مودياكم لأنو أنا لغاية هسي شغال بي نوكيا موديل ألفينلكن قطع شك بعد خمسه سنة كان الله مد في الآجال نوعي دا ما بقدر يتعامل مع الحياةالله هونينيالجزيرة نت-خاصفي بعض المجتمعات المتقدمة يحتاج مستخدم التقنية الحديثة إن رغب في قضاء سهرة عشاء مع أصدقائه إلى استخدام عدد من تطبيقات هاتفه الذكي في ذات الوقت، فقد يعتمد على أحد تطبيقات طلب الطعام لاختيار الوجبات المطلوبة، ثم يلجأ إلى خدمات مثل "وايز" لتجنب الازدحام المروري أثناء التنقل لشراء حاجات السهرة، بل وحتى الاستفادة من إحدى خدمات الفيديو لمشاهدة فيلم سينمائي مع الأصدقاء.ويحتاج الإنسان المعاصر إلى عشرات التطبيقات التي صمم كل منها منفردا لمساعدته في تنفيذ مهمة أو عدد محدود من المهام في حياته اليومية، ومع أن مطوري تلك التطبيقات يهدفون من خلالها إلى جعل حياة الإنسان أكثر بساطة، فإن كثرتها وعدم القدرة على التعامل معها في نفس الوقت زادها تعقيدا.وفي الواقع، لا يشابه مستقبل الحوسبة -وفقا لما يراه محللون- التقنيات المتوفرة حاليا للعموم، فمن المنتظر أن يعتمد الإنسان في المستقبل على نظام حاسوبي قادر على إجابته عن تساؤلاته وإيجاد الحل لمشاكله ومساعدته في أداء مختلف المهام وقابل للتعلم من خلال التفاعل مع المستخدم بشكل مستمر، والأهم من ذلك هو إمكانية الاستفادة منه بشكل عفوي دون ضرورة وجود شاشة للتخاطب مع الحاسوب، أو عتاد حاسوبي بالشكل المعتاد.وتسيطر الأنظمة المعتمدة على الشاشات -كواجهة تخاطب- على تجربة المستخدم الحاسوبية في هذه الأيام، والتي يستفيد منها الإنسان في تسهيل تواصله مع بني جنسه وأداء عدد غير محدود من المهام، إلا أنها تأخذ حيزا مهما من اهتمام المستخدم، وتشغل مكانا في جيبه أو على مكتبه، وتقوم بمقاطعته وتشتيت انتباهه في كثير من الأحيان، لذلك يعمل المصممون على ابتكار وسائل متنوعة لجلب العفوية إلى طريقة تفاعل المستخدم مع النظام الحاسوبي.ويعد التخاطب الصوتي مع الحاسب من أبرز الطرق التي يعمل الباحثون عليها، وهي طريقة كثيرا ما تظهر في أفلام الخيال العلمي، التي على ما يبدو أنها في طريقها لتصبح واقعا في الحياة اليومية، حيث يسمح المساعد الشخصي "سيري" لمستخدمي أجهزة آبل بالتخاطب الصوتي مع الجهاز، كما طورت أمازون مساعدها الشخصي "إيكو" الذي حقق مبيعات ضخمة في الولايات المتحدة خلال يوم الجمعة السوداء، حتى أن ميزة التخاطب الصوتي وصلت حديثا إلى ألعاب الأطفال مثل لعبة "هلو باربي".وتبقى تقنية التخاطب الصوتي بين الإنسان والآلة بحاجة إلى تطوير كبير، فهي شديدة التأثر بالبيئة المحيطة، أي أن النظام قد يلتقط أصواتا من المحيط، كما أن دقتها في التعرف على الكلام تبقى محدودة.وتدريجيا، يتناقص الاعتماد على أدوات التخاطب التقليدية مع الحاسوب، أي لوحة المفاتيح والفأرة والشاشات اللمسية، فمن المتوقع لها أن تشغل حيزاً ضئيلا في مستقبل الحوسبة، لينحصر استخدامها في أشياء مثل إعداد المشاريع الهندسية والعروض التقديمية، ولا تعد هذه الأدوات فعالة إن رغب المستخدم في اتباع وصفة لتحضير الطعام جلبها من شبكة الإنترنت، حيث يحتاج الإنسان في مثل هذه الحالة إلى وسيلة لا تجبره على استخدام يديه أو تشتيت نظره.