يا سِت وفد المنافي عليك الله اعملي فينا معروف والمرّة الجاية سوقيهو معاك ولو صُحبة راكب ...

10:52 AM Dec, 30 2015

سودانيز اون لاين
معاوية المدير-بكندا محافظة البرتا
مكتبتى
رابط مختصر

والله اقولك حاجة، وكت اصلو الحوار تقلوهو لي وكِت عِلمو عِن رب العالمين
رسليلو تذاكر خاسةً الجماعة ديل قالو سبب التأجيل إتاحة مزيد من الوقت للراغبين
عشان ينضمو للحوار .
عليك الله رسلي التزاكر بِسرآعِك الزول دا من مشيتو ؤُ لي يومِك دا ما وقف
من الورجغة .

الزوادة علي انا،
اولاً بالتبادي اسلقلو دستتين اللآت جنا جداد،
ؤُ رطل طحينية،
واسويلو قراصة تمُر،
ؤُ معاها قراصة بصل،
واصرلو ملح ؤُ شطة ؤُ شمار في كيس .

اها قصرتا معاهو ؟،
إنت بس رسلي التزاكر ؤُ لومِك بي نحن بنجيهو ليكي تب،
رسلي التزاكر بِسراعك اكان اضانا دي تبرُد ...

عِلا اقولك حاجة،
إنت اصلك غلتانة حد الغلت، كان من اللوّل تسوقيهو معاكي
الحِجِل في الرِجل، الزول برضو جارك والجار أحق من
غيره .
هسّع عاجبك الردحي البيسوي فيهو دا ؟...

ضحية من ضحاياك يا سِت الوفد .
عقلو كان يوزن دهب، بقى حلزوني ...

رجاء خاص جداً،
،
،
،
،
،
ايّ زول ما معبي البروفايل حقو بالله ما يجي يعملنا لخمة هنا ...

حلآقيمكم العريضة دي تملوها اورانج جوس ؤُ تمشو تنومو
ؤُ تشخرو والدانات تسكلب فوق روسين الناس ؟! امّ مسخرة ...

اورانج جوس



يا ود الخال فلهمتك دي اكان قروها ناس العدلن يقولو شنو؟

Quote: اورانج جوس يا ود الخال فلهمتك دي اكان قروها ناس العدلن يقولو شنو؟

يقروها وين يا قريبي ؟،
ما منعونا ؤُ كدا قالو ناس المنافي ابان حلآقيماً غُلآد
يختو الخمسة في اللِتنين .
والله صحي ...

بارك الله في البرتكان!! من قبيل اضرب اخماس في اسداس يا ربي ود المدير الليلة قاصد منو ؟ و اودي واجيب لا خليت كبر لا ياسر طيفور لا عمّك بتاع عرديبة
بالله لامن جبت سيرة البرتكان بلا وقعت لي
ياخي بالغت !!

غايتو يا ابو الريش الجاتك في ورغتك سامحتك
إنت يا ود المدير يوم النصيحة بت خنقك
تراجي بتصفي في حساباتها بطريقتها الخاصة والحكومة هي المستفيد الأول
لكن من ناحية متسقة كمان يا ود المدير ما تغرق زمتك الست دي اثبتت انها ممكن
تقول العايزاهو لاي زول وفي اي حته
:
:
:
:
:
:
:
:
مع التحيات لله الزاكيات

غايتو انا اديتكم كلآم مجاني ؤُ ماشي انوّم واشخُر،
والله يكافي الوطن شر المصايب .

حتي الغد إن شاء الله اقولكم،
ايّش تبغوّن ؟،
اورانج جوس،
ام عصير برتقال،
ام عصير برتكان، ؟،
غايتو ديل البقدر عليهِن، واللي يبغي الثورة يركب
ركشة أو أمجاد .


تصبحون علي خير ...

يا ود المدير يا اخوى..
انا والله داخلة اسلم عليك..
كدى لله فى لله..
واقول ليك..
كل سنة وأت طيب..
وربنا يديم عليك كل النعم..
ما ظهر منها وما بطن..
اى والله..
ما ظهر منها وما بطن..
أصلك غالى علينا كتير..
واللخو فى الزمن الصعب دا كان لقيته..
أمسك فوقه قوى..
علا يا اخوى البصيرة ام حمد دى..
خلها فى حالها..
العليها تقيل بالحيل..
ولسه الجايات اتقل من الرايحات..
وما حترسل ليكم تظكرة ولا حاجة..
خليتك عافيه..

