الكلام دا منقول يا أخونا عشان ما تقولوا شيقا دا بلفح ساي زى ما قبل كدا لفح خبر مخزون النفط بتاع البردانة الطلع مضروب رسالة لوالي الجزيرة ووزير الكهرباء من د/ عادل عبد العزيز الفكي على خلفية إفادات السيد وزير الكهرباء بشأن العجز في التوليد الكهربائي، كتب لنا الأستاذ طارق مختار الاقتصادي السوداني المقيم بالرباط بالمملكة المغربية برسالة جديرة بالانتباه، لأنه يلفت النظر الى أن قنوات الري بمشروع الجزيرة يمكنها انتاج 5890 ميقاواط من الكهرباء بتقنية أضحت متوفرة الآن. رأيت نقل هذه الرسالة لعلم كل من الوالي الجرئ محمد طاهر ايلا والي ولاية الجزيرة والمشرف على مشروع الجزيرة، ولوزير الكهرباء والري الشاب الهمام معتز موسى. يقول الأستاذ طارق في رسالته: (هل تعلم إدارة الري بمشروع الجزيرة انها تجلس على منجم من الذهب. المشروع لديه من خاصية الري الانسيابي إمكانية ضخمة لانتاج الكهرباء، يروى مشروع الجزيرة من خزان سنار بطريقة الري الانسيابي عن طريق ترعتين رئيسيتين هما قناة الجزيرة وقناة المناقل، من الجنوب الي الشمال في Main Canal وشبكة من القنوات الأخرى اقل منهما. معدل الانحدار حوالي 15 سم في الكيلو بمعدل ابتدائي 31 مليون متر مكعب عند مدخل ترعتي الجزيرة والمناقل.تمر من المياه يوميا 16 مليون متر مكعب تقريبا في ترعة الجزيرة و 15 مليون متر مكعب في ترعة المناقل. يبلغ طول قناة الجزيرة 220 كلم الى تخوم الخرطوم وقناة المناقل بطول 210 كلم. وتتفرع منهما 11 فرعا بطول 600 كلم و 107 ميجر بطول 1600 كلم . طورت شركة Luced energy بتعاون مع شركة Northwest pipes توربينات انبوبية. توضع زعانف هذه التوربينات داخل انابيب المياه وعن طريق انسياب تدفق المياه يتم تحريك الزعانف والتي تدير بدورها التوربين اعلى الانبوب لتوليد الطاقة الكهربائية. يعمل نظام التوليد على معدل تدفق وانسياب للمياه ضعيف، ويزداد كلما ازداد التدفق، وبضغط ضعيف أيضا، فيعمل في معدل ضغط مابين 1psi و 5 psi ومعدل تدفق 3 اقدام في الثانية الواحدة. تصنع الزعانف باقطار مابين 24 الى 96 بوصة ويمكن بسهولة وضع تصميمات اكبر. تعتمد كمية الكهرباء على ضغط المياه ومعدل التدفق، فمثلا في الانابيب التقليدية قطر 60 بوصة بتدفق 7 قدم في الثانية وضغط 40psi تنتج 100 كيلوواط. توضع توربينة واحدة كل 15 متر أي بمعدل 60 توربينة كل كيلومتر وهو ما ينتج لنا 6 ميقا واط في الكيلو متر .ولو طبقنا ذلك على ترعتي الجزيرة والمناقل يمكن لنا انتاج 6 ميقاواط لكل كلم متر في 220 كلم طول الترعة أي انتاج 1320 ميقاواط لترعة الجزيرة و 1260 ميقاواط لترعة المناقل . هذا بالنسبة للترعتين الرئيستين، اما في الترع الفرعية لو استخدمنا توربينات أصغر من النوع الذي ينتج 50 كيلوواط ففي الكيلو سننتج 3 ميقاواط، وبما انه لدينا 600 كلم من الترع الفرعية فلدينا اذن إمكانية انتاج1800 ميقاواط. ولو وضعت على الميجرات اصغر وحدات طاقة انتاج 14 كيلوواط ففي الكيلو ستنتج 840 كيلوواط ولدينا ميجرات بطول 1800 كيلو متر سيكون لدينا إمكانية توليد طاقة قدرها 1512 ميقاواط . الخلاصة يمكن لقنوات مشروع الجزيرة من خلال الري الانسيابي انتاج 5892 ميقاواط كهرباء أي قرابة 6 قيقاواط كهرباء، مايعادل 5 سدود من حجم سد مروي تقريبا .)الرسالة جديرة بالدراسة من قبل المختصين. وموقع الشركة متاح على الانترنت لمن يريد الاستزادة حول هذه التقنية الجديدة. والله الموفق.
