رغم نشاف راسك الملان يا عاطف عمر ...بهديك و ما بقدر ارد ليك طلب ...صاحبي من زمن الناس ما بتخبر زعل ...
Post: #2 Title: Re: إهداء لمن احب ... يا نورة يا نور القلوب ... Author: muntasir Date: 12-15-2015, 05:34 AM Parent: #1
احي انا يعني إلا نشاكلك حتى تهدي لينا يا (صاحب) لو سمحت الحنين البي ليه ما قدروا لعبدالله محمد مقدم واكون طالبك زرزرة قدام
Post: #3 Title: Re: إهداء لمن احب ... يا نورة يا نور القلوب ... Author: محجوب البيلي Date: 12-15-2015, 05:59 AM Parent: #2
إن فاتك الميرى ... اتدمدم ؤ نوم....................على سبيل التحية
Post: #4 Title: Re: إهداء لمن احب ... يا نورة يا نور القلوب ... Author: يحي قباني Date: 12-15-2015, 06:09 AM Parent: #2
Quote: احي انا يعني إلا نشاكلك حتى تهدي لينا يا (صاحب) لو سمحت الحنين البي ليه ما قدروا لعبدالله محمد مقدم واكون طالبك زرزرة قدام
شنو يا مونتي ياخي اخوك يتعرض لمحاولة ( إغتيال ) وما تجي تكابروا ؟خوتكم خوة ورق يا حبيب ...صاحبنا يا منتصر بلعب معانا كشاتين كل يوم سبت ...لامن ننشغل منو باقي الأسبوع نقوم نطراهو يوم الجمعة عشان ننسق ... و هو مشغول اكتر مننا ...اول ما نتكلم يوم الجمعة يقول لي خوتك بس ( أرمي البايظ ) ؟____________________________________________________قالوا النميري ما زعل من زول قدر ما زعل من خالد الكد لأنه كان صاحبو شديد ...و انا و الله خاد الكد زعلني هنا ... لكن اخوك ما بخبر زعل ...صاحبي ياخ اعمل شنو ؟ :)
Post: #5 Title: Re: إهداء لمن احب ... يا نورة يا نور القلوب ... Author: يحي قباني Date: 12-15-2015, 06:12 AM Parent: #4
Quote: إن فاتك الميرى ... اتدمدم ؤ نوم....................على سبيل التحية
ازيك يا بيلي ...لقيت مزيكتك الرايحة حقت عثمان حسين و لا ما جمعت لسه ؟اخوك كان مشغول شوية بس ... :)
Post: #6 Title: Re: إهداء لمن احب ... يا نورة يا نور القلوب ... Author: يحي قباني Date: 12-15-2015, 06:20 AM Parent: #5
لمن يستغرب و يتوقع ...هذا البوست و الاهداء لاخونا عاطف ... الذي سيكون حضوراً هنا متى ما رأى هذا العنوان ... لنثبت ما نقوله نحن اهل السودان كثيراً و لا ننفذه ...( الاختلاف ( في الرأي ) لا يفسد للود قضية )تلك نقرة و هذه نقرة أخرى ...له رأيه و لي رأي ... و ضاعت بعض الحقائق في الطريق ...و لكن يبقى ما بُني على أساس متين ... وهي الصداقة ...
Post: #7 Title: Re: إهداء لمن احب ... يا نورة يا نور القلوب ... Author: ياسر السر Date: 12-15-2015, 06:21 AM Parent: #5
يحيى قباني لو ما اهديت لي حاجة من بيت الكلاوي لا انت استاذي ولا انا بعرفك ,,, النشوف اخرتها معااااك ,, ويا العزاز انا نومي غزاز .. حبينا نمر ونسلم يا حبيب ... تحياتي : ياسر العيلفون ....
Post: #8 Title: Re: إهداء لمن احب ... يا نورة يا نور القلوب ... Author: muntasir Date: 12-15-2015, 06:33 AM Parent: #7
يا قبة قلنا ليك الزلمات الي حيث ذهبت ام قعشم والفلسطن في خطراتهم وود البشرى زي الزئبق ما بتقبض بي اخوي واخوك وزي ما قال الفنان نصحناك وابيت تقبل نصيحة وهديناك وابيت ما تنهدي حميناك الحوامة بقيت تَبَّيتْ بره
Post: #9 Title: Re: إهداء لمن احب ... يا نورة يا نور القلوب ... Author: يحي قباني Date: 12-15-2015, 06:44 AM Parent: #8
Quote: يا قبة قلنا ليك الزلمات الي حيث ذهبت ام قعشم والفلسطن في خطراتهم وود البشرى زي الزئبق ما بتقبض بي اخوي واخوك وزي ما قال الفنان نصحناك وابيت تقبل نصيحة وهديناك وابيت ما تنهدي حميناك الحوامة بقيت تَبَّيتْ بره
و مشيت تساهر و بقيت تجيني باكر ...و كمان جماعتك الحنين البي ما قدروا ...
Post: #10 Title: Re: إهداء لمن احب ... يا نورة يا نور القلوب ... Author: يحي قباني Date: 12-15-2015, 06:46 AM Parent: #9
Quote: يحيى قباني لو ما اهديت لي حاجة من بيت الكلاوي لا انت استاذي ولا انا بعرفك ,,, النشوف اخرتها معااااك ,, ويا العزاز انا نومي غزاز .. حبينا نمر ونسلم يا حبيب ... تحياتي : ياسر العيلفون ....
نهدي ليك كيفن ما نهدي يا فنان ...تدلل على قولة اهل الخليج :)
Post: #11 Title: Re: إهداء لمن احب ... يا نورة يا نور القلوب ... Author: muntasir Date: 12-15-2015, 06:51 AM Parent: #10
يا سلام يا قبة بعد ده أرش ليك ودالبشرى والطلبة القطريين بتاعين ابوظبي زي ما قال عمنا محمد سلمى التعلمجي في كلية الشرطة رحمة الله عليه
Post: #12 Title: Re: إهداء لمن احب ... يا نورة يا نور القلوب ... Author: جلالدونا Date: 12-15-2015, 07:51 AM Parent: #11
غايتو نحنا نشاكل و الهدايا لى عمرو كمان منتصر..... وش كان لمّ فيك بعضيك ...._____ربنا يديم الود بيناتكم ويحفظكم يا رب
Post: #13 Title: Re: إهداء لمن احب ... يا نورة يا نور القلوب ... Author: طلحة عبدالله Date: 12-15-2015, 09:30 AM Parent: #12
Quote: اخوك يتعرض لمحاولة ( إغتيال )
الصحيح محاولة (انتحار ).بوست كويس ما بطال .
Post: #14 Title: Re: إهداء لمن احب ... يا نورة يا نور القلوب ... Author: muntasir Date: 12-15-2015, 09:34 AM Parent: #13
طلحة عليك الله ما تشاكلني لكن زمني ده كله قايلك في السعودية لانو شكلك كده ما دبي دبي كما لا يفوتني أن أضيف والنعم في ناس السعودية
Post: #15 Title: Re: إهداء لمن احب ... يا نورة يا نور القلوب ... Author: طلحة عبدالله Date: 12-15-2015, 09:45 AM Parent: #14
أنا ما بشاكل إلا البشاكلني يا أخونا منتصر
Quote: لكن زمني ده كله قايلك في السعودية لانو شكلك كده ما دبي
أظن قصدك (إسمي ) لأنو ما أظنك شفت شكلي عموما أنا في العين وليس في دبي .. برضو كلامك فيهو جزء من الحقيقة لا شكلي ولا إسمي ما دبي دبي ......................يا يحي قباني معليش دا مرور للتمشيط ما أكتر ولا أقل .. لأنو بعد الحصل الواحد لازم يكون حريص برضو ..
Post: #22 Title: Re: إهداء لمن احب ... يا نورة يا نور القلوب ... Author: يحي قباني Date: 12-15-2015, 04:39 PM Parent: #15
Quote: أظن قصدك (إسمي ) لأنو ما أظنك شفت شكلي عموما أنا في العين وليس في دبي .. برضو كلامك فيهو جزء من الحقيقة لا شكلي ولا إسمي ما دبي دبي ......................يا يحي قباني معليش دا مرور للتمشيط ما أكتر ولا أقل .. لأنو بعد الحصل الواحد لازم يكون حريص برضو
و انا أقول دي ( عين )...
Post: #16 Title: Re: إهداء لمن احب ... يا نورة يا نور القلوب ... Author: ABUHUSSEIN Date: 12-15-2015, 09:46 AM Parent: #14
Quote: لو سمحت الحنين البي ليه ما قدروا لعبدالله محمد
لا حولاااااااااااا دا كان مقرش وين ... ؟؟؟؟ياخ في ناس كدا لم تقرا ليهم مداخلة تشوف نفسك شافع عديل كدا ... 😂😂😂😂طمنتني ياخ الله يطمنك ....
Post: #17 Title: Re: إهداء لمن احب ... يا نورة يا نور القلوب ... Author: Hassan Makkawi Date: 12-15-2015, 10:33 AM Parent: #16
Quote: لانو شكلك كده ما دبي دبي
ناس دبى دبى ديل كيف شكلهم؟مجرد سؤال بس....
Post: #21 Title: Re: إهداء لمن احب ... يا نورة يا نور القلوب ... Author: يحي قباني Date: 12-15-2015, 04:35 PM Parent: #13
Quote: الصحيح محاولة (انتحار ).بوست كويس ما بطال .
يعني ...ممكن تسميهو مدخل للخروج يا شيخ طلحة ...الدنيا علمتني انها ( دنيا ) ما بتسوى زعل و مقاشرة ...وان طالت ... فهي اقصر مما نتصور ...
Post: #20 Title: Re: إهداء لمن احب ... يا نورة يا نور القلوب ... Author: يحي قباني Date: 12-15-2015, 04:04 PM Parent: #12
Quote: غايتو نحنا نشاكل و الهدايا لى عمرو كمان منتصر..... وش كان لمّ فيك بعضيك ...._____ربنا يديم الود بيناتكم ويحفظكم يا رب
تسلم يا امير ...ياخي انت في زيك ...:)
Post: #18 Title: Re: إهداء لمن احب ... يا نورة يا نور القلوب ... Author: عاطف عمر Date: 12-15-2015, 11:01 AM Parent: #1
الشئ من معدنه لا يستغربومعدن قباني ذهب خالصوقلبه كامل البياض تماماً كقلب الرضيع نختلف في زوايا نظرتنا للأمور وذاك أمر طبعيترتفع أو تنخفض أصواتنا ولكن لا ينخض أبداً تيرمومتر المحبةنهمس أو نحتد لكن لا نسمح أبداً لـ خلاف عارض أن يهدد ( طوبة ) واااحدة في بنيان الصداقة الراسخة أبو عفان ... عثمان حسين هو كل وجدانيو ( نورة ) هى الأغنية التي تستدر عصى الدمع من مقلتي متى وأين وكيف ما سمعتها ...هذا البوست أهديه بـ ( كلياته ) لكل أولئك الذين يضيعون العزيز من أوقاتهم وأعمارهم في خصومات عبثيةوأهديه كذلك لكل أولئك الحاملين ( بقج غبائن ) يدورن بها بين البوستات________تسلم يا قبةتسلم يا حبيبنا
Post: #19 Title: Re: إهداء لمن احب ... يا نورة يا نور القلوب ... Author: muntasir Date: 12-15-2015, 11:51 AM Parent: #18
يا حسن دبي دبي ناس ارستقراطيين شفت مسلسل داون تاون ابي و جلابية سودا مكوية وكده او النقيض لابوالحسين بالانجليزي
Post: #23 Title: Re: إهداء لمن احب ... يا نورة يا نور القلوب ... Author: يحي قباني Date: 12-15-2015, 04:43 PM Parent: #19
Quote: الشئ من معدنه لا يستغربومعدن قباني ذهب خالصوقلبه كامل البياض تماماً كقلب الرضيع نختلف في زوايا نظرتنا للأمور وذاك أمر طبعيترتفع أو تنخفض أصواتنا ولكن لا ينخض أبداً تيرمومتر المحبةنهمس أو نحتد لكن لا نسمح أبداً لـ خلاف عارض أن يهدد ( طوبة ) واااحدة في بنيان الصداقة الراسخة أبو عفان ... عثمان حسين هو كل وجدانيو ( نورة ) هى الأغنية التي تستدر عصى الدمع من مقلتي متى وأين وكيف ما سمعتها ...هذا البوست أهديه بـ ( كلياته ) لكل أولئك الذين يضيعون العزيز من أوقاتهم وأعمارهم في خصومات عبثيةوأهديه كذلك لكل أولئك الحاملين ( بقج غبائن ) يدورن بها بين البوستات________تسلم يا قبةتسلم يا حبيبنا
كلمات لا تحتمل الرد ...تسلم يا صديقي ...
Post: #24 Title: Re: إهداء لمن احب ... يا نورة يا نور القلوب ... Author: عاطف عمر Date: 12-15-2015, 06:12 PM Parent: #1
جلالدونا يا عزيز
Quote: غايتو نحنا نشاكل و الهدايا لى عمرو كمان منتصر..... وش كان لمّ فيك بعضيك ....
ياخوي زى ( شكيلاتك ) السويتم ديلاك يمين الله ( رمية ) ساااااااى ما يجيبوها ليك خلي عنك تكون أغنية بحالها إنتو قايلين الشكل دا سااااااااهل كدا ؟؟
رحم الله عمنا ( ع ) كان ترزياً في سوق رفاعة وكان له خلاف مع أحد أشقائه استمر سنيناً لم تنجح كل الوساطات في احتوائه الإتنين راسم ناشف فوقف كل واحد منهم في مكانه ذات يوم جاء شاب يريد تفصيل جلابية عند عمنا ( ع ) اختلفا علت الأصوات تطاول الشاب على عمنا لم يتردد عمنا تناول عكازة من تحت الماكينة وطااااااااااااااااااااااخ ضربة واااااحدة وقع الشاب بدون حراك أخذوه وجروا به للمستشفى لبس عمنا جلابيته وتوجه لقسم الشرطة وسلم نفسه انتشر الخبر في سوق رفاعة ( ع ) كتل الشاب
سمع الشقيق ( المخاصم ) بالخبر جرى نحو المستشفى هناك تأكد له أن الشاب حى يرزق ، وأنه فقط كان مغمى عليه ربما من أثر مفاجأة الضربة توجه من مكانه لمركز الشرطة وذهب لـ شقيقه ( ع ) في الحراسة وخاطبه زعلاناً
" إنت يا الباطل وكت ضربت الولد ما كان تنجم ضربتك .... مخليهو لسه حى ليه ؟؟ "
نجم شكلتك تأتيك الروائع
تأمن وتصدق ؟؟ ( نورة ) دي بفتش عليها لى قريب العشرين سنة
Post: #25 Title: Re: إهداء لمن احب ... يا نورة يا نور القلوب ... Author: معاوية الزبير Date: 12-15-2015, 07:02 PM Parent: #24
لقاء العمالقةانتو اتشاكلو ونحن نستمتع بي جِدّيع الحجارة أو الزهور مع ناس منتصر
Post: #26 Title: Re: إهداء لمن احب ... يا نورة يا نور القلوب ... Author: عمر عثمان Date: 12-15-2015, 07:25 PM Parent: #25
يشهد الله أني احب المهندسينقباني وعاطفعاطف قابلتهقباني اتمنى مقابلتهوالدنيا ايه غير لمةناس في خيراو ساعة حزناو كما قال سيدناعبد الرحيم
Post: #27 Title: Re: إهداء لمن احب ... يا نورة يا نور القلوب ... Author: محمد البشرى الخضر Date: 12-15-2015, 09:38 PM Parent: #26
حركات مهندسين ساي, هي وينها الشكلة اللامن يهدوا ليها غنية ؟شكلة تبدأ بـ (يا صديق) وتنتهي بـ (مودتي) !! يا كافي البلا لا (يا صبي) لا (يا غواصة ) لا (يا غبي) دي شكلة ساي , مو نافعة :)
Post: #28 Title: Re: إهداء لمن احب ... يا نورة يا نور القلوب ... Author: Munir Date: 12-15-2015, 11:50 PM Parent: #27
Quote: حركات مهندسين ساي, هي وينها الشكلة اللامن يهدوا ليها غنية ؟شكلة تبدأ بـ (يا صديق) وتنتهي بـ (مودتي) !! يا كافي البلا لا (يا صبي) لا (يا غواصة ) لا (يا غبي) دي شكلة ساي , مو نافعة :)
ههههههه ..أحبك ياسودان ..
Post: #36 Title: Re: إهداء لمن احب ... يا نورة يا نور القلوب ... Author: يحي قباني Date: 12-16-2015, 05:46 AM Parent: #28
Quote: ههههههه ..أحبك ياسودان ..
يا حليلو الدوام بطراهو ...ازيك يا دكتور ...
Post: #30 Title: Re: إهداء لمن احب ... يا نورة يا نور القلوب ... Author: عاطف عمر Date: 12-16-2015, 05:25 AM Parent: #27
Quote: حركات مهندسين ساي, هي وينها الشكلة اللامن يهدوا ليها غنية ؟شكلة تبدأ بـ (يا صديق) وتنتهي بـ (مودتي) !! يا كافي البلا لا (يا صبي) لا (يا غواصة ) لا (يا غبي) دي شكلة ساي , مو نافعة :)
لا.... لا ..... لا يا عمكإنت ما تلخبط بين ( الشكلة ) و ( الكوماج ) ...الفيها ( يا صبي ) ، ( يا غواصة ) ، ( يا غبي ) دي كوماج ما شكلة
Post: #35 Title: Re: إهداء لمن احب ... يا نورة يا نور القلوب ... Author: يحي قباني Date: 12-16-2015, 05:44 AM Parent: #27
Quote: حركات مهندسين ساي, هي وينها الشكلة اللامن يهدوا ليها غنية ؟شكلة تبدأ بـ (يا صديق) وتنتهي بـ (مودتي) !! يا كافي البلا لا (يا صبي) لا (يا غواصة ) لا (يا غبي) دي شكلة ساي , مو نافعة :)
ما بتقدر يا هندسة ... هههههههههههههههحسي دي مطاعنة خشنة و لا ناعمة ... هههههلانو بصراحة الواحد انخلت ...صاحبك طلحة قال كلامي كلو مطاعنات و قسمها درجات ... خشنة و ناعمة ...زي كنافة الشوام ... :)
Post: #29 Title: Re: إهداء لمن احب ... يا نورة يا نور القلوب ... Author: عاطف عمر Date: 12-16-2015, 05:21 AM Parent: #26
Quote: يشهد الله أني احب المهندسينقباني وعاطف
يا عمر ياخ أحبك الله الذي أشهدتهمعرفتك شرفوحبك تاج فوق الجبينتسلم يا حبيب
Post: #33 Title: Re: إهداء لمن احب ... يا نورة يا نور القلوب ... Author: يحي قباني Date: 12-16-2015, 05:36 AM Parent: #26
Quote: يشهد الله أني احب المهندسينقباني وعاطفعاطف قابلتهقباني اتمنى مقابلتهوالدنيا ايه غير لمةناس في خيراو ساعة حزناو كما قال سيدناعبد الرحيم
حبنا و احترامنا ليك متبادل يا عمر ...انت من الناس الخطفت قلوبنا زمان ...ما تنقطع ...
Post: #31 Title: Re: إهداء لمن احب ... يا نورة يا نور القلوب ... Author: عاطف عمر Date: 12-16-2015, 05:28 AM Parent: #25
والله إفتقدناك يا ود الزبيربختك يا عممتجدع في السودانوتضرب في ( الزلابية )
Post: #37 Title: Re: إهداء لمن احب ... يا نورة يا نور القلوب ... Author: Kabar Date: 12-16-2015, 06:50 AM Parent: #31
يخرب مطنك ، يا صاح..!ولولا خوفنا من المطاوعية (بتاعين بنقرا المنبر ومعانا منو كده ما عارف ، كان الواحد لبسك حاجة اسكت ساكت خليها..!!..والكلام ليك يا عبد الله محمود ، يا المنطط عينك ، فابوعفان مرات اخير من أي خريطة طريق ومفاوضات وشنو كده ماعارف ، نحن كده ياااااخ..انتو كيف علي قول الليجند صديق عباس ، عليه الرحمة والسلام ودموع سبأ ، بت اللذينا ذاتها ياااااااااااااخ)..!عاطف ، عليك الله ابقى مارق ياااااااخ وتعال احجزنا من الخلق دي..!وبعد ،كويس يا يحي ، جبت ابو عفان بعيد عن زردية المبدع بازرعة ، والزين عباس عمارة..عوض خليفة..حاجة تانية ، زي نوع المعتق بتاع الخواجات البيكون داسينو خمس وسبعين سنة ، ويجوا يمرقوهو من باب الربح والإسترزاق ، وحاشاك يا صاحب لست ، انت من يسترزق باشغال عوض ، لكن وزنة النقة.. فانت زول الله زينا كده.. الجمال عندك ما ليهو تمن يااااااااااااخ..!ايام الدراسة بكلية القانون بجامعة الخرتوم ، صديقي وزميلي العزيز ، الأستاذ خالد بله ، من اهالي شندي الحنينة، مرة جاني باصرار عجييب للغاية ، وقال لي ارح احضر معاي حفلة ابو عفان في الجامعة ، وكانت الحفلة عاملينها ناس مدرسة العلوم الإدارية ، ودي الكلية المقابلة كلية القانون ، وكانت زمان شديييييييييييييييييييييد هي داخليات ( والله صحي يا دكين ، عليك السلام يااااااااااااخ)..اها.. قلت لخالد: ياخي عليك الله انساني من هجايص ناس البندر دي..!!..ياخي عمك الساعة الصر ليك خلقتو ، انا البدوي الراعي بتاع الخلا وشنو كده ما عارف ، قربت اتضاير..!قلت ليهو..اوكي.. لكن اشمعنا عثمان حسين؟.. صمت اخينا ، واداها صنه ، الصنه بتاعة الرأي العجيب ديك ، وقال لي: حاجتين: ح اطلب منو غنية بعينها ، والتانية عشان لو وقعت مني دمعة ما القي لي زول يشمت فيني ، وانت راعي ساكت ماح تشمت..!!!!!!!مشينا ، الحفلة كانت في نجيلة مدرسة العلوم الإدارية الخارجية (النجيلة البين السور والمدرسة ، والناس وكتها بتمشي فيها كزقاق ، باك آلي يا يحي ، يودي للميدان الشرقي ، وخلف السور بتاع الجامعة ، شارع الجامعة ، القاعد يجيب حافلات بحري ، بتاع رمضان زايد يا ناس بحري...وبتاع ناس عز الدين الصبابي ، ومحمود عبد العزيز ذاتو ياااااااااخ..!!)..ابوعفان كدأبه ، دقيق في المواعيد.. حفلة تبدا الساعة سبعة تبدا الساعة سبعة..اها قلت لصاحبي خالد..نقعد في الكراسي ، عمك طنطن وقال لي: يا زول انتا راعي من دار وين؟..الليلة ما يوم قعاد يااااااااااااااااخ..!ياخي من دوزنة ناس الكمنجات ، وخالد دميعاتو ..جب ..جب..تنقط زي ماسورة ناس بحري لمن الموية تدور تقطع..!..ويقول لي بصوت واضح وغريب: الأستاذ ح يغني الغنية الفلانية ، وتوشك الأستاذ يخش في نفس الغنية..!ولأني ، كنت عامل فيها دور الدكتور المراقب ، فكنت مصحصح وبقيت بدل اراقب الحفلة والجكس النضيف (وكت داك البيرة الساقطة كانت مافي ، وين يا عمك شريعة وجلدة سريعة..!!)..بقيت اراقب صاحبي وابوعفان..!ونشيل ونزحف ..و نشيل ونزحف ، لمن الفاصل انتهى ، لقينا روحنا ورا المنصة..وجها لوجه مع الأستاذ ابو عفان طيب الله ثراه وايامه وعبقريتو..!اها خالد ، قال ليهو ، يا استاذ عليك الله غني لي : نورة..!!صمت الأستاذ..تحدرت دمعة من عينو..وما عارف ليه؟..هل من غرابة الطلب؟..هل من المفاجأة من شاب يافع بيسمع الأستاذ بهذا العمق؟..المهم الأستاذ اعتذر لصاحبي خالد، بلطف جميل وانيق..وقال ليهو: الفرقة ما بتقدر تشتغل الشغل ده هسع..لكن ح اعوضك..!المهم التعويض كان شنو..مش مهم..لكن المهم..الجنني وجنن عبد القادر ، وبتاع حفلة يا سيدي بتذكرا قدورة بمزيكتو عطرا ، انو الدمعة الغريبة المتسللة..الدمعة الغامضة ..سواءا من الأستاذ او من صاحبي خالد بله..!!بعد الحفلة ، قلت لخالد: ما كنتا قايلك شيوعي قدر ده؟..قال لي : كيف؟قلت ليهو ، وانا الراعي بتاع الخلا الكل معرفتو (نورا شافت في رؤاها ، حيطة تتمطى وتفلع في قفى الزول البناها ، ثم نورا المغنية ، اجمل من ادى اغنيات استاذنا حمد الريح ، فقام حمد حنبك وقال :دك..!!)..نورا دي مش بتاعة الشيوعيين؟ضحك صاحبي خالد ، بصورة غامضة ، وقال لي: في نورة تانية يا شاب..!الجدير بالذكر خالد ذاك ، كان من ناس (الدايرة البتظهر حول القمر..!!)..لكن شن جاب نورة؟..ربك العلي الكريم يعلم..!!ياخي انا الجابني هنا شنو..!واهلنا قالوا يا يحي ، بليلة مباشر ولا ضبيحة مكاشر (يا ترى هل في زول هنا متذكر برنامج استاذتنا فايزة عمسيب – بليلة مباشر ؟؟؟؟؟)..هنا الختة بتاعتنا..ونحن برضك زي ناس منتصر منتظرين الصرفة بتاعتنا..!!حاجة من اشغال ، استاذنا عوض احمد خليفة ، شاعرة يا نورة يا نور القلوب ، ونحن بتهمنا التفاصيل الجميلة..الغنية ، اصلا ، اداها الذري ، لكن اللمحة دي ، نعتبرها نادرة ، ندرتها انو الشاعر عوض حاضر فيها ، اضافة لكائنات عجيبة ومدهشة: زيدان ، عبد اللطيف خضر ، محمدية..الخ..والندرة ايضا ، انو الناس بتعرف استاذنا عبد اللطيف خضر كملحن (ناس خلف الكواليس..!!) لكن نادر الناس تسمعو بيغني..!!نخطها هنا.. عسى ولعل تجيب اخونا وصديقنا المهندس عاطف..من تاني ذاتو..!!وبرضك ، بعد اذن صديقنا يحي ، ح نختها بي فيرشن تاني..وشوية تسبيب..ليه بنحب سماعها بالفيرشن ده..!تحايا للزمن السمح ، والناس اللسه بتحرص على تفاصيل الندرة السمحة..!يا ربي عوض خليفة ده قال شنو غير نورة..؟!!سلاما ، قولا من رب رحيم..!كبر
Post: #38 Title: Re: إهداء لمن احب ... يا نورة يا نور القلوب ... Author: Kabar Date: 12-16-2015, 07:10 AM Parent: #37
استاذنا عوض احمد خليفة ، لمن جات سيرة (غاية الأمال)..قال..والله الإ يغنيها معاي اللحنا ده..وكان يشير الى استاذنا الجميل عبد اللطيف خضر..!!اها الإتنين قاموا ، خافوى/زاغوا من مقطع معين فيها..!بنفس التقدير والتقليد.. غاية الأمال ، بعد سيدنا الذري عليه السلام ورضا المولى ، اكثر ما يجذبني فيها هو اداء.. الفنانة الشابة ، انصاف فتحي ..وانصاف عندها صوت بيجبرني على احترامو كتير خلاص.. مش لأنها غنت في حضرة وردي..لكن لأنو صوتها يشكل لي صلة روح بصوت اخر.. هو صوت الليجند امبلينا السنوسي..وفي حياتي لم اجد هذه الصلة الإ في صوت صديقتي الجملية جليلة رمضان (زولة من الدلنج).. ثم صوت انصاف..!تفاصيل كتيرة ..من قولة انصاف ( يا غاية..).. بتظهر ملامح صوت امبلينا..ثم تفاصيل اخرى كتيرة..كتيرة شديدة..يااااااااااااااااااخ..!سلاما في الرايعين ، الشابة انصاف فتحي...ياخي انتي زولة مفارقة شديد...!!!يا ريت ما اكون خرجت عن النص كتير يا يحي وعاطف ، ياخي ان شاء الله خروج زي بتاع عادل امام في (الود سيد الشغال) أو بالعدم (الزعيم)..!!!انا الجابني هنا شنو؟؟؟؟؟كبر
Post: #52 Title: Re: إهداء لمن احب ... يا نورة يا نور القلوب ... Author: يحي قباني Date: 12-17-2015, 07:05 AM Parent: #37
Quote: تحايا للزمن السمح ، والناس اللسه بتحرص على تفاصيل الندرة السمحة..!يا ربي عوض خليفة ده قال شنو غير نورة..؟!!
قال كلام عجيب يا كبر ...لو دايرين نخوض في كلام عوض احمد خليفة ... ما اظن نمرق سُلام يا صديقي ...و منك يا كبر ... و لي صاحبي العزيز العشمو فات عشمي ...كم مرة كم .. حاول يفرق بينا حاسد أو عزول ...كم مرة قالوا جنيت عليّ بدلت ضو أيامي ليل ...
Post: #32 Title: Re: إهداء لمن احب ... يا نورة يا نور القلوب ... Author: يحي قباني Date: 12-16-2015, 05:34 AM Parent: #25
Quote: لقاء العمالقةانتو اتشاكلو ونحن نستمتع بي جِدّيع الحجارة أو الزهور مع ناس منتصر
انا مفتقد وجهك الصبوح ده يا ود الزبير يعلم الله ...مشتاقين كتير و ان شاء الله الاهل لقيتهم جميعهم بخير ...
Post: #34 Title: Re: إهداء لمن احب ... يا نورة يا نور القلوب ... Author: يحي قباني Date: 12-16-2015, 05:37 AM Parent: #24
Quote: تأمن وتصدق ؟؟( نورة ) دي بفتش عليها لى قريب العشرين سنة
لو كان سألتني ما كان أخير من الحكاية ديك ....:)
Post: #39 Title: Re: إهداء لمن احب ... يا نورة يا نور القلوب ... Author: محمد أبوالعزائم أبوالريش Date: 12-16-2015, 07:22 AM Parent: #34
جهّزت كلام كتيييير .... ووقفت بين إني أردمو في البوست (داك) والاّ أفتح بيهو بوست براهوكده كفيتونا شر وجع قلب كتيربعد وجع القلب الوجعتونا ليهو .......... الله يهدينا ويزيد في هدايتكم
Post: #40 Title: Re: إهداء لمن احب ... يا نورة يا نور القلوب ... Author: Kabar Date: 12-16-2015, 07:30 AM Parent: #34
محجوب البيلي...تدمدم شنو يا حبيب..!نوم وين يا عم ، والمرتبة حسكنيت..!!فشنو ، الحسكنيت ، مرات يا محجوب.. برضك حنين..يااااااااااااااااااخ..!بطريقتك ، امشي شوف وين ناس العميد (بتاع الأسكايب) ، عمك بتاع (ادارة الحج في سنجة) ، ولا قريبتنا بتاعة وزيرة الدولة في وزارة العدل ، وبالعدم..هجايص عمك بتاع وزراة المالية ، ناس نرفعو الدعم عن الرغيف..!!دي المحن يا محجوب ، البتخليك تدمدم وتنوم.. لكن الذوق العالي.. الذوق الحنين..فهو مرتبة حنين.. حتى لو ادعيت انو الميري فاتك يا بــُلده..!!نوم وين..يا محجوب..!!!غايتو الخلق دي ، بتاعين الحنين السايب المجاني دول ، ر بها يديها العافية ساكت ، وهو اضعف الإيمان..!!كبر
Post: #41 Title: Re: إهداء لمن احب ... يا نورة يا نور القلوب ... Author: جلالدونا Date: 12-16-2015, 08:32 AM Parent: #40
سيدنا كبر .. اطال الله عمرهالجابك بى جاى شنو .. ياخى شكلاتى طلّعوها فشوش و كمان ماب تساوى رميةامشى شوف رهيد برديك وين و حذاراك تتحاوم بى جاىما تكتل قلبى بالشى الماب نقدر عليهو ده ياااخ____عزيزنا عاطفيمين الله كنتا بخاف منك عديل كدهمن يوم قريت ليك كلام كده... فى ناس كده من نشوف اساميهم فى المنبر ده بنجر الفارة طوالى .. او فى ما معناهوقلتا الزول ده خترى يا ود و زح من دربو تقوم فى محل الشكلة توصفنى بالصديق و هنا بالعزيزرمية شنو الجايى تقول عليهاياخى دى معلقة من عيون التوادد السودانى____بعدين يا ود البشرىياخى شكلنا شكل حضارىاشاكلك و اعزمك باسطة بى لبن فى حلوانى المدينة بالقضارف___قبانى .. اغنية الاستاذ بلاص عملت لى فيها شنوتجيبا وللا افرتق البوست ده
Post: #42 Title: Re: إهداء لمن احب ... يا نورة يا نور القلوب ... Author: Kabar Date: 12-16-2015, 08:32 AM Parent: #40
صديقنا منتصر..قالوا الحكمة في افواه المجانين ، ونحن بنقول في افواه ناس الضهب..!!تلاتين سنة يا منتصر ، وبسمع لأستاذنا عبد الله محمد ، ويوم واحد ما عرفت حكاية (مقدم ) دي الإ من مداخلتك الفوق دي.. فنحن قوم يا صديقي ، نرمي الحكمة بعد كل سفة تمباك نبصقها على الأرض ، ومن عجب لا ندري انها حكمة..!!والبوست مش بتاع يحي قباني؟..على بالحلال نتجدع يمين وشمال ..و الباقي نتمو شوبش ساكت..!..ويحي مخير.. القال ليهو يفتح ضهب زي ده شنو؟..تذكارك لعمك التعلمجي ، ذكرني حاجة طريفة يا منتصر.. صديقنا العزيز واستاذنا ابراهيم فضل الله (زول شاعر جميل ، وترجمان قاعد يترجم حاجات نادرة من الأدب الروسي في هذا المنبر العجيب)..اها ابراهيم كان دفعتي ايام الشهادة السودانية (لو بتذكرها) ، وكتر خيرو علمني حاجات سمحة منها لعبة الشطرنج وقراية شعر محمد عفيفي مطر وحسن طلب وامل دنقل وصلاح عبد الصبور..!!اها الزول ده في مفصل من حياتو .. دخل كلية الشرطة..وكنا بنتريق عليهو..ككيف زول مستنير قدر ده يمشي كلية البوليس؟!!.. فقام افحمنا وقال لينا: ما ياهو عوض مالك برضك بوليس..!!,,ما يا هو ابراهيم احمد عبد الكريم برضك بوليس..!!.. ( الأسامي دي يحي يوريك ليهم.. ..!)..طبعا ابراهيم فضل الله بعد سنة واحدة في البوليس قام لكع وسافر(على قول استاذنا بشرى الفاضل)..ثم انتهي به الأمر ..في قراية الهندسة في ديار الإتحاد السوفيتي طيب الذكر..!!عودا على بدء يا منتصر.. اجمل مافي الكائنات امثال عبد الوهاب الصافي ومحمود على الحاج وعبد الله محمد مقدم (على قولك) كانوا..اجمل ما فيهم.. انهم كانوا بيغنوا غنا كتبتو شاعرات.. الكلام ده يا منتصر..قبال ناس امسودان يعرفوا ثقافة الجندر ويقوموا عايرين بلا سوط..!!!عبد الوهاب الصافي ، غني للشاعرة حكمت يسن (الجرح جرحي براي ، منو البيداوي معاي) ، وعبد الله محمد غني للشاعرة/المحامي سمرقندية المحتسب/من بنات مدينة الأبيض ، والكلام ده قبال هامش وشنو كده ما عارف ، (غدر الزمن شغل القليب على زولا بيحن..!!)..ولاحقا زيدان ابراهيم غني (هناي وسعدي)..وحلف بي شنو كده ما عارف انو يورينا شاعرتها (طبعا نحن برانا ومن اجتهادنا عرفنا..لكن..!!!)..والله صحي يا منتصر..!!الحنين ، هي من اشغال الشاعر عوض جبرين..وهو شاعر جميل وعندو اشغال سمحة شديد وخلدت بالوجدان السوداني..!وطالما ذكرت عبد الله محمد مقدم.. فده الزول القام غنا لعبد العال السيد (زهرة السوسن ، عطرك الفواح للنفوس مسكن)..ذكرت عبدالعال تحديدا ، ونحيه من على البعد ، لأنو في خيط مجاور لأخونا ول ابا احمد الجبوري ، يبشرنا بان عبد العال كتب اغنية للفنانة الشابة شادن حسين..!!..شفت الحنين ده متشابك كيف يا منتصر..!وعندي يا منتصر ، اجمل اشغال عبد الله محمد مقدم ، غنية ( ألأيام سجية)..!زمان كنت بقول انو الليجند صديق احمد ، هو فنانين الفنانين..لأنو قاموا غنوا اشغالو.. ناس عظماء امثال عبد الرحمن عبد الله (ود بارا) ، الجيلاني الواثق ، ثم مصطفى سيد احمد..!!ولكن استاذنا عبد الله محمد مقدم ، برضك فنان الفنانين ، وناس كتيرة غنت اغانيه..وواجمل من غنى اغاني عبد الله هذا هو ، الأستاذ الليجند رمضان زايد..!وكت داك يا منتصر ، الحوار كان عالي شديد..عبد الله محمد يغني ( الأيام سجية) بعمة وجلابية ورق وكورس..فا يجي نابل رمضان زايد..و يقول ليهو دقيقة ياعمك..غنيتك دي ممكن يكون فيها تطريب عالي للغاية (لاحظ رمضان لمن ادى الغنية دي ، كان نجم التطريب الأول في العاصمة الخرتوم..!!)..فيقوم يلبس لبس افريقي ، ويشتغل ليك تطريب عالي للغاية..ويرقص..ويعمل ميلودراما..لمن الجماهير تتكيف في حنانها ذاتو..!!!الجدير بالذكر ، المسرح الشغال فيهو رمضان زايد ، لغنية عبد الله محمد مقدم (الأيام سجية) ، نفس المسرح غنت فيهو ام كلتوم..اما ليه الناس بتتذكر ام كلتوم ، وتنسى رمضان وعبد الله.. فدي محنة..بالجد محنة كبيرة خلاس..!!في الفيديو..ناس يحي وعاطف ح يتذكروا انهم اشتروا تذاكر الحفلة من محلات (عباس رشوان)..وح يتذكروا الخنافس..اما نحن بنتذكر حاجات ، خليها في سرك يا صديقي (فكلما اتسعت الرؤيا ، ضاقت العبارة..!!)..شكرا يا منتصر..الناس البتتذكر عبد الله محمد مقدم..ناس ما ساهلين..حتى لو كانوا هم ما عارفين الحقيقة دي...!!!ودمت..كبر
Post: #43 Title: Re: إهداء لمن احب ... يا نورة يا نور القلوب ... Author: طلحة عبدالله Date: 12-16-2015, 08:43 AM Parent: #42
Quote: طلحة قال كلامي كلو مطاعنات و قسمها درجات ... خشنة و ناعمة ...زي كنافة الشوام ... :)
يا (سيدنا ) العافية درجات بعد (اللخو ) سيدنا و شوية ح اناديك بالأخ وشوية شوية بالعزيز لغاية تصل للحبيب .. خخخخخالمهم ما أنا القلتا كلامك كلو مطاعنات بل كلامك هو القال بشهادة كل من مر بالبوست المقبور .. ما تغالط بس .تحياتي .
Post: #44 Title: Re: إهداء لمن احب ... يا نورة يا نور القلوب ... Author: Kabar Date: 12-16-2015, 09:18 AM Parent: #42
صديقنا ياسر العيلفون..ياخي كتر خيرك على الكتابة عن بلدة العليفون ، بلد ابونا ادريس الأرباب..وكنت ناوي اشاغلك هناك ببعض المعارف..لكن قلت اخير نسكت..!!عرفت من مداخلات كتيرة ، من بينها ونسات ول ابا احمد الجبوري ، انك زول مهموم بالغنا..و بتشتغل غني بتاع امسودان الواحد ده..واتمنى اسمع ليك اشغال يا صديقي..!هنا يا ياسر ، انتا طلبت من صديقنا الجميل يحي قباني أنو يديك من بيت الكلاوي..و يحي ، يا ياسر لمن تقول ليهو اديني من بيت الكلاوي.. بتقوم تجهجهو من غير ما تدري..والله صحي..!!..فهذه خلق يا صديقي ، من النقاء.. ممكن تسجد ليك..لمن تسترق الخلسة عشان تسجد قدام وردة ، تماما كما فعل سيدنا الجميل ادريس جماع لمن كان نزيل مستشفى التجاني الماحي ، كمجنون يا ياسر ، وقام استرق الحاجات (رقابة الرقيب الشرير اياها) فسجد امام وردة..أي والله..!!..ناهيك عن الحزن الشفيف ، ومن داخل مستشفى التجاني الماحي في ذات نفسو.. القام جاب حاجة سودانية عظيمة في مشهد الغناء..مثل شغل استاذنا سيد خليفة (ولى المساء..!!)..عرفت يحي زاغ من بيت الكلاوي ليه يا ياسر؟.. لأنو ..بيت الكلاوي هو بيت الحزن الشفيف..ويحي فيهو ما فيهو يااااااااااااااخ..يشرح شنو ولا يقول شنو..!!..(وين استاذنا محمد المرتضى حامد ، وين استاذنا دكتور احمد القرشي عبد الرحمن في الساعة الضيقة دي..؟..)..انا الجابني هنا شنو يا اااااااااااااااااخ..؟..واحدة يا ياسر ، وعلى مسئوليتي.. اظنها من بيت الكلاوي..وما تشتغل بالمعيار الرسمي (لأنو عاطف ويحي ديل انا ضابيهم ليك كربون..يعني نظام على مسئوليتي..ياخي ديل لمن يشوفو اشغال متل هادي..جعير اسكت ساكت خليهو..!!)..اهديك عيد الكواكب..!!!الغنية دي يا ياسر..من اشغال استاذنا الليجند عثمان الشفيع وكلمات استاذنا العظيم ود القرشي _(ده من مدينة ناس احمد الجبوري والفاتح ميرغني)..والغنية اسمها (عيد الكواكب)..!!..فيها حاجة يعني؟..بس يا ياسر..بحسك بتاع الغنا.. اسمع الشغل ده ، واسمع معاهو (الذكريات)..أي والله..!!الغنية دي قبال الذكريات يا ياسر..و نفس اللحن والتفاصيل..جات فيما بعد في الذكريات... فشنو.. قامت جماهير امسودان اهتمت بالذكريات ، اهتمام مرات بيصل لحد التعصب الأيدولوجي ، وقامت نست ليك (عيد الكواكب)..!!لو داير ، يا ياسر ، ميثاق الجمال ، وخريطة النقاء المفارق..فعليك..بــــيوم ، قالوا لي ، الأقمار عليمةانك تراها وتلمس لي ليما..!!يا ريتني.. يا ريتني..يارتينيابقى سعيد ، واشوف لي ديما..!!ولو داير الأيدولوجيا ، اقع ناس الذكريات..!!يا الفي الجنوب حي الشمال..وشنو كده ما عارف..!!دندن بيها ياسر ، دندن ، ان شاء الله في جلسة فيها زول واحد..وقول:يوم قالوا لي ، الأقمار عليمة..!!يا ربي ده من بيت الكلاوي ، ولا حاجة تانية يا يحي وعاطف؟..ياخي انا الجابني هنا شنو؟..ودمت..كبر..ــــــــــــــــــــــــــــــــــالأصدقاء يحي وعاطف ، لو تابعتوا الفيديو بدقة ، خلوا بالكم من ونسة العزفين ، حوالي الدقيقة الخامسة وانتا ماشي...ده نحن بنقراهو في افق تاني وتفاصيلو كتيرة وعميقة.. لأنو الفيديو عندنا هو رسالة وملمح من ملامح اشارات الأنثروبلوجيا الثقافية..!
Post: #45 Title: Re: إهداء لمن احب ... يا نورة يا نور القلوب ... Author: Kabar Date: 12-16-2015, 09:46 AM Parent: #44
ول ابا جلالدونا..حبابك يا صديقي..ياخي خربت الرصة ، وكنت داير اسأل اخونا محمد ابو العزايم من سؤال حابس لي حلقي من سنة دو..لكن ممكن نجي نسأل لاحقا لو عتبنا بي هنا..الجاتك في شكلاتك سامحتك يا حبيب..وطوالي قاعدين نقول لناس البورد ده ، كما قال سيدنا الفيتوري ، عليه السلام (الجاهل من ظن ان الأشياء هي الأشياء)..وطوالي قاعدين يطلعونا مجانين ساكت..عشان يستمروا في التجهيل اياه..!المهم يا جلالدونا.. على رواية من اثق فيهو.. الجماهير السودانية في القاهرة تقريبا ، سمعت ليك عبد العزيز محمد داوؤد يجوعر (اوتذكرين صغيرتي ، او لا تذكرين).. اها قام مواطن ، ظني مستنير وكده ، بي عدلوا قعد يتضجر..ككيف الزول ده يخرب غنية جمال فرفور..!!!!كاااااااااااااااااااااااك..و تاني ..كااااااااااااااااك..على قول حبيبنا ود الصايم..!رهيد البردي ، يا صديقي ، رغم جوعارة مبارك المغربي ، ناس يحي عملوا اضان الحامل طرشاء..اسوة بنظرية المستنير ابكر الطويل (في رواية اخرى ، ابوبكر عباس)..كن طاروا وكن ركوا بنديهم وزارة الثروة الحيوانية..والأمور بتمشي..!!عبد الرحمن بلاص حاجة نادرة يا جلال..فشنو..عشان ما يجي يافع تاني ويشبكنا واحد متخلف خرب غنية جمال فرفور..فهنا.. الليجند صديق الكحلاوي...غرقان..اي والله يا جلال..غرقان..!!!قالوا ، البلبل يعوم...يا عمك..!!!ودمت طيبا يا صديقي..كبر
Post: #46 Title: Re: إهداء لمن احب ... يا نورة يا نور القلوب ... Author: Kabar Date: 12-16-2015, 09:48 AM Parent: #45
و...السلام عليكم..!!كتر خيرك يا يحي..ياااااااخ..!والتحية لصديقنا عاطف عمر...واها دي الفسالة يا عاطف....كبر
Post: #49 Title: Re: إهداء لمن احب ... يا نورة يا نور القلوب ... Author: يحي قباني Date: 12-16-2015, 04:09 PM Parent: #46
Quote: السلام عليكم..!!كتر خيرك يا يحي..ياااااااخ..!والتحية لصديقنا عاطف عمر...واها دي الفسالة يا عاطف....
كبر يا صديقي ...انا حأبدا من هنا و ارجع ...و عليكم السلام ...ماشي وين.؟ اوعك تقول لي ماشي ...الجابتك البوست ده ما بنمرقك بي هين ...العبث الفوق ده تمشي تخلينا وين ... انت قايل اعصابنا بقت زي زمان ...و الله دميعاتنا بقت زي دميعات صاحبك و ابوعفان ...قاعدين ( ع الهبشة ) يا صاحب ... خليها اسكت ساكت بس ...
Post: #47 Title: Re: إهداء لمن احب ... يا نورة يا نور القلوب ... Author: عاطف عمر Date: 12-16-2015, 09:59 AM Parent: #1
إستمتعت حتى الثمالة بمداخلات حبيبنا كبروجاءتني نشوة ( حميدة ) بطعم الإرتواء وأنا أطوف في عواصمها وبواديها ووديانها وحدائقها وسهول ( رعيها ) وجاءت في ذات الوقت نشوة ( خبيثة ) بطعم ( الشماتة ) في صديقي اللدود ود القبانية ، وجدت أعماقي تردد شامتة أريد الله المو سر زول ..... ( الجملة الأثيرة للوالدة الحبيبة بت التلب متعها الله بالصحة والعافية ) أها أكرب بطنك ورد على مداخلات كبر دي عجبني ليك و تستاهلجاك السم القدر غداك___________وفي رواية خالد بلة وأبوعفان و ( نورة ) إنت متأكد أنو المعاك دا ما كنت أنا ؟؟ذات السيناريو وذات الطلب وذات الدمعة ( العثمانية ) شهدتها دار إتحاد طلاب جامعة الخرطوم في العام 1981 وأنا أطلب أغنية ( نورة ) الفرقة طولت ما وقعتها .... ناس محمدية وعربي محتاجين يوقعوا ؟؟؟لكن ( الدمعة العثمانية ) أنبأتني أن ثمة سبب آخر ...
Quote: يا ربي عوض خليفة ده قال شنو غير نورة..؟!!
إنا لله هو الما قالوا سعادة اللواء عوض شنو ؟؟ طرفة سمعتها من سعادة الفريق إبراهيم عبدالكريم وحكيتها كثيراً أن الشاعر الضخم الحسين الحسن قد سأله يوماً ( وين أخونا عوض أحمد خليفة ) ما ظاهر ؟؟يقول سعادة الفريق أنه أجاب الحسين أن اللواء عوض بعد أن فارق نظم الشعر قد فارق المنتديات الأدبية ولازم المسجد يؤم المصلين ويعلمهم أمور دينهمفتحير الحسين والحسن وسأل( هو عوض خايف من جهنم كدا مالو ؟؟ " عشرة الأيام " برااااها بتدخلوا الجنة ) سعادة اللواء حالة نادرة في الغناء السوداني ... بدأ نظم الأشعار في العام 1961 وتوقف تماماً عن نظم الشعر في العام 1968 عند زواجه ( يكون مالو ؟؟ ) لاحولا شوف أبو عفان لمن يغني ليهو ( دايماً أطيب خاطر الغالي وأسامحك لو نسيت ) ولا لمن يغني ليهو ( صدقيني وحياة غرامنا ما كذبت عليك في حبي ) ولا لمن يغني ليهو ( يا ربيع الدنيا في عيني ) ... ودي عندها قصة يحكيها ليك القباني داكمان شوف الكابلي لمن يغني ليهو ( كيف يهون عندك خصامي وترضى عن عيني تغيب ) وزيدان لمن يغني ليهو ( في بعدك يا غالي أضناني الألم )....ياخ الزول دا ( إستعجل ) وإتزوج ليه ؟؟
Post: #48 Title: Re: إهداء لمن احب ... يا نورة يا نور القلوب ... Author: ABUHUSSEIN Date: 12-16-2015, 12:24 PM Parent: #47
يعني في الشكلة تتلايقوا لمن تسلوا روحنا ....و في الـرشـوة برضو تتلايقوا لمن تسلو روحنا ....؟؟؟بعدين كبر دا ما حضر الشكلة الجابو هنا شنو ...؟؟؟طلحة قوم لف .....
Post: #50 Title: Re: إهداء لمن احب ... يا نورة يا نور القلوب ... Author: عاطف عمر Date: 12-16-2015, 08:58 PM Parent: #1
Quote: جهّزت كلام كتيييير .... ووقفت بين إني أردمو في البوست (داك) والاّ أفتح بيهو بوست براهوكده كفيتونا شر وجع قلب كتيربعد وجع القلب الوجعتونا ليهو .......... الله يهدينا ويزيد في هدايتكم
سيب الحركات دي يا أبوالريشما جيتو حجزتوا ليه ؟؟قايلني ما قاعد أشوف ( الجاء حجز منو والما جاء منو ) ؟؟إنت وود المرتضى وود أبسن .....( كراع الشكل ) جيابة نادي الكشافة ونادي البياطرة في شارع النيل كانا برنامجين أساسين لـ ( خمائسنا ) من البركس وكل خميس نمشي ليهم ضهبغالباً فيهم زيجات وخفلات وبنوت فيهن جنس سماحة ( الله قادر ) نستلم الرقيص والسكسة ونترك أهل العرس في حيرة ( نحن تبع منو ؟؟ )الحفلات تستمر حتى وقت متأخر ... لا الساعة حداشر ولا هم يحزنون رجعنا بعد حفلةنسمات النيل الصباحية تنعشناذكريات الرقيص والبسمات و ( التعارف ) يصصحناكلية الهندسة على يميننافجأة نسمع أصوات ( شكلة ) على ضفاف النيل توجهنا صوب الصوتشابينواحد ( مقبقب ) التانيوالتاني مسكين يحلف ( والله أنا ما كدا ) وصلناهم" خير يا جماعة ... مالكم ؟؟ .... في شنو ؟؟ "بسرعة رد ( فاعل ) القبقبة " أبداً .... مافي حاجة ... نحن أصحاب .... وبنهزر مع بعض .... شكلكم أولاد الجامعة ... إتفضلو أمشوا ما نأخركم سااااااى .... ""وبسرعى أكبر رد ( مفعول به ) القبقبة " يا شباب يا أولاد الجامعة أوووووعكم تمشوا .... نحن ولا أصحاب ولا حاجة .... ولا كنا بنهزر ..... الزول جاء معانا لزواج أختي ... وغشاني لمن جابني هنا وعاوز ......... إنتو موش كنتوا في نادي الكشافة .... دا زواج أختي " كانت أحلى ( حجازة ) عملناهاقلنا لشقيق العروس أجري بسرعة الحفلة خلصت والعربات بدت تتحركأجلسنا عنوة هذا ( الشفت ) لمدة ساعة كاملة أو تزيد وتأكدنا أنو كل العربات قد غادرت والنادي قد أغلق أبوابهوقلنا ليهو يلا ، أرجع أم درمان كداري
Post: #51 Title: Re: إهداء لمن احب ... يا نورة يا نور القلوب ... Author: عاطف عمر Date: 12-17-2015, 04:39 AM Parent: #1
جلالدونا يا حبةشفت كيف ؟؟حبة عدييييييل كدا
Quote: عزيزنا عاطفيمين الله كنتا بخاف منك عديل كدهمن يوم قريت ليك كلام كده... فى ناس كده من نشوف اساميهم فى المنبر ده بنجر الفارة طوالى .. او فى ما معناهوقلتا الزول ده خترى يا ود و زح من دربو تقوم فى محل الشكلة توصفنى بالصديق و هنا بالعزيزرمية شنو الجايى تقول عليهاياخى دى معلقة من عيون التوادد السودانى
تعرف والله ضحكت كترة ضحك في كلامك داوكمان اتحيرتوقوووووول انبسطتقلت لى كنت بتخاف مني وأني ختري عديل ؟؟عليك الله وريني الكلام الأنا قلتو ووصلك للحتة ديرسلو لى كان هنا كان في الخاص أو حتى قول مضمونوأصلو أنا مغرود فيهو شديدفي ناس كدا عاوز أخوفهم وأوريهم عين حمراء لكن ما عارف كيف ياخ في واحد كدا إتلحني من بوست لى بوست وأنا سااااااااااكت وهو ساااااااااارح وقايلني شنو ما عارففزى دا لو وريتني زى الكلام الخوفك دا والله بتكون خدمت أخوك خدمة كبيرة خلاص ثم الجملة دي عجبتني شديد خلاص
Quote: ياخى دى معلقة من عيون التوادد السودانى
كان لقيتني يوم مستخدمها أعفى لى ...
Post: #53 Title: Re: إهداء لمن احب ... يا نورة يا نور القلوب ... Author: محمد البشرى الخضر Date: 12-17-2015, 07:40 AM Parent: #51
كبر قضى على آخر امل لعودة البوست لمساره - المفترض :)هسّي على وزن نكتة باص الشنقيطي اي زول يقرأ من مداخلات كبر وانت طالع بصدق لو قالوا ليه دا بوست اعتذار عن شكلة (مزعومة)
Post: #54 Title: Re: إهداء لمن احب ... يا نورة يا نور القلوب ... Author: جلالدونا Date: 12-17-2015, 03:21 PM Parent: #53
Quote: كان لقيتني يوم مستخدمها أعفى لى ...
من هسى حقتك هى لولاك كان انكتبتبس كمان ما تعصر على فى حتة الخوف دىالشمّات كتار هنااخاف اقولا ..يختوها لىّ تاريخو بى مناسبة انبساطتك البتسعدنا دى و عشان تفك حيرتك برضونهديك بسمة الاياماصلو البوست بدا بى رشوةزى ما قال ابو حسينثم اغتيالو انتحارثم استغلالمن ود الزبيرو احتلال من قبل سيدنا كبر ادام الله ظله الفنىو ما علينانركب الموجة لامن يحين موعد الاستقلالو ربنا يجعل اياكم باسمة و هنية و رضية
Post: #55 Title: Re: إهداء لمن احب ... يا نورة يا نور القلوب ... Author: محمد أبوالعزائم أبوالريش Date: 12-17-2015, 08:04 PM Parent: #54
Quote: نادي الكشافة ونادي البياطرة في شارع النيل كانا برنامجين أساسين لـ ( خمائسنا )
كان جبنا سيرتم نحن، كان قلت لينا: نحن أولاد ضهاري وما بنعرف غير بنطون رفاعةيا قباني، النصيحة لي الله، "يا نورة" دي ما متذكر آخر مرة سمعتها متين.
Post: #56 Title: Re: إهداء لمن احب ... يا نورة يا نور القلوب ... Author: يحي قباني Date: 12-18-2015, 06:31 AM Parent: #55
تعال يا كبر شوف ابوسريع بقول شنو !!!محمد حسنين .. عن سيدنا العميد عن سيدنا الجاغريو طيب الله ثراهم جميعاً ...
Post: #57 Title: Re: إهداء لمن احب ... يا نورة يا نور القلوب ... Author: يحي قباني Date: 09-21-2017, 04:45 AM Parent: #56
بالله شوفوا ( الشكل ) كان راقي كيف ...
و الناس حلوة ... وود البشرى هزاره خفيف ...
حتى طلحة كان لطيف ...
Post: #58 Title: Re: إهداء لمن احب ... يا نورة يا نور القلوب ... Author: Zakaria Fadel Date: 09-21-2017, 11:10 AM Parent: #57
والله بوست ( سمين) و ثمين
نورة بتسجيل الإذاعة هيجت بعض ذكريات أقلها اذكرها انني استمعت في بداية السبعينات للقاء إذاعي مع البلابل وقتها كانت شقاوة الصبايا لازالت تغمرهن ( مازلن في ال teens من العمر) وحكت بلبلة ضاحكة هذه النكتة في اللقاء
عثمان حسين ماشي في ( الدرب الأخضر ) لاقتو ( نورة) جرحتها قزازة قال ليها ( تستاهلي)
Post: #59 Title: Re: إهداء لمن احب ... يا نورة يا نور القلوب ... Author: محمد أبوالعزائم أبوالريش Date: 09-21-2017, 06:35 PM Parent: #58
لا حولاااااااا ..... بوست من 2015؟
الله يطراك بالخير يا عاطف عمر
Post: #60 Title: Re: إهداء لمن احب ... يا نورة يا نور القلوب ... Author: يحي قباني Date: 09-21-2017, 07:10 PM Parent: #58
و الله نستاهل انحنا ديل يا زكريا ...
لكن نعمل شنو ... ده الموجود .... :)
Post: #61 Title: Re: إهداء لمن احب ... يا نورة يا نور القلوب ... Author: يحي قباني Date: 09-21-2017, 07:14 PM Parent: #60
Quote: لا حولاااااااا ..... بوست من 2015؟
الله يطراك بالخير يا عاطف عمر
نعمل شنو ياخ ...
القصة بقت كلها دوشمان ...
و الله اشتقنا لي عاطف ... رغم مايويته البائنة .... هههه
امكن الكلام ده يستفزو يجينا راجع ياخ .... :)
Post: #62 Title: Re: إهداء لمن احب ... يا نورة يا نور القلوب ... Author: محمد أبوالعزائم أبوالريش Date: 09-21-2017, 08:49 PM Parent: #61
Quote: القصة بقت كلها دوشمان ...
والله يا حبيب الواحد بقى محتار،
يا ريت الدوشمان لو في حاجة مفيدة. كلو أنا بفهم أحسن منك ... وإنت شهاداتك فالصو ...
فوق لي عدم الموضوع ده الناس يبقو كومي وكومك ... هلال ومريخ ... بري وموردة
الله في
Post: #63 Title: Re: إهداء لمن احب ... يا نورة يا نور القلوب ... Author: يحي قباني Date: 09-21-2017, 09:00 PM Parent: #62
Quote: والله يا حبيب الواحد بقى محتار،
يا ريت الدوشمان لو في حاجة مفيدة. كلو أنا بفهم أحسن منك ... وإنت شهاداتك فالصو ...
فوق لي عدم الموضوع ده الناس يبقو كومي وكومك ... هلال ومريخ ... بري وموردة
الله في
عاااااادي يا عمك ...
ذكروني عمك حسن عبيد الشايقي الله يرحمه لم زرّ الولدين البتغالطوا جنب داخليات المدرسة ... هههه
....................على سبيل التحية 
طلحة قوم لف .....
