الهلال السوداني - VS - زيسكو الزامبي

منصورين بإذن الله

موفقين ومنتصرين باذن الله

Quote: منصورين بإذن الله

Quote: موفقين ومنتصرين باذن الله

بإذن الله يا ود الصايم وناصر موسي منصورين

يا شيخ المبارة دى قربت عديل كدا


اها خبر كسر يد هيثم دا حقيقة ام كلام نت

متصرين ان شاء الله

سلام يا ابوقوتا ..المباراة عدلت من موعدهها الاصلي في2 اغسطس الي يوم الجمعه 31 يوليو بطلب من راعي البطوله الART ..وستلعب في استاد الخرطوم بدلا من استاد الهلال كما كان مقررا لها لعدم اكتمال العمل في الاستاد.. وكلو لي خير ان شاء الله

معاويه تحياتي ومشتاقين
الصوره الخاتي في نصها شعار الناديين ...... ده استاد الخرطوم ولا استاد تاني ؟؟؟

منصـــــــــــــــــــــورين

و

ومنتصـــــــــــــــــــرين

بإذن اللـــــــــــــــــــه

Quote: ده استاد الخرطوم ولا استاد تاني ؟؟؟

كيفك يا الكوبي والاخبار ..شهر 8 جا ومنتظرنك ولا نطيت ..ياتو خرطوم ياكوبي الفيها استاد زي دا !! كتبت في قوقل استاد الهلال جاتني الصوره دي يكون دا هلال اسبانيا !!

_____

منتصرين ان شاء الله يا حبيب الكل ونتمني عودة كابوندي وسادومبا من الاصابه واكتمال اجراءات تسجيل ايفوسا والحمد لله علي عودة علاء الدين يوسف للتشكيله القادمه

معاويه تحياتي

Quote: ..شهر 8 جا ومنتظرنك ولا نطيت ..

والله مانطيت وجاهز وحتي كمان ظبطت لي علي موضوع تعريجه علي السويد بعد ما اجيكم ويمكن يكون فيها غشوه الدنمارك
لكن خالي الرمه زي ماقال احمد محمد بشير عملها شغل ولخبط لي الحسابات ......

Quote: ..ياتو خرطوم ياكوبي الفيها استاد زي دا !!

انا قلت يمكن المدينه الرياضيه اكتملت ( وجه صاري وشه شديد)

Quote: كتبت في قوقل استاد الهلال جاتني الصوره دي يكون دا هلال اسبانيا !!

