هي المنشدة الجمهورية الأشهر، رأيتها مرّة واحدة بأركويت حوالي نهاية 97 في جلسة إنشاد، وظلّ صوتها مرافقني طيلة عام 98 عبر شريط كاسيت أهداني إياهو صديق جمهوري وأنا مسافر للسعودية.
Post: #2 Title: Re: إخلاص همد: شيء لله يا حسن Author: Hafiz Bashir Date: 12-30-2015, 01:06 PM Parent: #1
رحمها الله و أحسن إليها هي و زوجها الأخ صلاح الطيب و جعل البركة في إبنيهما محمود و آمنةإخلاص همد كانت منشدة ذات صوت قوي و مؤثررحم الله الأستاذ عبد اللطيف عمر الذي إستضافنا في جلساتهمو التحية لصديقي خطاب عبد الله الذي أهداني معرفتهم
Post: #3 Title: Re: إخلاص همد: شيء لله يا حسن Author: Yasir Elsharif Date: 12-30-2015, 01:28 PM Parent: #2
سلام بكور وحافظوشكرا لكمالقد رحلت الأستاذ إخلاص هي وزوجها صلاح الطيب في حادث حركة مؤلم في طريق مدني في أغسطس 2002 وتركا وراءهما محمود وآمنة.. هذا تسجيل لإنشاد في عام 1997 يا أبو بكر، ما عارف إذا كانت هي الجلسة التي حضرتها أنت في أركويت أم لا. أهديها إياك والأخ حافظ بشير وزوار البوست.
Post: #4 Title: Re: إخلاص همد: شيء لله يا حسن Author: أبوبكر عباس Date: 12-31-2015, 04:49 PM Parent: #1
سلام يا حافظ وياسروتحية محبة لمحمود وآمنةأهداني يا حافظ معرفة الجمهوريين في جلسات الانشاد صديقتي الجميلة منى عوض. جلسة اركويت التي أعنيها يا ياسر، كانت في حوش واضاءة خافتة وقد تكون ستة وتسعين وليس سبعة وتسعين عليك الله، يا ياسر نزل لينا شيء لله يا حسن، والقصيدة بتاعت النابلسي البقول فيها: شق ثوب الوهم عن ذاتك ينشق غطاءها البوست دا سببو بوست عباني عن سر محبة الجمهوريين للختمية، طوال قفزت لراسي اخلاص وشيء لله يا حسن
Post: #5 Title: Re: إخلاص همد: شيء لله يا حسن Author: ahmedona Date: 12-31-2015, 06:55 PM Parent: #4
هل الإنشاد ذكر؟؟؟؟
Post: #6 Title: Re: إخلاص همد: شيء لله يا حسن Author: muntasir Date: 12-31-2015, 07:04 PM Parent: #5
سلام احمدونا انا جد في حاجة محيراني في قصة صوت المرأة عورة دي السيدة عائشة رضي الله عنها كانت تعلم الجميع بما فيهم الرجال وفي قصص الصحابيات اللائي كن يغزون مع الرسول صلى الله عليه وسلم وفي قصة المرأة التي اصابت وأخطأ عمر رضي الله عنه فكيف تستقيم مع أن صوت المرأة عورة دي
Post: #7 Title: Re: إخلاص همد: شيء لله يا حسن Author: أبوبكر عباس Date: 12-31-2015, 07:24 PM Parent: #1
هل الإنشاد ذكر؟؟؟؟
(أنسى)
ما عارف يا أحمدونا، لكن الزولة دي، وحات سيدي الحسن، وانستني وآنستني في ايام صعبة وادتني دعم معنوي كبير بصوتها الشجي وانشادها الروحي بعدين اتا الدين دا عندك الا يكون عندك ليهو نص ورواية، يا أخي، ممكن تعمل دينك براك والدين دا افقو مفتوح واملاهو علي كيفك بس شيء يخليك تسمو كدي اسمع: شق ثوب الوهم عن ذاتك كدي يا احمدونا، ابقى جمهوري الفين وستاشر دي بس سبعتاشر ارجع اتوهب سنة كتيرة أدينا ستة شهور
Post: #8 Title: Re: إخلاص همد: شيء لله يا حسن Author: muntasir Date: 12-31-2015, 08:01 PM Parent: #7
يا بوكو لا ادري جواز تهنئة البياطرة بعيد رأس السنة لكن كل سنة وانت طيب احمدونا ده اول قال صوت المرأة عورة لكن بعد داك عدلها هل الانشاد ذكر فشكلوا ان الصوت ما عورة بعدين انت الجمهوريين خلاص وافقوا علي طلبك واتنازلوا ليك عن الفكرة شايفك بقيت تعزم
Post: #9 Title: Re: إخلاص همد: شيء لله يا حسن Author: Yasir Elsharif Date: 12-31-2015, 09:32 PM Parent: #8
إنشاد قصيدة "شيء لله يا حسن" يعقبه ذكر بالإسم المفرد.