Post: #2 Title: Re: إدارة الري بمشروع الجزيرة تتحكر على منجم Author: الطيب شيقوق Date: 12-28-2015, 10:29 AM Parent: #1
أكان كدا السيول التي غمرت الوادي الاخضر في الخريف ضيعناها ساي يا اخوانا بعدين فيضان القاش و ترع السوكي و الرهد و مشروع الصافي جعفر دي كلها ما محسوبة كمان
Post: #3 Title: Re: إدارة الري بمشروع الجزيرة تتحكر على منجم Author: منتصر عبد الباسط Date: 12-28-2015, 01:04 PM Parent: #2
كلام جميل جداً ونرجو أخذه مأخذ الجد من البحث العلمي الجادونرجو من النظام التعامل الجاد والمنفتح مع أي أفكار علمية وبحثية ومحاولة تطبيقها إن ثبت جدواها وواضح جداً موضوعية هذا الكلام وعلميته وواقعيته ....كفاية استجداء للآخرين فلنبحث عن التقدم الإقتصادي بالنظر تحت أقدامنا ...بلادنا غنية بالثروات الطبيعية ورجالها لا تنقصهم المعرفة والقدرة وما زالت الفرصة لأهل الحكم أن يبددوا سوء ظننا بهم ويتعاملوا مع الشعب السوداني كله بمعزل عن الولاءات الحزبية والاحتكار وتمكين أهل الفساد من أهل الولاء واقصاء أهل الكفاءات من خارج الحزب الحاكم.
Post: #4 Title: Re: إدارة الري بمشروع الجزيرة تتحكر على منجم Author: محمد البشرى الخضر Date: 12-28-2015, 01:49 PM Parent: #3
سلام شيقوقالفكرة مبتكرة وثورية و ستغير كثير من المفاهيمدا ما شغل ننتظر فيه الحكومة, راسماليتنا ورجال اعمالنا بدل يدفعوا مليارات في الكورة و مهور و اعراس اولادهم مشاريع زي دي لو تبنوها منها ربح ومنها خدمة البلد و البيئة و الأجيال القادمةلو واحد منهم يدق سدرو وتواصل مع مؤسس الشركة دي ويدعوه السودان و يشوف فرص الاستثمار في الموضوع دا و بيع الكهرباء النضيفة ورخيصة للحكومة زاتها بدل تشتري من اثيوبيا
Post: #23 Title: Re: إدارة الري بمشروع الجزيرة تتحكر على منجم Author: ايمن الصادق Date: 12-29-2015, 03:04 PM Parent: #4
Quote: سلام شيقوقالفكرة مبتكرة وثورية و ستغير كثير من المفاهيمدا ما شغل ننتظر فيه الحكومة, راسماليتنا ورجال اعمالنا بدل يدفعوا مليارات في الكورة و مهور و اعراس اولادهم مشاريع زي دي لو تبنوها منها ربح ومنها خدمة البلد و البيئة و الأجيال القادمةلو واحد منهم يدق سدرو وتواصل مع مؤسس الشركة دي ويدعوه السودان و يشوف فرص الاستثمار في الموضوع دا و بيع الكهرباء النضيفة ورخيصة للحكومة زاتها بدل تشتري من اثيوبيا
سليم ، وفي الصميم . لعنياة أسامه داؤود وبقية المستثمرين ( الواقعه ليهم وبيتكلموا لغات ) .
