البرنامج كورة الأهلي والإتحاد جدة وبرج دبي المحروق رغم إنو الواحد بقى ما بندهش للحاجات خصوصا الألعاب النارية البقت زي حفلات الفرقة الأثيوبية في الخرطوم دي ياها نفس الأنوار ونفس الرقيص من سنة حفروا البحر المشكلة مساكين أولادنا ما شافوا زمان رأس السنة دا الرأس بكون مليان حاجات كيف عموما كل سنة وأنتم طيبين وربنا يحقق الأماني
Post: #2 Title: Re: هسة دا رأس سنة دا Author: حمد عبد الغفار عمر Date: 01-01-2016, 12:58 PM Parent: #1
يا حليل زمن مقولة : أها يا شباب مروسين وينياخ أقل شيء بتكون في سهرة في التلفزويون فيها ناس البوني أم
Post: #3 Title: Re: هسة دا رأس سنة دا Author: Hasheem Karouri Date: 01-01-2016, 01:20 PM Parent: #2
بالله انت من زمن ناس ( البوني ام ) ؟ والراستات ناس بوب مارلي ، والبي جيز .ياسلام ياخ . فعلا كانت ايام . انا بتذكر انو برنامج رأس السنة كان يتم التحضير له من الكريسمس . كفتريا السكة حديد ، ومرديان ، والهابي لاند . والكثير من اماكن الترفيه .اضافة للرحلات في اليوم التالي للعطلة ( ابوحليمة ، وام الطيور . ووو ) .الجماعة ديل جو نزعوا الفرحة من قلوب البشر . ومسحوا الابتسامة من خلق الله ، وكتلوا في الناس كل احساس جميل . ودخلوا الناس في دوامة المعائش ، وخلوا الشعب كلو مهموم . الله ينتقم منكم دنيا واخرة يالكيزان ،،،تحياتي اليك أخ . حمد . وكل عام وانت بخير ، ونتمني زوال هذا الكابوس الجاثم علي صدرنا ، وصدور الكثيرين ......مع مودتي ،،،،
Post: #4 Title: Re: هسة دا رأس سنة دا Author: حمد عبد الغفار عمر Date: 01-01-2016, 05:59 PM Parent: #3
هلا هاشم كاروري كل سنة وانت طيب ثم ثانيا اسمك دا مطابق لاسم أحد الأصحاب العزاز وانت أيضا صاحب عزيز كانت الدنيا بخير وبهجة ومسرة والناس تحب بعضهابعفوية والبسمة مرتسمة على الوجوه في الهابي لاند وال جي أم أتش والأندية بأجمعها وفي الشارع العريض وداخل المنازل حتى أتانا اليقين الكيزاني وتضاعف علينا أثر الآية لقد خلقنا الإنسان في كبد وابتئست الوجوه
Post: #5 Title: Re: هسة دا رأس سنة دا Author: حمد عبد الغفار عمر Date: 01-01-2016, 06:03 PM Parent: #4
وبمناسبة السنة الجديدة الإهدا يكون للوالدة الغالية فاطمة حمد أسأل الله أن يديم عليها الصحة والعافية ولكم ولأمهاتكم الغاليات وأسال الله أن يديم الصحة على من هن على قيد الحياة وأن يرحم من توفين
Post: #6 Title: Re: هسة دا رأس سنة دا Author: عبد العزيز محمد عمر Date: 01-02-2016, 06:18 AM Parent: #5
ربنا يحفظ الوالدة ...
عيب لي البطانية يا حمد ......
تفتش لي رأس السنة ... تلقاك رأس نيفة ما لميت فيهو ...
Post: #7 Title: Re: هسة دا رأس سنة دا Author: دينا خالد Date: 01-02-2016, 09:01 AM Parent: #6
حمد لبد كل عام وانت بخير ياخ ... مشتاقين ! هل تعرف الفرق بين السنه والعام؟ شي عجيب فعلاً . . . . . .. الفرق بين سنه وعام * لاحظوآ:- * قال تعآلى:- "ولقد أرسلنا نوحا إلى قومه فلبث فيهم ألف سنة إلا خمسين عاما" (سورة العنكبوت) آية 14 * كان من الممكن أن يقول رب العزة:- تسعمائة وخمسون سنه..! فلماذا ألف سنه إلا خمسين عاما - أن لفظ سنه:- تطلق على الأيام الشديدة الصعبة..!! * عندما قال تعآلى:- "تزرعون سبع سنين" (سورة يوسف) ايه 47 - ولفظ عام:- يطلق على الأيام السهلة أيام الرخاء والنعيم * قال تعآلى:- "ثم يأتي من بعد ذلك عام فيه يغاث الناس" (سورة يوسف) أية 49 - وبذلك يكون سيدنا نوح قد لبث ألف سنه شقاء، إلا خمسين عاما......!! * لذا من الأفضل أن نقول... "كل عام وأنت بخير" * وليس كما يقال:- " كل سنة و أنت طيب" بصرآحه معلومه حلوه من أراد أن يتعلم فليقرأ القرآن ويتدبر معانيه اللهم إجعل القرآن العظيم ربيع قلوبنا منقووووول ياقولهم 😅😅😅
Post: #8 Title: Re: هسة دا رأس سنة دا Author: محمد البشرى الخضر Date: 01-02-2016, 09:07 AM Parent: #7
هههه دينا دي جنّت ؟
Post: #9 Title: Re: هسة دا رأس سنة دا Author: ABUHUSSEIN Date: 01-02-2016, 09:22 AM Parent: #8
Quote: هههه دينا دي جنّت ؟
أسأل صاحبك بتاع البعير .....