بكون هلال السعوديه

رشح زوار موقع mbc.net فريق الهلال السوداني للفوز بلقب دوري الأبطال الإفريقي لكرة القدم للموسم 2009، وذلك على حساب كل من مواطنه المريخ والنجم الساحلي التونسي، وهي الفرق العربية الثلاثة الذين تمكَّنوا من الصعود إلى دور الثمانية.
وحصل الهلال على 57.28% ممن شملهم الاستفتاء الذي أجراه الموقع على الإنترنت، ليحتل المركز الأول بفارق كبير عن أقرب منافسيه بعدما حصد أكثر من نصف الأصوات المشاركة في الاستطلاع.
ويقع الهلال مع مواطنه المريخ في المجموعة الأولى بدور الثمانية لدوري الأبطال، وقد تمكن خلال الجولة الأولى من التعادل مع مواطنه دون أهداف على ملعب الأخير، ليقتنص نقطة ثمينة خارج أرضه يعزز بها مشواره في الحصول على إحدى بطاقتي التأهل للدور نصف النهائي عن المجموعة.
ويستضيف الهلال في الجولة الثانية زيسكو يونايتد الزامبي الذي تعادل في الجولة الأولى على ملعبه بلوساكا مع كانو بيلارز النيجيري بهدف واحد لكل منهما، وفرصة الهلال كبيرة في الفوز والتقدم لصدارة المجموعة.
ويشار إلى أن فريق الهلال صعد إلى نهائي بطولة الأندية الأفريقية الأبطال مرتين بنظامها القديم، وذلك عام 1987 وخسر أمام الأهلي المصري، وعام 1992 وخسر أيضًا أمام الوداد البيضاوي المغربي، إلا أنه لم يصعد للمباراة النهائية بالنظام الجديد.
وجاء المريخ في المركز الثاني للترشيحات خلف مواطنه الهلال بعدما حصل على 28.54% ممن شاركوا في الاستفتاء، رغم أنه يصعد لدوري المجموعات في دوري أبطال إفريقيا للمرة الأولى.
ويشارك المريخ مع مواطنه الهلال في المجموعة الأولى بدور الثمانية لدوري الأبطال، وقد فشل في الجولة الأولى من تحقيق الفوز على مواطنه الهلال وهو يلعب على أرضه ووسط جماهيره، إلا أنه حصل على نقطة قد تعزز حظوظه في الحصول على إحدى بطاقتي التأهل للدور نصف النهائي.
ويحلّ المريخ ضيفًا على كانو بيلارز في الجولة الثانية في أبوجا في مباراة صعبة للممثل السوداني، خاصةً أن الفريق النيجيري حقق نتيجة إيجابية في الجولة الأولى بعد عودته من زامبيا بتعادل ثمين مع زيسكو يونايتد بهدف لكل منهما.
ولم يحقق المريخ إنجازات تذكر في دوري الأبطال، إلا أنه حقق لقب مسابقة كأس الكؤوس الإفريقية قبل إلغائها وإحلال كأس الاتحاد بدلاً منها، وذلك عام 1989 على حساب فريق بندل يونايتد النيجيري، بعدما تعادل في أبوجا دون أهداف وفاز في أم درمان بهدف نظيف.
ورشح 9.39% ممن شملهم الاستفتاء عدم حصول الفرقة الثلاثة العربية -الهلال، المريخ، النجم الساحلي- المشاركة بدور الثمانية لدوري الأبطال الإفريقي على اللقب، معتبرين أن الفائز باللقب هذا العام سيكون فريقًا غير عربي.
ويشارك في دور الثمانية بالإضافة للفرق العربية الثلاثة، فرق: مونوموتابا يونايتد بطل زيمبابوي، زيسكو يونايتد الزامبي، كانو بيبلارز وهارتلاند النيجيريان، ومازيمبي بطل جمهورية الكونغو.
وكانت الأعوام الأربعة الماضية في دوري الأبطال قد شهدت سيطرة عربية؛ حيث حصل الأهلي المصري على ثلاث نسخ مقابل نسخة للنجم الساحلي.
وجديرٌ بالذكر أن دوري الأبطال الإفريقي أقيم حتى الآن 40 مرة كان نصيب الأندية العربية منها 23 مقابل 17 للأندية الإفريقية، وتتفوق الأندية المصرية عن غيرها من بقية الأندية؛ حيث حصلت على 12 لقبًا بمفردها، 6 للأهلي –رقم قياسي- و5 للزمالك ولقب للإسماعيلي.
واحتل النجم الساحلي المركز الأخير في ترشيحات الزوار للحصول على لقب دوري الأبطال الإفريقي هذا الموسم، بعدما نال 4.79% ممن شملهم الاستفتاء، وهو ما يعتبر تقليلاً من حجم الفريق التونسي الذي سبق أن حصل على اللقب عام 2007، وشارك في مونديال العالم للأندية.
وتعد خسارة النجم الساحلي في أولي مبارياته أمام مضيفه مونوموتابا يونايتد بطل زيمبابوي بهدفين لهدف مؤشرًا سلبيًا للفريق، وهو ما يفسر استبعاد الزوار لترشيح النجم للفوز بهذا اللقب.
ويشارك النجم الساحلي ضمن منافسات المجموعة الثانية مع فرق مونوموتابا يونايتد بطل زيمبابوي، هارتلاند النيجيري، ومازيمبي بطل جمهورية الكونغو، وهو يحتل المركز الثالث في المجموعة بفارق الأهداف عن هارتلاند، بينما يحتل مازيمبي الصدارة بفارق الأهداف عن مونوموتابا يونايتد.
ويستضيف النجم الساحلي في الجولة الثانية بسوسة فريق مازيمبي الكونغولي أحد أبرز فرق المجموعة والمرشح للفوز بأحدبطاقتي التأهل للدور نصف النهائي.