Post: #5 Title: Re: إدارة الري بمشروع الجزيرة تتحكر على منجم Author: Frankly Date: 12-28-2015, 04:01 PM Parent: #1
لكزة حتى عودة
Post: #6 Title: Re: إدارة الري بمشروع الجزيرة تتحكر على منجم Author: mohmmed said ahmed Date: 12-28-2015, 04:10 PM Parent: #5
دا نوع من التفكير الابداعىوالموضوع علمىيجب ان يتم التعامل معه بجدية واهتمامتكلف لجان علمية من مختلف التخصصات فى الهندسة والتصنيع والرى والاقتصادلدراسة الفكرةوان اثبتت جدواها وامكانية تنفيذهافلا معنى لانتظار
Post: #7 Title: Re: إدارة الري بمشروع الجزيرة تتحكر على منجم Author: قسم الفضيل مضوي محمد Date: 12-28-2015, 10:49 PM Parent: #6
Up
Post: #8 Title: Re: إدارة الري بمشروع الجزيرة تتحكر على منجم Author: Abureesh Date: 12-28-2015, 11:19 PM Parent: #7
**الرسالة جديرة بالدراسة**هههههالرسالة غير جديرة بدقيقة واحدة تضيع في دراستها.. مع الإعتذار للأخ الناقل الطيب شيقوق.حــد يصحى الباشمهندس حاتم إبراهيم.
Post: #9 Title: Re: إدارة الري بمشروع الجزيرة تتحكر على منجم Author: محمد البشرى الخضر Date: 12-29-2015, 06:04 AM Parent: #8
Quote: الرسالة غير جديرة بدقيقة واحدة تضيع في دراستها
لماذا يا ابو الريش؟هل لا تناسب التقنية وضع الترع في الجزيرة أم ماذا ؟
Post: #10 Title: Re: إدارة الري بمشروع الجزيرة تتحكر على منجم Author: الأمين عبد الرحمن عيسى Date: 12-29-2015, 06:33 AM Parent: #9
Quote: كنت أتساءل كيف يمكن للنيل العظيم يجري من أقاصي الجنوب ومن حدود الحبشة و حتى حلفا.. كيف يمر بالسودان أطول مجري نهري في العالم ولا نستفيد من تياره في توليد الطاقة..الناعورة عرفها العالم منذ مئات بل آلاف الأعوام.. ونحن لا نفكر أبدا أن هذا النهر الجاري وهذا الماء المنهمر هو طاقة مجانية مهدرة.الساقية المائية هي أبسط وسائل إستغلال تيار الماء في رفع الماء للري.
Post: #11 Title: Re: إدارة الري بمشروع الجزيرة تتحكر على منجم Author: Abureesh Date: 12-29-2015, 06:37 AM Parent: #9
يا ود البشرى انت جادى الزول دا داير يخت توربينة كل 15 متر.. ونسبة الانحدار 15 سنتمتر كل كيلومتر.. يعنى نسبة الإنحدار بين التوربينة والتانية 25 مليمتر.. يعنى موية واقفة لا تحرك ورقةدع عنك توربينة من الفولاذ تحتاج قوة قوة دفع كبيرة عشان تدور العجلات بس. بعدين كل توربية تضعف الضغط للتوربينة البعدها لأن المسافة 15 متر فقط.. المهم يا زول دا ما اول مخترع رهيب، واهدى لك هذا الفيديو.. واحد سأله دى المرة رقم كم التي تزور فيها كوكب الأرض؟
Post: #12 Title: Re: إدارة الري بمشروع الجزيرة تتحكر على منجم Author: محمد البشرى الخضر Date: 12-29-2015, 07:05 AM Parent: #11
انا يا ابو الريش اتحدّث عن الفكرة نفسها وليس التفاصيل التي كتبها صاحب المقالزور الرابط التالي :
http://www.lucidenergy.com/how-it-works/
