Post: #1
Title: عبود لم يجن جنيتو أنتو..
Author: Abureesh
Date: 11-28-2015, 02:52 AM
Parent: #0
01:52 AM Nov, 28 2015 سودانيز اون لاين
Abureesh-مكان ما على الكرة الأرضيـة
مكتبتى
رابط مختصر يحكى أن رجلا سكيرا من زمن الرئيس عبود.. طشمة واحدة (النص ورا النص).. جات ثورة أكتوبر.. ثم جاء النميرى.. وحرم الخمر.. أصحاب الزول جوهو قالوا ليه يا زولبعد دا أحسن تبطل السكر لأن الموضوع بقى فيه جلد وسجن والبارات قفلوها ومنعوا الشراب.. قال ليهم إنتو عبـود دا جن والا شنو؟ أوكى.. ما تكملوا الضحك وفروه لنكتة تانية أو موقف تانى.. لأن السودانيين، وبعد تغيير العملة يحسبوا القروش بالجنيه القديم الذى بدل قبل عشر سنين.. أها المجنون منو فيكم؟ هل دا سببه الكسل الذى يتهمنا به الخليجيون والذى يجعلنا لا نغير أسلوب حساب القروش..
|
Post: #2
Title: RE:
Author: Abdullah Idrees
Date: 11-28-2015, 09:27 AM
نعم شيء غريب ..الأغرب ان الجهات الرسمية والصحف لم تبارح مرحلة العملة القديمة وعليها بالطبع يقع العبء الاكبر ..الواحد يجيب الرقم ، ممتد واطول من يوم السبت ويقول ليك "بالقديم" ، طيب ما تجيب الرقم بالجديد الساري وتريحنا ياخ .. سلام ابوالريش
|
Post: #3
Title: Re: RE:
Author: Abureesh
Date: 11-28-2015, 11:03 AM
Parent: #2
واللاى يا عبد الله قدر ما حاولت أفهم اى معنى او اى تفسير للموضوع دا طوال السنين الماضية، لم اقدر أبدا على فهمه.. لذلك قررت عمل حملة ضده، على بال السكرة تفك والناس تعرف انالجنية واحد والجنيه القديم هسى ما شغال.. بالله دى عالم دايرين يحرروا حلايب واللا يسقطوا الإنقاذ. الواحد ما عارف الفرق بين الف ومليون؟ ديل مفروض يرجعوهم الإبتدائى.. واطالب جهاز الامن أو اى كان اسمه، ان يفرض رقابةقبلية وبعدية على الصحف، واى صحيفة تكتب مليون بالقديم يصادروا العدد بتاعها (بعد الطباعة) عشان يخسروا زيادة. . وأى مسؤول حكومييقول مليون بالقديم يجيبوه ويدوه تحليل.. يختوا مليون قصبـة على يمينه، ويللا يحلل.. مليون تساوى مليون... مليون تساوى واحد وتسعمائة وتسعين الف وتسعمائة تسعة وتسعين.... لحد ما يتمها. عالم شنو؟ مغيبين؟ منومين؟ مساطيل.. شنو؟
|
Post: #4
Title: Re: RE:
Author: حمد عبد الغفار عمر
Date: 11-28-2015, 11:22 AM
Parent: #3
يا أبو الريش سلام ياخ المسألة نفسية وتطمين للنفس ما أكتر البائعين (أي كانت السلعة ) بكونوا عايزين النفخة يعني مثلا زول عندة قطعة أرض اشتراها زمن المليون بخمسمائة مليون لما يجي للبيع وتقول ليهو أرضك دي بشتريها منك بسمعمائة ألف ما بكون مرتاح نفسيا لأنو أثر المليون والعظمة بتاعتو ما زالت مؤثرة فيهو تانيا من كثرة تسمية العملة الناس بقوا شغالين فيها بالفهم بس بعيدا عن المسمى لكن يجب أن تكون التعاملات والمكاتبات في الإجراءات الرسمية بالألف
|
Post: #5
Title: Re: RE:
Author: Abureesh
Date: 11-28-2015, 01:50 PM
Parent: #4
واللاى يا اخ حمد دا سبب محزن اكتر من الممارسة.. يعنى فكر مافى.. الناس تتعامل بالعواطف والتمنيات.. هذا يوضح ضعف الشخصية السودانية (بدون تعميم طبعا)
|
Post: #6
Title: Re: RE:
Author: عرفات حسين
Date: 11-28-2015, 02:05 PM
Parent: #5
تحياتي  اشهر شخصيه ايبان حكم عبود
|
Post: #7
Title: Re: RE:
Author: Abureesh
Date: 11-28-2015, 02:51 PM
Parent: #6
يا قريبى. شنخوا هى وكالة الانباء الصينية.. المناسبة شنو كانتِِمسؤول صينى زار السودان فى الوقت داك
|
Post: #8
Title: Re: RE:
Author: عرفات حسين
Date: 11-28-2015, 03:10 PM
Parent: #7
ده بلدياتنا كان ببيع الطعميه قدام مدرسة الخرطوم الابتدائيه ( امام الجامع الكبير ) واسمح طعميه في الخلرطوم ...... والصبح كان بلبس كده زي ما في الصور .. ويطبل لي عبود ( ذي ود الباوقه كده ) ويقول : ترررلي لالا ... يا عبود نمص المنقه يا عبود سكر ولمون يا عبود الي ان طير عبود حلفا ...... وانقلب عليه , واصبح يقول: حلفا دغيم ولا باريس الله يطلع د ي ن ك يا عبودالفديو ده هديه لك https://www.youtube.com/watch؟v=kGSJBSoQXyMhttps://www.youtube.com/watch؟v=kGSJBSoQXyM
|
|