خدعوك هل جازوكا شي من منيتك.. اغروك فقدت اعز شي في دنيتك.. و الخونة ظنوه إكتساب وتجاهلوا يوم الحساب..
Post: #3 Title: Re: يا ناس وفد المنافي .. إجازة اكتر من اسبوعي� Author: elhilayla Date: 01-03-2016, 05:49 AM Parent: #1
يا قباني دي ما يا ها قصة الديك وحبة العيشاية ذاتا؟ باقي ليك ناسك ديل ما ممكن إجيبو ليهن ميدكال نووت؟ الليلة يوم أتنين في الشهر نخلي الرادي فاتح عشان نسمع الأخبار وبالعدم نرجي البداليات _____ الحليلة
Post: #4 Title: Re: يا ناس وفد المنافي .. إجازة اكتر من اسبوعي� Author: يحي قباني Date: 01-03-2016, 05:56 AM Parent: #3
Quote: يا قباني دي ما يا ها قصة الديك وحبة العيشاية ذاتا؟ باقي ليك ناسك ديل ما ممكن إجيبو ليهن ميدكال نووت؟ الليلة يوم أتنين في الشهر نخلي الرادي فاتح عشان نسمع الأخبار وبالعدم نرجي البداليات _____ الحليلة
مش حاجة تحيّر يا زين العابدين ؟
حدنا يوم الإثنين القدامنا ده ...
الله يكضب الشينة بعد داك ...
Post: #5 Title: Re: يا ناس وفد المنافي .. إجازة اكتر من اسبوعي� Author: elhilayla Date: 01-03-2016, 06:01 AM Parent: #4
Quote: حدنا يوم الإثنين القدامنا ده ...
وفي رواية يوم إتنين في الشهر لكن نديهن يو الإتنين وأرخي اضانك ____ الحليلة
Post: #6 Title: Re: يا ناس وفد المنافي .. إجازة اكتر من اسبوعي� Author: محمد البشرى الخضر Date: 01-03-2016, 06:27 AM Parent: #5
معقول يا هندسة اسبوعين بس؟؟ لا كان كدا خلاص بقينا على استراليا
Post: #7 Title: Re: يا ناس وفد المنافي .. إجازة اكتر من اسبوعي� Author: يحي قباني Date: 01-03-2016, 04:13 PM
Quote: معقول يا هندسة اسبوعين بس؟؟ لا كان كدا خلاص بقينا على استراليا
انحنا و جيرانا يا هندسة ... ده النظام ...
أستراليا ما بعرف قصتهم كيف ...
لكن البلاد ديك غير الجو ما عندهم سالفة تاني ... :)
انا طبعاً جربت اجازات السعودية زمان ... ناس شهر و شهرين ...
ميديكال نوت بس يا الحليلة...ممكن يجيبوا ليهم تقرير طبي من اكبر جراحي المستشفيات السودانية بان كل واحد فيهم عمل عملية خطيرة ورقد شهرين في المستشفى.... ..لكن كان جينا للحقيقة اغنية خضر بشير تعبير حقيقي وواقعي لحالهم.. ...والمشكلة الكبيرة ان هؤلاء سيعودوا بدون ان يتغير ائ شئ في السياسة السودانية ..ولكن الربحان في النهاية هو النظام الحاكم الذي استطاع بمهارة عالية وبذكاء خارق استغلال واستخدام الكثيرين من الذين كانوا يعارضون كي يقوموا بانفسهم فضح زعماء المعارضة ونبش سوالبهم واظهارهم بمظهر الخونة ...ولقد نجح النظام الحاكم في ذلك نجاحا باهرا....وتم حرق اوراق المشاركين في الحوار....او قل الخوار اللاوطني...واوراق المعارضين الذين لم يشاركوا.... ..ياخي مالك علينا يا ود قباني خليتنا نخوض السياسة ونتكلم في حاجات ما بنعرفها.. ..لكن كان جينا للصراحة ..اذا لقينا فرصة نزور السودان على حساب الحكومة وننزل في فنادق على حساب الحكومة ونتفسح على حساب الحكومة...ما كنا اتاخرنا... ...ونحن سمعنا ان بلدكم المقيمين فيها البرد فيها ابرد من الاسكا والقطب الشمالي..ويعني اذا انت اخذت اجازة ومشيت مع وفد الحوار ..كنت شردت من البرد ..وعلى حساب الحكومة.. لكن من قراءاتي لمواضيعك سابقا اتاكدت انك لا تتهاون في مبادئك.. ودمت بالف خير وصحة وعافية
يا قباني دي جديدة لنج سمعتها الآن من لقاء علي لسان أحمد البلال الطيب تمديد لمدة إسبوع بالتمام والكمال بالمناسبة دي أيه رايك في إسبوع تمام أنا كنت عايش في الخيال معليش فاتني أعلٍّق علي كلمات الراحل المقيم خدر بشير الذي توطدت علاقتنا به فنياً وأسرياً من خلال أبناء عمتنا في شمبات طبعاً يا قباني أتّ سيد الشي ذاتا والكلمات علي قول عربنا واقعة مقاس الجماعة ستا و طاب
بت الشيخ صباحك خير فعلاً ممكن إجيبو كمان أورنيك 8 كان لزم الحال لكن في النهاية علي مين دا؟ ______ الحليلة
سلام يا كرام... يا قباني ياخ انت راجل فنان وذواقه وعزال...
