|
Re: محمد طاهر ايلا حسبي الله و نعم الوكيل فيك � (Re: عماد الدين الطيب عمر)
|
أصدر والي ولاية الجزيرة السيد محمد طاهر أيلا قرارا بإزالة كل الحدائق التي توجد أمام منازل مدينة ود مدني و المدن الكبرى في ولاية الجزيرة وقطع الأشجار الظليلة بحجة توسعة الطرقات أمام المارة والسيارات تمهيدا لسفلتة الشوارع وإعادة تجميل المدينة مما اثأر القرار ردود أفعال وموجة استياء كبيرة في تلك المدن بعد إمهال المواطنين لفترة محددة قبل تعرضهم لعقوبة دفع غرامات مالية عالية ،مما اضطرهم لإزالة هذه الحدائق بأنفسهم ،علما بان هذه الحدائق المنزلية بمثابة المتنفس الوحيد لسكان مع ارتفع درجات الحرارة وانقطاع التيار الكهربائي المتكرر.
| |
|
|
|
|
|
|
Re: محمد طاهر ايلا حسبي الله و نعم الوكيل فيك � (Re: عماد الدين الطيب عمر)
|
عماد سلام من الله عليك و على ضيوفك الاكارم و الله يا عماد حكاية انه يشيل الحدائق من امام البيوت دا اجمل و احسن قرار فى نظرى و يا ريت لو والى الخرطوم بقى عنده الشجاعة اللى يعمل بيها كدة برضو يا خى اى واحد عامل حديقة 3 متر قدام بيته و فى الجهة المقابلة التانى كمان عامل و الشارع كل عرضه 8 امتار ما يفضل فيه حاجة للمارين لو فى تشجير ما يكون بالصورة دى و ما يكون على حساب عرض الشارع و يجب ان يكون بدراسة فنية مش اى واحد يستقطع من الشارع و يوسع لى بيتهلك لشكر و التحايا مرة اخرى
| |
|
|
|
|
|
|
Re: محمد طاهر ايلا حسبي الله و نعم الوكيل فيك � (Re: أبوبكر عباس)
|
**المدنيين خططوها منذ التمانينات والتعويضات أدوها ليهم ببانت غرب قبل مدرسة المؤتمر ونادي الرابطة وإتّا طالع من مدني**كيف يعنى خططوها منذ التمانينات وادوهم تعويضات في بانت؟ دا معناه قلعوها منهم.. وبأى حق؟ تخطيط يعنى تخطيط يخططوها ويسلموهم نمرهم الجديدة في نفس الحى.. وبالله هم رضوا وسكتوا؟ السودانيينديل مساكين خلاص.. الغنماية تاكل عشاهم.
| |
|
|
|
|
|
|
Re: محمد طاهر ايلا حسبي الله و نعم الوكيل فيك � (Re: أبوبكر عباس)
|
تحياتي اخ عمادلا تظلم ايلاالراجل لقى قدامو تركة يصعب تحملها, ومع ذلك ابدع حتى الانقرار ازالة البرندات من امام المحلات والدكاكين في السوق وقرار ازالة الحدائق الخاصة بالبيوت قرار موفق جداوكله للتنظيمحسب علمي ان المدينة ومنذ استلامه لها بدأ فيها شغل سفلتة يشهد له بها الجميع غير التجميل الحاصل في الطرقيبقى ننتظر النتيجة بعد كم سنة ولا نتعجل الحكمالكل متفائل جدا بأيلا وما سيحدثه من تنمية وتطويراتمنى ان يركز على البنى التحتية اكثر.كل الود والاحترام
| |
|
|
|
|
|
|
Re: محمد طاهر ايلا حسبي الله و نعم الوكيل فيك � (Re: Mohammed Abuzaid)
|
Quote: سلام عماد،هسع مداخلاتك دي كلها ما فيها حاجة ممكن تؤخذ ضد الرجل.الكهرباء والغاز ديل مشاكل مركزيةالحدائق ولّ التحويشات القدام البيوت غير قانونية والمفروض بعد الإزالة يغرمكم كمان |
عليك نور يا بكة .يا عماد الشي العملو أىلا ده مفروض أي والي أو مسؤل عندو ضمير يعملو .حدائق شنو الازالة إيلا . يا راجل الناس إتعدت على الشوارع بصورة عجيبة .مافى حديقة 7 أمتار فى الشارع عندك متر ونص قدام حرم البيت تزرع فيها شجر وإيلا ما بيقدر يتكلم معاك .لكن حكاية الناس تبني مطابخ وتعمل برندات وجلسات وحمامات كمان فى الشارع تحت ستار الحديقة ده تعدي وتعدي سافر كمان .عندنا شارع مساحتة لاتتعدي ال 15 متر ....واحد عمل ليهو حديقة قدام بيتو 5 أمتار والمقابل ليهو عمل حديقة 5 أمتار تخيل المنظر أها تاني فضل شنو فى الشارع .
| |
|
|
|
|
|
|
Re: محمد طاهر ايلا حسبي الله و نعم الوكيل فيك � (Re: حيدر بشير)
|
حيدرسلاماتالمسالة وقفت على التجميلالناس عندها قضايا اكبر من كدةو لا انت يا ايلا عايز تشغل الناس من الصفوف الطويلة ديتشغلهم بتقليع اماكن الاسترخاء و الراحة الوحيدة الباقية ليهم ...ما عندنا مانع يقلع ينظم بس يا اخي دي ما اهم شيء انت تعملوو لا اهم شيء تبدأ بيه ...
