كنت على وشك النوم ... انتصف الليل هنا و زاد عنه قليلا ...من عادتي ان ابرمج هاتفي الجوال ان يتحول الى صامت بعد الساعة الحادية عشر ليلاً ...كنت خارج المنزل ... و امسكت بهاتفي امام باب منزلي و اذا به مكالمة لم اجب عليها ...دققت في النظر ... و لم اعرف الرقم ... فقط اعرف انه مفتاح قطر ...قمت بإعادة اتصال ... و لم يجب احد ...دخلت الى منزلي ... و بعد الصعود الى مكتبي او صومعتي ... أخرجت الهاتف ..فإذا به مكالمة ضائعة أخرى من نفس الرقم ...قمت بإصرار بالاتصال و انتظرت ....و جاءني ذلك الصوت العجيب !!!رغم ما بلغته من العمر ... و رغم حنيني و تحناني ... و شوقي الى ذلك البلد الأمين ...لم اعرف يوماً ان للزمن الجميل ... صوت !!!لم اتخيل ان يأتيني يوم ... و اسمع صوتاً يعيدني الى كل لحظة جميلة و هادئة عشتها في السودان ...حرام عليك يا ود الزبير !!! انوم كيفن الليلة ...
Post: #2 Title: Re: إلى المدعو معاوية الزبير !!! Author: يحي قباني Date: 12-28-2015, 09:03 AM Parent: #1
من خلال كتاباته كنت اعرف تماماً انه يشبهني في كثير من الأشياء ... هو جميل و انا بي مساوئ هولا يشبهها ... هو يشبه فقط ما هو جميل بداخلي ( على قلته ) :) ...معاوية الزبير ... يذكرني بنسيم عليل وكت عصرية في السودان ...أخاله كشرفة المحبوبة ... تتكئ على اعتابها مطمئناً لتلتقط انفاسك من تعب الحياة ...
Post: #3 Title: Re: إلى المدعو معاوية الزبير !!! Author: يحي قباني Date: 12-28-2015, 09:07 AM Parent: #2
حينما أكون في حالة من السعادة ...لا شيء يبهجني سوى اغانينا القديمة ...و حينما أكون في حالة مثل التي وضعني فيها صديقي معاوية ...لا اجد ما اهديه اليه سوى صوت ملائكي ... لم و لن يتكرر ...ها وقد اسعدتني بصوتك الحنون يا ود الزبير ...متى ستسمح لي صحواً أراك عيان ؟
Post: #4 Title: Re: إلى المدعو معاوية الزبير !!! Author: حمد عبد الغفار عمر Date: 12-28-2015, 09:27 AM Parent: #3
أزيك يا يحيى وعساك بخيروالله ريحتني، فكرت ونجمت كثيرا أن أكتب بوستا عن معاوية الزبير ولكني ترددت خوفا أن يخونني التعبير ولا أوفيه حقه. رغم أني لم التقيه ولم اسمع حتى صوته ولكني واضع له صورة الإنسان مشبع الإنسانية واسع الصدر يستوعبك حتى وأن انتفخت حجما وتستوعبه على ما بك من ضيق، وهذا يثبته ما يقدمه من روح حوارية باذخة يحترم فيها الجميع دون فروق.دمتم.
Post: #5 Title: Re: إلى المدعو معاوية الزبير !!! Author: حيدر حسن ميرغني Date: 12-28-2015, 09:34 AM Parent: #4
لما طالعت العنوان ، اول وهلة، قلت يحي ده في زول قال ليهو معاوية راح للحوار -دايمين رايقين ان شاء الله
Quote: لما طالعت العنوان ، اول وهلة، قلت يحي ده في زول قال ليهو معاوية راح للحوار -دايمين رايقين ان شاء الله
تسلم يا حيدر يا جميل ...اما عن الحوار ...فمن يعرفه ... يعلم ان معاوية لا يساوم في مبادئه ...
Post: #6 Title: Re: إلى المدعو معاوية الزبير !!! Author: يحي قباني Date: 12-28-2015, 09:38 AM Parent: #4
تحياتي حمد ...صعب ... تكتب شنو صعب يا حمد ...ما اظن في كتيرين من ( العينة ) دي ... عملة نادرة في الزمن الشحيح ...بالجد ما كنت عارف انو الزمن الجميل عنده ( صوت ) ...اهديك و اهديه مرة تانية ...بالفرنساوي المرة دي ... :)
Post: #7 Title: Re: إلى المدعو معاوية الزبير !!! Author: عبدالحليم حامد النعيم Date: 12-28-2015, 10:04 AM Parent: #6
..بيكون في الشغل يا هندسة وما قرأ الكلام دة ..لكن كفاية انحنا قرينا ..ياخ اعمل حساب فارق الوقت بينكم .. وبينا ....الله يديم علينا .. وجودكم .. معانا هنا ..
