ناس الكيل بمكاييل كتيرة في المنبر .. أحرام على بلابله الدوح وحلال لغير بلابله ؟

أخونا ود الباوقة راجل طيب وأخلاقو عالية ومهذب وبسيط وعلى نياتو الخ الخ الخ
لكن ماذا يمكن تفسير ما يفعله هنا .. شخصيا من وجهة نظر خالصة أري أنه
قاعد يغش علينا مع سبق الإصرار والترصد .. وفي أحسن
الأحوال بستفز في الناس ...

الدولار ما طار وارتفع الا كما طار وقع ( قريبا ) .....الدولار ما طار وارتفع الا كما طار وقع ( قريبا ) .....

دا أقرب نموذج لاصرارو على غشنا وهو واحد من قائمة طويلة لبوستات مشابهة


الما مصدق على كيفو ....الما مصدق على كيفو ....
ودا آخر المناظر ..
يجب إيقاف هذا الرجل عند حده بالحسني أو بغيرها

السؤال لناس الكيل بمكيالين أو أكتر وكذلك لناس السكسكة
لماذا تسكتون على ود الباوقة وتسكون غيره إذا كان الأمر متعلق بقيمة المصداقية في المنبر ؟؟

في كل الأحوال
سواء كان غش مع سبق الإصرار والترضد أو إستفزاز متعمد
فالأمر يتعارض تماما بل أنه في خط متوازي مع صفات من جنس
أخلاق عالية وطيب وما بتاع مشاكل الخ الخ الخ ..
من باب القيم السمحة لا تتجزأ .

في ناس كدا اتقنطروا خخخخخخخخخخ
وتانيين اتلعبوا باص مقشر منتظرين من يأنس في نفسه قوة الشوت ..
وغيرم أكيد ح يلبدوا ..
وآخرين كرهوني اذا ما كانوا بكرهوني أصلا ..
ولا أملك إلا أن أنفقع بالضحك ومعاي الزول الجمبي دا كمان ..
هاهاهاهاهاهاهاها .

مع الأمنيات بآكشن مثير
التوقيع : شايت في كل الإتجاهات ولا يبالي .

أخ طلحة

تحية وتقدير .. حقيقة لمعرفتي بعمر ود الباوقة جئت كي اتحدث عنه .. كما يعلم الكثيرين بأن نهج الباوقة خاص وطريقته خاصة .. وانت اتيتنا بمثال ولو تفحصت مثال بوست ( المامصدق على كيفو) تجد بأن الرجل ينتهج نهجاً ربانياً ونبوياً فالمؤمن يمتثل لرسول الله صلى الله عليه وسلم وينتهج نهجه .. الباوقة من المتفائلين خيرا والنبي صلوات الله وسلامه عليه كان يحب الفأل الصالح الحسن..ففي الصحيحين من حديث أبي هريرة عن النبي صلى الله عليه وسلم: «لا عدوى ولا طيرة وأحب الفأل الصالح». فله التحية والتقدير من هاهنا.

يا طلحة سلامات يا حبيب,,

Quote: حقيقة لمعرفتي بعمر ود الباوقة جئت كي اتحدث عنه .. كما يعلم الكثيرين بأن نهج الباوقة خاص وطريقته خاصة .. وانت اتيتنا بمثال ولو تفحصت مثال بوست ( المامصدق على كيفو) تجد بأن الرجل ينتهج نهجاً ربانياً ونبوياً فالمؤمن يمتثل لرسول الله صلى الله عليه وسلم وينتهج نهجه .. الباوقة من المتفائلين خيرا والنبي صلوات الله وسلامه عليه كان يحب الفأل الصالح الحسن..ففي الصحيحين من حديث أبي هريرة عن النبي صلى الله عليه وسلم: «لا عدوى ولا طيرة وأحب الفأل الصالح». فله التحية والتقدير من هاهنا.

لو مكانك والله بعرش على كدا!!!!


أخونا وائل قال ليك نهج ربانى ونبوى,,

تانى داير شنو!!!!


(إنا لله وإنا إليه راجعون)


نهج!!!!!!!!!!!!!!!!!!
لاحول ولاقوة إلا بالله,,,


________________________
النهج الإسلامى لماذا؟

يا وائل الله يرضيك ويخليك أبعد الإسلام وطريقتو عندما تتحدث عن الغش
شوف ليك فلسفة تانية غير فلسفة الرسول عشان تبرر بيها ما يفعله
أخوكم ود الباوقة .. وأظنك لا تغلب حيلة .. عشان ما تشمت فينا ( نحن المسلمين )
الاعادي وتديهم صورة سوداء عن نهج الاسلام والرسول الكريم صلى الله
عليه وسلم .

