كنت معه الان في مقر إقامته الاخ الأديب منصور المفتاح

09:11 PM Dec, 20 2015

سودانيز اون لاين
محمد المسلمي-
مكتبتى
رابط مختصر

اول مرة التقي به في حياتي تعانقنا كاننا اخوة توام فرق بيننا الزمن والتقيا بعد طول الفراق

شخص مهموم بحب السودان وأصبح همه الكبير ان يعيش السودان علم عالي يرفرف بين الامم
ترك أهله وبيته وحضر حيث يريد ان ينفع أهله برأيه وعلمه الصحيح وان يكون من الذين وضعوا
بصمة في تاريخ السودان الحديث من إيقاف الحرب ووضع دستور للبلاد يحكم الكبير والصغير
وان يكون الشعب متساوي في العيش في السودان الواحد الوطن الكبير

حضر للسودان وهو لاينتمي لأي حزب سياسي او جماعة بعينها
ولكنه مهموم بالوطن السودان وأمنيته ان يكون السودان فوق كل
الدول بعد الحروب التي قضت علي كل جميل وجعلت البلد تعاني
من التأخر رغم ان السودان بلد الحضارة والعلم والأرض الخصبة
والمياه الجارية من أقصي الجنوب الي أقصي الشمال تحمل التعب
والسفر والجلوس في المطارات حتي وصل الي ارض السودان

يتكون وفد المنافي للحوار من 11عضوا
أعضاء المنبر من الوفد 4 والخامس لم
أتأكد منه تحدثت تليفونيا مع 2 منهم
وهم يحملون نفس هموم الاخ الأديب
منصور المفتاح همهم الاول السودان

جلسنا سويا اكثر من ثلاث ساعات متواصلة وأحسست انها دقائق معدودة
شخص غزير العلم والمعرفة خرج من السودان قبل حكومة الإنقاذ بكم شهر
تناولت معه الشاي الأخضر ( معاوية المدير فاتت عليك ) والجنزبيل وخلافه
كان كريم كأنه خلق لذلك حتي علق مرافقي وتحدث معه ان اجلس نريد ان
تواصل لنا الكلام حتي نستفيد من وجودنا معك ونتعلم منك القليل في هذه
العجالة من امرنا يتحدث في السياسة كأنه رئيس حزب حاكم وفي الأدب
كأنه أديب زمانه وفي الدين كأنه أخذ الإجازة من كبار العلماء يفهم في كل
شي ويوصل المعلومة للمستمع له بسهولة

سلام يا مسلمي و سلامنا لاخونا المفتاح بالله
الناس ديل ساكنين براهم و للا على نفقة الحكومة و للا على نفقة المؤتمر السجمي؟.

ول ابا محمد المسلمي..حبابك يا صديقي
كتر خيرك ..

التحية لأخونا منصور وبقية الأخوة والأخوات..

غايتو ناس كندا ، رابطين كلهم في نفس الرأي..

رأي وقف الحرب وحدوث السلام..

ورأي..انو السودان يستاهل ان يكون حاجة فوق للغاية..

وكلهم ما عندهم علاقة باحزاب..لكن عندهم علاقة بالوطن السودان..فهم ناس المواطنة الفعالة..و ناس انو الحيكومة ما يخلوها تشتغل براها..لازم الناس توصل ليها رأيها ورؤاها الممكن تعمل على تقدم البلد وازدهارها..

التحية ليهو..و لو لميت فيهو تاني قول ليهو كبر قال ليك اتصور مع صندوق حرجل..ياخي اناقة الحرجل دي ما قادر انساها كلو كلو..!
اما تراجي..شوف عيني تدوها صندوق قونقليز تقول ليك وين وديتو عبارة (صنع في الصين)..

التحية ليهم..و اتمنى يلقوا فرص ويزور اهلهم..و يسافروا في اقاليم السودان ، في شوارع الحيكومة الواحدة دي..!

ويبقى امسودان عاليا خفاقا..ياخي الواحد قرب يركب مكنة اب عاج..
كبر

Quote: حضر للسودان وهو لاينتمي لأي حزب سياسي او جماعة بعينها

من اراد ان يحاكمة بما يخط يراعه فاليفعل، أما أنا فأعرفه
حق المعرفة المنصور رجل ينتمي للوطن دون الوقوف تحت
رآية حزب .


شكراً أخي المسلمي،
سلآم للمنصور وعموم أهل البلد ...

Quote: بالله الناس ديل ساكنين براهم و للا على نفقة الحكومة و للا على نفقة المؤتمر السجمي؟.