Post: #8 Title: Re: إلى المدعو معاوية الزبير !!! Author: نصر الدين عثمان Date: 12-28-2015, 10:13 AM Parent: #7
العزيز ود قباني ............ تحياتي،والنعم.. والنعم .. والنعم ...الخير يدعو بعضه بعضـــــــــا..[لو قالوا ليك أوصف جمالك تفتكر تقدر تقول الحقيقــة]التحية لك ولود الزبير .. ومتعكما الله بالصحة والعافية وأسركم وحقظكم..
Post: #9 Title: Re: إلى المدعو معاوية الزبير !!! Author: نعمات عماد Date: 12-28-2015, 10:54 AM Parent: #8
كل التحايا لك يا حبيبة ...فو الله انت من اجمل الناس ... عرفت ذلك من اول يوم تقبلت مشاكستي حينما سألتك ان اسم الوالد ( عماد ) أي انه شباب ...اطال الله اعمار من نحب ... و لك مني اقصى الود غير مقللِ ...
Post: #17 Title: Re: إلى المدعو معاوية الزبير !!! Author: يحي قباني Date: 12-29-2015, 04:00 AM Parent: #8
Quote: العزيز ود قباني ............ تحياتي،والنعم.. والنعم .. والنعم ...الخير يدعو بعضه بعضـــــــــا..[لو قالوا ليك أوصف جمالك تفتكر تقدر تقول الحقيقــة]التحية لك ولود الزبير .. ومتعكما الله بالصحة والعافية وأسركم وحقظكم..
الزول الأجمل نصر الدين ...من شدة جمال دواخله و رقة احساسه ... اراه يتوارى استحياء من حديثي هذا ...و لكن من يرى الجمال و لا يحمده ... فهو مقصر ...سعيد بوجودك هنا يا نصر الدين يا صديقي ... فانت دائماً في مواضع الجمال ...
Quote: بيكون في الشغل يا هندسة وما قرأ الكلام دة ..لكن كفاية انحنا قرينا ..ياخ اعمل حساب فارق الوقت بينكم .. وبينا ....الله يديم علينا .. وجودكم .. معانا هنا ..
عبد الحليم ...يا عبد الحليم ...صاحبك نومني الساعة 4 صباحاً ...مسكت ديوان عتيق ... قلت اٌقرا و ينومني ...بقيت اقرا سطر ... و افكر سطر ...و البقت بقت ...انا طالبو شوفة الزول ده ... يا جانا يا مشينا ليهو ...
Post: #10 Title: Re: إلى المدعو معاوية الزبير !!! Author: محمد مجيدو Date: 12-28-2015, 11:43 AM Parent: #1
الله يديك العافيه يا هندسه ... وانتو الاتنين جميلين ...
وقمت بحزف الفيديو لاسباب فنيه ...
Post: #11 Title: Re: إلى المدعو معاوية الزبير !!! Author: محمد على طه الملك Date: 12-28-2015, 12:12 PM Parent: #10
يا ود قباني إذا الصوت بس لبشك ؤ ساهر بيك..كيف يكون حال الشافو لايف صورة وصوت ؟أدام الله خوتكما ومحبتكما ..معاوية الزبير إنسان مثقف وهميم وود بلد ..حفظه الله.
يا زول .. ود المدير ده زول عنقالى ساكت زيو و زى .. ود الزبير ...____التحية لود الزبير و هو يتحفنا بالجميل ويرتقى بالاحساسو كفاية شكر لحدى هنا عشان الراس ما يطرشق
Post: #15 Title: Re: إلى المدعو معاوية الزبير !!! Author: عمر دهب Date: 12-28-2015, 06:55 PM Parent: #13
سلام ياقبانى هو جميلا مثلك تماماتعرف انا عندما اكون متعكر الصفو قليلا بفتش اسم معاويه الزبير وبقرا ليهبروق دمى على طوالقبل يومين فقط سالت اهلى فى قطر عنه قالو ان معاويه جزء منهم وانه ابن امهموجدته معهم امس واستمتعت بالحديث معه كانت من اعذب المفاجاتان اجده قريبا ولصيقاباحب الناس لدى
Post: #16 Title: Re: إلى المدعو معاوية الزبير !!! Author: محمد أبوالعزائم أبوالريش Date: 12-28-2015, 08:27 PM Parent: #15
Quote: انا طالبو شوفة الزول ده ... يا جانا يا مشينا ليهو ...
تعال إنت ياخ ..... أقلها ينوبنا في الطيب نصيب.بالمناسبة (المدعو) معاوية الزبير ياهو زاتو البيكتب ... كلامو ياها كتابتو ....... وسناحتو هنا وهناك واحدة.
Quote: تعرف انا عندما اكون متعكر الصفو قليلا بفتش اسم معاويه الزبير وبقرا ليهبروق دمى على طوالقبل يومين فقط سالت اهلى فى قطر عنه قالو ان معاويه جزء منهم وانه ابن امهموجدته معهم امس واستمتعت بالحديث معه كانت من اعذب المفاجاتان اجده قريبا ولصيقاباحب الناس لدى
نقول قدلة يا مولاي حافي حالق ...نشوفكم و نشوف الناس الجميلة كلها ان شاء الله يا ود دهب يا سمح ...