انا غايتو عايزة برتكان ومخلوط بموية الاتبراوي
ودمت

Quote: غايتو انا اديتكم كلآم مجاني ؤُ ماشي انوّم واشخُر،

تنوم يا ود المدير !!!!
لي بكرااا عصيرك بي مررر يا مفتري
:
:
:
:
:
:
:
:
:
:
مع التحيات لله الزاكيات

الاخ معاوية المدير تحياتي
بوست في الصميم
برجع ليك
مودتي

ود المدير

خلاس عبيت بروفايلك ؟

كل القوة الخرطوم جوة

كمان عندكم واحد في حلتكم.. نفسو يمشي الحوار،
شغال جنس كسير تلج لطروجي.
غايتو اللهم لا شماته

و انت يا الناجح اقعد اعملها لي نقة و جيرانك قابضين الجو بي غادي ...
ظهور في القنوات الفضائية و عزايم و ضبايح ...

زول فقر اصلو ما وش نعمة 😂😂😂😂

اذا شنق الطواقي كان غاندي وجيفارا اذا خلع الطواقي والله انا خايفك تتقريف ليك لي لوبا ولا يضايقوك ناس الأوبر نلقاك في وفد الحوار الجاي اصلوا قالو فورتو ألف وما بحرق

حزف للتكرار

رجعنالك معاوية
اجيك من الاخر حيدر قاسم عمل ليه خيارين لا ثالث لهم اما ان تنزل السودان او تمشي الحركات المسلحةوانا بقول ليه في خيارات اخرى ثق يا حيدر قاسم ان اي حرف يكتبه من هم في المنافي نقدا او مدماكا في بنيان الثورة على المؤتمرجية نثمنه ونحترمه و بدينا احساس بانو هؤلاء من هم في المنافي برغم رغد العيش والحرية والحياة الكريمة في بلادهم لا زالوا يشاركونا همنا وغمنا وغبشتنا وجوعنا و قهرنا وامراضنا ...فيا حيدر طريقك اخضر ودربك سالك الى الحوار فعلام التدليس والتشكيك والتقليل في دور هؤلاء الراكزون.لست متحدث باسم من هم في الداخل ولست الوحيد الذي يقف في وجه هؤلاء السفلة ولكن عمليا ان هنا ولا زلت احلم بيوم انجلاء هذا البلاء و اقيف وسط الشارع واغني بلاء وانجلى حمد الله الف على السلامة
..-------
تحياتي معاويةواسف ان فهمت مرامي بوستك وان كان كما اتوقعت ثق اننا نحبكم واصلوا فيما امنتم به .ومن اراد الاتدغام فطريقه سالك ..ونحن امنا ورسمنا دربنا وحتما سنصل ..
مودتي

Quote: بارك الله في البرتكان!! من قبيل اضرب اخماس في اسداس يا ربي ود المدير الليلة قاصد منو ؟ و اودي واجيب لا خليت كبر لا ياسر طيفور لا عمّك بتاع عرديبة بالله لامن جبت سيرة البرتكان بلا وقعت لي ياخي بالغت !!

هههههههههههههههههههه،

يا ود البشرى بالله الوآحد يعجبك بيانه وفصيح لسانه وما يخط بنانه،
ؤُ في اوّل ملف تكتشف إنو خشبة مسنودة !، غايتو ناس عرديبة ديل
واضحين ؤُ ما فاضحين .

ما تنسى تعبي البروفايل، كدي صاحبك ابو حسين دا القا ما معبي العمود
بتاعو شوف اسوّي فيهو شنو ؟...

