خبر الزواج الضجة بين جنوبي ودنقلاوية - توجد صورة

06:49 PM Dec, 29 2015

سودانيز اون لاين
زهير عثمان حمد-السودان الخرطوم
مكتبتى
رابط مختصر

B]لم يكف رواد مواقع التواصل الاجتماعي عن الحديث حول الزواج شهدته العاصمة السودانية الخرطوم والذي وصف بالضجة.
الزواج الذي جمع بين مواطن من جنوب السودان وفتاة سودانية وقام بنشره موقع النيلين أصبح الشغل الشاغل لعدد من صفحات مواقع التواصل الاجتماعي التي ما زالت تنشر صور الفرح الذي مضي عليه نحو أسبوع.
وقد تابع موقع النيلين تعليقات زواره وخرج بمفاجأة فجرها بعض المعلقين علي الخبر وذكروا أنهم شهود عيان من داخل الفرح الأسطوري.
حيث أكد المعلقين أنه كان حضوراً ضمن المعازيم وذكر أن العروس ليست من قبيلة الدناقلة كما ذكر البعض وكتب: (كنت حضور
حقيقة زواج خرافي موكب العريس على سبيل المثال ضم 20 عربية لاندكروزر 2016
والعروس من اب سوداني وام جنوبية
وبغض النظر عن هويات العروسين
لكن نحن والجنوبيين مجتمعات فقيرة ومثل هذه الاشياء مرفوضة من الجميع وقد كان هذا شبه اتفاق من جميع الحضور سودانيين وجنوبيين
تهانينا للعروسين وبالرفاه والبنين).
ولكن المعلق الكترابة خالفه الرأي حيث كتب (قصة أمها جنوبية فيها شك … ماشالت من أمها لا لون ولا شعر ولا شكل … أمها جنوبية من وين ؟؟؟ الا من جنوب تونس).
أما المعلق الرقراق فقد كان له رأى آخر بسطوره التي كتبها (هذه دنقلاوية اباً عن جد ولكنهم سكنوا الخرطوم منذ الغزو المصري الانجليزي للسودان يعني لو سألتوها دنقلا وين تقول ليكم جم نيالا)
فيما أكد أبو خالد من تفسير حديثه أن مثل هذه الزيجات تدعوا للوحدة الوطنية وكتب(هذه هي الوحدة الجاذبة وسليفا لديه أخت متزوجة في دارفور ومنقو قول ما عاش من يفرقنا.

كتب الزميل ياسين الشيخ _ الخرطوم

تحية طيبة

استاذنا زهير طبت وطابت ايامك


ياريت تسحب البوست او الصورة

تحياتي الجنيد ومتعك ربي بالعافية البوست دا منقول لزميل في موقع سوداني اخر وليس انا بالكاتب او ناقل الخبر
ولكن كنت اود معرفة السبب لسحب البوست وهو متدوال فيكل المواقع السودانية لماذا الحساسية هذه يا صديقي
لك ودي

تحياتي مرة استاذنا العزيز


ما يحدث في بعض مواقعنا على النت موسف

سحب البوست او الصورة
الصورة خاصة بشخصين لا يجب نشرها حتى وان نشرت في مواقع اخرى




...................
ياريت اي زول عندو عرس في البيت او صالة يكتب في كرت الدعوة
ممنوع حمل الهاتف لانو الشغلة دي بقت كارثة والله

أبو الزوز ...
لك التحايا والأمنيات بعام جديد تحمل لك أيامه كل الخير
ومبروك للعرسان ، ربنا يسعـدهم ويوفقهم ...
يحتاج مجتمعنا للمزيد من هذه الزيجات لدفن العنصرية
العرقية للأبد !!

خبر الزواج الضجة بين جنوبي ودنقلاوية
لو كان العكس لما ضجوا...عجبا
حكمة اليوم
الفاضي يعمل فيهو قاضي


بعيدا عن الضجة

ولم الضجة؟
زول اتزوج بامرأة ,, فيها حاجة دى؟
زى ماقال بلير الفاضى يعمل قاضى
لومثل هذه الزيجات تمت من زمان ده ما كان حالنا
الفيصل فى هذا الامر قوله صلى الله عليه وسلم:
إذا جاءكم من ترضون خلقه ودينه فزوجوه,

الحب لا يعرف اللون ولا الجنس ولا القبيلة ولا الدولة ولا القارة...
ولكل انسان اولويات..واولوياتي ان يكون الزوج سوداني سواء
كان من السودان الشمالي او السوداني الجنوبي...وزي ما قال
ود حلتنا ومقتبسا من حديث الرسول الكريم اذا جاءكم من ترضون
خلقه ودينه فزوجوه.......او كما قال.....
ودمتم بالف خير

سلام

Quote: لومثل هذه الزيجات تمت من زمان ده ما كان حالنا

.