Post: #21 Title: Re: إلى المدعو معاوية الزبير !!! Author: يحي قباني Date: 12-29-2015, 06:29 AM Parent: #13
Quote: التحية لود الزبير و هو يتحفنا بالجميل ويرتقى بالاحساسو كفاية شكر لحدى هنا عشان الراس ما يطرشق
يا جلّي يا صديقي ...ود الزبير ما زول راساً يكبر ...رزيييين و موزون ... يدوزن يومك دون مزيكا ...
Post: #19 Title: Re: إلى المدعو معاوية الزبير !!! Author: يحي قباني Date: 12-29-2015, 04:36 AM Parent: #11
Quote: يا ود قباني إذا الصوت بس لبشك ؤ ساهر بيك..كيف يكون حال الشافو لايف صورة وصوت ؟أدام الله خوتكما ومحبتكما ..معاوية الزبير إنسان مثقف وهميم وود بلد ..حفظه الله.
هي ريدتنا و محبتنا كما قالها السر دوليب يا ملك ...ادام الله علينا جميعاً الود و الريد ...
Post: #18 Title: Re: إلى المدعو معاوية الزبير !!! Author: يحي قباني Date: 12-29-2015, 04:24 AM Parent: #10
Quote: الله يديك العافيه يا هندسه ...وانتو الاتنين جميلين ...وقمت بحزف الفيديو لاسباب فنيه
ما شفت الفيديو يا مجيدو ...تحياتي ليك يا جميل ...
Post: #22 Title: Re: إلى المدعو معاوية الزبير !!! Author: يحي قباني Date: 12-29-2015, 06:32 AM Parent: #18
Quote: Hussein Musa Abdelmajed · ام درمانسبحان الله...اول امس ولأول مرة اتصلت علي الأخ معاوية ولم أوفق، فعاود هوالإتصال..وكان هذا الصوت الحنين...ودار بيننا نقاش شجي ملي بالعوطف وبعض من الذكريات وتمنيت أن لأ ينتهي الكلام..لقد وجدت كنز سمين ظللت أبحث عنه منذ زمن طويل... معاوية ...تسلم البطن الجابتك والله يديك الصحة والعافية...
يا حسين موسى ...انت زاتك زول جميل بي كلامك الجبتو ده ...و ام درمان الجنب اسمك دي زادتك جمال :)بختك و انت في معية رجل نادر ..._______________________الزمن الجميل لقيت عنده صوت يا ناس ...
Post: #23 Title: Re: إلى المدعو معاوية الزبير !!! Author: حيدر حسن ميرغني Date: 12-29-2015, 06:32 AM Parent: #18
تصدق يايحي مرة بتونس مع صديقي الفاتح ميرغني عضو المنبرجبنا سيرة الحبيب معاوية ، الفاتح قال لي حقو بكري يعمل ماهية عديييل لمعاوية ده وامثاله من اهل الحوش الرزينينكلامنا ده كان مبني على اعتقادنا بأن مستوى الكتابة والمواضيع والنقاشات التي تدور حولها في المنبر ما عادت تشجع بالمتاوقة الراتبةلكن شددنا على انه هذا لا يمنع من ان هناك من يجبرونك على المتاوقة دي .من افضال هذا الحوش علينا انه عرَفنا بإبداعات بمخاليق رائعين من الجنسين على امتداد عمره زمان كنت بحاول احتفي مثلك بالمنبر ككل من خلال مخاطبة القراء عبر بوست لإبداء رايهم في المنبر بشكل عام .. وفي اعضاءهلو بادرت تاني بالشغلة دي صدقني سيجمع القراء على حبهم لكتاباب معاوية وامثاله من نجوم البوردشكرا ليك - وانت من الرئعين ايضا - للاحتفاء بما يجود به معاويتنا من (خربشات مريحة ) علينا وعلى القراء رغم مدافرته للمعايش وزمنها الممحوقout of many , I am one of his fans
Post: #24 Title: Re: إلى المدعو معاوية الزبير !!! Author: حيدر حسن ميرغني Date: 12-29-2015, 06:38 AM Parent: #23
Post: #25 Title: Re: إلى المدعو معاوية الزبير !!! Author: معاوية الزبير Date: 12-29-2015, 09:20 AM Parent: #24