Post: #12 Title: Re: يا ناس وفد المنافي .. إجازة اكتر من اسبوعي� Author: فيصل محمد خليل Date: 01-03-2016, 07:25 PM Parent: #11
ما خداعوهم والا حاجة القصة متكتكة من بدري بينتهم
مسكاقنا
Post: #13 Title: Re: يا ناس وفد المنافي .. إجازة اكتر من اسبوعي� Author: معاوية المدير Date: 01-04-2016, 00:22 AM Parent: #12
سلآمات يا قباني .
غايتو منصور المفتاح شغال تكسي، يعني ممكن يمشي شهر شهرين بس الحاجة دي بترجع الزول حركة ورا في جبل كمان، لكن باقي الوفد إحتمال يكونوا ضاربين (ولفير)، اما بالنسبة للحكومة السودانية انا كان راسي دا كُلّو بقى إضنين ما بصدق إنها ما قبضتُن .
يا اخوي ديل دبيرين ؤُ بصيرين .
Post: #14 Title: Re: يا ناس وفد المنافي .. إجازة اكتر من اسبوعي� Author: يحي قباني Date: 01-04-2016, 00:53 AM Parent: #13
Quote: لكن كان جينا للحقيقة اغنية خضر بشير تعبير حقيقي وواقعي لحالهم.. ...والمشكلة الكبيرة ان هؤلاء سيعودوا بدون ان يتغير ائ شئ في السياسة السودانية ..ولكن الربحان في النهاية هو النظام الحاكم
هم حيطلعوا كيت من الشغلانية دي يا بتنا ... البقت عليهم ياها غنية عمك خدر بشير دي ...
و المستفيدة الحكومة العمرها حيطول و تطول معاهوا حبال مشانقها ...
و المستفيد الثاني هو شيخنا ياسر عرمان ... و ناس بره البي غادي ...
غايته مقلب و انشرب و ابشر بطول سلامة يا مربع ...
Post: #15 Title: Re: يا ناس وفد المنافي .. إجازة اكتر من اسبوعي� Author: يحي قباني Date: 01-04-2016, 00:58 AM Parent: #14
Quote: Mohamed Kabar · يعمل لدى GWLRA
ول ابا يحى ..حبابك يا صديقي كل سنة وانت طيب.. ما تخاف الجماعة راجعين..شكلهم منتظرين ناس الوردية التانية.. مش الموضوع طلع لاجل غير مسمى؟ اها القصة تكون ناس جاية وناس ماشة.. تحياتي كبر
كبر يا صديقي .. من الفيس بوك مالك ؟
تفتكر في وردية تانية ؟
انا عارف في ناس النفيسة فيها ... Out of desperation
لكن وقت الجد ... ما ظنيت ...
الله يكضب الشينة بس ...
Post: #17 Title: Re: يا ناس وفد المنافي .. إجازة اكتر من اسبوعي� Author: Hafiz Bashir Date: 01-04-2016, 01:16 AM Parent: #14
Quote: لكن باقي الوفد إحتمال يكونوا ضاربين (ولفير)
Quote: اما القانون ... فبيمنح الموظفين أسبوعين فقط ... وممكن ثلاثة لبعض الوظائف العليا
غايتو لغاية هسه الفرصة كبيرة جداً إنهم يكونوا من من ضمن البعض بتاعين الوظائف العليا
بعد يوم الإتنين 11 يناير الإحتمال بتاع ود المدير دا ببقى ما إحتمال
Post: #23 Title: Re: يا ناس وفد المنافي .. إجازة اكتر من اسبوعي� Author: يحي قباني Date: 01-04-2016, 06:58 AM Parent: #17
Quote: غايتو لغاية هسه الفرصة كبيرة جداً إنهم يكونوا من من ضمن البعض بتاعين الوظائف العليا
بعد يوم الإتنين 11 يناير الإحتمال بتاع ود المدير دا ببقى ما إحتمال
و الطيارات كل يوم تلاتة لي مصر او اثيوبيا يا حافظ ...
