآيين للأعمال الخيرية، وآخر خبر سمعته عنه كانوا عاملين ليهو حملة تبرعات في الإنترنت لإجراء عملية جراحية !، ايّ والله . غير حبه للناس وحب الناس له مكانته كبيرة جداً بالنسبة للحكومة الأمريكية، ودائماً الحكومة تدعوه للبيت الأبيض والكونجرس، لكن برغم كل هذا سراج إنسان عادي ومتواضع لجميع الناس محبوب من غير المسلمين قبل المسلمين . بالمناسبة هو لآعب كرة سلة ماهر جداً، زي ما قلت لبسمات يا اميرة بقولك، يا ريت تمشن بروكلن تزورن هذا الرجل النظيف العفيف .
ألف سلآمة ليك يا اميرة، وألف مرحب بعودتك لنا ...
Post: #32 Title: Re: محطة قطا رات انفاق في نيويورك تحفة فنية ر Author: Basamat Alsheikh Date: 01-09-2016, 04:28 AM Parent: #31
سنزور الشيخ بعد عودة اميرة بت مصطفى من كاليفورنيا ..فقد ودعناها قبل ساعة في المطار وهي ستغيب فترة قصيرة مع شقيقتها في فترة نقاهة هناك... وبعدين انت المصحيك لغاية هسع شنو والساعة عشرة ونص بالليل ولسع بتكتب ..طيب نحن في مدينة اسمها المدينة التي لا تنام..وانتو ناس كندا مالكم..لاننا بنسمع ان المدن الكندية بتنوم الساعة تسعة مساء... ودمت بخير وصحة وعافية
Post: #33 Title: Re: محطة قطا رات انفاق في نيويورك تحفة فنية ر Author: معاوية المدير Date: 01-09-2016, 04:47 AM Parent: #32
Quote: وبعدين انت المصحيك لغاية هسع شنو والساعة عشرة ونص بالليل ولسع بتكتب ..طيب نحن في مدينة اسمها المدينة التي لا تنام..وانتو ناس كندا مالكم..لاننا بنسمع ان المدن الكندية بتنوم الساعة تسعة مساء... ودمت بخير وصحة وعافية
ههههههههههههه،
الدنيا وييكند، بعد شوية بقوم امشي النادي السوداني اساهر للصباح رغم إنو برا 27 تحت الصفر . غايتو 9 مساء دي إلا يكونوا سكانها جداد الذي من انواع الطيور اعني، مُش جمع الحاجة الجديدة لنج ...
Post: #34 Title: Re: محطة قطا رات انفاق في نيويورك تحفة فنية ر Author: Mohamed Yassin Khalifa Date: 01-09-2016, 09:30 AM Parent: #33
سبحان الله..
ود المدير وود عطبرة قدر ما يمشي لقدام ... لازم يعود لأصلو وخاصة لامن يلاقي العطبراوية. والعطبراوية قبيلة متحضرة... ولكنها لا تنسى أصولها وتركيبتها المدنية وإرتباطها بالقطارات!
فولتون يا معاوية ما عادت فلتون الزمان ديك... وشوية حتنافس فولتون منهاتن المحطتها موضوع البوست ده هي تقاطع لـ 9 قطارات أنفاق وقطر نيوجيرسي. فيها قطر كل دقيقة على مدار الساعة وليك تتخيل عدد الناس البيمروا فيها كل يوم. هي في الأساس سوق كبيرة ومربوطة بـ وول ستريت سوق المال والأعمال... وهي محطة برجي التجارة القديم والجديد.
بعد أحداث سبتمبر المأساوية.. إشتغلتا مع اللجنة الوطنية لإغاثة منكوبي الإعتداء الإرهابي ده... والمحطة كانت شبه متوقفة مع الدمار الكبير اللحق بيها.. وكان في حريق إستمر لأكثر من شهر فيها... وأنا كنتا بشيل هم للدخان تحت الواطة والكان خارج منها. وكل المنطقة خلف كانال ستريت كانت مغلقة وممنوع دخولها لحسن الحظ عشان الغبار الإسبستوسي والدخان... وطلب مننا عمل فحوصات للرئة ومقابلة أخصائيين نفسيين وللصحة العامة خوفاً من الأمراض بعد تعرضنا للغبار وتعاملنا مع الحالات النفسية المؤلمة.. خوفاً من العدوى... مازلت أذكر تلك الأحداث كلما مررت بهذة المحطة... ومازال الدخان يزكم أنفي... ويأتيني الإحساس بوجود غبار في الجو!
ولربما أعاد إليك ذكر فولتون مانهاتن ذكريات فولتون بروكلين... وعلاماتها المميزة العلامة والعالم سراج وهاج. وسراج وهاج رجل متحضر وعالم وسطي رغم تشدده. وهو إنسان ساخر ومحب لعمل الخير. وهو داعيه في الحقوق المدنية قبل أن يكون داعية إسلامية يشهد له بالفضل. وهو ودود بالجميع وله معزة للسودانيين الذين يتقاطرون للصلاة بمسجده العامر.. ويعينه في إدارة المسجد صديقنا وصديقه دكتور عثمان والذي لا يقل عنه فضلاً ومحبة في قلوب العباد!
في الأعوام السابقة تمت نظافة حي فولتون بروكلين أمنياً وتم تأهيل الشوارع والخدمات فيه ومع الأسف إرتفعت مقابل هذا التطور أسعار الإيجارات والماكولات وخاصة بعد أن حدث تغيير ديموغرافي لأهل المنطقة بعد الهروب الجماعي من منهاتن ذات الأسعار الخيالية!
أملنا في عودتك للزيارة يا معاوية قريباً لتقف على متى التطور الذي لحق بكلتا الفولتنين!