بشرح كيف ان التوربينات مصممة بطريقة تحتاج لفرق هيد بسيط جدا ودي الفكرة الأساسية, و بالطبع يمكن تخصيصها وتعديلها حسب ظروف الارض و المشروع و الميلانات المتوفرةعشان كدا انا قلت دعوة الشركة لدراسة الوضع في مشروع الجزيرة او غيره حسب ما يتوفر في السودان و ان شاء الله يمكن الوصول لحلول تناسبناالفكرة مبتكرة و خارج صندوق التوليد المائي التقليدي, عندنا مركز او معهد ابحاث الطاقة المتجددة في السودان ممكن بالتعاون مع الشركة لو وجد التمويل المناسب يطوروا المشروع
Post: #13 Title: Re: إدارة الري بمشروع الجزيرة تتحكر على منجم Author: Frankly Date: 12-29-2015, 09:45 AM Parent: #12
تحياتي يا محمد البشرى تراني أتفق مع ألمهندس أبو ريشهذا من ناحية تقنية من ناحية مادية كم تكلف كل ماسورة بها مولد وكم وحدة نحتاج؟ وكم تكلف تهيئة البنية التحتية من حفريات وردميات وتوصيلات الكهرباء بوحدات التقوية والتحويل؟الفكرة نظرياً معقولة لكن عملياً مكلفة جداً وبذلك ليست ذات جدوىقد تكون الفكرة أنسب لتوصيل المياه للمنازل بمواسير كبيرة وقوة دفع معقولة أكبر بكثير من الري الإنسيابي لمشروع الجزيرة مثل المواسير المخطط لها لنقل المياه من النيل لحاضرة الشرق بورتسودانأو استخدامها في أنابيب النفطولكن التكلفة الكبيرة جداً تجعل من استخدامها مستحيلاً
Post: #14 Title: Re: إدارة الري بمشروع الجزيرة تتحكر على منجم Author: الطيب شيقوق Date: 12-29-2015, 11:11 AM Parent: #13
شكرا إخوتي الافاضل :منتصر عبد الباسطمحمد البشرىفرانكليمحمد سيد أحمدقسم الفضيل أبو الريشوالامين عبد الرحمن لكم جزيل شكري و عميق إمتناني لمناقشة هذه الرسالة وأعتذر لعدم إستطاعتي المشاركة لان الموضوع خارج مجال تخصصي
Post: #15 Title: Re: إدارة الري بمشروع الجزيرة تتحكر على منجم Author: د.محمد حسن Date: 12-29-2015, 11:15 AM Parent: #14
ود شيقوق سلامات وكل سنة وانت طيب نعلك ما ميرود شايفك كتبت في السياسة كان ميرود سلامتك واجر وعافية
Post: #16 Title: Re: إدارة الري بمشروع الجزيرة تتحكر على منجم Author: الطيب شيقوق Date: 12-29-2015, 11:30 AM Parent: #15
دكتور محمد الحسن سلام نعلك ما ميرود هههههههههههههههها اي ماسكاني ام برد كمان يا أمحمد أخويشايفك كتبت في السياسة فضلت فيها سياسة نان؟
Post: #17 Title: Re: إدارة الري بمشروع الجزيرة تتحكر على منجم Author: محمد البشرى الخضر Date: 12-29-2015, 11:44 AM Parent: #13
وعليكم السلام فرانكلي بالطبع قبل الإقدام على تنفيذ اي مشروع يتم القيام بدراسات جدوى تغطي كل الجوانب التقنية و الاقتصادية و البيئية و غيرها وفي النهاية يتم تبسيط التكلفة المباشرة و غير المباشرة لتصبح دولار / كيلوات و تتم مقارنتها بأشكال أخرى لإنتاج الطاقة مثل الحرارية او الكهرومائية بشكلها التقليدي بالطبع دراسة الجدوى تتم بشكل احترافي و بواسطة مختصين فا لا نستطيع الحكم بفشل او بنجاح المشروع هكذا ببساطة صاحب المقال قد يكون استعجل بافتراض ان التقنية مناسبة مع مشروع الجزيرة و في حساباته التي اجراها على الورق لكن الفكرة التي استهوتني هي التقنية نفسها و التي تعير من مفهوم التوليد