يا سيف برضو ما تنسى حق تزاكر السفر ونثريات
السفرية ...

التحية والسلام لك يا مسلمي
والتحية للاخ المنصور أين وجد
وحمدا لله علي سلامتكما معا

والتحية لكل من يضع مصلحة الوطن الحبيب نصب عينيه
كل علي طريقته كيف شاء وأين شاء دون ضرر ولا ضرار

تعرف يا المسلمي (وأتحدث هنا عن نفسي) المشكلة ليس في الذين ذهبوا إلى الحوار
بغض النظر عن دوافعهم، سواء كانت نياتهم حسنة، أو كانوا وطنيين، أو قنعانين من المعارضة
أو كانوا غواصات الخ لخ
المشكلة ما فيهم، المشكلة ليست في الذاهبين إلى الحوار، المشكلة في الداعين للحوار
هؤلاء أبالسة، أو يعتقدون -مسكنة وغفلة- أنهم أبالسة، يريدون أن يطيلوا أعمارهم على كرسي السلطة
لأنهم يعلمون علم اليقين أن زوالهم عن السلطة سيكون أبدياً، وسيكون بعدذاك حسابهم،
انس كلام البضحكك القال ما عايز قصايد واسمع كلام الببكيك القالو أمل دنقل
بسم الشعب والوطن
هل يصير دمي -بين عينيك- ماء؟
أتنسى ردائي الملطَّخَ بالدماء..
تلبس -فوق دمائي- ثياباً مطرَّزَةً بالقصب؟
إنها الحربُ!
قد تثقل القلبَ..
لكن خلفك عار العرب
لا تصالحْ..
ولا تتوخَّ الهرب!

لا تصالح على الدم.. حتى بدم!
لا تصالح ولو قيل رأس برأس
أكلُّ الرؤوس سواءٌ؟
أقلب الغريب كقلب أخيك؟!
أعيناه عينا أخيك؟!
وهل تتساوى يدٌ.. سيفها كان لك ْ
بيدٍ سيفها أثْكَلكْ؟

سيقولون:
جئناك كي تحقن الدمَ..
جئناك. كن -يا أمير- الحكمْ
سيقولون:
ها نحن أبناء عمْ
قل لهم: إنهم لم يراعوا العمومة فيمن هلك ْ

واغرس السيفَ في جبهة الصحراء
إلى أن يجيب العدم
إنني كنت لكْ
فارساً،
وأخاً،
وأباً،
ومَلِك!

لا تصالح ..
ولو حرمتك الرقاد
صرخاتُ الندامة
وتذكَّر..
(إذا لان قلبك للنسوة اللابسات السواد ولأطفالهن الذين تخاصمهم الابتسامة)
أن بنتَ أخيك "اليمامة"
زهرةٌ تتسربل -في سنوات الصبا- بثياب الحداد
كنتُ، إن عدتُ:
تعدو على دَرَجِ القصر،
تمسك ساقيَّ عند نزولي..
فأرفعها -وهي ضاحكةٌ-
فوق ظهر الجواد

ها هي الآن.. صامتةٌ
حرمتها يدُ الغدرِ
من كلمات أبيها،
ارتداءِ الثياب الجديدةِ
من أن يكون لها -ذات يوم- أخْ!
من أبٍ يتبسَّم في عرسِها..
وتعود إليه إذا الزوجُ أغضبها..
وإذا زارها.. يتسابق أحفادُه نحو أحضانِه،
لينالوا الهدايا..
ويلهوا بلحيته (وهو مستسلمٌ) ويشدُّوا العمامة..
لا تصالح!
فما ذنب تلك اليمامة
لترى العشَّ محترقًا.. فجأةً،
وهي تجلس فوق الرماد؟!

لا تصالح
ولو توَّجوك بتاج الإمارة
كيف تخطو على جثة ابن أبيكَ..؟
وكيف تصير المليكَ..
على أوجهِ البهجة المستعارة؟
كيف تنظر في يد من صافحوك..
فلا تبصر الدم.. في كل كف؟

إن سهماً أتاني من الخلف..
سوف يجيئك من ألف خلف
فالدم -الآن- صار وسامًا وشارة

لا تصالح،
ولو توَّجوك بتاج الإمارة
إن عرشَك: سيفٌ
وسيفك: زيفٌ
إذا لم تزنْ -بذؤابته- لحظاتِ الشرف
واستطبت- الترف
قل للذاهبين إلى الحوار يا مسلمي: قولوا للمؤتمرنجية: نهاية حوارنا وقبل أي بداية ستكون المحاسبة على كل قطرة دم
نشفت من القتل أو من الجوع أو من الحرمان أو سالت شرفاً من بنات المحالين للصالح العام
هل توافقون؟

قل لهم هذا يا بن عمي المسلمي وقل لنا ماذا قالوا لك
بغض النظر عمّن هم. فهم مجرد نماذج من سودانيز كما قيل هنا، ليس إلا.

