Post: #1 Title: قساوة الشجن الاليم يا مصطفي.......... Author: رشيدة عثمان فقيري Date: 01-05-2010, 06:13 PM
الجمعه 18 يناير 2008 الذكري ممزوجه في كل دم حنين يقاوم ذلك الشئ والشعور بالزمن يتماوج بمقدار مكوثك الدايم فينا . نحبك يا مصطفي .وباق انت فينا .
1
شتت عصب سافر رحل . خلانا لريح كسح. خلانا لزمن مهجس بالمحن. من يوم رحل. رحلت معاه كل الفصول. لمكان بعيدا فيه زول. ممدود ممدد زي زحل. والشارع الخلفي انتحر. من الخبر. كان في المطار . احساس مكبل بغيوم. من ناس كتار شايلين صبر. وضل الصبر مشرور حزن. من ما رحل.
Post: #2 Title: Re: قساوة الشجن الاليم يا مصطفي.......... Author: رشيدة عثمان فقيري Date: 01-05-2010, 06:37 PM Parent: #1
2 من يوم رحيله . رحل معاه كل التمازج. رحل وفات خلي المكان. شتات اماكن وازدحام. خلانا لسفرا بعده ابعد من بعيد. شال السماء. وخلي الارض. في حضرة للحزن النبيل. وملانه بيه موسمه. خلي الوجع خلي انتماءتنا. اترهلت من يوم رحل. يوم جانا خبره العشيات اتغيبت. يوم قالوا سافر بلا رجوع. ارواحنا مرقت تكوس. خطواتنا لجمها الخبر العبوس. وبقت تكوس . لليله مارجعت. تدقش في السكك. والنيل مرق حفيان. يضاري بين موجاته دمعاته الحنان. قشقش عيونه بوالله ايام يا زمان. واتوسد عارفني منك . واتضاري بعباد الشمس. ومر بنورة. لقاها هداها الوجوم. قال لدموعها اتدفقي.
Post: #3 Title: Re: قساوة الشجن الاليم يا مصطفي.......... Author: رشيدة عثمان فقيري Date: 01-05-2010, 06:49 PM Parent: #2
3 كل المدن . نامت مفرقه بالدموع . وجوة المطار حشد وجموع. ناسا مكهربه بفراق . زولا ولوف. خلي الفصول ضل لرهاب. خلي الوطن جوة الدهاليز والخراب. زولا سكن عمق الارض . وفوق للسماء . صنقر يغازل للسحاب. ينشر حكايات النجوم . وضؤ القمر جوة العروق. وطوريه ضامه الطين هنا.
Post: #4 Title: Re: قساوة الشجن الاليم يا مصطفي.......... Author: عمران حسن صالح Date: 01-05-2010, 06:56 PM Parent: #3
Post: #12 Title: Re: قساوة الشجن الاليم يا مصطفي.......... Author: رشيدة عثمان فقيري Date: 01-05-2010, 08:38 PM Parent: #10
عذرا مصطفي ................... لن تطول الحروف قامتك بداخلي لكنني اشتت الحروف ليس للذكري بل انه الم الفراق يا جرح لا يندمل. 7 سفرك محطات دون وداع . هجرة عصافير الخريف . والاغنيات مشدوهه. من حسرة نهار . والكلمه من دونك ضياع. ختيت ترانيم الرحيل . في هجعه الغربه . وترياق الرجوع. ممدود غناك في كل زول يا خاتي حزننا في قفاك. ليه الرحيل يا زول جميل . والموجه تحضن في النخيل . والقمرة ترسل في السماء غيهب غنيواتك ضياك. وتفوتنا ليه ما لسع الجرح اللي نتف جوة في اطفالنا . مالينا صيف . وتفوتنا كيف. ووطنا مسكون النزيف..
Post: #14 Title: Re: قساوة الشجن الاليم يا مصطفي.......... Author: رشيدة عثمان فقيري Date: 01-13-2010, 01:50 AM Parent: #12
Post: #15 Title: Re: قساوة الشجن الاليم يا مصطفي.......... Author: رشيدة عثمان فقيري Date: 01-13-2010, 02:02 AM Parent: #14
2009-17-1 1 من بعد عز المزار والليل بدفق في الحزن ونورة بتئن من فرقتك يا مصطفي .... حيل الزمن واقف علي بابك وحيد والاغنيات جو المطر بتفتش احساس الرزاز من فتها يامصطفي .... شوقك محكر في الوريد وريدك شفا يا مصطفي .... لو شفت كيف عدت سنين من فرقتك صابرين علي حزن الغنا ندخل نضاري الحزن في جوة السفر نمرق نلاقي خطاك في كل المسافه السبتها في جوف وطن. محقون تلابيب انتظار يا مصطفي .....