المائي التقليدي, هذه الفكرة لو تبناها مركز ابحاث الطاقة المتجددة مثلا ووجدت التمويل و الرعاية المناسبة قد يصل الباحثون لطريقة يخصصونها لتناسب السودان, ما ضروري مشروع الجزيرة بالتحديدخذ عندك الهاتف الجوال مثلا في بدايته كان غالي و ثقيل و حمله مشكلة, تطورت التقنية - المعتمدة على نفس الاساس - وصار أرخص و اجود واخف, اتوقع بعد كم سنة هذه التقنية تتطور و تصبح أكثر كفاءة و تغزو العالم وليت يكون لنا في تطويرها نصيب
Post: #18 Title: Re: إدارة الري بمشروع الجزيرة تتحكر على منجم Author: Abureesh Date: 12-29-2015, 12:01 PM Parent: #17
يا اخ ود البشرى انا شفت الفيديو، والفكرة دى أساسا حقتى من سنة 2010 ووثائقها عندى.. صممتها من اجل فتح وقفل صمامات الرى بدل جر سلك طويل بتاع كهرباءمن المحطة. وسوف ابحث في اضابير الكمبيوتر لترى بنفسك.. رأسك شنو؟ المهم هي ليس للترع والرى الإنسيابى لغياب الضغط تقريبا كلية.. ولكن للمواسير التي تحمل مياه الرى، وهنا الضغط يكون عاليا جداً. وبما ان الماء في المواسير مضخوخ بواسطة طلمبات تعمل بالكهرباء فلا يمكن توليد كهرباء أكثر من الطاقة الكهربائيـة التي استعملت لتوليدها..
Post: #19 Title: Re: إدارة الري بمشروع الجزيرة تتحكر على منجم Author: MOHAMMED ELSHEIKH Date: 12-29-2015, 12:23 PM Parent: #18
Quote: . وبما ان الماء في المواسير مضخوخ بواسطة طلمبات تعمل بالكهرباء فلا يمكن توليد كهرباء أكثر من الطاقة الكهربائيـة التي استعملت لتوليدها..
ابو ريش الموية تنساب ليس عن طريق مضخات بل من الهيد بتاع الخزان.ثم سؤال لصاحب الفكرة نعم هناك توربينات تعمل على هيد(head) منخفض مثل الموجود الآن بجبل اولياءلكن ماقدر دا !ملمترات ؟؟؟نهر النيل دا الشلالات فيهو رااااااقدة بدل الحكحيك داتحياتي للجميع وعلى راسهم مولاي شيقوق
Post: #20 Title: Re: إدارة الري بمشروع الجزيرة تتحكر على منجم Author: محمد البشرى الخضر Date: 12-29-2015, 12:41 PM Parent: #18
معقول يا ابو الريش من الفين وعشرة ونمت عليها .. بالغتانت سيد العارفين الزمن دا مجرد الفكرة يعني مليارات شوف جماعة قوقل و يوتيوب وواتساب طاروا السما كيف لمجرد افكار مبتكرةزعّلتني والله لكن اسّي ما فات شي, نفس فكرتك شاركفيها مركز البحوث في السودان وطوروها لتناسب احتياجاتنا لكن يا ابو الريش انت قصدت تزويد الصمام بالطاقة من نقطة قريبة توفيرا للكوابل طيب و الكنترول كيف؟ ولا كل صمام مزود بمؤقت او لوح تحكم منفصلة بالنسبة لفكرة ان الضخ يحتاج كهرباء فبالتالي المنتج سيكون أقلطيب ما اهو انت كهرباء الضخ اصلا مستهلكها, و انتجت كهرباء أخرى للاستهلاك المحلي مثلا, طيب استرجع أو وفر قيمة الاستهلاك المحلي من النظام دا زي ما قلت ليك بدون دراسة جدوى محترفة وقاعدين لتغطي كل الجوانب سيظل التقييم ناقصفا شنو التركيز على الفكرة و التقنية و كيفية خصخصتها و تعديلها لتواكب ظروفنا و احتياجاتنا
Post: #21 Title: Re: إدارة الري بمشروع الجزيرة تتحكر على منجم Author: muntasir Date: 12-29-2015, 01:23 PM Parent: #20
