سؤال للاخت تراجي: هل ستزورين معسكرات النازحين في دارفور؟؟

06:05 AM Dec, 21 2015

سودانيز اون لاين
أحمد ابن عوف-الدمام
مكتبتى
رابط مختصر

الأخت تراجي،
تحياتي

هل ستزورين معسكرات النازحين بدارفور؟

باقي الاسئلة بعدين

انت قايلة المحك وين اصلو

الاخ ابن عوف
تحياتي

حتى تأتي تراجي للرد علي السؤال المشرع

تراجي في الخرطوم حيث القيادة ومركز القرار ومجلس الحوار
من الخرطوم يتحدد المصير لعودة المساكين سكان المعسكرات
اؤلئك القوم لم يكن لهم خيار
وعودتهم تعني انتهاء الحرب
وتعني ان تذهب تلك الفصائل وحملة السلاح الي ميادين العمل
وتعني ان يعيش حملة السلاح كما يعيش المواطن
وليس ان يسكنوا الفناذق
وليس ان يجوبو العالم يبيعون ويشترون علي حساب هؤلاء المساكين
...
تراجي وصلت ودعنا نحسن الظن بها
فاين عبد الواحد اذا كان يهمه سكان المعسكرات
اين منى اركو
اين زيد وعبيد
هؤلاء لا يريدون الحل لانه باختصار يجعل منهم شخصيات عادية جدا وليسوا قادة علي حساب سكان الخيام

حباب احمد ابن عوف
عوداً حميداً
قلنا نسلم عليك لحدي ما تجي تراجي تجاوب

عزيزي على الكرار
تحياتي

شكرا على مداخلتك، لا اتفق معك في كثير مما قلت، ولكن هي حرية الكلمة وحقك علي ان اسمعها

الا ان نعرف ان كانت تراجي ستزور معسكرات النازحين وتأتي للخرطوم لمحاورة النظام في مطالبهم
واؤكد لك ان مطالبهم ستتعدى بكثير مجرد اماني العودة لقراهم.

عزيزي علي الفكي
تحياتي
وشكرا على الترحيب

اهو، ما نستعجل، امكن السفرة طويلة والكيزان ديل مكرفوناتهم كتيرة، بس انا اتخيلت تنزل من هنا في مطار الخرطوم
ودزززززززز تمشي لناس دارفور، الا اذا طبعا جاية للحوار بفهم تاني.

شكرا أحمد

هذا هو المحــك الحقيقي

أحمد الشايقي

تسلم يا الشايقي

مفروض تجاملهم بشهر كده وتاخد لسته بمطاليهم وترجع لناس الحوار

معسكرات شنو الحتمشيها تراجي وحتى اذا مشت حيكون من اجل الاعلام وضمن خطة المؤتمر الوطني من اجل اكمال مسرحية الحوار
الله يطراك بالخير يا صديق الموج قلت المختصر المفيد بخصوص تراجي والحوار
تحياتي صاحب البوست والمتداخلين

صباح الخير ابن عوف..


تمشى دارفور بى وين ؟
أت ما سمعت الردحى والسب والشتم العملتو فى الدارفوريين؟
ولا ما سمعت انه عمر البشير لما قال الدارفورية لما يغتصبها جعلى مفروض تفتخر؟
فأفتت البصيرة ام حمد انه اى انسان فى حالة زعل مكن يقول كلام زى دا ؟ والرئيس بى سلامتو كان زعلان لمن عمل الفرمان دا ..
ولا ما سمعت انه الحركات الدارفورية خايفة تمشى الحوار عشان خايفين من التار ؟
مع انهم يا اخى دخلوها وصقيرها حامى..
عز الضهر والعين تشوف العين..(الله يرحم الراجل الكلس خليل ابراهيم)..
يا أخى حتى بعد سقوط الانقاذ..
واحلال السلام..
أتحدى زولتك دى تقدر تمشى الضعين..خليه تهوب بى ناحية دارفور..

العزيز عوض الشيخ
العزيزة نور تاور

تحياتي لكم جميعا واعتذر لظروف سفر مفاجيء

احي وضوح رايكم، وهو في محله تماما

وظهرت لها صورة في رحلة نيلية؟؟؟!!!

احمد ابنعوف كيفك
في اتصال هاتفي قبل قليل أكدت مغادرتها الي دارفور وزيارة المعسكرات



----------
أت قايلها مابتمش

عليه يقفل البوست في وقته وتاريخه
ولا أقول ليك أَطْفِئ النور وجر الباب
😜😜😜😜😜😜😜😜😜
😜😜😜😜😜😜😜😜😜

وانت السكرتير الشخصي بتاعها؟

واقفل البوست لييه؟ لو مشت يبقى ردت على سؤال البوست وفعلا بقت قدر المسئولية وقدر حجم من تحاور النظام باسمهم
وفعلا نعرف ان عندها تفويض باسم المهمشين

وسنتابع الزيارة، اما لو بقت مهرجانات رقيص زي البعملها رئيسك في دارفور، يبقى ما اشوفك حايم هنا بصفاقتك ولسانك التقيل دا

احمد ابنعوف انت سالت وجاوبناك تاني عندك شنو
دارفور اَهلها وعشيرتها ومسافرة ليهم في معسكراتهم وفي مدنهم. اذا كان هذا القصد من البوست
وعليه حسب البوست والمداخلات أعلاه المفروض تقفل البوست وتعرش علي كدي وأطفئ النور بعد ده


