Post: #1
Title: يا شباب السباحه هي المخرج من السودان:
Author: عباس الدسيس
Date: 12-02-2015, 02:52 PM
01:52 PM Dec, 02 2015 سودانيز اون لاين
عباس الدسيس-Saudia
مكتبتى
رابط مختصر كل ما إنزل السودان عندو قريبتو تشب في حلقو .... هي يا ياسر ولدي ما تجيب لي اخوك دا فيزا والله غير قعاد الضلله ما عندو التحكتحو...وكحال المغتربين... يا حاجة ما تشيلي هم بفتش ليهو وانشاءالله نلقي ليهو فيزا!!ومشت الايام وكل اإجازة منتظرين فيزا للولد حتي كادت ام الولد ان تصدق مقولة المغترب مرتو شحماااااااااانه واولادو قليلين ادب والاب كضاااااااااااااب.اخر زيارة للسودان كان يتحاشي مقابلة الوالدة او ولدها. ولسؤ الحظ في سماية واحده قريبتو قابل الولد الغريبه الولد سلم عليهو عشان ما اتحرج عمل اضان الحامل طرشا.بعد الصينيه المدنكله الما خمج الكمونيه بي جمبه والضلع في النص مشي اغسل يديهو .ياااااااا الولد جاهو شايل الابريق إغسل ليهو بقت مافي طريقه للزواقه وعايز ادخل في المجاملات لعلها تكون مخرج.كيف يا ولدنا والله انا شغال ليك في موضوع الفيزاالمرة دي الولد عمل منو زغبير وكانو الكلام ما بعنيهو ... يا خال الصابونة عشان الزول داك عايز اغسل...التجاهل من الولد غاظو ورفع ضغطو واشتغل الوسواس ((انت عارف يا ياسر الجماعه ديل خلاس لصقو فيك حكاية المغترب وتلقي حسي الناس كلها بتقول ياسر الكضاب)) وفجأة نهر الولد ... اسمع مالك بتطانشني انا قلت ليك شغال في موضوع الفيزا تقول لي الصباونه شايفني بعد اغسل يدي عايز ادخل بيها الحمام.الولد بكل ادب ... يا خال ما تزعل انا خليت موضوع الفيزا واشتركت لي مع زول بعلمنا السباحة وقنعت من السعودية وقلتا يا غرق يا جيتا حازما.تصدقو الولد حسي في فرنسا....قصة واقعية....ونتابع في حكاية شابا السودان والاغتراب
|
Post: #2
Title: Re: يا شباب السباحه هي المخرج من السودان:
Author: willeim andrea
Date: 12-02-2015, 03:01 PM
Parent: #1
والله حالة صعبه خلاص
|
Post: #3
Title: Re: يا شباب السباحه هي المخرج من السودان:
Author: عباس الدسيس
Date: 12-03-2015, 06:22 AM
Parent: #2
| Quote: والله حالة صعبه خلاص |
سلام يا willeim andrea يا حبيبناغير معقول الناس فاتت مرحلة الطموحات والاحلام وارجع السودان عندو قروش عشان اتزوج واعمل ليهو بيتوصلت مرحلة عايزة تتخارج بس انشاءالله سباحة موته في سبيل الخروج من جهنم احسن من الجلوس علي جهنمالكيزان الصير ((الصغار صغار)) اتكبو هنا في السعودية عشان هم ذاتم راحو في الرجلين والبلد ما بفضل فيها بعدين غير ناس المجلس الوطني والوزراء وعمك بشةتحياتي وتقديري
|
Post: #4
Title: Re: يا شباب السباحه هي المخرج من السودان:
Author: محمد مجيدو
Date: 12-03-2015, 06:34 AM
Parent: #1
| Quote: يا خال ما تزعل انا خليت موضوع الفيزا واشتركت لي مع زول بعلمنا السباحة وقنعت من السعودية وقلتا يا غرق يا جيتا حازما.تصدقو الولد حسي في فرنسا.... |
يا عبس ... سلام والله فكره كويسه ..الواحد يتعلم السباحه ويمرقاااا في كندا ....
|
Post: #5
Title: Re: يا شباب السباحه هي المخرج من السودان:
Author: عباس الدسيس
Date: 12-03-2015, 06:50 AM
Parent: #4
| Quote: يا عبس ... سلام والله فكره كويسه ..الواحد يتعلم السباحه ويمرقاااا في كندا .... |
مجيدو سلام وتحية مشتاقونزي ما بقولو الجماعه ((كتمت)) ولو ما وصلت كندا الحلول في اعمل فيها قراصنه مع اقرب جزيرةما شايف بتاعين الصومال عايشين في امانت اللهممكن بعد عمليتين تلاتة تفوت داعش في الشهرةعلمو ابنائكم السباحة وركوب الخيل وبما انو عندنا هناك حصين الكارو الناس تمسك في السباحة هي المخرجتحياتي وتقديري
|
Post: #6
Title: Re: يا شباب السباحه هي المخرج من السودان:
Author: Hani Arabi Mohamed
Date: 12-03-2015, 06:58 AM
Parent: #1
مع المعادلات المستحيلة الوصل ليها الوطن أصبح هم الكثير فعلاً الهروب .... بمعنى الكلمة ! حتى لو كان الهروب دا من "الطوّة" "للنار"
|
Post: #7
Title: Re: يا شباب السباحه هي المخرج من السودان:
Author: ياسر السر
Date: 12-03-2015, 07:51 AM
Parent: #6
حبيبنا عباس الدسيس الراجل الدسيس ياخ غايتو لو ما انا متاكد من نفسي كان قلت المقصود ده انا زاااااااااتي بالرغم من اني بديت اتلفت يمين يسار واراجع في نفسي واجازاتي قلت امكن انا وعدت لي زول بي فيزا ولا شي !!! الله يجازي محنك كان شككتني في نفسي هههههههههههههه ... غايتو يا عبس زولك ده هسة يكون غاطس في البطاطس في باريس وما بعيد يكون نزل صورو في الفيس جنب برج ايفل وخلي الجماعة كوووولهم يجرو على النيل جري عشان يتعلمو السباحة ,,, حالة صعبة فعلا غايتو يا عبس وكدي اسال لينا زولك ده كان يلقى لينا فيزا معاهو بس قولي لي زولي ده ما بعرف التكتح في السباحة ... واصل يا حبيب نحن متابعين ... تحياتي : ياسر العيلفون ....
|
Post: #8
Title: Re: يا شباب السباحه هي المخرج من السودان:
Author: أيمن دياب
Date: 12-03-2015, 08:28 AM
Parent: #7
إذا كتب الدسيس بوست..فتش على مداخلة ياسر العيلفون..
أحبكم الجوز
|
|