Quote: سؤال من طفل برئ ،ما هي علامات الســاعة ؟

عز الدين عباس الفحل.

بتقصد شنو بي كلامك ده لو سمحت؟؟؟

Quote: بتقصد شنو بي كلامك ده لو سمحت؟؟؟

يادينق ود الفحل بقصد كيف الجنوبى دى يعرس البيت الشمالية دى يعنى العــــــ ــــب دا مادام عرس بت العرب دى معناتو القيامة باقى ليها يومين تلاتة ب الكتير


وللا ما كدى يالعربى النجدى الحجازى القرشى عز الدين بن فحل الفحيلى الجهنى

عجبني التعليق

لو كان مثل هذه الزيجات تمت من زمان ما كان وصلنا لهذا الحال

طيب السؤال

لماذا لم تتم مثل هذه الزيجات ؟

لماذا يرفض أهل الشمال تزويج بناتهم لأهل الجنوب ؟ لا أتحدث عن الديانة لنعتبر أن الدين واحد !!!!

الصحيح أن نفتح الجرح ونعكس الوضع لحالنا وفكرنا وإعتقادنا الشخصي قبل أن نشارك بشكل عام حيثما تتحرك موج الآراء !!!!

Quote: يادينق ود الفحل بقصد كيف الجنوبى دى يعرس البيت الشمالية دى يعنى العــــــ ــــب دا مادام عرس بت العرب دى معناتو القيامة باقى ليها يومين تلاتة ب الكتير وللا ما كدى يالعربى النجدى الحجازى القرشى عز الدين بن فحل الفحيلى الجهنى

معاوية.

دعنا نتعامل معه بحسن نية ونسمع القول من خشم سيدو!

ما دام رجل مسلم لا ضرار أما إذا رجل مسيحى فلا يجوز والعلة خوفا أن يؤثر عليها
فتغير ديانتها فتصبح مرتدة لذا يجب ضرب عنقها
تحياتى

رفض الزوج او الزوجة لا اعتقد ان فيه عنصرية ما لم يصحب الرفض اساءة للطرف المرفوض
الزواج وحق الرفض حق شخصي تلزمة اشياء كثيرة اغلب الرفض يتم للتباين الثقافي
يعني بالعربي البسيط يقول ليك انا مختلف عنو في نوع اكلو وثقافتو ونظرتو للاشياء ووووو
لدي صديقي بجاوي في بداية الالفية وقبل اتفاقية السلام ارتبط بزميلته تقدم لها ولكنه رفض لمجرد انه ود عرب وهو يصر على انه ليس ود عرب
شخصياً لن ازعل ان تقدمت لفتاة تختلف عني ثقافياً ورفضني اهلها هذا الرفض احياناً يكون حتى داخل القبيلة الواحده وليست المكون الثقافي فقط
بالنسبة لي لي لو خيرت بين الزواج بين جنوبية او لبناينة لن اختار غير الجنوبية على الاقل ستعرف فتة الفول وبعض الاكلات السودانية

Deng
...


السلطان دينق ،
ياخي بمزح ،
Just kidding
سلام ،
،،،

...



عزالدين عباس الفحل
ابوظبي
...

حاجة مؤسفة والله البوست بالجد ريحته عنصرية بحته من الكاتب والناقل ومن علق بصورة سالبة وعلى العموم نحن شعب مغشوش ساي واسي العروسة دي بت عرب في السودان لكن خليها تمشي خطوة من دنقلا لمصر صدقوني بقولوا عليها خادم وكمان لو مشت بلد اغتراب الفحل طوالي خادم ومصدقة كمان

الاستاذ/ زهير ... ما هي دواعي ومرامي هذا البوست ؟؟؟


عكســــة :- معاوية عبيد مشتاقين يا اخ

مودتي


الرحــــال

Quote: حقيقة زواج خرافي موكب العريس على سبيل المثال ضم 20 عربية لاندكروزر 2016

من هو العريس؟

ومن اين له كل هذه الاموال الطائلة في بلد لم يتجاوز استقلالها بضع سنوات وتعاني ضعف البنيات التحتية والفقر و المرض و الحرب الاهلية

وهل امتلاكه لهذه الاموال كان بوسائل مشروعة او فساد؟

اعتقد ان مثل هذه الاسئلة هى التي من المفترض أن تهم اجابتهاالعروس واهلها وليس عرقه او جنسه

هل هو رجل شريف نظيف اليد أم لص من لوردات الحرب بجنوب السودان المنكوب

مجرد نشر الخبر عنصرية
!!

