Post: #1
Title: تجربة انخراط الشيوعيين في برلمان الإنقاذ( تنشيط للذاكرة)
Author: Mohamed E. Seliaman
Date: 12-19-2015, 04:13 PM
03:13 PM Dec, 19 2015 سودانيز اون لاين
Mohamed E. Seliaman-شمال جوبا
مكتبتى
رابط مختصر كتب البروف أمين محمد سليمان مرة :نجي لموضوع مشاركه الحزب الشيوعي السوداني للحكومه يا عم عاطف ، يا أخوي كيف تقول الحزب الشيوعي السوداني ما عضو في حكومة الانقاذ ، الحزب الشيوعي السوداني عضو في برلمان الإنقاذ و اللي معمول كواجهه لتجميل وجه النظام ، و ده بالظبط البيعمل فيهو الحزب الشيوعي و أي حزب مشارك في برلمان الإنقاذ ، يعني لمن الكيزان يقولو في تعدديه في السودان و الدليل إنو معظم الأحزاب مشاركه في البرلمان بما فيها الحزب الشيوعي ، أنا كمواطن أو كمراقب من الخارج بصدق الكلام ده ، أي دقيقه في برلمان الإنقاذ بتمد في عمر الإنقاذ بغض النظر عن حزبكم بصوت كيف و ليه ؟ مجرد وجودكم فيهو يصب لصالح الكيزان ، مساله البرلمان دي بالنسبه للحكومه - في تقديري - مساله صوريه ساكت ، و إلا وريني ياتو يوم طلع قرار سيادي و مؤثر من برلمان الإنقاذ ؟ و الله ما شايف فرق بين العضو الكوز و الشيوعي في برلمان الإنقاذ لانو القصه ما قصه إنت بتصوت في ياتو إتجاه ، القصه قصه ديكور و وجودكم هناك بيصلح الديكور ده زياده .أما مساله تبريرك للمشاركه بانها جزء من إستحقاقات نيفاشا و عمليه السلام فداه ما تبرير سليم يا عاطف ، نيفاشا و عمليه السلام برمتها حق إكتسبوهوأخوانا الجنوبيين بعد حروب مضنيه ضد الحكومه دي و الحكومات السابقه ، يعني دي ما مساله سياسه أو حكومه /معارضه ، الحركه الشعبيه مشاركه في الحكومه - بضراعها - و بتضحياتها منذ أكتر من خمسه و عشرين سنه و الناس كلها جوه و بره السودان فاهمين الكلام ده .عشان كده ما ممكن أجي أعيب على الحركه مشاركتها للحكومه ، لانو الموضوع بالنسبه ليهم أكبر من الحكومه زاتو ! الناس ديل ليهم ميه سنه بيعاملو كمواطنين درجه عاشره في بلدهم ، لمن يكون في سكه إنهم يحكمو حكم فعلي ، ما ممكن نقول ليهم لا امشو عارضو لحدي ما تجي الدمقراطيه ! لكن الكلام ده يتقال للحزب الشيوعي و لبقيه أحزاب المعارضه الأخرى ، الحاجه البعرفها و بفهمها إنو مفروض الحزب الشيوعي و بقيه أحزابنا المعارضه ما يشاركو الحكومه دي تحت أي ظرف ، إذا هم فعلا بيعملو - كما يدعو - لإسقاط النظام ، و إذا الموضوع عباره عن نشارك من أجل الإسقاط من الداخل ، شايلين حس الناس البتنسلخ من أحزابها و تشارك في الإنقاذ ليه ؟ ما هم ذاتهم بيدعو زي كلامكم ده ، خليك من ده كلو ، أخونا المعارضين في المنبر ليهم كم يوم نازلين شتيمه في الاخوان الشاركو في موتمر الإعلاميين ، لاحظ ده موتمر إستمر كم يوم و إنتهى ؟ إنتو ليكم تلاته سنين في البرلمان !! الناس المشاركه في الموتمر ده قالو ماشين لمصلحه السودان ، ما للإنقاذ ؟ نفس كلامكم البررتو بيه مشاركتكم في برلمان الإنقاذ ! أها شوف تبرير أخونا بدر الدين لكيف إنو عضوية البرلمان لا تعني المشاركة في الحكومة ! يا بدر كلامك صاح الحزب الجمهوري له اعضاء في الكونغرس، و ليس عضوا في حكومة اوباما! لكن الفرق إنو الحزب الجمهوري و اعضاء الكونغرس و اوباما جو بلانتخاب ما جو بالدبابات و الكونغرس برلمان بالجد بالجد ما صوره و ديكور لتجميل وجه النظام الحاكم ، عشان كده مافي وجه للمقارنه أصلا ! و أي زول بيقول إنو المشاركه في البرلمان تختلف عن المشاركه في الجهاز التنفيذي ، ده زاتو بيدعم في الإنقاذ لانو بقر إنو في أجهزه تشريعيه و تنفيذيه و قضائيه حقيقيه الإنقاذ ......و بالمناسبه أنا ما بفتكر في أي عيب كونو الحزب الشيوعي و بقيه الأحزاب يشاركو الإنقاذ أو أي حكومه أخرى ، بالعكس بتمنى يجي اليوم اللي كل الأحزاب دي تكون مشاركه في السلطه ، بديمقراطيه و لا بعسكريه ما مهم ، المهم إنو الناس دي تكون بتعمل لمصلحه المواطن المسحوق ده , البلد دي يا عاطف مشكلتها إنها ما عندها وجيع ! الناس كلها في أحزابها و تجمعاتها و حسي جابت ليها قبايلها ، مافي سياسين همهم الزول السوداني البسيط ده (إلا ما رحم ربي ) .الكلام راقد ، لكن و الله فترتا ....كان ربك هون ، بجيك راجع !!!!!!!!!!!!!!!
|
Post: #2
Title: Re: تجربة انخراط الشيوعيين في برلمان الإنقاذ(
Author: Mohamed E. Seliaman
Date: 12-19-2015, 04:20 PM
Parent: #1
بكري ثبت البوست فوقلحدي بكرة
|
Post: #3
Title: Re: تجربة انخراط الشيوعيين في برلمان الإنقاذ(
Author: محمد المسلمي
Date: 12-19-2015, 05:16 PM
Parent: #2
الاخ محمد E سليمان سلام يادكتور ----------هل هذا بوست للمعيار مع العلم ان ابورطة ورفاقه خماجين حوض ساهي 😜😜وماعندهم علاقة بالحزب الشيوعي حسب مااعلم 😭😭
|
Post: #4
Title: Re: تجربة انخراط الشيوعيين في برلمان الإنقاذ(
Author: Dr Salah Al Bander
Date: 12-19-2015, 07:25 PM
Parent: #3
يكتمل المشهد هنا بنشر نص استقالة الزميلة آمنة (فاطمة أحمد إبراهيم) من برلمان الإنقاذ.......وتتضح الصورة إذا تم نشر أي معلومة عن ماذا فعل هؤلاء (سليمان حامد+ فاروق ابوعيسى) خلال 6 أعوام من المشاركة في البرلمان الانتقالي (تقديم مشروع دستور+ قانون+ طلب ايضاح أو احاطة أو استجواب ..الخ)..بعد داك النقاش ببقا ليهو طعم !!
|
Post: #5
Title: Re: تجربة انخراط الشيوعيين في برلمان الإنقاذ(
Author: Abureesh
Date: 12-19-2015, 07:35 PM
Parent: #4
هسى يجى واحد شيوعى يقول ليك هذه حفلة شــواء وباربكيو للشيوعيين.. أو واحد.. اى حزب، أي قرد في السودان، لما تهبش سيدو او حزبه يقوم يردح.. لا فرق بين إنقاذى وشيوعى.. بل الإنقاذيون لا يهبطون الى مستوى الشيوعيين في ذلك.. يعذبوك و يقتلوك، ولكن لا يحاربونك بأساليب خسيسة وقذرة من كذب وفبركة، مثل ما يفعل الشيوعيون. .