اها يا ودشيقوق طلعوها ليك شمار في مرقة يا تقع الدهب يا تسوي مفاعل البردانة للطاقة عن طريق العنكوليب والطلح والله تولد الطاقة جنس ولادة تيمان تيمان
Post: #22 Title: Re: إدارة الري بمشروع الجزيرة تتحكر على منجم Author: Abureesh Date: 12-29-2015, 02:14 PM Parent: #21
يا ود البشرى ما ممكن تصرف قروش على دراسة جدوى لنظرية يكتبها كل من هب ودب. في حاجة اسمها القانون الأول للديناميكيا الحرارية.. وحسب القانون داالموضوع عبارة عن تحويلات transformations.. عندك طاقة وضعية kinetic energy مثل قوة المياة في الشلالات او خلف السدود وتحولها potential energy فهذه ممكنة. ما عندك يفتح الله. طيب انا عندى فكرة.. يعينوا شبان أقوياء يشيلوا حجر ضخم جداً ويطلعوا بيه فوووووووق، وهناك يربطوه في سير، وأول ما يفكوه طبعا الحجر حينزل والسير حيلف عجل ضخم موصل بمولد دينامو .. الدينمو يولد كهرباء ممكن ببساطة يولعوا اللمبة ويقروا عليها الليل كله.. وأول ما الحجر يصل الواطاة يقوم الشبان يرفعوه تانى.رأيك شنو نوظف بيت خبرة عشان يعملوا لينا دراسة جدوى مهنية للفكرة دى. محمد الشيخ، كلامك مظبوط لكنى كنت اعلق على فيديو اليوتيوب وهو كان انابيب مياه وليس انسيابى.
Post: #24 Title: Re: إدارة الري بمشروع الجزيرة تتحكر على منجم Author: محمد البشرى الخضر Date: 12-30-2015, 07:00 AM Parent: #22
أمرك عجيب يا ابو الريش! أولست انت القائل أن الفكرة اساسا حقتك ! ومن 2010هل اكتشفت انها ليست ذات جدوى أم ماذا؟انا يا سيدي لا احصر الحديث عن مقال الدكتور و اقتراحه عن مشروع الجزيرة و الارقام النظرية التي وضعها, أنا تجاوزت للفكرة الرئيسة نفسها و هذه التقنية المبتكرة وامكانية استخدامها حسب ظروفنا و الاستفادة منهاتخيل مثلا محطة مياه ابروف او بري التي تضخ يوميا بمعدلات دفق عالية جدا لو تم استخدام هذا النظام في الشبكة مش عل الأقل توفر طاقة رخيصة و نظيفة لإنارة - لنقل - حي من احياء المدينة القصد هو دراسة امكانية الاستفادة من هذه التكنلوجيا و بعدين العقول المفتوح و الحوجة هي التي ستجد لها استخدامات مفيدة ومناسبة في ظل العجز الكبير في الطاقة الذي نواجهه.و بمناسبة فكرة مشروع الحجر و السير, اعتقد لخبطت في الترجمة و الترتيب في جزئية طاقة الوضع وطاقة الحركة
Post: #25 Title: Re: إدارة الري بمشروع الجزيرة تتحكر على منجم Author: محمد إبراهيم علي Date: 12-30-2015, 07:31 AM Parent: #24
يا ود البشرى يخي مالك علينا كيف فات عليك ان الطاقة لا تفنى ولا تستحدث من العدم محطة اب روف دي بالذات ما ينفع لانو انت عشان تخلي الموية دي تمشي في المواسير لازم ترفعها في صهريج بارتفاع معين او تركب مضخات دفع يبقى الطاقة الحنولدها منها هي نفسها الطاقة التي استخدمناها عشان نخلي الموية دي تمشي ناقص الطاقة المهدرة نتيجة الاحتكاك في المواسير واللفلفة في الاكواع وتغير المناسيب يعني ما علمنا حاجة .كدي شوف المعادلة بتاعت توليد الطاقة الهايدرولوجية Power = Head x Flow x Gravity يللا طبقها على نظرية الزول ده واللي هي طبعا ممكنة لكن الطاقة المنتجة مش حتكون بضخامة الارقام البقول فيها دي لكن ممكن مثلا نستخدم تيار سريان الماء في النيل الازرق بيكون احسن من ترع المشروع اللي انا خايف منو انو واحد من ناس الحكومة الملاقيف ديل تشيلو الهاشمية ويبدا ينفذ في الوهمة ويضيع قروش البلد في ساي