يا زول الذاكرة دي مستودع ألياف عجيب خلاص، ألياف ضوئية وألياف سمعية وألياف صوتية و.. عيييكخليك من الصوت، الرائحة دي ممكن تثير عندك قصة ريد قديمة، رؤيةُ وجهٍ ما برضو الذاكرة معجزة الخلق الكبرىبمناسبة الرائحة، قبال كم يوم لقيت زوجتي واقفة في الحوش قالت دايره تشم ريحة المطرةقلت ليها ادخلي ادخلي دعاش شنو البتشميهو مع الاسفلت والاسمنت داريحة الدعاش بتجي من الترابعمرِك شفتي ليك مويه عندها ريحة؟رائحة الدعاش -أينما شممتها- لا تذكرني بمطر السودان ولا حاجة. تذكرني بي علقة أخدتها في طفولتييوم بعد الفطور الجو غائم إثر مطرة صباحية بعيدة خرجت من البيت مدفوعا برائحة الدعاش وحب الاستكشاف إلى طرف نائي غرب كوستيمسطولا بالرائحة والانتعاش مضيت قدماً وبقدميّ أكسّر في الطين الجاف (الكركجي) ابتعدت من المدينة كثيرا حتى لاحت لي قرية حسانية وإذا بصوت يناديني بأن أتوقفوسط ذلك الغمام والسماء ترعد والطين من تحتي يتكسر "وبعينيّ المنى" ظننه صوت ملاك فنظرت إلى أعلىثم درت لأرى أخي مهرولا ورائيوحياتك رجعت كل المسافة دي عائدا والسوط في ضهريمن يومها والدعاش يذكرني بي علقة الطفولةرحم الله شقيقي الطيب الزبير----بلى يا قباني صوت إنسان قد يذكرك بزمن ماضي وزمن جاي وزمن لسهلكن بي عمليتك دي شنيت علي حملة حب لا بقدر عليها ولا بعرفا
Post: #26 Title: Re: إلى المدعو معاوية الزبير !!! Author: حيدر حسن ميرغني Date: 12-29-2015, 10:35 AM Parent: #25
Quote: (الكركجي)
ياسلام يامعاوية ياخ ... كركجي عديييلكنا نفعل مثلك في الاتبراوي في موسم جفافه (كركجني وتفنن) المسافة بين بيتنا والاتبراوي كانت ارض فضاء جردا إلا من سموم لاحف كان يساعدنا في تنشيف ملابسنا وجسدنا من موية الدميرة العكرة ونحن راجعين خلسة من النهرعشان كده عمتنا كانت بتقول في اوجه شبه بين عطبرة وكوستي
Post: #27 Title: Re: إلى المدعو معاوية الزبير !!! Author: معاوية الزبير Date: 12-29-2015, 11:38 AM Parent: #26
Quote: ياسلام يامعاوية ياخ ... كركجي عديييل
هههه كنت متوقع يا حيدر يجئ واحد من النوبيين يقول (محقاً): الكلمة دي أصلها نوبي (كوركتي) KORKATTI
Quote: لما طالعت العنوان ، اول وهلة، قلت يحي ده في زول قال ليهو معاوية راح للحوار
أنا ذاتي اتخلعت، لكن لمّا شفت اسم الكاتب اتطمنت قت الزول دا اصلو ما بتجي من طرفو عوجةتوكلت على الله ودخلت على البوستتسلموا ياخ
Post: #28 Title: Re: إلى المدعو معاوية الزبير !!! Author: محمد أبوالعزائم أبوالريش Date: 12-29-2015, 11:51 AM Parent: #27
Quote: (الكركجي)
عصرت قدميّ حافيتين ممنياً النفس بذلك الإحساس ذي (الكلكلة) ..... فإذا ببلاط الغرفة صااااقط دون إحساس.ما عارف آخر مرة سمعت تعبير (الكركجي) ده متين.
Quote: ما عارف آخر مرة سمعت تعبير (الكركجي) ده متين.
في عصرية ... في تمرين الكورة بعد مطرة صباحية قوية ...تلقى الميدان مسطح نضيف ... و الضريسا لسه ما مرقت ..._____________________________________قلت لي ينوبك من الطيب نصيب؟طيب شنو ياخ ... و الله مع الزول الاسمه معاوية ده ... الا أكون ابليس غايتو ...
Quote: بلى يا قباني صوت إنسان قد يذكرك بزمن ماضي وزمن جاي وزمن لسهلكن بي عمليتك دي شنيت علي حملة حب لا بقدر عليها ولا بعرفا
رحم الله الطيب الزبير ...و صوت زي صوتك الملان حنين ده ما بذكرك بس ... بشيلك يلفلف بيك في كل محلة سمحة و في كل لحظة جميلة عشناها في ذلك البلد الأمين ...أعلنت عليك الحب يا ود الزبير ... فالمحبة بين الرجال عظمة ...إبراهيم الكاشف و الكحلاوي اتفقوا من شدة محبتهم لي بعض البتوكل أول التاني يغني ليهو يوم رحيله وداعاً روضتي الغناء ...اها بوصيك لليوم داك اوعاك تتأخر ...
