Post: #1
Title: +++ يا اخوانا .. خلو بالكم من واحده اسمها " ناهد طاهر" .. +++
Author: Sudany Agouz
Date: 12-07-2015, 06:48 PM
Parent: #0
05:48 PM Dec, 07 2015 سودانيز اون لاين Sudany Agouz- مكتبتى رابط مختصرناهد طاهر .. ارسلت لى رسالة على الإيميل الخاص بى ..وقالت انو انا عندى ميراث عندها ..رسلت ليها رد على الإيميل .. قلت ليها ..يمكنتك الإتصال بى على رقم التليفون الخاص بى ..وانا بس منتظرها تتصل بى ..داير .. أعرف الكضابين ديل بيقولوا شنو ..ومن هنا .. أود أن أسألكم هل سبق وأن مرت بكم مثل هذه المسألة ..الرب يبارك حياتكم ..أخوكم وعمكم العجوز ..ارنست+++
|
Post: #2
Title: Re: +++ يا اخوانا .. خلو بالكم من واحده اسمها andquot;
Author: علي دفع الله
Date: 12-07-2015, 07:04 PM
عمنا ارنست تحياتيكدي اتذكر ههههه امكن تكون قريبتك ....زمان كانوا برسلو يقولو ليك انا رغد صدام حسين او عيشة القذافي او اي رءيس او مسؤول ويحكوا ليك انهم عندهم مبالغ خرافية من المال ومحتاجين رقم حسابك عشان يرسلوها ليك وفي النهاية الكضبة تصل لحدت ما يطلبوا منك حق المحامي حوالي الفين دولار..وفي ناس كتار شربوا المقلب.لكن حتة ورثة دي جديدة هههه مبروك عليك الورثة بس ما تنسانا بعد ما تقبضمودتي
|
Post: #3
Title: Re: +++ يا اخوانا .. خلو بالكم من واحده اسمها andquo
Author: عوض محمد احمد
Date: 12-07-2015, 08:02 PM
Parent: #2
البنية دقست في ان اسم طاهر غير متداول عند المسيحيين
|
Post: #4
Title: Re: +++ يا اخوانا .. خلو بالكم من واحده اسمها andquo
Author: عبدالعزيز الفاضلابى
Date: 12-07-2015, 08:21 PM
Parent: #3
هههه ,, انت يا ايرنست اوع تكون ناسىنامن اثبتَّ ليك انو انا وانت بنتلاقىفى الجد العاشر ,, تذكر لما قلت ليكحبوبتى قالت لى نحن عندنا قرابة مع ناس ايرنست ديل؟
|
Post: #5
Title: Re: +++ يا اخوانا .. خلو بالكم من واحده اسمها andquo
Author: Mohamed Yassin Khalifa
Date: 12-07-2015, 09:00 PM
Parent: #2
العم العزيز أرنست.. تحياتي وإحتراماتي،،،تعرف مع نهاية موسم الضرائب الفات في شهر أبريل، جاني إتصال هاتفي من رقم من كاليفورنيا والمتحدث بلكنة أهل الجزر قال لي إنو عميل من مكتب مكافحة جرايم الأموال والتهرب الضريبي بالـ IRS والغرض من الإتصال تنبيهي لخطأ ضربيبي حدث لي أثناء إدخال البيانات الضربية الخاصة بي. الزول عشان يقنعني بمصداقيتو أداني عنواني بالكامل وإسمي الثلاثي. المهم قلتا ليهو المطلوب مني شنو... قال لي المطلوب إنك ترجع للدولة 4,322 دولار اليوم قبل بكرة عشان بكرة حـ يرفعوا فيني قضية قدام المحكمة الفيرالية.أها قلتا ليهو القروش دي عاوزيني أرجعها بياتو طريقة.. قال لي بالوسترن يونيون لأنو سريع والقروش حتصل في نفس اللحظة وسيتم ععمل تسوية قبل نهاية اليوم. وطبعاً لغاية حكاية الوسترن يونيون دي أنا كنتا شاكي في الأمر وخاصة من الرقم الجاني من كاليفورنيا.. بس بعد ما قال لي حول لينا القروش حسع قلتا صاحبنا ده أكيد زول من إياهم.