Post: #4 Title: Re: نخبة كيزان الشمال باعوا الجنوب وحرقوا دار Author: جمال خضر Date: 12-12-2015, 11:13 AM Parent: #3
عصابة فاقت فى إجرامها عصابات المافيا العالمية نشرت ثقافة الموت فى كافة أرجاء الوطن الحبيب همهم مصالحهم الذاتية ومعبودهم الدولار لا يهمهم أن يموت الناس قصفا أو جوعا أو مرضا ولكن ستأتى نهايتهم المحتومة مهما إستخدموا من قوة أو بطش . لك التحية الأخ محمد الأمين
Post: #5 Title: Re: نخبة كيزان الشمال باعوا الجنوب وحرقوا دار Author: محمد الامين محمد Date: 12-13-2015, 11:16 AM Parent: #4
وماخفي اعظم
Post: #6 Title: Re: نخبة كيزان الشمال باعوا الجنوب وحرقوا دار Author: عبد الله شم Date: 12-13-2015, 12:19 PM Parent: #5
Quote: كيزان الشمال
ا انت ما تقول ناس الشمال وبس يعني حددتهم ككيزان عشان الشغلانه تتبلع ولا شنو
Post: #9 Title: Re: نخبة كيزان الشمال باعوا الجنوب وحرقوا دار Author: محمد الامين محمد Date: 12-13-2015, 03:07 PM Parent: #6
Quote: انت ما تقول ناس الشمال وبسيعني حددتهم ككيزان عشان الشغلانه تتبلع ولا شنو
فسر كما تشاء ياسيد
Post: #7 Title: Re: نخبة كيزان الشمال باعوا الجنوب وحرقوا دار Author: حامد عبدالله Date: 12-13-2015, 12:41 PM Parent: #5
سلاموبعدبوست رائع بنور بقضية في اغلب الأحيان بتم تناولها بصورة مقطعة (ذي قطيع الفلم الأجنبي في التلفزيون السوداني) حكومة الانقاذ او حكومات المؤتمر الوطني او الاخوان المسلمين في السودان تنازلت عن المسؤلية التاريخية للحكومات في إدارة شئون البلاد والعمل لخير ورفاهية المواطن وأصبحت تهتم بمنسوبيها متخلية تماما عن المواطن والوطن، تخبطها في بداياتها جعلها ذي الفار الصغير وسط قطط شبعانة لا اكلو ريحو ولا بخلوه يمشي في سبيلو، خربت علاقتها الكانت ممكن تكون طبيعية مع العالم وفي الأخير بقت ذي السكاري الادمن وفقد شغلو وطلق مرتو وبيتو اتفركش فقد اي شي، اصحابو القدام بتاعين الشربة برسلوه عشان يمشي يجيب ليهم الشراب عشان يدهو كاس ويأكل معاهم الحلة مرة وديعة من قطر او السعودية وإيران والصين وووو ومرات تحالف مع رجال اعمال حرامية ومشبوهة اموالهم الخ كلو بتمن بخس ورخصة سبب ليها ماف، كل الفوضة والكلام الفارغ الاتعمل ولا زال يحتاج رجل شجاع قرار واحد بس ممكن يحلحل ستين الف مشكلة في دقيقة.السكاري المدمن الفقد اي شي وفقد الأمل في إرجاع اي شي من جديد او ذي زمان لا تزال عندو فرصة قدامو علي الأقل يجيب القون بتاع حفظ ماء الوجه. يوقف الشراب صحيح زول بيصدقو في البداية ماف بس اصرارو واستمرارو في رفض الشراب واكيد محاولاتو الجادة في إصلاح ما يمكن بكلو شفافية وبدون دغمسة علي الاقل ممكن تخلي نَفَر يقول الراجل سبحان الله لغاية اسع ثابت علي موقوفو ! بتوجس طبعاالورد والود وكل ما هو جميل
Post: #8 Title: Re: نخبة كيزان الشمال باعوا الجنوب وحرقوا دار Author: زهير حيدر صديق Date: 12-13-2015, 12:52 PM Parent: #7
نخبة الشمال ديل كم نفر؟10 الف ؟والباقين الساعدوا في البيع والدفن والحرق ديل مجرد قطيع يتبعون النخبة أعلاه!!!!ياخ في كلامك ده إساءة لنفسك قبل نخبة الشمال
Post: #10 Title: Re: نخبة كيزان الشمال باعوا الجنوب وحرقوا دار Author: محمد الامين محمد Date: 12-13-2015, 03:09 PM Parent: #7
حامد شكراً للمرور
Post: #11 Title: Re: نخبة كيزان الشمال باعوا الجنوب وحرقوا دار Author: محمد الامين محمد Date: 12-13-2015, 03:16 PM Parent: #10
Quote: نخبة الشمال ديل كم نفر؟10 الف ؟والباقين الساعدوا في البيع والدفن والحرق ديل مجرد قطيع يتبعون النخبة أعلاه!!!!ياخ في كلامك ده إساءة لنفسك قبل نخبة الشمال
وين الاساءة لروحي
Post: #12 Title: Re: نخبة كيزان الشمال باعوا الجنوب وحرقوا دار Author: زهير حيدر صديق Date: 12-14-2015, 04:35 AM Parent: #11
في كونك جعلت من دائرتك الجغرافية قطيع يتبع نخبة الشمال في تنفيذ ما ذكرته اللهم إلا إذا كان هؤلاء النخبة هم من خطط ونفذ -وهو مستحيل كماً وكيفاً- والباقين كانوا مجرد متفرجين وبرضوا هنا إساءةيا سيدي الفاضل أي إخفاق أو مصيبة حدثت وتحدث يتحملها أناس من شتى بقاع الوطن وأنظر في دائرتك قرابتك/معارفك/جيران ستجد من حمل معولاً ووضع لبنةً إلا إن كانوا مجرد قطيع يتبع نخبة الشمال