Post: #10 Title: Re: إخلاص همد: شيء لله يا حسن Author: Yasir Elsharif Date: 12-31-2015, 09:45 PM Parent: #9
سلامات يا بكورهذه قصيدة "شق ثوب الوهم عن ذاتك ينشق غطاها" وهي للشاعر الجمهوري الشريف البيتي الذي رحل في ستينيات القرن الماضي..فى البهاء الأسنىالشريف محمد أحمد البيتيشُق ثوب الوهم عن ذاتك ينشق غطاهاوترى من حسن ذاك الوجه ما لا يتناهىحضرة المعراج لا تلق عصا السير سواهاواسر بالروح ففي الإسراء للروح مناهاوادخل الجنة في دنياك وانعم بشذاهاقدَّس الله وجوها شعَّ في الكون سناهاواجهت وجه الذي كان اليه منتهاهاقبست من نوره أنوارها فهو ضياهاعرَّست في حضرة القدس ولاذت بحماهافهى عند الله مثواها، وبالله رضاهامقعد الصدق الذي كان إليه مرتقاهاوإليه وهي في الآزال مولاها دعاهاهى منه، حيث تزهو في نعيم بحلاهامن بهاء الله ذي العزة مولاها بهاهاشهدت من سر غيب الذات ما لا يتناهىفهى منها حيث لا تشهد موجودا سواهاكلَّمت ذا العزة الباقى وناجته شفاهافعليها صلوات لا انتهاء لمداهاثم عنها رضى الله وأولاها رضاهاوحبا السائر من أهل ودادي ما حباهاإنه الفتح وفيه سر يس وطهإنما يرجع بالأسرار مخصوص رآهاإنها مرتبة في الكشف ما أبهى سناهاانها منزلة شمّاء طالت في علاهالايرى ساحتها الفيحاء الا مصطفاهاأويدانيها وان جلّ فتى الاّ فتاهاكيف يبدو وجه ذات الخدر الاّ في فناهاأو يراها الهائم الولهان الاّ في حماهافخذوا الأخبار بالايمان عمّن قد رآهاواسمعوها ثمّ عوها مثل من كان وعاهافاذا أسمع داعيها ملبيه اقتفاهاواذا وافاكم الاذن فمن نودي أتاهاواذا ما فتح الباب فقد حان لقاهاحبّذا عنها الأحاديث رواها من رواهامن بهاء القدس في أنفاسها عرف رباهانفحة من حضرة القدس سكرنا من شذاهاهذه سلمى لروحي قد تجلت في بهاهايالها من ذات حسن أزلي لا يضاهىكل شأن فيه عيني تجتليها في حلاهافى حضوري وغيابي كيف ما كنت أراهانشطت روحي وعقلي هام بالحسن وتاهاوهنا ينشد الأخ كرومة طرفا منها من تسجيل قديم.http://www.alfikra.org/inshad/s005/09.mp3
Post: #11 Title: Re: إخلاص همد: شيء لله يا حسن Author: أبوبكر عباس Date: 12-31-2015, 09:55 PM Parent: #10
كونو أحمدونا سحب عورة الصوت، فدا يا منتصر، مؤشر انو الاستنارة بتاعتنا ما ضاعت ساي!
