Quote: رصد تقرير العفو الدولية إعدام 102 شخص في السعودية خلال الأشهر الستة الأولى في 2015، وإعدام 175 شخصا في الفترة من أغسطس/آب 2015 حتى يونيو/ حزيران 2015، بمعدل إعدام شخص كل يومين. واعتبرت المنظمة أن "النظام القضائي السعودي القائم على الشريعة الإسلامية ليس فيه قانون يترك مجالا واسعا لتفسير الجرائم والعقوبات، ويمنح القضاة سلطة تقديرية، ما يؤدي أحيانا إلى صدور أحكام تعسفية"
العنوان إسم لفلم جنوب أفريقي!! The Gods Must Be Crazy
Post: #2 Title: Re: The Gods Must Be Crazy Author: أبوبكر عباس Date: 01-03-2016, 01:28 AM
إن شاء الله يكونوا كلموك انو أنا فقدتك وعملت ليك بوست بالافتقاد دا؟ بس عشان ما تفتكر انو الناس دي كلها واحد وكدا.
افتقدك عشان عندي احساس انو الله بتاك دا ما هو الله (الغالب) هنا فشنو، بعد تخلص من موضوع البوست، حدثنا عنو باستفاضة، ولو كان ضمن موضوع البوست، أهو متابعين.
مرحب يا محمّد
Post: #3 Title: Re: The Gods Must Be Crazy Author: Khalid Elmahdi Date: 01-03-2016, 02:01 AM Parent: #2
كل عام وأنت بألف خير أستاذ محمد ادم، المنبر يفتقدك من فترة، فعودا حميدا... :)The movie carrying the name of your post, is my favorite
Post: #4 Title: Re: The Gods Must Be Crazy Author: Mohamed Adam Date: 01-03-2016, 03:29 AM Parent: #3
Quote: إن شاء الله يكونوا كلموك انو أنا فقدتك وعملت ليك بوست بالافتقاد دا؟ بس عشان ما تفتكر انو الناس دي كلها واحد وكدا.
افتقدك عشان عندي احساس انو الله بتاك دا ما هو الله (الغالب) هنا فشنو، بعد تخلص من موضوع البوست، حدثنا عنو باستفاضة، ولو كان ضمن موضوع البوست، أهو متابعين.
مرحب يا محمّد
مرحبتين حبابك أخونا د.أبوبكر عباس يسأل منك الخيّر.. لاعلم لي بذلك البوست إلا من خلال مداخلتك هذه... راجعته .. لكن وجدتو تأرشف.. حاولتك بالماسنجر بس رجعت الرساله صادا .
نعم كنت في سفر (سته شهور) وحضرت إلي كندا يوم الخميس الماضي.. .. تشكر علي التفقُد يا أصيل .. ربنا يديك الصحه والعافيّه . بالنسبه لسؤالك: أنا ضعيف لا أستطيع أحدثك عن نفسي "بإستفاضه" فأما بال أن أحدثك عن القويّ علام الغيوب، وبإستفاضه!. هو كُل يوم في شأن .. مابنقبض عشان تقدر توصِفو!!
مودتي.
Post: #5 Title: Re: The Gods Must Be Crazy Author: Mohamed Adam Date: 01-03-2016, 04:02 AM Parent: #4
Quote: كل عام وأنت بألف خير أستاذ محمد ادم، المنبر يفتقدك من فترة، فعودا حميدا... :)The movie carrying the name of your post, is my favorite
منور أخونا الأستاذ خالد. إن شاء الله ماتفقد عزيّز.
الفلم رغم أنو قديم لكنه مُعبر جداُ قاروره بتاعت صودا فارغه جهجهت ليك الإنسان الأفريقي وبإمكانه يعبدها ويعبد أي شيئ آخر - مادام -لايُحيط به علماً!!
هكذا الناس علي مدار العصور!! تقتل وتدمر بإسم الإلــه وهل االإلــه خلق ليقتل!! أم أنه خلق ليُحييّ!
لك وللجميع عام سعيّد.