Quote: السلطان دينق ، ياخي بمزح ، Just kidding سلام ، ،،،

عز الدين عباس الفحل.

مثل هذه الأمور لا مزاح فيها أو حولها، أنت هنا مطالب بالإعتذار.

أشجب وادين تناول الامور الشخصية هاكذا وبي صورا كمان ..

صدقوني نحن في دنقلا من قرون خلت ..
ما شفت لي وحدة بالجمال ده ..
دي أجمل ملكة من جمال العالم الفلبينية .. قولوا ما شاء الله على بنتنا دي ..
يا جماعة شفوا لي بنتنا دي من وين في دنقلا ..
لكن من شكلها وقوامها شعرها هي من أهلنا ( المقالدة أو القناوية أو السيسية والاقندية والفيامه )
ديل ناس أرقو ، ودنقلا المدينة .. ناس بيض وحلوين وهم وأهلنا الكنوز .. حسنوا لينا النسل في دنقلا جزاهم الله كل خير ..

إتحداكم يا سودان .. تجيبوا لي وحدة شيه دي .. أبشري ( تونجيلا ) .. تونجلي برو .. ووو قبوش ..

مبروك .. ووو .. أرو مسوود ..

سلام استاذ زهير وضيوفه الاكارم

السؤال:

الضجة بسبب اسطورية الزواج والا بسبب جنسية العروسين..؟؟؟؟

ولكي نحسن الظن برضو...اعتقد ان زواج سودانية من رجل غربي سيثير نفس الضجة..

اما من ينظر للامر بمنظار عنصري...فقد اخطأ...

مع ودي

الف الف مبرووك للعروسين

Quote: طيب السؤال لماذا لم تتم مثل هذه الزيجات ؟ لماذا يرفض أهل الشمال تزويج بناتهم لأهل الجنوب ؟ لا أتحدث عن الديانة لنعتبر أن الدين واحد !!!! الصحيح أن نفتح الجرح ونعكس الوضع لحالنا وفكرنا وإعتقادنا الشخصي قبل أن نشارك بشكل عام حيثما تتحرك موج الآراء !!!!

سلامات الصادق عز الدين
في زمن اجدادنا كان مجرد جلوس الفرخ مع اولاد العرب مشكلة كبيرة
زمنا الصغار كانوا أهلك بتضايقوا لو شافوك مصاحب عب
في زمنا الحالي الصحبة بقت عادية وتمشي بيتهم ويبيت معاك في البيت وبقت المشكلة الوحيدة زواج الغرابي من بت العرب

التدرج من كلمة فرخ لحدي غرابي تم بشكل طبيعي جداً دون أي تدخل إرشادي .. كل الحاصل إنه الناس اتعلمت واتطور وعيها واتغيرت نظرتها للحياة
محاولة معالجة ما تبقى من اشكاليات بتزيدها ما بتحلها وتعتبر تضخيم للعنصرية اللي زالت من كافة مناحي حياتنا عدا موضوع الزواج .. والزواج يعتبر قرار شخصي كامل الدسم مفروض مافي بت يناقشوها في لماذا رفضت فلان أو حتى لماذا تقبلت رفض أهلها لفلان .. الموضوع شخصي تماماً والتدخل فيه ذاتو ما صاح

العاوز اقوله سيبو الموضوع دة للزمن لأنه مناقشته لا تعتبر علاج بل تقنين لوجود العنصرية اللي نحن ناكرينها في باقي مناحي حياتنا وحيجي اليوم اللي تصبح فيه مجرد حكاوي .. وزي ما أجدادنا اندهشوا لصداقتنا مع ود الغرب والجنوب حنندهش بي اولادنا البصاهروهم

اتنين عرسو ...

ربنا يسعدهم ،،،

البوست دا المطلوب فيه شنو بس عشان الدنيا نهار و سخانه شوية ،،

بس إنصافا لإبي الزور غض النظر عن الموضوع.
أبو الزوز ما عنصري و نقل هذا الخبر لانه فعلا عامل ضجة في الاسافير. أم لماذا عامل ضجة في الأسافير فزي ما شايفين نوع المداخلات أعلاه و أشكالها!

مليون مبروك للعريس والعروس ونسأل الله أن يسعدهما .

