ناس الحوار صف .. الممانعة صف وبكري ابوبكر صف..

09:54 AM Dec, 31 2015 سودانيز اون لاين
HAIDER ALZAIN-
مكتبتى
رابط مختصر
للناس البقت ما فاهمة أي حاجة لها الحق في الفهم والمعرفة بموجب مواثيــق حقوق الانسان والامم المتحدة الخ ،،،شغل المنبر الشاغل الايام دي هو الحوار وتراجي ووفد المنفي بالفي ومافي .. وناس قاعدة ساهي ..!
كمثال الصباح قريت بوست لود المدير بيتوسط لدى الست تراجي انه تسوق ليها زول معاها - رغم انه من بين ثنايا البوست احسست بمرارة مشوبة باللوم سببها رغبة دفينة على ما يبدو لصاحب البوست كانت ربما لتروح لو جاتو كشكرة بمرافقة الست-
المهم
لقيت كباية اورانج جوس وما لقيت المقصود من تلاميح ود المدير ولا عرفتو.. المعلوم انه المتابعين الحصيفين من قبضو كباية الجوس بدت نواجذهم ؛)
بعد قراءة صفحة بكري الكاملة - بدون - ورجغات زهير حمد ومواسير الفكي جدادات وملل هباني .. حتن لقيت نواجذي

الحسبة رايحة علينا في ناس الحوار واعضاء الكوار.. محتاجين لستات فرز لتسهيل القراءة وكدة ؛)
الحواريون :/
تبارك يتبارك
كبرحيدر قاسم
ابو الريش
عز الدين عباس الفحل
الممانعون :/
ود المدير ..منى عمسيب
احمد بن عوف
علي دفع الله

الحالقين صلع :/
المستنير بكور



....

Quote: الحالقين صلع :/ المستنير بكور

عليك الله، يا أورانج، خلي دينا خالد معاي في الكاتوقري دا

ما في لستة للبتاوقوا بى خرم الباب ؟
سلام يا حيدروف الصلد .

Quote: المعلوم انه المتابعين الحصيفين من قبضو كباية الجوس بدت نواجذهم ؛)

يا حيدر الحصيفين ديل من جاب سيرة البروفايل بدو يتبسّموا, لكن النصيحة لله عصير البرتكان جيّهم تب :)

يا حيدر ياخ عليك الله اقعد ساكت .
إن كنت تبغي الثورة اركب امجاد،
وإن كنت تبغي ميدان اللُمم المتحدة تركب ركشة،
فيلم هندي مافي يا وآحد من اللتنين ديل يا تشرب
برتكان صافي إنتاج المنافي .

Quote: لقيت كباية اورانج جوس وما لقيت المقصود من تلاميح ود المدير ولا عرفتو.

مخك تخين رغم إنو راسك ماكن .... و دي ما بختلفو فيها إتنين .....

قوم لف ....

بكري ابوبكر اصبح يسحب المداخلات من البوستات بمزاجو ..!رأي في إدارتك واسلوبك واضح لن يتغير طالما انت مواصل بما انت عليه من سياسة لا تختلف لا في الكيف ولا في الطريقة عن سياسات الاخوان المسلمين وجميع الشموليين ولنتفكر مرة واخرى لو انك وزير او مدير اعلام في دولة ماذا كنت ستنتهج بطريقتك هذه غير طريقة نفس العقلية الديماغوغية ..
وأكرر مرة اخرى الرد على اللخت الشاركت هنا وسحبت مداخلتهاتراجي لم تصل الي قاعة الحوار في تقديري عبر منبر سودانيز اونلاين انما وصلت عبر الواتساب واليوتيوب..
فالحمد والشكر كله وجله - اذا كان في سقوطها هذا حمداً وشكراً - يعود للواتساب واليوتيوب وليس لموقعك اي فضل ويكفي انه وحتى عندما قلبت تراجي ظهر المجن للمعارضة وارتمت في احضان المؤتمر الوطني كنت انت يا بكري موقفها من المنبر ومحدد مشاركتها وذلك إرضاءاً لبعض اصدقائك واصحاب التأثير من هراجلة المعارضين..
ولم تذكر منبرك حتى الان خيراً وشراً في جل حواراتها ..فدعك ممن يجملون لك قبـح اسلوبك وديكتاتورية إدارتك ونهجك الاعلامي الشبيهة لتبيدي ومن شابهه .
بالله انت هسه - ودعك من سحب المداخلتين هاتين - بل عموماً فرقك شنو من الرقابة القبلية على الصحف والمطبوعات؟
وكيف تسحب مداخلة زول او رأي زول خالف احلامك بدون ولا اي إخطار - على الاقل الرقابة بتكلمك بإنها صادرت رأيك - لكن انت حتى دا عجزت تشبه فيهو الكيزان ؟!
ولو زول سألك تجيب رابط قوانين الإدارة التي وضعتها انت وحدك؟
بالله دا اسلوب .. ؟
وكمان عاوز الموقع يتصدر المشهد الثوري!
لا وفرحان اوي زوراً انه الموقع خرج انتهازية بقيادة طراجي مصطفي..يازول قوم لف ..واهو انت صفاً بديلاً للحالقين صلع لانك صلعة اصلي

يا حيدروف سلامات
عندي شعور قوي انو يوجد آخر أو أكتر من آخر مع بكري في إدارة المنبر
وهذا الآخر هو الذي يقوم بسحب المداخلات وليس بكري ..
أرجو والله أن يكون إحساسي دا صحيح .

بكري يا طلحة دائماً بيقول ويصر انه وحده لا شريك له..
وطالما هو متحمل كامل المسئولية يبقى هذا اختياره
ولو هو عارف انه غيرو قاعد يمارس هذه الحركات المجبنة ويسكت عليها فيبقى هو شريك بكامل الدســم فيما يمارس في موقعه..


بكري والله مسكين اكتر من أي ديكتاتور آخر مغشوش