Quote: تراجي بتصفي في حساباتها بطريقتها الخاصة والحكومة هي المستفيد الأول لكن من ناحية متسقة كمان يا ود المدير ما تغرق زمتك الست دي اثبتت انها ممكن تقول العايزاهو لاي زول وفي اي حته

زمتي يا تا البغرقا يا قريبي ؟، السِت دي اكان ما ورجغت بتتقلب سِحليِّة هي أصلها
بُنيت علي الورجغة إن كانت معارضة او محاورة، أو حتي لها حواريين .
هسّع عليك الله المرا دي من دخلت الخرتوم خشما دا وقف ؟،
غايتو انا زعلآن منها عشان كرمت الحوار دا وراها،
هاك سِت الودع دي :

Quote: يا ود المدير يا اخوى.. انا والله داخلة اسلم عليك.. كدى لله فى لله.. واقول ليك.. كل سنة وأت طيب.. وربنا يديم عليك كل النعم.. ما ظهر منها وما بطن.. اى والله.. ما ظهر منها وما بطن.. أصلك غالى علينا كتير.. واللخو فى الزمن الصعب دا كان لقيته.. أمسك فوقه قوى.. علا يا اخوى البصيرة ام حمد دى.. خلها فى حالها.. العليها تقيل بالحيل.. ولسه الجايات اتقل من الرايحات.. وما حترسل ليكم تظكرة ولا حاجة.. خليتك عافيه..

اختي نور،
وإنت طيبة، اسأل الله ان يجعله عام رخاء وسلآم
يعم جميع انحاء وطننا الحبيب، واسأل الله ان يصبغ
عليك نعمه ويحقق جميع امنياتك .

البصيرة ام حمد ماهي إلا بالونة تمّ نفخها وفكها في الفضاء
فستظل ترتفع وترتفع فرحةً بإرتفاعها ظناً منها انها ستبلغ
الدرجات العُلى، لكنها ستنفجر هناك وتصبح هباءً منثورا
ونسياً منسيا، لكن الكلآم صاحبنا دا، بقى زي العقرب الكابين
فوقا الجاز رافعة ضنبا ؤُ هايجة تتجارى يمين ؤُ شمال ...

Quote: انا غايتو عايزة برتكان ومخلوط بموية الاتبراوي ودمت

بسمات يا بت حِلتنا .
حليل اللتبراوي، البارح بتونس مع اختي قالت لي،
يا معاوية كل شي نسيناهو إلا اتبرا غلبنا ننساها
كُلو، كُلو .

يا بسمات إنتو ونحن بتاعين إستار بكس والوآيت موكا
حسابنا سيكون عسيّر عن سيادتو . ارقدو عوافي في المنافي ...

والله يا ود المدير اذا ما الاستاربكس والوايت موكا كنا نحن كمان انضمينا
للخوار الماوطني ..بس عشان نسكن في الفنادق على حساب الشعب والمواصلات
الداخلية على حساب الشعب ..وممكن كمان نزور عطبرة بحجة تفقد احوال العمال
الكادحين....ونشرب عصير البرتكان كمان على حساب الشعب....
لكن مستحملين صعاب الغربة لحين بزوغ الفجر....واظن ان ذلك ليس ببعيد...عشان اتاكدنا
ان النمر نمر من ورق....
ودمت...ولا رايك شنو!!!

Quote: يا حيدر ياخ كلما نقول نعفيك من غضب الشعب؛ تقوم تجيبا دقلا يكركب. ..ياخ تماهيت مع المؤتمر الوطني؛ وبقيت تتكلم بلغتهم عديل كدة؛ اوا ليس هنالك طريقا ثالثا يا رجل؛ اها النقولك؛نحن لن نذهب للميدان لان الحرب لا طائل وراها؛ وهي مطلب تكتيكي للمؤتمر الوطني والمتماهين معه؛من يدعو للحرب ؛ دا كلام زي وزي الدايرنا اللجينا في الميدان؛ الشعب لن يذهب؛ للذهاب للحرب دعوة مؤتمر وطني بامتياز؛ فهو يرتزق من الحرب اكتر من السلام؛ ودي بديهية..... الشعب لن يذهب؛ لانه بكره الحرب وبحب السلام؛فهو ما زال بخير؛ لن يقتل بعضه ببساطة.. افهمت؟ ولن نذهب نحن الشعب لحوارك الوطني؛ لانه بلا مدى وبلا افق وبلا ارض وبلا جمهور وبلا نتائج؛ وبكرة يا ما حا تشيف حاجة!!! حا نقعد هنا في منافينا لاننا مكرهون لا ابطالا... ولن ننفصل عن واقع شعبنا؛ وعن احلامه وتطلعاته لكريم العيش؛ الاغتراب داخل الوطن او خارجه حق؛ نمشي اي مكان على كيفنا؛ ولو ذهبنا لاخر نقطة في العالم يظل الوطن مليئا بنا؛ ونحن به به ممتلئون؛ حتى ليكاد ان يغازلنا المغتربون في الشوارع... ونحن كشعب يختط طريقا تالتا منتصرا وانيقا؛ هو طريق الانتفاضة السلمية؛ لتدك السلطة الفاسدة وابواغها على الارض؛ وفوق الاسفير؛ والانتفاضة فرض عين؛ يقوم بها كل الشعب الا من ابى... في الداخل وفي المنافى؛ وحتى في حواف كندا الباردة... .................. يا زول حاور لي بكرة ان شاء الله يبقوك رئيس الحوار ذاتو؛ الحوار الاسفيري... بس لا تصادر خيارنا؛ ان نعارض بالطريقة التي نراها؛ او حتى ان نؤيد؛ يا زول الناس المشوا ديل مسككوك ضنب الككو؛ تنطط من بوست لبؤس؛ الحكاية؟ ياخ مهمتك مرهقة؛ انعل ابو العفش ذاتو؛كان ياخدوهوا صحبة راكب؛ وترجع عشان التساق وعشان كدة .... كرهتنا ؛ وعشان السلة تكون واحدة؛ السلة الذاهبة راسا لمهملات التاريخ؛ ......................