يا جماعة افتكر انو الموضوع النواحي البذخية
وهناك عدد من الزواجات البذخية اثارت الأسافير

تحياتي الصادق عز الدين

Quote: ماذا يرفض أهل الشمال تزويج بناتهم لأهل الجنوب ؟

تساؤل لا غبار عليه لمن ينشد علاج كامل وشافي لمرض العنصرية
لكن اسمح اي اقول ان هذا ليس وقته, أو على الأقل هذا أحد الأعراض الخفيفة مقارنة بأعراض أخرى اشد و اخطر وأولى بالعلاج
لنسأل لماذا يسيل الدم بين اهل الشمال و الجنوب و الغرب و الشرق لاسباب عنصرية؟
لماذا يلا يتمتع الناس بحقوقهم كمواطنين على قدم المساواة بسبب العنصرية
بل لماذا لا يتمتعون بحق الحياة في رقبتها بسبب العنصرية
من يفقد حياته و أمنه و رزقه و سكنه بسبب عرقه و قبيلته آخر همه لماذا لا يقبل كزوج

حيث أكد المعلقين أنه كان حضوراً ضمن المعازيم وذكر أن العروس ليست من قبيلة الدناقلة


----------

سمح وكت اتا مامتاكد اكان هي دنقلاويه ولا شايقيه
لزوم تاكيده في عنوان البوست شنو؟؟


بقيت زي المشاطه يازهير تشيل وتخم وتجي تكب هنا


ودون عنصريه ياللخو الدنقلاويه بت امها وابوها مابعرسو
ليها جنوبي (زمن كانو سودانيين) اكان ا نطبقت السما بالواطه

فما بالك في جنوبي واجنبي


مالت عليك وعلي خلقتك السنيحه دي

Quote: إذا جاءكم من ترضون خلقه و دينه فزوجوه,

طيب العجبم فيهو شنو والواو هنا للعطف .....
يا عمر عبد الوهاب مالك لكنتها ما بديت كويس
الأخوة حماة العنصرية .... ما تكونوا حساسين هناك أكثر من ضجة اثيرت لزواجات
مشابة من ناحية البذخ والمبالغة أذكر منها زواج شيخو ... وزواج كريمة أسامة فهمي
لكن الوقت داك ما كان في جلكسي موبايلز .... الشعب السوداني لا يحب البذخ والاسراف
علي الفطرة وديننا الحنيف وجه بذلك ....
:
:
:
:
:
:
:
:
:
مع التحيات لله الزاكيات

BRU DASN
ASHRIA


الف مبروك للعروسين
قدما في طريق التصاهر
لكافة مكونات الشعب السوداني

بعض الناس بتكتب هنا وكأن الرجال الجنوبين همهم الأول والأخير هو الزواج من "شمالية"
يجب أن تعلموا أن نظرة مثل هذا الزواج بالنسبة لأهل الجنوب عموما هو نفس النظرة التي ينظر لها أهل الشمال.
هنالك من يوافق، وهنالك من يتحفظ وأخرن ضده تماما، مهما كان السبب.

لا تعتقدوا بأن نظرة التعالي هذا لا توجد عندنا أيضا في الجنوب.

واحدة صديقتي "شمالية" بتعتز بقبيلتها الجعلية خالص، مرة بتتونس معاي قامت قالت لي، والله أنت ظريف جدا
لوما كنت جنوبي كنت عرستك، قالت ذلك وبكل عفوية. كان ردي لها، وليه أنتي بتفتكري أنا بقبل أعرسك أنتي؟؟
قامت ردت بسرعة جدا وقالت لي أنا بهظر معاك ساكت، رديت عليها وقلت ليها أنا برضوا بهظر.
بعد داك ضحكنا وأتونست معاها عادي.

المشكلة في السودان ليس هي من يتزوج من ، ولكن هي الدولة نفسها وطريقة حكمها.
بمعنى أخر. العنصرية الأجتماعية مقدور عليها، ولكن عندما تكون الدولة نفسها عنصرية، فهنا تكن المشكلة الكبرى.