ناخد كلام كبر ونعتمد انو منصور لا ينتمي لأي حزب.في نفس الوقت من مشاركاتو هنا فهو لا يختلف مع المؤتمر الوطني خلاف يستحق تذاكر وسكن وجمبري !
اللهم إلا إذا كان جاي بصفة خبير أجنبي يحاور الناس الجاية تحاور المؤتمر الوطني!

التعديل: إضافة كلمة جمبري

Quote: جلسنا سويا اكثر من ثلاث ساعات متواصلة

يا ابو حميد سلام عليكم
الزول دا تحين بقعادك معاهو تلات ساعات ما شغلته عن حواره؟
والله انا زعلان منه عشان زعل ود المدير

بالجنبة كدا
لاقيت تراجي؟

دكتور سيف النصر سلام
هل جلست مع الأديب المفتاح من قبل هل تعلم ماهي همومه وماهو طموحه
من جلس مع المفتاح جلس مع علم يتدفق ودرر تخرج من بين كلماته ولو تدبرت
همومه لوجدتها الوطن ثم الوطن ثم الوطن ، طموحه ان يكون بلده السودان في
مصاف الدول المتقدمة وان يكون أبناء شعبه فوق الجميع الي يوم القيامة ، هل
شخص مثل ذلك ان كان مقيم في الخرطوم بلده في بيته او علي نفقة الدولة او
اي جهة منقصة في حقه مثل المنصور لو كان في وطن غير السودان لكرم في
اي مكان ومن هنا أحيه وأحيه علي موقفه البطولي الان !!!!


------
دكتور سيف أعد النظر مرة اخري في الامر

شكرا المسلمي علي زيارتك وترحيبك بالمفتاح
هذا هو المطلوب من ناس الخرطوم
فقد وصلكم الاخوة وعليكم الجلوس معكم
وحينها سوف تقول بالصوت العالي ليس من سمع كمن رأي
فقد استمر بعض الاخوة رغم كل شي علي الاستمرار في درب العميان
تقول لهم حوار يرفضوا
اذا ما هو الحل
هذه قمة التصلب فالذين يهمهم الوطن يبحثون عن الحل ويسعون اليه ولا يجلسون لاجترار قصائد امل دنقل رحمه الله
فتلك ايام وهذه ايام
شكرا لترحيبك بزميلنا المفتاح مرة اخري

منصور المفتاح دا منو يا محمد المسلمي ؟

منصور مفتاح، من أكثر المدافعين على الشخصيات الكيزانية والنظام في هذا المنبر، وهو رجل متملق وله مواقف عنصرية قذرة في هذا المنبر.
وعيب كبير عليك يا تراجي مصطفى أن يكون منصور مفتاح من ضمن أصدقائكم ناهيك أن يكون ضمن وفد تذهبون به للخرطوم من أجل "السلام"
وكلامي هذا موجه أيضا الأخت حواء كباشي.

ستعود تراجي لكندا لأنها لن تتفق مع الكيزان، ولكن الإنتهازي المتملق منصور مفتاح سوف يعمل بكل جهد له لكي يتقبله أهل الإنقاذ ويمنحونه منصب.
أصلوا هو قاعج عاطل ساكت في كندا وما عندو شغلة غير تلميع ومدح الشخصيات العنصرية والكيزانية من أمثال أسحق فضل الله وعبد المحمود الكرنكي.
وأختياره في وفد زي ده وقع له في جرح. يا جماعة الأخطر من الكيزان في السودان هم العناصر الإنتهازية. ويا تراجي أنت تعلمين جيدا من هو منصور مفتاح.

محمد المسلمي.

تجر واطي يا كبير.

Quote: تجر واطي يا كبير.

والله زمان

انه دينق الذى نعرف ..


2005م

Quote: أصلوا هو قاعج عاطل ساكت في كندا وما عندو شغلة غير تلميع ومدح الشخصيات العنصرية والكيزانية من أمثال أسحق فضل الله وعبد المحمود الكرنكي.