Post: #32 Title: Re: إلى المدعو معاوية الزبير !!! Author: عاطف عمر Date: 12-29-2015, 01:31 PM Parent: #1
لم أر هذا البوست باكراً فحسببل أظنني أول من قرأهوأول من ( عاشه )حرفاً وشولة ونقطةعن لى أن أكتب مشاغباً ود الزبير شنو كمان في الصقط دا ؟؟بل وقبة زاااتو شن نفرو والدنيا قبائل رأس سنة والإعلام يبشرنا أن زوار دبى في هذه المناسبة متوقع أن يصل لمليونين بني آدم ؟؟دا جو فول وأقلاها جو زلابية .....شكراً لزحمة العمل والمطلوب من الموظفين مراجعة الخطط والبرمجيات والمنهجيات والاستراتيجيات لعام مضىوتقييم كل ماجرى وألسننا تشدو ( لا تؤاخذني في ما جرى ) .......عدت للبوست ....لا لأشاغب كما كانت النيةوإنما لأتنفس آهات الإعجاب مداخلة بعد مداخلة ....إنتو أقعدوا إتسامحوا لينا وإتحاببو كدا لمن تكتلوا ليكم زولثمود الزبير شنو ؟؟ وقبة شنو ؟؟ في الصقط دا والدنيا قبائل عيدوأخوكم ( ينزل من السرير من كل الاتجاهات ) ؟؟؟
استأذن المتداخلين وصاحب البوست وأرد على سميِّ ود المدير
Quote: لقيت نفسي ما قادر أقول حاجة،ؤُ في نفس الوقت تذكرت راس الدولآب ...
تعرف يا حبيب، مرات لمّا تبدأ تكتب ليك حاجة بتتعذب شديد لغاية ما تكملها وبعدين بترتاححاجة زي الولادة بالضبطأها البوست دا أنا عذبني شديد وأشكرك إذ لا زلت تحتفظ بذكراهوأصلا أنا مشيت السودان بداية الشهر مخصوص لزيارة الوالدةلكن فرق كبير من تلك "الشابة" فقد ضمرت المطارق وما عادت مجرى لحبيبات العرق تلكسأهديك إياه هنا، طالما عندي نص في البوست دا
راس الدولاب.. يا له من مكان لحفظ الحنين ثمة أشياء -أغراض- في البيت مستهلكة، نتردد بين التخلص منها نهائيا وبين الإبقاء عليها إلى حين، فلربما نحتاجها في وقت ما وهذا في الغالب احتمال واهٍ جدا، فماذا نفعل؟ نستسلم للاحتمال الأخير رغم غموضه الحنين. ؟ تذهب رأسا إلى رأس الدولاب (عش الحنين) لتضع أشياءك هناك. عندما أعود إلى بيتنا الكبير بعد سنوات من الغياب، أول شئ أفعله، لما أجد نفسي بمفردي –ساعات الظهيرة تلك، شقيقاتي وأشقائي في الخارج لقضاء أشغالهم وأمي في قيلولة ترتاح فيها من شقاء إدارة البيت- أصعد كرسيا أو ما شابه لأنقّب في محتويات رأس الدولاب. فتسري فيّ رعشة الحنين الساحرة: صفحات من جزء عمّ ممزقة، دواة حبر جفت آخر نقاطها (لماذا احتفظتُ بها -أو أحد أفراد أسرتي- أصلا؟) تلك الدواة كانت تصرف لتلاميذ المدارس في زمن غابر أو مقبور، مسطرة مكسورة، سلك معدني، بكرة خيط تحتضر، صندوق عطر فارغ طبلة معطوبة (تخيل طبلة ومعطوبة،، كحارس أمنٍ أعمى!)وبالطبع مفتاح أو مفاتيح اندثر ما تفتحه وبقيت هي .. الخ الخ.عندما نسافر إلى البلد (أعني مسقط الرأس) في الإجازات المدرسية، لا ننسى، نحن الأطفال-الصبيان أن نحفر أسماءنا وتواريخ الكتابة، على جدران المنازل الطينية بغرض تذكّر هذه الأيام عندما تصير خواليَ (نعم فالحنين يُصنع صناعةً أيضا). في سنوات الدراسة في المدرسة الوسطى كنا نحِنُ إلى أيام المدرسة الأولية وفي الثانوي نتبادل بكل حنين ذكرياتنا في الوسطى، ولما صرنا في الجامعة اشتقنا لأيام الثانوي،إلى آخر إلى آخر عبث الحنين هذا. الآن حنيني يشمل كل ما مضى من العمر خاصة عندما أنظر أمامي وأهز رأسي أسفا على اقتراب النهاية -نهاية فرص الحنين أيضا ربما-.للحنين سحر لا يداني روعته أي شعور آخر حتى سحر الحب نفسه، ذلك أن الحنين مرتبط بالموت (ولو قلت الحياة لما جانبت الصواب) ففي بذرة (نواة) الحنين حسرةٌ ما على ما مضى من أيامنا في الحياة وبالتالي خوفٌ من الموت.فاااا .. راعوا رؤوس دواليبكم، فهي أرحام الحياة