وفي أثناء الحديث قلتا ليهو دقيقة بس خليك على الخط أرد على مكالمة وأجيك راجع. وطوالي إتصلت بصديقة بالـ FBI بقسم مكافحة جرايم الأموال وكلمتها بالموضوع ودخلتها في الخط... ورجعتا لزولنا الحسّ إنو لقى ليهو صيدة ثمينة بعد تشجيعي ليهو بالإحساس الوصلتو ليهو بإني زول ما ناقش شيء في الدنيا دي. وإتواصل الحديث معاهو وصاحبتي بتسمع في الكلام والضحك غالبها. وبعد فترة من إعادة الكلام ووصف طريقة إيصال المبلغ... قلتا ليهو إنو أنا شاكر لإتصالو الكريم ده وأنا سأبلغ الضرايب بالمكالمة الهامة دي وسأحاول عمل تسوية معاهم لأنو المبلغ عالي وما عندي... صاحبنا قال لي أنا ممكن أكلم البُوُص بتاعي وأرجع ليك... قلتا ليهو سمح وختاني في الهولد شوية. صاحبتنا دخلت وقالت لي يا محمد زولك ده ضارب من جزيرة في المحيط ولغاية هنا ممكن تقطع المكالمة. قلتا ليها لازم أكمل ونستي معاهو. والراجل رجع لي بعرض تخفيض مغري وقال إنو المسؤول بتاعو وافق بعد جهد وإشترط إرسال المبلغ فوراً.عند هذا الحد قلت ليهو أنو مسؤولة مكافحة جرايم الأموال معانا في الخط وهي إستمعت لكامل المكالمة تقريباً.. وتدخلت عميلة الـ FBI وقالت له أنهم إستمعوا للمكالمة وأعطته درساً في القانون. المصيبة صاحبنا الجاتو خوفة في الأول بعد فترة إستعاد رباطة جأشه وقال ليها أعملي العاوزاهو لو قدرتي توصلي لينا... وده بيوريك إنو الناس ديل شبكات منظمة للجريمة الدولية.أما موضوع الإيميلات دي فحدث ولا حرج... المهم عدم فتح الإيميل المشكوك فيهو أو عدم الضغط على أي لينك فيهو تفادياً للـ viruses and spywares المضرة!مع كامل الود والتقدير،،،
|
Post: #6
Title: Re: +++ يا اخوانا .. خلو بالكم من واحده اسمها andquo
Author: عبدالعزيز الفاضلابى
Date: 12-07-2015, 10:15 PM
Parent: #5
Quote: وفي أثناء الحديث قلتا ليهو دقيقة بس خليك على الخط أرد على مكالمة وأجيك راجع. وطوالي إتصلت بصديقة بالـ FBI بقسم مكافحة جرايم |
آمنت بالله رباً وبـ محمد صلى الله عليه نبياً ورسولا وبـ عيسى وايوب ويونس وهارون ,, وسائر انبياء الله صلوة الله عليهم اجمعين ,, والله يا ايرنست كان كدى ناهد فوقها النور مجرور. ,,,, الـ كتراااابل
|
Post: #7
Title: Re: +++ يا اخوانا .. خلو بالكم من واحده اسمها andquo
Author: Mohamed Yassin Khalifa
Date: 12-07-2015, 10:26 PM
Parent: #6
هههههه.... والله يا فاضلابي، وماك طالبي حليفة، ووحاتك ده الحصل بالظبط!---------------------------غايتو كان كلامي ده خلاك تؤمن بالله ورسله... أخير نكتر منو!
|
Post: #8
Title: Re: +++ يا اخوانا .. خلو بالكم من واحده اسمها andquo
Author: Sudany Agouz
Date: 12-07-2015, 11:24 PM
Parent: #7
يا اخوانا ..أولاً شكراً لمداخلاتكم القيمة ..بس فى حاجة حتجننى هنا ..طبعاً أنا دخلت على العم قوقل .. ودخلت على " الويكيبيديا " .. ولقيت كلام صعب علىالمدعوة " ناهد طاهر " .. بل يقولون لا تفتح أى ويب سايت مستلم من ناهد طاهر ..وقبل دقائق أردت أن أرسل لكم ما قيل عنها .. ووجدت كل الكلام الصعب الذى قرأته فى الصباح .. قد اختفى .. وكأنه اتمسح باستيكة ..ووجدت بدله هذه الكلمات البسيطة فى موقع " الويكيبيديا " اقتباس:=====هذه المقالة يتيمة. ساعد بإضافة وصلة إليها في مقالة متعلقة بهاناهد طاهر[عدل]ناهد طاهر هي سيدة أعمال سعودية، والمؤسس والرئيس التنفيذي لبنك جولف. درست طاهر الاقتصاد في جامعة الملك عبد العزيز وعملت في الجامعة نفسها كمدرسة لعام واحد ثم انضمت إلى البنك الأهلي التجاري.