ولتوفير مثل هذا النوع من التخاطب، يتطلع المصممون نحو تقنيات على رأسها الواقع المعزز، التي من شأنها جلب واجهة التخاطب إلى المحيط الذي يراه الإنسان دون تشتيت انتباهه أو إجباره على استخدام أدوات إدخال تقليدية.وتسمح نظارات الواقع المعزز للإنسان بالتفاعل مع النظام المحوسب بيدين حرتين، من خلال إسقاط واجهة التخاطب على أي شيء موجود بجوار الإنسان.إن دمج تقنيات الذكاء الصناعي مع تقنيات مثل الواقعين الافتراضي والمعزز من شأنه أن يوفر أنظمة حاسوبية فريدة من نوعها تتميز بسهولة التخاطب معها وقدراتها الذكية على توفير المعلومات وعرضها بشكل ذكي وعفوي.المصدر : الجزيرة نت
مرات الواحد يضحك علي مفارقة التكنولوجيا للواقع تطبيق ايسي تاكسي في ايفون يكتل من المغص لما تكون في محل ما فيه تاكسي من اساسو صدق في السعودية مدن لا فيها تاكسي لا بص وما بتقدر تسوق هههههه ما تخاف يا معاوية طالما ( نحن في ) اضمن لك 10 سنين تاني من 3 حشرات وموعود بالدمعة عارفاك ما متابع عشان كده شرح الدمعة ده نوكيا التطبيق الاحداث لموديلك
يا خوفي يجو ناس بسمات والنيويوركات ومن (حذا حذوهم )ويقولو لي مترو انفاق ولا عجلات
Post: #4 Title: Re: التكنولوجيا دي مودياكم وين ؟! Author: فردوس جامع Date: 12-25-2015, 00:40 AM Parent: #3
الأخ العزيز معاوية الزبيركل عام و أنتم بخيرفعلاً آي حاجة بقت ما بتبقى من غير تكنولوجيا :)و ال Artificial Intelligence A.I من العلوم الأكثر تطوراً...كانت مادتي المُحببة أيام البكالريوس و إتمنيت إشتغل فيها بس الفرص فيها كانت عاوزه رحول !في الفترة الماضية شغل ال A.I الإعلام بعد إبداء Musk, Hawking و Wozniak تخوفهم ال dilemma المتوقعة من الروبوتات...و أعتقد بيل قيتس كمان!قلقهم أبداه Drexler (زول pioneer في النانوتكنولوجي ) في كتابهEngine Of Creation عن الروبوتات الضبابية و حال كونها حتلتهم العالم فيما يعرف بال ecophagy...الحديث في الأرتيفيشيال إنتليجنس يطول و جميل و ممتع...قد أعود لو الزمن سمح إن شاء الله...تحياتي لك!
Post: #5 Title: Re: التكنولوجيا دي مودياكم وين ؟! Author: فردوس جامع Date: 12-25-2015, 00:41 AM Parent: #4
بمناسبة ذكر المقال لي Siri...بناتي السنة الماضية 4 و 6 حينها بيشيلو تلفوني و يستكشفوايوم لقيتهم مدورين ونسة مع سيري وقفت أتابعهم من الدهشةو بيسألوها أسئلة ما خطرت على بالي إطلاقاً و سيري كانت بتجاوب بأريحية تحير... إستخدامي ليها كان في حدود ديركشن, تلفونات أماكن تجارية و كده يعني لكن ونسة دي إتعلمتها من البنات العبرة إنه كلنا في حاجات جديدة علينا و نكتشفها من آخرين حتى أطفالنا... عقبال ما تعمل upgrade للتلفون...