|
Post: #6
Title: Re: تجربة انخراط الشيوعيين في برلمان الإنقاذ(
Author: طه جعفر
Date: 12-19-2015, 08:06 PM
Parent: #5
نيفاشا كانت خطأ تاريخي ما يستتبعها من أخطاء كان بالضرورة فادحاً مشاركة الحزب الشيوعي في برلمان الكيزان خطأ سيجب علي الحزب الشيوعي في زمان ما إعادة تقييمه و نقده بالكامل قبول الحزب الشيوعي بانضمام المؤتمر الشعبي لقوي الإجماع خطأ آخر و أكثر فداحة من من مشاركة الحزب الشيوعي في برلمان الكيزانلأن تلك الفكرة كانت بمثابة فتح الطريق للترابي ليعيد انتاج برنامج الإسلام السياسي المهزوم سياسياً واخلاقياً و يقدمه من جديد للشعب السوداني و الترابي مسئول مباشرة عن تاريخ طويل من الجرائم ارتكبها نظامه المجرم قبل المفاصلة كثرة الأخطاء توضح أن هنالك أزمة كبيرة يجب علي الشرفاء من الشيوعيين مراجعتها و منع الممارسات و المواقف التي أدت و ستؤدي إلي إختطاف الحزب الشيوعي و تضييع تاريخه المهم يتضح بجلاء اتساع الخرق علي الراتق!!!! ...............................................................................يا له من فشل يا له من خراب و تضييع لاحلام الشعب السوداني و اهدار لتاريخه ...................................................سقوط الحزب الشيوعي في وحل المشاركة في مؤسسات النظام المجرم و اعادة انتاج التاربي لا يجب أن يكون مبررأ لسقوط الآخرين في وحل مشاركة النظام المجرم في حواره المعزول جماهيرياً لأن السقوط واحد و الخيبة واحدة معاً من اجل بناء معارضة سودانية مؤهلة لانجاز التغيير و بناء البديل الديمقراطي الوطني طه جعفر
|
Post: #7
Title: Re: تجربة انخراط الشيوعيين في برلمان الإنقاذ(
Author: Dr Salah Al Bander
Date: 12-20-2015, 03:45 AM
Parent: #6
نيفاشا كانت خطأ تاريخي ما يستتبعها من أخطاء كان بالضرورة فادحاً مشاركة الحزب الشيوعي في برلمان الكيزان خطأ سيجب علي الحزب الشيوعي في زمان ما إعادة تقييمه و نقده بالكامل قبول الحزب الشيوعي بانضمام المؤتمر الشعبي لقوي الإجماع خطأ آخر و أكثر فداحة من من مشاركة الحزب الشيوعي في برلمان الكيزانلأن تلك الفكرة كانت بمثابة فتح الطريق للترابي ليعيد انتاج برنامج الإسلام السياسي المهزوم سياسياً واخلاقياً و يقدمه من جديد للشعب السوداني و الترابي مسئول مباشرة عن تاريخ طويل من الجرائم ارتكبها نظامه المجرم قبل المفاصلة كثرة الأخطاء توضح أن هنالك أزمة كبيرة يجب علي الشرفاء من الشيوعيين مراجعتها و منع الممارسات و المواقف التي أدت و ستؤدي إلي إختطاف الحزب الشيوعي و تضييع تاريخه المهم يتضح بجلاء اتساع الخرق علي الراتق!!!! ...............................................................................يا له من فشل يا له من خراب و تضييع لاحلام الشعب السوداني و اهدار لتاريخه ...................................................سقوط الحزب الشيوعي في وحل المشاركة في مؤسسات النظام المجرم و اعادة انتاج التاربي لا يجب أن يكون مبررأ لسقوط الآخرين في وحل مشاركة النظام المجرم في حواره المعزول جماهيرياً لأن السقوط واحد و الخيبة واحدة معاً من اجل بناء معارضة سودانية مؤهلة لانجاز التغيير و بناء البديل الديمقراطي الوطني طه جعفرلا اتذكر آخر مرة اتفقت مع وجهة نظر كاملة ... ولكنها بقدرة قادر حصلت هنا...شكر للرفيق طه جعفر من براري كندا...وأزيدك من الخير خيرين : لم يقدم ح ش أي تقييم لهذه المشاركة التعيسة .. وإلى الآن...في هذا المنبر اعضاء لجنة مركزية للحزب الشيوعي واعضاء هيئات قيادية ... ومتشويعين ... وحجاج في المدينة المنورة... ومستهبلين في جدة والرياض وأوروبا...الخفي انتظار رد أي واحد منهم ...!!
