Post: #1 Title: اختكم تراجي وأخوات نسيبة في صورة .. Author: عمر التاج Date: 12-27-2015, 12:35 PM Parent: #0
11:35 AM Dec, 27 2015 سودانيز اون لاين عمر التاج-KSA مكتبتى رابط مختصراختكم تراجي+اخوات نسيبة×صورةفتحت البوست البارح ووافق على الارسال . . ولما حاولت اضيف عليه اداني الرسالة الحذف ..Could not find topicعملت تراجع لمرحلة الارسال وعملت اضافة مشت عادي .. حاولت فتحه للمرة الثاية أبى .. استعوذت بالله من الشيطان الرجيم ومن الحوار اللئيم وقفلت اللابتوب وخرجت..الان رجعت ولقيت الحال في حالو ..فقلت استنجد بالخبراء على الأقل أعرف الحاصل شنو؟
Post: #2 Title: Re: السادة الخبراء.. البوست ده مالو؟ Author: عمر التاج Date: 12-27-2015, 12:40 PM Parent: #1
الجدير بالذكر ان البوست حتى الان ما فيه غير الصورة دي .. والمصدر
" />">كان ما ظهرت ما في حد يحاول ينزلها لانها احتمال تقفل المنبربسم الله
Post: #3 Title: Re: السادة الخبراء.. البوست ده مالو؟ Author: ناصر حسين محمد Date: 12-27-2015, 12:44 PM Parent: #2
اعتقد مشى الخوروالبتشوف فيه ده الكاش
Post: #7 Title: Re: السادة الخبراء.. البوست ده مالو؟ Author: عمر التاج Date: 12-27-2015, 01:00 PM
والله يا ناصر انا زاتي في البداية جاني احساس بالخور ..لكن حسب خبراتنا في الخيران وشيل العدة -قبال ما نتوب- البوست عندنا كان بسخن شوية وبعد داك يتبخرفلو ده ده حصل أمس يكون اول بوست يمشي جمبلغ كده في الخور ومن اول مداخلة..
Quote: قبل ما نجاوب على السؤال نرجو ان نعرف ايه الحصل في البورد؟كتبت البوست وأول ما اشرت للصورة البوست اتلحس ..رفعت الصورة واعدت فتح البوست والتيجة نفس السابقة ..عملت رد مشى عادي والبوست غير موجود ..فاما البورد مسكون ..واما البوست ممكون ..واما الصورة فيها حوار..ربك يلطف بتراجي وحواريها
المشكلة في أول مداخلة و أفتكر المشكلة في العنوان فيه علامات ممنوعة في عناوين البوستات في عنوان البوست أدخل على
Post: #6 Title: Re: السادة الخبراء.. البوست ده مالو؟ Author: عمر التاج Date: 12-27-2015, 12:52 PM Parent: #2
محاولة أخيرة واللعنة هذه المرة على مروان تلودي ورفاق ربه الكرهونا النت..
Post: #8 Title: Re: السادة الخبراء.. البوست ده مالو؟ Author: عمر التاج Date: 12-27-2015, 01:05 PM Parent: #6
أبو الحسين والله ماشاء الله عليك ..الشي فتحتو ونكت الفيه وهو لسه صوره مافيهو روح ...غايتو اما قرايتنا في التقنية راحت ساكت ..واما شكوكنا في محلها في ناس بتدور البورد من الباطنواما ايدك مبروكة وشيخك قوي . واما حاوي او مع الحوار الوطني....كدي مسكنا الدرب ندخل ونشوف ونعرف وبس ... البوست ان شاء الله ماينقرع.