---------
محمد المسلمي بتفويض من تراجي

Quote: احمد ابنعوف كيفك في اتصال هاتفي قبل قليل أكدت مغادرتها الي دارفور وزيارة المعسكرات ---------- أت قايلها مابتمش عليه يقفل البوست في وقته وتاريخه ولا أقول ليك أَطْفِئ النور وجر الباب 😜😜😜😜😜😜😜😜😜 😜😜😜😜😜😜😜😜😜

الاخ المسلمي سلام عليك

نفسي اعرف انت شايت على وين !!!
بعد ما كنت راجيها بالمحكمة تبقى الناطق الرسمي لها و المدافع عنها ؟

تحياتي

ول ابا محمد جبرة السلام عليكم
موضوع المحكمة لم يكتب له النجاح
اما موضوع سفرها دارفور فقد علمت
منها وشفت البوست قلت أدي الناس
النجيضة ده كل الحاصل


-------
وكمان سيد البوست لوري ويكة معاه مابلايقني
زول مابهضمه ساهي ولما اشوفه اقرب أطرش

الشيخ المجاهد ود المسلمي

اراهنك بعشرة جنيه لو تراجي قالت الكلام دا...

عندها عشرة يوم و راجعة كندا...مافي طريقة تسافر جاي ول جاي....

لو ما صرحت براها..نحن ما نقتنع باي كلام من زول تاني...

يا طلحة تعال بجاي رش الزول دا...

الاخ Salah Ahmed Ali
سلام ولعلك شديد . خليك قريب ومتابع ياقول المصاري ياخبر اليوم بفلوس بكرة مجان


----------
تراجي لو ربنا هون ان شاء الله في جولة في السودان

الاخ Salah Ahmed Ali
سلام ولعلك شديد . خليك قريب ومتابع ياقول المصاري ياخبر اليوم بفلوس بكرة مجان


----------
تراجي لو ربنا هون ان شاء الله في جولة في السودان
ومن ضمن برنامجها دارفور وده كلام مؤكد منها زاتها

الاخ Salah Ahmed Ali
كمان لو حضرت برنامج في الواجهة اخر الحلقة احمد البلال أعلن ان تراجي مسافرة بورسودان ودارفور


------
عشان طلحة مايجي 😜😜😜😜😜

Quote: تراجي مسافرة بورسودان ودارفور

بورسودان ممكن تمشي..مافيها مشكلة..
لكن دارفور ما بتمشي...لانو غبار معسكرات النازحين ممكن يوسخ ليها تسريحة الشعر..

Quote: محمد المسلمي بتفويض من تراجي

نسعلك في الكلام الفوق دا...
مش انت ذاتك..حلفت طلاق بالتلاتة إلا تقبض تراجي لمن تجي السودان..
هسع بقيت المتحدث الرسمي بلسانها...
غايتو مصداقيتك دقت الدلجة....تاني مصداقية ليك نهي (نهي بلغة الهنود)
و زي ما بقول الجكس النضيف في مثل هذه المواقف
" الرجال ماتوا كلهم في كرري"

كمان ياصلاح جابت ليها كذب وبهتان انا وين حلفت بالطلاق ثلاث ان اقبض تراجي وبعدين انا بحلف بالله اخوك موحد

Quote: الكلام الفوق دا...مش انت ذاتك..حلفت طلاق بالتلاتة إلا تقبض تراجي لمن تجي السودان..هسع بقيت المتحدث الرسمي بلسانها...غايتو مصداقيتك دقت الدلجة....تاني مصداقية ليك نهي (نهي بلغة الهنود)و زي ما بقول الجكس النضيف في مثل هذه المواقف" الرجال ماتوا كلهم في كرري"

ياتثبت الكلام ده ياانت زول كذاب وافاك

الشيخ المجاهد المسلمي

انت ما حلفت بالطلاق..يازول افهم العبارة..

ما شايف علامة" " جنب العبارة..
يا زول حقك على لو زعلت...انا غلطان و بعتذر...

العلامة دي ابت تظهر فوق...

وعليه قررت انا محمد المسلمي الكباشي إغلاق البوست في وقته وتاريخه
وذلك لاستنفاد البوست للغرض الذي فتح له حول سفر تراجي وخلافه

---------
وعلي صاحب البوست 💊💊💊من سكات ويعمل رائح

تمشى تحت حراسة مشددة ممكن..
ولكن كمواطنة سودانية تلف على الناس بى كرعيها وتسلم عليهم فردا فردا..
أهو دا الما ممكن..
لان التصريحات النووية اللى اتقالت فى دارفور..
دى ما بتتمسح..

بت ابا نور تاور يانوارة المنبر سلام ولعلك بخير
القصة قصة وطن وجهد لإيقاف حرب من الفاعل
لايهم ان افلح الفائدة للوطن وان فشل مردود عليه

------
ماسمعتي نوريت قال معاهم 30 حركة مسلحة
في الحوار وتم إيقاف جزئي للحرب برضه مكسب

دا اسمو مدح يا ود المسلمي

Quote: وكمان سيد البوست لوري ويكة معاه مابلايقني زول مابهضمه ساهي ولما اشوفه اقرب أطرش

عندما اري لك مداخلة اصاب 😤😤😤

. كتب الأخ نوريت....

