غايتو يا دكتورة والله ما عارف اعلق اقول شنو عشان كده اعدت البصر مرتين لكي اتاكد من الخبر وللاسف وجدته صحيح لذلك قررت امر واسلم عليك فقط لا غير ..... وش مستغرب شديد سؤال هسة حا كتبو في لوحة التكريم شنو السبب للتكريم ده ولا حا يخلوها فاضية هههههههههههههههه , غايتو عشنا وياما حا نشوف ,, تحياتي : ياسر العيلفون ....
Post: #6 Title: Re: الإعداد لتكريم تهاني تور الدبة !! Author: جمال ود القوز Date: 12-31-2015, 11:50 AM Parent: #4
أبداً ده مانفاق يانعمات ..ينافقوا منو ؟ تور الدبة ..ولي شنو ؟من رفض استقالتها هو من أوعز بتكريمها ..مش عشان خاطرها هي أو إبنها .. أبداً ..دي سياسة دولة ..ومنهاج حكم ..أثمر عن استمرارية دامت 26 عاما ولازالت ..يتم تحريكـ القرارات عكس اتجاه الرأي العام والشارع ..ومهما كان ..لا عواطف .. لا مبادئ ..كان فتحوا باب الاستجابة للرأي العام والشارع ..ماحيخلصوا ..مادايرنها تهاني دي .. ماعلى كيفكم ..يخلوها ليكم قاعدة في منصبها ..لا .. ويكرموها كمان ..ومابعيد يصدروا قرار بجعلها وزيرة ..أها شنو ليكم !!! ..دايرين فلان والي أو وزير ..مافي ليكم ..والمادايرنو يعينوهو ليكم .. إنتو شايفين فلان حرامي مرتشي ومانافع .. أو زول دلاهة ساي .. وأقل قامة من الكرسي الذي يجلس عليهو .. بس .. ياهو ده المناسب ليكم ..ومافي غيرو ليكم ..فلان قبضوهو بالثابتة واتفضح .. وقلتوا يستقيل .. يصدر قرار بعدم قبول الاستقالة ويرقوهو كمان ..ده كلو عشان يوجع نوره في صنقورا .. دي الطريقة الماشية بيها البلد ..كده بس ..أي حاجة مابتنفع معاكم يسووها ليكم ..كيتن عليكم ..أها شنو ليكم ......
Quote: غايتو يا دكتورة والله ما عارف اعلق اقول شنو عشان كده اعدت البصر مرتين لكي اتاكد من الخبر وللاسف وجدته صحيح لذلك قررت امر واسلم عليك فقط لا غير ..... وش مستغرب شديدسؤال هسة حا كتبو في لوحة التكريم شنو السبب للتكريم ده ولا حا يخلوها فاضية هههههههههههههههه , غايتو عشنا وياما حا نشوف ,,
سلامات و تحيات أخي ياسر السرمعاك حق في الدهشة و الإستغراب و الإشمئزاز كمان يقول الخبر " التكريم يأتي كرد على جهات طالبت بإقالة الوزيرة عقب القضية الشهيرة " .خليهم ماشين بالمقلوب ألى حتفهم و ما الإعلان و التبجح بمساوئهم الأ شهادة ضدهم في الدنيا و الآخرة عَلَيْهِمْ لَعْنَةَ اللَّهِ وَالْمَلَائِكَةِ وَالنَّاسِ أَجْمَعِينَ
Post: #17 Title: Re: الإعداد لتكريم تهاني تور الدبة !! Author: على تاج الدين على Date: 12-31-2015, 08:04 PM Parent: #16
ما شهد تاريخ الدولة والمجتمع والفرد فى السودان على مختلف محطاته هزيمة نكراء لمنظومة القيم والاخلاق والفضيلةالا فى ظل هذا النظام الفاجر الذى ادمن الفساد والانحطاط القيمى....صبر الناس عليه سنين عددا وهو يتخبط فى تجاربهالبائسة والفقيرة فى ممارسة الحكم والسياسة بغية الوصول فى اخر المطاف لتحقيق الطموحات والتطلعات ولكن خابالرجاء..وهاهو يقدم نموذجا تلو الاخر باهرا فى كيفية التصالح مع الفساد والانحراف....فطوبى لهم بما كسبت ايديهم.
Quote: يتم تحريكـ القرارات عكس اتجاه الرأي العام والشارع .. ومهما كان .. لا عواطف .. لا مبادئ .. كان فتحوا باب الاستجابة للرأي العام والشارع .. ماحيخلصوا .. مادايرنها تهاني دي .. ماعلى كيفكم .. يخلوها ليكم قاعدة في منصبها .. لا .. ويكرموها كمان ..
ده كلو عشان يوجع نوره في صنقورا .. دي الطريقة الماشية بيها البلد .. كده بس .. أي حاجة مابتنفع معاكم يسووها ليكم .. كيتن عليكم .. أها شنو ليكم ......
