Post: #1
Title: ماهي أسباب تعثر عمل الجاليات السودانية في بلاد المهجر(شاركونا )
Author: سيف اليزل برعي البدوي
Date: 12-02-2015, 00:05 AM
Parent: #0
11:05 PM Dec, 02 2015 سودانيز اون لاين
سيف اليزل برعي البدوي-
مكتبتى
رابط مختصر الترسبات القبلية وترسبات النشئة و المشاكل السياسية في وطننا و تعدد الانتماءات السياسية و خلط كل هذا بالعمل الطوعي..تشتت الجهود و انهارت جمعيات كثيرة
|
Post: #2
Title: Re: ماهي أسباب تعثر عمل الجاليات السودانية في
Author: سيف اليزل برعي البدوي
Date: 12-02-2015, 00:13 AM
Parent: #1
جاليتنا السودانية في بوسطون مثال للتعثر فما زلنا مؤجرين حتي الان و ما عندنا دار ملك مع اننا قوة ضاربة لو اتحدنا و ما زال كثير من ابناء جاليتنا خارج السرب من الشغل للبيت و من البيت للشغل لا يظهرون الا في الملمات الكبيرة و اغلبهم يظهرون في حالة الوفيات او تجمعات الاعياد و بعض افطارات رمضان..نحتاج للتكاتف و لصندوق تكافل و لشراء دار ..
|
Post: #3
Title: Re: ماهي أسباب تعثر عمل الجاليات السودانية في
Author: سيف اليزل برعي البدوي
Date: 12-02-2015, 00:20 AM
Parent: #2
بلا شك أننا تعودنا علي الحياة هنا و تجنس معظمنا و اولادنا اتولدوا هنا ..جينا هنا لتحسين اوضاعنا و اوضاع اهلنا ..حققنا الاستقرار في مسائل مادية كثيرة لكن ظهرت مشاكل من نوع اخر مع استمرار الوقت ..مشاكل اخري بخصوص تنشئة الاولاد ..مشاكل وجدانية فلا الوطن الاول مستقر للرجعة مع الاخذ في الاعتبار اننا مهاجرين لكن البعض بيتعامل مع امريكا بفهم الاغتراب لسه..بعضهم ما مركز لاهث وراء الدولار بس..محبي العمل الطوعي الذين سخرهم الله لخدمتنا يعانون من مشاكل كثيرة لانهم يعطلون مصالحهم من اجل خدمة الجالية و في النهاية كثيرا ما لا يجدون كلمة (شكرا)...
|
Post: #4
Title: Re: ماهي أسباب تعثر عمل الجاليات السودانية في
Author: سيف اليزل برعي البدوي
Date: 12-02-2015, 01:04 AM
Parent: #3
هل المشكلة تكمن في الشخصية السودانية؟ نحن بصراحة مدلعين من السودان تلقي الواحد مننا بغسلوا ليه هدومه و الصينية تلو الصينية امامه. الواحد يجي الغربة ما بقدر يقومو بالobligations بتاعتو تجاه الكومينتي يدوب تلقاه يحلحل في مشاكل الكريدت حتي مقار الجمعيات اصبحت اماكن للعب الكوتشينة و هي نفسها عامل جذب للشباب نحو تلك المقار لكنها برضو بتسرق الوقت و ده بدخلنا في موضوع عدم احساسنا بالوقت .بعدين في احيان كثيرة معظم الناس ما بتلاقوا الا في مقرات الجمعيات و هاك يا سلام وونسة و لمن يبدأ الevent تلقي الزول المتحدث بنبه فيهم يسكتوا و تكون الونسة هرجلة شديدة احيانا-بعدين في مرات كثيرة بكون في ناس ملتزمين بدفعوا و تلاقي ناس ما دافعة و متصدرة احداث كثيرة و برضو مسألة الدفع للاشتراكات بتساعد في استمرارية العمل لكن الدفع باللزة مرهق جدا لمن يتحصل القروش -و الله شئ محزن ان تجد جاليات كثيرة امتلكت دور و امورها وضحت و نحن وقت الحاجة بنأجر منهم مقارهم لمناسباتنا فمتي نلحق بركبها؟
|
Post: #5
Title: Re: ماهي أسباب تعثر عمل الجاليات السودانية في
Author: السنجك عثمان
Date: 12-02-2015, 07:06 AM
Parent: #4
فى كثير من الحلات وفى كثير من بلاد المهجر وبالذات التى يتواجد فيها مرتزقة الكيزان وازلامهم يكون السبب هم اما بسيطرتهم عليها واما بالعمل على تمزيق وحدة الجاليه ...
|
Post: #6
Title: Re: ماهي أسباب تعثر عمل الجاليات السودانية في
Author: الزاكى دبة
Date: 12-02-2015, 03:48 PM
Parent: #1
شكرا على هذا السؤال والذى من خلاله نصل للمعضلات التي تعوق عمل الجاليات السودانية في الخارج ومن خلال تجربتى الشخصية في العمل العام والتطوعى واستنتاجاتى بالإضافة الى ما ذكرته استطيع ان أقول ان من الأسباب الرئيسية الانغلاق على الذات بالذات العذابة و بمعنى انه لا يكلف نفسه بالبحث عن أماكن تواجد السودانيين رائدا سهولة اندماج السودانيين في المجتمعات الجديدة وربما لتباعد المسافات وضيق الوقت وظروف العمل وعدم التزام العضوية بدفع الاشتراكات وعدم تفاعلهم ببرامج المكاتب التنفيذية .
|
Post: #7
Title: Re: ماهي أسباب تعثر عمل الجاليات السودانية في
Author: Abureesh
Date: 12-02-2015, 04:00 PM
Parent: #6
أبعدوا الكيزان والشيوعين وما بتجيكم عوجة. ديل سياسين وليسوا مواطنين عاديين، واى نشاط عايزنو لصالح حزبهم وليس لصالح الجالية او السودان. Militants
|
Post: #8
Title: Re: ماهي أسباب تعثر عمل الجاليات السودانية في
Author: سيف اليزل برعي البدوي
Date: 12-05-2015, 05:07 PM
Parent: #7
شكرا لكل مشاركاتكم و لي عودة ان شاء الله
|
|