Post: #1
Title: ضبط وزيرة في وضع فاضح
Author: أيمن محمود
Date: 12-15-2015, 11:00 PM
10:00 PM Dec, 16 2015 سودانيز اون لاين
أيمن محمود-الرياض
مكتبتى
رابط مختصر عارية من أي وازع اخلاقي أو ديني؛ ممتثلة بلا عقل لصولجان السلطة قامت الوزيرة السويدية مانا سالين بملأ خزان سياراتها الخاصة بالبنزين على حساب الدولة مستخدمة كارت صرف ممنوح لها وبقيمة لا تزيد عن (60) دولارا لأنها لم تكن تحمل نقوداً في جيبها، مما أجبرها على تقديم استقالتها والتواري خجلاً عن فعلها الفاضح!
|
Post: #2
Title: Re: ضبط وزيرة في وضع فاضح
Author: Abureesh
Date: 12-15-2015, 11:11 PM
Parent: #1
بعدين مشت البيت شافت في التلفزيون خبر وزيرة من بلد اخر استعملت سلطاتها لتخرج ابنها الذى ساق عربة الحكومة (ببنزينها) من الحراسـة، ويحمل مخدرات، فأطلقت على نفسها النار.
|
Post: #3
Title: Re: ضبط وزيرة في وضع فاضح
Author: Mohamed Mohamed
Date: 12-15-2015, 11:31 PM
Parent: #2
يا رول مش كوز و كما قالت الحركة الإسلامية (مقطع و مزعمط)البرادو و الكروزر و الهايلكس و الكامري على نفقة الشعبو ٥ جالون بنزين يدفعها الشعب الخالص يوميا من أجليو بتاع المرور عشان عارفني حالتي صعبة يختاني أو بزهج و بدقوا زي محمد ابن الحاج الادم حتى و لو انا سايق مسطولو اخلي الA/C شغال و العربية واقفة قدام البرلمان أو المطعم عشان ما اقعد في الشمس الحارة دي أكثر من ٢٠ ثانية. بما إنني حركة إسلامية جلدي الرقيق لا يتحملهاو بعد سنة لمن المكنة تخف الشعب الطماع ياما يتكفل بالعمرة أو يشتري لي عربية جديدةو فوق ذلك يعفوني من جمارك سيارة واحدة لأنني دستوري بخدم البلد دي من جيبيو كمان يوزعوا لي أنبوبة الغاز عبر الأمن عشان ما أتعب أفتشو ما مقصر مع الشعب ملصق استيكر هذا من فضل ربي في الزجاج المظلل عشان ما ينسوا العبادة....هي لله هي لله لا للسلطان و الجاه (مع رفع السبابة و جقلبة الكرشة)
|
Post: #4
Title: Re: ضبط وزيرة في وضع فاضح
Author: أيمن محمود
Date: 12-16-2015, 07:46 AM
Parent: #3
 من الحراسـة، ويحمل مخدرات، فأطلقت على نفسها النار) ابو الريش المستقوي بالخارج صاحب الاجندات المكشوفة/ وزيرة الدولة بوزارة العدل تهاني علي أحمد أشرف من الشرف ذاتو - لا تستمع الى فبركات الصحف.أتحدى أي زول يثبت أنها قامت باستغلال نفوذها لاخراج ابنها من احدى حراسات الشرطة ببحري؛ والمقبوض من قبل المباحث متلبساً بحيازة كمية من الحبوب والهيروين. لأنه ان ثبت ذلك فعلينا الحديث عن بيت دعارة سياسية كبير اسمه السودان وليس الحديث عن وضع فاضح لوزيرة!بيت دعارة تلبس فيه بالاضافة الى الوزيرة المذكوره اعلاه كل من وكيل نيابة وضباط شرطة وعساكر شرطة.اعلم يا ابو الريش ان الوزيرة تهاني علي أحمد أشرف قد تم اختيارها من بين مئات الالاف من السودانيين والسودانيات بعد ان اجتازت اربعة فلاتر:1. فلتر الكفاءة2. فلتر القوة و الامانة3. فلتر الوطنية ونبذ الذات 4. الفلتر الرابع نسيتو هسا بس بتذكرو ليك 
|
Post: #5
Title: Re: ضبط وزيرة في وضع فاضح
Author: أيمن محمود
Date: 12-16-2015, 07:52 AM
Parent: #4
اتذكرتو يا ابو الريش - الفلتر الرابع فلتر العدل - الزولة دي بتكون عادلة جدا
|
Post: #6
Title: Re: ضبط وزيرة في وضع فاضح
Author: أيمن محمود
Date: 12-16-2015, 09:22 AM
Parent: #5
| Quote: كوز و كما قالت الحركة الإسلامية (مقطع و مزعمط) |
نميري في آخر خطاب ليهو يا محمد قال انو ليه كم يوم ما قادر يكب بنزين للعربية لأنو مفلس - قال الكلام ده وقال انو البياكل تلاتة وجبات ياكل وجبتين .... الخ - بعد يومين مشى امريكا يتعالج - انا ما عارفو جاب حق البنزين البوصلو للمطار من وين الخلاصة: في الايام الاخيرة ما ببقى غير الكذب
|
Post: #7
Title: Re: ضبط وزيرة في وضع فاضح
Author: Abureesh
Date: 12-16-2015, 10:08 AM
Parent: #6
**وزيرة الدولة بوزارة العدل تهاني علي أحمد أشرف من الشرف ذاتو**لأنه ليس لى دليل على اى انسان خرق القانون فإنى لم اذكر اسم اى أحد.. أنت أتيت باسم ووظيفة وزيرة العدل.. بعدين ما قلت لى استقوى بالخارج كيف؟ ممكن تشرح لو سمحت..