Quote: الشكر والتقدير للجميع وحتما ساعود للرد على مداخلاتكم بعد هذه الرحلة الى دارفور

لاأعلم الظروف التي ستتم فيها زيارتكم الى دارفورولكني وبصورة عامة أقولمن كان هدفه من زيارة معسكرات النزوح هو الوصول للحقيقة، حقيقة ماحاق بهم وتقييم أوضاعهم وتفقد أحوالهم عليه أن يقوم الزيارة ـ بمعزل عن أطراف النزاع ( الإنقاذ ومليشياتها وجهاز أمنهاوقواتها النظامية ثم الحركات المسلحة) فالضحية لن يكون طليق اللسان حر الإرادة في حضور جلاد أو سوط قهر ، * من يسعي لمعرفة المتسبب في تشريد هولاء (وفي القتل والدمار والتعذيب والحرق) عليه أن يذهب بمفرده أو بمعية جهات محائدة ليعرف من يقوم بتوفير المأوي والخبز والعلاج والرعاية ماذا يحتاجون وماهي همومهم؟ وهل تقوم المنظمات الدولية بدورها ؟؟ هل تقوم الحكومة بواجبها تجاههم أم أنها تقوم بصب الزيت علي النار؟** من يذهب لزيارة معسكر لجوء بمعية جهة حكومية أومسلحة آ( بطائرتها ولاندكرزواتها ) وكاميراتها وأكياس الإعانة الدعائية والضحكات المصطنعة والمقابلات المطبوخة والسيناريوهات المُعد ة سلفا ) فإنه يقع أسير الطرف الذي يستضيفه ويري بعينه ويقف علي الأوضاع من الجهة التي تراها تلك الجهة المُِصاحبة له أو المنظمة لزيارته وستكون النتيجة تمثلية سئية الإخراج وتصريحاتلاتمت للواقع السئ بصلة هذا إن لم تكن تضليلا أو تزيينا لباطل !!...

غدا نحن سنبداء زيارة الى معسكرات العذاب لمدة اربعة ايام
الله فرجينى

شكراً للوطني الغيور الاستاذ هاشم نوريت ومنتظرين منك صور الزيارة هنا وسوف يكون البوست عالي





الله فرجيني

صاحب البوست سلام..
كدي خلينا اولا نشوف مخرجات زيارتها للاجئين في اسرائيل..!!
وبعدين قول زارتهم ... هي لن تخرج من اطار امتطاءة اعلامية ..يحسبها لقطاء سياسة هذا الزمان انتصاراً..
فالانتصار عندهم ان تغيظ اعدائك فحسب.. و ليس ان تجد علاجا ناجعا لازماتك المزمنة..
والمرأة قد تضخمت ذاتها ومصدقة انها اصبحت زعيمة تاريخية وقيادية صاحبة فكر!!!
..

الطربقة والنبحي و السب والشتم جاب حق مريسة تام زينه.. فيما يبدو.. وهذا مبتعي هؤلاء..
مسكين انسان دارفور و كل اهل السودان بشقيه.. ان يتولى امره هؤلاء الدعيين
انها الامطار التي ستغسل كل البعر الذي علق بصوف مواشينا يا صاحبي..
اطمأنيت على حال مبادئك يا صديقي احمد رغم الطولة.. عندما وجدت الارزقية
منزوعي الضمير و ذباب البعر يشتمونك هنا..

والله الكيزان ما بختشوا
هههه
محمد المسلمي اتحولت لي شكارة بعد كنت شايل عرضحالك وحايم
المهم ما علينا
ايوه حتمشي تراجي يتبعها حرس وأعلام المؤتمر الوطني
لكن السوال هل تستطيع تراجي أن تصل ناس دار فور فرد فرد وتقنعم بإيقاف الحرب
هي وعدت أنها حتزور أهالي من يحملون السلاح ههههههه

ابورطة بعد تسريبك تسجيل الخال الموج سقطت عنك اخر شعرة للرجولة


---------
ابلع احتمال حالتك تخف وإلا الكي بالنار 💊💊💊💊💊💊
حبتين كل يوم تكون جعان وواعي

الاستاذ كمال عباس
تحياتي

والناس بقت صاحيه لاي تمثيلية سخيفة

Quote: لاأعلم الظروف التي ستتم فيها زيارتكم الى دارفورولكني وبصورة عامة أقولمن كان هدفه من زيارة معسكرات النزوح هو الوصول للحقيقة، حقيقة ماحاق بهم وتقييم أوضاعهم وتفقد أحوالهم عليه أن يقوم الزيارة ـ بمعزل عن أطراف النزاع ( الإنقاذ ومليشياتها وجهاز أمنهاوقواتها النظامية ثم الحركات المسلحة) فالضحية لن يكون طليق اللسان حر الإرادة في حضور جلاد أو سوط قهر ، * من يسعي لمعرفة المتسبب في تشريد هولاء (وفي القتل والدمار والتعذيب والحرق) عليه أن يذهب بمفرده أو بمعية جهات محائدة ليعرف من يقوم بتوفير المأوي والخبز والعلاج والرعاية ماذا يحتاجون وماهي همومهم؟ وهل تقوم المنظمات الدولية بدورها ؟؟ هل تقوم الحكومة بواجبها تجاههم أم أنها تقوم بصب الزيت علي النار؟** من يذهب لزيارة معسكر لجوء بمعية جهة حكومية أومسلحة آ( بطائرتها ولاندكرزواتها ) وكاميراتها وأكياس الإعانة الدعائية والضحكات المصطنعة والمقابلات المطبوخة والسيناريوهات المُعد ة سلفا ) فإنه يقع أسير الطرف الذي يستضيفه ويري بعينه ويقف علي الأوضاع من الجهة التي تراها تلك الجهة المُِصاحبة له أو المنظمة لزيارته وستكون النتيجة تمثلية سئية الإخراج وتصريحاتلاتمت للواقع السئ بصلة هذا إن لم تكن تضليلا أو تزيينا لباطل !!... Š