ود المدير سلامات؛ ياخ انت كاتبي المفضل لتلاتة ارباع قادمة على الاقل؛
ديل كلمتين اديناهن لي كندا تلجة تلجة..
وفي زيهن؛ او اكتر في بوست هاشم نوريت؛ حيث كتب كلمتين واعتذر بمشغولياته الحوارية؛
وباصا البوست لصاحبنا الذي ما كضب خبر؛
مطانا ليك مطة محاور على وشك الوصول لقاعة الصداقة؛
ليته فعل كنا ارتحنا من ( الورجغة ) الفي الفاضي دي...
والوصايا ؛
وكمان قريمات ابتهج بوهج السلطة الزيف؛ وكتب بوست ليس فيه اي احترام لمحاوريه
القدامى؛ وبدا يتغزل في جلابينه الجديدة؛ مبروكة عليهو قميص عامر الخالق الناطق...
....................

Quote: العلي علي ود المدير خصمتك بالنبي طالب منك الغنية دي ماهو عارف قدمه المفارق يا محط آمالي السلام لامين تصل للحتة دي قول للغناي يرددها يا جميل يا نور الشقايق أملأ كأسك واصبر دقايق مجلسك مفهوم شوفه رايق عقده ناقص زول ولا تام

العلي يا صديق،
هآك :

ونهديها للوفد الذي سوف يقطع دآبر الحرب بالورجغة في المكرفونات،
والسفسفة والعضات والإستمتاع بالرحلآت، كما لا يفوتنا ان نهديها
لملك طقطقة الحروف الذي قال مقولته الشهيرة متحسراً علي ما فاته
من ما لذّ وطاب من طعامٍ وشراب : ليتني كنت معكم .
حقاً ليتك كنت معهم فالمجلس ناقص، لكن يا حبيب لا تحزن، جحا قالولو،
عِد الموجات . قال، الجايات اكتر من الراحات .
من جيبك ما بتقدر تصل البقالة عشان تجيب اورنج جوس، لكن لآمن تجي
إكراميات من جيب الغلآبة حا تخلي نعلآتك في حِتتن ؤُ تقوم صوووووف ...

Quote: ود المدير خلاس عبيت بروفايلك ؟ كل القوة الخرطوم جوة

حمد يا صديق،
تبغي تروح ؟.
يا حمد خرطوم اليوم للجميع إلا من ابى، ومن خالف الإنقاذ فقد ابى .
كي تدخل دخول الفاتحين لآزم تبارك من منفاك فالمباركة هي تأشيرة الدخول
اما مسألة التزرع بوقف الحرب فدي مكنة عاضة يا سيدي، مَن مِن خلق الله
لا يبغض الحرب ويكرهها ؟، كلّ مخلوقات الله تبغض الحرب إلا اصحاب
النفوس المريضة امثال احمد هارون صاحب المقولة الشهيرة اكسح أمسح
ما تجيبو حي، والبشير الذي إعترف بقتل عشرة ألف قائلاً عشرة ألف بس ،
مستسغراً الرقم . لم تُمنح التأشيرات لصاحبة الوفد ورفقائها الميامين لأنهم
رُسُل سلآم، ولكن مُنحت لمباركتهم ورضاهم بل إنخراطهم في صفوف العصابة
الجاثمة علي صدر الوطن .
هذا الطمباري يبغي الإلتحاق بالعير وحاديها ...