الأخ طلحة حينما يتفائل الانسان خيراً ويبشر الناس بالخير منتهجاً بنهج رسول الله يكون غاشاً لهم .. لا أعتقد أبداً

خخخخخخخخ
دا كله من وائل :) قفل ليك البوست وقعد
ا
المجاهد وائل.. أردم

أيمنوف الطيب
أخونا وائل غتس حجر أية حاجة ...
وقد قيل في المقام : خالف الإشارة عندما أراد أن يظهر الشطارة ..
لو كنت مكان ود الباوقة لطلبت منه راجيا ومتوسلا أن يسحب مداخلتو .

Quote: قاعد يغش علينا مع سبق الإصرار والترصد .. وفي أحسن الأحوال بستفز في الناس

انت بالله من المواهيم البصدقو ود الباوقة .. ؟؟؟

قوم لف كدا و ل كدا ...

ود الباوقة ينتهج نهج رباني
هههههههه
والله إلا كان ده نهج رب حقكم انتو ويتعرفوا براكم
يا كيزان السجم
طبعا ما حاقول ليك اختشي يا وايل
ملحوظة
سبق وأن كذب ود الباوقة وقال وايل حدث قي السن
لا يتجاوز عمره السبعتاشر عام
وجات الصور كانت دقنك في سرتك
ده برضه نهج رباني
باختصار ود الباوقة انتهازي ويدافع عن النظام ده لأنه عارف لو ذهب هو حيكون وين وبس

وائل يا حبيب انت كدا بالكتير قنطرت نفسك ما أكتر .. ارتاح شوية لغاية ما نشوف ليك طريقة نخارجك بيها .
جرجير بالعكس كدا فتحو على مصراعيه
تهريف .. شكرا ع المرور .
أبو روضة تحياتي .

والله كان محلك تاني بس بعاين بعيون ساى!!!!

تعال قول الزول دا بهظر نقبلا
بلعب بعقول شوية ناس طير هنا
نمشيها,,
كضاااااااب نقول دا رايك,,
مجبور برضو نتمتما ليك جاي
جاى وإحتمال تتبلع..


لكن تقول نهج ربانى ونبوى!!!


يا راااااااجل!!!

والله أجرمت في حق
نهج الرب والنبى.

حاول ما تجى عليك الله لأنو طلحة دا
جدع رمايو وأنت كجمتوآآآلشفت..

قال ليك على مصراعيه آزول.

طلحتوف سلامات

شفتا الزول الجا داخل ليك البوست دا وبتكلم عن منهج رباني وما ادراك..

زي الحرامي الزاكنو في مزرعة بطيخ .. حا يبوظ البطيخ كلو ويفجخلك بوستك دا مداخلة مداخلة


انا رايي في موضوع البوست كالاتي

أي مخلوق سوداني سواء ان كان من البشر او من غير البشر

يساند ويؤيد النظام القائم والحكومة البتدعي انها إسلامية الان باي نوع من أنواع التأييد او المساندة

هو مجرم بقدر ما هم مجرمين ولا يستحق أي نوع من الاحترام ولا يستحق التعامل معه على الاطلاق

اذا كان ربنا الخلقنا الناس عرفتو بالعقل فمن باب أولى ان يدرك ود الباوقة ومن لف لفه ان حكومته

وسيده الرئيس من افسد المجرمين الذين مروا على تاريخ البشرية وتاريخ السودان

والشاهد على ذلك ما آلت اليه أحوال البلاد والعباد

ياخي ديل لا عندهم دم ولا دين ولا حتى مجرد خجل ما بخجلو




لعنة الله عليهم في حلهم وترحالهم

سلام يا هيثم!!

