صُتها يا بخيت !؟...

12:53 PM Jan, 02 2016

سودانيز اون لاين
معاوية المدير-بكندا محافظة البرتا
مكتبتى
رابط مختصر

زمان عز الدين بتاع الكراكتير كان عندو كراكتير رآسم فيهو السودان
في شكل قِدرة ؤُ جعفر محمد علي بخيت شايلو مُكرار ؤُ يسوّط في
القِدرة، والنميري وآقف جنبو ؤُ بيسألو قالو، صُتها يا بخيت ؟.

يا جماعة العندو الكراكتير دا بالله يدعملنا بيهو البوست دا،
وكل عام وأنتم بخير .

ود المدير ...

سلام يا مندرة
و عام سعيد ان شاء الله
غايتو اجتهدت عشان اجيبو ليك و فشلت فى ذلك
المهم لقيت واحد ود عمّو يمكن يفيد

_________________
بالجد مؤلم انهيار جبهة كندا

يا ريّس،
يا باشمهندس،
يا بكري ابو بكر وفي روآية ود البشرى (بكرى)،
يا صاحب الحوش،

كل سنة وإنت طيّب ...

تحيه طيبه ياود المدير تدفع لك بقليل من السعرات الحراريه الى مكامن الموده
كيفنك وكيف حالك
أما عن
عز الدين
فهو من اروع الذين شكلوا رؤيتنا النقديه من خلال رسوماته العالميه القوة
كنت امتلك كتيبا لكاريكاتيراته فى الماضى
....
خلينا نتابع مرامى البوست

غايتو لم شفنا الكراكتير في الخرطوم كان
قرد طالع في شجرة ..
و التعليق
عملتها يا بخيت .. ؟؟
انتو وصلتكم في الضهاري صتها ..؟؟؟؟
😂😂😂😂😂😂
غايتو كان بوستك دا لغم كبير .... بجضمك ....

يابوحسين ما تجوط و تلخبت المسائل

حقة القرد الطالع الشجرة كان مكتوب

( بخيت لأ ). !!

-----------
ازيك يا مدير

Quote: Alfatih Mosa · Kordufan ,وهنالك وفي نفس الزمن كان جعفر محمد على بخيت وزيرا للحكم المحلي قد أصدر قرار الترقية في الخدمة المدنية المسمى القفز بالزانا وثاني يوم عز الدين كان عامل كركتير راسم فيه شجره وعليها قرد يرمي بأوراق الشجره وهنالك شخص أسفل الشجره بيسأل القرد ( دي عملت كيف يا بخيت )

سلآمات يا الفاتح،
ؤُ سنة بخيتة وسعيدة عليك .

يا جماعة اتفقوا لينا علي وآحدة ...

<

معليش انا جلبت الصورة دي عشان عايز اضرب مثل،
عليك الله يا ريس ما تفهمني غلت .
يعني هسي مثلاً، مثلاً يعني انا قدرت اجيب الصورة دي
ؤُ قدرت اخُت الوش الأصفر الضاحك دا، طيّب نفترض
انا عايز اخُت الوش اللصفر دا في ركن المدآخلة الأيمن
الفوق، في الحالة دي أعمل شنو ؟.
مثلاً يعني .

بعدينك يا ريس وكت اصلها الختوة جابتك عليك الله صلّح
معاك دي أو عدِلآ إن إستعصى التصليح عشان قاع تضرِس
ود البشرى وليس ود البشري .

Quote: 12-26-2015, 07:18 PM بكرى ابوبكر

بالياء، بالياء، يعني ياء يد، أحييييييا، بكتب وانا عاضي اصبعي،
بكري بالياء والله العظيم بالياء ...

Quote: سلام يا مندرة و عام سعيد ان شاء الله غايتو اجتهدت عشان اجيبو ليك و فشلت فى ذلك المهم لقيت واحد ود عمّو يمكن يفيد

جلالدونا يا فردة،
عام سعيد عليك وعلي اسرتك الكريمة .

ياخي الريس دا جنبك كلمو خليهو يظبط الموجة ؤُ تاني ما يعافر
عشان ما تزوغ ...

Quote: تحيه طيبه ياود المدير تدفع لك بقليل من السعرات الحراريه الى مكامن الموده كيفنك وكيف حالك أما عن عز الدين فهو من اروع الذين شكلوا رؤيتنا النقديه من خلال رسوماته العالميه القوة كنت امتلك كتيبا لكاريكاتيراته فى الماضى .... خلينا نتابع مرامى البوست

الزول السمح ملهم،
حياك الغمام .

رحم الله عز الدين، كلّ الناس كانوا يمتلكون ذلك الكُتيّب
المستطيل الشكل لأنّ عز الدين كان يعبر عنهم بكل صدق
وحرفنة مع مهنية تآمة .

أخونا بكري ابو بكر دا قدُر ما يحاول يطوّر
الدآهي دا يصوطو !...

Quote: انتو وصلتكم في الضهاري صتها ..؟؟؟؟ 😂😂😂😂😂😂 غايتو كان بوستك دا لغم كبير .... بجضمك ....

خلآس يا توفيق الحكيم، الحكيم دي عشان ما يجي يندرع فيني .

يا ابو حسين ولآ لغم ولآ حاجة لكن شيخ بكري دايماً يحاول
يكحلآ يعميها . ياخي تعمل تعديل لكلمة في مدآخلة الكلمة
تتعدل، لكن باقي المدآخلة كلو يِصاط مع بعضو !، أها عاد
دا كلآم دا ؟.