عمر قدام عنوان البوست في الصفحة الأولى بتلقى الأيقونة دي . دي بتدخلك على آخر مداخلة في البوست و منها فوق لي أول مداخلة بتلقى ( اقرا المشاركات فى شكل سلسلة)تضغط عليها بتديك البوست بتاعك كامل لكن الناس ما حا يقدرو يدخلو عليه من الرابط فحقو تحذفوا و ترتاح منو طالما فتحت واحد جديدتحياتي
Post: #10 Title: Re: السادة الخبراء.. البوست ده مالو؟ Author: doma Date: 12-27-2015, 03:01 PM Parent: #9
يا حبيب سلامقلنا قبل كده الناس ما تعمل فى العنوان علامات مثل = و خلافه لانو العلامات بتعطل فتح البوست لاسباب لها علاقة بلغة البرنامج و استخدام اللغة العربية فى عنوان الموضوع
Post: #12 Title: Re: السادة الخبراء.. البوست ده مالو؟ Author: عمر التاج Date: 01-01-2016, 10:10 PM Parent: #11
شكرا للاخوة الخبراء على جهودهم وخبراتهم الخبير أبو الحسين .. وصلت الفكرة المبتكرة للفتح من new .. وان شاء الله ما نحتاجها لبوست ما هو جديد.. شكرا للخبيرة بخبراء المنبر الأخت دومه شكرا لخبير خبراء النت .. مهندس برمجة بكري ابوبكر .. شكرا على نصائحكم الغالية
Post: #13 Title: Re: السادة الخبراء.. البوست ده مالو؟ Author: عمر التاج Date: 01-05-2016, 10:45 AM Parent: #12
حاولت انزل الصورة بدقتها العالية كما كانت في البوست الأصلي (الذي اختلط حروف عنوانه مع كود برمجة المنبر كما افاد سيد الحوش) الا أني فشلت بالأدوات العادية وحتى التي أفادني بها الخبير أبو حسين لم تعد تعمل لأن البوست ذهب الى الصفحة الرابعة واختفت كلمة New من أمامه ولا سبيل لايجاد الصورة حتى بواسطة العم قوقل، ومالم يفدنا الخبراء بحل جديد فلن نجد حلا غير اللجوء لاكواد البرمجة .. أو نواصل هنا ..طبعا أفضل نواصل هنا لأن الحالة الأولى تعد تعدي جنائي على حقوق الملكية. ومن يرغب في الصورة الحقيقية عليه بالفيس بوك..
.. .. المهم ..
الصورة بدقتها الحالية تبنين خمسة من اخوات نسيبة من الحجم الوطني .. بينهم اختكم تراجي في هيئة مقاربة تقريبا .. وأمامهن تسعة أطباق فخمة من الأطعمة المغلفة بالقصدير ، هذا غير الاطباق العادية المنتشرة بينهما .. واكواب واباريق للمشروبات
السؤال ليس من شاكلة ماهي المناسبة وما هي مصدر الأطعمة ومن هن النساء وماذا يمثلن ومن يجند من ! بل سؤالي هنا سؤال رياضي عادي بحت: كم هي نسبة النساء للأطباق؟
خمسة من اخوات نسيبة من الحجم الوطني ... غايتو يا ناس سودانيزاونلاين.. سيبويه بى جلالة قدره ما يقدر يوّقع العربى زيكم.. عليك الله يا عمر حجم المؤتمر الوطنى دا جاك كيف ؟
Post: #16 Title: Re: السادة الخبراء.. البوست ده مالو؟ Author: عمر التاج Date: 01-05-2016, 09:29 PM Parent: #15
تحياتي أختي الكريمة نور تاور ..
Quote: خمسة من اخوات نسيبة من الحجم الوطني ... غايتو يا ناس سودانيزاونلاين.. سيبويه بى جلالة قدره ما يقدر يوّقع العربى زيكم.. عليك الله يا عمر حجم المؤتمر الوطنى دا جاك كيف ؟
الحجم هنا يا أستاذة لا يعبر عن المساحة الهندسية × الارتفاع .. بل مساحة التمدد الجائر على الوطن × الخيبة والفشل
ومن هنا جاءت فكرة الحجم الوطني موازية للحجم العائلي ..
وفي هذا تشاركهن الزميلة تراجي الحوار . كوني بخير..
Post: #17 Title: أختكم تراجي وأخوات نسيبة في صورة Author: عمر التاج Date: 01-06-2016, 02:58 PM Parent: #16
Quote: السجم الوطني
تحية لك اخ منان وشكرا للوصف الصريح .
Post: #18 Title: Re: أختكم تراجي وأخوات نسيبة في صورة Author: MOHAMMED ELSHEIKH Date: 01-06-2016, 03:05 PM Parent: #17
سبحان الخالق حتى رفعة الاصبع حقت ترجرج من النوع الوطني ...... ولا ملى بطني!!
Post: #19 Title: Re: أختكم تراجي وأخوات نسيبة في صورة Author: عمر التاج Date: 01-06-2016, 09:37 PM Parent: #18
شكرا لتعليقك أخي الفاضل محمد الشيخ ..