وأنا خارج من غرفة الدولاب تلك، متسربلا بثوب الذكريات، ألمح أمي في البرنده، لا تزال غافية في قيلولتها الأثيرة، ممسكة في يدها اليمنى بهبّابة قماشية تحركها صعودا وهبوطا بطريقة آلية لكن بايقاع منتظم، رغم الاغفاءة (يا للأمهات)ألحظ حبيبات عرق تتفصّد على شلوخها كندى يتقطر على صفقات نبات ما.برقة، رقة ملاكة تداعب ملاكا، أمسح -أنا العائد من سنوات غربة طويلة- بباطن كفي على ظاهر يدها، امتنانا، كيف،، ما هي زاتا عجينة الحنين ذاك ممزوجا بباكنغ باودر الوالد الله يرحمه. وأكاد أقبلها لولا حياء حيي متأصل في الأسرة. وقصة الحياء هذا قصة عجيبة سأعطي مثالا عليها، رغم أنها خارج موضوع البوست.ولكن الفقرة الفائتة تحديدا هي أيضا خارج الموضوع، اذا: خارج+خارج=داخلالمافي شنو! ح. م.ل. قيقا (الحقوق محفوظة لـ، قيقراوي)أقول، عندما كنت أعود في الاجازات السنوية الجامعية وأدخل البيت ألمح أمي واقفةلكن لما أصل نص الحوش تقعد على العنقريب لتسلّم عليّ في هذه الوضعية، حتى لا تورط ساعديها في حضان يكشف المحنة نواصل اذا واصل الحنين راس الدولاب.. يا له من مكانراس الدولاب.. يا له من مكان
Post: #39 Title: Re: إلى المدعو معاوية الزبير !!! Author: salah awad allah Date: 12-30-2015, 11:49 AM Parent: #38
وهل تمتلك الكلمات قدرة الصعود الى اعالى ود الزبير ؟؟؟ الصمت وحده أدرى
Post: #40 Title: Re: إلى المدعو معاوية الزبير !!! Author: عاطف عمر Date: 12-31-2015, 08:34 PM Parent: #1
وإذا قال المدعو ود الزبير في بوست آخر
Quote: ثم ياخ نحن عم نمزح. هو حُرُم!
فنحن هنا أيضاً ( عم بنمزح )أوووووووع يكون حرمعقدتونا بطفشتكم من البوست داثمجاءنا في الأثر " العزابي " في ذمة المتزوج ( حتى تعود زوجته )
ياخي ما أحلى أن يعيش الواحد حالة العزوبية بعد الزواج ليعرف فضل الزوجية.انت في دا ولّ في صاحبك الفكّ البيرقبعدين هو زاتو، يا صوتَه لما سرىيذكّرك بي ناس الستينيات ديك، ناس كوستي، شلقامي والكنزي ومنو ومنو ما عارفلكن في نهاية المطاف: هذا زول جميل، نضيف، خرج إلى الخارج بأجمل ما حمل من الداخل إلى الخارجبعدين يا عاطف انت اقعد بارينا كدا لغاية ما يفوتك راس السنةكل سنة قادمة جميلة لكل من مرّ على هذا البوست وما جاوره، يا رب
شخصياً عايز أقفل البوست دا من ناحيتي وأود أن اشكر ناس عُزاز جدا زي قريبي حمد عبد الغفار، مثلازي حيدر حسن ميرغني الذي أُعجبتُ بموسيقى اسمهعبد الحليم حامد النعيم الذي كتب (بيكون في الشغل يا هندسة وما قرأ الكلام دة .لكن كفاية انحنا قرينا ..)ونصر الدين عثمان (الجاب صورة الطين الكركجي)ونعمات عماد (المدعو معاوية الزبير ..تشكر لأنك ساهرت بصاحبك فأسعد صباحاتنا بالغنا الجميل .) يا لمكتبة المدعو قباني ويا لثرائها وتذوُقِكومحمد مجيدو (الله يديك العافيه يا هندسه ...وانتو الاتنين جميلين..) المتوسم فينا خيرا، نأملهُأو مولانا ود الملك الذي تواضع فبالغ قائلا -لا يصدقه أحد طبعا- (يا ود قباني إذا الصوت بس لبشك ؤ ساهر بيك..كيف يكون حال الشافو لايف صورة وصوت؟)أو صاحبي الذي كتب:(يا زول .. ود المدير ده زول عنقالى ساكت زيو و زى .. ود الزبير ...) المدعو جلالدونا الخايف على راسنا (صلعم)ثم عمر دهب الذي برّ بصلة القربى به (سألت اهلى فى قطر عنه قالو ان معاويه جزء منهم وانه ابن امهموجدته معهم امس واستمتعت بالحديث معه كانت من اعذب المفاجات ان اجده قريبا ولصيقاباحب الناس لدى) عادي يا أولاد خطيب مكناتكم ديأو ابوالعزايم راداً على قباني(تعال إنت ياخ ..... أقلها ينوبنا في الطيب نصيب.بالمناسبة (المدعو) معاوية الزبير ياهو زاتو البيكتب ... كلامو ياها كتابتو ....... وسناحتو هنا وهناك واحدة.) كدي خليهو يجيثم الفاتح ميرغني في رواية حيدر (تصدق يا يحيى مرة بتونس مع صديقي الفاتح ميرغني عضو المنبر الذي رب أخ لي لم يلده سودانزاونلاين الخ الخأم ود المدير (لقيت نفسي ما قادر أقول حاجة،ؤُ في نفس الوقت تذكرت راس الدولآب ..) وقد أهديته الدولاب وما فيه .. وهو ابن جدي السبكي في خليوهأحمد حمودي وقد تشرفت بلقائه كثيرا وحقيقةعاطف عمر وهو يتهرب من البوح بذكرياته وقد تجاوزت الساعة بتوقيت الدوحة الثانية عشرة من صباح يناير 2016وصلاح عوض الله النعمان الذي كان قريبا مني في طفولتي في حي النصر وأنا أغامر إلى ما وراء كَرْ البقر باتجاه قرية الكرو الحسانيةقبل أن يناديني شقيقي الطيب من وراء الغمام وتحته: يا ود أقيف .. انت ماشي وين.هذا أطول، وما فيهو ذوق، رد أكتبه منذ التحاقي بسودانيز اونلاين