Post: #6 Title: Re: التكنولوجيا دي مودياكم وين ؟! Author: اخلاص عبدالرحمن المشرف Date: 12-25-2015, 00:45 AM Parent: #4
فردوس ازيك طبعآ انا ما فهمت شئ لو لقيتي وكت اشرحي يا الحبيبه
Post: #8 Title: Re: التكنولوجيا دي مودياكم وين ؟! Author: معاوية المدير Date: 12-25-2015, 01:04 AM Parent: #6
Quote: الروبوتات
نوكيا يا حجري .عارف الروبوت دا بيعمل شنو هنا ؟، عندو بنبر بيقعد فوق بنبرو دا ؤُ يصاقر مُراحالبقر، بعدين عندو سينسر مع ضرع البقرة، اوآت ما ضرعا يتحيّن صاحبك دا يقوممن بنبرو ؤُ فِرِت، فِرِت، فِرِت يمشي عليها يحلبا ؤُ يرجع يقعد في بنبرو .زمان عندنا خالتنا شافت التلفزيون قالت، بِسسسسسسسم الله، وحات سيدي الخواجاتديل بس فضلتلهُن الروح ...
Post: #9 Title: Re: التكنولوجيا دي مودياكم وين ؟! Author: يحي قباني Date: 12-25-2015, 01:10 AM Parent: #6
Quote: فردوس ازيك طبعآ انا ما فهمت شئ لو لقيتي وكت اشرحي يا الحبيبه
هههيا بت المشرف ما عندك آيفون و لا بقيتي زي ود الزبير ولا شنو ؟_______________________________________________________و الله يا معاوية امس القريب ده عاينت لي تلفون كان عندي زمان اسمه موتورولا ريزور ...و فكرة انو ريزور يعني رهيف زي الموس و حاجة سغيرونه ...الان شغال بي 6 بلس ... و كان لقيت لي شاشة اكبر من ناس الآيفون ما بقول لا ...ما تتصور كمية الشغل البنعمله بالتلفون و الآبس الموجوده ...مرة مشيت مباراة باسكت بول و في نص المباراة اتذكرت اني لازم احول قروشو حياتك مرقت تلفوني و في ثانيتين العملية تمت !!!اما شغلنا حق العقارات ده فحدث و لا حرج ...المصيبة يا حبيب انو انا بديت شغل في الدنيا دي زمن التلكس كان اختراع عالمي !!!__________________________________________مرة اشتريت تلفون نوكيا في السعودية اول ما هاجت الموبايلات ...الفاتورة ما كان فيها رقم الموديل ... سيد الدكان كاتبواحد جهاز تلفون نوكيا الرهيب كان لونه اسود و مع الشمس بقلب لون تاني هههه_____________________________________________اها يوم داك عندي مخزن في البيت مشيت اكوس لي فايلات قديمة ...و طبعاً انحنا السودانيين ما بنرمي أي حاجة ...لقيت ليك الحاجة دي !!!
اجمل حاجة فيهو انو ( الريموت ) حقه بي سلك هههه
Post: #7 Title: Re: التكنولوجيا دي مودياكم وين ؟! Author: انور تاج السر Date: 12-25-2015, 00:58 AM Parent: #3
سلام و تحية الكريم معاوية الزبير و ضيوف البوست،
Quote: مودياكم لأنو أنا لغاية هسي شغال بي نوكيا موديل ألفين
ذكرتنى زمان أيام الرئيس الايرانى رفسنجانى كان واحد صاحبنا بقول رفسنجاكم، نظام داير يطلع نفسو من الرفسة و كدهأها يا اخوى محدثكم برضو بستعمل نوكيا حتى الآن، بس موديل الفين و تمانية (يعنى قيافة و فايتك مسافة).التحكم الآن يا ود الزبير يتم عن طريق العقل (اشارات المخ) أو حركات اليد باستخدام الأشارات الكهربائية للعضلات، يا قول سعيد صالح انت ما تكلمش، انت تعمل دراعك كده تلاقى المقرر شابك فى دراعك. كل ما يتطلبه الأمر أن تضع ما يشبه السوار (ما حاج ماجد بتاع المغتربين) على المعصم، أو ما يشبه ال head phone على الرأس ودون استخدام أى سلك أو كيبل.العالم الأمريكى Bill Joy أحد مؤسسى شركة صن مايكروسيستمز يقول "ان تكنولوجيا الروبوتات (بما فيها الذكاء الصناعى)، و هندسة الجينات، و تقنية النانو هى مهدد لبقاء الجنس البشرى فى المستقبل". الله لا حضرنا الزمن داك.