Post: #16 Title: Re: قساوة الشجن الاليم يا مصطفي.......... Author: رشيدة عثمان فقيري Date: 01-14-2010, 01:22 AM Parent: #15
اخي المخضرم بالجمال محمد عثمان سعدت جدا حد الشعوربالطمئنينه بوجودك هنا تضيع كل الحروف في مصطفي ونشعر بقائه فينا 1-17-2009 2 لسه بيناتنا المسافه وكلام كتير عن الوطن عن حلم مزروع في الضمير عن زول رحل خلانا في صمت وهجيع والنيل حكايات التوالف والحزن في حته اقصي من الوجع ليه ما رجع شايل حكايات الصبا احلامنا لسع متعبه وسنين تمر من يوم رحيلك يا مصطفي ...... تنجرح سكك السفر ويموت عذاي من الرحيل يا مصطفي
Post: #17 Title: Re: قساوة الشجن الاليم يا مصطفي.......... Author: محمد الفاتح خالد حسون Date: 01-14-2010, 04:42 AM Parent: #16
Quote: في حته اقصي من الوجع ليه ما رجع شايل حكايات الصبا احلامنا لسع متعبه وسنين تمر من يوم رحيلك يا مصطفي ...... تنجرح سكك السفر ويموت عذاي من الرحيل
العروسة بت فقيري
تعالوا نحلم بي مركز ثقافي يحمل بصمات الراحل المقيم
و يعكس اسهامو في تشكيل الوجدان السوداني الحديث .
تشكري الاخت رشيدة
محمد الفاتح خالد
Post: #18 Title: Re: قساوة الشجن الاليم يا مصطفي.......... Author: رشيدة عثمان فقيري Date: 01-15-2010, 01:51 AM Parent: #17
كيفنك محمد اخوي عساك طيب شكرا لك وانت تشاركني شجوني في الراحل المقيم في وجدان كل الشعب السوداني . الفنان مصطفي سيد احمد المقبول . اثني علي فكرتك جدا . خالص الود.
Post: #19 Title: Re: قساوة الشجن الاليم يا مصطفي.......... Author: رشيدة عثمان فقيري Date: 01-15-2010, 06:30 PM Parent: #18
01-15-10 1
الحزن حين كب في الرمله السراب اتفرتقت كل المدن اتزمجر احساس الغنيوات التهاتي بضل ممدود ممدد بالامل والطيور الهاجرت ضامه الفرح ضي للرجوع اتخدرت بلون جديد لون انتشر اتشري في جوانا شر اتشري في جوف الغلابه جوة المسافه السبتها محقونه بيك يا مصطفي .... يا لون عيون كل الغنا يا نغمه في جوف الوطن الاتحقن من الوجع يا دهشه لكل العيون السافرت تترجي فيك ليه سبتنا ما كل خطيوات البلد مكتوبه بصوت حسك الساكن هنا لو شفت اتر البلودات التهاتي بضلنا وشفت المسافه من فتها اتغيمت من فرقتك وشفع العرب الفتاري فتروا من كتر المشي لحته في جوف حواف وطن النجوم ما تتمشي الامعاك يا مصطفي ..... شالها الرحيل يازول جميل في كل شئ شان يمرق احساس الحزن وتغني كل الناس غنيوات التداوي من الرحيل يا زول جميل ليه فتنا
Post: #20 Title: Re: قساوة الشجن الاليم يا مصطفي.......... Author: رشيدة عثمان فقيري Date: 01-15-2010, 06:49 PM Parent: #19
Post: #21 Title: Re: قساوة الشجن الاليم يا مصطفي.......... Author: رشيدة عثمان فقيري Date: 01-19-2010, 05:37 PM Parent: #20
01-17-10 2
ضل الغنيوات والشجن وفراق اليم مليان سؤلات بيك كتير.... يا مصطفي ... والليل منعس بالسفر وشفع فتاري مودرين.. ومشوار طويل متكول حزن من فرقتك يا مصطفي .... ونورة... بتئن من طول وجع ممدود ممدد من رحيلك يا ضلنا ويا كل شئ واو وجعي انا من فرقتك يا مصطفي .... مديت شوارع الروح تساب يا مصطفي... بالفتك طرزت ليل الغربه احساس انتماء.. وسالت عنك كل صحاب حد السماء.. رسلت ابحر للسحاب لضفتك احساس مزارعيه وتراب .. يا مصطفي .... والحزن مشيول في قفا الزمن المكهرب بالعذاب من فرقتك ليه فتنا حدثت حيطه الشوق تئن ختيتها قدرة احتمالات فرقتك فليت ضلام الليل هنا متكوله نجمات بتضوي بالويل والاسي