Post: #43 Title: Re: إلى المدعو معاوية الزبير !!! Author: elhilayla Date: 01-01-2016, 00:55 AM Parent: #42
في آخر المراح دايماً تجي الفترانةتحية للمُحتفِي والمُحْتَفي به المدعو ود الزبيرما دام المولد قفلأديناكن غبشة كراعناوعام جديد علي الجميع بالخير والبركةوتحية لكل زوار البوست___الحليلة
Post: #44 Title: Re: إلى المدعو معاوية الزبير !!! Author: Basamat Alsheikh Date: 01-01-2016, 03:03 AM Parent: #43
عزيزي الفاضل يحى ود قباني"ولسع انا مصرة اقول الفاضل(وجه ضاحك)واليوم اثبت انك فعلا فاضل ونبيل وجواك كله جميل وسمح..انا بعرف معاوية ود المدير ود حلتنا...لكن هسع كمان شفقتنا نتعرف على معاوية ود الزبير...فكلماتك الحنينة التي تشع نورا وضياءا اكدتلنا بما لا يدع مجال للشك انه زولا سمح ..ورجعت لورا ولقيته بيكتب كلام سمح عن كوستي ..مدينة ود ابوسن..وعرفت ليه هو زولا سمح..فكوستي وعطبرة مدينتان توامتان..وتشتركان في كل شئ....وناس عطبرة وناس كوستي معروفين دائما بالروائع في كل شئ ،في خلقهم واخلاقهم وصداقتهم ..وسنة ٢٠١٥ على وشك المضي وريتنا الصداقةالحقيقية المليانة بكل شئ جميل وانيق...والتحية لكما معا ..وكل سنة وانتو طيبين وسالمين ولامين ودمتم بالف خير وصحة وعافية
Post: #45 Title: Re: إلى المدعو معاوية الزبير !!! Author: معاوية الزبير Date: 01-01-2016, 05:20 AM Parent: #44
بِتّنا العزيزة بسمات بت الشيخ، إنتي قايلا في فَرِق بين كوستي وأتبرا! هاالسكة حديد والنهرالنيل الأمل.. والرابطة الوطنالعمال والموظفين الطالعين من الوِرَش والمكاتب الساعة اتنين لا يؤخِرون ولا يقدِّمونولقّاط التمر (دي بالغت فيها نحن عندنا رز وشمّام وعبد الحفيظ أبوسن) السحنات يا بنية والأشكال الملونة بالاخدر والأصفر التي لا تعرّف نفسها ولا قبيلتها ولا جنسيتها إلا بمدينتها (من كوستي، من كسلا، من بابنوسة، من عطبرة من دنقلا من واو، من مدني ومن كريمة، وأصلنا من صعيد مصر أو أهلنا جايين من اريتريا أو شاد)كلٌ يتمسك بقطعة من الوطن، قطعة فيها الفوراوي والدنقلاوي وأوشيك وشلكاوي، وقبايل أخرى ما سمعنا بها إلا أخيرا وما أنزلت بها إلا تراجيكان كل بلد في السودان يمثّل الوطنكنا ..مدن السودان المتحدةقبل أن يغزونا المغول ويقسمونا لي قبايل ومسلمين وما مسلمين(خلاص يا بنية بلاش غاغةخلاص أنا تهتَ فى الاشواق وما برجعوهسع ضُمة لا شايفك ولا بسمع) أو كما شدا ذات استفزاز، شاعرنا محمد بادي تلميذ سماعين ود حسنإنتي وأميرة السيد وزين العابدين الحليلة الجايي في اللفة، كما الخيل الأصيلة،وحسين موسى الكَتب من الفيس بوك وهاتفني قبلها بحنية دون سابق معرفة (تتصوري!)وإلى كل الذين مروا بهذا البوست مستحسنين أو مشنفين، دون تعليقوكل الأصدقاء والأعداء الذين اكتسبتهم هناوبالمناسبة بكري أبو بكر زاتو (المافي شنو) وإلى صاحب العبارة هذه الذي لم تحضري زمنه فتحي قيقراويويحيى إبراهيم قباني ليحيىأقول:سنة جديدة جميلة يا ناس يا هوي
Quote: عقدتونا بطفشتكم من البوست داثمجاءنا في الأثر " العزابي " في ذمة المتزوج ( حتى تعود زوجته )
توفي يا حبيب ...لا عاش من يعقدك ياخي ... :) كبارنا علمونا يا عاطف انو ( الزايد كما الناقص ) ...يعني انا مرقت الجواي في لحظة النشوى تلك ... و ما اظن بقدر امرق كلام اكتر من الحسيت بيهو في تلك اللحظة العجيبة ...فخفت ازيد ... أقوم انقص من كلامي الأول ...