Post: #10 Title: Re: التكنولوجيا دي مودياكم وين ؟! Author: osama elkhawad Date: 12-25-2015, 01:20 AM Parent: #7
Post: #11 Title: Re: التكنولوجيا دي مودياكم وين ؟! Author: اخلاص عبدالرحمن المشرف Date: 12-25-2015, 08:38 AM Parent: #10
سيري ده يا فردوس كل مرة ب فتح بالغلط عندي وبقول لي ما فهمت اقوم انا اقول بسسسم الله الكلمك منو واقفلو الشئ لو فيهو ونسه تاني ما ح انجضو نجاض الملك قباني والله حالتنا مع التكنولوجيا تحنن
Post: #12 Title: Re: التكنولوجيا دي مودياكم وين ؟! Author: muntasir Date: 12-25-2015, 08:50 AM Parent: #11
غايتو الدنيا ام قدود ودالزبير بي نوكيا وبوكو المودك بطونو قرب ودرباعة في اللكزس الفور اكس ال وبالبلوتوث فسبحان الذي اعطاه مُلكاً يا بت المشرف مع التحديث الجديد وسيري بالعربي جهجهت ليك كيانها
Post: #13 Title: Re: التكنولوجيا دي مودياكم وين ؟! Author: حمد عبد الغفار عمر Date: 12-25-2015, 09:23 AM Parent: #12
سلام تعرف يا معاوية أول أيام الفلهمة (لي أنا) سكنت في محل جديد وتاني يوم أشتري الجوال كان فيه رصيد 5 ريال قلت اتفلهم شوية شغلت جي بي أس عشان أعرف أقرب مطاعم لي القلبة الأولى والتانية رصيدي خلص ، عاينت ليهو كدا وقلت ليهو حقو الواحد يكسرك هسة الخمسة ريال دي ما كان غدتني بسندويتش فلافل ؟ التكنولوجيا أصبحت مزعجة أكتر من إنها مريحة يمين قروبين واتساب يعملوا ليك إرهاق بدني ونفسي هسة أنا أصابعي ديل من الكمبيوتر والجوال بقيت ما بقدر أمسك بيهم كباية الشاي
Post: #14 Title: Re: التكنولوجيا دي مودياكم وين ؟! Author: عبدالحفيظ ابوسن Date: 12-25-2015, 09:56 AM Parent: #13
هههه متخلف تقنياتعرف هوليوود تنبهت لخطر التكنلوجيا قبل العلماء طلعت افلام زيmatrixA.Iterminaterوغيرها تخوف من استيلاء الالة علي الكون مستعينة بالذكاء الصناعي
Post: #15 Title: Re: التكنولوجيا دي مودياكم وين ؟! Author: معاوية الزبير Date: 12-25-2015, 10:58 AM Parent: #14
الغريبة يا شباب كنت من أوائل الذين درسوا الكمبيوتر (أحسبني كذلك)كان ذلك عام 84- 1985 في كمبيوتر مان لما كانت بيت في نمرة 2 أو 3كنا 17 شابا وشابتين، من راس الشارع تسمع صوت الجهاز، الكمبيوتر كان نظام DOS ( disk operating system)لو واصلنا في الطريق داك الواحد هسي كان يكون شايل دمعة اخلاص
Post: #16 Title: Re: التكنولوجيا دي مودياكم وين ؟! Author: طلحة عبدالله Date: 12-25-2015, 11:15 AM Parent: #15
والله كل ما زادت سهولة الحياة كل ما زادت سأم وملل وخمول ..بلا تكنلوجيا بلا فاصوليا .. دي أمراض عصر مقعدة جدا .
Post: #17 Title: Re: التكنولوجيا دي مودياكم وين ؟! Author: معاوية الزبير Date: 12-25-2015, 11:47 AM Parent: #16
والله يا طلحة الأجهزة دي كادت تصيب الناس بـ(هاء السكت)قبال يومين زرت زميل المنبر بهاء بكري في بيتم قلت اتونس معاهو شويةطول قعدتي هو شغال في الآيفونطلعت منو بي كلمتين (آي) و(صاح) وسؤال (ناس تراجي ؟)اضطريت أتابع حلقتين من مسلسلين، وأنا آخر مسلسل تابعتو كان زينب والعرش بتاع سهير رمزي
Quote: The irony of Facebook is by now known to most. The “social” network has been linked to a surprising number of undesirable mental health consequences: Depression, low self-esteem, and bitter jealousy among them. Now, a new study in the Journal of Social and Clinical Psychology finds that not only do Facebook and depressive symptoms go hand-in-hand, but the mediating factor seems to be a well-established psychological phenomenon: “Social comparison.” That is, making comparisons, often between our most humdrum moments and our friends “highlight reels” – the vacation montages and cute baby pics – is what links Facebook time and depressive symptoms together. So is it time to cut down on Facebook؟ Maybe. Or maybe we should just adjust our attitude toward it.