Quote: حتى رفعة الاصبع حقت ترجرج من النوع الوطني ...... ولا ملى بطني
Post: #20 Title: Re: أختكم تراجي وأخوات نسيبة في صورة Author: wadalzain Date: 01-07-2016, 05:38 AM Parent: #19
ولدي إليك بدل البالون ميت بالــــــون
انفخ وطرقع فيه علي كل لـــــــــــون
عساك تشوف بعينك مصيرالــــــبـــشـــر
المنفوخين بالكلام و الزعيق البدون
عجبي !!!
يا ناس الجواز الاجنبى
Post: #23 Title: Re: أختكم تراجي وأخوات نسيبة في صورة Author: عمر التاج Date: 01-07-2016, 12:23 PM Parent: #20
Quote: ولدي إليك بدل البالون ميت بالــــــون
انفخ وطرقع فيه علي كل لـــــــــــون
عساك تشوف بعينك مصيرالــــــبـــشـــر
المنفوخين بالكلام و الزعيق البدون
عجبي !!!
يا ناس الجواز الاجنبى
تحياتي اخ ود الزين وشكرا على مرورك
Post: #21 Title: Re: اختكم تراجي وأخوات نسيبة في صورة .. Author: Othman Al-Hasan Babikir Date: 01-07-2016, 07:52 AM Parent: #1
عنوان البوست : أختكم تراجي ، وأخوات نسيبة ...!!!
يعني نفهم إنو تراجي ما أخت نسيبة ؟؟؟؟
ثم ثانياً من ضمن تعدادك لأطباق المائادة الدسمة نسيت تذكر الكتشاب الذي أراه يتوسط المائدة المستديرة لزوم فتح الشهية وزيادة متعة الأكل ... اللهم لا حسد .
Post: #22 Title: Re: اختكم تراجي وأخوات نسيبة في صورة .. Author: مهدي صلاح Date: 01-07-2016, 08:29 AM Parent: #21
دي فجرت خلاص
Post: #24 Title: Re: اختكم تراجي وأخوات نسيبة في صورة .. Author: عمر التاج Date: 01-07-2016, 12:47 PM Parent: #21
تحيات قلبية مفعمة بالحوار لك اخي عثمان الحسن بابكر
Quote: عنوان البوست : أختكم تراجي ، وأخوات نسيبة ...!!!
يعني نفهم إنو تراجي ما أخت نسيبة ؟؟؟؟
والله يا عثمان مع جو الحوار العجيب ده كل الاختصاصات اتلخبطت علينا .. بقينا ما عارفين تراجي من بدرية سليمان .. ياتا من اخواتنا وياتا من اخوات نسيبة .. بقت علينا زي قصة وزيرة العدل .. واحدين يقولو أفسدت باستغلالها سلطتها .. وواحدين يقوموا يكرموها...
Quote: ثم ثانياً من ضمن تعدادك لأطباق المائادة الدسمة نسيت تذكر الكتشاب الذي أراه يتوسط المائدة المستديرة لزوم فتح الشهية وزيادة متعة الأكل ... اللهم لا حسد
ياعثمان يا اخوي نحن عينا في الشدر الكبار الفيهو الصمغ .. البخلينا نفتش للكاتشب شنو؟
Post: #25 Title: Re: اختكم تراجي وأخوات نسيبة في صورة .. Author: عمر التاج Date: 01-07-2016, 09:50 PM Parent: #24
اختكم تراجي جاءت من اجل الحوار .. وبعد الوجبة الدسمة الفي الصورة دي أصبحت هي الحوار .. حوار للشيخات أخوات نسيبة .. عقبال ما تبقى شيخة تراجي..
Post: #26 Title: Re: اختكم تراجي وأخوات نسيبة في صورة .. Author: عمر التاج Date: 01-08-2016, 03:51 PM Parent: #25
لمزيد من الحوار
Post: #27 Title: Re: اختكم تراجي وأخوات نسيبة في صورة .. Author: عمر التاج Date: 01-08-2016, 09:58 PM Parent: #26
اختكم تراجي في عش الدبابير .. قبل عودتها لكندا ..
Post: #28 Title: Re: اختكم تراجي وأخوات نسيبة في صورة .. Author: عمر التاج Date: 01-10-2016, 02:05 PM Parent: #27
حمدا لله على وصول الأخت تراجي سالمة غانمة لارض الوطن ( كندا) وآن الأوان للكاميرات الحكومية ان تغمض عينها ويهدأ وميضها الكاذب ليبرق وميضها الخلب ..