حمد كل سنة و إنت طيب ياخ
Post: #10 Title: Re: هسة دا رأس سنة دا Author: عبد اللطيف السيدح Date: 01-02-2016, 09:29 AM Parent: #9
نفحة إيمانية وهدية رأس السنة قدمتها لكم الشيخة دينا رضى الله عنها
جزاك الله خيرا وجعل أعوامك وليس سنينك كلها سعادة.
Post: #13 Title: Re: هسة دا رأس سنة دا Author: حمد عبد الغفار عمر Date: 01-02-2016, 01:11 PM Parent: #7
دندون
كل عام وانت بخير (حسب طلبك) وربنا يجعل أيامك كلها خير
Quote: من أراد أن يتعلم فليقرأ القرآن ويتدبر معانيه اللهم إجعل القرآن العظيم ربيع قلوبنا
اللهم أمين معلومة فعلا ممتازة
لكن لوووب
في ناس تدبر القرآن دا خلاهم جنريترات اعملي حسابك ما تتعمقي
ياخ طلتك تفرح عشان كدا نهديك وجميع الزوار
Post: #11 Title: Re: هسة دا رأس سنة دا Author: حمد عبد الغفار عمر Date: 01-02-2016, 12:56 PM Parent: #6
هلا يا الشغيل
كل عام وانت بخير
رأس سنة وين هنا تتعشى بالكتير وتتوكل تنوم تعمل أي شخشخة تمشي التوج
البطانية سمحة خصوصا مع البرد الكان هابي لاند دا
Post: #12 Title: Re: هسة دا رأس سنة دا Author: معاوية المدير Date: 01-02-2016, 01:10 PM Parent: #11
Quote: حمد كل سنة و إنت طيب ياخ
إنت ما قالولك ما تقول سنه كمان، لا حول لله .يا حمد كل سنة وإنت طيّب، ايماناً مني بأنّ لفظ سنة يا تيتي يطلق للبنتالشديدة علي وزن السنة الشديدة .راس السنة السنة دي زي صحن الحُقن كلو ملولو ...
Post: #14 Title: Re: هسة دا رأس سنة دا Author: حمد عبد الغفار عمر Date: 01-02-2016, 01:14 PM Parent: #12
كيفك يا محمد البشرى
كل عام وانت بخير
لو عندك تلفون أفقد بتنا دي ياخ الليلة جابتو أفرش وتخين
Post: #15 Title: Re: هسة دا رأس سنة دا Author: حمد عبد الغفار عمر Date: 01-02-2016, 01:26 PM Parent: #14
كيفك يا أبو حسين
كل عام وانت بخير وربنا يحقق أمانيكم
شكلك لقيت ليك فرقة في رأس سنة في محل
Post: #16 Title: Re: هسة دا رأس سنة دا Author: حمد عبد الغفار عمر Date: 01-02-2016, 01:38 PM Parent: #15
هلا السيدح
كل عام وانت بخير
وبعدين دينا خالد دي مثل الغيث حيث وقع نفع
Post: #17 Title: Re: هسة دا رأس سنة دا Author: حمد عبد الغفار عمر Date: 01-02-2016, 01:49 PM Parent: #16
هلا ود المدير
أنا غايتو حسب ظني إنو كل عام وانت بخير دي حقت رجال وكل سنة وانت طيبة دي حقت النسوان وعطفا على كلام دينا الناس بقولوها للنسوان عشان الواحدة تكون مجابدة السنة كلها وما تفلق رأسك
بالمناسبة قبل شوية كنت بسمع في احتفال الاستقلال من القصر الجمهوري وكورال معهد الموسيقى بغني في اليوم نرفع راية استقلالنا بأداء وتصوير رهيب