يا دينق كونوا يلمّع الجزم ؤُ يضربا ورنيش دي بينك ؤُ بين منصور، هو
ممكن يرد عليك، أما حكاية عاطل انا بقولك يا دينق منصور دا فرِد يوم
ما شفناهو عاطل .
والله لأُدافعن عن منصور من منطلق معرفتي به، ووالله لن ادافع عنه بباطل،
ووالله لن اقول عنه إلا الحق إن كان له أو عليه ...

يا معاوية
بعيداً عن الهزل وانا جادي جدا

تراجي والوفد المشى الحوار بمثل منو؟ دارفور ولا الشرق ولا كندا ولا منو بالضبط؟

Quote: يا معاوية بعيداً عن الهزل وانا جادي جدا تراجي والوفد المشى الحوار بمثل منو؟ دارفور ولا الشرق ولا كندا ولا منو بالضبط؟

والله ما بقدر أقولك يا ود الفكي، وأنا لا عِلم لي بالوفد وهذا الوفد لا يمثلني في
شئ ابداً وانا اصلاً ضد الهزل البيحصل دا بوفد أو بدون وفد . زي ما اوضحت
هنا حتي سفر منصور المعاي في مدينة واحدة أنا علمت به من البورد ...

كان كدي يا مدير نحول السؤال لمحمد المسلمي يسال لنا اعضاء الوفد من يمثلون؟

Quote: فقد استمر بعض الاخوة رغم كل شي علي الاستمرار في درب العميان تقول لهم حوار يرفضوا اذا ما هو الحل هذه قمة التصلب فالذين يهمهم الوطن يبحثون عن الحل ويسعون اليه ولا يجلسون لاجترار قصائد امل دنقل رحمه الله

الذين يهمهم الوطن يا قريبي لا يصطفون في صف القتلة وسافكي الدماء،
ولا يصطفون في صف حكومة جثمت علي صدر الوطن لمدة 25 سنة
لنراهو علي الحالة التي هو عليها الآن، الحكومة واعوانها إن كان همهم
الوطن ما كان وصل به الأمر لما هو عليه الأن بعد 25 سنة . 25 سنة
إذا كان الحكومة واعوانها همهم الوطن لكان الأن في مقدمة البلآد الأفريقية
بموارده التي ينقصها من هو همه عليه ...

شيخي المسلمي


تعظيم سلام لاخي المفتاح

ومثله

لنوريت

وقريمان

والاخت حواء

رفعوا راسنا عاليا كبورداب

الله اكبر

ويسألونك عن فشل الحركه الإسلاميه فى مصر ونجاحها فى السودانويسألونك عن فشل الحركه الإسلاميه فى مصر ونجاحها فى السودان


ســـجمـــنا!!// إسحاق أحمد فضل الله..................ســـجمـــنا!!// إسحاق أحمد فضل الله..................

الـــمـــرفـــعـــين !!//إســحاق أحمد فضل الله.......الـــمـــرفـــعـــين !!//إســحاق أحمد فضل الله.......


أخوف ما أخاف على الإنقاذ//هاشم الإمام أخوف ما أخاف على الإنقاذ//هاشم الإمام

إرعوى يا أمانى الطويل// هاشم الإمام محيي الدين.............. إرعوى يا أمانى الطويل// هاشم الإمام محيي الدين..............

اللعبة الخطرة(عصابة جوبا) اللّف والدوران حول أبيي//عبدالمحمود الكرنكياللعبة الخطرة(عصابة جوبا) اللّف والدوران حول أبيي//عبدالمحمود الكرنكي

ده جزء بسيط من ما كان ينقله الإنتهازي المتملق منصور مفتاح لكتابات كيزانية، فالرجل لم يكن ينتقد تلك الكتابات بل كان يصفق لها.

Quote: الذين يهمهم الوطن يا قريبي لا يصطفون في صف القتلة وسافكي الدماء، ولا يصطفون في صف حكومة جثمت علي صدر الوطن لمدة 25 سنة لنراهو علي الحالة التي هو عليها الآن، الحكومة واعوانها إن كان همهم الوطن ما كان وصل به الأمر لما هو عليه الأن بعد 25 سنة . 25 سنة إذا كان الحكومة واعوانها همهم الوطن لكان الأن في مقدمة البلآد الأفريقية بموارده التي ينقصها من هو همه عليه ...

ود المدير يا حبيب
لك التحية
الحكومة لا تحارب طواحين الهواء
انها الان تحاور من يحاربونها وتحاربهم لتصل للحل
فهل يتحاورو ام يتقاتلوا
العبرة بالنهايات الجميلة

الإخوة الزملاء الذين مروا من هنا شاكر مروركم


-------
وبجيكم راجع واحد واحد

محمد النور كبر.