الاخ هاشم

ربنا يسهل طريقكم

Quote: غدا نحن سنبداء زيارة الى معسكرات العذاب لمدة اربعة ايام

بالمناسبة دي كوفي عنان قعد تلاتة يوم ومرقا كمان لمعسكرات النزوح في تشاد

اخوي ابو عبيدة

اولا بركة الطلة يا صديقي

في خمسة مليون دارفوري قاعدين محلك سر، لنرى اي بشارة سيحملها هشام وتراجي لهم
نحن يا ابوعبيدة لم نفوض امرنا للسادة دعك من زيد وعبيد.

ولا عليك بسهام المسلمي، فالرجل يستحق بعض الشفقة

ابو روضة يا صديقي

Quote: ايوه حتمشي تراجي يتبعها حرس وأعلام المؤتمر الوطني لكن السوال هل تستطيع تراجي أن تصل ناس دار فور فرد فرد وتقنعم بإيقاف الحرب هي وعدت أنها حتزور أهالي من يحملون السلاح ههههههه

هل تعلم ان في زيارتها خطر على حياتها، القصة ما هنجية ساكت وشو

Quote: هل تعلم ان في زيارتها خطر على حياتها، القصة ما هنجية ساكت وشو

تهديد صريح وعليك تحمل نتيجته

اللخو مفتش؟

نتابع غدا باذن الله

لا اعتقد انها ستزور هم حتى لو كانت المعسكرات جوار سوبا

😜😜😜

ابن عوف .. وضيوفك .. سلام ..

انا ما شايف انو في مشكلة تراجي تزور معسكرات اللاجئين في دارفور
طلما هذه المعسكرات تحت حماية الحكومه..
وبعدين لمتين ناس دارفور ديل حيعيشوا في معسكرات ؟؟؟
القروش الدخلت من اجل هذه القضية ممكن تبني مدينة تضاهي دبي ...
والله المستعان ..

تحياتي ,,

الاخ السنجك
تحياتي

نعم، لن تستطيع

مجيدو يا حبيب

المنطق بقول انها قبل من تناضم الكيزان ديل من الطيارة وتمشي دارفور اول حاجة، تقعد مع الناس ديل شهر
تعرف مطالبهم شنو وبتمنوا شنو من الحوار والسلام ...... الخ
حتى بعدين ترجع للحوار وهي يدها ملانه مطالب واستحقاقات زي ما قلت من عودة طوعية وتعويض .... او ايا كان شكل المطالب

وفي دي انت شكلك طيب يا مجيدو ههههه

Quote: وبعدين لمتين ناس دارفور ديل حيعيشوا في معسكرات ؟؟؟ القروش الدخلت من اجل هذه القضية ممكن تبني مدينة تضاهي دبي ...

الآن المخطط ان هذه المعسكرات ستصبح مدن ثابتة، ويجري التخطيط لها بتوزيع اراضي سكنية ومخططات، عودة طوعية نهي
والجماعة قبضوا القروش بتاعت البناء زاتا وناموا بيها

لبعدين المساء

😜😜😜😜

ما قلت ليكم يستحق الشفقة

أحسن 💊💊💊💊💊💊 من سكات

--------
تنزل تحت اعمل قفل كدي تتخارج وإلا 😜😜😜😜😜

ليس على المريض حرج، واصل يا زول، قشة ما تعتر ليك في البوست دا

تتلايق زمنك كله وعامل فيها فالح
انت ماعارف بتجي يوم ببوست
مهبب زي ده ماعندك حل الا💊
ولا تعمل رائح وتاني ماتجي هنا

