Post: #1
Title: تعالوا نحاصر الحرب ونرسى السلام
Author: هاشم نوريت
Date: 12-23-2015, 03:27 PM
Parent: #0
02:27 PM Dec, 23 2015 سودانيز اون لاين هاشم نوريت-تورنتو مكتبتى رابط مختصر مما لاشك فيه ان الحرب اقعدت سواننا و خلقت لنا ماساة انسانية لا تحتمل خاصة فى مناط الهامش وحتى الخرطوم تضررت لان كثير من النازحين احاطوها كالسواراعلم ان البعض سيقراء كلماتى بحكم مسبق وكثيرون سيتمعنون فيها بعقل مفتوح خاصة الذين ضاقوا ويلات الحرب وليس الذين يريدون مكاسب سياسية لنكون نحن اهل الهامش الجسر الذى يوصلهم اخوتى مايتعرض له اهلنا فى المناطق الملتهبة دارفور وجنوب كردفان والنيل الازرق امر قاسى جدا ومن يتحمل دماء وارواح اهلنا فى المقام الاول هو المؤتمر الوطنى وكذلك الحركات المسلحة ولطالما هنالك معسكر يدعم الحرب لابد للعقلاء واصحاب الضمير ان ينهضوا ولا تخيفهم جلبة اصحاب الاجندات فمن يريد اسقاط النظام فليسير على درب مانديلا وغاندى الذين تحملوا الاذى ولم يتخذوا دماء الاطفال وسيلة للوصول الى مايريدون فلماذا لا نرى مانديلا سودانى واحى الاستاذ فاروق وكل النشطاء السياسيين الذين ينازلون الدولة الدينية و احى نضال طلابنا الذين رغم كل الضغوط الاقتصادية يرفضون كل سياسات الحكومة التخريبية واشهدكم وهذه هى المعارضة التى تسكن بين البسطاء وحتما ستكون هى من يقود هذه البلاد لان فجر الحرية قادم لامحالةواناشد اخوتى واخواتى فى الخارج بان يشتركوا معنا فى محاصرة لوردات الحرب عند قدوم احدهم الى عواصم ومدن دول اوربا بان نحاصرهم فكل من يشارك فى حرب يجب ان يلاحق فالحكومة مسؤولة وكل وزرائها ان اتوا الى اوربا يجب ان نحاصرهم بتظاهراتنا لانها تدير حربا ضد شعبنا وجلب السلام مسؤليتها وكذلك اى عضو فى تنظيم مسلح ايضا يجب ان يحاصرتعالوا ننتقل من حالة صوتية منابرية الى نشطاء سلام لننقذ اطفالنا ليعيشوا طفولتهم بسلام وامان ويقينى ان نظم انفسنا فى المنافى سنوقف الحرب اللعينة واما ان اكتفينا بكيل الاتهامات لبعضنا فلن نحدث تغيير او نوقف الحربالله هونينى
|
Post: #2
Title: Re: تعالوا نحاصر الحرب ونرسى السلام
Author: علي دفع الله
Date: 12-23-2015, 03:31 PM
Parent: #1
سمح....
|
Post: #3
Title: Re: تعالوا نحاصر الحرب ونرسى السلام
Author: بشير أحمد
Date: 12-23-2015, 03:41 PM
علي دفع الله ...تحياتي بدل الضحك قول رايك ...ومقترحاتك لحل مشاكل السودان !الاخ هاشم نوريت جدع حجر في بركة ماء المناتلين ...فقعدوا يجقلبوا لاهم عايزين يحلوا ويقدموا حلول...ولاعايزين غيرهم يقدم...الكيزان ...بالحرب ما ح يمشوا ...ولا بالمجتمع الدولي يا محمد سليمان..._________تحياتي اخي هاشم..