الأخبار الواردة من الخرطوم وكندا بتقول أنك كنت من ضمن الوفد، ولكن جماعة المؤتمر الوطني رفضوك وقالو أنك لا وزن لك ورجل غريب الأطوار.

ول ابا كبر سلام ياصديقي ولعلك طيب
خليك قريب وتشوف العجب العجاب نعلم صدق نواياكم ومستوي فهمكم العالي للأحداث في السودان من منظور
واحد وغير مقيد بحزب اوجماعة، ولكنها وطنية تعملون بها ولا تجاملون علي مصلحة المواطن السوداني مهم كان
الضرر من اي جهة حتي ولو كان من اقرب الناس ،مساركم واضح ونتيجته الان بدأت تظهر علي الوضع العام
مناضلي الكيبورد الان في صدمة كبري واعتصام مفتوح وبيت عزاء مع النواح الدائم مع تبعاته التي تعلم ؟؟؟


----------
منصور المفتاح قامة كبري ولاعزاء لبيت الاشباح

محمد المسلمي.

زولك قالوا في المطار كان شايل شنطة يد رئيسة الوفد.

مانديلا --- بالحوار والحوار هزم سجانه ...

وجعل سجانه يشارك معه في الحكومة ...

وإحتفل مع سجانه يوم إنتصاره.... وقال كلمته الشهيرة...

Quote: "بينما كنت أعبر الباب باتجاه البوابة التي ستؤدي بي إلى الحرية، علمتُ أنني إن لم أترك مرارتي وكُرهي خلفي، فسأظل أعيش في سجن".

يا أخي إتعلموا أدب الخلاف....

*****

شكراً لك حبيبنا المسلمي ....

دينق إختشي
تشتم في الناس وكأنك تريد الخير للسودان حل من سمانا امشي شوف الجنوب وصل وييييين !!!!
زول غريب ..... وعجيب
أما انا فنويت صيام ثلاثة ايام عن عدم خرجي متظاهراً ضد عودة تراجي
تقديراً لعودتها في هذا المنعطف الحرج من تاريخ السودان
:
:
:
:
:
:
:
أتمني ان تنال زيارتها الرضا وتحوز المأمول لصالح الوطن والمواطن
مع التحيات لله الزاكيات

الكوز محمد حمزة الحسين، أنت برضك جيت شايل الدلوكة يا دلق!

بوست نفايات أخ تف

الاخ معاوية المدير سلام لعلك طيب
انت عارف شهادتك في منصور غير مجروحة لأنك صادق في ماتقول
وماشهدت به فيه الا الحقيقة والواقع وبعدين في ديننا الاسلامي كما
ورد في الأثر ان الشاهد مؤتمن التحية لك حيث ماكنت

الأميرة وضاحة شاكر مرورك وجلب الفيديو في هذا البوست

دكتور اسامة الامام لعلك طيب وكيف البلد معاكم اعمل حسابك من يوم 25
انت عارف شوف القدر ده كيف انا وصلت السودان يوم الجمعة والوفد في
نفس الوقت . شفت الحظ ده كيف عشان الله كاتب لي أقابل الأديب والشيخ
منصور المفتاح ، المفروض يادكتور زي منصور ده الدولة دي تبقي عليه عشرة
وماتمضع فيه ده مهموم بالبلد كيف ينصلح حالها



-------
والله كريم جنس كرم
شغال فينا شاي اخضر وجنزبيل واكل
ياناس السروراب ربنا يكرمكم دنيا وآخرة

شيخ المسلمي....
والف مرحب بالاديب الاريب منصور المفتاح وما قمت به جزء من أخلاقك التي عرفناك بها
الرجاء حافظ لينا علي البوست دا لي يوم الاحد
نجي نشلخ دينق دا شايقي ....
:
:
:
:
:
:
:
دينق اللهم إني صائم
مع التحيات لله الزاكيات

Quote: حافظ الإمام محي الدين · كالغاري ينتقد منصور في مشاركته وينتقد كبر في عدم مشاركته وينتقد تراجي فقط في إصطحابها لمنصور. غايتو دي ملاسي زاتو ما حيقدر إتأملها . إنت يا دينق كونو الإنقاذ دي ترى فيك عدم الكفاءه زي ما عملت مع كبر، دي حاجه كويسه وللا كعبه. وبعدين شيل الشنط ده أحسن تخليه وخلي الطابق مستور.