-------
تراجي سافرت

اللهم لا تحاسبنا بما فعل السفهاء منا

ابلع 💊💊💊💊 ناشف

Quote: لبعدين المساء

قلنا نذكركم المساء جاء




---------
😜😜😜😜😜

اصبح الصباح والمساء فات


-------
خلاص نعرش علي كدي
ونطفي النور ونقفل الباب

Quote: الجنينة28-12-2015م ( سونا ) - بدأ وفد من الامانة العامة للحوار الوطني برئاسة الاستاذة تراجي عمر مصطفى زيارة الى ولاية غرب دارفور تستغرق يومين . واكدت الدكتورة احلام محمد ابراهيم عضو الوفد خلال اللقاء الجامع مع الفعاليات السياسية ومنظمات المجتمع المدني ان الحوار في طرح المؤتمر الوطني هو المشروع القديم المتجدد مشيرة الى الحوارات السابقة التي شهدتها البلاد من اجل الوصول الى قواسم مشتركة لإدارة شأن البلاد واشادت بدور المرأة في الحوار وعامة القضايا القومية المختلفة على مر العصور ودعت الى تحقيق التراضي الكامل من اجل البلاد والعباد. وابان الدكتور هاشم نورين عضو الوفد ان مجموعة كبيرة من ابناء الوطن قد عادوا من المهجر لقناعتهم بأن الحوار هو السبيل الوحيد للوصول الى قواسم مشتركة واضاف أن السلاح لن يكون طريقا لحل القضايا واكد ان التنمية الحقيقية هي التنمية البشرية و قال ان السلاح يحمل الدمار وان معظم الذين حملوا السلاح كانت اهدافهم شخصية . واكدت الاستاذة تراجي مصطفى ان المظهر الذي ظهرت به الولاية هو تأييد قاطع للحوار الوطني والمجتمعي وذلك لحيويته وأهميته في الوصول الى الحلول المرضية للجميع واعلنت استعدادها للتوسط لإقناع المقاتلين التابعين للحركات المسلحة لترجيح كفة الانضمام الى الحوار ووضع السلاح وذلك عن طريق علاقاتها الواسعة مع تلك الجهات . ورفضت ان تكون وسيطة لإقناع القيادات او القيادات الحزبية الرافضة وقالت { على كل من يدعي بأن له وزنا اكبر من الآخرين عليه الاقبال لللحوار والجلوس مع المجتمع السوداني من اجل الحلول } واشادت بالانفتاح الكبير للمؤتمر الوطني في ادارة الحوار وتقديم شأن الوطن على الشئون الأخرى ودعت القوى المعارضة الى مقابلة هذا الحراك بحراك سياسي اقوى منه لحل قضايا الوطن واكدت حاجة الوطن والمواطن الى التنمية باخلاص وصدق النوايا و العمل بشفافية تامة من اجل الوطن والمواطن ومحاربة الفساد والتمسك بالإسلام الوسطي ومحاربة التشدد . الاستاذ حسين عبدالله حسن والي غرب دارفور بالانابة اكد ان التفاعل الكبير لجماهير الولاية مع الزيارة تأكيد على انحياز الولاية للسلام ودعم موقف الناشطة السياسية تراجي مصطفي وانحيازها للوطن والمواطن ودعاها الى تحمل مسؤولية الاسهام مع الامانة العامة للحوار الوطني من اجل اقناع الرافضين للانضمام الى الحوار الوطني تحقيقا لمكاسب يتشارك في التوصل اليها جميع قطاعات الشعب السوداني . ط . ف

وصلتنا معلومة انه بالامس كانت هناك مظاهرات في الجنينة

http://www.suna-sd.net/suna/showNews/277755/arhttp://www.suna-sd.net/suna/showNews/277755/ar

في صورة مرفقة مع الخبر اعلاع، ومن المؤكد انها ليست من معسكرات النازحين

Quote: الجنينة 28 ديسمبر2015 ـ شهدت مدينة الجنينة عاصمة ولاية غرب دارفور، غربي السودان، الاثنين، احتجاجات طلابية عارمة غضبا على توقف المخابز بعد منع السلطات الحكومية استخدام الحطب والفحم في صناعة الخبر، بينما نفى مسؤول حكومي رفيع هناك ما أشيع عن وفاة شخصين واصابة العشرات. احتجاجات الطلاب في الجنينة بغرب دارفور بعد توقف المخابز صورة من مواقع التواصل الاجتماعي وخرج طلاب مرحلتي الثانوي والأساس في مظاهرات، ضد قرار السلطات بمنع استخدام الحطب والفحم قبل توفير البديل للطهي في ظل ولاية ينعدم فيها الغاز، وتصدت قوات الشرطة للمحتجين ومنعتهم من الوصول لمقر حكومة الولاية. ووصل سعر الخبز في الجنينة الى جنيهين ونصف للقطعة الواحدة، بعد شح شديد وصعوبة في الحصول عليه، وهو ما أثار غضب مواطني المدينة. وقال شهود عيان لـ"سودان تريبون" إن مستشفى الجنينة استقبل 11 جريحا من المتظاهرين، وإن اثنين لقيا مصرعهما متأثرين بجراح خطيرة. واضاف الشهود ان الشرطة استخدمت الغاز المسيل للدموع بكثافة مما أدى الى إصابة عشرات المتظاهرين بحالات إغماء مشيرين الى ان بعض منسوبي الأجهزة الأمنية استخدموا الذخيرة الحية، في مواجهة المواطنين، كما جرى اعتقال العشرات من المتظاهرين. لكن وزير الثقافة والاعلام في ولاية غرب دارفور التجاني كرشوم، نفى لـ"سودان تربيون" سقوط قتلى، وأكد أن احتجاجات الطلاب تم التعامل معها، بواسطة السلطات. وأوضح أن شخصا واحدا اصيب في المظاهرة، بينما كانت الاصابة الثانية لطالبة نتاج شظايا زجاج احدى السيارات وان الاثنين تلقيا العلاج. وأفاد الوزير أن الحكومة في غرب دارفور لم تنفذ قرار مجلس الوزراء الذي قضى بمنع قطع الاشجار، في انتظار أن يتم توفير البدائل قبل الشروع في الخطوة. وشدد الوزير على أن الاوضاع تحت السيطرة، كما نفى بشدة ما راج في وسائل التواصل الاجتماعي بأن الاحتجاجات ترافقت مع زيارة الناشطة تراجي مصطفى. وقال كرشوم إن تراجي وصلت الجنينة بالفعل، وانجزت برنامجها بلقاء الفعاليات السياسية، كما التقت ممثلى النازحين، مؤكدا أن الاوضاع في المدينة عادت الى طبيعتها. †