Quote: حا يبوظ البطيخ كلو ويفجخلك بوستك دا مداخلة مداخلة

هو فجخ روحو ما يفجخ بوست؟؟؟
البوست خلي يفجخو ويطلع روحو زاتو بس اللختا لينا النهج الربانى والنبوى ولما يربطهم بسلوك شخص فليكن
هذا الشخص شخص فعلا يستحق أن نصف مسلكه وأخلاقه بهذا الوصف,,,


بمناسبة السلوك الكتيرة دي جهزلك ضفيرة جديدة القديمة ترا حرقت ,,

رباني دي زي الفي خطوبة رمضان مبروك ابوالعلمين حمودة

ود الباوقة يا طلحة، نجح في صنع علاقات عامة للحكومة مع معارضة سودانيزأون لاين، الحوار الذي يدور بين ود الباوقة ودينق وود الصائم وآخرون هو أقرب لمكاواة الأصدقاء مع بعض، من لأن يكون خصومة!!
مرات قاعد يخيل لي إنهم كلهم بكملوا في دور راسمنو مع بعض
ما صنعه ود الباوقة للبشير هنا بالمنبر، يفوق ما تفعله وزارة الخارجية من أجل تسويق صورة البشير والنظام.
لاحظ لبوستات ود الصائم ودينق لود الباوقة، هذه البوستات بوستات مداعبة تصنع قبول تدريجي للواقع
ود الباوقة أصبح شخصية محبوبة بالمنبر، لو طريقتو دي قاعد يعملها بخطة يكون اول سياسي سوداني محترف.

يا هيثموف البوست ما بتأثر بفجخات وائل أبدا بل أعتقد انو مداخلاتو
دي سماد لبطيخ البوست .. خخخخخخ .. أعتقد انو ود الباوقة + وائل ضررم
على حكومة المؤتمر الوطني أكتر بكتير من نفعم .. لازم ينبري ليهم حادب
على المصلحة ويديهم شاي فيهو منوم يمكن يروقوا وبالمرة يبطلوا البعملوا فيهو دا
واحد يشيل ويغش ويحبط فينا نحن المساكين ديل والتاني يتيرب من وراهو
بالمجاملات كضب وصاح ..
السؤال المدقوق حجرو في البوست ل:
الناس الرافعين شعار مصداقية المنبر وقاعدين
يجاهدوا فيها مالم ما شايفين البسو فيهو أخونا دا .. ؟
غايتو تفسير صمت الحادبين ( حسب زعمهم ) على مصداقية المنبر معناهو
لا تعدو مجرد شعارات حنجورية متعلقة بالعواطف والمجاملات والمشاعر الشخصية ..
فأنت بلا مصداقية وستخرب سمعة المنبر إن كنت من المغضوب عليك أو المكروهين أو
شكلك ما عاجبنا .. وبالمقابل عوس عواستك واتشقلب ونطط على كيفك إن كنت العكس .
يا ناس المصداقية العاملين مطنشين الفيكم اتعرفت وعليه :
أذهبوا فأنتم الطلقاء يا قول حبيبنا قسم خالد ..

الاخ طلحة

عبرك احيي الاخوة ود البشري وابو حسين .. تحية من بعيد بعيد (هاهااهاااع) حتى لا يثبُت عليهم لقب ( الغواسات) .. وأقول مبيناً :

قضية أن الفأل الحسن والصالح هو منهج الرباني(1)

هذه المسالة البسيطة أخي طلحة بالفعل وعاها أكثر الاسلاميين وتشربوها .. فأذكر لك في عجالة قصة قصيرة حدثت معي ومع (دينق) زميل المنبر والله على ما أقول شهيد .. وكانت هذه القصة في قرية مجاورة وليست بالبعيدة وفي نقاش كان بين مجموعة وكان (دينق) يُنَادى بـ(JAZZ)..وكان النقاش أيام حرب الجنوب الملتهبة .. وكنا قد اقتربنا من نيفاشا .. فوجهت كلمات لدينق وفي مجملها " بأنه سيأتي اليوم الذي نضع يدنا في يدكم كجنوبيين ونسير سوياً " .. فرد علي (دينق) قائلاُ وساخراً فيما معناه " انت تتحدث هكذا وكأنك مارتن لوثر كينج" .. فرددت عليه وفي ما معناه : " بأننا نؤمن كمسلمين بشيء اسمه التفاؤول الحسن وهو منهج في ديننا.. وسبحان الله جائت نيفاشا وجاء السلام ووقفت الحرب ووضعنا أيدينا في يد أخوننا الجنوبيين .. ومن هنا أوكل أمري لله في ماقلت بأن يقتص مني لو كنت أكذب فيما قلت.. لن اتباها ولم اتباها ولكن هذا ما تعلمناه من قادتنا في الحركة الاسلامية .

مناقشة عابرة في الموضوع (2)
قلت يا طلحة :

Quote: دا أقرب نموذج لاصرارو على غشنا وهو واحد من قائمة طويلة لبوستات مشابهة الما مصدق على كيفو ....الما مصدق على كيفو .... ودا آخر المناظر ..