Post: #29 Title: Re: اختكم تراجي وأخوات نسيبة في صورة .. Author: عمر التاج Date: 01-10-2016, 06:17 PM Parent: #28
مداخلتي للترحيب بعودة تراجي الى موطنها الأول: التحية والتجلة للعروسة* الغالية تراجي .. وصوت اعجاب أسجله لأسلوبك الناعم في الخروج المرن من صف المعارضة المسلحة الى الحكومة المسلحة دون المرور بالمعارضة الهايفة، هذه الظاهرة تسمى في علوم الطبيعة بالتسامي السياسي، وفي الفقه الضرورة الاجتماعي يسمى بالاستوزار. وحقيقة مقدرتك على المرور (بكرعيك المشققات ديل) فوق الكيزان الذين وصفتيهم بالوسخ وأخوات نسيبة اللائي وصفتهن بأخوات ابليس (وفي روايه بناته) ..وعبورك على جثة البرلمان الذي طالب بسحب جنسيتك وكارهي الصداقات الإسرائيلية والمنكرين للمثلية الجنسية ووصولك حتى الشعبيين وقطاع الطلاب (المنظمين) يعد اختراقا كبيرا للحوار قد يصل لمرحلة (الثقب) ... وفوق هذا فقناعتك بالرقيص مع البشير مقابل عدم تسليمه لاوكامبو واقناعك للمسلمي بالترحيب بك في سودانيز عوضا عن فتح بلاغ ضدك لهو كفيل باسكات الهايفين الذين ينتقدونك بعد أن أصبحت (ست البلد) وللجماهير (نجمة وهلال)
.. ..
* خطفت الأضواء والكاميرات من كل المتحاورين ونافست البشير وغندور في الظهور لذا فقد كانت عروس المولد (الحوار) بلا منازع .. وعليه نحيك يا بنت عمي تراجي على عرسك الطبيعي وعرسك الاعتباري جمع تأخير
Post: #30 Title: Re: اختكم تراجي وأخوات نسيبة في صورة .. Author: Abureesh Date: 01-10-2016, 07:24 PM Parent: #29
سككان مجالس النسوان.
بعدين وين اخوات نسيبـة.. الأخوات ديل ما فيهن اخت مسلمة واحدة.د. امنة ضرار حاربت الحكومة وكانت او قيادية في حزب سياسى سودانى، ودخلت الحكومة ممثلة جبهة الشرق وفق اتفاق دولى ولم يعينها البشير.وبقية الاخوات تعرفوهن من طريقة لبس التوب السودانى العادية والتي ليس فيها تحذيق اخوات مصيبـة.. لم اتعرف عليهن ولكن مافيهن شكل كوزات ولا واحدة.
أما الكلام عن الاحجام فهذا عيب لم استغربه ممن أساسا جعلوا أخواتهم السودانيات موضوعا للمضغ.. ويا اخت نور تاور الشفتيه دا متوسط احجام كل اهل السودان تقريباً.
Post: #31 Title: Re: اختكم تراجي وأخوات نسيبة في صورة .. Author: عمر التاج Date: 01-11-2016, 05:28 PM Parent: #30
اسعد الله مساءك أخي ابو الريش الصديق صاحب الكلمات الرشيقة ..
Quote: سككان مجالس النسوان
سكاكين النساء مرة واحدة يا ابو الريش، غايتو في دي بالغت يارفيق، ياخ نحن بنتكلم عن المناضلة تراجي، هو تراجي دي برضو نسوان؟ وبعدين انت قايل اخوات نسيبة ديل ناس سعاد الفاتح ورجاء حسن خليفة ... لا يا اخ الزمن اتغير، ناس امنة ضرار وتابيتا بطرس ديل هن البقن اخوات نسيبة، ياخ تحت تحت تراجي زاتها طلعت اخت من اخوات نسيبة.. وبعدين مي نقالك الفي الصورة ديل ما فيهن كوزة، احتمال اننت بتعرف واحدة لكن كدي اتاكد من التانيات وتعال أنفي كوزنتهن .. طيب انا حا اعفيك من البحث وبجيب ليك كلام تراجي زاتها عن استقبالها بوسطة اخوات نسيبة كتبت تراجي في ختام زيارتها للخرطوم..
Quote: شكرا لاخوات نسيبه الدين خرجوا من عباءات الايدلوجيه ليتابعوا مسيرة امراة جذا مختلفه معهم في المعسكر السياسي
وفتحوا قلوبهم وعقولهم لكلماتي.