في اطار استعدادة لمباراة الجمعه ادي فريق الهلال امس مباراة وديه مع فريق ناسارو النيجيري انتهت بالتعادل السلبي بعد ان اشرك الجهاز الفني للهلال 22 لاعب علي مدار الشوطين ..

المباراه منقوله علي الاي ار تي سبورت 3 وقناة النيلين الارضيه والبث الارضي للقناة السودانيه والاذاعات المحليه




يدير المباراه الحكم البنينى كوفى كودجا ..

الأخ/ معاوية

أبشرك موضوع إيفوسا إنتهى خلاص وده آخر خبر نيف
وقول للبطيخاب موتوا بغيظكم
وربنا ينصر الله يوم الجمعة الجامعة والدعوة السامعة

مع تحياتي

ل كبير زعماء الكرة عشرة نقاط مضمونة دون اانى شك
وهذا على مسئوليتى,,,

تمنياتى له بانتزاع نقطة خارجية حتى تؤهله لزعامة المجموعة
زعامة حقيقية,,,,

نشوفكم يوم الجمعة,,,,,يا اهلة


هلا لى هلالو ,,وظهر بان لى الليلة

بالتوفيق لهلال السودان

طيب يا سامي شلنا ليك كابوندي وختينا ليك احمد الفاضل ..كويسه معاك التشكيله دي ..عندكم اقتراحات لينا لتعديل التشكيله قبل رفعها لكامبوس !!!

فريق زيسكو الزامبي حديث عهد بالبطولات الافريقيه فقد شارك الفريق مرتين الاولي في الكونفدراليه والثانيه في دوري الابطال عندما خرج في دوري الـ32 من فريق الهلال ..حيث فاز الهلال عليه في زامبيا بهدفي احمد عادل وكلتشي وتعادل معه في الخرطوم بهدف لكل وقد احرز هدف الهلال النجم احمد عادل ايضا ..ولكن هذا لايعني انه فريق سهل فالكره الزامبيه متطوره مقارنه مع الكره السودانيه ..فعلي لاعبي الهلال عدم التفريط في نقاط هذه المباراة بالتهاون والاستهتار ..وانا علي يقين ان لعب الهلال باي تشكيله فانه سيتخطي الزامبي فهذه من مزايا المدرب كامبوس فقد اشرك في مبارياته الاعداديه جميع اللاعبين المسجلين في كشف الفريق وهم مهيئين لخوض هذا اللقاء ..

اللهم انصر الهلال

نسال الله التوفيق للموج الازرق

امنياتنا بنصر هلالي كبير ياسيف وابوقوته ومهند وسيف ..وان شاء الله متفائلين بتحقيق نتيجه كبيره في ملحمه الغد ...

ومن المباراة الثامنه بتوقيت السودان

منصورين باذنه الواحد الاحد يا اخ معاوية

الحبيب معاوية حسين

سلامات يا حبيب وإنشاء الله منصورين
خلاص الكاف أكّد صحة تسجيل كابوندي وسادومبا
و ده طبعا من خبر قوون المنشور فى عدد اليوم الجمعة
وطبعا معاه صورة من الخطاب المرسل لمراقب المباراة

Quote: خطاب مراقب المباراة عبر البريد الإلكتروني امس الكاف يؤكد صحة تسجيل ثنائي الهلال المحترف ويعتمد بركية ارسل الاتحاد الافريقي لكرة القدم »كاف« خطابا لمراقب مباراة الهلال وزيسكو الزامبي الاثيوبي تسفاي عبر البريد الإلكتروني اكد فيه صحة تسجيل ثنائي الهلال المحترف كابوندي وادوارد سادومبا اللذان اعتمدهما من قبل في كشوفات الهلال الافريقية . فيما اعتمد الكاف نجم شباب الهلال احمد بركية ولاعب زيسكو الزامبي سيلوني جيرا بالرقم 3 واللذان قام ناديهما باضافتهما مؤخراً .