[1]مصادر[عدل]Midori Extension.svg هذه بذرة مقالة بحاجة للتوسيع. شارك في تحريرها.^ http://arabic.arabianbusiness.com/special-reports/253106/197/#.VDBd2PmSzZ4تصنيفان: سيدات أعمال سعودياتخريجو جامعة الملك عبد العزيزقائمة التصفحدخولإنشاء حسابنقاشمقالةبحثاذهباعرض التاريخعدلاقرأالصفحة الرئيسيةالأحداث الجاريةأحدث التغييراتأحدث التغييرات الأساسيةتصفحالمواضيعأبجديبواباتمقالة عشوائيةتصفح بدون إنترنتمشاركةاتصل بنامساعدةالميدانتبرعطباعةإنشاء كتابتحميل PDFنسخة للطباعةأدواتماذا يصل هناتغييرات ذات علاقةالصفحات الخاصةوصلة دائمةمعلومات الصفحةمادة ويكي بياناتاستشهد بهذه الصفحةلغاتأضف وصلاتآخر تعديل لهذه الصفحة كان يوم 26 ديسمبر 2014 الساعة 08:08.النصوص منشورة برخصة المشاع الإبداعي. طالع شروط الاستخدام للتفاصيل."وندمت جنس ندم .. إنى لم أرفق ما كٌتبَ عنها .. وكنت أود أن أعملها مفاجأة لكم ..لكن طلعت هى .. أنجض منى ..والغريب .. إذا بحثتم عن هذا الإسم فى " قوقل " .. تقول كل المواقع بأنهاامرأة سعودية .. لها شهادات عليا فى الأعمال البنكية ..انتهى الإقتباس ========..غايتو .. الله قادر ..سلام لكم ..عمكم العجوز ..ارنست+++
|
Post: #9
Title: Re: +++ يا اخوانا .. خلو بالكم من واحده اسمها andquo
Author: عبدالعزيز الفاضلابى
Date: 12-07-2015, 11:52 PM
Parent: #8
يعنى يا إيرنست انا اشيل واذكِّر فيك بالقرابة الـبينى وبينكتجى تقول لى قوقل قال ,, وتغتْرِش الموضوع وتدغمسو؟ياخ مش الورثة دى هادى طرفى منها ,, وحقى باخدو بالمحكمة.انا قبل كده فى واحد نيجيرى قال انا كسبت اللوترى ,, قلت ليهو:يَلْوِتَك قندران ,,
|
Post: #10
Title: Re: +++ يا اخوانا .. خلو بالكم من واحده اسمها andquo
Author: Sudany Agouz
Date: 12-08-2015, 02:06 PM
Parent: #9
الإبن الحبيب على دفع الله ..شكراً أخى لمداخلتكم الكريمة ..Quote: ويحكوا ليك انهم عندهم مبالغ خرافية من المال ومحتاجين رقم حسابك عشان يرسلوها ليك وفي النهاية الكضبة تصل لحدت ما يطلبوا منك حق المحامي حوالي الفين دولار..وفي ناس كتار شربوا المقلب.لكن حتة ورثة دي جديدة هههه مبروك عليك الورثة بس ما تنسانا بعد ما تقبضمودتي |
هذه هى المشكلة .. ولكن فى الحقيقة .. يجب علينا أن نرشدهمبأن هذه الطريقة خظأ ..ولكن المشكلة .. انو هذا المسكين .. أو هذه المسكينة ما عارف أو ما عارفه ..انو ارنست دا مفلس .. وما عندو حق البنزين ..لكن معليش .. الله يسامحهم .. ونصلى من أجلهم ..ودمتم ابنى وأخى .. على دفع الله..الرب يبارك حياتكم ..عمكم العجوز ..ارنست+++
|
Post: #11
Title: Re: +++ يا اخوانا .. خلو بالكم من واحده اسمها andquo
Author: muntasir
Date: 12-08-2015, 05:43 PM
Parent: #10
محمد يس خليفة فاضلابي هين المعجزة لو قدرت علي عمنا ارنست تبقى عليك نكتة حسني مبارك مع مفتي الأزهر والبابا شنودة
|
Post: #12
Title: Re: +++ يا اخوانا .. خلو بالكم من واحده اسمها andquo
Author: Sudany Agouz
Date: 12-09-2015, 02:28 AM
Parent: #11
الأخ الحبيب عوض محمد أحمد ..Quote: البنية دقست في ان اسم طاهر غير متداول عند المسيحيين |
وهل هنا نوع الدين يدخل فى موضوعنا ..عمومياً لكم الشكر لكم لمداخلتكم الكريمة ..اخوكم وعمكم العجوز ..ارنست+++
|
|