Post: #6 Title: Re: The Gods Must Be Crazy Author: محمد المسلمي Date: 01-03-2016, 04:51 AM Parent: #5
Quote: أصيل .. ربنا يديك الصحه والعافيّه . بالنسبه لسؤالك: أنا ضعيف لا أستطيع أحدثك عن نفسي "بإستفاضه" فأما بال أن أحدثك عن القويّ علام الغيوب، وبإستفاضه!. هو كُل يوم في شأن .. مابنقبض عشان تقدر توصِفو!!
الاخ Mohamed Adam حمدلله علي سلامتك وبركة الجيت راجع وشفناك
------ ابوبكر عباس بعد الإجابة زولك بتاع الأرشفة مو زولنا ده. 😜😜😜😜
Post: #7 Title: Re: The Gods Must Be Crazy Author: انور تاج السر Date: 01-03-2016, 06:11 AM Parent: #6
الأخ العزيز محمد آدم لك عاطر التحايا و كل عام و أنت و أسرتك الكريمة بألف خير،
فى البدأ ارحب بعودتك الميمونة فقد افتقدتك كثيراً فى هذا المنبر.
فاتنى يا أخى أن اهنئك بنجاح أبنائك الباهر الذى أفرحنى كثيراً و هو ليس بغريب، فقد كانت لدى مشكلة فى الدخول الى المنبر لفترة طويلة اضافة الى المشغوليات.
أخر تداخلاتنا كانت فى بوستك القيم بتاع نظرية النسبية قبل تسع سنوات تقريباً، ليتنا أحيينا تلك المواضيع الجميلة أخى.
بخصوص موضوع البوست، القويّ علام الغيوب مطلق الجمال يحب كل ما هو جميل.
نحن الآن يا حبيب بين مطرقة التطرف البشع و سندان من يستغلونه للنيل من معتقدات الآخرين.
لك منى كل الود و المحبة.
Post: #8 Title: Re: The Gods Must Be Crazy Author: فيصل محمد خليل Date: 01-03-2016, 11:18 AM Parent: #7
جزء من الفيلم عنوان البوست يجري احداثه في اوساط البوشمان في صحراء كلهاري. كانوا يعيشون في وئام تام و كان ربهم كريم معهم و فجاة ياتيهم شي من السماء يغير نمط حياتهم قالوا ان ربنا كان كريم معنا حتى الان فماذا صار معه !!!! كانوا يعتقدون ان القارورة اتية من ربهم اخيراً يقررون ان يرموا القارورة في هاوية نهاية الارض و يخلصوا منها الخلاص من الشر
مودتي
Post: #9 Title: Re: The Gods Must Be Crazy Author: Mohamed Adam Date: 01-03-2016, 04:00 PM Parent: #8
Quote: الاخ Mohamed Adam حمدلله علي سلامتك وبركة الجيت راجع وشفناك
تسلم أخوي محمد المسلمي تشوفك عين الله وترعاك.
.
Post: #10 Title: Re: The Gods Must Be Crazy Author: Basamat Alsheikh Date: 01-03-2016, 04:09 PM Parent: #8
قوقلت الفلم وشفته بالكامل..واتحيرت وضحكنا،انا والمعاي من الزميلات لمن شرقنا....وفي واحدة سالت سؤال ما قدرنا نجاوبها...هل الظاهرين في الفلم ده ممثلين ولا هم اشخاص حقيقيين من قبائل البوشمان ومخرج الفلم كان بيصور فيهم بالدس.. يعني بشكل خفي... واذا كان هم فعلا ممثلين فهم اروع ممثلين شاهدتهم في حياتي... وبعدين نحن قزازة الببسي مستهونين بيها ساكت...وهي ممكن تعمل بيها الحاجات دي كلها.... فلم عجيب بالجد وقضينا وقت ممتع جدا ونسينا مشاغل ومصاعب الغربة القساية لفترة ..ولكن بعد نهاية الفلم رجعنا لواقعنا المرير مرة ثانية.... والعنوان معبر جدا جدا... ودمت بالف خير وصحة وعافية
Post: #11 Title: Re: The Gods Must Be Crazy Author: Mahjob Abdalla Date: 01-03-2016, 06:53 PM Parent: #10
الاخ محمد ادم كل عام و انت بخير كيف احبارك و احوالك
Post: #12 Title: Re: The Gods Must Be Crazy Author: Mohamed Adam Date: 01-05-2016, 08:37 PM Parent: #11
Quote: بخصوص موضوع البوست، القويّ علام الغيوب مطلق الجمال يحب كل ما هو جميل.