I want to be the white man brother, not his brother-in-law.
Martin Luther King, Jr

مسألة زواج جنوبي او شمالي او وات ابفر هي از .. قضية ثقافة تتجاوز العادات .. قضية فردية جدا ولكنها تخلق الطليعين من يتجاوزون العادات والتقاليد لعادات يرفضها البعض قبل ان تسود .
ف شنو
تلك تجارب وقيم لا يمكن تلقينها بذات نفسها . بل خرجت من عملية اعقد من المحاكاة والتلقين وجزء كبير منها مربوط بالسمات الشخصية قبل ان تضاف لها الثقافة والوعي
والموضوع مش مربوط فقط بالعرق . بل حتي البعض يرفض التزويج من خارج نطاق الاسرة حتي لو كان من نفس القبيلة ..
ومنذ ان وعيت وحتي الان اسمع واعايش آلاف التجارب لبنات واولاد تزوجو ضد رغبة اسرهم . وتمت مقاطعتهم وبعد حين القبول علي مضض ثم القبول التام
دعوا حركة تطور المجتمع لقوانينه التي ستسود غصبا عنا

Quote: يجب أن تعلموا أن نظرة مثل هذا الزواج بالنسبة لأهل الجنوب عموما هو نفس النظرة التي ينظر لها أهل الشمال.

طيب ليه زعلان؟ وعايز واحد من الفوق يعتذر....

Quote: لا تعتقدوا بأن نظرة التعالي هذا لا توجد عندنا أيضا في الجنوب.

أول مرة تعترف إنك جنوبى!!

Quote: لمشكلة في السودان ليس هي من يتزوج من ، ولكن هي الدولة نفسها وطريقة حكمها

يا ريت تحصر نفسك فى حكومتك بتاع جنوب
وما تهبش فى حكومات الناس التانيين...
بغض النظر عن موضوع البوست يا دينق

عمر سمبا، صاحبي وحكاي حكاوي شديدة ونضيضة، دنقلاوي من مواليد الخرطوم، ملامحو دينكاوية خالصة، قال لينا في جلسة قبل قعدة تحت نخلة في حوش بالشارقة:
خالتي كلما تجينا في كوبر من امدرمان مرورا بشارع الجمهورية: عليك الله، يا عمر ولدي تعفي لي؟
- أعفي ليك شنو يا خالة؟
- إتّا بس أعفي لي بعدين بحدثك
- لله والرسول
- بعد نزلت من حافلة الثورة وأنا حافلات كوبر، شفت لي زول من ضهرو يشبهك شبه شديد، ضربتو في ضهرو عشان اسلم عليهو، لقيتو جنوبي!!
نطيت انا من الكرسي قلت ليهو: أوعة تكون عفيت ليها؟
في اللحظة ديك وقبل البتاع يجي سرحت وقلت:
شنو الفرق بين الدناقلة والدينكا ديل غير عدم المطرة والمطرة؟
وتذكرت يوم وأنا راقد في صالون بقرى دنقلا، عاينت للعرش، اشوف ليك:
صابون النجمتين
بحاري
برنجي
كراتين تانية من غير اسماء؟؟؟
قلت هسع الدناقلة المطرطشين ديل، سببم شنو المابين بيهو الجنوبي دا؟!!

Quote: قلت هسع الدناقلة المطرطشين ديل، سببم شنو المابين بيهو الجنوبي دا؟!!

صدقني حبيبنا ابوبكر .. إنت زول رائع .. وتعرف تحول المواضيع
إلى اشياء تجلب الضحك والفرحة ..
أها أنا دنقلاوي .. لكن بالله يا أبوبكر شوف حلاة بنتنا الدنقلاوية دي ..
إتحدى السودان كله واحد يجيب شبه الأمورة زي دي ..
يا أخي دي مهرة دنقلا .. يمكن ما لقت دنقلاوي عندو مهرها ..

نقوم نأكلها تركينج ( ملوحة ) وقراصة بالبامية ويحصليها تساقط شعر وسوء تغذية

زي دي نسميها بالدنقلاوية ( مسوودا Massoda ) أجمل الجميلات أو ( تونيجلا)

ربنا يحفظ بنتنا دي من كل سوء .. وعين الحاسد فاسد ..

بعدين في حديث فيما معناه .. تنكح المرأة لمالها وجمالها ..
هي يمكن قلبت الحديث .. وأخذت الحقوق المخصصة للرجال

كفاية كده أبوبكر .. إنت حتورطني مع الجماعة .. وأنا شوية كده متخلف في لغة العامية ..
وخاصة في المخاطبة بالتأنيث دي أكبر مشكلة

مع أن حبيبنا (أبوحسين ) منحني الشهادة بعد أن قرأ بعض مداخلاتي .. له التحية
وعملت تمارين في بوستات صلاح غريبه مع ناس ودالفكي وجمال وبدرالدين الامير
تحياتي لهم ..

شكراً أبوبكر .. يا زول يا جميل .. كده البوست بقى حلاوة ..

