Post: #1 Title: الفنانة سميرة احمد و Abenet Girma و Tewordos على مسرح توسن باريزونا يوم 1/1/2016 Author: اعلانات سودانيزاونلاين Date: 12-09-2015, 06:42 AM
Post: #2 Title: Re: الفنانة سميرة احمد و Abenet Girma و Tewordos على مسر Author: بكرى ابوبكر Date: 12-09-2015, 06:45 AM Parent: #1
Post: #3 Title: Re: الفنانة سميرة احمد و Abenet Girma و Tewordos على مسر Author: بكرى ابوبكر Date: 12-28-2015, 04:58 AM Parent: #2
Post: #4 Title: Re: الفنانة سميرة احمد و Abenet Girma و Tewordos على مسر Author: Kabar Date: 01-01-2016, 11:49 AM Parent: #3
صديقي بكري ابوبكر..حبابك كل سنة وانت طيب ، وامنياتي للأسرة الكريمة كل خير وعام خالي من الجوطة بتاعة سودانيز اونلاين..والتحية لناس رابطة دارفور ، في اريزونا ..ونحن شعوب ناس: كلو عند العرب صابون..اريزونا ياها اريزونا..صحراء وصقيعة وشنو كده ما عارف..!!..ويتخيل لي الناس هنا ، بتسوي الحفلات عشان تكتل التصحر جواها..!!وبعد..ياخي الخيط/الإعلان ده بعاين ليهو كم مرة في اليوم وانا أسفان..!سؤالي: هل حصل غنت سميرة احمد ، ذات يوم ،قول سنة 1987 في سنما الدلنج؟..لأني حضرت الحفلة وكتها ، وفيها زولة اسمها سميرة احمد..و من ديك ولغاية الليلة داخل لي في رهان مع صحابي: اقول ليهم الزولة اسمها سميرة احمد ، يقولوا لي لالالالا..انتا غلطان..دي سميرة دنيا (مع اني ممكن احلف بالتلاتة ، سميرة دنيا دي ما شفتها غنت في الدلنج..!!)..التحية للأستاذة سميرة احمد ، والصوت السمعتو في الدلنج سنة 1987 ، ياهو نفس الصوت ، وكان في مجموعة حفلات جابت بقاع جنوب كردفان في زمن قاسي شديد ، والتوب كان اسوداني..!!لو بقت ياها ، ح اخلص الرهان من صحابي ، عيييييييييييييييك..شغلانة فيها ريالات ودولارات ودينارات سودانية ، نظام ابو الدندر بلقب الكوكو..ياااااااااااااخ..!!وان بقت ما ياها، فيخلق من الشبه 39..!!عشان جلالادونا يجي ينط فينا ويقول لينا الموضوع اربعين..!اما ابكر الطويل ، ح يقول ليك: الموضوع واحد واربعين..التقول سورة يس يااااخ..!التحية للأستاذة سميرة احمد..و امنياتنا لشعوب امسودان في اريزونا ان تقضي امسية طيبة و انيقة..!!..لمتين نقعد نقضي كل العمر في الجوطة السياسية والذي منو..؟...سويعات قليلة من الطرب الأنيق ، ممكن تخلي الزول يقلب مية وتمانين درجة..!!التحية للأستاذة سميرة احمد ، وما تنسي رهاني مع صحابي..ياخي الموضوع ده بقى..Jack potعدييييييييييييييييل..ودمتم..كبر
