ينصر دينك يا محمد الملا

06:42 PM Dec, 15 2015

سودانيز اون لاين
زينب محمد عبدالله-
مكتبتى
رابط مختصر

يا جماعه اعتبروا البوست حقكم والبيت بيتكم :)
انا مشغوله شويه وبرجع اذا دعت الضروره
او اذا كان هنالك شغب سوف أتى لى كنسه ( وجه غامز )

هههههه المصريين اتريقوا على تصرف الوزير يا زينب
قالوا السيسي سأله بعد رجع من الاجتماع:
- عملت ايه يا شكري مع اثيوبيا
- علّموا على قفانا يا ريس, بس انا ما سكتش
- عملت ايه يا شكري
- رميت مكرفون الجزيرة ع الأرض

مزيج سام من السماجة والجهل النشط هذا الملا ..

سيتجاوز الشعب السوداني محنته المتدة لاكثر من ربع قرن ..
ويمتلك من الارض ما يكفي ليقيم أود عظمته ..
وطن على المحجة السمراء واخدر ووسيم ..
واكتر بي كتير يا عملات وردي ..

نفهم ان يعظم هذا الملا مصر ..
فلقد شاركت برجالها في تحرير الكويت عندما فر الرجال عن وطنهم هناك ولكن ..
لا يكون ذلك على حساب دولة ... واجمل دولة في هذا المدعو الوطن العربي ..
وسيأتيكم بالاخبار من لم تزودوا ..
وستعلمون ذلك علم اليقين ..
ستعلمونه يا ملا ..

Quote: مزيج سام من السماجة والجهل النشط هذا الملا .. سيتجاوز الشعب السوداني محنته المتدة لاكثر من ربع قرن .. ويمتلك من الارض ما يكفي ليقيم أود عظمته .. وطن على المحجة السمراء واخدر ووسيم .. واكتر بي كتير يا عملات وردي .. نفهم ان يعظم هذا الملا مصر .. فلقد شاركت برجالها في تحرير الكويت عندما فر الرجال عن وطنهم هناك ولكن .. لا يكون ذلك على حساب دولة ... واجمل دولة في هذا المدعو الوطن العربي .. وسيأتيكم بالاخبار من لم تزودوا .. وستعلمون ذلك علم اليقين .. ستعلمونه يا ملا ..

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ينوبك ثواب يا ود المشرف اشرح لى اين هاجم الملا دوله السودان او شعب السودان؟!!

ما فهمته من هذا الفديو للاستاذ الكويتى محمد الملا انه تعرض لى حادثه ميكرفون قناة الجزيره الذى وضعه
وزير خارجيه مصر سامح شكرى تحت الطربيزه كأحتجاج على ما تقوم به قناة الجزيره من تلفيقات واثارة الفتن فى مصر لصالح الاخوان
وتكلم ايضا عن ما يثار فى الاخبار بأن داعش سوف تهاجم مصر من ليبيا وتحداهم وتكلم عن قوة الجيش المصرى
فما فاهمه انت المزعلك شنو فى الموضوع دا ؟!!!

وحتى لو شكر المصريين لان رجالها شاركوا فى تحرير الكويت المشكله شنو يعنى ؟

Quote: سيتجاوز الشعب السوداني محنته المتدة لاكثر من ربع قرن .. ويمتلك من الارض ما يكفي ليقيم أود عظمته .. وطن على المحجة السمراء واخدر ووسيم .. واكتر بي كتير يا عملات وردي ..

هسى علاقتك كلامك الفى المقتبس الفوق دا والكلام الفى الفديو شنو ؟؟؟؟

Quote: مزيج سام من السماجة والجهل النشط هذا الملا ..

كيف يتجاوز الشعب السودانى محنته على حسب زعمك اذا كان من يفترض فيهم الاعتدال من امثالك يهاجمون شخص فقط
لانه قال كلمه حق من ( وجهه نظره) فى شعب اخر

زينب سلامات ...

الملا هاجم السودان الاسبوع الفات او القبلو
واشار الي ذات الفكرة السمجه في الفيديو بتاعك هنا لمن قال حسني مبارك كان بتعامل مع ديل "اللهم يعني نحنا" بانو يرسل طيارتو "سلاح الجو"

اها يا زينب لو عرفت انو الزول ده كم فترة قصيرة كان بهدد السودانيين انهم يرجعوا تحت الاحتلال المصري ..
وبي اشارة الاصبع ديك ..
وبي طريقة لا يجيدها الا الرجال الخايبين بتاعت انتو عارفين انا بتكلم عن شنو ..
وكانت اشارة مخنثة تشبهو ..