من المقتبس أعلاه لن أقول بأنك يا طلحة كنت (براقش) حاشاك والله .. ولكنك انتهجت نهج براقش فجنيت على نفسك .. كيف ذلك ؟ .. جئت بنموذج مصاحب لاتهامك للرجل .. وفي النموذج لو تفحص المتفحص حديث أخينا (ود الباوقة) لوجد بأن حديثه عن التفاؤول الحسن .. والتفاؤول الصالح لوطننا.. فلو طلب أحد العكس لما قال فسيكون التشاؤوم .. والتشاؤوم منهي عنه .. مرة أخرى لو طالبنا ود الباوقة أن يعكس مفهوم ذلك البوست دليلك ضد ود الباوقة فسيكون تشاؤوماً .. فما قولك في هذا أخي (طلحة بن عبد الله ) .

الحبيب طلحة
لكل لك الود
اثني هذا الاقتراح بشدة
لان ما يفعله الاخ ود الباوقة هوو استهتار بعقولنا

Quote: لان ما يفعله الاخ ود الباوقة هوو استهتار بعقولنا

بل ما يفعله هو إستهتار بالحكومة ..

يا أبو بكر كمواطن سوداني أنتظر الفرج من رب العالمين وليس غيره
لا تعنيني إستراتيجية ود الباوقة أو غيره في تعزيز العلاقات العامة
من أجل الحكومة مع زيد او عبيد بقدر ما يعنيني الضرر المعنوي المباشر
القاعد اتعرض ليهو هنا جراء العبث القاعد بمارس فيهو بغض النظر عن
هدفه .. وكمان بغض النظر عن كونه متعمد أو غير متعمد .. المهم دا ضرر
يستوجب مني الدفاع عن نفسي .. مع التأكيد على انو سعيو لمصالحو الخاصة
أو مصالح الحكومة لا يهمني ولا علاقة لي به ما لم يعود على بالضرر الشخصي .

متوكل حسن مشكور للتضامن مع الود والتقدير يا حبيب .

يا دكتور منير القول ما قلته ودا الما فاهمو ود الباوقة أو ربما فاهمو ومتعمد يستمر
في البعملوا دا بهدف الإضرار بالحكومة لحاجة في نفسو .

سلامات يا وائل,,

Quote: لن أقول بأنك يا طلحة كنت (براقش) حاشاك والله .. ولكنك انتهجت نهج براقش فجنيت على نفسك

الليلة يوم المناهج ولا شنو؟

وائل يا حبيب خليك من براقش ومتفائل ومتشائم والقصص وخلافو
رأيي إنو أخوك ود الباوقة دا قاعد يحبطني ويثبط معنوياتي ويتسبب
في ضرري النفسي بى نهجو المتبعو دا سمهيو اتا رباني أو شيطاني
على كيفك لكن بالنسبة لي أنا متضرر منو والحل الوحيد عندي إنو
يعرض عن هذا ويقلع عن العادة المضرة دي .

يا بوب طالما المحتوي جادي يبقي ما في مشكلة في إبتسامة خضراء
لمن يستحق ..
تأكد انو البوست لما فتح له ,, جادي جدا جدا .. ما تشيل هم يا حبيب .

يا نبيل تحليل شنو الفي الكلاسيكو
أنا مشجع ريالابي متعصب لا أطيق برشلونة تقول لي تحليل ؟
برشلونة دا لو شال كأس الفضاء الخارجي وجاء ريال
مدريد اتغلب من هلال أم درمان التعبان دا برضو عندي أحسن من فريق
الرجل الواحد ..
أنا ما حللت أبوي .

الأخ طلحة..سلام و احترام
ود الباوقة يمثل شخصية خفيف الظل والساذج
لكنو في الحقيقة (سايق الهبل على الشيطنة)..
أما الأخ وائل ...فما قدرت اكمل ليهو مداخلة واحدة..
كلما أشوف أتباع الحكومة في البورد...
ب اتخيل مقدار الهوان ال وصلنا ليهو.

تحياتي

هلا محمد محمود
الحقيقة زي ما قلتا فوق انو الحكومة دي حتي لو في ناس
في المنبر دا شايفنها كويسة لكن أساليب ناس ود الباوقة دي
ممكن تشيطنا في وشهم وتخليها أكره من الشيطان ذاتو ..
أي كان هدف أخونا دا فهو قد اختار الطريق الخطأ بكل تأكيد ..
عبث مبالغ فيهو والله .

الكوز ود الباوقة حر تماما في التعبير عن رأيه
عندي نقطة تانية .

سلامات يا طلحة