فـــــازورة (غلوتيــة) من يحلها؟

01:00 AM Nov, 28 2015

سودانيز اون لاين
Abureesh-مكان ما على الكرة الأرضيـة
مكتبتى
رابط مختصر

مشيت دكان تشترى علبة صلصلة..

البائع قال ليك ثمنها جنيه

مشيت للدكان البعده وسألته نفس السؤال عن نفس علبة الصلصـة.. والبائع قال ليك ثمنها 900 جنيه.

1- تشترى من منو فيهم؟
2- لو المشترى أجنبى حيقول شنو؟

سلامات يا ابو الريش
لو اعتبرنا ان النظام في السودان نظام اسلامي كما يقال فطبيعي أن يبيع كل تاجر
بالسعر اللي يريحو لأن المسعر هو الله و لا يجوز التسعير في النظام الاسلامي
الا في حالات موجودة في كتب الفقه كما قرأت في اكثر من موضع.
و اما اذا كان النظام نظاما رأسماليا يعتمد نظام السوق الحر و هو امر ليس ببعيد
فايضا لا يجوز أن تتدخل الحكومة في السوق و تفرض اسعار ا على المتعاملين فيه
و الاجنبي سيتفهم ذلك و سيعرف أن الشراء مسؤولية الشاري و هو الذي يقع عليه عبء
البحث عن افضل عرض ممكن في السوق.
و اما اذا كان النظام نظاما طفيليا لا يتبع منهجا اقتصاديا بعينه و يعمل برزق اليوم باليوم
و يغلب مصلحة فئات معينة من المجتمع و هو الارجح في حالة السودان فايضا هذا التفاوت
في الاسعار ليس مستغربا لأن احد التاجرين ربما يكون لا يدفع اس ضرائب او رسوم او يستورد
بعملة مدعومة من الحكومة و بضاعته ليس عليها اي نوع من الجمارك فحق له أن يبيع
بالسعر الذي يريد. و اما الاخر فعليه جبال من الضرائب و الجمارك و الزكاة و الرشاوي
و ما عندو اي طريقة غير ال900 جنيه.
اما الاجنبي البشتري صلصة ده فامره هو الغريب و العجيب حقا :)

أشتري من ابو 900 جنيه
أظن الأول قاصد يقول ألف جنيه والتاني 900 جنيه
غايتو دا فهمي للقديم والجديد

يعني انا سرحت بعيد يا معاوية و الحكاية قديم و جديد؟
طيبب ممكن الزول كلو ما يقولوا ليهو سعر حاجة يسأل للتأكيد: قديم و للا جديد يا اخوي؟

**طيبب ممكن الزول كلو ما يقولوا ليهو سعر حاجة يسأل للتأكيد: قديم و للا جديد يا اخوي؟**

لازم يا دكتور.. دا الحال في السودان بقى كدا. لازم تحدد نوع العملة (السودانية).. شفت الحكومة الشيطانة دى جننت الناس ولعبت بعقولهم كيف؟

من زمن التوالي السياسى والسودانيين يتوالوا ويتلولوو.. ياخ لو ما معترفين بالعملة الجديدة اطلعوا الشارع وطالبوا بإعادة الملايين دى.

شكرا يا معاوية ود المدير.. والدكتور عارف لكن استغل البوست عشان ينفذ أجندته.. :)