Post: #19 Title: Re: التكنولوجيا دي مودياكم وين ؟! Author: فردوس جامع Date: 12-25-2015, 05:58 PM Parent: #18
الأخت العزيزة إخلاص و كل زوار البوست الكرامكل عام و أنتم بخير
Quote: فردوس ازيك طبعآ انا ما فهمت شئ لو لقيتي وكت اشرحي يا الحبيبه
على العين و الرأس ...تأمري!سيري شغالة بالذكاء الإصطناعي و هو مجال زي ما قلت بيتطور بوتيرة سريعة جداً ...و تتم هذه العملية بواسطة algorithms بيعمل predictions او يتنبأ و يدي مستخدمه خيارات أو يعمل قرارات على أساس التنبؤ ده...ده فرع من فروع ال A.I يعرف بال Machine learning و ال algorithm بيخلي الروبوت أو برنامجة يتعلم من تجاربه و يحفظها و يستخدمها في حالات مشابهة... تعلُم تراكُميو بمرور الزمن بيكون عندنا روبوتات تعلم تماماً كيف تتصرف في الظرف X مثلاًيعني لو عندك روبوت في البيت و علمتيه الليله يجيب ليك شاي من غير سُكر بكره ما حيجيب ليك شاي مُسكر ;) غايتو أنا دايره روبوتات تشتغل في البيوت هههههفي جدل جميل في فلسفة هذا المجال و هو واحد من مخاوف هوكينق و باقي العلماء ديل و هو ماذا سيحدث لنا كبشر لو الروبوتات ديل طلعوا من كنترولنا... تناولتها أفلام الخيال العلمي كثيراً!و الشيء الآخر إنه لا يمكن أن نستعيض بالربوت مكان الإنسان لأنه بعض القرارت بتحتاج لإنسان بيحس و عنده مشاعر ... و دي حاجة يستحيل توفرها في الروبوتس...disclaimer :)ما عندي علاقة و طيدة مع ال high tech gadgets ...تلفوني الحالي Iphone -5 و هو hand-me-down يعني " كرتة "
Post: #20 Title: Re: التكنولوجيا دي مودياكم وين ؟! Author: فردوس جامع Date: 12-25-2015, 06:29 PM Parent: #19
إجابة تانية غير ال depression و الفيسبوكلسؤال البوست...مشيت أفتش في يوتيوب حلقة من حلقات مورقان فريمان Through The Wormhole عشان أجيبها هنا بس ما وجدتهاالحلقة كانت بتتكلم عن إستدامة حياة الإنسان و العلم و صل وين للآن...بُثت قبل أربعة أشهر تقريباً لو لم تخني الذاكرة.من ضيوف الحلقة... بروفيسور ياباني متخصص روبوتيكس , باقي المُستضافين بروفيسرس أمريكان و مجالاتهم جراحة المخ و الأعصاب و كمبيوتر سينسس...الحلقة كانت عن كيف يُحتفظ بمخ المتوفي قبل الموت الكامل و تقطيعة مجهرياً ثم تنزيله في روبوتجزء آخر او أبحاث أخرى كانت عن خلق ذاكرة روبوتية بواسطة صور تؤخذ على مدار الساعة من حياة الشخص...حلقة ممتعة و بالتأكيد المشوار طويل هنا لكن إتقطعت فيه مسافات كبيرة... و تظل الأسئلة الفلسفية عن مدى أخلاقية إستدامة عمر الإنسان!الياباني ذكر إنه مرات بيرسل روبوت بيشبهه عشان يلقي محاضرات نيابة عنه, و هنا أعتقد الروبوت بيكون إتعلم نوع الأسئلة و إجاباتها لأنه ما ذكر تفاصيل أكثر.بكتب من الذاكرة عن الحلقة دي لكن كانت مدهشة بحق!تحياتي لكم
الروبوتات العشرة الأوائل:الروبوتات العشرة العملاقة في السينما والتلفزيون:
Post: #22 Title: Re: التكنولوجيا دي مودياكم وين ؟! Author: فردوس جامع Date: 02-28-2016, 05:38 AM Parent: #21
أوافيكم بآخر أخبار الروبوتات... بوسطن ديناميكس أطلقت الروبوت أطلس... و كما في الفيديو أدناه , أطلس يستطيع أن يقاوم الظروف الطبيعية بمهارة ,ظهر ذلك في إمكانيته على المشي في الجليد و الغابات وأيضاً اجتيازه لإختبارات قسوة بواسطة المبرمجين...