Quote: كمان عندكم واحد في حلتكم.. نفسو يمشي الحوار، شغال جنس كسير تلج لطروجي. غايتو اللهم لا شماته

أقعد باري ود حِلتنا دا لآمن يسختك .
نحن في حِلتنا بنؤمن بالمثل البيقول، الشيّنة منكورة .

Quote: و انت يا الناجح اقعد اعملها لي نقة و جيرانك قابضين الجو بي غادي ... ظهور في القنوات الفضائية و عزايم و ضبايح ... زول فقر اصلو ما وش نعمة

هههههههههههههه،

يا ابو حسين ياخي مرمي الله اصلو ما بيترفع،
النِعمة السالت فوق قيزان الرملة دي جليّت منها ببدلة بس . هسّع جيراني
ديل كان إشتروا لي بدلة ؤُ ساقوني مالو ؟، اصلهم القروش ما دآقين فيها
حجر دغش . بس انا ماني لآيِمُن، لكن لي عتاب خفيف لهم أُضمنه قوله
تعالى : (يَا أَيُّهَا الْإِنسَانُ إِنَّكَ كَادِحٌ إِلَى رَبِّكَ كَدْحاً فَمُلَاقِيهِ)...

Quote: اذا شنق الطواقي كان غاندي وجيفارا اذا خلع الطواقي والله انا خايفك تتقريف ليك لي لوبا ولا يضايقوك ناس الأوبر نلقاك في وفد الحوار الجاي اصلوا قالو فورتو ألف وما بحرق

منتصر يا صديق،
ماذا تقول في إنسان من غير مبدأ ؟!، سئمنا طول فترة الإنقاذ لكني احسبها لخير، طول
الطريق جعل الذين في نفوسهم شئ وأصحاب النفس القصير يتساقطون، ولعمري شخص
لا يصبر لا خير فيه لوطن . نقول فترة تمايذ، وطول عمر الإنقاذ يميّذ الخبيث من الطيّب .

غايتو انا كان إتعصرت بتلقوني معلّق بين طيات السحاب، باقي الحالة عندنا اليومين ديل
ما بتسُر البال ...

Quote: رجعنالك معاوية اجيك من الاخر حيدر قاسم عمل ليه خيارين لا ثالث لهم اما ان تنزل السودان او تمشي الحركات المسلحةوانا بقول ليه في خيارات اخرى ثق يا حيدر قاسم ان اي حرف يكتبه من هم في المنافي نقدا او مدماكا في بنيان الثورة على المؤتمرجية نثمنه ونحترمه و بدينا احساس بانو هؤلاء من هم في المنافي برغم رغد العيش والحرية والحياة الكريمة في بلادهم لا زالوا يشاركونا همنا وغمنا وغبشتنا وجوعنا و قهرنا وامراضنا ...فيا حيدر طريقك اخضر ودربك سالك الى الحوار فعلام التدليس والتشكيك والتقليل في دور هؤلاء الراكزون.لست متحدث باسم من هم في الداخل ولست الوحيد الذي يقف في وجه هؤلاء السفلة ولكن عمليا ان هنا ولا زلت احلم بيوم انجلاء هذا البلاء و اقيف وسط الشارع واغني بلاء وانجلى حمد الله الف على السلامة ..------- تحياتي معاويةواسف ان فهمت مرامي بوستك وان كان كما اتوقعت ثق اننا نحبكم واصلوا فيما امنتم به .ومن اراد الاتدغام فطريقه سالك ..ونحن امنا ورسمنا دربنا وحتما سنصل .. مودتي