كما التقت ممثلى النازحين، كما التقت ممثلى النازحين،

كما نفى بشدة ما راج في وسائل التواصل الاجتماعي بأن الاحتجاجات ترافقت مع زيارة الناشطة تراجي مصطفى.

طيب، نرتب الكلام من اول وجديد

الاخ هشام نوريت قال:

Quote: غدا نحن سنبداء زيارة الى معسكرات العذاب لمدة اربعة ايام

وسونا اعلنت:

Quote: تستغرق يومين

واضافت سودان تربيون:

Quote: كما التقت ممثلى النازحين،

وقالت تراجي حسب سونا:

Quote: ان المظهر الذي ظهرت به الولاية هو تأييد قاطع للحوار الوطني والمجتمعي

وفي نفس اليوم:

Quote: وزير الثقافة والاعلام في ولاية غرب دارفور التجاني كرشوم، نفى لـ"سودان تربيون" سقوط قتلى، وأكد أن احتجاجات الطلاب تم التعامل معها، بواسطة السلطات.

لا تعليق

سنتابع

الفموضوع جاب ليهو ذخيرة حية

سلامااااااااااااات الاخ العزيز أحمد بن عوف
والله سعيد جنس سعاده بعودتك للحوش
وكمان انا ذاتي جيت عشان اطالب تراجي وقريمان؟؟؟
يذهوب كراكير جبال كردفان وخيران النيل الازرق مايقولو الخريف...
معسكرات كلمة البتزرق بيهم تراجي وقريمان...
دا واجب مش سؤال ...
مودتي
شــــــــــــــــــطة

تحياتي الحارة يا ابن عوف وكل عام وانتم بالف خير
غِبنا سوياً لمدة وها نحن هنا اليوم



للموضوع ..

هل يمكن ان تزور تراجي المعسكرات؟
من اجل الدعاية السياسية الرخيصة اقول نعم، هذه فرصة ذهبية للاسترزاق يا احمد فكيف لها ان تفوتها!!
تراجي انتهازية بجدارة، كانت تبحث بالحاح عن مثل هذه الفرصة الذهبية في الماضي ولم تتاح لها،
اما الان وبعد ان وجدتها على متناول اليد فلا اعتقد بانها ستفوتها،
ولا تنسى يا احمد بان المؤتمر الوطني هو الذي سيوفر الطائرات وبدلات السفر ووسائل الراحة (والتغطية الاعلامية ايضاً)!!

هل تستطيع تراجي ان تقدم شيئاً لاهلنا في دارفو التي وصفتهم هي شخصياً (بانهم متخلفين وما بيفهمو)؟؟ .. لا ثم لا
باختصار لان تراجي لا تفهم اسرار اهل دارفور وتعقدات عاداتهم ومشاكلهم "ببساطة لانها ليست منهم"
بكاء المنابر والتصريحات الهمجية لا يجعل منك اسطورة او منقذ،
ان لم تكن من اهل الوجعة ولم تكن صاحب ضمير حقيقي فانت لا تملك ما يفيد الاخرين
اهل دارفور انفسهم محتارين الان لادعائات خالتو تراجي وزعمها بانها دارفورية!
نعم اذا قدمت نفسها كناشطة سودانية مهمومة بقضايا اهل دارفور فلربما سيكون لها صدى ولربما قد تجد القبول من اهل الاقليم
ولكن ان تاتي راكبة سرج الانتهازية والمتاجرة بالقضايا هنا سيُنظر لها كجزء من المشكلة وليس الحل
لان كل الذين فشلوا حتى من ابناء الاقليم انفسهم هم كانوا قد اتو من اجل المتاجرة بالقضية
بالضبط كما تفعل الست تراجي اليوم والتي اصبحت مؤخراً (عنصرية قح بلا منازع) تصرف صكوك السودنة لمن تشاء وتنزعها عن من تشاء!!

من حق اي سوداني ان يتبنى/تتبنى قضية دارفور ويعمل من اجلها ان كان صادقاً،
لان القضية قضية سودانية في المقام الاول، ولكن ليس باسلوب الارتزاق والتلفيق والمتاجرة بالقضايا كما تفعله السيدة تراجي "فاقدة المبادئ"

قضية دارفور يا احمد اصبحت سلعة استرزاق يساوم بها كل من هب ودب،
وما تراجي مصطفي بت الشرق التي اصبحت دارفورية بالفجأة الا واحدة من اولئك الانتهازيين الذين ركبوا سرج قضية دارفور دجلاً وارتزاقا
تراجي التي تصف نفسها بنفسها احياناً بانها بنت المركز واحياناً ببت الشرق تساوم اليوم بقضية دارفور
وتحاول بان تسترزق منها عبر ادعائاتها بانتمائها الملفق للاقليم!!
فقط لتصل لمبتغاها وتحقيق اطماعها السياسية لا غير، ولا اعتقد بان الكيزان انفسهم يجهلون هذا الامر!!