الله يقدرنا على عمل الخير ..

الاستاذ الغالي معاوية الزبير سلام ياطيب
انت عارف ماقلته وماكتبته في احترام الزملاء المفتاح وصحبه او ( تراجي وصحبها ) المهم انهم زملاء هناء موجودون بيننا الان في ارض
السودان الذي كان مساحته مليون ميل مربع وكان يحادد 9 دول كما علمنا وأصبح الان من ناحية الجنوب يجاور الجزء العزيز علينا جنوب
السودان وبعد القسمة الخاسرة الحرب مستمرة والنزوح والقتل والتشريد وكله الان واقع معاش ، ولكن لماذا لا ادري ولكن اذا تمعنت أكون
ناكر لقول الحق السلطة وحبها هو من جعل ذلك مستمر وهذا امر واقع ، حضر بورداب كندا للحوار باسم وفد تراجي ولكن عندما جلست
مع الأديب المفتاح علمت انه اسمه وفد المنافي وأنهم حضروا لتقديم رأيهم الصحيح للحكومة والمتحاورين ولا غرض لهم الا السودان ان
يكون فوق الشعوب اوان يكون وإلا يلحق بدول اخري كانت ثم أصبحت الان عدم ( سوريا العراق ليبيا) المهم وصيتك وصلت والمطلوب
منهم ومنك ومني عدم الخضوع او السكوت عن حق الشعب انه يعيش كريم بين الشعوب ونحمد لهم تلك التجربة


-----
منتظرين شوفتك ولو سافرت من غير نقابلك تكون اتلومت

المستنير ابوبكر عباس لعلك شديد

انت عارف الأديب منصور المفتاح لو الحكومة عينته خبير كندي اجنبي للسودان
تكون كسبت العلم والتخطيط الصحيح وماعايزين حلم اكثر من كدي ممكن يكون
المندوب السامي عديل المافي شنو



------
ياليتك تأخذ ليك خفسة علي كندا عشان تشوف الاستنارة الصاح
مفتاح ده قصة طويلة الحوار ده او وديناه الحج مابنديه حقه 😜😜

طبعا يا مسلمي، أنا عندي رأي مشاتر خالص لللكل؟!
المشكلة الرئيسية في الجغرافيا الاسمها السودان دا، هي مشكلة موارد؟؟
الموارد الحالية الموجودة في هذه الارض الجافة لا تصلح لاقامة دولة حقيقية تكفي الاحتياجات الاساسية للسكان الحاليين، ولا يستطيع اي توافق سياسي في الوقت الراهن أن يجد حلا لهذه المشكلة.
لا بد من ايجاد مصدر طاقة رخيص أو التكامل مع اثيوبيا والاستفادة من سد النهضة، غير كدا لا مستقل لانشاء دولة.
لا يصلح منصور المفتاح ولا كمال الجزولي لتقديم حل لهذه المشكلة
يستطيعون وضع مواصفات لشكل البردعة، لكن لا أحد فيهم يدري من أين يأتي بالحمار!!!

الكلام عن دهب وبترول ومعادن دا حكي فارغ
يوجد فقط الارض والمياه والحيوان
وناقصة الطاقة الرخيصة

بعد داك المشاكل الجانبية دي كلها بتتحل

عليكم الله واحد يسأل لي تراجي يقول ليها: أوكي ارضا سلاح والمؤتمر الوطني قدم ليكم الدايرنو
منو البحل مشكلة الناس التركت نمط انتاجها وحياتها الاجتماعية القديمة بدارفور؟
أي طلقة انطلقت بدارفور، لن يشفي خرابها مليار دولار من قطر ولا مليون جلسة حوار ورحلات نهرية

Quote: طبعا يا مسلمي، أنا عندي رأي مشاتر خالص لللكل؟! المشكلة الرئيسية في الجغرافيا الاسمها السودان دا، هي مشكلة موارد؟؟ الموارد الحالية الموجودة في هذه الارض الجافة لا تصلح لاقامة دولة حقيقية تكفي الاحتياجات الاساسية للسكان الحاليين، ولا يستطيع اي توافق سياسي في الوقت الراهن أن يجد حلا لهذه المشكلة. لا بد من ايجاد مصدر طاقة رخيص أو التكامل مع اثيوبيا والاستفادة من سد النهضة، غير كدا لا مستقل لانشاء دولة. لا يصلح منصور المفتاح ولا كمال الجزولي لتقديم حل لهذه المشكلة يستطيعون وضع مواصفات لشكل البردعة، لكن لا أحد فيهم يدري من أين يأتي بالحمار!!! الكلام عن دهب وبترول ومعادن دا حكي فارغ يوجد فقط الارض والمياه والحيوان وناقصة الطاقة الرخيصة بعد داك المشاكل الجانبية دي كلها بتتحل عليكم الله واحد يسأل لي تراجي يقول ليها: أوكي ارضا سلاح والمؤتمر الوطني قدم ليكم الدايرنو منو البحل مشكلة الناس التركت نمط انتاجها وحياتها الاجتماعية القديمة بدارفور؟ أي طلقة انطلقت بدارفور، لن يشفي خرابها مليار دولار من قطر ولا مليون جلسة حوار ورحلات نهرية