أمنياتنا لهلال الملايين بالنصر والكأس بإذن الله.
وبكرة ما زاحين من قدام art

كلنا معاك ياخالد ونتمني ان ترتفع قناة الاي ار تي الي مستوي البطوله وان تحترم المشاهد السوداني كما تفعل مع بقيه الدول العربيه فالملاحظ رداءه البث والتقطيع الدائم للبث عند كل مباراة يلعبها الهلال والمريخ او فريقنا القومي ...

شكرا ساني


ووصول اللاعب امولادي للانضمام لمعسكر فريقه ناسارو بيدحض اي شائعه روجا اعلام المريخ عن محترفي الهلال ..شكرا للاداره الهلال وهي تعمل بحنكه وصبر وعينها علي كاس البطوله الافريقيه وتبعد نفسها من الانزلاق في مهاترات اعلاميه الهدف منها زعزعه الثقه في نفوس جماهير الهلال واحباط الروح المعنويه لنجوم الهلال

النصر قادم في الميدان ان شاء الله

Quote: منصورين باذنه الواحد الاحد يا اخ معاوية

امين يا نزار

بقينا زي عبدالمولى .. الله كريم غايتو .

معاويه يا هلالابى يا رائع سلامات

Quote: عندكم اقتراحات لينا لتعديل التشكيله قبل رفعها لكامبوس !!!

يازول ما عندنا اى تعديل سوى الذى ذكرته احمد الفاضل بدلا عن كابوندى وذلك لعدم
اكتمال لياقة كابوندى البدنيه وذلك للاصابه التى تعرض لها فى مباراة المريخ الاخيره
مع الاحتفاظ باسامه التعاون كبديل جوكر ( دفاع او وسط ) و بجانبه حموده
مبروك مقدما لسيد البلد

النصر باذن الله لسيد البلد

بس دايرين البرنس العب لقدام وعدم العودة للخلف إلا لضرورات تكتيكية بحتةولمرات قليلة فقط لأن فقدان الكرة منه بالتحديد أو تاخيرها يتيح للخصم قفل المنافذ ويرهق المهاجمين بالتحركات العرضية والطولية دون أن تصلهم الكرة وقد تكرر هذا ثيراً خلال البطولة السابقة

يابرنس أغمض وأرمي قدام والباقي على كاريكا وامبيلي والغزال
وعينك ما تشوف إلا النور

بالله يا كوتش ومعاوية وصلوا الرسالة دي للبرنس ترمومتر سيد البلد..

خالص دعواتنا بالنصر

يا معاوية ياجميل ويا كوتش يا أصيل

انتو كوفي كودجا ما ياهو الفوت فاول فلافيو مع عمار مرق ولعب مع أصحاب الأرض

نرجو من إدارة الهلال أن تشكو الحكام حال أي انحياز ضد سيد البلد مهما كانت نتيجة الشكوى وليكن شعارنا أشكو حسن ليخاف حسين
فكوفي ده استمر في ظلمنا منذ مبارة الأهلي وأنذر سيف مساوي في مباراة مازيمبي الموسم الفات وتسبب في ايقافه وكان انذار في حالة طيها الاستهداف..
ولن أنسى ذلك الموريضصي الذي تربص بلاعبي الهلال على طريقةحكم المريخ المغربي في مباراة النجم الساحلي بتونس وأضر بنا كثيراً باحتساب أي احتكاك فاول علينا وصرف الحالات الواضحة لنا زي مغربي المريخ بالضبط..