اصبر يا احمد وسترى الست تراجي وزمرتها يجملون انفسهم بصور الغلابة المشوهة التي ستؤخذ من بعض "المعسكرات المؤمنة حكومياً"
ليست من اجل سواد عيون الضحية بل من اجل الدعاية السياسية لا غير

اعاهدك بان هذا المنبر سيغرق في الايام القادمات بمثل هكذا صور!


لك الله يا سودان

بعد ان زارت تراجي دارفور ماذا تبقي في هذا البوست


-------
الا 😜😜😜😜😜😜😜

عزيزي خالد شطة
ياخي انا سعيد بكلماتك الطيبة في حقنا

Quote: يذهوب كراكير جبال كردفان وخيران النيل الازرق مايقولو الخريف... معسكرات كلمة البتزرق بيهم تراجي وقريمان... دا واجب مش سؤال ...Ÿ˜œ

زي ما قلت، دا واجب، الا وبلسان من هم يتحاورون في الخرطوم؟؟

اخوي محمد علي
ليك وحشة والله

اهو، جينا راجعين قالوا الناس بتتحاور قلنا ندور خلف الكواليس هههه

Quote: اصبر يا احمد وسترى الست تراجي وزمرتها يجملون انفسهم بصور الغلابة المشوهة التي ستؤخذ من بعض "المعسكرات المؤمنة حكومياً" ليست من اجل سواد عيون الضحية بل من اجل الدعاية السياسية لا غير اعاهدك بان هذا المنبر سيغرق في الايام القادمات بمثل هكذا صور! Ÿ

لن يحدث، ما حدث في الجنينة سيجعلها او يجعلهم يعيدون حساباتهم في زيارة المعسكرات، الا يعملوا زي الناس البتقول الاميركان ما وصلوا القمر
بل تم تصوير ما حدث في استديوهات هوليوود لووووول، طبعا القمر كان خلا عشان كده مافي زول قدر يكذبهم، لكن المعسكرات مليانه شهود

تحياتي

يا المسلمي
ازيك

ياخي كلامك دا هسع علاقتةه شنو بالبوست وسؤاله الاساسي؟؟

Quote: بعد ان زارت تراجي دارفور ماذا تبقي في هذا البوست

Quote: اخوي محمد علي ليك وحشة والله اهو، جينا راجعين قالوا الناس بتتحاور قلنا ندور خلف الكواليس هههه

كلمه صادقه من فارس كلس ووطني غيور أحمد ابن عوف الي نبيل وشفيف متل محمد علي.
ونحن كمان بنقربل في الاسم القالو وفد المنافي..
قايتو يامهجرين دايرودالقاضي وودالصايم والموج يرجع يقربل مع ناس المهاجر ديل
ماعارف الانتنوف نزلت في معسكرات غرب الوطن ونزل وفد المنافي؟؟
تراجي عاوزنك ترمي قنابلك هنا وبعدين نشوف مهندس المتفجرات ودعوف والمظليون..
مـــــــــودتي
شـــــــــــــــــــطة

Quote: وقالت تراجي لدى مخاطبتها الجموع التي إحتشدت بقاعة تنقاشي في زالنجي

اللهم لا شماتة

قاعة

والحال كذلك، ستجد تراجي عند عودتها للخرطوم ما لا يرضيها

حسب سونا, مفروض الزيارة انتهت والآن هي في طريق العودة للحوار
حاملة هموم ومطالب اهل معسكرات النازحين وتقديمها للجبهة الاسلامية والاخوان المسلمون

عسى ما شر؟

لا خبر لا اتر

وين الناطق الرسمي باسم تراجي وسكرتيرها الخاص محمد المسلمي؟؟

وكسبت حركات دارفور المسلحة الوطنية نقطة في مسار المفاوضات مع الاخوان المسلمين

يا للهذيان

شهداء الجنينة .. هل سألتم عنهم يا وفد تراجي؟

شهداء الجنينة .. هل سألتم عنهم يا وفد تراجي؟شهداء الجنينة .. هل سألتم عنهم يا وفد تراجي؟

سلام وتحية ... من مصائب السودان وكوارثه المتلاحقة أن تكون مثل المدعوه تراجي التي أساءت بكتاباتها السودان والرجل السوداني بأسوأ ما يمكن أن يقال ، وأضابير وأرشيف سودانيز أون لاين ملأى لمن يريد الرجوع إليه ، وأوقفها بكري مدير الموقع لأكثر من ثلاث مرات لكثرة مشاكلها وإساءآتها .. !!
فعجبا أن تأتي لتتكلم عن الحق والأخلاق ومصلحة السودان االتي أساءت الى حكوماته كثيرا من خلال كتاباتها وأهل الإنقاذ يعلمون هذا بأمنهم ومعلوماتهم .
ولكن إن لم تستحي فافعل ماشيئت ..ا
لشرفاء ومخلصي الوطن لاذوا بالصمت ولا زالوا .. طالما وصلت الأمور الى ما وصلت إليه..!! ‘عجبا أقول ، ولاحول ولا قوة إلاا بالله ...