و الحجوزات رااااقده بعد راس السنة ...
Post: #22 Title: Re: يا ناس وفد المنافي .. إجازة اكتر من اسبوعي� Author: يحي قباني Date: 01-04-2016, 06:55 AM Parent: #13
Quote: سلآمات يا قباني .
غايتو منصور المفتاح شغال تكسي، يعني ممكن يمشي شهر شهرين بس الحاجة دي بترجع الزول حركة ورا في جبل كمان، لكن باقي الوفد إحتمال يكونوا ضاربين (ولفير)، اما بالنسبة للحكومة السودانية انا كان راسي دا كُلّو بقى إضنين ما بصدق إنها ما قبضتُن .
يا اخوي ديل دبيرين ؤُ بصيرين
يا ود المدير ... أحييكم من تورونتو ... برداناً و مكتكتاً ...
ناس حكومة الكجر ديل حُرفا ... يكونوا بزازوا بيهم لي هسي ...
القرش ما بمرق منهم بالهين ...
أكان وعودات ساكت ... جماعتك بكونوا غنو ...
Post: #19 Title: Re: يا ناس وفد المنافي .. إجازة اكتر من اسبوعي� Author: يحي قباني Date: 01-04-2016, 06:45 AM Parent: #12
Quote: ما خداعوهم والا حاجة القصة متكتكة من بدري بينتهم
مسكاقنا
ازيك يا قريبي ...
ما خدعوهم و لكن خدعوا انفسهم ....
جماعتك ديل كما الفخار ... ما فارقة ... كده مكسورين و كده مكسورين ...
Post: #20 Title: Re: يا ناس وفد المنافي .. إجازة اكتر من اسبوعي� Author: يحي قباني Date: 01-04-2016, 06:47 AM Parent: #11
Quote: سلام يا كرام... يا قباني ياخ انت راجل فنان وذواقه وعزال...
تسلم يا جميل ...
اصلوا انا كنت بتمنى أكون مولود سنة 1910 ... عشان أكون واعي بناس ود الرضي و الحق ناس ود البنا و ود الريح و البقية ...
و كمان أكون اتوكلت زمااان و ماحضرت الزمن المعكر ده ...
Post: #16 Title: Re: يا ناس وفد المنافي .. إجازة اكتر من اسبوعي� Author: يحي قباني Date: 01-04-2016, 00:59 AM Parent: #10
Quote: الاستاذ يحيي قباني و جميع ضيوف البوست كلا عام و انتم بخير و ان شاءالله يكون عام سلام للسودان
محجوب يا ود حلتنا ...
وين الغيبة ؟ علك بخير يا زول ... :)
Post: #18 Title: Re: يا ناس وفد المنافي .. إجازة اكتر من اسبوعي� Author: محمد أبوالعزائم أبوالريش Date: 01-04-2016, 06:21 AM Parent: #16
سلام يا باش ...
Quote: و بي صراحة لي كم يوم و الله داير اهديكم غنية ... و متردد ...
لكن الليلة بهديها ... و سجن سجن ... غرامة غرامة ...
و ربك يجازي الخدعوك ...
بالله كمان أعمل هدية مني:
ضيعوك .... ودروك إنت ما بتعرف صليحك من عدوك
+++ أغنية بعد أيه +++
Post: #21 Title: Re: يا ناس وفد المنافي .. إجازة اكتر من اسبوعي� Author: يحي قباني Date: 01-04-2016, 06:51 AM Parent: #18
Quote: بالله كمان أعمل هدية مني: ضيعوك .... ودروك إنت ما بتعرف صليحك من عدوك
+++ أغنية بعد أيه +++
أو كما كنا نغنيها زمااااان ساعات النشوى ... و أيضاً بمناسبة بوست مجدي رشيد ...
ضيعوك .... ودروك
إنت ما بتعرف ( صليبك ) من عدوك _______________________ مشتاقين يا دفعه ...!!!
Post: #24 Title: Re: يا ناس وفد المنافي .. إجازة اكتر من اسبوعي� Author: يحي قباني Date: 01-05-2016, 06:46 AM Parent: #21
الاتنين و انتهى ...
اها نرجى اتنين ود المدير .. و بعدها ...الناس ديل معناتها قبضوا الكادر ...