حبابك يا علي،
وثق تماماً انّ هذا الطنين لا يزعجنا فقط أحببنا نوضح لكم الحاصل من هنا من المنافي التي يتحدثون
منها هم، من المنافي التي سافروا منها بزعم أنهم رُسُل سلآم، من المنافي التي يسكلب فيها حيدر قاسم
ومن خاض معه في هذا المستنقع الآسن .
يا علي أُقسم لكم بالله العظيم لا تراجي ولا وآحد من اعضاء وفدها يستطيع السفر للسودان من حُر
ماله وخدمة جبينه خاصةً في هذا الظرف الذي تمر به كندا . الإقتصاد الكندي وآقع وإذا عندك 10000
ألف دولآر كندي لو فكيتها بلأمريكي ما بتفوت لها 7000 ألف امريكي، لآحظ تراجي معاها اولآدا كدي
اسألو تراجي البتقول ما دافعين ليها جابت القروش دي من وين في هذا الظرف ؟. وينطبق هذا علي بقية
اعضاء الوفد . أهو حيدر قاسم وأشباهه ظاهرين من كتاباتهم، والكلآم الكتير المُمِل البيزحمونا بيهو هنا .
ديل فاتهم القطار ؤُ عايزين يلحقو زخم الكميرات والمكرفونات والصفقات الرنانة دون ما يدخلو ايديهم
في جيوبهم الخاوية، عايزين يشدو ؤُ يركبو من عرق الغلآبة، قال ايه ؟ ليتني كنت معكم !، طيّب
ما تقوم تلحق يا عم، علي اليمين شِبِر ما يقدر يتحرك من محل ما هو قاعد، لكن لو المنصرفات من
اسراب الضحايا الكادحون الوآحد شِدة ما يقوم مستعجل لآمن يقع علي خشمو .
المنافي دي نحن قاعدين فيها ؤُ عارفين البيها والعليها والوآحد فينا بعد كل كم سنة لآمن يمشي يقضي
شهر أو شهرين مع أهلو بيرجع مديون .

يا علي نحن بنحترم الرأي الآخر، لكن ابداً لا نحترم من يذهب ليحاور قتلة ومجرمين ويستهلك عرق
الغلآبة في النزول في أفخم الفنادق والرحلآت والعوازيم، فهذا شخص لا رأي له، الشخص صاحب
الرأي هو الذي يتحرك بحُر ماله، اما الذي يتحرك بالمال المنهوب سيبك مِنّو .
الحوار وتمّ تأجيله والعايز يلحق اليلحق بدل إستهلآك الحروف العربية في ورجغة لا تُثمن ولا تُغني
من جوع ...

Quote: والله يا ود المدير اذا ما الاستاربكس والوايت موكا كنا نحن كمان انضمينا للخوار الماوطني ..بس عشان نسكن في الفنادق على حساب الشعب والمواصلات الداخلية على حساب الشعب ..وممكن كمان نزور عطبرة بحجة تفقد احوال العمال الكادحين....ونشرب عصير البرتكان كمان على حساب الشعب.... لكن مستحملين صعاب الغربة لحين بزوغ الفجر....واظن ان ذلك ليس ببعيد...عشان اتاكدنا ان النمر نمر من ورق.... ودمت...ولا رايك شنو!!!

بسمات يا بِت حِلتنا،
رأي ان نعصر علي الصبر ودوماً نذكر فأل الشاعر مُحي الدين فارس
الذي صدح به العطبراوي،

Quote: وغداً نعود حتماً نعود للقرية الغناء للكوخ الموشح بالورود ونسير فوق جماجم الأسياد مرفوعي البنود تزغرد الجارات والأطفال ترقص والصغار والنخل والصفصاف والسيال زاهية الثمار وسنابل القمح المنور في الحقول وفي الديار لا لن نحيد عن الكفاح لا لن نحيد

من يحلّق بين طيات السحاب بمال الشعب المنهوب وحقه
المسلوب لا رأي له ...

Quote: في بوست هاشم نوريت؛ حيث كتب كلمتين واعتذر بمشغولياته الحوارية؛ وباصا البوست لصاحبنا الذي ما كضب خبر؛ مطانا ليك مطة محاور على وشك الوصول لقاعة الصداقة؛ ليته فعل كنا ارتحنا من ( الورجغة ) الفي الفاضي دي...

عبد المنعم يا صديق،
ليك الأشواق بحور .

يا عبد المنعم إنت قريب من الزول دا، أجآد أخوي تختف كُراعك تتبنو وكان في
فكي قريب الحقو بيهو . الزول دا فتحلو بوست، لآمن تسحب اساس البوست
تحسب من المداخلة اللُوّلى لآمن تصل طلطاشر يورجغ زول قالو عينك في
راسك مافي لآمن جاء أخونا صلاح زبير كتّر خيرو ضربلو مثل ببيوت الشعبية،
وانا أضيف عليها الطوب المانع دآك البيبنو بيهو السكن العشوائي .