Post: #48 Title: Re: إلى المدعو معاوية الزبير !!! Author: Salah Zubeir Date: 01-01-2016, 07:45 PM Parent: #46
يحى والمحتفى به و كل من طل هنا كل سنه وإنتو طيبين ياخى إنتو جميليين
Post: #47 Title: Re: إلى المدعو معاوية الزبير !!! Author: عاطف عمر Date: 01-01-2016, 07:22 PM Parent: #1
ود الزبير يا حبيبه ويا حبيبنا
Quote: عاطف عمر وهو يتهرب من البوح بذكرياته وقد تجاوزت الساعة بتوقيت الدوحة الثانية عشرة من صباح يناير 2016
ذات مرة من ( المرارات ) والفضلى ( بعلتنا ) تمارس هوايتها في قراءة سودانيزأونلاين في متابعة ما نخطه هي تقول أنها تكتشف في كل مداخلة ( بعداً ) جديداً في هذا العبد الفقير لله وفي ذات الوقت فقد كنت ( ولا أزال ) أمارس ( فضيلة التغابي ) إذ ظنت - سامحها الله - أنني غافل عن ( أجندتها الخفية ) للإمساك بما يمكنها من نسج خيوط تهمة - أي تهمة - المهم وإذ لم تجد ( بينات إثبات ترقى لمستوى الشك العقول ) فقد فاجأتني ذات ليلة بالسؤال
"""" ياخ سودانيزأونلاين حقتكم دي أنا لو عاوزاها العضوية جاتني في محلي دا وأنا رفضتها مالك كل مرة جايب سيرتي ؟؟ """""
وتقول لى ( أحاديث الذكريات ) ؟؟
ورغم أنني أثق جازماً - ودون إدعاء لفضيلة التواضع - ألا ذكريات هامة تستحق أن نهرق وراءها باوندوث عمنا بكري إلا أنني وعلى كل يا حبنا فقد نشرت بعضنا منها هنا في زمان مضى كان للكتابة ألف دافع ودافع ونشرت بعضها في صفحتي على الفيسبوك
معاوية الزبير صحبي جدا وتأخرت صداقتنا ردحا من الزمن عرفته وعرفني رجل لطيف محب للناس .. بارا بوالدته واخواته محبا للاصدقاء حبا لا يوازيه حبا آخرا لا اريد ان اقصم ظهره ولكنها حقيقة وحين عرفني أتي لكوستي مخصوص ليلتقي بي . وألتقينا وتذكرني ومسحته ! رغم اني اعرف جميع من ذكرهم لي وتلك اكبرتها فيه .. وتوثقت عري المحبة والصداقة اما حكاية صوتو سمح ف دي جديدة علي ولكن صوته مميز جدا شكرا قباني ولك التحايا والود يا صاحب
Post: #51 Title: Re: إلى المدعو معاوية الزبير !!! Author: عفاف أبو حريرة Date: 01-03-2016, 09:39 PM Parent: #50
Quote: يعني انا مرقت الجواي في لحظة النشوى تلك ... و ما اظن بقدر امرق كلام اكتر من الحسيت بيهو في تلك اللحظة العجيبة ...
فخفت ازيد ... أقوم انقص من كلامي الأول ...
دي قمة البلاغه مساكم سعيد
Post: #52 Title: Re: إلى المدعو معاوية الزبير !!! Author: Mohammed Alhasan Mohammed Date: 01-04-2016, 08:06 AM Parent: #51
..
الى الجميل القادم من مدينة الجمال وزمن الجمال انسان الزمن الجميل ..
-دايمين رايقين ان شاء الله
