فحص بسيط جداً ... و معروف للكثيريناصبح مؤخراً دقيق جداً اكثر دقة من أي وقت مضى ...يكلف 100 - 150 دولار امريكي ...ترسل لك حاوية صغيرة معقمه و مجهزة لحفظ اللعاب ...تقوم بوضع اللعاب الخاص بك و من ثم ارسالها للمعمل ...في خلال فترة 6-8 أسابيع تأتي النتيجة ...تأتي النتيجة بتفاصيل توضح عرقية الشخص بالنسب المئوية ...احد معارفي من روسيا مسيحي أرثودوكسي كان يظن ان اصوله روسية بحته او على الأكثر بها أصول أوروبية ...وجد ان به 7% أصول يهودية و 1% أصول من شمال افريقيا ... و نسب من مناطق أخرى كثيرة ...هل يا تُرى ... لو تولى احد رجال الاعمال فتح معمل يختص بهذا العمل في السودان ...هل سينهي ذلك الفحص مسألة العرقية و الجهوية و العنصرية حينما يجد الناس ان اصولنا واحدة و دماءنا واحده مخلوطة بتراب وطن واحد ؟ام يزيد نار العنصرية حطباً ؟؟مجرد خاطرة ... http://dna.ancestry.ca/http://dna.ancestry.ca/ ___________________________________________________________________________
Post: #2 Title: Re: اعرف أصولك العرقية عن طريق لُعابك - DNA Test for Author: اسماعيل عبد الله محمد Date: 12-26-2015, 10:36 AM Parent: #1
لك التحية و السلام اخي يحي قباني ..بلا شك سوف يساعد مثل هذا الكشف في حلحلة مشاكل كثيرة عالقة بمجتمعنا السوداني ذو التنوع الاثني و العرقي ..لو ملاحظ لم يتداخل احد في هذا البوست , معظم السودانيين لا يريدون الدخول في مثل هكذا امر لانهم يعلمون تماما ان النتيجة سوف لن تاتي متوافقة مع ما يدّعون .انا شخصياً بحثت عن هذا الفحص واخيرا وجدت جهة هنا في دبي-الامارات لكن تكلفة الفحص غالية في حدود ال 500 دولار , خلينا نتواصل مع ناسك ديل , 100 الى 150 دولار مناسبة ..
Post: #3 Title: Re: اعرف أصولك العرقية عن طريق لُعابك - DNA Test for Author: محمد درار Date: 12-26-2015, 12:52 PM Parent: #2
سلام محمد درار ...يعني فكرك لو الزول عمل المعمل المتخصص ده في الخرطوم ... حيفلس ؟كل زول بي فكرو وخلاص ...الله يكون في العون بس يا درار ...
Post: #4 Title: Re: اعرف أصولك العرقية عن طريق لُعابك - DNA Test for Author: يحي قباني Date: 12-26-2015, 03:58 PM Parent: #2
Quote: لك التحية و السلام اخي يحي قباني ..بلا شك سوف يساعد مثل هذا الكشف في حلحلة مشاكل كثيرة عالقة بمجتمعنا السوداني ذو التنوع الاثني و العرقي ..لو ملاحظ لم يتداخل احد في هذا البوست , معظم السودانيين لا يريدون الدخول في مثل هكذا امر لانهم يعلمون تماما ان النتيجة سوف لن تاتي متوافقة مع ما يدّعون .انا شخصياً بحثت عن هذا الفحص واخيرا وجدت جهة هنا في دبي-الامارات لكن تكلفة الفحص غالية في حدود ال 500 دولار , خلينا نتواصل مع ناسك ديل , 100 الى 150 دولار مناسبة ..
سلام إسماعيل ...اصدقك القول ... قبل ما ارفع البوست قعدت افكر في كل الاحتمالات ...لدرجة انو لوهلة قلت لي روحي ياخي انت مالك و مال وجع الراس يقوم يجيك زول يقلب البوست لاتجاه ما تخلص منه ...و اهو كلامك مشى انو الموضوع فيه حساسية و الكل متجنب الكلام ...الفحص متوفر في مراكز كتيرة في أمريكا بالذات و على فكرة ممكن ال Kit تجيبه من امازون او من واحد منهم بالبريد ...تلفوني 4168331414 للتواصلتحياتي ...
Post: #6 Title: Re: اعرف أصولك العرقية عن طريق لُعابك - DNA Test for Author: محمد الكامل عبد الحليم Date: 12-26-2015, 04:10 PM Parent: #4
تحية للعزيز قباني...قد يكون الفحص مفيدا علي مستوي الاهتمام الشخصي لكنه لن ينهي الجدل او يمحو العرقية لدي مجتمعنا المتخلف والذي يؤجج السياسيون صراعاته وفقا للعرق او الجهة... الثقافة المرتبطة بسماتنا الانسانية كسوادانيين وحيثياتها التي تمجد الانسان وفضائله وفعايله هي التي يجب ان تسود....ثقافة ادارة التنوع وتمدد وتيرة التنوير هي جزء من خارطة الطريق...
Post: #7 Title: Re: اعرف أصولك العرقية عن طريق لُعابك - DNA Test for Author: محمد الامين محمد Date: 12-26-2015, 04:28 PM Parent: #6
الناس تمشي للجامعة تاني ترجع لسنة اولي
Post: #9 Title: Re: اعرف أصولك العرقية عن طريق لُعابك - DNA Test for Author: يحي قباني Date: 12-27-2015, 05:00 PM Parent: #7
سلام اخونا محمد الامين...