الزواج ماعنده أي رابط بالعنصرية ..
وأي محاولة لاقحام العنصرية في مسألة الزواج تحديداً ..
أعتبره نوع من الهرجلة والتنطع الفارغ ..
لأنه حتى بين قبائل الشمال يتم رفض الشخص ..
مثلاً لو دنقلاوية اتقدم ليها أي واحد من قبائل الشمال الاخرى ..
دون تحديد لقبيلة .. وتم رفض ذلكـ العريس ..
هل بيعتبر الأمر ده عنصري ! .. ما أظن ..
هل في الأمر تعالي او ازدراء للشخص المرفوض ..
برضو ما أظن .. وعلى ذلك قس ..
الزواج لابد له من تقارب وتجانس وعلى كافة الأصعدة ..
وفي النهاية الزواج والتصاهر كقرار يخص الأسر ..
ومدى رغبتها في الارتباط بمن يخالفونهم ..
في العادات والتقاليد الخاصة بقبيلتهم ..
فهناك الكثير من التفاصيل الدقيقة والمناحي التي قد تشكل مشكل بعد الزواج ..
كنمط الأكل .. العادات .. المفاهيم داخل الأسرة .. النظرة للحياة ..
ومدى قبول الشخص الغريب من باقي أفراد القبيلة ..
لا أجد مبرر أو داعي في ابتسار أمر الرفض وحوصلته ووصمه بالعنصرية ..
رغم إعتراضي الشخصي على هذه الزيجة ..
وليس من باب عنصرية قطعاً ..
لأن العروس دي مامقطوعة من ( شدرة ) ..
فهناك علاقات أسرية ونشأة وأنماط حياة وتداخل بعد الزواج ..
قد يشكل فيه هذا التباين بين العروسين مشكلة عويصة ..
وقد يشكل عبء وعقبة كؤود ..
وربما كان سبب للافتراق فيما بعد للاختلافات التي ذكرتها آنفاً ..
عشان كده اخير ماتدخلوا شغلة العنصرية دي في الزواج ..
من شاء أن يزوج بناته للقبائل الأخرى فله ذلك ..
ومن لم يشاء فلايجب وصمة بالعنصرية ..
كونه اتخذ قرار يمسه ويخصه هو .. دون باقي الناس ..
بعدين وين التعدي إن تم رفض عريس من قبيلة أخرى !! ..
أو جنس آخر .. وأين العنصرية في ذلكـ ..
مع تثبيتي على ان يكون الرفض باسلوب مهذب ولبق ..
دون إيذاء الطرف الآخر .. حتى لاتحدث ارتدادات وردود أفعال ..
تنعكس سلباً على ترابط المجتمع وتآلفه ..
بعدين الزول البيزعلوا شنو كان رفضوه ..
عادي جداً ..
يمشي يشوف ليهو واحدة تانية أكثر تناسباً معه ..
وقبيلته ونظرته للحياة وتتناسب ونمط معيشته وحياته ..



وأخيراً ..
العروس دي ما دنقلاوية ...


مبروكـ للعرسان وحياة مديدة ..

Quote: بعض الناس بتكتب هنا وكأن الرجال الجنوبين همهم الأول والأخير هو الزواج من "شمالية" يجب أن تعلموا أن نظرة مثل هذا الزواج بالنسبة لأهل الجنوب عموما هو نفس النظرة التي ينظر لها أهل الشمال. هنالك من يوافق، وهنالك من يتحفظ وأخرن ضده تماما، مهما كان السبب.

ده الكلام الصاح والله يادينق ..
لأنه حقيقة الامر لادخل لها بالعنصرية ..
إنما التحفظ والرفض على التباين والاختلاف ..
لابد من الندية وعدم إحساس أي طرف بالدونية ..
او الانتقاص من قدر نفسه وبخسها ..
أو النظر للآخر بأنه أفضل منه ..
لأن ذلكـ سيتسبب في سحب نظرة الآخرين له بالدونية لا محالة ..
لذلكـ كل زول لازم يعتز بنفسه وبيئته ومجتمعه الذي أتى منه ..
مافي زول أقل من زول كلنا اولاد تسعة ..
وكلنا لآدم وآدم من تراب ونهايتنا الى هذا التراب ..
كلووووو ده ماليهو علاقة بي عنصرية أو غيره ..


هسه عليكـ الله العروس دي حتعرف تعمل للعريس ده ( ول ول ) باللبن .....

اﻷخ زهير و ضيوفك الكرام،
السلام عليكم،
دفن الرؤوس في الرمال لا يفيد، و تجاهل المشكله ﻻ يجعلها تختفي عن الوجود. الحقيقة هي أن مصدر الإستغراب الحقيقي هو أن يتزوج جنوبي من شماليه مهما حاول البعض تغليفها بمبرارت اخرى كالبذخ الذي صاحب الزواج و غير ذلك. الإقتباس أدناه احد اﻷدلة عل ذلك.

Quote: سؤال من طفل برئ ،ما هي علامات الســاعة ؟

كتب أخونا احمد محمد عمر:

Quote: في زمن اجدادنا كان مجرد جلوس الفرخ مع اولاد العرب مشكلة كبيرةزمنا الصغار كانوا أهلك بتضايقوا لو شافوك مصاحب عب في زمنا الحالي الصحبة بقت عادية وتمشي بيتهم ويبيت معاك في البيت وبقت المشكلة الوحيدة زواج الغرابي من بت العرب

العرب وينم يا أخوي. الما لحق يبقا ياي قال احسن اكون مساعد ياي. كل ما في الأمر أن مجموعة من الناس وضعت معايير عروبيه محليه فصلتها على ذاتها وأقصت منها اﻵخرين لتجد لنفسها عزاء عن الرفض الذي تعانيه من العرب اصحاب الجلد و الراس، الذين ينعتون نفس هذه المجموعه من الناس بالعبيد (فروخ يعني). عند العرب كلنا اولاد زرقا، قبل البعض منا بذلك ام لم يقبله.
القول قول اخونا الفاضلابي:

Quote: لومثل هذه الزيجات تمت من زمان ده ما كان حالنا

الفيصل فى هذا الامر قوله صلى الله عليه وسلم:إذا جاءكم من ترضون خلقه ودينه فزوجوه,
مليون مبروك للعروسين و ان شاء الله بيت مال و عيال.
لكم الود،
عثمان دُنقس

Quote: العرب وينم يا أخوي. الما لحق يبقا ياي قال احسن اكون مساعد ياي. كل ما في الأمر أن مجموعة من الناس وضعت معايير عروبيه محليه فصلتها على ذاتها وأقصت منها اﻵخرين لتجد لنفسها عزاء عن الرفض الذي تعانيه من العرب اصحاب الجلد و الراس، الذين ينعتون نفس هذه المجموعه من الناس بالعبيد (فروخ يعني). عند العرب كلنا اولاد زرقا، قبل البعض منا بذلك ام لم يقبله.

سلامات عثمان دنقس
أنا بتكلم عن حالة مجتمع سمى نفسه عرب وما مشوا لي اصحاب الجلد والراس ديل ولا كانوا بعرفوا عن بلاد العرب أي حاجة غير الكعبة لما قامت المشاكل بين أولاد الغرب وأولاد البحر
فما تقول رفض الشماليين للغرب هو تنفيس أو أزاحة نفسية لرفض الشماليين من قبل العرب العاربة .. لا لا أي واحد بي دربه براه

لكن كوجهة نظر شخصية فأنا أرى نفسي افريقي كامل الدسم ولا حظ لي من العروبة إلا هذا اللسان .. وأدناه بعض آراء كتبتها داخل هذا المنبر

Quote: لدي سؤال كم نسبة السودانيين الذين يتحدثون العربية كلغة أم بالمقارنة مع من لديهم لغاتهم الخاصة ؟ آخذين في الاعتبار أن نوبة الجبال لديهم لغتهم الخاصة والكثير من القبائل بغرب السودان لديها لغاتها شرق السودان أغلبه يتحدث غير العربية في وسط السودان يوجد الفلاتة والهوسا وغيرهم من المتحدثين بغير العربية في الشمال للنوبيين من محس ودناقلة وحلفاوة لغتهم في جنوب النيل الأزرق الانقسنا والامبررو وغيرهم

Quote: موسيقانا افريقية ملامحنا تتطابق مع ملامح بقية دول سيكافا لا شبه يجمع السوداني مع الشامي بينما تكاد تجد صعوبة في تمييز السوداني من التشادي والصومالي والاثيوبي ما الذي يجمعنا بالعرب غير اللغة العربية ؟ وهل تجعل اللغة الاسبانية التي تتحدث بها كولمبيا مثلاً ، هل تجعل الكولمبي اسباني ؟