هسع دي فكرتو ياها ذاتها البين طيات الكلام ..
تصوري ليك راجل (خيبة الله عليه) بتكلم "يااا سامح شكري باشا النااس دول انت عامل ليهم قيمة ساي .. وده نبل منك .. مبارك كان حيرسل ليهم طيارات .. بلا سد نهضة بلا بطيخ معاهم) ..

واتمني انو ما يكون بيناتنا واحد يثبت لينا مقولة انو العوير بدقو واعتذرو ليهو او يضرعو ليهو ..
نحنا يا زينب نميز جيدا بين الاشياء ..
وشطارة معد البنامج ومقدمو بتاعت اعتذر ليهم وقول ليهم ما بتكلم عن السوداننيين بتكلم عن الاخوانجية ..
الاخوانجية يا تافه كانوا حاكمين السودان في التركية السابقة ولا الحكم الثنائي ؟!!!

وكالعادة لم يفوت هذا المعتوه الفرصة لاحالة السوداني لذات التصور المتعالي والعنصري .. مجرد بواب في نهاية الفيديو التالي ..




نسمع رأيك ؟!!

ثم اي اعلام جاد (وربنا بنصر دينو) هذا الذي ينتهز فرصة فيديو في الواتساب لمواطن عادي جدا للاساءة لشعب دولة كاملة .. ودولة والله والله والله نحنا بنشوف زيها مافي ذاتو.. وهي كذلك برغم انف كل الظروف .. وهي غير شوفنا ليها كذلك بالمقارنة بدولة كالكويت .. ارض حقيقية وحضارة قديمة وامكانات كامنة في ترابها وارضها وانسانها ..

ستنتهي محنة السودان أجلا ام عاجلا .. وسنغادر ذاكرة هذا الحضيض الذي اوصلنا اليه الكيزان .. ومن ضمن الحضيض التواجد غير المبرر في هذا الحيز الجغرافي والسياسي والثقافي الشائه جدا والمشبع بالتعالي علينا كسودانيين. هذه احدى مشاكلنا المزمنة بالتأكيد.

الاخ محمد المشرف

بالرغم من عدم مشاهدتى للفديو الذى احضرته ولكنى اثق فى كلامك

ورايي كالاتى : اتفق معه فى ماقاله فى الفديو الاول
ولا اتفق معه فى الفدبو التانى

( اعدلوا ذلك اقرب الى التقوى )

تحياتى

Quote: ثم اي اعلام جاد (وربنا بنصر دينو) هذا الذي ينتهز فرصة فيديو في الواتساب لمواطن عادي جدا للاساءة لشعب دولة كاملة

يا اخى العزيز انا ما عندى اى خلفيه عن اى اساءة لى شعب او دوله كامله ولا علم لى بى اى فديو يسئ لنا كاسودانيين من هذا الشخص محمد الملا

هذا هو الفديو الوحيد الذى شاهدته واعجبت به للاسباب التاليه

1 تحدث عن قناة الجزيره
2 تحدث عن فكره مهاجمه داعش لى مصر
3 تحدث عن جيش مصر
4 تحدث عن ابوبكر البغدادى

فى الاربعه اشياء الاتكلم عنها الملا انا اتفق معه لانه تكلم واوفى وهذا ما دعانى للاشادة به

Quote: ودولة والله والله والله نحنا بنشوف زيها مافي ذاتو.. وهي كذلك برغم انف كل الظروف .. وهي غير شوفنا ليها كذلك بالمقارنة بدولة كالكويت ..

هذا رايك وانا احترمه و الى ان يتحقق على ارض الواقع سيظل كلام انشائى الغرض منه تطميين النفس والجمهور الذى يطربه هذا النوع من الكلام وانا ليست واحده منهم

احمدونا
اوف بوينت كالعاده

جلالدونا

مافى سحر انقلب على الساحر ولا يحزنون

فى الفديو الاول من حقى الاشاده بما قاله مقدم البرنامج

ونفس هذا الشخص لو وجدته يتكلم بغير الحق ويسئ لى اى شعب فانى لا اتفق معه ولا اعيره اى اهتمام

كتبت زينب محمد عبد الله..

Quote: ما فهمته من هذا الفديو للاستاذ الكويتى محمد الملا انه تعرض لى حادثه ميكرفون قناة الجزيره الذى وضعه وزير خارجيه مصر سامح شكرى تحت الطربيزه

كدي يا زينب أثبت أنك من مؤيدي البيادة....ومفهوم الديمقراطية عندك عدة شغل ساكت..