Post: #26 Title: Re: إدارة الري بمشروع الجزيرة تتحكر على منجم Author: محمد البشرى الخضر Date: 12-30-2015, 07:54 AM Parent: #25
يا هندسة راحع كلامي تانيأنا ما قلت انك تنشأ محطة و ترفع موية او تضخها لتوفير الطاقة الح تشغل بيها المحطة, إنت أصلا رافع الموية و ضاخيها بغرض توصيلها للمنازل, كل الح تعمله انك تضيف انبوب التوليد للشبكة الأصلا موجودة و تتفيد من دفق المياه لتوليد طاقة رخيصة ومستدامة ممكن تستفيد منها في الاستخدام الدومستك بكدل تكون وفت جزء من الطاقة البتشتريها و المودل دا طبقته الشركة في اكثر من ولاية امريكية شوف الصور دي لتاخذ فكرة عن طريقة عمل انبوب التوليد و الصورة التانية لإضافة انبوب لشكة موجودة اصلا و مستخدمة زور موقع الشركة يا هندسة lucidenergy (.) com ح تلقى شرح وافي لطريقة عمل و استخداكات السيستم مع كيس ستاديز لمشاريع منفذة
Post: #27 Title: Re: إدارة الري بمشروع الجزيرة تتحكر على منجم Author: الطيب شيقوق Date: 12-30-2015, 08:44 AM Parent: #26
محمد البشرىفرانكليمحمد سيد أحمدقسم الفضيل أبو الريشوالامين عبد الرحمن كبوا العلم الله يديكم العافية انا متابع حرف حرف منتصر بطل السناحة و ما تقاطع الناس
Post: #28 Title: Re: إدارة الري بمشروع الجزيرة تتحكر على منجم Author: Abureesh Date: 12-31-2015, 05:17 AM Parent: #27
**أمرك عجيب يا ابو الريش! أولست انت القائل أن الفكرة اساسا حقتك !**الفكرة حقتى يا ود البشرى، لكن ما بمياه الترعة وما بالإنسياب.. ولكن بمياه مضخوخة بواسطة طلمبة، (يوجد ضغط كافى) والهدف ليس لخلق كهرباء جديدة، لأن هذه غير ممكنة بهذه الطريقة حسب القانون الأول للديناميكية الحرارية، يعنى ما حتولد كهرباء اكتر من الكهرباءالمدور بيها الطلمبة، ولكن هدفى كان فقط للتخلص من الأسلاك الطويلة، وتوليد كهرباء محليا في الأنبوب، وطبعا اعلم انها اقلبما لا يقاس من الكهرباء المستعملة بواسطـة الطلمبة، ولكنها تخدم الغرض.
Post: #29 Title: Re: إدارة الري بمشروع الجزيرة تتحكر على منجم Author: محمد إبراهيم علي Date: 12-31-2015, 06:01 AM Parent: #28
يا ود البشرى اعتقد دي نفس فكرة ابو الريش بس الاتنين بلغة مختلفة انا مختلف عنكم في حاجة تانية بشوف انو الفكرة ممكن تطبيقها بالاستفادة من يتار النيل الازرق الاصل ماشي بالانسياب الطبيعي وممكن بتكلفة بسيطة جدا نرفع الهيد شوية يعني ما نعمل سد ونحجر وراهو موية كتيرة ولكن هيد بسيط جدا يزيد لينا الطاقة المولدة
زور موقع الشركة يا هندسة lucidenergy (.) com ح تلقى شرح وافي لطريقة عمل و استخداكات السيستم مع كيس ستاديز لمشاريع منفذة