Quote: Quote: فى السودان عندنا قبائل عربية أصيلة زي ياتو قبيلة يا نواي ؟ قبيلة عربية صااافية ! يعني ما دخل فيها العرق الافريقي بتاتاً ! غايتو فكرت وفكرت ما لقيت غير الرشايدة لأنهم تقريباً برفضوا التزاوج من القبائل التانية بحد علمي لكن كدي ورونا باقي القبائل الوردت في الجمع دة شنو المهم أنا ما عارف فكرة وجود العربي الأصيل دي ممكن تتطبق في السودان كيف ! نحن سحناتنا وملامحنا سكافية بحتة ولونا دة برة سيكافا* ما بجيب ولا قون بالنسبة للبوست أعتقد إنه الغلط كونه المرة الكبيرة تصرح بي عنصريتها قدام صاحبة المقال لكن يظل رأيها في الزواج رأي يخصها هي .. وكما قال البعض الزواج قرار شخصي بحت ________________________ * منطقة سيكافا = السودان، الصومال، جيبوتي، تنزانيا، إثيوبيا، إرتريا ، زنزبار بوروندي، كينيا، يوغندا،رواندا .

الاخوة والاخوات الكرام
تحياتي
في البداية ليس هنالك قصد عنصري من نقل الخبر علي الاطلاق الامر الثاني تعالوا نفرح بأن مجتمعنا أصبح يتقبل الاخر برحبة صدر وأنتهت دعاوي الجاهلية فيه
بدليل هذا النقاش الهادف وعليه لكمني كل التقدير ولا أري مداخلات للعنصر النسائي لماذا
ربي رد الجنوب وأهله الينا مرة ثاتية أنهم أهلنا وفي نهاية الامر كلنا عبيد يا أصدقائي
عام سعيد للكل

اخونا ود القوز،
سلام،

Quote: الزواج ماعنده أي رابط بالعنصرية .. وأي محاولة لاقحام العنصرية في مسألة الزواج تحديداً .. أعتبره نوع من الهرجلة والتنطع الفارغ .. لأنه حتى بين قبائل الشمال يتم رفض الشخص .. مثلاً لو دنقلاوية اتقدم ليها أي واحد من قبائل الشمال الاخرى .. دون تحديد لقبيلة .. وتم رفض ذلكـ العريس .. هل بيعتبر الأمر ده عنصري ! .. ما أظن .. هل في الأمر تعالي او ازدراء للشخص المرفوض .. برضو ما أظن .. وعلى ذلك قس ..

يا اخي خالفت الطبيعة و تابعت الظنون (لو انتا نسيت) ههههههههه
مؤكد يتم رفض خُطَاب من نفس القبيلة و مرات من نفس العائله، لكن اسباب الرفض تختلف عن اسباب الرفض في حالة انتماء الخُطَاب لمجموعات عرقية بعينها. و انت تعي هذا الفرق جيداً.

لكم الود،
عثمان دُنقس

سلام ....

كل الناس الإتكلموا عن جواز زواج مسلمة من غير مسلم إفترضوا إنو الشابة دي مسلمة ... وده برضو نوع من العنصرية.
من أين لكم إنها مسلمة (المعلومات المذكورة بتقول إنو أمها جنوبية) ... أفهم إنها تكون (من الأرجح مسلمة) .... لكن باي ديفولت تكون مسلمة عشان السحنة دي مصيبة.

برضو من أين لكم إنو غير مسلم؟

انت متاكد يا زهير مافي مداخلات للعنصر النسائي
سلامة النظر...كده راجع وورينا بسمات دي عنصر شنو!!!
واكرر مرة اخرى ان الحب لا يعرف الحدود...وما تمشو بعيد في التحليلات...
ودمت..

Quote: بعض الناس بتكتب هنا وكأن الرجال الجنوبين همهم الأول والأخير هو الزواج من "شمالية"

هذا الكلام مظبوط ميه الميه ........ انا من الذين عاشوا فى الجنوب واعرف عاداتهم وتقاليدهم فمواضفات المراة الشماليه غير مرقوب فيها عند اكثر قبائل الجنوب . هذا البوست فيه كثير من العنصريه

الاخت العزيزة بيت الشيخ بسمات
تحياتي وهامك سعيد أنشاالله
معليش ما مركز أنا لك العتبي حتي ترضي لكين انت واحدة وين الباقيات
لك كل الود

يا جماعة القصة ما عنصرية
القصة كل واحد بيحاول يحافظ على نوعه - دي فطرة -
مثلاً الحلفاوية لو عرسها شايقي او اي مواطن خارج القبيلة
تلقاهم بينقنقوا
الدينكاوي ما بيرضى يعرس للشلكاوي او النويراوي
والا المجري للهولندي

ما عاوزين نوعهم يندثر

دي اصل الحكاية