عاين جاي، المداخلآت مطروشات غلتات لي ود عينن، مع إني
شايفو اليوم دآك إتفلسف وإتفلقس علي مني عمسيب .
والله صحي ...

أخونا معاوية كيفنك. إنشاءلله طيب وماك بردان

أخونا صلاح زبير كتّر خيرو ضربلو مثل ببيوت الشعبية،

ياخي صلاح زبير باتنقليزى و صلاح الزبير باسودانى
بعدين ياخى المثل كان مكنة البلوك إت الشعبية دى مكسر فيها كدى لشنو؟

إنت قلت فى بوست حقك فديم نواحى 2010

قضيت اجمل ايامي في الشعبية وإستمتعت بطعمية
الجيزآوية وفول حميّدة...

إستمتعت بالطعمية بس؟ إنت عارف حبوبتنا الجيزاويه كانت بتبيع طعميتا دى على بعد 15 متر من باب بيتنا
أو 10 متر من حيطة بيت الزبير التوم

أختي اسيا المدير وزوجهاخليفة المحجوب عليه رحمة الله،
كانو من سكان الشعبية في فترة السبعينيات، جيران ناس
المرحوم جعفر السيّد، وحاجة شآمة. المرحوم محجوب ميرغني
عمي، وكنت اقضي اجازات المدرسة دوماً في الشعبية، مازلت
اذكر جيداً ناس عمّك عامر وبريقع، وحميّدة صاحب الدكان،
والجيزاوية. كلما اذهب للسودان ازور الشعبية ناس عمي
محجوب ميرغني، ولآزم إشتري اي حآجة من كشك مكتبة
المؤسسة وفاءً لهذه المكتبة التي كنت ارتادها في ذلك الزمن
الجميل كلما أُتيحت لي الفرصة لزيارة الخرتوم...

قدر ما حاولتا أزكر المرحوم خليفة عمك ما قدرتا , البيت البعد المرحوم جعفر السيد كان بيت حسن محمد خير

تحياتي

Quote: Tariq Hassan Elshaikh · Senior Manager - Facility Design and Engineering Services في Dubai HealthCare City تحياتي وارفع قبعتي لكاتب هذا البوست الذكي الحصيف القلبوا على وطنوا ... ده شغل بتاع صنايعيه بلقطوها بالابرا .... لك الود معاويه كتبت فابنت ... اما حيدر فاسم فلا تعليق

حياك الله أخي طارق ولك من الوُد
مثله وزيادة .
ادِن راسك جاي خليني اسلّم عليهو، واسأل
الله ان أكون عند حُسن ظنّك بي ...

Quote: ود المدير سلامات؛ ياخ انت كاتبي المفضل لتلاتة ارباع قادمة على الاقل؛ ديل كلمتين اديناهن لي كندا تلجة تلجة.. وفي زيهن؛ او اكتر في بوست هاشم نوريت؛ حيث كتب كلمتين واعتذر بمشغولياته الحوارية؛ وباصا البوست لصاحبنا الذي ما كضب خبر؛ مطانا ليك مطة محاور على وشك الوصول لقاعة الصداقة؛ ليته فعل كنا ارتحنا من ( الورجغة ) الفي الفاضي دي... والوصايا ؛ وكمان قريمات ابتهج بوهج السلطة الزيف؛ وكتب بوست ليس فيه اي احترام لمحاوريه القدامى؛ وبدا يتغزل في جلابينه الجديدة؛ مبروكة عليهو قميص عامر الخالق الناطق...

عبد المنعم يا صديق،
ياخ صاحبك دا طلع نفسو قِصيِّر خلآس . والله انا كنت قايلو زول نفسو طويل، ؤُ تقيل ؤُ رزين
لكن خيّب ظني ؤُ مدّ قرعتو من قولة تيّت . قال آيه، قال يرجعوني لوظيفتي في وزارة المالية
أو يشوفو لي صحيفة مستقلة اكون بتاع أعمدة يومية !. شُفت الحرفنة كيف يا عبد المنعم ،
خلآس زولك إختار، يا المالية يا يصطفّ مع ناس عمّك الشوش والهندي عز الدين، ؤُ محمد
محمد خير .
الوآضح ما فاضح .
والله صحي ...