|
Post: #8
Title: Re: ضبط وزيرة في وضع فاضح
Author: أيمن محمود
Date: 12-16-2015, 12:40 PM
Parent: #7
ابو الريش ااقرأ مداخلتي كويس
|
Post: #9
Title: Re: ضبط وزيرة في وضع فاضح
Author: منتصر عبد الباسط
Date: 12-16-2015, 01:05 PM
Parent: #8
لا يكفي تدريس مادة التربية الاسلامية لتحسين الأخلاق ليس لأن الإسلام لا يحويها ...فقط لأن هناك شيوخ عقولهم عقيمة جمدت المادة ولم تفسر نصوصها كما يجب ...فهناك ضرورة لتدريس الاجيال الجديد (مادة الاخلاق) كما تفعل اليابان مثلاًأو إلى جانب مادة التربية الاسلامية ....تكون هناك مادة مستقلة تهتم فقط بالجوانب الاخلاقية ....وقبل ذلك قيام منظامات ينشؤها نشطاء للدعوة للأخلاق الفاضلة من محاربة للكذب والقش والظلم والخيانة والاختلاس والسرقة ونصرة المظلوم واعانة المحتاج وذم العنصرية وهكذا وفي ايام الجاهلية في مكة نشأ حلف اسمه حلف الفضول لا يدعو لدين معين فقط كان ينصر المظلوم ويدعو للاخلاق النبيلة وقد التحق به النبي صلى الله عليه وسلم قبل مبحثه وقال صلى الله عليه وسلم بعد مبعثه لو دعيت له الأن لاستجبت .
|
Post: #10
Title: Re: ضبط وزيرة في وضع فاضح
Author: Abureesh
Date: 12-16-2015, 01:19 PM
Parent: #9
**ابو الريش ااقرأ مداخلتي كويس **قرأت كلامك ورديت عليه.. ثم شنو أجندتي التي الكانت مدسوسة وكشفتها؟ شنو؟ انو أجندتي دائما مكشوفـة ما عندى أجندة مدسـوســة يا سيـد.
|
Post: #11
Title: Re: ضبط وزيرة في وضع فاضح
Author: محمد المسلمي
Date: 12-16-2015, 01:54 PM
Parent: #10
| Quote: Ahmed Aminالمناتل أيمن محمود.. أو المناتل هشام هباني 2... عناوين بوستات خادعة مقرفة لجذب أكبر عدد من الكليكلاتولسه بنسأل لييييييييييييه المعارضة فاشلة ؟!!!أعجبني · رد · التحديد كبريد إلكتروني غير هام أو احتيال · 1 · 4 ساعة |
|
Post: #12
Title: Re: ضبط وزيرة في وضع فاضح
Author: ahmedona
Date: 12-16-2015, 01:59 PM
Parent: #11
| Quote: : ضبط وزيرة في وضع فاضح (Re: Abureesh) |
كل إناء بما فيه ينضح....
|
Post: #13
Title: Re: ضبط وزيرة في وضع فاضح
Author: أيمن محمود
Date: 12-16-2015, 02:01 PM
Parent: #12
| Quote: كل إناء بما فيه ينضح |
بالضبط يا أحمدونا - كل اناء بما فيه ينضح
|
Post: #15
Title: Re: ضبط وزيرة في وضع فاضح
Author: سيف النصر محي الدين
Date: 12-16-2015, 02:11 PM
Parent: #13
الوضع الفاضح عند الجماعة ديل هو الوضع ابو من غير هدوم فقطكل ما عداهو ممكن ياخدوا و يدوا فيهو..و زي ما قال المثل: الواضح ما فاضح.
|
Post: #16
Title: Re: ضبط وزيرة في وضع فاضح
Author: السنجك عثمان
Date: 12-16-2015, 05:50 PM
Parent: #8
ههههههههههههههههههه قال اربعة فلاتر دى لغه جديده من اى بحر فى بحور اللغه العربيه ياربى الا يمكن استحدثوها الكيزان الابالسه ان حدث هذا المثل يقول عندما ياتى العيب من اهل العيب ما هو عيب هذا هو ديدن الاخوان الشياطين
|
Post: #17
Title: Re: ضبط وزيرة في وضع فاضح
Author: محمد محمود محمد
Date: 12-16-2015, 10:10 PM
Parent: #16
الأخ ابو الريشالتوتر غالبا يجعلك تخطئ في القراءة..اعد قراءة رد الاخ أيمن بدون تشنج.
|
|