|
Post: #4
Title: Re: تعالوا نحاصر الحرب ونرسى السلام
Author: محمد نور عودو
Date: 12-23-2015, 04:19 PM
Parent: #3
Quote: تعالوا نحاصر الحرب ونرسى السلام |
سلامات هاشم( عمر البشيرقال نحن جئنا الي السلطة بالسلاح والداير يشيلنا مننا السلطة عليه ان يحمل السلاح)ولم يقل الداير يشيلنا عليه بالحواراها يا هاشم أخوي عايز تحاصر الحرب كيف إذا كان رئيس النظام ختاها واضح ؟أها انت تكتب من الخرطوم والحكومة مولعة الحرب في دارفور وجنوب كردان والنيل الأزرق.أها يا أخوي داير تحاصر الحرب كيف والآن مليشيات الحكومة تقتل المزارعين وتعربد ؟واهم من ظن انحكومة المؤتمر الوطني تهمها السودان أو إنسان السودان.التحية لأهلنا المشردين واللاجئيين والنازحين الصامدين
|
Post: #5
Title: Re: تعالوا نحاصر الحرب ونرسى السلام
Author: Salah Ahmed Ali
Date: 12-23-2015, 04:30 PM
Parent: #4
دا كلام كويسQuote: أها يا أخوي داير تحاصر الحرب كيف والآن مليشيات الحكومة تقتل المزارعين وتعربد ؟واهم من ظن انحكومة المؤتمر الوطني تهمها السودان أو إنسان السودان.التحية لأهلنا المشردين واللاجئيين والنازحين الصامدين |
سلامات اخونا هاشماولا: محاصرة الحربلا تتم الا بالاتفاق بين الحكومة و الحركات المسلحة..و انت ما من ضمن هذه الحركاتيعني ما بتقدر تعمل اي حاجة مفيدةثانيا: ارساء السلامدا بتم في حالة الحكومة و الحركات السلحة و المعارضة غير المسلحة اتفقوا انو يكون في تغيير في السودان و يكون في حكومة انتقالية عشان يعملوا حكومة جديدةتوقف مسببات الحرب و تؤسس لفترة جديدة فيها ديمقراطية و تقاسم للسلطة و الثروةو انت بالقعاد مع المؤتمر الوطني..ما عندك الادوات البتقدر تصنع بيها الكلام دايا زول قول الحمدلله بس شفت السودان و شفت الأهل..و لقيت استقبال كويس في المطار
|
Post: #6
Title: Re: تعالوا نحاصر الحرب ونرسى السلام
Author: محمد إبراهيم علي
Date: 12-23-2015, 04:55 PM
Parent: #5
اخونا هاشم نوريت الطريق الى جهنم مفروش بالنيات الطيبة كيف ستوقفون الحرب انتم ورئيسة وفدكم ؟ كدي ادونا خارطة طريق لايقاف الحرب اتمنى لك النجاح في مسعاك ومهمتك المستحيلة
|
Post: #7
Title: Re: تعالوا نحاصر الحرب ونرسى السلام
Author: ذواليد سليمان مصطفى
Date: 12-23-2015, 05:47 PM
Parent: #6
فرح السلامكلمات/ذواليد سليمان مصطفى25/2/2003مالسلام عمت بدورو وكم سطع فى الافق نوروبتباشيرو السعيده أصبح أتحقق مصيرويا أهلنا الفى ربوعنا يلاحيو يلا سيروالسلام أصبح عقيده فى نفوسنا نحى عيدو***شأن وطنا الغالى يصبح بالامان هاديات ربوعووالارض تخضر جميله وكل زول يزرع بذوروفى المدائن وفى البوادى كل زول يترك غروروتبقى يد واحده وقويه كل قلب يغسل شرورو*** بالسلام نكمل أملنا وبيهو يتحقق عملنا نجمع الافكار ونسعى ونجمع الرأى من أهلناوكل طاقة خفية تبقى فى شعارنا وفى أملنانترك الحرب اللعينة يلا يلا نسيب زعلناhttps://www.0zz0.comمن الشمال لليمين البورداب وهم:منصور المفتاح - هاشم نوريت - عمر صديق - الطيب رحمة قريمان -ذو اليد سليمان مصطفىوالبقية ضيوف شرف
|
|