Quote: أخونا معاوية كيفنك. إنشاءلله طيب وماك بردان ياخي صلاح زبير باتنقليزى و صلاح الزبير باسودانى بعدين ياخى المثل كان مكنة البلوك إت الشعبية دى مكسر فيها كدى لشنو؟ إنت قلت فى بوست حقك فديم نواحى 2010 قضيت اجمل ايامي في الشعبية وإستمتعت بطعمية الجيزآوية وفول حميّدة... إستمتعت بالطعمية بس؟ إنت عارف حبوبتنا الجيزاويه كانت بتبيع طعميتا دى على بعد 15 متر من باب بيتنا أو 10 متر من حيطة بيت الزبير التوم قدر ما حاولتا أزكر المرحوم خليفة عمك ما قدرتا , البيت البعد المرحوم جعفر السيد كان بيت حسن محمد خير

ود الزبير حبابو ؤُ حباب ناس الشعبية من جم .
غايتو يا صلاح الزبير اليومين ديل نكتكت من الصقط .
إن جيّت للجد الشعبية دي انا ليوم الليلة مكسر فيها، وفعلاً قضيت أجمل ايامي فيها، لأنها كانت المحطة
الأُولى لي في البندر كإقليمي يحط رحاله في البندر لأوّل مرّة، ؤُ كمان لروح التكاتُف والتضامُن بين
أهلها . حتي اليوم عندما اذهب للسودان لآزم امشي ازور أولآد عمي محجوب ميرغني و زوجته
عمتي خديجة لهما الرحمة، وثق يا ود الزبير حتي لو ما كانوا هناك برضو كنت حا امشي اطوّف في
شوارع الشعبية كي استعيد ذكري تلك الأيام الجميلة .
اختي اسيا وزوجها خليفة ومعهما أخي خليفة لهم الرحمة جميعاً إفتكر وإن لم تخني الذاكرة كانوا
ساكنين في بيت حسن محمد خير، واظن البيت دا لصقو من الناحية الجنوبية بيت ناس حاجة شآمة،
وكنا نتلّب بالحيطة عِن ناس حاجة شامة أُم حجوجة، مازلت اذكر الأسماء لكن الملآمح طشّت .
يوم عملت طعمية للعزابة في كندا، ؤُ قتلهم، الليلة عملتلكم طعمية مبالغة، طعمية الجيزاوية بس !.
ولم يخطر ببالي ان يكون احدهم يعرف الجيزاوية، كان نطا لي واحد إسمو المصباح ياسين قال
لي، تعال هنا إنت بتعرف الجيزاوية من وين ؟. بس فتحت ليك فيهو ؤُ رصيتلو اسامي ناس
الشعبية ست، خليتو ليك فاتح خشمو ضلفتين .

يا سلآلآلآلآلآلآم ياخ،
كانت ايام جميلة والله .
من هسّع انا متغدي معاكم في بيتكم إن شاء الله من غير
عزومة منكم . خُت دي في بالك ...

اختي اسيا وزوجها خليفة ومعهما أخي خليفة لهم الرحمة جميعاً
يا الله يا معاوية خليفه الكبير وزوجته آسيا و خليفة الصغير ذهبوا إلى ربهم
إن لله ماأخذ وله ماأعطى وكل شيء عنده بأجل مسمى
الموت طريق مسلوك ومنهل مورود
والقول كما قال الصابرون: إِنَّا لِلَّهِ وَإِنَّا إِلَيْهِ رَاجِعُون
آخر عهد مع خليفه الكبير كان يوم رحلناهم لبيتم فى الحلفايا أما خليفه الصغير فكان
يعمل فى السفارة السودانية فى أبوظبى لغاية منتصف التسعينيات وكنا على تواصل.
ياخى ربنا يرحمهم جميعا"

من هسّع انا متغدي معاكم في بيتكم إن شاء الله من غيرعزومة منكم . خُت دي في بالك ...

إت ا زول قايل غداك دايرلو قومت نفس , حرم , دقيق الفيتريته متوفر نسويلك بيهو الكسره الزرقا المى خمج
و الروب قاعد نسويلك بيهو مولاح الكورارة و كان ما نفعت معاك الكورارة نسويلك مولاح السبروق و لا لسان الطير,,,, قصرنا معاك؟