Post: #12 Title: Re: إخلاص همد: شيء لله يا حسن Author: Yasir Elsharif Date: 12-31-2015, 10:21 PM Parent: #10
هذه جلسة عام 1998 على شرف الأستاذ عبد الكريم الكابلي قدمها الأخ عبد اللطيف، وغنى فيها الكابلي وشارك فيها الأخ عبد الله فضل الله اولأخت الراحلة إخلاص ويظهر فيها زوجها الراحل الأخ صلاح الطيب سأضع صورته منفصلة مأخوذة من الشريط. الراحل الأخ صلاح الطيب
Post: #13 Title: Re: إخلاص همد: شيء لله يا حسن Author: elhilayla Date: 01-01-2016, 00:48 AM Parent: #12
الأخ أبوبكروكل الضيوفيعجبني جداً صوت الراحلة إخلاص همدفصوتهايشجى الخلىّ ويروى غلة الصادىومن الأصوات التي تمتاز بشجوٍ عالٍ جداً جداً الأخ الباشمهندس صديق المنصوريكم كنت أتمني أن تزخر مكتبتكم بتسجيلات وافرةأرجو أن تسمعونا بعضاً من تسجيلاته إن كان بطرفكموتحية خاصة للدكتور ياسر المليح___الحليلة
Post: #14 Title: Re: إخلاص همد: شيء لله يا حسن Author: Abureesh Date: 01-01-2016, 06:37 AM Parent: #13
الشريحـة دى هدية لأخمدونا
Post: #15 Title: Re: إخلاص همد: شيء لله يا حسن Author: علي دفع الله Date: 01-01-2016, 07:12 AM Parent: #14
احمدونا جرب عرض المستنير ابو بكر وابقى جمهوري سنة واحدة بس ....وبعدا تعال ارجع تاني سلفي .. يا اخي يمكن الشغلة تظبط معاك وتريحك من الدبل تراك دا (حلال حرام --جنة نار--ولاء براء--كفار مسلمين) وتلقى براح في التعبد بدل زنقة العبادة دي ..تحياتي ليك وللمتداخلين ولرسول الاستنارة ابن عباس قدس سره..وسنة حلوة عليكم..
Post: #16 Title: Re: إخلاص همد: شيء لله يا حسن Author: ahmedona Date: 01-01-2016, 02:21 PM Parent: #15
أليس صوت المرأة عورة؟؟؟؟
Post: #17 Title: Re: إخلاص همد: شيء لله يا حسن Author: أبوبكر عباس Date: 01-01-2016, 02:32 PM Parent: #16
عليك الله، يا أحمدونا، الكلام بتاع عورة وجنة ونار وحرام وحلال بتاع الابتدائي القديم داك، خلينا منواشتري ليك هيد فونس وجرب اسمع البت الرائعة دي في مدحة من الفكرة دون نت بالليل وادينا رايك، وفكر في العرض بتاعي، وعملت ليك دسكاونتتلاتة شهور بسما بتخسر حاجةجرب
Post: #18 Title: Re: إخلاص همد: شيء لله يا حسن Author: Khalid Elmahdi Date: 01-02-2016, 01:56 AM Parent: #17
الأخ أبوبكر وضيوفه الكرام.. كل عام وأنتم جميعا بخير... أحمدونا ، الله يهديه وقطع تواجده هنا سينفعه... سلام على أختي اخلاص همد في العالمين... أهدي البوست شيئ لله يا حسن أداء المنشد الجمهوري كرومه في جلسة تمت بمنزلنا بمدينة كالقري ألبرتا كندا..
Post: #19 Title: Re: إخلاص همد: شيء لله يا حسن Author: ahmedona Date: 01-02-2016, 07:23 AM Parent: #18
آراك تتراجع من الإستنارة للمرحلة الإبتدائية....قريت ياتو منهج؟
عن أنس بن مالك رضي الله عنه،أن رسول الله -صلى الله عليه وسلم- قال: (إذا استحلّت أمتي ستاً فعليهم الدمار: إذا ظهر فيهم التلاعن، وشربوا الخمور، ولبسوا الحرير، واتخذوا القِيَان، واكتفى الرجال بالرجال، والنساء بالنساء".
Post: #20 Title: Re: إخلاص همد: شيء لله يا حسن Author: أبوبكر عباس Date: 01-02-2016, 05:19 PM Parent: #19
شكرا يا خليل على الكرم الكبير دا يا أخي، ناس أحمدونا متين ينتبهوا؟!