| |
|
|
|
|
|
|
Re: محمد طاهر ايلا حسبي الله و نعم الوكيل فيك � (Re: احمد الشيخ)
|
Quote: هذه ليست نجمة وليست لإسرائيل.. بل هي خاتم نبى الله سليمان ونحن أولى به.. مثلما يصوم المسلمون عاشوراء وهم أولى بموسى كما قال نبينا عليه السلام. |
شكراً يا أبوريش علي الرد ..بل ياخوي هي نجمة وهي في علم إسرائيل وتسمي نجمة داؤود بالإضافة لتسميتها خاتم سليمان .. وهي ترمز لإسرائيل وتعليقها في البروفايل توحي بمناصرة إسرائيل ، وتشبيهك ليصيام عاشوراء ،، ممم ربما،، ولكنه غير مناسب للواقع الحالي .. ولكن طبعاً مع حرية التعبير التي تعم العالم ليك كامل الحق أن تعلق في بروفايلك ما تشاء .. سؤالي فقط كان من باب الفضول ..
| |
|
|
|
|
|
|
Re: محمد طاهر ايلا حسبي الله و نعم الوكيل فيك � (Re: Munir)
|
يا منير لو النبى عليه السلام قال: نحن أولى بموسى.. فنحن أولى بخاتم سليمان.الرسول لم يقل ان صيام هذا اليوم ارتبط باليهود لذلك نبعد منه. وإنما (قلعه) منهمأحمد الله ما ختيت الصليب المعكوف.. وهو يرمز الى الديانة اليهودية منذ الاف السنين.. وهتلر الذى إعتمده كشعار النازية والسبب لأنه (هتلر) في مرحلة ما كان يريد ان يتحول للديانة الهندوسية.. شفت كيف.. أعمل شوية قوقل لكل ما قلته..
| |
|
|
|
|
|
|
Re: محمد طاهر ايلا حسبي الله و نعم الوكيل فيك � (Re: Ahmed musa)
|
تحياتي يا عماد ..شوف ايلا ده زي الفنان التشكيلي ..لمن يبدأ رسم اللوحة ما تفهم اولها من آخرها .. وتعتقد انها شوية شخبطهوعندما ينتهي من الرسم .. يصبح عمل يسر الناظرين ..وصدقني ما في زول حيغير من مدني منذ وجودها حتى اليوم الى افضل لوحة مثل إيلا ..كان الله مد في الآجال ساذكرك كلامي ده ..لو الحكومة دي فيها 10 زي ايلا كان السودان في مصاف فرنسا الآن ..هههههأصبروا شوية على قريبي ده ...
| |
|
|
|
|
|
|
Re: محمد طاهر ايلا حسبي الله و نعم الوكيل فيك � (Re: Dr. Ahmed Amin)
|
هههههه عماد الدين الجاتك في بوستك سامحتك .. كنت ملان نشاط وتحسبن على ايلا وكشحت ليك كم مداخلة نارية لكن جاك المستنير ابو بكر و عمل على تمييع نشاطك بمداخلة سلكت الطريق لتنفيس البوست وبقيت بدل مواصلة ثورة غضبك على ايلا بقيت تدافع عن ما كتبته ... احيانا الاستنارة بتكون هدامة والدليل المادي القدامي هو هدم ما بناه عماد الدين ...الله لا كسبك يا ابو بكر عباس .. قف الاخ عماد انا متضامن معاك حسبي الله ونعم الوكيل علي ايلا والبشير والزبير واحمد هارون والضو الماحي ورفاعة النعيم وحسن قرقاش ....-------انا غايتو مقتنع قناعة حد اللارجعة من قناعتي لو اتو بالشمس عن يميني و عطارد عن شمالي لا ايلا ولا اي واحد خريج المدرسة الاسلاموية ان يقدم شيء ايجابي للوطن والمواطن في اي زمان او مكان في وقت حكمهم ..تحياتي عمدة واصل يا زول
| |
|
|
|
|
|
|
Re: محمد طاهر ايلا حسبي الله و نعم الوكيل فيك � (Re: Ahmed musa)
|
يا عماد المبالغة في دعوتك الخشنة دي .. لما قريت عنوانك ( حسبي الله ونعم الوكيل فيك ) أنا قلتا الراجل كتل ليهو زول واللا شرد ليهو أسرة واللا سرق بنك لقيت الحكاية مجرد عدم ترتيب الأولويات .. عليك الله كان دي ما مبالغة المبالغة شنو تاني ؟؟؟معقولة ياخ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
Re: محمد طاهر ايلا حسبي الله و نعم الوكيل فيك � (Re: طلحة عبدالله)
|
طبعاً ياعماد زي الناس هنا ماشة للاتفاق حول انو التعدي على الشارع العام خطأ لانه فيه تعدي على حقوق اخرين دي نقطة نرجع لإيلا والعمله والحيعملهإيلا شغال على تلاتة محاور إصلاح الخدمة المدنيةإصلاح حال المدينة مدينة الكبرى والولاية بشكل عام البناء المجتمعي الخدمة المدنية مشى فيها كويس وإكتشف إنو في مشاكل في كشوفات المرتبات شغال في معالجتها كمرحلة أولى والمرحلة التانية محاسبة المتسببينمن ناحية تانية اوقف كثير من الحوافز والإيجارات للسيارات وماشي في مشروع حوسبة العمل الإداريده بحد ذاته لو فعله لكفاه المدينة شغال في إعادتها سيرتها الأولى ...مدني من المدن الجميلة وشغال فيها لتهيئتها كمدينة يتمنى الجميع زيارتها جمال المدينة وزيارة الناس في أشكال إحتفالية مختلفة تبقى هي مورد هام للولاية المجتمع عمل إيلا على التواصل معه في لقاءات متعددة لإيمانه بأن مجتمع ود مدني مختلف من بقية المجتمعاتبمافي ذلك مجتمع الخرطوم
| |
|
|
|
|
|
|
|