ههههههههههههههههههههههه

يا زول إنتا مستنير بجد جد ولّا شنو؟


خليهم يجربوا ومالو، لمن يقتنعوا تكون اثيوبيا رفعت سعر الكهرباء
والناس لسه بتتجادل حول (هل كبر كان ضمن الوفد وزاغ؟)
وهل سيعين الرئيس منصور المفتاح مستشار أم مساعد رئيس؟)
وهل رحلة (وزراب) الخرطوم لتراجي هي المعادل الموضوعي
لرحلة (بورداب الخرطوم) لود الصايم في قندهار؟


وهلم ضلامية

الاخ العزيز جدا محمد عمر الفكي سلام ولعلك والاسرة بخير وحمدلله علي سلامة العودة
ناس المفتاح وصحبه برنامجهم كل يوم من الساعة عشرة صباح الي السادسة مساء
والليل مخلينوا ليهم لمواصلة الأرحام 😜😜😜

-------
تراجي ماقابلتها ويادوب اليوم تحصلت علي تلفون زوجها
وأخونا الصادق اسماعيل اداني كلام في بوست سابق
والله والله حتي ابكتني المداخلة وقررت ان التقي بها واكرم
مقامها بدعوة كاربة هي من تحدد مكانها ، ولها الخيار
اما ان تكون في منزل اخي الراحل شيخ العوض او بين
اهلي واهلك وعشيرتي في الكباشي او في منزلنا الذي
يتشرف بها المهم اليوم سوف أحسم الامر معها ؟؟؟؟؟؟

خلينا معاك في الصورة يا المسلمي لمن تحسم الأمر ..!!

الاخ المجاهد علي الكرار هاشم شاكر مرورك وقولك الحق الذي هو من صميم منهجك

Quote: الاخ المجاهد علي الكرار هاشم شاكر مرورك وقولك الحق الذي هو من صميم منهجك

سلآمات يا مسلمي .

ياخي قريبي المجاهد علي الكرار دا الحق وينو القالوا ؟،
والله ما صادف الحق ولو بربع حرف بس انا ما حبيت اخوض
معاهو حفاظاً علي مجريات البوست ...

محمد المسلمي

عامل لينا ضكر بط في المنبر، لمن تراجي جاتك الخرطوم جريت واااطي!

تفصل يا كبير.

عالم جبانات بي شكل !

Quote: تراجي ماقابلتها ويادوب اليوم تحصلت علي تلفون زوجها وأخونا الصادق اسماعيل اداني كلام في بوست سابق والله والله حتي ابكتني المداخلة وقررت ان التقي بها واكرم مقامها بدعوة كاربة هي من تحدد مكانها ، ولها الخيار اما ان تكون في منزل اخي الراحل شيخ العوض او بين اهلي واهلك وعشيرتي في الكباشي او في منزلنا الذي يتشرف بها المهم اليوم سوف أحسم الامر معها ؟؟؟؟؟؟

لا يا دينق محمد البعرفو ما بخاف
اهلنا في الكباشي ناس معروف عنهم الكرم والشجاعة والتسامح ومحمد لما عمل كدا اكيد نتاج للقيم الورثها من اهله والتي لا تختلف كثيرا عن القيم التي يحملها معظم السودانيين وانت منهم غصبا عنك حتى لو عندك جنسية جنوب سودانية
ولو انت نزلت السودان فتاكد مع احترامي لكل بورداب الخرطوم وكلهم فيهم الخير فصدقني احتمال تلقى محمد دا في استقبالك في المطار
تحياتي لكما

يا محمد المسلمي بكتك مداخلة الصادق اسماعيل ولا جات تعليمات؟
امرق النصيحة
الصادق بنقرا ليه ما عنده حاجة تبكي الصراحة
كيخ كيخ كييييخ

محمد عمر الفكي. كلامك صح، ولكن محمد المسلمي هو الذي أعطانا الزخيرة علشان نفتح فيهو نار.الرجل فتح بوستات كان يهدد فيها ويتوعد الأخت تراجي، لو جات السودان ح يعمل وح يعمل.دي شماتة في محمد المسلمي لا يمكن تفويتها أبدا. ويستحق أن نغني ليهو أغنية كده كده يا الترلة.عامل فيها شيخنا، بس حركات في بيتنا، وفي بيتنا دي ممكن تتغير لي بس حركات في بوردنا.وكلمة شيخنا ده لقب من الإنقاذي ود الباوقة لمحمد المسلمي. ويا لها من مشيخة مسخرة!