بوسطن ديناميكس أُستُحوذت من قبل قوقل سنة 2013 صممت الروبوت BigDog في عام 2005 لوزارة الدفاع الأمريكية
Post: #23 Title: Re: التكنولوجيا دي مودياكم وين ؟! Author: فردوس جامع Date: 02-28-2016, 05:47 AM Parent: #22
هنا إختبار لموديل LS3 في سنة 2014
Post: #24 Title: Re: التكنولوجيا دي مودياكم وين ؟! Author: فردوس جامع Date: 03-11-2016, 03:00 AM Parent: #23
و ذات صدفة اليوم عيني وقعت في مقال و ذكروا فيه البروفيسور اللي ذكرت إنه كان بيرسل روبوت بيشبهه في حلقات Through the wormholes
و ذاكرتي الخؤونة ما أسعفتني...
البروفيسور إسمه Hiroshi Ishiguro و هو أول من صنع روبوت أندرويد و صنع الأول في هيئته و الثاني في شكل إمرأة.
دي نبذة عنه من ويكيبديا
Professor Hiroshi Ishiguro is director of the Intelligent Robotics Laboratory, part of the Department of Systems Innovation in the Graduate School of Engineering Science at Osaka University, Japan. A notable development of the laboratory is the Actroid, a humanoid robot with lifelike appearance and visible behaviour such as facial movements.
Post: #25 Title: Re: التكنولوجيا دي مودياكم وين ؟! Author: فردوس جامع Date: 03-11-2016, 03:01 AM Parent: #24
Post: #26 Title: Re: التكنولوجيا دي مودياكم وين ؟! Author: Abureesh Date: 03-11-2016, 06:06 AM Parent: #25
معاوية المديـر يا حنكوش.. قلت لى قريت في كمبوترمان نمرة اتنين؟ الكلية فعلا كانت في نمرة اتنين بالقرب من المركز الثقافي الأمريكي.
لو كدا لويس عوض يكون درسك.. لويس طبعا من أذكى من عرفت، حفظه الله.. ودكتور أبوبكر إكتشفه وهو طالب في كلية الهندسة، ففتح
له معامل وكمبيوترات الكلية يشتغل فيها مجاناً ثم يعود لكليته، وكان طبيعيا حين تخرج ان يعمل أستاذا في الكلية. أنا كنت برضو اجى الكلية،
لا طالب لا مدرس.. بس اتدرب أو على الاصح ادرب نفسى مجانا وبتوصية من لويس.. (في جاه الملوك).. ولكن في احدى مناسبات الكلية
قمت ببرمجـة موسيقى صـه يا كنار على الكومبيوتر بلغـة بيسك التي كانت راكبة الكفر حينذاك.. فرددت لهم بعض الجميل. ود. ابوبكر اول من أدخل
كمبيوتر IBM PC AT
في السودان، ولما جات الكراتين لويس ضرب لى تلفون عشان اجى بسرعـة لأنو ناس اى بى ام عملوا كمبيوتر رهيب.. دورت عربيتى
وفللى لنمرة اتنين، وأول ما لفت انتباهى وصلة الكيبورد الصغيرة الرأس.. PS2
وزميلاتكم ولا واحدة (روسية) ولا (عريبيــة) ما فيهن. و كافتيريتكم الورا ديك مرات نقعد مع ناس لويس.. والواحد يتقطع عشان ما يظهر عريبى.