Quote: كأحتجاج على ما تقوم به قناة الجزيره

,أثبت من حيث لا تدري أنك من مؤيد كبت الحريات العامة ...وحرية التعبير....والغربية أنك تعيشي في بلد ديمقراطي -- دستوره يخالف ما تروجين له....******بالمناسبة أسلوب وزير الغفلة هو أسلوب العاجز...لأن الحجة تدحض بالحجة...

الاخت العزيزة زينب ..

الفيديو بتاعك فيهو اشارة واضحة للفيديو الاول .. اشارة ارسال سلاح الجو المصري لضرب السودان..

اثق في حسن تقديرك للامور ولكنيي لن ادعو لمثل هذا المستوى من الاعلاميين بالنصر.

Quote: تضحض

امنت بالله .. بالذات الحتة دى اتكلمو فيها كتير فى المنبر ده
_____
ود المشرف .. لا فض فوك ياااخ
___
العزيزة زينب ما عندى غير اقول ليك
انقلب السحر على الساحر

محمد الملا ما هو الا (ماسورة) من مواسير الاعلام التي وجدت حظها من الظهور في هذا الزمن الغيهب الذي طالت فيه عمائم (الصغار) من امثال هذا المحمد ملا

فهو فارغ من المعرفة كفراغ فؤاد ام موسي وليس له من حظها الا النذر اليسير لتضخيم (حلقه) في الاساءة الي شعوب عمق مدن حضارتها ملايين السنيين عن بلاده

محمد الملا كغيره من (انصاف) الاميين وجد حظه (متشعبطا) كان اومتسلقا اعلام دولته الصغيرة ليس لان ( لغاليغو) كبيرة فقط انما لان ليس هناك من يعرف ان الاساءة للشعوب هو انحطاط حضاري .


ان من يجري ويترك (عياله) و(نعليه) امام جحافل جيش غازي لبلده احسن له ان (ينطم) ولا يتحدث عن الجيوش والشعوب

الاخت العزيزة زينب ..
تحية طيبة ..

Quote: هذا رايك وانا احترمه و الى ان يتحقق على ارض الواقع سيظل كلام انشائى الغرض منه تطميين النفس والجمهور الذى يطربه هذا النوع من الكلام وانا ليست واحده منهم

تسلمي يا عزيزتي ..

1/ هذا الكلام ليس كلاما انشائيا .. والذين يطربون له لا يطربون لكونه انشائيا.. بل لانه الحقيقة الغائبة عن اذهان لا تفهم هذا الوطن الجميل .. اذهان لا تعرف قيمة التراب .. قيمة التراب بالدولار وليست تلك القيمة المعنوية او الانشائية .. طال عليهم الامد فغابت الحسابات الواضحة عنهم .. السودان ده .. هذه الارض .. أغلى "بالدولار" من كم كويت مما يعدون ..

2/ اعلم تماما انك لم تكوني على علم باشارة هذا الملا "والكامنة في الفديو الذي اتيت انت به" .. اشارته نحو السودانيين وتهديدهم وتذكيرهم بتهديده السابق بسلاح الجو المصري .. واعلم ان لم تكوني على علم بما تفوه به هذا الاعلامي الخائب عن بلدك وناسك .. ولكني اعلم انك الآن تعلمين.

احترامي

جلالدونا
تسلم يا صديقي ..

شكرا اخى محمد المشرف لهذا الاسلوب المحترم مع من تحاوره

Quote: ولكني اعلم انك الآن تعلمين.

نعم علمت بعد مداخلاتك
وقلت لك بأنى لا اتفق معه
وارفض كلام محمد الملا جمله وتفصيلا وادين بشده محاولات ايا من كان للاساءة لى السودان وشعبه الكريم

ولكنه هذا العالم الذى نعيشه يا مشرف ملئ بى كل الوان الطيف ونحن نعرف قدر انفسنا وهنالك الكثريين يعرفون قدرنا
بس الحكمه تقتضى بان نكون منصفين ولا يعمينا الغضب ويقف بيينا وبين ان نكون شعب عملى وليس عاطفى ونستخدم
السب والشتيمه فى تقويم شخص ما ......يعنى الرد بالسد :)

ستي زينب كيفك
ولا ينبئك مثل خبير
حبيهم بس خلي لينا شئ
وين عزيز القارئ بشاشا

Quote: ......يعنى الرد بالسد :)

هههههههههه ..
نعم يا عزيزتي .. عاطفيون جدا ولكن .. العاطفية دي زاتها حاجة كويسة جدا.. وحتى الاساءة مسألة كريمة جدا كما أعتقد .. نسييء ونشتم ونعادي اي زول يسيء لهذا الوطن..