وشكرا لكل من جعل هذا ممكنا.
اهو كدة نحن عدانا التلفيق وجات تراجي ذات نفسها تشكر في اخواتها، أخيرا الحجم الوطني ده ما نبذ يا اخ، اهلنا بقولو (البقولولو سمين يقول اللهم أمين)، ونحن بنقول (البقولوا وطني يقول آه يا بطني).. مع تحياتي وعظيم ودي .
Post: #32 Title: Re: اختكم تراجي وأخوات نسيبة في صورة .. Author: عزالدين عباس الفحل Date: 01-11-2016, 06:24 PM Parent: #31
الزعيمة الفاضلة تراجي مصطفي ، البطلة الشجاعة القوية ، رمت بحجر صلب مدبب ، في حلق المعارضة ، فكتمت الأنفاس ، علماً بأن المعارضة ، تعاني من ، مرض الربو المزمن ، Chronic asthma ،،،
عزالدين عباس الفحل ابوظبي
Post: #33 Title: Re: اختكم تراجي وأخوات نسيبة في صورة .. Author: عمر التاج Date: 01-12-2016, 09:50 AM Parent: #32
Quote: الزعيمة الفاضلة تراجي مصطفي ، البطلة الشجاعة القوية ، رمت بحجر صلب مدبب ، في حلق المعارضة ، فكتمت الأنفاس ، علماً بأن المعارضة ، تعاني من ، مرض الربو المزمن ، Chronic asthma
تحية لك ود عمي الفحل وانت تحي الزعيمة تراجي ثم تدك معاقل المعارضة المتهافتة بالعربي والانجليزي
Post: #34 Title: Re: اختكم تراجي وأخوات نسيبة في صورة .. Author: عمر التاج Date: 01-13-2016, 04:52 PM Parent: #33
شكرا اخوات نسيبة مشاركتكن في الحوار شكرا تراجي ان جعلت صور حوارك ممكنة شكرا للانقاذ التي جعلت الموت نهاية كل حوار. وجعلت مراسم العزاء تنتهي قبل الدفن
Post: #35 Title: Re: اختكم تراجي وأخوات نسيبة في صورة .. Author: عمر التاج Date: 01-21-2016, 08:43 PM Parent: #34
نعود مع نهاية الحوار لاخواتنا في الله باذن الله ..
Post: #36 Title: Re: اختكم تراجي وأخوات نسيبة في صورة .. Author: عمر التاج Date: 01-22-2016, 07:53 PM Parent: #35
.. ..
Post: #37 Title: Re: اختكم تراجي وأخوات نسيبة في صورة .. Author: عمر التاج Date: 01-27-2016, 07:28 PM Parent: #36
بعد وقوفها شمال البشير ويسار الترابي وتصريحات ياسر سعيد
Quote: ياسر سعيد:الانقاذ انجبت فى الدين و التصوف شيخ الامين و فى السياسة تراجى مصطفى
أعتقد أن تراجي ربما أصبحت (أنسب) من أخوات نسيبة .. هههههه
Post: #38 Title: Re: اختكم تراجي وأخوات نسيبة في صورة .. Author: عمر التاج Date: 08-11-2016, 07:50 PM Parent: #37
اسمحوا بهذه بالرصة.
Post: #39 Title: Re: اختكم تراجي وأخوات نسيبة في صورة .. Author: حامد بدري Date: 08-13-2016, 09:48 AM Parent: #38
Post: #40 Title: Re: اختكم تراجي وأخوات نسيبة في صورة .. Author: عمر التاج Date: 08-18-2016, 09:02 PM Parent: #39
لماذ تستقبل حضرة الناشطة الكبيرة بأفضل مما تستقبل رجاء حسن خليفة
باختصار لانها تفيد النظام اكثر من اخت نسيبة الاصلية
Post: #41 Title: Re: اختكم تراجي وأخوات نسيبة في صورة .. Author: اشرف السر Date: 08-18-2016, 09:25 PM Parent: #1
غايتو الفاهمو حاجة واحدة
بما انو كل الحاضرات لابسات التوب السوداني... تراجي ما حتضرها محاولة ال Blend in
كان تلبس توب زيهن....
Post: #42 Title: Re: اختكم تراجي وأخوات نسيبة في صورة .. Author: امجد الجميعابى Date: 08-19-2016, 09:19 AM Parent: #41
" />