Post: #27 Title: Re: التكنولوجيا دي مودياكم وين ؟! Author: معاوية المدير Date: 03-11-2016, 09:22 AM Parent: #26
عجايب يا زمن !،
أها، ممكن يحاضر نيابة عن البروف،
ؤُ كمان يرسلوهو لأمريكا وبريطانيا لحضور
الإجتماعات !.
زولك دا يا فردوس عمل نسخة من نفسو !!!!!!!!!...
Post: #28 Title: Re: التكنولوجيا دي مودياكم وين ؟! Author: معاوية المدير Date: 03-11-2016, 09:25 AM Parent: #27
Quote: معاوية المديـر يا حنكوش.. قلت لى قريت في كمبوترمان نمرة اتنين؟
الكلية فعلا كانت في نمرة اتنين بالقرب من المركز الثقافي الأمريكي.
شكرا لك عزيزنا معاوية على هذا البوست المُحفّز،،خلال زياته لليابان في الفترة من 23 – 25 ابريل 2014، قام الرئيس الامريكي باراك اوباما بزيارة إلى " ميرايكان"( المتحف الوطني للعلوم الناشئة والتكنولوجيا) وكان في استقباله مدير وطلبة المعهد إلى جانب شخصية خاصة جدا وهو أسيمو، الروبوت المؤنسن، والذي حياه بإنحناءة خفيفة على الطريقة اليابانية، في بداية ونهاية الحوار، وقد رد اوباما التحية بمثلها، الامر الذي اثار حفيظة اليمين الامريكي، على حد تعبير صحيفة " وول ستريت جورنال".وقد دار بينهما الحوار التالي:
الروبوت اسيمو: "مرحبا بكم في " ميرايكان" فخامة الرئيس. انا اسمي اسيمو،روبوت مؤنسن، وإنه لمن دواعي سروري ان التقي بفخامتكم".
الرئيس اوباما: إنه من دواعي سروري ان التقيك ايضا ..
الروبوت اسيمو: انا بمقدوري ان اركض بسرعة جدا. دعني ابرهن لكم. ( ها انا افعل )
الرئيس اوباما: اووه إنه يتحرك.!
الروبوت اسيمو: بمقدوري ايضا ان اركل الكرة.
الرئيس اوباما:" واصل، اركلها هنا.الروبوت اسيمو: "
ها انا افعل"( اسيمو يركل الكرة)
الرئيس اوباما: هذا عمل رائع".
الروبوت اسيمو: " سيادة الرئيس لقد كان من دواعي سروري أن التقي بفخامتكم ، كما ارجو ان تستمتع ببقية برنامج زيارتكم إلى " ميرايكان".
…….
وخلال محاضرة قصيرة القاها على طلبة المعهد، تحدث الرئيس اوباما عن التكنولوجيا والعلوم وتحديدا الرياضيات، وما يمكن ان تفعله في مسارات ومستقبل الشعوب، قبل ان يتحدث عن انطباعه عن الروبوتات التي وصفها بأنها " مخيفة بعض الشيء، ونابضة بالحياة ومدهشة!" على حد تعبيره. والسؤال هو هل تصبح الروبوتات المؤنسنة الحل لمشكلة اليابان المعقدة: تزايد نسبة المسنين وتراجع نسبة المواليد؟ ام انها ستقود إلى كارثة كما يتنبأ عبقري الفيزياء Stephen Hawking؟
وقفت أتابعهم من الدهشةو بيسألوها أسئلة ما خطرت على بالي إطلاقاً و سيري كانت بتجاوب بأريحية تحير... إستخدامي ليها كان في حدود ديركشن, تلفونات أماكن تجارية و كده يعني لكن ونسة دي إتعلمتها من البنات 
أها يا اخوى محدثكم برضو بستعمل نوكيا حتى الآن، بس موديل الفين و تمانية (يعنى قيافة و فايتك مسافة).التحكم الآن يا ود الزبير يتم عن طريق العقل (اشارات المخ) أو حركات اليد باستخدام الأشارات الكهربائية للعضلات، يا قول سعيد صالح انت ما تكلمش، انت تعمل دراعك كده تلاقى المقرر شابك فى دراعك