كل عام و أنت بألف خير أخي جمال القوز
بئس السياسة القائمة على التعاون بين البلهاء المفسدين و أصحاب السوابق المطيعين .
الحمدلله مازال في الشعب من يخافون الله عملا و قولا و يصدِقون وعده بالثواب و قوله تعالى :
الدكتورة نعمات السلام عليك وكل عام وأنت وكل من يليك بخير وأتم عافية في السودان بلد العجائب وتحية عبرك لكل زوارك الأفاضل متمنياً عاماً سعيداً لهم جميعاً تهاني بتنا يا دكتورة ذكرني وضعها بنظرية وليم غاي كار في كتابه أحجار علي رقعة الشطرنج ودور النورانيين الجدد من خلال مخططاتهم في محافلهم السرية والتي نسجو فيها فكرة تكريم بنتنا التي درست القانون بالصدفة وعملت في منصب قضائي بلا أدني مؤهل علمي مناسب وحينما قام أبنها بما قام به كافأها كبير النورانيين بترقية ووسام تكريم في ماذا؟ لعل الإجابة أيضاً بين دفتي بروتوكولات حكماء صهيون الذي نهل منه النورانيين الجدد كل نظرياتهم التي استعصي فهمها علي قاصي وداني أهل السودان ومعذرة للإنقطاع الطويل لظروف خارج الإرادة ونعود لو سمح الزمن _____ الحليلة
Post: #22 Title: Re: الإعداد لتكريم تهاني تور الدبة !! Author: mohmmed said ahmed Date: 01-03-2016, 08:41 AM Parent: #21
اتفق مع احيمر
التكريم دا بيكون تحت شعار ((كيتا فيكم))
Post: #23 Title: Re: الإعداد لتكريم تهاني تور الدبة !! Author: صلاح حمد Date: 01-03-2016, 09:19 AM Parent: #22
آخر لحظة ( 06-01-2015 ) لا تعليق . شكر وتقدير بلا حدود الأخ العزيز عبد الله إحيمر الأخ العزيز محمد هاشم أبوزيد الأخ العزيز منتصر الأخ العزيز علي تاج الدين علي الأخ العزيز محمد سيدأحمد الأخ العزيز صلاح حمد الأخ العزيز elhilayla
سبحان الله السيدة الوزيرة يفترض تذرف بدل الدموع دم .. عندما قبضوا على سيارتها محملة بالحشيش ويفترض تموت من البكاء عندما كشفت الصحافة سوء استغلالها للسلطة وإخراج ابنها المحشش تجي امس وتذرف دموع الفرح بتكريمها على مخالفتها للعدل الذي تتولى أمره.. لا حول ولا قوة الا بالله...
يا جماعة الناس ديل جادين ؟؟؟؟ والله انا ما كنت مصدق لكن بعد الخبر الجبتيو ده يا دكتورة اقول ليك ( No Comment) بلدنا دي غايتو بنطبق علينا المثل البيقول : السيف عند جبانه والمال عند بخيله : هسة عليك الله الزولة دي جات وواجهت الناس ديل كوووولهم كيفن والله دي حقو يعطوها نوط الشجاعه من الطبقة التسعين وكمان ما ننسا ولدا زاااتو يدوه نوط البطولة المطلقه لعملتو دي ويكافاوه بي كم قندول كده لزوم المزاج بعد التكريم وكده .... والله البلد انتهت نهاية مرة مرة مرة ...
الاستاذ عمر التاج ياخي انت طيب خلاص .
تحياتي : ياسر العيلفون .....
Post: #28 Title: Re: الإعداد لتكريم تهاني تور الدبة !! Author: عمر عبد الكريم علي Date: 01-06-2016, 05:10 PM Parent: #27
الأخ عمر التاج الأخ ياسر السر الأخ عمر عبد الكريم علي الأخ جني الأخ محمد الهادي عبدالرحيم شكرا لتعليقاتكم و إستنكاركم للمهازل الرئاسية و نفاق البطانة الإنتهازية . التكريم الغير مستحق يدل على فساد الحكومة حد الإحتفاء بمخالفة القانون لهذا لن يثق المواطن في مزاعم الإصلاح و الحوار و غيرها من المسرحيات . آخرلحظة ( 07-01-2016 )
الرأي العام ( 31-12-2015 )
...
يقول الخبر " التكريم يأتي كرد على جهات طالبت بإقالة الوزيرة عقب القضية الشهيرة " .خليهم ماشين بالمقلوب ألى حتفهم و ما الإعلان و التبجح بمساوئهم الأ شهادة ضدهم في الدنيا و الآخرة عَلَيْهِمْ لَعْنَةَ اللَّهِ وَالْمَلَائِكَةِ وَالنَّاسِ أَجْمَعِينَ