النصر لسيد البلد بإذن الله ودعوات الصالحين

سلام يا طارق الكوتش وعبد الله وعثمان جلال وان شاء الله منتصرين

البث الحي للمباراه عبر الانترنت ان شاء الله

http://sudanhome.no/showthread.php?t=1149

ولو في روابط لمواقع اخري نتمني الناس ما تقصر

سلامي و ودي للجميع بعد غربة وشوق, هلال الليلة ومريخ بكرة أتمنى كل التوفيق للمثلي الكرة السودانية








(كلاكلة لفة لفة)

واحد صفر الان للهلال

بالتوفيق هلال السودان

http://www.justin.tv/loay85/old

**
*
ابداء الشوط الثاني وكان الشوط الاول هلالي بحت بهدف واحد

تضامني مع الهلال.


المريخابي


**
**

**
*
تقدم ملحوظ في ارضيات ومنصات أستاد الخـرطوم
الملعب جميل جدا...

انتو النجيله دي صناعية ولا شنوا.. مافيها ولا حفره زي زمان..!!

**
**

Quote: تضامني مع الهلال. المريخابي

وتضامننا مع المريخ غدأ انشاء الله

الحمد لله وباذنة الواحد الاحد انتصرنا بالواحد

مبروك يا معاوية

مبروك لكل الاهلة

مبروك للسودان

ومبروك علينا نقاطنا الاربعة في القبل الاربعة

مبروك يا اهله ..المهم الان الهلال في صداره المجموعه باربعه نقاط ..

فعلا النقاط الثلاث هى الأهم
لكن الأداء مش ولا بد
حكايه تخوف بالجد
ما عارف الوضع يكون كيف مع كانو

تمنياتنا بالفوز للمريخ غدا
وإنشاء الله حتى ولو تعادل كويس
يعني خدمة للمريخ والهلال معا

الف مبروك يامعاوية والقادم احلى

احححححححححححححححححححححح

يا وليد امشوا اعملوا صلاة قنوت بكره ما تصب مطره في كانو ..مبروك ساني ووهبه والصبر كويس

Quote: امشوا اعملوا صلاة قنوت بكره ما تصب مطره في كانو

الا يبدو صلاة من هسى يا معاوية
لانو المطرة هسى شغالة
الله يكون فى عون الصفوة بكرة ويحققو الفوز وفى اسواء الفروض التعادل

الوصيفاب ديل بقت عندهم عقدة من امطار الخير يا هيثم الناس كلها تصلي للمطره واكرم ومازدا محتاجين دعوات توقف المطره

_________


هدف الهلال والمباره مسجله ..من موقع كورا

http://www.justin.tv/clip/efa97d8d6e1d5c78

مطر كانو انت ما مجربنوا

ولسع محمدكم لي قدام

قبل تحليل المباراة من المختصين والهجوم المتوقع علي المدرب هناك حقائق مهمه يجب وضعها في الحسبان

المدرب استلم تدريب الهلال تقريبا قبل سته اسابيع من الان اقام معسكر اعدادي في القاهره وخاض لقاءين في الدوري الممتاز ومباريتين في البطوله الافريقيه ومباريتين وديات تقريبا في عشره مباريات دخل مرمي الهلال هدف وحيد وسجل هجومه حتي الان 14 هدف ..الملاحظ ان المدرب عمل علي سد الخلل في دفاع الهلال بعد ان كان هاجس الكل ..بالنسبه للوسط والهجوم فان المدرب يلعب بخطه لم يتعود عليها نجوم الهلال بعد والهلال ومنذ ريكاردو ظل يلعب بخطه واحده 3-5-2..المدرب الان يسعي لتثبيت خطط تعتمد علي 4-4-2 تتحول الي 4-3-3 ..فبمزيد من المتمارين والمباريات سيتعود اللاعبين علي الخطط الجديده وسنري هلالا جديدا ان شاء الله ..الصبر الصبر