Post: #8 Title: Re: اعرف أصولك العرقية عن طريق لُعابك - DNA Test for Author: يحي قباني Date: 12-27-2015, 05:33 AM Parent: #6
Quote: تحية للعزيز قباني...قد يكون الفحص مفيدا علي مستوي الاهتمام الشخصي لكنه لن ينهي الجدل او يمحو العرقية لدي مجتمعنا المتخلف والذي يؤجج السياسيون صراعاته وفقا للعرق او الجهة... الثقافة المرتبطة بسماتنا الانسانية كسوادانيين وحيثياتها التي تمجد الانسان وفضائله وفعايله هي التي يجب ان تسود....ثقافة ادارة التنوع وتمدد وتيرة التنوير هي جزء من خارطة الطريق...
محمد الكامل ياجميل ...كما ذكر احد الاخوة من الفيس بوك ...حيشككوا في النتائج و كمان ممكن يتهموا البعض بالتزوير ...و الخوف انو يستخدم وقت اللزوم فقط ...مثلاً زول داير يعرس يقولوا ليهو اعمل الفحص و تعال ...نكون بي كده زدنا النار حطب و ساعدنا على تقنين العنصرية ...مصيبتنا اعمق من ما نتصور اعتقد يا محمد .. المسألة متجذرة و ضاربة في التاريخ القديم عندنا ...و الحكومة افلحت في بسط سياسة التجهيل منذ قيامها ...و اشغلوا الناس بترويع أمنهم و صعوبة الحصول على قوتهم و اكل عيشهم ...
Post: #10 Title: Re: اعرف أصولك العرقية عن طريق لُعابك - DNA Test for Author: Mohd Ibrahim Date: 12-27-2015, 05:24 PM Parent: #8
واللة يااستاذ دي فكرة جميلة ....واعتقد انو السودانيين بالعكس سيهتمو كثيرا بي فحص ذي دا ..سوق مضمون مية المية ...لانو الهوية دي وجع حقيقي عند كل سوداني وسبب من اسباب عدم تصالحنا مع نفسنا وقبولنا للاخرين ولي زاتنا كما هي ................ بس ياريت لو يكون في عينة للفحص عشان نشوف المدي الذي يمكن يصلة النسب وماهي الطريقة التي يتبعها للوصول الي نتيجة مقنعة ..
Post: #11 Title: Re: اعرف أصولك العرقية عن طريق لُعابك - DNA Test for Author: يحي قباني Date: 12-27-2015, 05:39 PM Parent: #10
Quote: واللة يااستاذ دي فكرة جميلة ....واعتقد انو السودانيين بالعكس سيهتمو كثيرا بي فحص ذي دا ..سوق مضمون مية المية ...لانو الهوية دي وجع حقيقي عند كل سوداني وسبب من اسباب عدم تصالحنا مع نفسنا وقبولنا للاخرين ولي زاتنا كما هي ................ بس ياريت لو يكون في عينة للفحص عشان نشوف المدي الذي يمكن يصلة النسب وماهي الطريقة التي يتبعها للوصول الي نتيجة مقنعة ..
سلامات استاذي ...من ناحية سوق مضمون فانا معاك في دي ...البفتح المعمل في السودان غايته سنتين تلاته بغنى ...لكن الكلام الفحوصات حتتعمل لياتو متطلبات ...؟غايتو ... لو الناس ختت الرحمن في قلبها ... الفحص ده ممكن يكون واحدة من أدوات التخلص من الجهوية و العنصرية ...اما عن العينات ... فالموضوع شغال من زمان هنا و نتايجه مضمونة ...و لو الناس اتفقت ممكن مجموعة من الناس تتبرع و تشوت ضربة البداية ...
Post: #12 Title: Re: اعرف أصولك العرقية عن طريق لُعابك - DNA Test for Author: عماد حسين Date: 12-27-2015, 09:59 PM Parent: #11
سلامات يا قباني
القصة دي قديمة...
نحنا عملنا مشروع قبل 5 سنوات تقريباً
وتم تخصيص بوست في المنبر، لعرض كثير من النتائج وتحليلها
ده رابط البوست
sudaneseonline.com/board/470/msg/1399571904.html
وكذلك.. ستجد نتائج السودانيين، والتي قمنا بجمعها من أصحابها بأنفسنا.. ثم ارسلناها إلى شركة FTDNA الامريكية ومقرها في تكساس
والفحص في مرحلته الأولى 100 دولار، تكفي لبيان الخط العام للجذور
لو أحببت الاستزادة.. فستجد غالب النتائج في مشروع (قبائل العرب Arab Tribes).
الصفحة الموجودة على الرابط... بعد تفتح، بتلقى فيها مربع فوق، مكتوب فيهو 500
عشان تفتح معاك كل النتائج، أكتب فيهو 3000 واضغط Enter
شكراً
Post: #13 Title: Re: اعرف أصولك العرقية عن طريق لُعابك - DNA Test for Author: عماد حسين Date: 12-27-2015, 10:08 PM Parent: #12
رابط موقع الشركة رفض يظبط معايدي محاولة أخيرةhttp://http://www.familytreedna.com/public/Arab%20Tribes/default.aspx؟section=yresultswww.familytreedna.com/public/Arab%20Tribes/default.aspx؟section=yresultsلو الرابط فتح علط.. ابحث عن عبارة arab tribes dna على محرك البحث قوقلوبالنسبة لي في السعودية.. أنا بفتح تاني نتيجة... >كرت >لك، لأني لا أعلم: هل لقوقل أولويات في ترتيب النتائج حسب الدولة الموجود فيها الشخص، أم لا؟
Post: #14 Title: Re: اعرف أصولك العرقية عن طريق لُعابك - DNA Test for Author: osama elkhawad Date: 12-28-2015, 08:30 AM Parent: #13
شاهدوا هذه الفيلم التسجيلي المهم لتعرفوا أصل الإنسان: