Post: #2 Title: Re: مدير الحج و العمرة هدد برلماني بالقتل لكش� Author: علي عبدالوهاب عثمان Date: 12-07-2015, 09:10 AM Parent: #1
التحية للاستاذة نعمات على هذا التنوير ونحن في اصقاع الدنيا نبحث عن رزق شريف إستغفر الله من حق هؤلاء ..ما في دخان بدون نار ..يبدو أن الأمر لقد تضخم ولم يسع إلا أن يطل برأسه من كثرة ممارسة النهب والسلب والخداع أصبح الموضوع عادي وممارسة يومية حتى في ركن في أركان الاسلام ..زمان كان النوع ده من الناس الواحد يلهط شوية مصاريف كده ( لقعدة الخميس أو سهرة إخوان ) تحت نظرية الحرام يذهب حيث أتى .. يعني كده مصاريف القعدات .. كم جنيه هذا إذا وجد فرصة .. ولكن اليوم عشرات القنوات المالية الفاسدة خارج نطاق المسار المالي بالله واحد يسرق قروش الحجاج وكمان يحج .. إحرام ودعوات وطواف ..أترك عنك البشر .. هذا النوع بدأ يتطاول على الخالق عز وجل ..مفروض الحج يرجع زي زمان كل واحد يحج على كيفه .. عيب والله .. عيب .. وتصرف مشين .. شكراً لهميمة نعمات .. شكراً كثير
الجميلة نعومي كيف حالكان شاء تكوني بخير وعافيةعليك الله يا نعومي ديل فرقهم شنو من المصريات وغيرهم اللي يجو الحج بغرض النشل والسرقة؟الله يكسف الكيزان محل ما قاعدين ......والغريبة عينهم قوية وبتفاصحوا وما بيخجلوا...لا حول ولا قوة الا بالله ....يا ربي تخسف بيهم الارضشكرا يا نعومي
Post: #4 Title: Re: مدير الحج و العمرة هدد برلماني بالقتل لكش� Author: Munir Date: 12-07-2015, 05:15 PM Parent: #3
سلامات نعمات ..الزوول الإسمه المطيع ده يوم شفته فى برنامج بقعة ضوء أيام مشاكل الحج السنة الفاتت .. ومن شفته يطيِّر فى عيونه شمال ويمين خمَّنت إنه زوول ما نضيف .. الفساد كان ظاهر من وجهه .. إتضح تماماً أن عنان الفساد إنطلق وأصبح خارج السيطرة ..
Quote: ومن شفته يطيِّر فى عيونه شمال ويمين خمَّنت إنه زوول ما نضيف .. الفساد كان ظاهر من وجهه ..
منير سلامدي ابدعت فيها، بقيتوا بتعرفوا الفساد من الشكل ههههههههههالمهمأنا ما بفتكر إنه المشكلة في الفساد في حد ذاته، أي دولة ونظام مهما كانديمقراطي وحر، وفيهو سلطة قانون وقضاء مستقل، برضه فيه فسادالمشكلة نحن في السودان ما عندنا نظام محاسبي، ولا استقلاليةبتاعة قضاء ولا قوة قانون عشان تحسم أمر الفساد.كلما يكتر الكلام عن الفساد بنسمع الرئيس عمل ليهومفوضية فساد، ودا دليل إنه ما في قانون بيحاسب الفسادلأنه لو في قانون ما بتحتاج تعمل مفوضية من أساسهالشاهد في الموضوع: فساد الحج والعمرة حيستمروأخير يخلوا الزول بتاع منير المنطط عيونو داعسى ولعل إنه يكون شبع ويوقف نهبلأنه لو شالوهو وجابو زول جديد حيبدا من اول وجديدالقصة قصة قانون يستوى عنده الجميع وقضاء مستق وصحافة حرة وديمقراطيةبعد داك ما في زول بيتجرأ يفسد
Post: #6 Title: Re: مدير الحج و العمرة هدد برلماني بالقتل لكش� Author: Munir Date: 12-07-2015, 08:14 PM Parent: #5
Quote: الشاهد في الموضوع: فساد الحج والعمرة حيستمروأخير يخلوا الزول بتاع منير المنطط عيونو داعسى ولعل إنه يكون شبع ويوقف نهبلأنه لو شالوهو وجابو زول جديد حيبدا من اول وجديد
يعنى يا أبو الصحب معنى كلامك ده مفروض نخلى الحيكومة دى فى محلها عسى ولعل إنها تشبع وتوقف الإفساد، لأنو لو جات حكومة معارضة حيبدوا المأكلة من أول وجديد .. مو كدى؟؟ .. زمان أنا كتبت بوست عن أن المشكلة ليست فى القانون، بل فى تطبيق القانون والمساواة أمام القانون .. وضربت مثل إنو زمان عند محادثات نيفاشا وإصرار الحكومة على تطبيق الشريعة ووو .. قلت جون قرنق كان يقول ليهم خلاس الشريعة ده نطبقوا .. بس نبدأ الآن ونطبق على أى وزير أو مدير نهب المال العام .. أنقر ما كانوا نطّوا ؟؟
Quote: لأنو لو جات حكومة معارضة حيبدوا المأكلة من أول وجديد .. مو كدى؟؟ ..
منيركيفكحكومة معارضة في ظل ديمقراطية وحكم قانون ما بتقدر تنهب النهب دا.وبراك شفتا نفس الناس ديل (ناس الجبهة) كانوا في حكومة ديمقراطية وفي معارضةما قدروا نهبوا النهب دا.طبعاً لا يُخفى عليك السخرية في الموضوع دا.القصد في النهاية هو التنبيه إلى انه الموضوع هو موضوع فصل بين السلطات وحريات وديمقراطيةعشان الفساد ما بيعيش في الضوء.وشفنا برانا لمن البشير عمل الانقلاب بتعاه وبدت محاكمات الفساد كلها طلعت فشوش ساكتمش لانه ما في فساد، لكن لأنه الخوف في ظل النظام الديمقراطي بيخلياي فساد يعمل مليون حساب قبل ما يفسد.
Post: #8 Title: Re: مدير الحج و العمرة هدد برلماني بالقتل لكش� Author: Munir Date: 12-07-2015, 09:52 PM Parent: #7
قلت لى الديمقراطية حصانة ضد الفساد هههه .. والله يا الصادق راجيك مشوار طويل عشان تستوعب ميكانيزم الفساد فى أعتى دولة ديمقراطية فى العالم ، وهى بلد إقامتك أمريكا والذى فاقت ديونها ترليونات الدولارات .. فساد فى السيستم فى عضمه .. أنت فقط لا تراهو لأنك منبهر زيك وزى أى زوول جاى من بلد فقير لا يرى الصورة الكبرى ــ ولا يرى نتاج هذا السيستم الديمقراطى المعوج الملكى الذى أتى ببوش الأب وبوش الإبن و بوش آخر فى الطريق .. توفر القرش هو ما يعمى وافدى الدول الفقيرة عن الصورة الكبرى ، زى مدح مغتربى الخليج لملوك وشيوخ الخليج بسبب وفرة القرش التى تغطى على كل المساوئ .. شاهد الفيديو ده عشان تاخد فكرة السيستم شغال كيف ..
Post: #9 Title: Re: مدير الحج و العمرة هدد برلماني بالقتل لكش� Author: نعمات عماد Date: 12-08-2015, 07:58 AM Parent: #1
سلام و تحية طيبة العزيزة فريدة و الأعزاء المتداخلوننسبة لانقطاع الكهرباء اكتب من الهاتف و سأرفع الصور لاحقا . سعدت بمداخلاتكم و أعدكم بالرد بالتفصيلفي الصحف اليوم خبر هروب المطيع من مناظرة تلفزيونية مع النائب البرلماني عمر عبدالله دياب رغم ملاحقةمقدم البرنامج الطاهر حسن التوم له عبر الهاتف . النائب البرلماني رفض المشاركة في الحلقة بدون المطيع .
Post: #10 Title: Re: مدير الحج و العمرة هدد برلماني بالقتل لكش� Author: علي عبدالوهاب عثمان Date: 12-08-2015, 08:24 AM Parent: #9
Quote: نسبة لانقطاع الكهرباء اكتب من الهاتف و سأرفع الصور لاحقا . سعدت بمداخلاتكم و أعدكم بالرد بالتفصيلفي الصحف اليوم خبر هروب المطيع من مناظرة تلفزيونية مع النائب البرلماني عمر عبدالله دياب رغم ملاحقةمقدم البرنامج الطاهر حسن التوم له عبر الهاتف . النائب البرلماني رفض المشاركة في الحلقة بدون المطيع .
الاستاذة نعمات ..زول متهم بالسرقة كمان مال الحجاج ..بدل المثول في المحكمة يمثل امام مقدم برامج ..أغرب بلد في العالم ..نحن هنا في جدة نعايش واقع هؤلاء الحجاج ومعاناتهم ..التحية ..
Post: #11 Title: Re: مدير الحج و العمرة هدد برلماني بالقتل لكش� Author: Munir Date: 12-08-2015, 09:55 AM Parent: #10
Quote: دي ابدعت فيها، بقيتوا بتعرفوا الفساد من الشكل هههههههههه
الصادق صباحاتك بخير إنت والأخت نعمات والآخرين ..الإستنتاج بتاعى عن الزوول ده ليس فقط من المظهر، بل فى ردوده المجهجهة مصحوبة بالتلفت وطيارة العيون وتقلبها فى أرجاء الأستوديو زى الحرامى الفى راسه ريشة ..
Post: #12 Title: Re: مدير الحج و العمرة هدد برلماني بالقتل لكش� Author: Frankly Date: 12-08-2015, 12:02 PM Parent: #11
يا منير الفساد دا قانوني وبعد كم سنة كدا الواحد فيهم يتحلل ويحج حجة أخيرةويا دار ما دخلك شر (يقرأ مال حرام)أنت ما سمعت بمصطلح فساد مقننياهو دا ذاتوا مقنن زي اللبن
Post: #13 Title: Re: مدير الحج و العمرة هدد برلماني بالقتل لكش� Author: نصر الدين عثمان Date: 12-08-2015, 12:55 PM Parent: #12
دكتورة نعمات وضيوفك الكرام.. تحياتي،كانت هناك حلقة في برنامج (حتى تكتمل الصورة) بين مدير هيئة الحج (المطيع محمد) والنائب البرلماني (عمر دياب)..وانتهت الحلقة بطريقة دراماتيكيـــة .. عندما تغيب (المطيع محمد) دون اعتذار .. ثم رفض النائب البرلماني (عمر دياب) التحدث عن التهمة الموجهة ضد (المطيع) برغم اصطحابه لجميع المستندات التي يزعم بأنها تؤيده اتهامه..فانسحب عن الحلقة بحجة تغيب الطرف الآخر وانتفاء مقومات المناظرة حسبما أبان..
Post: #14 Title: Re: مدير الحج و العمرة هدد برلماني بالقتل لكش� Author: نصر الدين عثمان Date: 12-08-2015, 01:01 PM Parent: #13
Post: #15 Title: Re: مدير الحج و العمرة هدد برلماني بالقتل لكش� Author: Munir Date: 12-08-2015, 02:26 PM Parent: #14
النائب البرلمانى ده زاتو من واجبه يفتح بلاغ ويصعِّد الموضوع للآخر ، لو اصلو هو أمين على حقوق الناس .. وزى ماقال أحد الإخوة هذه القضايا ليس محلها القنوات التلفزيونية بل القضاء .. عشان وزير العدل يتزنق فى الزاوية الضيقة .. موت موت حياة حياة طالما الزول قدّم نفسه لخدمة الجمهور وظل ياخد عليها قروش بدعاوى عضوية البرلمان ..!!!
Post: #16 Title: Re: مدير الحج و العمرة هدد برلماني بالقتل لكش� Author: Mohammed Elhaj Date: 12-08-2015, 04:53 PM Parent: #15
النائب البرلماني لايوق
Post: #17 Title: Re: مدير الحج و العمرة هدد برلماني بالقتل لكش� Author: علي عبدالوهاب عثمان Date: 12-08-2015, 05:16 PM Parent: #16
Quote: النائب البرلمانى ده زاتو من واجبه يفتح بلاغ ويصعِّد الموضوع للآخر ، لو اصلو هو أمين على حقوق الناس .. وزى ماقال أحد الإخوة هذه القضايا ليس محلها القنوات التلفزيونية بل القضاء .. عشان وزير العدل يتزنق فى الزاوية الضيقة .. موت موت حياة حياة طالما الزول قدّم نفسه لخدمة الجمهور وظل ياخد عليها قروش بدعاوى عضوية البرلمان ..!!!
حبيبنا منير .. تحياتي ..يبدو أن النائب نفسه عايز ظهور إعلامي فقط ..ما دام معاه وثائق من المفروض أن يسلمها للقضاء ، النائب العام ، العدل ..ليست لدي معرفة بالقانون ,, هل يمكن للقضاء ان يتدخل بدون بلاغ ؟ برلمان لديه وثائق وإثباتات كما يدعي هذا النائب .. والموضوع يكون حديث مجالس وتحدي في التلفزيون وتسجيل أهداف وإنتصارات ذاتية ..!!!!!!!!ألا يوجد في البرلمان نظام لإحالة مثل هذه القضايا إلى الجهات العدلية ..=====المحاكمات التلفزيونية وإثارة المواضيع العدلية هكذا .. تذهب بهيبة العدالة والقضاء ..معليش نقاش فكري ، فني ، مناظرات سياسية ، رياضية .. الخ ومثل هذه الوثائق لا تكشف أمام الكاميرات .. لأن المتهم نفسه ممكن يعمل كافة الاحتياطاتلحماية نفسه .. أغبى برلمان في العالم .. برلمان بدون مرجعية قانونية ومستشارين ..تحياتي للاستاذة نعمات ..
Post: #18 Title: Re: مدير الحج و العمرة هدد برلماني بالقتل لكش� Author: Munir Date: 12-08-2015, 09:44 PM Parent: #17
أخى الفضيل علي عبدالوهاب عثمان .. آسف أنى أشرت لملاحظتك النابهة عن مثول هؤلاء المتهمين فى البرامج التلفزيونية بدلاً عن المحاكم بدون أن أذكر إسمك .. إذ أن عباراتك علقت فى ذهنى وذكرتها من طرف الذاكرة بدون الرجوع لأول المداخلات .. فأرجو العفو .. وطبعاً ما ذكرته أنت فعلاً نقطة ساطعة فى هذا الشأن العجيب .. لكين حقوق الحجاج والشعب السودانى ما بيضيع ... كله فى ميزان حسناته وسيئات هؤلاء الفاسدين ..
Quote: ي دولة ونظام مهما كانديمقراطي وحر، وفيهو سلطة قانون وقضاء مستقل، برضه فيه فسادالمشكلة نحن في السودان ما عندنا نظام محاسبي، ولا استقلاليةبتاعة قضاء ولا قوة قانون عشان تحسم أمر الفساد.
منيرسلاممالك داير تبقى لي زي صاحبنا (حاتم)اقول ليك إنه أي نظام مهما كان حر وديقراطي برضه فيه فسادتجي تقول لي امريكا، أمريكا أنا عايش فيها وشايف الفسادوهنا معروف أي زول بيقول ليك(افسد زي ما داير بس ما تنقبض)وأمريكا ديمقراطية راسمالية يعني التمثيل فيهاللناس العندهم قروش.وديمقراطية بالنسبة لي ناقصة كتيروأنا ما النوع البينبهر بحاجة عايش فيهاوشايفها قدامي.لو كنت برة كنت ممكن انبهر لكن أنا جزء من السيستم وشغال وعايش فيه.المهم نرجع لموضوعونالمن اتكلم عن الديمقراطية فأنا بقصد ولاية الناس على السلطة والمال بتاعهمعبر اجهزة رقابية ومحاسبية فعّالة.أها دي لمن تتحق حتخلي مسألة الفساد صعبة جداً ومعقدة، وممكن يتم قفل الثغراتلكن بغياب أي أجهزة محاسبية ورقابية وولاية الناس على المال العامبيبقى الفساد هو الديدنودا الحاصل علينا.الفساد حيظل موجود في أي نظام لكن حيكون أسهل محاربته في ظل نظام ديمقراطيفيه فصل للسلطات وفيهأجهزة رقابية ومحاسبية قوية
Post: #20 Title: Re: مدير الحج و العمرة هدد برلماني بالقتل لكش� Author: Munir Date: 12-09-2015, 11:39 AM Parent: #19
الصادق سلامات .. يبدو إنك ما اشتغلت بالفيديو الأنا تعبت وعتلته جبته ليك عشان تعرف نوع الفساد المؤسسى بالقانون .. الشغلة ما قصة زول حرامى هنا وهناك قبضوه رموه فى السجن !! .. القصة فى الخدعة المؤسسية المالّية التى تستنزف المواطن بالقانون ولا تحتسب جريمة !! ــ الخدعة المالية التى تغرق الدولة فى ديون بالترليونات !!.. الديون التى تجعل دولتك تشن الحروب وتقتل الملايين من الفقراء لنهب ثرواتهم لتوفر ليك الراحة التى تجعلك تلهج بشكرها والحارس الأمين على سمعتها والمبرراتى لها رغم أطنان اللهيب المصبوب على الفقراء الذين تستمتعون بثرواتهم المنهوبة .. ولا ألومك .. هكذا الحياة ياخى هكذا الحياة .. كل ابن آدم ينظر لها من خُرم القوقعة التى تريحه ...
Post: #21 Title: Re: مدير الحج و العمرة هدد برلماني بالقتل لكش� Author: علي عبدالوهاب عثمان Date: 12-09-2015, 12:17 PM Parent: #20
Quote: الصادق سلامات .. يبدو إنك ما اشتغلت بالفيديو الأنا تعبت وعتلته جبته ليك عشان تعرف نوع الفساد المؤسسى بالقانون .. الشغلة ما قصة زول حرامى هنا وهناك قبضوه رموه فى السجن !! .. القصة فى الخدعة المؤسسية المالّية التى تستنزف المواطن بالقانون ولا تحتسب جريمة !! ــ الخدعة المالية التى تغرق الدولة فى ديون بالترليونات !!.. الديون التى تجعل دولتك تشن الحروب وتقتل الملايين من الفقراء لنهب ثرواتهم لتوفر ليك الراحة التى تجعلك تلهج بشكرها والحارس الأمين على سمعتها والمبرراتى لها رغم أطنان اللهيب المصبوب على الفقراء الذين تستمتعون بثرواتهم المنهوبة .. ولا ألومك .. هكذا الحياة ياخى هكذا الحياة .. كل ابن آدم ينظر لها من خُرم القوقعة التى تريحه ...
حبيبنا منير وحبيبنا الصادق ..يا سلام على هذا النقاش والمناظرة .. أرجو منكم رجاء خاص فتح بوست بهذا الموضوع استاذنا منير نفس الكلام في بوست منفصل .. ربما حسب العنوان يأتي أخواننا من هم في عالم الاغتراب الغربي في مناقشة وجدل ومناظرة حتى نعرف حقائق المواضيع لأول مرة أقرأ مثل هذا الكلام إستاذنا منير .. بالنسبة لنا نحن الذين لم نعايش تلك المجتمعات لم نلاحظ هذه الممارسات .. ولانكم من دافعي الضرائب تعرفون الموضوع ..شكراً استاذنا منير واستاذنا الصادق ..نحن في الانتظار ..
Post: #22 Title: Re: مدير الحج و العمرة هدد برلماني بالقتل لكش� Author: نعمات عماد Date: 12-24-2015, 08:40 AM Parent: #21
سلام و أطيب التحايا للأخت العزيزة فريدة و الأخوان الأعزاء الذين أثروا هذا الخيط و خاصة النقاش الجميل الذي دار بين الأخ الصادق إسماعيل و الأخ منير و الأخ علي عبدالوهاب عثمان .شكرا كثيرا للباشمهندس بكري و لكم على أمل العودة للردود و متابعة النقاش من النقطة التي وقف عندها .مع خالص الإحترام للجميع .
Post: #23 Title: Re: مدير الحج و العمرة هدد برلماني بالقتل لكش� Author: حيدر حسن ميرغني Date: 12-24-2015, 08:50 AM Parent: #22
بالله حتى الحج لبيت الله يفسدوا فيهياجماعة الناس ديل جايين من وينالله يكتلهم كلهم ياخ
Post: #24 Title: Re: مدير الحج و العمرة هدد برلماني بالقتل لكش� Author: درديري كباشي Date: 12-24-2015, 09:15 AM Parent: #23
لا حول ولا قوة الا باللهزمان كان في عرفنا وأدبنا الشعبي يصف الآنسان بقمة الفساد عندما يقال ( فلان ياكل مال النبي )ما كنا نتخيل أن يصل الأمر لأكل مال الله مباشرة .. وفي فرض من شدة صعوبته فرض على المسلم مرة واحدة في العمر كله ياخ الحجاج ديل فيهم من يبيع أغلى ما يملك ليحج مرة واحدة في عمره ( بقر وحواشات وعربات وذهب زوجته وقطع أراضي وبيوت )لأن الرسوم حتى مبالغ فيها .. الحج من السودان يكاد يكون أغلى من اندونسيا مع أنه عندنا مقطع بحر فقط .ليسرقها هؤلاء ويتصارعوا ويهددوا من يفضحهم أعوذ بالله
Post: #25 Title: Re: مدير الحج و العمرة هدد برلماني بالقتل لكش� Author: علي عبدالوهاب عثمان Date: 12-24-2015, 09:33 AM Parent: #24
Quote: لا حول ولا قوة الا باللهزمان كان في عرفنا وأدبنا الشعبي يصف الآنسان بقمة الفساد عندما يقال ( فلان ياكل مال النبي )
يا سلام كلام بيلغ اخي كباشي ..مين كان مصدق أنه شخصيات زي دي تظهر آخر الزمن ..كنا نعتبرها شخصيات خيالية ... ( الغول والعنقاء ) .. للتهويل والتخويف ..الله يرحم الاباء .. ماذا كان موقفهم .. لو حضروا هذا الزمن العجيب ..وهل نامت القضية .. وإلى اين وصلت ..؟؟مودتي
Post: #26 Title: Re: مدير الحج و العمرة هدد برلماني بالقتل لكش� Author: معاوية المدير Date: 12-24-2015, 09:45 AM Parent: #24
Quote: نسبة لانقطاع الكهرباء اكتب من الهاتف و سأرفع الصور لاحقا .
Post: #27 Title: Re: مدير الحج و العمرة هدد برلماني بالقتل لكش� Author: عبدالكريم الاحمر Date: 12-24-2015, 10:31 AM Parent: #26
والغريبة لسا في ناس تدافع عن هؤلاء السافلين .. اي مبدا دا في الحياة ؟
Post: #28 Title: Re: مدير الحج و العمرة هدد برلماني بالقتل لكش� Author: علي عبدالوهاب عثمان Date: 12-24-2015, 02:04 PM Parent: #24
Quote: لا حول ولا قوة الا باللهزمان كان في عرفنا وأدبنا الشعبي يصف الآنسان بقمة الفساد عندما يقال ( فلان ياكل مال النبي )
يا سلام كلام بيلغ اخي كباشي ..مين كان مصدق أنه شخصيات زي دي تظهر آخر الزمن ..كنا نعتبرها شخصيات خيالية ... ( الغول والعنقاء ) .. للتهويل والتخويف ..الله يرحم الاباء .. ماذا كان موقفهم .. لو حضروا هذا الزمن العجيب ..وهل نامت القضية .. وإلى اين وصلت ..؟؟مودتي
Post: #29 Title: Re: مدير الحج و العمرة هدد برلماني بالقتل لكش� Author: نعمات عماد Date: 01-10-2016, 10:45 AM Parent: #28
سلام و تحية طيبة الأعزاء
الأخت العزيزة فريدة محجوب الأخ علي عبدالوهاب عثمان الأخ منير الأخ الصادق إسماعيل لأخ نصرالدين عثمان الأخ محمد الحاج الأخ حيدر حسن ميرغني الأخ درديري كباشي الأخ معاوية المدير الأخ عبدالكريم الأحمر آسفة و أعذروني للتأخير و الرد الموحد . ********************** كل معاناة الحجاج و شكواهم و كل إتهامات النائب البرلماني للمطيع
(ومنها تهديد بالقتل ) لن يُحاسب عليها المطيع !
لم تبق الأ عدالة السماء و دعوات الحجاج على من ظلمهم .
الرأي العام ( 10-01-2016 )
Post: #30 Title: Re: مدير الحج و العمرة هدد برلماني بالقتل لكش� Author: نعمات عماد Date: 01-11-2016, 09:45 AM Parent: #29
آخرلحظة( 07-12-2015 )