|
Post: #8
Title: Re: تجربة انخراط الشيوعيين في برلمان الإنقاذ(
Author: ABUHUSSEIN
Date: 12-20-2015, 03:57 AM
Parent: #7
| Quote: في هذا المنبر اعضاء لجنة مركزية للحزب الشيوعي واعضاء هيئات قيادية ... ومتشويعين ...وحجاج في المدينة المنورة... ومستهبلين في جدة والرياض وأوروبا...الخفي انتظار رد أي واحد منهم ...!! |
متابعة ....سلام و تحايا و احترام للجميع ..
|
Post: #9
Title: Re: تجربة انخراط الشيوعيين في برلمان الإنقاذ(
Author: حيدر حسن ميرغني
Date: 12-20-2015, 05:29 AM
Parent: #8
:-) :-) :-)
|
Post: #10
Title: Re: تجربة انخراط الشيوعيين في برلمان الإنقاذ(
Author: Abureesh
Date: 12-20-2015, 06:14 AM
Parent: #9
**نيفاشا كانت خطأ تاريخي **الجنوبيون طالبوا بالحكم الفدرالى يا أستاذ طه جعفر، في الخمسيات.. الحزب الشيوعى عارض ذلك.. يعلموا ليكم شنو؟ يصبروا اكتر من ستين سنة؟ ثم في لجنة الأثناعشر الى تكونت بعد أكتوبر لحل مشكلة الجنوب، الشهيـد عبد الخالق محجوب عملياً وقف في صف الترابى والصادق في عدم إعطاء الجنوبيين حقوقهم.الشيوعى والجبهة الإسلامية والأمة لا فرق بيهم.. My way or the highway ثم.. كيف تطالب الناس بأن لا يحذوا حذو الحزب الشيوعى في التعامل مع الإنقاذ، في الوقت الذى لم يصدر اى بيان من الحزب انهم كانوا على خطأ في تعاملهم مع الترابى والإنقاذ.. وأزيدك من الشعر بيت.. اعترافهم الان لا قيمة له بعد محاربة السعودية والامارات ومصر وكل العلم للأخوان المسلمين.. ولعل اى موقف تصحيحسيكون نابعا من هذا التحول العالمى، وليس من استراتيجية للحزب.
|
Post: #11
Title: Re: تجربة انخراط الشيوعيين في برلمان الإنقاذ(
Author: الصادق الخالدى
Date: 12-20-2015, 02:59 PM
Parent: #10
| Quote: بكري ثبت البوست فوق |
up
|
Post: #12
Title: Re: تجربة انخراط الشيوعيين في برلمان الإنقاذ(
Author: Mohamed E. Seliaman
Date: 12-21-2015, 09:24 AM
Parent: #11
يا مسلمي وعليكم السلاممعايير الشيوعيين بعرفوها براهمشكرا لك
|
|