تصحيح إملائي

Quote: الطربقة والنبحي و السب والشتم جاب حق مريسة تام زينه.. فيما يبدو.. وهذا مبتعي هؤلاء.. مسكين انسان دارفور و كل اهل السودان بشقيه.. ان يتولى امره هؤلاء الدعيين انها الامطار التي ستغسل كل البعر الذي علق بصوف مواشينا يا صاحبي.. اطمأنيت على حال مبادئك يا صديقي احمد رغم الطولة.. عندما وجدت الارزقية منزوعي الضمير و ذباب البعر يشتمونك هنا..

أبو عبيده النعمان ..
لك التحية ..
حقا قلت ..

الاخ الباقر
سألت:

Quote: شهداء الجنينة .. هل سألتم عنهم يا وفد تراجي؟

واتاها رد الكيزان سريعا، حيث شاهدت بأم عينها كيف يداس طلبة الجنينة بالذخيرة الحية

الاستاذ محمد مختار
تحياتي

ياخي خليك من تراجي، الشيطان دا لو جاء السودان وعرض انو يفك ناس دارفور ديل من الضيق الهم فيهو في معسكرات اللاجئين
احنا بنقيف في صفه، لكن يملأ الدنيا زعيقا وسبا وشتما وجاء السودان باسم هؤلاء المساكين وفي المحك الحقيقي يعمل رايح منهم؟؟؟
طيب جايه تعمل شنو هي والمعاها

هي بالنسبة لي الآن فصل وانتهى والناس تقفل على كده وتنسى موضوعها

الاخت تراجي مصطفى بعد عودتها من دارفور


_______
تحياتي ؛؛؛

فى اجابة عن سؤال احمد البلال
اجابت تراجى
انا ما دخلتا ليهم شفتهم من فوق
بنات بيلعبو باسكت بول

جابوهم لينا حاورتهم

الاخ بشير احمد
شكرا للفديوهات

زيارة لا تسمن ولا تغنى من جوع النازحين

الاخ محمد سيد احمد
تحياتي

الاجابة او المعلومة الادهي والامر من مسالة لعب البنات للفولي بول
ان من سكان معسكرات النازحين توجد عضوية للمؤتمر الوطني .......... با للهول

الجلابي أحمد بن عوف،

أختشي ..

زول مثلك لا يتحدث فى تراجي .. الفارسة؟ .. ألبد ساكت فى خرتومك ..

بريمة

سلام اخى احمد
سكان المخيم من اعضاء المؤتمر الوطنى
طابور خامس
شى تجسس
ولو لمو فى اغاثة يضربوها

بريمة ازيك
معليش، ح اردمك شوية في مداخلتي دي لسببين، واحد محمد المسلمي اختفى، اتنين كنا جادين شوية من قولة تيت في البوست دا من اجل قضية سودانية اسمها دارفور
لكن لا بأس من نضقل بيك شوية طالما جيت برجلينك وماخد تطمينات من الخرطوم انو حارسها راجلكم حميدتي

تقول الحكمة، الناس العظماء يناقشون الافكار، والناس العاديون يناقشون الأشياء، والناس الصغار يناقشون الاشخاص
اها يا حبيب، انت في سطرين بس سقطت الف مرة
قول واحد

Quote: الجلابي

قول اتنين

Quote: أحمد بن عوف،

قول تلاتة

Quote: زول مثلك

قول اربعة

Quote: تراجي .. الفارسة؟

الله لا جعلنا من الناس الصغار، وتواضعا كده قدامك بفترض نفسي من الناس العاديين، لانه مهما شرحت ليك (الفكرة) من البوست ما حتستوعبها، موش لانك بليد لا سمح الله
لا لا لا، ببساطة لانك بره الـ game كلو كلو وما جايب خبر الحاصل شنو، كل ما يهمك في الأمر انو ناس دارفور ديل مفروض ينداسوا بالجزم ويا حبذا لو كانت بيد حميدتي

الفوق دا مقدمة للردم ليس الا،

اها، انا شخصيا ممكن افتخر بأني جلابي، لم لا وانا ما زلت احافظ على تهذيبي حتى امام من يسئون لي في شخصي، ولا ابعد عن الهدف الاساسي للبوست وهو مناصرة ابناء
دارفور من سكان معسكرات النزوح ووضع الجميع امام ميكروسكوب المتلاعبين بقضيتهم بشكل عام وفي ما يسمى بالحوار الوطني بشكل خاص.
اهل, زول مثلي لا يمكن ان يتعدى على كرامة انسان في شخصة، وبدأت حيثي مع تراجي مخاطبا لها (بالأخت) لاسباب كتيرة، زول بدوي (ما خرطومي) زيك ما بقدر يفهما بالساهل
دي دايرة تدريب شاق من بداية تحبي اهلنا الخرطوميين بتعبوا تعب شديد في تهذيب سلوك الشخص، داخل البيت ، اما في الشارع، اجارك الله، ياخي لمن تكره تمرق من البيت زاتو
ما تبزق في الشارع، تخيل يا بريمة، التتنبيهات كان بتشمل انك ما تبزق في شارع الله، خليك من مشيتك ووقفتك وصوتك عيييييك
يا زول ها، استمتع ببداوتك دي يا زول وانساك من الخرطوم وجلابتها