يا محمد المسلمي أختشي!

دينق لعلكم شدادين المهم في الموضوع وفد شهامة قاعد متحكر
في الحوار آش رأيك واش فهمك وليه ماجبت خبرهم وعملت اضان
الحامل طرشة ؟؟؟؟؟؟؟؟؟؟؟؟


---------
شهامة وماادراك ماشهامة مع هشام هباني مش حتقدر تقول حاجة 😜😜😜😜😜.

دينق أختشي

الاخ الشيخ أحمدونا شاكر مرورك
ناس دينق وين تعلموا أدب الخلاف

الاخ الاستاذ الشيخ بدرالدين اسحق سلام
منصور المفتاح ده بيضت ام كلكلي كان شلتها قتلت امك وكان خليتها قتلت ابوك ( شفت المثل ده كيف )

المجاهد ودالباوقة سلام

الحوار يفتقدك

الاخ محمد عمر الفكي ياطيب دينق ده اموره جايطة وزول خراط ساهي
وناسه ناس شهامة متحكرين في الحوار ولا جاب خبرهم عمل رائح منهم
انت قائل هشام ماكان جاي معاهم رسل ناسه ومتابع معاهم 😜😜😜😜
وبعدين دينق ماعارفنا علايين نحاكي صقور الجو محل مايعلي نعلي
قال جرة واطي هههههه شفت محن دينق نحن بناكلها مولعة نار


------
دينق اختشي

الاخ الغالي محمد حمزة الحسين يعلم الله مشتاقون ورسل لي تلفونك

دينق ده خماج حوض ساهي ماعنده سالفة ، وتراجي تسلم عليك
وسالت منكم بالواحد ولو ربنا كتب ليك قابلت الأديب الرائع المفتاح
تكون ظفرت بشي ثمين ، اظهر بس وبنوصلك ليهم في مقرهم

احمد الشيخ شاكر. مرورك
انت قائل الصادق اسماعيل. لوجاء طلب واحد في ابنائي برجعه
وأزيدك هو لم يطلب ولكن كتب رأيه واضح وصريح وانا أخذته
ماخذ الجد والصدق وعملت به ، وبعدين تعليمات من منوا نأخذها
اخوك شغال في سوق الله الواسع ده يأخذ أمره وفق الحلال والحرام
من الكتاب والسنة ومنهج السلف الصالح

العزيز ناذر الخليفة يافنان لعلك والاسرة بخير
تراجي امس اعتذرت عن اي دعوة نسبة لضيق. الوقت وارتباطها بالسفر خارج الخرطوم في جولة ولائية



-------
وعدت بالمقابلة السريعة

Quote: محمد عمر الفكي. كلامك صح، ولكن محمد المسلمي هو الذي أعطانا الزخيرة علشان نفتح فيهو نار.الرجل فتح بوستات كان يهدد فيها ويتوعد الأخت تراجي، لو جات السودان ح يعمل وح يعمل.دي شماتة في محمد المسلمي لا يمكن تفويتها أبدا. ويستحق أن نغني ليهو أغنية كده كده يا الترلة.عامل فيها شيخنا، بس حركات في بيتنا، وفي بيتنا دي ممكن تتغير لي بس حركات في بوردنا.وكلمة شيخنا ده لقب من الإنقاذي ود الباوقة لمحمد المسلمي. ويا لها من مشيخة مسخرة! يا محمد المسلمي أختشي! (عدل بواسطة Deng on 12-24-2015, 07:41 AM)

دينق عدلت شنو وليه عدلت


-----
دينق اختشي

اتفقنا انا والأديب منصور المفتاح اليوم نذهب الي زواج الأخت
الزميلة المهندسة مواهب السيد ورينا يبارك عليهم وبجمع بينهم بخير

من المتوقع ان يغادر السودان في خلال اليومين ديل الي خارج الوطن في مهمة رسمية