أخونا الفاضل أنور تاج السر تحيّه طيبه وبعد: نعم.. مطلق الجمال هو ذات هذه الحياة فكيف لها أن تقتل نفسها بنفسها!!! أليست هي مسئوله عن أنها تهب الجمال!! إذاً .. الجمال لايقتل نفسه مهما تكن المبررات!! في الختام إستودعك الله ومشكور علي التهنئه وياريت الفرحه تعم الكُل. ....................................................................................................................... أخونا وحبيبنا فيصل محمد علي خليل مرحباً بك. ومشكور علي وضع هذا الفلم المُعبر بالبوست .. ..........................................................................................................................
Quote: الاخ محمد ادم كل عام و انت بخير كيف احبارك و احوالك
Post: #13 Title: Re: The Gods Must Be Crazy Author: Mohamed Adam Date: 01-05-2016, 08:58 PM Parent: #12
مكرر
Post: #14 Title: Re: The Gods Must Be Crazy Author: Mohamed Adam Date: 01-05-2016, 09:17 PM Parent: #13
أختنا العزيزه Basamat Alsheikh يا هلا بكِ.ربنا يجعل كُل أيامك بهجه ومسرات . نعم يابت الشيخ دائماً الجمال وإبداعاته بتظهر في البرائه ولأن الفلم كان بصوره تلقائيه أكثر من أنها مفتعله!!
Quote: وبعدين نحن قزازة الببسي مستهونين بيها ساكت...وهي ممكن تعمل بيها الحاجات دي كلها....
نعم.. قزازة البيبسي بمثابة رمزيّه لطيفه لخوفنا البيتمثل في المجهول .. والمجهول هو الجانب الغائب لوعيّنا أو يمثل ظُله .. لكن.. في حقيقته هو في ذاته لايخوف إذا ما تبدت لنا حقيقته!. ولكن في غياهب جهلنا بيكون أرضيه خصبه صالحه لزراعة المعتقدات!! هنالك المثل المعروف : الشطان وولدو كانا في نزهه والولد عاوز يثبت شيطنتو لأبوه فقام شافلو واحد إنحني نحو الأرض وأخذلو قطعة صغيره بتاعت حقيقه!! قام ولدو الشليق وحاول يغوي هذا الشخص لكي لايتمسك بتلك القطعه!! الشطيان قام زجر إبنه وقال له إنت عوير:دعه وشأنها سيذهب اليوم دا ويعملو دين وأتباع وطقوس ونحر وهلمجرا!! بهذه الكيفيّه -الخوف من المجهول- جائت من ورائه المعتقدات ومن باطن المجهول .. وهكذا ستظل باقيّه مادام ذلك الخوف موجود في عمق اللاوعي الإنساني! كذلك من وجهة نظر أخري لهذا الفلم: الحضاره الإنسانيّه لم تساعد بصوره فاعله في أنسنة الإنسان بقدر ما هي ساهمت مساهمه مباشره في قتل العبقريّه فيهو وطمس كُل خطوات الوحي التي بإمكان الإنسان أن يتقفي معالمها ليرد بها المعين الصافي!! فإنسان إفريقيا لو كان تُرك لوحده علي السجيّه ولم تدخل عليه قارورة الكوكو كولا المصحوبه بآلات الخوف لكان اليوم هو في مقدمة ركب الإنسانيّه وذلك علي المستويين الروحي والتقني!. ما كان بمقدورالناس لتتجرأ علي قتل بعضها البعض وبإسم المعتقد وبإسم الله "الحيّ" الواحد الأحد. ولكان في حِل تام من معظم إكليشيهيات هذه الحضاره المُسماه دورا وظلماً بالحضاره الإنسانيه!!. كُل الود..